Chapter 8
ندى:بتبصلى كدة ليه؟!!
شيون:ها؟!!أنياااا...مفيش
***********************************
فى اللحظة
ديه قررت أعترف لنفسى...أنا بحب البنت ديه فعلا...
صوت قلبى لوحده لما بشوفها دليل على كدة...بس هى!!!!يا ترى بتحبنى؟!!
ولا فى شخص تانى فى قلبها؟؟؟
كانت حطة الفوطة حولين رقبتها و راحت على المطبخ...كانت واقفة بتعمل
hot chocolate تقريبا...روحت و قعدت على الكرسى اللى جنبها فى
المطبخ...كانت واقفة جنبى بالظبط مفيش بيننا مسافة كبيرة,
,كانت ريحة عطرها واصلة لأنفى..قومت من على الكرسى شوية و سندت بأيدى على
الترابيزة و أيدى التانية مديتها عشان أخد كوباية من جنبها...كانت واقفة فى
وسطى,,بالحركة اللى أنا عملتها ديه كانت فى حضنى تقريبا و وصلتلى ريحة عطرها
أقوى من الأول..كانت رائحته قوية مزيج بين الرومانسية و الإثارة ..غمضت عينى و
تنفست من خلال خصل شعرها...حسيت إن الزمن وقف فى اللحظة ديه لغاية أما وصلنى
صوتها...
ندى:"شيون
أنت قريب أوى"
أخدت
الكوباية و رجعت قعدت تانى على الكرسى..و أديتها الكوباية...
"ممكن تصبيلى معاكى؟!!"
ندى:"كان ممكن تطلب منى من غير ما تجيب الكوباية بنفسك"
كانت مركزة فى اللى هى بتعمله...
"نوع عطرك أيه؟!!"
ندى:" Euphoria..عجبك؟!!"
"اه..ريحته قوية,,جبتيه منين؟!!عشان ممكن أشترى واحد لماما فى عيد
ميلادها"
أديتنى كوبايتى و قعدت على الكرسى اللى جنبى و أحنا بنشرب الhot
chocolate
ندى:"جبته من فرنسا..بحب أجيب البرفيوم بتاعى من هناك..ممكن أوصيلك
على واحد أو ممكن تلاقى هنا كمان الأصلى.. بس أنصحك لو هتجيب
لمامتك هاتلها CHANEL هيكون مناسب أكتر"
مش عارف ليه كنت حاسس أنى مش قادر أسيطر على نفسى..الوضع اللى
أحنا فيه ده..لبسها و كلامنا مع بعض..حتى أنى كنت حاسس إن نظراتى
فضحانى...كنت بضحك على الأفكار اللى فى راسى...كنت حاسس كأنى
قاعد مع زوجتى..هههههههههههه بجد الأفكار ديه....
ندى:"مالك؟؟مبتسم كدة ليه؟!!أنت فيك حاجة غريبة النهاردة..."
"أوووه؟؟أنيااااا..كنتشانا"
قامت من جنبى و دخلت أوضتها..و أنا قعدت على الكنبة و بأنب نفسى على
أفكارى ديه..حتى لو كنت بحبها المفروض أتماسك أكتر من كدة...مش بنت
هى اللى هتوقعنى....
**************************************
المكان كان حلو أوى...أول مرة أجى هنا مع أنى عايشة فى كوريا بقالى 3
سنين....مكنوش قالولى إن التصوير هيكون لأغنية...
المغنى جانغ جيون سوك...بجد لطيف أوى و الشغل معاه مريح..
 |
جانغ جيون سوك كضيف شرف |
بدأنا التصوير و كانت تجربة ممتعة بالنسبة ليا..كنت مستمتعة باللى أنا
بعمله...و أخيرا بعد يوم طويل رجعنا الأوتيل...
أول ما دخلت أوضتى حبيت أكلم ندى عشان أطمن عليها...
ندى:"ألو...دمدوم حبيبى..أزيك؟!!"
"أنا تمام بسماع صوتك..أنتى عاملة أيه؟!!"
ندى:"أنا كويسة الحمدلله...وحشتينى أوى"
"وأنتى كمان وحشتينى...عاملة أيه و أنتى قاعدة لوحدك؟!!"
