النسيان طريقى (part 1)
الساعة : 11
صباحا
المكان :
دورم السوجو
خارج من
أوضته شاف أيتوك وسونغمين وهيتشول فى وشه
كيوهيون :
صباح الخير
سونغمين :
صباح النور .. صاحى بدرى يعنى بالنسبالك ؟
كيوهيون :
عادى ..
أيتوك : لأبس
ومتشيك ورايح على فين ؟
هيتشول : لا
وصاحى و مفوق .. مش زى ما بتبقى نايم علطول
فى المطار
وفضاحنا
كيوهيون :
احنا اجازة يعنى براحتى انام واصحى وقت ما عايز ..
وبعدين انا
جاى اقولكوا انى هروح اقعد مع اهلى شوية
سونغمين : مش
من عادتك يعنى
أيتوك : صح
انا ملاحظ عليك بتروح كتير تقعد عند مامتك
كيوهيون :
ايه مامتى الله .. وبعدين فى مشكلة هناك لو اتضبطت
لما ارجع
هقولكوا كلكوا على كل حاجة
سونغمين :
مشكلة ؟ ... فى ايه طيب ؟ حد تعبان من اهلك ؟
كيوهيون :
لما أرجع هقولكوا كل حاجة
أيتوك : ماشى
بس مش تقعد كتير .. بتوحشنى يا غتت
كيوهيون :
ههيهيهيهيهيهيهيهيهيهي مقدرش اصلا يلا سلام
خرج كيوهيون
وهو خارج طلع موبيله واتصل بحد كان سيون
خارج من
الاسانسير وسمع صوت كيو وهو بيتكلم فى الموب بس
كان ركب
الاسانسير التانى
كيوهيون : ايه
يا رى ..مش هتأخر والله....... انا بقيت غريب ؟ مش فاهم ..لما أجىء لما اجىء
..خلاص بقى
سيون : رى
؟؟؟؟؟ .. رى مين ؟
دخل سيون
الدورم لقاهم قاعدين بيتفرجوا على التلفزيون
هيتشول : كنت
فين ؟
سيون : كل
يوم تسألونى نفس السؤال وانا أجاوب نفس الاجأبة
كنت فى الجيم
أيتوك :
بنطمن الله ...
سيون : ايه
دور خالتى لاتاتة ده ... اطمن يا أخويا
دخل سيون
المطبخ وفتح التلاجة ودخل راسه جواه وهو
بيتكلم
سيون : هو
صحيح الواد كيو رايح فين ؟ سمعته وخارج من
الاسانسير
بيتكلم فى الموب .. وبيقول ايوة يا رى ... هى مين رى
دى ؟
سونغمين : رى
؟؟؟ رى ازاى يعنى مقاليش على حاجة
هيتشول :
أكيد بنت يعنى
أيتوك : يكون
هى دى الحاجة الى قال هيقولنا عليها لما يجىء
سيون وهو لسه
جوه التلاجة : هى التلاجة دى مفيهاش أكل راعوا
انى رياضى
بحتاج أكل كتير
هيتشول : يا
شيخ أتنيل مخلص أكل الدورم كله ويقولك رياضى
*_*
أيتوك : أدخل
صحى رييوك خليه يقوم يحضر الفطار وصحى
الباقى
سيون :
أشمعنى انا :/
أيتوك : عشان
أنت الى جعان
سيون : أمرى
لى الله
دخل سيون صحى
رييوك وباقى الاعضاء وعقبال ما تجمعوا كلهم
على طرابيزة
السفرة كانت الساعة 1 الضهر
دونغهى :
سيون ما تأكل براحة .. ايه الى أنت فيه ده ؟
سيون : أيووة
يأخويا ما أنت أجازة انا عندى تصوير كمان ساعة
يعنى لازم
انزل دلوقتى
اينهيوك :
ملكش دعووة بسمكتى
سيون : يا
شيخ أتلهى ... يلا انا ماشى
أيتوك : مش
هتكمل أكلك ؟
سيون : لا
خلاص اكلت ...انا احتمال ارجع متأخر ورايا حاجات
كتير
رييوك : طيب
أعملك اى سندوتشاات
يسونغ :
اهااا ومتنساش تديله الزمزمية عشان لما يعطش
