Chapter
22
"كفاية دونغهى...كفاية,ليه
بتهتم بيا بالطريقة ديه؟؟؟ليه دايما
بتحسسنى إنى حاجة مهمة
بالنسبالك؟؟ليه مُصر تعلقنى بيك؟!!أنا
عايزة أنساك..سيبنى أنسى حبى
ليك.."
كنت بدأت
أحس بالدموع بتنزل على وشى..وشوفت علامات
الصدمة على
وشه...وبعد كدة حسيت إن الأرض مش شايلانى...
سندت على
البار وقعدت على الكرسى قبل ما أقع..قرب منى بسرعة ومسك أيدى..وكانت علامات القلق
واضحة على وشه..
دونغهى بقلق:"أنتى
كويسة؟!!مالك؟؟"
شديت أيدى
منه واتكلمت بعصبية..
"قولتلك متعاملنيش
بالطريقة ديه..متحسسنيش إنك مهتم بيا,إنسانى
وخلينى أنساك بقا_قومت وقفت
وكملت كلامى_أنا مش عايزة
أشوفك تانى,مش عايزة نكون
أصدقاء حتى..أصلا مينفعش نكون
أصدقاء بعد دلوقتى.."
أخدت شنطتى
ومشيت أول خطوة وبعدها حسيت بأيده بتمسك
أيدى,وقبل
ما أعمل أى حاجة كان شدنى عليه بسرعة وشفايفنا
أتلامست فى
قبلة عميقة من اتجاهه...كنت حاسة بالصدمة ومش
مستوعبة
اللى بيعمله,فضلت واقفة مش بتحرك وأنا حاسة بالصدمة
والإستغراب
وحالة من عدم الإتزان..حسيته بيضمنى ليه أكتر
ومبعدش عنى
ولو للحظة,وفى الوقت ده اتمالكت نفسى وبعدته
عنى بكل
قوتى...
كنت ببصله
بنظرات إستفهام وفى راسى ألف سؤال,وبدأت أتكلم
بعصبية...
"أنت..."
دونغهى:"متسبنيش.."
للحظات
حسيت إنى وقعت تحت سحره..مكنتش قادرة أرفضه,أو
أقوله
لأ..بس بعد ثوانى أفتكرت إنه نفس الشخص اللى قالى إنه
بيحب
صحبتى...وبسرعة أخدت شنطتى اللى كانت وقعت منى
وجريت برا
الnight club...كنت لسة همشى بعيد عن المكان
بس لقيته
بيجرى عشان يحصلنى وخرج ورايا ومسك أيدى...
دونغهى:"ديما..أرجوكى
متسبنيش,أنتى مش عارفة إنتى أيه
بالنسبالى..أنا بجد كنت غلطان
لما قولتلك إن البنت اللى بحبها
بتكون ندى.."
قرب منى
بخطوات بطيئة وأخدنى فى حضنه..كنت عايزة
أصدقه,حتى
لو مكنتش واثقة فى كلامه الا إنى كنت عايزة أصدق
كل حرف
بيقوله...
حط أيده
على كتفى وبعدنى عنه وبصلى بإبتسامة,وبعدها طبع قبلة
صغيرة على
جبينى ومسك أيدى ومشينا مع بعض...
كل ده وأنا
مش مصدقة اللى بيحصل..وكمان مش مصدقة إنى
بعمل
كدة,لما كنت بفكر لو اللحظة ديه جت هتصرف أزاى..كنت
بتخيل نفسى
بزعق وبتعصب وبقول إنى مينفعش أكون مع واحد
قاللى إنه
بيحب صحبتى..لكن دلوقتى كل حاجة مختلفة..نبضات
قلبى اللى
متخيلتهاش..لمسة أيده..آثار شفايفه اللى لسة على
شفايفى..كل
حاجة مختلفة...
وصلنا
للبيت..وقبل ما أدخل بصلى بإبتسامة...
دونغهى:"مش عايز أسمعك
تانى بتقولى إنى مش هشوفك تانى..أنا
مش هسمح إن ده يحصل,تصبحى على
خير.."
باسنى على
خدى برقة وبعدين مشى وسابنى تايهة فى أفكارى..
دخلت البيت
وأنا مش مستوعبة أى حاجة حصلت..دخلت أوضتى
ورميت
شنطتى على جنب وقعدت على السرير وأنا متنحة وبحاول
أجمع
أفكارى...
"هو كان بيتكلم بجد؟؟؟كان
يقصد كلامه لما قال انه غلطت لما قال
انه بيحب ندى؟؟؟أييييشششش أنا
هتجنن.."
بس الحاجة
الوحيدة اللى كنت متأكدة منها إنى كنت مبسوطة جدا...
************************************
مش عارف أنا
عملت كدة ليه؟!!أنا فعلا بحب ديما؟؟؟
كل اللى
اعرفه إنى كنت خايف تضيع منى..خفت أول ما قالت إنها
مش عايزة
تشوفنى تانى وكمان مش عايزانا نكون أصدقاء...
بس أزاى
محستش بيها ده كله؟؟؟أزاى مشوفتش إنها بتحبنى؟!!
وفى الوقت
ده أفتكرت كل اللحظات اللى كنا فيها مع بعض..
لما روحنا
الملاهى سوا..والسوبر ماركت..ولما كنا بنحضر الأكل
مع
بعض..وكمان لما قولتلها إنى بحب ندى..ومعاملتها الجافة ليا..
حسيت كأنى
بشوف كل اللى حصل بطريقة مختلفة..بطريقة فيها
ديما بتحب
دونغهى....
كنت حاسس
بالندم على كل اللى فات..على كل لحظة افتكرت انى
جرحت ديما فيها..وخليت
ندى تحس بالذنب بسبب حبى ليها...
لكن بردوا
مكنتش عارف اللى عملته صح ولا لأ!!
دخلت البيت
وكل الافكار ديه بتجول فى راسى..ندى وريم كانوا
قاعدين مع
بعض فى المطبخ وشكلهم بيتكلموا,وأول ما شافونى
أبتسموا...
ريم:"أوبا..تعالى أتعشى
معانا.."
حطيت المفاتيح
والموبايل على الترابيزة ورحت قعدت معاهم
واتعشينا
مع بعض...
ريم:"أنا هدخل
أنام..تصبحوا على خير.."
ندى:"هتنامى دلوقتى؟؟مش
عوايدك يعنى..لسة بدرى"
ريم:"هصحى بدرى.."
دخلت ريم
أوضتها وقومت أنا وندى نرتب المطبخ بعد الأكل..وكنا
بنتكلم
وأحنا بنشتغل,بس فى الوقت ده مقدرتش أمنع فضولى أكتر..
"ممكن أسئلك
سؤال؟!!"
ندى:"أكيد أوبا.."
"السبب اللى خلاكى ترفضى
حبى...كان ديما؟؟؟"
حسيت ندى
أتصدمت من السؤال..ومقدرتش ترد فى الأول...
ندى:"أنت عرفت منين
إنها.."
قطعتها:"بتحبنى؟؟؟"
هزت راسها
بالإيجاب...
ابتسمت وأنا بقولها:"عرفت
إن ديما هى البنت اللى مقدرش أبعد
عنها..وبعدين عرفت إنها كانت
بتحبنى.."
ارتسمت
ابتسامة على وشها بتلقائية...