ندى:"أنا مش لوحدى...شيون هنا,,معرفش أيه اللى رجعه!!!!قال أنه هيبات
برا و جيه بردوا"
"هههههههههههه...مش هيسبوكى تتهنى لوحدك يوم"
ندى:"باين كدة...سيبك منى...أنتى عاملة أيه؟!!أكيد الجو هناك
توحفة..صح؟!!والشغل عامل أزاى؟!!كله تمام؟؟؟"
"اها...كله تمام وحلو...والمكان جميل جدا...تعرفى؟!!طلع أننا هنصور
أغنية...هكون الموديل فى أغنية جانغ جيون سوك"
ندى:"وااااااه...بجد؟!!يا بختك..أنا شوفت صوره على الانترنت بجد عسول
أوى"
"ههههههههههه...ماتتلمى يا بت"
ندى:فى أيه؟!!محسسانى أنى بتكلم عن خطيبك"
"هههههههههههه...يخربيت أفكارك ديه...بتجيبى الأفكار ديه منين؟!!"
ندى:"هى بتيجى على بالى وخلاص"
قعدنا نتكلم و نضحك كتير وبعد ما قفلنا دخلت أنام بسرعة عشان أستعد
للتصوير تانى يوم...
******************************************
دخلت أوضتى و لبست هدومى....معرفش كان بيبصلى كدة ليه!!!أنا كنت
لابسة روب الحمام بس مكنش باين من جسمى حاجة..حتى أنى سعات بلبس
هدوم أقصر من كدة كمان...
خرجت بعد ما لبست و سرحت شعرى...كان قاعد على الكنبة و بيتفرج على
التليفزيون...رحت قعدت جنبه....
شيون:"شكلك أتضايقتى عشان رجعت...كنتى عايزة تقعدى لوحدك؟!!"
رديت:"أنياااااا...مزعلتش ولا حاجة...بس بقالى فترة طويلة مقعدتش لوحدة
و متوقعتش إنك تيجى النهاردة"
شيون:"أهااا...أنتى أتعشيتى؟!!"
"لأ...مش عايزة أكل..أنت أتعشيت؟!!"
شيون:لأ...وجعان"
"و مع الأسف مفيش أكل هنا"
شيون:"امممم"
سكت شوية و بعدين أتكلم تانى:"طب أيه رأيك نروح سوبر ماركت نشترى
حاجات للعشا و غدا بكرة؟!!"
فكرت شوية وبعدين أفتكرت....
"أوكى...أنا هقوم ألبس دلوقتى"
قمت بسرعة و لبست هدوم الخروج و خرجت من الأوضة لقيته مستنينى....
شيون:"يلا"
نزلنا الجراج...وهنا بدأت المشكلة...
"خلينا نروح بعربيتى"
شيون:"لأ هنروح بعربيتى أنا"
"وأشمعنا بقى؟!!"
شيون:"عشان أنا الراجل"
"ها؟؟؟أنت لسة عايش فى زمن السبعينات؟!!دلوقتى مفيش فرق بين راجل و
ست...هنروح بعربيتى"
شيون:"أنتى عشان جبتى عربية فعايزة تجربيها؟!!"
"مش كدة...بس أنا عايزة أروح بيها"
شيون:"لأ...."
وهنا غيرت إستراجيتى...
رديت بدلع:"أوبااااااا...تشيبااااال...لو سمحت خلينا نروح
بعربيتى...ماشى؟!!ها؟؟لو سمحت"
الطريقة ديه دايما بتنجح مع الولاد....
شيون:"أووه...أراسووو..خلاص موافق"
"هييييييييييييه...كوماوا أوبا"
ركبنا العربية و سوقت بسرعة لغاية السوبر ماركت...قعدنا نلف و نشترى
الحاجات اللى أحنا عايزنها...
شيون:"كدة جبنا كل حاجة؟!!"
"لأ لسة...فاضل حاجة"
رحنا للقسم اللى أنا أصلا كنت جاية عشانه......
قسم الحلويات....
فضلنا ماشيين فى الممر الطويل ده و أنا بملى العربية بالحلويات...شيبسى و
حاجة ساقعة و بسكويت و جيلى و أخيرااا
"شيكولاتة"
شيون:"أيه ده كله؟؟!!مين هياكل كل ده؟!!"