رييوك : بس
يا ظريف :/
سيون : والله
انتوا شوية عيال .... يلا سلام
نزل سيون راح
على جدوله والسوجو قاعدين فى الدورم كل واحد
بيعمل حاجة
اما بقى
كيوهيون فوصل بيت اهله ودخل فطر معاهم واليوم مر
عادى جداااا
بعد لما سيون
خلص جدوله كانت حوالى الساعة 12 بالليل او زى
ما بيقولوا
منتصف الليل حب يصفى ذهنه شوية فخد عربيته وطلع
قعد عند نهر
الهان وشغل المزيكا الى بيحبها وبتهدى أعصابه
وقاعد سرحان
مع المزيكا وفجأة بيلف رأسه لقى بنت واقفة فوق
الكوبرى الى
بيعدى من فوق نهر الهان وهتنط فى الماية شكلها
بتنتحر
اتنطر سيون
وهو مفزوع وفتح باب العربية ونزل يجرى عشان
يلحقها لكن
عقبال ما وصل كانت هى نطت خلاص وحتى مش
شايفلها اثر
قعد يفكر ممكن يعمل ملقاش حل غير انه ينط وراها
ينقذها
قلع الجاكت
بتاعه وراح ناطط فى الوقت ده الناس ابتدت تتجمع
قعد يدور
عليها لحد ملقاها تحت الماية ومن منظرها سيون قال
خلاص دى ماتت
طلع سيون
والناس متجمعين حواليهم وهى كان وشها ازرق مش
بتتنفس وراسها
بتجيب دم تقريبا اتخبطت لما وقعت
سيون قاعد
ببصلها مش عارف يتصرف ازاى فى واحدة بتموت
جنبه المهم
الناس اتصلت بالاسعاف وهو قعد يضغط على بطنها
عشان تطلع
الماية كان هيتجنن قعد يخبطها جامد وجتله حالة
هيستريا
المهم طلعت حبة ماية وابتدت تتنفس بس بصعوبة فى
الوقت ده كان
الاسعاف وصلت وخدتها هى وسيون وراحوا على
المستشفى
وصلوا
المستشفى وخدوها وسيون فضل قاعد بره وعلى كتفه
بطانية
اديهاله لما وصلوا و شوية و الدكتور خرج لسيون
الدكتور :
أنت خطيبها ؟
سيون : لا
طبعا ..أنا مجرد واحد أنقذتها ...هى عايشة ؟
الدكتور : هى
كويسة .. قدرنا نطلع كل الماية الى شربتها والجرح
الى كان فى
رأسها بسيط عملنا عليه فحوصات ولسه النتيجة هتطلع
بعد يومين
سيون : يعنى
أقدر أمشى ؟
الدكتور :
تمشى فين .. انت تستنى لحد ما تفوق وتخدها وتمشى
بعد كدة
سيون : انا
اخدها... بس أنا مش أعرفها
الدكتور :
خلاص بلغ الشرطة وهى تتصرف
سيون : شرطة
؟؟؟... يعنى صحافة يعنى اعلام يعنى فضيحة
واحتمال
يقولوا انى كنت بحبها ... ماشى شكراً يا دكتور
مشى الدكتور
وهو مستغرب سيون جداااااا لانه بيكلم نفسه
سيون بيكلم
نفسه : اعمل ايه دلوقتى ؟ انا لما تفوق اخدها اوصلها
لبيت أهله
..صح كدة
دخل سيون
الاوضة بتاعتها لقها لسه مفقتش قعد على الكنبة الى فى
وشة السرير
مستنيها تفوق
الساعة : 3
بعد منتصف الليل
المكان :
المستشفى أوضة البنت الى مش عارفين اسمها لحد
دلوقتى
الاشخاص :
البنت وسيون
سيون قاعد
لسه زى ما هو فجاة لقى البنت بتقوم تقعد قام وقف
قدامها
سيون : انتى
كويسة .. حاسة بحاجة.. اندهلك الدكتور
البنت
:ـــــــــــــــــــــــــــ ._.
سيون : مالك
طيب ؟ هو .. أنتى مش بتتكلمى
البنت : لا
بتكلم ....
