Chapter 29
نظراتها..دموعها اللى اتجمعت فى عنيها..ملامحها....كان واضح تماما
هى بتفكر فى أيه..
بصتلى بنظرة مليئة بالغضب والألم..واتوجهت ناحية الاسانسير...
جريت ناحيتها ومسكتها:"ندى..أنتى فاهمة الموضوع غلط.."
كانت بتدوس على الزرار جامد,مكنتش عايزة تسمعنى او تبصلى حتى..
نطرت أيدى واتوجهت للسلم ونزلت..كنت هنزل وراها بس وقتها لاحظت
انى مكنتش لابس حاجة فى رجلى..دخلت الشقة التانى ولبست جزمتى..
يونا مسكتنى قبل ما اخرج:"أوباا..رايح على فين؟؟؟"
مشيت من غير ما أرد عليها..خرجت من الشقة,كان الاسانسير وصل فى
الوقت ده..نزلت للجراج وقعدت أدور عليها..وبعدين شوفتها,كانت
متوجهة لعربيتها...
جريت ناحيتها ومسكت دراعها ولفتها ليا..كانت بتعيط,وشها مليان
بالدموع...
حاولت تزقنى وتبعدنى عنها....
ندى بصريخ:"سيبنى..."
"مش هسيبك قبل ماتسمعينى.."
بس هى مكنتش عايزة تهدى ولا تسمعنى..كانت بتحاول تبعد عنى
وبس..شدتها أجمد وحضنتها..بس هى فى الوقت ده زقتنى جامد وضربتنى
بالقلم....
ندى:"عايزنى أسمع أيه؟؟أنا سمعت كدبك بما فيه الكفاية.."
حاولت أقرب منها تانى بس هى رجعت خطوتين لورا...
ندى:"متحاولش تقرب منى أو تلمسنى تانى.."
مسحت دموعها بأديها وركبت عربيتها ومشيت...كنت حاسس
بالضياع,مش عارف أعمل أيه..أيه اللى وقعنى فى الورطة ديه؟!!
وقتها أفتكرت..أكيد يونا كان ليها أيد فى اللى حصل...
طلعت تانى على الشقة لكن كانت يونا مشيت...
قعدت وأنا مش عارف أعمل أيه؟؟أكلم ندى؟؟ياترى راحت فين؟!!دلوقتى
أنا بقيت فى نظرها مجرد واحد كداب وخاين...
*************************************
كنت سايقة عربيتى وأنا بحاول أوقف دموعى..ليه عمل فيا كدة؟؟كل
الوعود والكلام اللى كان بيقوله فى الأخر طلع كدب...
فى الوقت ده أفتكرت الكلام اللى يونا قالتهولى قبل كدة..إن شيون بيعمل
بس كدة معايا عشان الشغل..
مجرد التفكير فى ده بس بيخلينى أحس بحرقة فى قلبى..الخيانة بجد أبشع
شعور حسيته فى حياتى...
مكنتش عارفة أروح فين..كل اللى كنت بفكر فيه إنى عايزة أهرب...
مسكت موبايلى وكلمت ريم...
ريم:"أيوا يا ندى.."
كنت بكلمها وانا بحاول اوقف دموعى:"أنتى فين؟!!"
ريم:"أنا فى بيت ديما...أنتى مال صوتك؟!!"
رديت:"أنا جيالك دلوقتى.."
قفلت السكة واتوجهت لبيت ديما...
أول ما ريم فتحتلى الباب دخلت وقعدت على الكنبة من غير ولا كلمة...
ريم قعدت قدامى:"مالك؟؟عاملة كدة ليه؟؟وبعدين رجعتى أمتى؟!!"
مقدرتش أمسك نفسى عن العياط:"طلع مبيحبنيش..بيخونى.."
ريم:"تقصدى شيون؟؟أنتى أكيد بتهزرى.."
بصتله:"لا مش بهزر..شوفته بعينى معاها فى البيت,كانت خارجة من
أوضته ولابسة هدومه.."
ريم:"مين اللى شوفتيه معاها؟!!"
"يونا.."
ريم:"ندى أكيد فى حاجة غلط..يعنى شيون ويونا.."
بدأت أزعق:"أيه اللى غلط؟؟بقولك شوفتها بعينى خارجة من أوضته.."
قربت منى وأخدتنى فى حضنها...
ريم:"خلاص عشان خطرى أهدى..متعمليش فى نفسك كدة..."
"أنا كنت فكراه بيحبنى..ليه عمل فيا كدة؟!!"
كنت قاعدة اعيط وأنا راسى بتدور فيها ألف فكرة..