بصتله بطرف عينى:"أنا ...عندك مانع؟؟؟وبعدين أنت خلصتلى حلوياتى
أخر مرة لما دونجهى أوبا كان عازم اهله"
شيون بتعجب:"وأنتى كنتى هتاكلى ده كله؟!!O.o"
"ديييييييه...كنت هاكلها كلها...ودلوقتى لو سمحت سيبنى أخلص شغلى"
شيون:"يااااااااا...كدة كفاية..أنتى طفلة!!!كل ده غلط على جسمك و أسنانك"
"ديه حاجة متخصكش..وبعدين أنا سنانى بيضة أكتر منك"
طلعتله لسانى و مشيت...و هو مشى ورايا...رحنا عند الكاشير و دفعنا و
بعدين روحنا على البيت...دخلنا و حطينا الحاجات فى المطبخ و أنا دخلت
الحلويات بتاعتى أوضتى...وخرجت عملت العشا...وكان عبارة عن مكرونة
بالصلصة البيضة و الجبنة و الزيتون......
شيون:"أووووووووه...ماشيتا,,أنتى أتعلمتى الطبخ فين؟؟"
رديت و أنا رافعة راسى فى السما:"ديه موهبة"
شيون:"ههههههههه....بس فعلا طبخك حلو"
"أكيد طبعا"
خلصنا أكل و غسلنا الأطباق مع بعض...كل شوية بحس إن مشاعرى
إتجاهه بتكون أقوى من الاول و ده اللى مخلينى خايفة...
دخلت على أوضتى وقبل ما أنام ديما كلمتنى...قاعدنا نرغى كتير و بعدها
رحت فى نوم عمييييييييييييق
***************************************
وصلت على موكبو و أخدت تاكسى وروحت على البيت..كان بابا و ماما
وهيونج هناك مستنينى...
السيدة لى:"دونيااا...وحشتنى يا أبنى..عامل أيه؟!!"
رديت بإبتسامة:"كنتشانا أوما...أنتوا عاملين أيه؟!!"
دونجهوا:"أحسن منك"
السيدة لى:"يااااااااا...بتكلم أخوك كدة ليه؟!!"
دونجهوا:"أراسو أراسو...بيانيه"
السيد لى:"أيه أخبار التدريب بتاعك؟!!"
دونجهوا:"وديما أيه أخبارها؟!!"
دونجهى:"التدريب تمام..حتى إن فى فرصة إن يكون ترسيمنا قريب...بس
أنا و ديما أنفصلنا"
السيد لى:"بووووووووه؟!!وييييييه؟؟؟"
دونجهى:"الظروف جت كدة"
السيدة لى:"معلش أكيد هتلاقى واحدة أحسن منها"
رديت على كلام ماما بإبتسامة
السيدة لى:"يلا أدخل غير هدومك بسرعة عشان الأكل جهز"
دونجهى:"ديه"
دخلت الاوضة و بعدها هيونج دخل ورايا....
دونجهوا:"أيه اللى حصل؟؟؟أنفصلتوا ليه؟!!"
"قولتلك الظروف مسمحتش إننا نكمل مع بعض"
وفى الوقت ده جيه فى بالى عذر أقوى
فكملت:"وكمان مع ظروف شغلنا إحنا الأتنين...منفعش إننا نكمل مع بعض
بسبب شروط العقد"
دونجهوا:"أهاااا...أراسووو...يلا غير هدومك و أخرج بسرعة قبل ما ماما
تقتلنا"
ضحكت على كلامه:"ههههههههههه...أراسووو أنا خارج حالا"
فضلت لوحدى فى الأوضة و أعدت أفكر فى كل اللى مريت بيه من ساعت
ما أشتريت الشقة ديه....
المشاكل اللى كانت بينى أنا و شيون و ندى...حبى لندى...اللى حصل بينى
أنا و ديما...وعلاقتى بكل واحد فيهم لغاية دلوقتى....
خرجت كانت ماما حضرت الترابيزة...قعدنا أكلنا مع بعض وبعدها قعدنا مع
بعض نتكلم.....
كان يوم حلو...كان بقالى كتير مشوفتش أهلى و قعدت معاهم...
وفى أخر اليوم دخلنا ننام...كنت نايم فى السرير و لسة صاحى...
دونجهوا:"أنت لسة صاحى؟!!"