سيون : يا شيخة
خضتينى ...طيب قومى ألبسى عقبال ما اجيب
العربية عشان
نمشى
خرج سيون
وساب البنت وفى 100 سؤال فى رأسها ومش لقيالهم
أجابة فقامت
نفذت الى قالها عليه ولبست وفضلت قاعدة مستنايه
بعد شوية
سيون دخل عليها لقاها قاعدة مستنيه مكان ما سبها
متحركتش من
مكانها غيرت هدومها بس
سيون
بأستغراب منها : يلا بينا ...؟؟؟
البنت هزت
رأسها موافقة على الى هو بيقوله ومشيت وراه
من غير ولا
كلمة
وصلوا قدام العربية وسيون ركب وهى فضلت واقفة
فسيون
فتح شباك
العربية
سيون : أنتى
هتفضلى واقفة كدة كتير ..ما تركبى
البنت : حاضر
....
ركبت العربية
وسيون دورها ولسه هيطلع فأفتكر انه
ميعرفش
عنوانها
سيون : أدينى
عنوانك عشان أوصلك ...
البنت : هو
أنت متعرفهوش ؟
سيون : هعرف
منين يعنى ؟ ... صحيح أسمك ايه ؟
البنت : أسمى
؟؟ ..أسمى ...أنا ؟
سيون : أومال
اسمى انا ؟ هو أنا سألتك سؤال غريب ؟
البنت : هو
أنت متعرفش أسمى ؟
سيون : نعم ؟
وأعرفه منين أن شاء الله ؟
البنت : هو
مش أنت البوى فريند بتاعى ؟ ..
سيون : نعم
يأااااااختى ..بوى فريند ؟
البنت : اها
صح .. يبقى أنت أخويا .. سورى سورى
سيون : أنتى
بتستهبلى ولا انتى هبلة ؟ .. ولا الخبطة أثرت
على دماغك
ولا ايه ؟
البنت :
مهو.... أصل ...أنا ......
سيون :
اتكلمى ... أنطقى ..
البنت : أنا
مش فاكرة حاجة خااااااااالص
سيون : يعنى
ايه ؟ يعنى مش فاكرة حاجة ازاى ؟
البنت : مش
عارفة ؟؟؟؟؟؟؟؟
سيون : لا
انزليلى بقى كدة نشوف ايه الحكاية ....
نزل سيون
وراح فاتح الباب الى قاعدة من نحيته وشدها من
ايدها ودخل
بيها المستشفى تانى وخدها ودخلوا للدكتور
وراح رازعها
على الكرسى
الدكتور :
أيه ده فى حد يدخل كدة ؟
سيون : هو مش
أنت قولت انها كويسة
الدكتور :
أيوة فعلا هى كويسة جداً
سيون :
وعقلها الى صواميله فكت دى .. دى مش فاكرة
حاجة خالص
حتى أسمها
الدكتور : ايه
ده بجد ؟ لا استنى أفحصها بقى .. لحسن تكون
الخبطة أثرت
على دماغها ولا حاجة
الدكتور خد
البنت لأوضة الفحص مرة تانية وسيون قاعد
مستنيهم
يخلصوا خمس دقايق والدكتور دخل عليه تانى هو
والبنت
سيون : ايه ؟
مالها بقى ؟
الدكتور :
واضح أن الخبطة أثرت على دماغها .. وأفقدتها
الذاكرة
سيون : يعنى
هى مش فاكرة حاجة خالص ؟
الدكتور : مع
اللاسف اها
سيون :
وهترجعالها الذاكرة امتى ؟
الدكتور : ده
شىء مقدرش احدده .. ممكن ترجعالها بكرة
بعد أسبوع
..شهر ..سنة
سيون : خلاص
خلاص .. شكراً
مسك سيون
ايديها وشدها معه تانى وهى ماشية معه ومش
بتفتح بوقها
بكلمة وصلوا قدام العربية فتح الباب وراح زقها
داخلها جواه
العربية وركب جمبها
سيون : طب
المفروض أن انا اعمل ايه دلوقتى ؟
البنت بصتله
براءة ومش اتكلمت : ــــــــــــــــــــــــــ
سيون : مش
عارف بتتخرسى فى المواقف دى ليه ؟ .. طيب
اهدىء يا
سيون أهدىء
البنت : ايه ده
انت اسمك سيون ؟
سيون : تخيلى
بقى أسمى سيون ....هووووف (تنهيدة) أعمل
ايه .. لو
روحت مركز الشرطة هتبقى فضيحة ... اهااااا صح ..فين موبيلك نتصل بحد من اهلك
البنت :
أجاشى ..انا مش فاكرة أى حاجة اكيد مش هفتكر
فين الموبيل
سيون : اجاشى
×_× يارب صبرنى .. طب يعنى أوديكى
فين دلوقتى
.. أسيبك فى الشارع
البنت بعيون
القطة بتاع شريك : أنت شكلك طيب وجنتل ..