ندى:"تقصد؟؟؟يعنى.."
"بس أنا عايزك
تساعدينى..أنا غلطت لما قولتلها إنى بحبك,وأكيد
ده مأثر عليها..وحاسس إنها
ممكن تصدنى بسبب اللى حصل..
أنا ضايقتك أنتى وشيون وديما
لأنى مكنتش بفكر كويس..مكنتش
عارف أنا بحس بأيه وأفكارى
كانت ملخبطة..بس دلوقتى أنا مش
عايز ديما تبعد عنى,وعايز
أسعدها..وكمان عايزك تعتبرينى زى
أخوكى اللى تقدرى تعتمدى
عليه.."
قربت منى
وحطت أيدها على كتفى برقة...
ندى:"متضايقش..كل اللى
حصل ده نسيناه,وبالنسبة لموضوع
ديما..أكيد هساعدك,بس أنت حاول
تفهمها..اللى مرت بيه مكنش
سهل,وأكيد أنت أخويا اللى
هلجأله فى أى مشكله هواجهها J"
فرحت لما
سمعت كلامها ليا..وبسرعة مسكت أيدها..
"كوماوا.."
"هههههه..طب يلا خلينا
نرتب بسرعة عشان ندخل ننام..أنا تعبت
كتير النهاردة.."
خلصنا
ترتيب المطبخ وكمان الصالة..وندى دخلت أوضة
شيون,وأنا
دخلت على أوضتى...
كنت فرحان
لفرحها,وكمان كنت حاسس إن بالطريقة ديه الكل
هيكونوا
مبسوطين...حتى أنا^^
************************************
كنت حاسة
براحة كبيرة بعد كلام دونغهى...بس كنت مستغربة
شوية,ممكن
مشاعر الشخص تتغير بالسرعة ديه؟!!
وبعدين
بدأت أفكر..ممكن اللى كان بيحس بيه إتجاهى مكنش حب
أصلا..المهم
دلوقتى إن علاقته مع ديما تتصلح,وديما ترجع زى
الأول..وتلاقى
حبها جنبها...
دخلت أوضة
شيون وقعدت على السرير..على كل حال ريم نايمة
على سريرى
وهو مش موجود...
كنت ببص فى
كل أنحاء الأوضة..كانت مترتبة ومنظمة بشكل
رائع..قومت
من على السرير وفتحت دولابه,كانت هدومه مرتبة
بشكل
منظم,طلعت تيشرت وقربته منى..كانت رحته لسة عالقة
فيه,ابتسمت
لما حسيت بيه جنبى...
رجعت التيشرت
تانى مكانه ورجعت قعدت على السرير أخدت
البرفيوم
بتاعه من جنب السرير وشميته,وبعدين رجعته مكانه
وفتحت أول
درج جنب السرير..مكنتش عارفة أنا عايزة أشوف أيه
أو بدور
على أيه..كنت بلعب وبس...
شوفت
صورتنا مع بعض وأنا بقلب فى حاجته..مسكتها وقعدت
أتأملها
بهدوء,وقعدت أفتكر اليوم ده..اليوم اللى اشترينا فيه الفستان
مع
بعض..وبعدين يوم الحفلة..وكل مرة كنت بصده فيها..وكل مرة
كان
بيمنعنى إنى أبعد عنه فيها..عناده اللى خلانى أروحله
النهاردة..وتفهموا
إنى مش هقدر أشوفه تانى لغاية ما يرجع...
وأخيرا
مشكلتنا مع مامته..لغاية دلوقتى مش عارفة أفهم هى مش
راضية بيا
ليه؟؟؟
حطيت
الصورة مكانها وبعدين نمت على السرير..وشوية شوية
مبقتش حاسة
بالعالم ورحت فى النوم....
صحيت بدرى
على صوت ريم من برا..قومت من مكانى وخرجت
أشوف فى
أيه...
ريم:"لألألأ...مبيتعملش
كدا.."
دونغهى:"بس أنا عارف إنه
بيتعمل كدا.."
ريم:"تبقى غلطان ولازم
تغير فكرتك عن الساندويتشات.."
"أيه اللى بيحصل
هنا؟!!!"
ريم:"أوبا مبيعرفش يعمل
ساندويتشات..تخيلى؟!!"
دونغهى:"أنتى اللى
بتعترضى على أى حاجة بعملها.."
ريم:"عشان مش بتعمله
صح...المفروض تحط الزبدة على التوست
فى الأول..وبعدين
المربى,والأوملت مش بيتعمل كدة.."
"يعنى صوتكوا العالى ده
وخناقكوا عشان الساندويتشات؟!!!"
دونغهى:"قوليلها
هى.."
ريم:"تقولى أنا؟!!!"
اتنهدت
وأنا ماسكة راسى من الصداع..وفى الوقت ده سمعت
صوت
موبايلى,وبسرعة جريت على الأوضة عشان أرد وسبتهم
يتخانقوا
مع بعض...
رديت
بتعب:"يوباسيووو.."
السكرتيرة:"ندى شى..بعتذر
على إزعاجك,لكن كان لازم أبلغك إن
فى إجتماع بعد نص ساعة لمجلس
الإدارة فى الشركة.."
أتفاجأت من
المعاد..وخصوصا إن محدش بلغنى قبل كدة....
"نص ساعة؟!!"
السكرتيرة:"الرئيس سونجو
قاللى أبلغ حضرتك.."
"أراسووو..أنا جاية
دلوقتى.."
قفلت بسرعة
وروحت على أوضتى غسلت وشى وسنانى بسرعة
وغيرت
هدومى ومازلت بسمع مناقشات ريم ودونغهى على
الفطار...كان
عندى فضول أعرف أيه الشئ المستعجل عشان يخلى
الرئيس
سونجو يعمل إجتماع فى الوقت ده...
"أنا نازلة..ريم,خدى تاكسى
النهاردة مش هعرف أوصلك.."
ريم ودونغهى:"أيييييييه؟؟؟؟نازلة
دلوقتى؟!!"
أبتسمت من
ردة فعلهم المتشابهة....
"ههههه...أه,فى حاجة؟؟أنا
مستعجلة.."
ريم:"طب والفطار؟!!"
"أفطروا أنتوا...باى
باى.."
نزلت بسرعة
وروحت على الشركة..وفورا على غرفة
الإجتماعات..كنت
بالفعل متأخرة عشر دقايق...
الرئيس سونجو:"وأخيرا
وصلتى..."
رديت بسرعة:"بعتذر عن
التأخير..لكن محدش قاللى إن فى إجتماع
النهاردة...أنا عرفت من نص
ساعة"
الرئيس سونجو:"مش
مهم,دلوقتى نقدر نبدأ...أول نقطة هنتكلم فيها
النهاردة هى أسهم الشركة,كنت عايزكوا
تعرفوا إن "يونا" أصبحت
تملك 5% من أسهم
الشركة..."
أستغربت من
الكلام..5% نسبة كبيرة,وتقريبا تعادل نسبة شركتنا
من
الأسهم...بصيت ليونا وشوفت نظراتها موجهة ليا بنظرة
تحدى,وكأنها
منتظرة تشوف ردة فعلى....