**************************************
كان قلبى بيتقطع عليها وانا شايفاها بتعيط كدة..كنت حاسة إن فى حاجة
غلط..لكن إنها تشوفهم مع بعض زى ما حكتلى كدة!!!
راحت فى النوم وهى بتعيط..خلتها تنام بطريقة مريحة وأنا قومت مسكت
موبايلى وكلمت شيون...
شيون:"ريم!!"
رديت:"أيه اللى حصل؟!!"
شيون:"هى ندى معاكى؟!!"
"أه معايا ومموتة نفسها من العياط..فهمنى أزاى قدرت تعمل كدة
فيها؟؟كان المفروض إنك بتحبها..كل ده كان كدب؟؟"
شيون:"ريم أسمعينى..والله محصلش حاجة بينى أنا ويونا..كل ده كان سوء
فهم بس.."
"شيون..ندى قالتلى إنها شايفاها خارجة من أوضتك.."
شيون:"طب لوسمحتى خلينا نتقابل وأنا هفهمك كل حاجة..ممكن؟!!"
ريم:"أوكى..بعد نص ساعة فى الكافيه القريب من بيت ديما .."
قفلت السكة وكتبت لندى ورقة انى مش هتأخر وخرجت...قبل ماوصل
موبايلى رن...
"أوووه أوبا.."
كيوهيون:"أنتى فين؟!!"
"تشومال بيانيه أوبا..حصلت مشاكل كدة ونسيت معادنا خالص.."
كيوهيون:"خير؟؟أيه اللى حصل؟!!"
"هبقا أحكيلك بعدين..أنا مضطرة أقفل دلوقتى..هبقا أكلمك كمان شوية.."
كيوهيون:"أوكى..متنسيش تبقى تطمنينى عليكى.."
"أوكى..باى.."
قفلت السكة وبعد دقايق وصلت الكافيه..كان شيون قاعد مستنينى...
قعدنا وطلبنا حاجة نشربها وبدأنا نتكلم...
شيون:"ندى عاملة أيه؟؟"
"أكيد مش متوقع تكون كويسة..فهمنى أيه اللى حصل.."
بدأ شيون يحكى وأنا بسمعه...
Flash Back>>>
كان شيون قاعد فى البيت بيتفرج على التليفزيون لما سمع جرس
الباب..قام يفتح ويشوف مين...
أول ما فتح الباب لقى يونا قدامه..
يونا:"أزيك أوبا؟؟"
شيون:"يونا؟؟أنتى عرفتى منين.."
يونا:"إنك ساكن هنا؟!!طب فى الأول مش هتخلينى أدخل؟؟ولا هنفضل
واقفين على الباب كدة؟!!"
سمحلها بالدخول وقعدت على الكنبة..
يونا:"أووه..شقتك حلوة أوى أوبا..أنا عطشانة أوى,عندك حاجة
تتشرب؟!!"
قام شيون يجيب عصير من التلاجة وحطه قدامها وبعدين قعد تانى...
شيون:"مقولتليش عرفتى منين إن ده بيتى؟!!"
يونا بابتسامة:"مفيش..واحدة صحبتى ساكنة قريب من هنا,كنت بزورها
فى مرة وشوفتك طالع العمارة هنا..بعد كدة عرفت انك ساكن هنا,محبتش
زيارتى ليك؟!!"
مكنش عارف يرد يقوللها أيه..مكنش حابب فكرة انه يقولها تمشى طبعا..
فى الوقت ده موبايل يونا رن..بس قبل ما تفتح الخط العصير وقع على
هدومها...
يونا بتنفض نفسها:"أوووه..بيانيه أوبا.."
قام شيون عشان يجيب مناديل:"مفيش مشكلة.."
يونا وهى بتمسح هدومها:"يييي...همشى أزاى كدة دلوقتى؟!! – بصت
لشيون – أوبا معلش بس ممكن تدينى حاجة من عندك ألبسها وأنا
مروحة؟؟تيشيرت مثلا؟!!"
شيون:"أأأ أووه..أراسوو.."
دخل شيون أوضته وطلعلها تيشيرت وبعدين يونا دخلت عشان تغير
هدومها..
فى الوقت ده الباب خبط ولما شيون فتح كانت ندى قدامه..وبعد ثوانى يونا
كانت خارجة من أوضته وهى بهدومه..
يونا:"مين أوبا؟!!!"
Now>>>
شيون:"هو ده كل اللى حصل..بس طبعا ندى أول ما شافتها خارجة من
أوضتى فهمت كل حاجة غلط.."