تهون عليك
بنوتة زى تفضل فى الشارع أجاشى
سيون : أجاشى
!! الكلمة دى هى الى هتخلينى أرميكى فى
الشارع وأنا
ضميرى مستريح
البنت : L
سيون :
هوووووف ( تنهيدة) امرى لى الله
شغل سيون
العربية ومشى بيها وهى قعدت جنبه تفكر هى
صحيح ايه الى
حصلها ومين ده الى جنبها ويترى فعلا
هيسيبها فى
الشارع طب هى هتعمل ايه بعد كدة
اما سيون
راح على دورم السوجو معندوش حل الا كدة ده
غير انه كان
تعب خلاص ومعندش طاقة يتكلم ولا يعمل اى
حاجة الساعة
4 فجراً فقرر يخدها معه لحد تانى يوم ويشوف
هيعمل ايه
وصلوا الدورم
راح سيون نزل من العربية وفتح لها الباب
وهى لسة
قاعدة منزلتش
سيون : يلا
.. مش هتنزلى ؟
البنت نزلت
من غير ما تتكلم وراحت قفلة الباب ومشيت
وراء سيون من
غير كلمة واحدة طلعوا وهى معه وراح فاتح
باب الدورم
بالمفتاح بتاعه ودخل والبنت واقفة قدام الباب
مدخلتش
سيون : ما
تدخلى .. واقفة كدة ليه ؟
البنت : هى
.. هى دى شقتك ؟ لوحدك ؟
سيون : شقتى
لوحدى ؟؟؟ ... اها لالا مش لوحدى ..أدخلى
البنت دخلت
ومتكلمتش تانى لان هى حاسة أن سيون مش
طايقها خالص
بعد لما دخلوا سيون قفل الباب وسابها فى
أوضة المعيشة
ودخل أوضته يغير هدومه وهى فضلت واقفة
شوية وبعدين
حاسة انها تعبت فراحت قاعدة وسيون كان
خلاص جاب
أخره ومش قادر يحرك عضلة فيه نسيها
خااااالص
وبعد ما غير هدومه نام وسابها قاعدة اما هى
فضلت مكانها
وبعد ما سيون اتاخر عليها قامت وقفت قدام
الشباك شوية
وبعدين خافت سيون يرجع يزعقلها فرجعت
قعد مكانها
تانى
الساعة : 8
صباحاً
المكان :
دورم السوجو
أينهيوك صاحى
من النوم مش شايف قدامه وخرج من
أوضته عشان
يدخل الحمام معدى فى أوضة المعيشة شاف
بنت نايمة
على الكنبة محط شفى باله وراح مكمل دخل
الحمام وخلص
وخرج ومعدى تانى و شافها وماشى بردو
وداخل على
أوضته ولسه هيدخل راح راجع برأسه تانى لقى
بنت نايمة
متكورة حوالين نفسها كأنها بردانة وشعرها أسود
وطويل ونازل
على وشها
أينهيوك :
أيه ده ؟ .. يا ماما
راح قرب منها
جداااااا وقعد يبص عليها وعلى وشها وبعدين
قال يتأكد
انه مش بيتخيل راح قرب أيده من وشها وقعد
يدوس عليه
راحت البنت فتحت عنيها فجاة
أينهيوك
:اهااااااااااااااااااااااااااااااااااااااا (صريخ)
البنت :
اهااااااااااااااااااااااااااااااااااااااااااااا (صريخ)
نهاية الجزء
الاول
يارب يعجبكوا
ومكونش رخمت فى الاخر لانى حاسة كدة
وياريت
تشجعونى بكومنتاتكوا عشان أكتب التانى وانزله
جــــــــــــــامد يانودى ^_^
ردحذف