الرئيس سونجو:"تانى
نقطة..وأعتقد إنها تهم ندى شى بوجه
خاص,هى نسبتنا فى الشركة
بتاعتكوا..إحنا شركاء بنسبة 4%
معاكوا..وكل أعمالنا حتى الآن
بتتم من خلال الإيميلات
والمعاملات الإلكترونية مع فرع
الشركة الرئيسى فى
مصر..وأعتقد إن لازم يكون فى
مندوب لينا هناك..صح؟!!"
رديت:"أكيد..ديه حاجة
ترجع ليكوا,سواء كنتوا عايزين الشغل يتم
من خلال مندوب أو زى
دلوقتى.."
الرئيس سونجو:"أنا بقترح
إن يكون فى شخص مسئول يشرف
على شغلنا هناك كل فترة..يعنى
مش بصفة مستمرة.."
كنت حاسة
بحاجة غريبة بتحصل...ليه الكلام ده بيتفتح
دلوقتى,الشغل
مش هيتغير سواء كان فى مندوب أو لأ...
كملنا الإجتماع
بالكلام عن الأرباح ونسب المبيعات
والإعلانات..وأخيرا
خلص الإجتماع بعد ساعتين من المناقشات
والقرارات
اللى أتخذت....
رجعت على
مكتبى وقعدت بتعب...وقبل ما أقدر اخد نفسى الباب
خبط ويونا
دخلت....
يونا:"إحنا كدة نعتبر
متعادلين.."
اتعدلت فى
قعدتى و رديت بإستفهام:"مش فاهمة..تقصدى أيه؟!!"
يونا:"أقصد إننا دلوقتى
مش مختلفين عن بعض..وعايزاكى تعرفى
إن فى النهاية شيون هيكون ملكى
أنا.."
أبتسمت
بسخرية من كلامها وقومت وقفت قدامها...
"أنتى شايفة إن الإختلاف
اللى كان بيننا هو نسبة كل واحد
فينا؟!!لو فكرتى شوية هتعرفى
إن الإختلاف بيننا هو إن قلب شيون
أختارنى أنا..مش أنتى يونا
شى.."
يونا بتحدى:"ده اللى أنتى
شايفاه..بس اللى أنا شايفاه إن شيون
أختارك بسبب شغل والده ونسبته
فى الشركة ديه,خصوصا وإن
والده كان وعده يديه نسبة من
الأسهم بتاعته لو أثبت جدارته..ندى
شى..."
وبعدين
أبتسمت وخرجت من غير كلمة زيادة..وأنا فضلت واقفة
وحاسة إنى
تايهة بسبب اللى سمعته...
بس شيون
بيحبنى,كل اللى عمله قبل كدة عشانى يثبت إنه بيحبنى..
****************************************
نزلت بعد
ندى على طول وروحت على الجامعة...
ولما قربت
من الكلية شوفت كيوهيون واقف هناك مع باقى الشلة..
"صباح الخير.. J"
كانغ مين:"ريم...صباح
النور^^"
كيوهيون
قرب منى بإبتسامة وحط أيده على كتفى بتلقائية...
كيوهيون:"مش
هتبركيلى؟؟"
بصتله بطرف
عينى ورديت بسخرية:"أيه؟؟أتجوزت؟!!"
بعد عنى
بسرعة وهو بيتنطط وشكله فرحان أوى...
كيوهيون:"أنيااااا..بابا
رجعلى عربيتى.."
"ههههههههههه...مجنون,أيه
ده؟!!تصدق فكرتنى..أستنى لحظة.."
طلعت
موبايلى من الشنطة وقعدت أدور على رقم ندى وأتصلت
بيها..بس
الخط قطع قبل ما ترد عليا...
كيوهيون:"أيه؟؟كنتى
بتكلمى مين؟!!"
"ندى..أكيد نسيت موضوع
عربيتى.."
يورى:"طب يلا خلونا ندخل
على المحاضرة قبل ما الدكتور
يتعصب علينا.."
ودخل كانغ
مين ومعاه سومى ويورى..وقبل ما أدخل وراهم
كيوهيون
حاوط كتفى بأيده و وقفنى...
كيوهيون:"أنتى فاضية
بكرة؟!!"
ريم:"امممم..يعنى,المحاضرات
وهعدى على معهد الموسيقى بعد
الجامعة وبعدين مش ورايا
حاجة.."
كيوهيون:"طيب كويس..عشان
أنتى معزومة على الغدا عندنا
بكرة.."
بصتله بإستغراب:"عندكوا
فين؟!!"
شال أيده
من على كتفى ولعب فى شعره بتوتر...
كيوهيون:"ماما أصرت إنها
تعزمك على الغدا عندنا
بكرة..وتوعدتلى,أكيد هتيجى
صح؟!!"
رديت بإبتسامة:"لو مجتش
هيحصل فيك أيه؟!!"
حط أيده
على شعرى وقعد ينعكشهولى....
كيوهيون:"عايزة تخلصى منى
صح؟؟؟"
بعدت أيده
بسرعة عن شعرى وظبطت نفسى,وبعدين طلعتله لسانى
وسبقته على
المحاضرة بخطوات سريعة...وهو لحقنى بسرعة..
كيوهيون:"قولى
بقا...هاتيجى صح؟!!"
رديت من
غير ما أبصله:"أكيد هاجى..بس مش عشانك,عشان
خاطر مامتك,أنا لو عليا فعايزة
أشوف هيجرالك أيه لو مجتش.."
دخلنا على
المحاضرة وسكتنا خالص أول ما الدكتور دخل..وعلى
غير العادة
كنت منتبة لكل كلمة بتتقال,كنت عايزة أبذل مجهود فى
دراستى
وبالطريقة ديه أقدر أساعد ندى من غير ما أشيلها همى...
وبعد
المحاضرة خرجت مع كيوهيون وروحنا قعدنا فى الكافيتريا
مع كانغ
مين وسومى ويورى...
"يون بين مجاش ليه
النهاردة؟!!"
سومى:"مسافر مع
أهله.."
كيوهيون:"تحبوا تاكلوا أو
تشربوا حاجة؟!!"
كانغ
مين:"نيسكافيه.."
سومى:"وأنا كمان زى كانغ
مين أوبا.."
"أنا عايزة عصير.."
كيوهيون:"أراسوو..وانتى
يورى؟؟"
يورى:"أنا هاجى
معاك.."
وقامت
ومشيت مع كيوهيون...
كنت حاسة
بحاجة غريبة بينهم..فى اوقات بحس إنهم كوبل,وأوقات
تانية مش
بحس بكدة...
كيوهيون مش
بيقعد مع يورى كتير لوحدهم..وتقريبا الفترة اللى
فاتت كان
بيقضى معيا وقت طويل..لكن واضح إن يورى بتتقرب
من كيوهيون
كتير....
فوقت من
أفكارى على صوت كانغ مين من جنبى...
كانغ مين:"سرحانة فى
أيه؟!!"
بصتله:"ها؟؟؟أنيااا ولا
حاجة..بس كنت بفكر شوية"
وبعد دقايق
رجع كيوهيون ومعاه يورى وهم بيضحكوا وجايبين
الحاجات
اللى طلبناها....
كنت
متضايقة شوية..بس حاولت أتجاهل شعورى..وانا بشرب
العصير
موبايلى رن وكانت ندى...