"اممممم"
دونجهوا:"أيه رأيك نخرج؟!!أنا مش جايلى نوم"
رديت:"دلوقتى؟!!"
دونجهوا:"اه...يلا قوم"
قومنا أحنا الأتنين و قعدنا نلف و نتكلم لغاية الساعة 2 بالليل..وبعدين رجعنا
على البيت و نمنا...و ولا من شاف ولا من درى......
**************************************
بعد يوم طويل و ممتع دخلت نمت...الحاجة الوحيدة اللى بقت مستحوذة على
كل تفكيرى هى ندى
صحيت الصبح بدرى على غير العادة...و بعد ما غسلت وشى و سنانى
وقفت فى المطبخ و عملت الفطار..مكنش حاجة كبيرة أوى بس مش سئ
للغاية...
وأنا بحضر الأكل على الترابيزة ندى صحيت..
"صباح الخير"
ندى:"صباح النور...أيه ده؟!!أنت عملت الفطار؟؟"
رديت بإبتسامة:"اها...يارب يعجبك"
ندى بإبتسامة:"أما نشوف"
قعدنا أحنا الأتنين وبدأنا ناكل..كنت ببصلها عشان أشوف ردة فعلها هتكون
عاملة أزاى...
حطت أول شوكة فى بوقها و نظراتها كانت غريبة...
"معجبكيش؟!!"
ندى بضحكة مشوفتش أحلى منها قبل كدة:"هههههه...لأ عجبنى
أوى...ميرسى"
فطرنا مع بعض و بعدين نزلنا...وإحنا فى الاسانسير جيه على بالى الحفلة و
الفستان...
"اه صحيح...عايزة تنزلى تجيبى الفستان امتى؟!!"
ندى:"امممم...معرفش..بس يستحسن يبقى قبل الحفلة بيومين تلاتة عشان
يكون فى وقت عشان لو ملقناش حاجة مناسبة"
"أراسووو..بكرة يناسبك؟!!"
ندى:"لأ بكرة مش هينفع..أيه رأيك فى يوم التلات؟!!"
"أراسوو..كويس"
وبعدها كل واحد فينا ركب عربيته و مشى...
رحت على الجامعة وخلصت المحاضرات بتاعتى وبعدها طلعت على
الشركة...كان بابا رجع من اليابان و عمل إجتماع مهم...
*************************************
صحيت الصبح و خرجت من الأوضة..كانوا كلهم صحيوا و مستنينى على
الفطار"
دونجهوا:"ياااااا...دونجهى كل ده نوم؟!!"
"طب مصحتونيش ليه؟!!"
السيدة لى:"مكناش عايزين نزعجك...يلا تعالى الفطار جاهز"
رحت وقعدت معاهم على الترابيزة بس بابا مكنش موجود...
"أمال بابا فين؟!!"
السيدة لى:"نزل عشان الشغل"
"اها"
السيدة لى:"كنتوا فين أمبارح؟!!"
أنا و هيونج بصينا لبعض بتوتر و بعدين رجعنا بصينا لماما
دونجهوا:"كنا هنا...يعنى هنروح فين يعنى؟!!"
السيدة لى:"قولوا الحقيقة...أنطقوا كنتوا فين أمبارح؟!!"
دونجهوا:"احم احم...عادى أوما..كنا بنتمشة شوية..وأتكلمنا مع بعض..بس"
ولما قال كدة أفتكرت الكلام اللى قولناه أمبارح....
فى الليلة الماضية.......
دونجهوا:"أنت متأكد إن هو ده السبب الوحيد اللى خلاك تسيب ديما؟!!"
رديت:"اه وهيكون فى أيه تانى يعنى؟!!"
دونجهوا:"معرفش...بس حاسس إن فى حاجة تانية"
مردتش عليه..وراح مكلمل كلامه..
دونجهوا:"متقولش........فى بنت تانية؟!!"
بصتله بصدمة:"بوووووووووه؟!!أيه اللى جاب الفكرة ديه فى راسك؟!!"
دونجهوا:"يعنى تخمينى كان صح....مين هى بقى؟!!"
وفى الوقت ده استسلمت وقررت أحكيله:"واحدة أعرفها..بس معرفش هى
بتحبنى ولا لأ"
دونجهوا:"معترفتلهاش؟!!"