"أنا مش عارفة أقول أيه..بس أنا سبق وقولتلك قبل كدة إنك لازم تاخد
بالك من يونا ديه..من الأول وهى حطاك فى دماغها.."
شيون:"طب وانا هعمل أيه دلوقتى؟؟ندى مش عايزة تسمعنى حتى.."
رديت:"وأنا لو فتحت الموضوع ده قدامها هتقلب عليا أنا كمان..بس
هحاول وخلاص.."
خلصنا كلام ورجعت البيت عند ندى..كانت لسة نايمة,كنت هدخل أعمللها
حاجة تاكولها لما تصحى,بس قبل ما اعمل أى حاجة سمعت جرس
الباب..
روحت وفتحت..وكان راجل غريب..
"أيوا مين حضرتك.."
الراجل:"أنا صاحب البيت..الأنسة ديما موجودة؟؟"
"لأ هى مسافرة..هترجع بعد كام يوم,كان فى حاجة مهمة؟!!"
صاحب البيت:"عقد الإيجار هيخلص أول الشهر اللى جاى..ولازم تفضى
البيت وتنقل من هنا قبل ما المدة تخلص.."
رديت:"خلاص انا هبلغها.."
قفلت الباب ورجعت للى كنت بعمله...معرفش أيه المشاكل اللى جاية ورا
بعضها ديه...
***************************************
كنت قاعدة فى الشقة اللى ماما سابتهالى..كان بالنسبالى مكان غريب
معرفهوش ومحستش بالراحة فيه..
من وقت للتانى بقوم أتنقل فى الشقة أفتح الدواليب..الإدراج...
فتحت درج كان فاضى ماعدا من صورة..مسكتها وشوفتها..كانت
صورتى وأنا صغيرة وماما شايلانى..ابتسمت لما شوفت الصورة
ديه..على الأقل لقيت حاجة تعرفنى شكلها..حاجة أفتكرها بيها..
كنت واقفة بتفرج على الصورة وعينى بدأت تدمع لما افتكرت كل اللى
مريت بيه...
فى الوقت ده سمعت جرس الباب..مسحت دموعى وروحت فتحت..كانت
مروة....
مروة:"أزيك دمدوم؟!!"
ابتسمتلها:"أدخلى.."
دخلت وقفلت الباب....
"أتأخرتى.."
مروة وهى بتقعد:"أوووف متفكرنيش...أنا خرجت من البيت بالعافية.."
"مامتك؟؟"
مروة:"أممم...أنا جهزت أوراقى وجواز السفر وكل حاجة,بصراحة من
وراهم..ماما مش هتسيبنى أسافر معاكى.."
"مش هتندمى؟؟يعنى.."
مروة:"متسألنيش السؤال ده تانى..تشه,بجد الموضوع مثير للسخرية..كل
حياتى كنت عايشاها على طريقة ماما..بعمل اللى بتطلبه..ولو فى مرة
مسمعتش الكلام بتندم انها جابت بنت زيى...الحاجة الوحيدة اللى ممكن
تخلينى أندم إنى أسيبك لوحدك.."
ابتسمت بألم من كلامها...كنت بفكر بعد كل اللى عملته لسة عايزة تعيش
معايا وتسيب مامتها وباباها...
مروة:"هنسافر أمتى؟!!"
"كنت هحجز التذاكر على رحلة بكرة.."
مروة:"أوكى..أنا هلم حاجتى النهاردة وهقابلك بكرة فى المطار.."
"أوكى...ودلوقتى خلينا نعمل الغدا وناكل.."
مروة:"يلا J "
عملنا الغدا مع بعض وأعدنا اتغدينا...كنت حاسة انى مبسوطة..وجود
شخص بيهتم,أشتقت للشعور ده...فى الوقت ده حسدت نفسى على أخت
زيها...بتمنى انها تكون سامحتنى من قلبها...
رجعت على بيتها بعد ما قعدنا مع بعض شوية,وقبل ما تنام بعتتلى رسالة
بإن كل شئ تمام..وإنها جهزت كل حاجاتها...
تانى يوم أتقابلنا فى المطار وركبنا طيارة العودة لكوريا...
كنت فى الوقت ده حاسة إنها بداية جديدة لكل حاجة,لازم أدى لنفسى
وللناس اللى حواليا فرصة تانية..فرصة عشان الحياة تكون أحلى..
******************************************
دخلت البيت مع ديما..كانوا ريم وندى هناك...سلمنا عليهم وقعدنا...