قومت من
على الترابيزة و وقفت بعيد عنهم ورديت بسرعة
"ندى..مردتيش عليا
ليه؟؟؟"
ندى:"ما أنا قولتلك الصبح
إنى مستعجلة و ورايا حاجات
مهمة..كنت فى إجتماع والموبايل
كان صامت..."
"أنا عايزة أنزل أجيب
العربية بقااااا..."
ندى:"أه صح..معلش نسيت
خالص,طيب عايزة تنزلى أمتى؟!!"
"ممكن بكرة؟؟...أو..لأ
خليها بعد بكرة عشان بكرة معزومة على
الغدا..."
ندى:"طيب..لما نروح
نتفق,وأعرف أيه موضوع الغدا ده..يلا
عايزة حاجة؟!!"
"no..
thanks"
وقفلت مع
ندى..وأول ما لفيت عشان أرجع أقعد معاهم لقيت
كيوهيون فى
وشى...
"ياااا...خضتنى.."
كيوهيون:"ههههههه...معلش,يلا
المحاضرة التانية هتبدأ بعد عشر
دقايق.."
مشينا مع
بعض على مكان المدرج..وأحنا ماشيين كنت عايزة
أسئله بسبب
الفضول الكبير اللى عندى,بس كنت مترددة...
كيوهيون:"كنتى عايزة
تقوليلى حاجة؟!!"
رديت:"ها؟؟؟ليه بتقول
كدة؟!!"
كيوهيون:"حاسس إنك عايزة
تقولى حاجة بس مترددة.."
"يعنى..كان عندى
سؤال.."
كيوهيون:"أيه هو؟؟"
أتكلمت
بدون تردد وبفضول:"أنت أيه علاقتك بيورى؟!!"
كيوهيون:"هههههههههههههههه...أيه
السؤال ده؟؟؟"
أتكلمت بغيظ:"بتضحك؟؟طيب
خلاص,,أعتبر نفسك مسمعتش
حاجة.."
وسيبته
ومشيت بخطوات سريعة وأنا متغاظة ومتعصبة منه...
وبعد ثوانى
حسيت بيه بيجرى جنبى...
كيوهيون:"أنتى زعلتى؟؟أنا
بس مكنتش فاهم سؤالك.."
رديت بسرعة:"أنا مش
زعلانة.."
مسك أيدى و
خلانى أقف وبصلى بإبتسامة...
كيوهيون:"ليه بقا سألتى
السؤال ده؟!!"
رديت بتلقائية:"يعنى كان
عندى فضول..أحيانا بحس إن فى بينكوا
حاجة وأحيانا لأ,خصوصا وإن
يورى بتتقرب منك فى أوقات
كتير.."
أبتسامته
أختفت ورد بلا مبالاة:"أممم...أنا ويورى أصحاب
وبس,مفيش بيننا حاجة
تانية.."
رديت
بتفهم:"أوووه...أراسووو,يلا خلينا نلحق المحاضرة.."
**************************************
قعدت أفطر
مع ماما بعد ما بابا خرج بدرى بسبب الإجتماع اللى
فى
الشركة..معرفتش تفاصيل أوى,لكن اللى فهمته إن يونا هيكون
ليها نسبة
فى الشركة...
بس
المكالمات اللى بتدور بين ماما ويونا فى اليومين اللى
فاتوا,وكمان
يونا جت أمبارح بالليل بحجة إنها تزورنى وتقابل ماما
كمان مش
مريحانى...
السيدة
تشوى:"شيون..النهاردة يونا هتيجى تتغدا معانا.."
مستغربتش
أوى من الكلام ورديت بلامبالاة...
"وأنا أيه دخلى
بالموضوع؟!!"
السيدة تشوى:"أنا بقولك
عشان تكون عارف بس..وياريت
متعاملهاش بجفاف زى أخر
مرة.."
حطيت شوكتى
مكانها وقومت من على الترابيزة...
"أنا عملتها عادى مش
بجفاف_مشيت خطوتين وبعدين رجعت
بصيت
لماما_أنا هرجع شقتى بكرة.."
كنت هطلع
على أوضتى بس صوت ماما وقفنى...
والدة شيون:"شيون..أنا
إستحملت معاملتك ليا بالطريقة ديه اليومين
اللى فاتوا لأنك كنت تعبان,لكن
بعد كدة مش هسمحلك تكلمنى كدة
بسبب البنت ديه.."
بصيتلها:"رجعنا تانى لنفس
الموضوع..أوماا,أنتى فاكرة إنى
مبسوط لأن علاقتنا وصلت
لكدة؟؟أو أنا قاصد أضايقك؟؟...بس أنا
مش فاهم ندى ضايقتك فى أيه
عشان تتكلمى عنها بالطريقة
ديه؟!!..ليه البنت الوحيدة
اللى أخترتها معترضة عليها؟؟؟"
قعدت بهدوء:"عشان أنا
شايفة إنك أخترت غلط...ودلوقتى لو عايز
ترجع على بيتك أنت حر,بس أبقى
سيبلى عنوانك عشان أعرف
اتطمن عليك.."
"بيانيه..مش هينفع أسيبلك
عنوانى..."
وديه كانت
نهاية المناقشة..طلعت على أوضتى وقعدت على
السرير
ومسكت موبالى وبصيت فيه,كان نفسى أشوف نمرتها...
للحظة فكرت
إنى اتصل بيها,لكن إتراجعت..كنت عايز أشوف هى
هتتصل بيا
بعد أد أيه...
قعدت لما
يقارب النص ساعة مش بعمل حاجة غير إنى ببص فى
شاشة
الموبايل...وفى الوقت ده باب أوضتى خبط ودخل دونغهى..
مكنتش
متوقع زيارته ديه...
دونغهى:"أزيك
شيون؟!!"
رديت:"أنا كويس..وأنت
عامل أيه؟!!"
دونغهى:"أنا كمان
كويس.."
شاورتله
على كرسى فى الأوضة:"تعالى أقعد.."
قعد وبصلى
بإبتسامة غريبة...دلوقتى مش عارف أقرر علاقتى
بدونغهى
هتكون أزاى,لسة متضايق منه بسبب حبه لندى..بس
كمان وقف
جنبى وقت الحادثةولما ندى قالت إنها بتحبنى...
"عرفت العنوان
منين؟!!"
دونغهى:"أخدته من
ندى...كنت عايز أتطمن عليك,وكمان كان فى
موضوع لازم نتكلم فيه.."
رديت بإهتمام:"أيه هو
الموضوع ده؟!!"
دونغهى:"ندى.."
أول ما قال
إسمها قلبى أنقبض..واتعصبت,بس حاولت أبين هدوئى
ليه..
"مالها ندى؟؟؟"
دونغهى:"دلوقتى الموضوع
مبقاش سر..أنا كنت بحب ندى,وأعتقد
أنك عارف.."
"امممم...وبعدين؟!!"
دونغهى:"انا النهاردة جاى
أقولك إن مشاعرى ناحية ندى مكنتش
حب..تقدر تقول كان مجرد
إعجاب,وإمبارح أتكلمت مع ندى فى
الموضوع ده..أنا عايز علاقتنا
ترجع زى الأول,إحنا عايشين مع
بعض فى بيت واحد وأكيد مينفعش
يكون فى بيننا التوتر
ده..صح؟؟"
حسيت
بالراحة والإستغراب فى نفس الوقت من كلامه..بس حاولت
أتفهمه...