رديت:"أنياااا..أنا معرفهاش من فترة طويلة...وكمان خايف ترفضنى"
دونجهوا:"أها...طب و ديما؟!!ليه واعدتها من الأول؟!!"
"معرفش بقى...بطل تسألنى الأسئلة ديه"
وعودة للواقع على صوت هيونج.......
دونجهوا:"ياااااااا...روحت فين؟!!"
فوقت من أفكارى ورديت عليه:"ها؟؟أنا معاكوا مروحتش حتة"
السيدة لى:"متأكد؟!!أنت كان شكلك سرحان خالص"
"أنياا أنياا...مش سرحان ولا حاجة"
خلصنا فطار و بعدين قعدنا مع بعض نتكلم ونضحك...كانوا بيسألونى عن
التدريب و بعمل أيه فى سيئول وعايش أزاى...
كنت بحكلهم عن يومى عامل أزاى بكل تفاصيله...ماعدا حاجة واحدة ألا
وهى ندى و شيون اللى عايشين معايا فى نفس الشقة...
*******************************
صحيت بدرى بسبب التصوير...
كانوا يومين متعبين...ولكن فى النهاية أنا بعمل الحاجة اللى بحبها...
خلصنا تصوير لليوم ده..وبعدها أخدنا راحة عشان نلف ونتفسح شوية....
أتمشيت كتير فى جزيرة جيجو...كانت المناظر رائعة جدا و كمان أشتريت
هدايا للبنات من هناك..و أخدت صور كتييييييير عارفة ان ندى بتحب
الصور ديه عشان كدة صورتلها بعض المناظر من هناك....
وبعد أربع ساعات تقريبا كنا فى طريق العودة إلى سيئول....
كنت طول الطريق حطة الهاند فرى بتاعتى و بسمع أغانى...
وأخيرا وصلنا....
روحت على البيت وأخدت دش و كلمت ندى عشان أشوفها فين...
"ندووووش حبيبى...أنا رجعت أنتى فين دلوقتى؟!!"
ندى:"أنا فى الجامعة...وبعدها هروح الشركة"
رديت:"أمممم...طب أيه رأيك نتقابل النهاردة بالليل؟!!"
ندى:"أراسووو.هعدى عليكى بعد ما أخلص"
"مستنياكى"
قفلنا مع بعض و بعدها دخلت أنام على طول من كتر تعبى....
****************************
قفلت مع ديما و روحت أكمل محضراتى...وبعد ما خلصت روحت على
الشركة و هناك بلغونى إن فى إجتماع مهم السيد تشوى عمله...
و أنا رايحة على غرفة الإجتماعات قابلت شيون فى طريقى...
"تعرف الإجتماع ده ليه؟!!"
شيون:"لأ..أنا زيى زيك...على العموم هنعرف دلوقتى"
دخلنا غرفة الإجتماعات...كان كل أعضاء مجلس الإدارة موجودين...
السيد تشوى:"وبما انكوا جيتوا كدة نقدر نبدأ....زى ما أنتوا عارفين أنى
كنت مسافر اليابان لأنى كان عندي إجتماع مع مستثمر هناك...و دلوقتى فى
حاجة عايز أناقشها و هى الإعلانات...إحنا توصلنا لفكرة بالنسبة للإعلانات
وهى إن أعضاء من مجلس الإدارة هم اللى هيعملوا الإعلانات...يعنى مش
هنستعين بحد من برا...وده هيخلينا نوفر من حيث الميزانية و كمان هتكون
دعاية كويسة للشركة....وإحنا إقترحنا إن اللى هيقوم بالإعلانات هم شيون و
ندى شى و يونا شى...بما أنهم الشركاء الرئيسيين فى الشركة و كمان بما
أنهم الوجوه الشابة للشركة"
...
..
يتبع
أنا مش هسألكوا أسئلة عن توقعاتكوا أو أيه رأيكوا فى الشابتر...
بس عايزة كل واحد بعد ما يقرأ الشابتر يقولى توقعاته للشابتر الجاى و أيه
رأيكوا فى الشابتر ده و أيه أكتر حتة عجبتكوا و أكتر حتة معجبتكوش^^
سارانيه...وشكرا
لحسن المتابعة
ندوش البارت كان خفيف لطيف بيانيه مش حعلق كتير ... بوعدك المرة الجاي أعلق متل دايما...
ردحذف