دونغهى:"أكيد مستغرب من
كلامى..بس أنا عايزك تعرف إن
علاقتى بندى دلوقتى كأخ وأخته
وبس_كمل بإبتسامة_وكمان أنا
لقيت البنت اللى فعلا محتجلها
جنبى.."
استغرابى
زاد من كلامه..وحسيت بفضول...
"خلاص دونغهى..الموضوع
وقف لغاية هنا,وكمان أحنا لسة
منعرفش هنفضل عايشين مع بعض
لغاية أمتى..أكيد الموضوع ده
هيتنسى,,بس عندى فضول اعرف مين
البنت اللى بتتكلم
عنها..تعرفها منين؟؟؟؟"
دونغهى بإبتسامة:"عرفتها
بسبب ندى..."
"أنت قاصد تلخبطنى
النهاردة؟!!"
دونغهى:"هههههههه...لأ مش
قصدى,,البنت ديه تبقى ديما.."
رديت بدهشة:"ديما؟!!!!!!!"
دونغهى:"امممم"
صدمتى زادت
لما سمعت إسمها..متوقعتش أبدا يكون فى حاجة بين
ديما
ودونغهى...
قعدنا شوية
مع بعض وإتكلمنا فى مواضيع مختلفة وبعدين دونغهى
إستئذن
ومشى....
رميت نفسى
على السرير وأنا بفكر فى كل اللى بيحصل..ديما
ودونغهى
وندى...كلها حاجات متخيلتش أبدا إنها تحصل...
وبعد ثوانى
عدلت نفسى تانى ورجعت أمسك موبايلى مستنى
مكالمة
ندى...بس اتأخرت أوى...
******************************************
نزلت بسرعة
من البيت قبل ما ديما تصحى عشان ألحق
محضراتى..الإمتحانات
مش باقى عليها كتير خصوصا وإن ورايا
حاجات لسة
مخلصتش...
أخدت تاكسى
بسرعة للجامعة..وأخيرا وصلت,بس لقيت نفسى
وصلت بدرة
ربع ساعة عن معاد المحاضرة فهديت شوية وبدأت
أمشى
بالراحة...كنت فى طريقى لمبنى الكلية,,بس قبل ما أدخل
شوفت بنت
شايلة حاجات كتير وكانت هتفقد وزنها...
بس بدل ما
تقع كل الحاجات اللى كانت فى أيدها هى اللى وقعت...
اتنهدت
بقوة ونزلت عشان تلم الى وقع منها...
إتجهت
ناحيتها وبدأت أساعدها فى إنها تلم حاجاتها..لغاية ما أخدت
كل حاجة...
البنت:"كوماوا...بيانيه
تعبتك.."
ابتسمتلها
بهدوء ومشيت عشان ألحق محضرتى..وقبل ما أدخل
موبايلى
رن...
"ألوووو..."
ديما:"مروة..أنتى
فين؟!!"
"أنا فى الجامعة...فى
حاجة؟!!"
ديما:"كنت عايزة أقولك
إنى هتأخر النهاردة شوية..أبقى أتعشى
أنتى,,يلا باى"
كانت
مكالمة قصيرة جدا...قفلت موبايلى وحطيته فى الشنطة
ودخلت
السيكشن,,قعدت أتابع الدرس بإنتباه...
وأول ما
المحاضرة خلصت أخدت حاجتى بسرعة وإتجهت ناحية
مكتب
كيبوم...وقبل ما أخبط الباب أتفتح ونفس البنت اللى شوفتها
الصبح خرجت
من المكتب...
بصتلى بإبتسامة:"إنتى
اللى ساعدتينى الصبح.."
"أوووه..."
مدت أيدها بحماس:"أنا
ميرو.."
سلمت عليها:"وأنا
مروة..أتشرفت بمعرفتك.."
ميرو:"ههههه...أسامينا
قريبة من بعض.."
رديت
بإبتسامة:"اه..فعلا.."
ميرو
بإحراج:"بيانيه..يمكن أنا معرفكيش كويس وبتكلم بدون
رسمية,,لكن ديه طبيعتى.."
"أنياااا...ولا
يهمك,,أنتى لطيفة أوى.."
ميرو بضحكة
حلوة:"شكرا..إيه رأيك أعزمك على حاجة فى
الكافيتريا بما إنك ساعدتينى
النهاردة؟!!"
أستغربت من
البنت ديه..بتتعود على الناس وبتتأقلم معاهم
بسرعة,بس
فى نفس الوقت حسيت إنها شخصية مرحة وطفولية
أوى..وإستريحتلها
جدا...
"أراسوو..بس أنا ورايا
حاجات دلوقتى..أيه رأيك تسبقينى على
هناك وأنا شوية وهحصلك.."
ميرو:"ok..هستناكى هناك J"
ابتسمت
تلقائيا بعد ما شوفت حماسها وهى رايحة للكافيتريا..وبعد
ما مشيت
خبطت على الباب ودخلت...
كيبوم:"أوووه..مروة
أزيك؟؟؟"
"أنا كويسة..وانت عامل
أيه؟؟؟"
كيبوم:"أنا كمان
كويس...فى حاجة واقفة قدامك؟!!"
رديت:"اه...الفصل الرابع
فى أجزاء صعبة.."
كيبوم:"أراسوو..خلينى
أشوفها.."
قعدت قدامه
على المكتب وبدأ يقرا الفصل من الكتاب وبعدين
شرحهولى
بشكل مبسط كالعادة....
وبعد حوالى
نص ساعة خلصنا....
"كوماواااا...الموضوع بقا
أسهل كتير.."
سلمت عليه
وأخدت حاجى وخرجت من المكتب..واتجهت بسرعة
للكافيتريا,,كنت
خايفة أكون أتأخرت على ميرو...
وأول ما
وصلت شوفتها قاعدة وهى ماسكة موبايلها وبتقلب فيه
بملل
واضح...
"بيانيه أتأخرت
عليكى.."
عدلت
جلستها وبصتلى بضحكة حلوة:"أنياااا...تعالى أقعدى.."
قعدت
وطلبنا شاى أخضر...
لما كنت
ببصلها كنت بشوف إبتسامة مرسومة دايما على
وشها..كأنها
متعودة عليها أو مولودة بيها كدة...
كانت
إبتسامتها بتوحى بالحنان وبتحسس الشخص بالراحة...
ميرو:"أنتى بتدرسى
هنا...صح؟؟؟"
"أهااا..أنا فى كلية أداب
قسم لغات أسيوية...وأنتى؟!!"
ميرو:"لأ أنا مش بدرس
هنا.."
رديت بتساؤل:"أمال كنتى
بتعملى أيه هنا؟!!"
ميرو:"كنت جايبة الحاجات
اللى وقعت بيها ديه لأخويا.."
يعنى لما
كانت خارجة من مكتب كيبوم..تقصد إن كيبوم يكون..
"هو أخوكى يكون كيبوم
شى؟!!"
ميرو:"أهااا..أنتى
تعرفيه؟!!"
"أكيد..كيبوم شى يبقى
مدرسى.."
ميرو:"أوووو...صدفة حلوة
أوى.."
وفاجأة
قامت من مكانها وشاورت لشخص واقف ورايا..إتجهت
بنظرى
ناحية المكان اللى بتشاور عليه وكان كيبوم واقف هناك...
قرب مننا و
وقف قدامنا...
كيبوم:"أنتوا تعرفوا بعض
منين؟؟؟"
ميرو:"مروة ساعدتنى الصبح
لما حاجتك وقعت منى.."
كيبوم:"أمممم...طيب
هتروحى متى؟!!"
ميرو:"هقعد مع مروة شوية
وبعدين همشى..."
كيبوم:"أراسووو..خدى بالك
من نفسك,,أنيووو..باى باى مروة"
أبتسمتله...وبعد
ما مشى قعدت شوية كمان مع ميرو,,كنا بنتكلم
براحة
كبيرة مع بعض..وهى كانت بتحكيلى على حاجات كتير عن
حياتها....
****************************************
روحت على
الجامعة فى الأول عشان أخد الحاجات اللى ناقصانى
من الدكتور
وبعض زمايلى..أعتقد إنى بدأت أتأقلم على الوضع بعد
اللى سولى
ولارا عملوه ونشروه وسط الكلية بأكملها...
كنت طول ما
أنا ماشية بقول لنفسى..أنا وندى مفيش بيننا أى زعل
وهو ده
المهم,,مش مهم نظرة الناس ليا ...
بس
النهاردة كان فى حاجة مختلفة,,وهى تفكيرى أنا عن الوقت
الحالى..علاقتى
دلوقتى مع دونغهى واللى حصل بيننا...
لو دلوقتى
حد عرف بطرقة ما إننا بقينا مع بعض هيقولوا عنى
أيه؟؟أنا
مش هقدر أستحمل اكتر من اللى حصل....
خلصت اللى
كنت عايزة أعمله بسرعة وروحت بسرعة على
الشركة
عشان التدريب...
غيرت هدومى
وروحت على القاعة الى بتدرب فيها مع باقى
البنات...
وكالعادة
كنت بحاول ألهى نفسى عن اللى بفكر فيه بالمجهود اللى
بعمله...
فى البداية
بدأ الموضوع ببرنامج إذاعى فى الراديو وموديل
لمجلة..وبعدين
إشتغلت موديل لكليب..وبعدين تانى موديل
لمجلة..ودلوقتى
بتدرب عشان أكون دانسر كمان...
يمكن كنت
واخدة الموضوع فى الاول كوسيلة للإعتماد على النفس
ومصدر
للفلوس...لكن دلوقتى حبيت الموضوع وبقى هدف عايزة
أوصلله...
جيه وقت
البريك..وكالعادة حطيت سمعاتى فى ودنى وقعدت أسمع
مقاطع موسيقية...غمضت
عينى وحاولت أصفى ذهنى...بس بعد
وقت مش
طويل حسيت بحركة جنبى وفاجأة حد شال السماعة من
ودنى...
بصيتله
بسرعة وأنا متفاجأة من الشخص اللى عمل كدة,,بس
الأمور
وضحت لما شوفته...
حط السماعة
فى ودنه وهو بيغمض عينه وعلى وشه إبتسامة
رايقة...
دونغهى:"بتسمعى
أيه؟!!!"
بصتله ببرود:"أنت بتعمل
أيه؟!!"
فتح عينه وبصلى:"أكيد
متضايقة عشان معدتش عليكى الصبح
عشان نيجى مع بعض_مسك أيدى
وبص فى عينى بجرأة_بيانيه
مش هكررها تانى.."
توهت فى
عينه للحظات وبعدين وجهت وشى للناحية التانية
وشديت أيدى
منه وقومت وقفت....
"بطل حركاتك ديه..أنت مش
وراك تدريب,يلا أمشى من هنا.."
دونغهى:"دلوقتى وقت
الغدا...مش ورايا حاجة,,وبعدين إنتى مش
بتتغدى ليه؟؟ديه تانى مرة
أجيلك فى وقت الغدا وألاقيكى مش
بتاكلى.."
رديت:"مش عايزة...مليش
نفس.."
مسك أيدى
بقوة ومشى بيا لبرا القاعة...
دونغهى:"لأ..أنتى بتبذلى
مجهود كبير ولازم تاكلى حاجة...يلا
خلينا نتغدا مع بعض.."
حاولت أفلت
أيدى من أيده:"دونغهى سيبنى..قولتلك مش عايزة
أكل.."
دونغهى:"أولا أسمها
أوبا..ثانيا أكيد مش هتسبينى أكل لوحدى.."
فضل مسكنى
ومشينا لغاية المطعم فى الشركة وطلب رامين وقعدنا
ناكل مع
بعض...
دونغهى:"قوليلى بقا تحبى
نروح فين فى نهاية
الأسبوع؟!!سينما؟؟ولا نسهر فى
مكان تانى؟!!"
"أنا مش فاضية فى نهاية
الأسبوع..ورايا حاجات لازم أعملها.."
دونغهى:"لازم تاخدى بريك
وتريحى نفسك شوية...الشغل الكتير
بيضر بصحتك...يلا قوليلى.."
قطعت كلامه
وو وقفت وبدأت أتكلم بعصبية:"بطل الطريقة ديه
دونغهى..كفاية تعاملنى كدة,,من
أمتى بتحبنى ومحتاجلى؟؟ليه كل
ده مرة واحدة؟!!"
دونغهى:"عشان ديه
الحقيقة.."
"الحقيقة إنك كنت بتحب
ندى.."
دونغهى:"قولتلك إنى غلطت
لما قولتلك كدة..أنا عمرى ما حبيت
ندى,,يمكن كان إعجاب...بس عمرى
ما حسيت إنى عايز أكون
قريب من حد زيك انتى.."
قام وقف
وقرب ناحيتى....
دونغهى:"كفاية عناد يا
ديما...متجرحيش نفسك وتجرحينى أكتر
من كدة.."
"أنت اللى كفاية تجرحنى
أكتر من كدة.."
وسبته
ومشيت بخطوات سريعة عشان ميلحقنيش..لكن من جوايا
كنت عايزاه
يجرى ورايا ويمسكنى ويضمنى فى حضنه ويقولى
مش
هسيبك...
*******************************************
مكنتش عارف
المفروض أعمل أيه...مع كل كلامها وترددها
ورفضها,,لازم
أعمل أيه عشان أخليها تثق فيا تانى
وترجعلى..عشان
تحس إنى عايزها هى مش ندى...
رجعت على
مكان التدريب بتاعى وكان باقى الأعضاء هناك...
وأول ما
دخلت بدأنا تدريب...قعدنا نتدرب لمدة تلت ساعات
متواصلة
وأخيرا خلصنا...
كنت هروح
أغير هدومى بسرعة وبعدين أشوف ديما...لكن المدير
جونج خلانا
نستنى عشان هيعلن عن خبر مهم بالنسبالنا على حسب
ما هو قال....
المدير
جونج:"مبروووك...المدير التنفيذى قرر يعلن عن فرقتكوا
رسميا أول الشهر الجاى.."
فى الاول
مكنتش مستوعب اللى سمعته بس بعد كدة حسيت بفرحة
كبيرة
أوى...كلنا قعدنا نتنطط ونهيص ونحضن بعض..مكنش حد
فينا مصدق
إن ترسيمنا ممكن يبقى بالسرعة ديه....
جريت على
قاعة التدريب اللى فيها ديما وكانت هناك لوحدها بتلم
حاجتها..وأول
ما شافتنى سابت اللى فى أيديها وبصتلى بنظرات
إستفهام....
جريت
ناحيتها وأنا بضحك وحضنتها جامد...
"أنا هترسم...فرقتنا
هتبقى فرقة رسمية من أول الشهر.."
فى الوقت
ده أتأكدلى إن ديما فعلا بتكون أهم شخص بالنسبالى..لما
بكون
متضايق أو فرحان..بتكون هى أول شخص بيجى على
بالى..
حسيت
بترددها ومفاجأتها فى الاول..بس بعد كدة حسيت بلمسة
أيدها على
ضهرى...
ديما:"تشوكاهيه..."
بعدت عنها
شوية وبصيت فى عنيها بفرحة...
"كوماوا...يلا فين
هديتى؟!!"
ديما باستغراب:"هدية
أيه؟!!"
مثلت إنى
محبط منها:"يعنى مش هتجبيلى هدية بالمناسبة ديه؟!!"
ديما:"أكيد هجبلك
هدية..بس أنا لسة عارفة دلوقتى,هجيبها
أمتى؟!!"
بصتلها
بإبتسامة بسيطة:"أنا عايز حاجة واحدة بسيطة دلوقتى.."
ديما بتساؤل:"أيه
هى؟!!"
قربت منها
وطبعت قبلة صغيرة على خدها وبعدين بعدت عنها
وبصتلها
بنفس الإبتسامة...
"بس كدة..مش عايز حاجة
تانية.."
لاحظت
توترها ونظراتها اللى بتحاول تهرب منى...
"خلصتى اللى
وراكى؟!!"
هزت راسها
بمعنى موافقة....
"خلاص أستنينى هنا..هروح
أغير هدومى وأجيلك بسرعة عشان
نمشى مع بعض...ولا تيجى
معايا؟!!"
ديما:"أجى معاك
فين؟!!"
"ههههههه...مفيش...خلاص
خليكى هنا لغاية ما اجى.."
روحت غيرت
هدومى ورجعت تانى عشان نمشى مع
بعض...كانت
قاعدة مستنيانى بهدوء...
"يلا خلينا نمشى.."
مسكت أيدها
ومشينا مع بعض لغاية برا الشركة..عجبنى
استسلامها وانها
بطلت عنادها ومشيت معايا بهدوء...
كنت بحاول
أتكلم معاها من وقت للتانى طول الطريق..لغاية ما
وصلنا
لبيتها.....
"أتعشى قبل ما
تنامى.."
ديما:"أراسووو...يلا
أمشى.."
ابتسمت:"أنيوووو...هتوحشينى.."
وكملت
طريقى للبيت...أول ما دخلت الشقة لقيت ريم قاعدة فى
المطبخ
وبتبص لندى اللى بتلف فى الصالة بطريقة غريبة...
شاورت لريم
بمعنى فى أيه...بس ريم شاورتلى بمعنى معرفش..
"ندى...فى أيه؟!!"
ندى بدون
تركيز:"ها؟؟؟مفيش أوبا,,بس كنت بفكر فى حاجة.."
"طيب أقعدى وفكرى
بهدوء..كدة هتدوخى.."
رمت نفسها
على الكنبة بتعب وغمضت عنيها...وروحت قعدت
جنبها...
"فى أيه؟؟؟أيه اللى موترك
كدة؟!!"
ندى:"مفيش...كنت بفكر فى
الشغل وبس,,المهم أنت عملت أيه مع
ديما النهاردة؟!!"
رديت بسعادة:"ديما
بتحبنى..وأنا عارف إنى هقدر أرجع ثقتها فيا
وفى حبى ليها.."
ابتسمت بتعب:"كويس...أنا
معتمدة عليك,,وأيه أخبار التدريب
بتاعك؟!!"
"فرقتى هتترسم أول الشهر
الجاى...وأخيرا هحقق حلمى.."
ريم:"أوووووووه...تشوكاهيه
أوبااا.."
ندى:"تشوكاهيه.."
ريم:"لازم نحتفل
بالمناسبة ديه...خلونا بكرة نروح مكان نسهر فيه
ونحتفل بيك.."
ندى:"أكيد لازم نحتفل
بالمناسبة ديه_وفاجأة مسكت ندى راسها
بتعب_بيانيه هدخل أنام عشان تعبانة
شوية.."
ريم:"تحبى أجبلك حاجة
للصداع؟!!"
ندى:"لأ شكرا..هنام وهبقى
كويسة,تصبحوا على خير.."
دخلت ندى
أوضتها وفضلت أنا وريم قاعدين مع بعض نتكلم
ونكمل
رخامة على بعض.."
******************************************
خلاص يا
ندى متفكريش بالطريقة ديه..أكيد يونا قالت كدة عشان
تضايقك
وبس..شيون مش هيجرحك بالطريقة ديه...
كنت قاعدة
فى أوضتى بصبر نفسى بالكلمتين دول..بس مش فاهمة
ليه شيون
متصلش بيا النهاردة؟!!
كان كل يوم
لازم يتصل بيا ويقولى وحشتينى...لكن النهاردة!!!!
فتحت
دولابى وأخدت علبة من علب الشيكولاتة اللى كانوا بيجولى
فى الفترة
اللى فاتت..وبدأت أكل الشيكولاتة اللى فى العلبة
كلها...الواحدة
ورا الواحدة...
وبعدين
مسكت موبايلى بعصبية وطلعت رقم شيون ودوست على
زر
الإتصال...بس قبل ما أسمع الجرس قفلت تانى بسرعة...
"شيون...أنت غبى.."
رميت نفسى
على السرير..وبعد شوية عينى بدأت تقفل بتعب...
وفى
الصباح...
كنت بلم
حاجتى بسرعة وبحطها فى الشنطة عشان أروح على
الكلية...كانت
ريم لسة نايمة,,وكمان دونغهى مصحيش...
بصيت فى
الساعة لقيتها لسة 6:30 الصبح..بس معرفتش
انام,,ففكرت
إنى أمر على ديما قبل ما أروح على الكلية...
أخدت حاجتى
واتجهت لبيت ديما...خبطت على الباب وبعد ثوانى
ديما
فتحت...
ديما:"ندوووش...وحشتينى.."
رديت وأنا
بدخل وبقفل الباب:"وأنتى كمان وحشتينى..اليومين دول
أحنا الأتنين مشغولين ومش
عارفين نشوف بعض.."
ديما:"عندك حق.."
دخلنا
وقعدنا وبدأنا نتكلم...
"أيه أخبارك؟؟؟"
ديما:"كويسة..بس دونغهى
بقى يتصرف بغرابة معايا.."
رديت بإبتسامة:"بغرابة
أزاى؟!!"
كانت ديما
مترددة إنها تتكلم فى الموضوع..بس عندها
حق,,الموضوع
ده حساس بيننا أحنا الأتنين مش من السهل إننا
نتكلم يه
مع بعض..وعشان كدة قررت إنى أبدأ الكلام...
"قالك إنه بيحبك؟!!"
ديما بصتلى
بإستغراب:"عرفتى منين؟؟..إنتى اللى ورا الموضوع
ده؟!!"
رديت بسرعة:"لأ طبعا مش
أنا..بس دونغهى قاللى إنه بيحبك,,هو
عايز يرجع كل حاجة زى ما كانت
يا ديما..هو فعلا
بيحبك,مشاعره ناحيتى مكنتش حب.."
ديما:"بس مش من السهل إنه
يعمل كدة..ومش من السهل عليا إنى
أكون مع واحد قاللى إنه بيحب
صحبتى.."
فى الوقت
ده حسيت إنى بتخنق..أنا السبب فى كل اللى
حصل,,للحظات
فكرت أنا من وقت ما جيت لكوريا ومفيش حاجة
عايزة تمشى
مظبوط...
"فكرى فى الموضوع..وحاولى
تديله فرصة,,النهاردة أتفقنا نروح
نسهر برا عشان نحتفل بيه..أكيد
عرفتى إن فرقته هتترسم,وأنتى
لازم تبقى موجودة طبعا.."
كانت
ملامحها بتدل على القلق والحيرة...مسكت أيدها وبصتلها
بإبتسامة...
"فى الأول لما عرفت إن
دونغهى مش بيحبك حسيت إنى غلطانة
وغلطت غلط كبير كمان لما
قولتلك أمشى مع قلبك وسيبى نفسك
وحبيه...لكن دلوقتى عرفت إن
كلامى كان صح,,متضيعيهوش
منك..ماشى؟!!"
خدت نفس
عميق وبصتلى بإبتسامة..وبعدين هزت راسها بإنها
موافقة على
كلامى...
"خليكى كدة على طول...يلا
أنا همشى دلوقتى عشان ورايا
محاضرات بدرى وبعدين فى شغل
كتير فى الشركة.."
ديما:"طب أستنى نفطر
ونروح مع بعض.."
"معلش انا مستعجلة
دلوقتى..أفطرى أنتى مع مروة..باى باى"
أتجهت
ناحية الباب وخرجت من الشقة..وبسرعة ركبت العربية
وروحت على
الجامعة وأنا بفكر فى الكلام اللى قولته لديما...
أعتقد إنى
محتاجة حد يقولى نفس الكلام..عايزة حد يشجعنى
ويدينى
دفعة عشان معملش حاجة غلطت..
بس يمكن
انسب شخص ممكن يعمل ده هو شيون...لو ضمنى
لحضنه
وقالى إنه بيحبنى لمرة كمان,مش هصدق أى حد بعد كدة
يقوللى
العكس..
كان يوم
عادى محصلش فيه أى حاجة جديدة..وفى الشركة بالزات
كان
الموضوع زيادة فى الإرهاق بالنسبالى,,خصوصا مع نظرات
يونا
والرئيس سونجو الى بقت تزيدنى بالإحباط...
ماصدقت
خلصت اللى ورايا ورجعت بسرعة على البيت..كانت
ريم كلمتنى
وقالتلى إنها هترجع المغرب من بيت كيو عشان نخرج
مع بعض زى
ما اتفقنا....
فتحت باب
الشقة وقفلته بقوة وأنا متضايقة...كنت عايزة أعيط
وأصرخ
بقوة,,خصوصا وإن النهاردة كمان شيون متصلش...
بس أول ما
دخلت البيت لقيته واقف فى نص الشقة وبيبصلى
بنظرات
غريبة...
فضلت أنا
كمان واقفة مكانى وببصله بإستغراب...ليه مقالليش إنه
هيجى
النهاردة؟!!
لمدة دقيقة
كاملة محدش فينا أتحرك من مكانه أو نطق بحرف,وفى
الوقت ده
حسيت بدموعى هتغلبنى وبسرعة جريت عليه وحضنته
جامد...دفنت
وشى فى صدره وبدأت أعيط....
"غبى.."
ضمنى لصدره
جامد...
شيون:"بتعيطى ليه؟!!أيه
اللى حصل؟!!"
"أنت غبى...أغبى شخص
عرفته فى حياتى.."
سمعت صوت
ضحكته اللى استفزتنى:"ههههههه..بس الشخص
الغبى ده هو الوحيد اللى أنتى
حبتيه.."
زقيته عنى
بأيده الأتنين.....
"غبى ومغرور.."
لفيت وشى
عشان أدخل أوضتى بس هو مسك أيدى جامد وشدنى
عليه,وفى
لحظة كنت بين أيده وشفايفه ملامسة لشفايفى فى قبلة
قوية...كنت
واقفة مصدومة من اللى عمله..بس قربه منى وطريقته
خليتنى
أغمض عينى وبس.....
******************************************
روحت بعد
الجامعة مع كيوهيون لبيته...كان بيت من طابقين فى
مكان
راقى,,عجبنى تصميمه أوى..لكن كان أصغر من بيتنا اللى
فى مصر...
أول ما
دخلت مع كيوهيون مامته رحبت بيا وكمان اتعرفت على
أخت
كيوهيون الصغيرة...وقعدنا فى الصالون...
والدة كيو:"فرحتينى لأنك
قبلتى دعوتى ياريم.."
رديت بإبتسامة:"أنا كمان
فرحت أوى بسبب دعوة
حضرتك...ومبسوطة أوى لأنى
أتعرفت على أسرة كيوهيون.."
كيوهيون:"أنتوا هتفضلوا
تتكلموا كدة ومش هتغدونا ولا أيه؟؟؟أنا
جعان أوى.."
والدة كيو
وهى بتتجه للمطبخ:"دقايق والأكل هيبقى جاهز.."
قومت من
مكانى ومشيت معاها:"تحبى أساعد حضرتك؟؟"
والدة كيو:"متتعبيش
نفسك..فاضل نحط الأكل على السفرة بس.."
قعدنا
نتغدا أنا وكيوهيون ومامته وأخته "آرا" اللى عرفت من
كيوهيون
إنها فى تانى سنة فى المدرسة الثانوية..
كان وقت
ممتع وحسيت إنى أعرف عيلته من زمان...قعدت أتكلم
مع مامته
عن الدراسة وعن السبب اللى جيت عشانه كوريا...
وبعد حوالى
ساعتين إستئذنت عشان أمشى..وكيوهيون أصر إنه
يوصلنى....
كنا فى
العربية مع بعض..وكيوهيون مشغل موسيقى سريعة...
وأنا كنت
ببعت رسالة لندى أقولها إنى مش هتأخر على معادنا..
كيوهيون:"بتبعتى رسالة
لمين؟!!"
رديت:"ندى..النهاردة
هنخرج عشان نحتفل بدونغهى أوبا عشان
فرقته هتترسم الشهر
الجاى..فكنت بقولها إنى مش هتأخر.."
كيوهيون:"مين
دونغهى؟!!"
"ما أنا قولتلك قبل كدة،على موضوع ندى وشيون ودونغهى والشقة..نسيت؟؟؟"
كيوهيون:"أوووه..صح..."
"أيه رأيك تيجى
معانا؟؟وكمان كلم يورى وكانغ مين خليهم يجوا
معانا..هننبسط هناك.."
كيوهيون:"أولا أنا معرفش
دونغهى ده...ثانيا كنت عايز أسئلك
سؤال.."
"أيه هو؟!!"
كيوهيون
وقف العربية على جنب وبصلى بجدية..
كيوهيون:"أنا أبقى أيه بالنسبالك؟!!"
....
...
.....يتبع....
ليست هناك تعليقات:
إرسال تعليق