ريم:"صحيح دمدوم..صاحب البيت جيه وقال انك لازم تنقلى قبل الشهر
الجاى.."
ديما:"اهااا..أنا كنت عاملة حسابى على كدة,فترة العقد خلاص قربت
تخلص,على العموم..أنا خليت المحامى يشوف مشترى للبيت اللى فى
مصر وبفلوسه هشوف مكان تانى نقعد فيه أنا ومروة.."
ريم بصتلى:"وأنتى يامروة..عملتى أيه فى موضوع دراستك؟!!"
رديت:"الموضوع مش صعب..أنا كنت لسة منقلتش الورق بتاعى من
الجامعة.."
ريم بابتسامة:"كويس.."
كانت ندى معظم القاعدة تقريبا ساكتة ومبتتكلمش..ديما راحت قعدت جنبها
وبقت تحاول تعرف مالها..وفاجأة ندى بدأت فى العياط..
ندى:"شيون بيخونى.."
اتصدمت لما سمعت اللى هى قالته..أزاى شيون يعمل فيها كدة؟!!"
ديما فضلت تحاول تهديها وتخليها تبطل عياط...
وبعد شوية كلنا طلعنا ننام...ديما نامت مع ندى فى نفس الأوضة..بينما أنا
نمت فى أوضتى,وريم نامت فى أوضة لوحدها..
غمضت عينى وأنا بفكر فى اللى هعمله بكرة..لغاية دلوقتى ميرو متعرفش
إنى رجعت...وكمان كيبوم....
صحيت الصبح غيرت هدومى ونزلت..كانوا ندى وديما صحيوا..
"صباح الخير.."
ندى وديما:"صباح النور.."
ديما:"رايحة فين بدرى كدة؟!!"
رديت بإبتسامة:"هروح أشوف ميرو صحبتى.."
ديما:"ميرو؟!!"
"أنتى متعرفيهاش.."
ديما:"لحظة..ميرو ديه تبقا متدربة فى نفس شركتى؟!!"
بصتلها باستغراب:"اهااا..أنتى عارفاها؟!!"
ابتسمت:"اممم..قابلتها مرة تقريبا,خلاص روحى انتى عشان متتأخريش.."
"أراسوو..أنيووو.."
خرجت من البيت وكلمتها على موبايلها...
ميرو:"ألوو.."
رديت:"ميرووووو.."
ميرو:"مروة؟؟الرقم ده من كوريا..أنتى رجعتى؟!!"
"اهااا..رجعت وعايزة أشوفك..أنتى فين؟!!"
ميرو:"أنا فى البيت..تعالى وخلينا نفطر سوا.."
حسيت بالتردد..مكنتش عارفة هواجه كيبوم أزاى..وتقريبا ميرو حست
باللى أنا بفكر فيه..
ميرو:"كيبوم أوبا هيفرح لما يشوفك...يلا بقا متتأخريش.."
رديت:"أراسوو..شوية واكون عندك.."
وصلت أدام بيتها..اترددت قبل ما ارن الجرس,وبعدين رنيت...
اتفاجأت لما هو فتحلى الباب..وعلامات الصدمة كانت على وشه..
كيبوم:"مروة؟!!"
ابتسمتله....
جت ميرو من وراه:"مروااااا..وأخيرا,يلا أدخلى..دخلها يا أوبا..هتسيبها
واقفة على الباب؟!!"
كيبوم:"أأووه!!بيانييه.."
قعدنا نفطر مع بعض..كنت حاسة بالتوتر,وبعد ماخلصنا ميرو دخلت تغير
هدومها عشان ننزل وفضلت أنا وكيبوم لوحدنا...
كنت واقفة بتوتر..قرب منى لغاية ما بقا مقابل ليا...
كيبوم:"وحشتينى.."
****************************************
كنا قاعدين فى البيت أنا وندى وديما..حكيت لديما كل اللى عرفته بس
محدش فينا كان عنده الجرأة يكلم ندى وهى بالحالة ديه...
كنا قاعدين مع بعض فى الجنينة وبنتكلم...
"طب قوليلى هتفضلى كدة لغاية أمتى؟!!"
ندى:"خلاص ياريم..متفتحيش الموضوع ده تانى,أنا شوية وهروق وهنساه
خالص..وهتشوفوا؟!!"
ديما:"طب حاولى تديله فرصة..أسمعيه.."
ندى بعند:"مش هسمع منه حاجة.."
"هو العند فى الحاجات ديه كمان؟؟مش ممكن تكونى ظلماه؟!!"
بصتلى بطريقة خوفت منها ففضلت انى اغير الموضوع..
"طب خلاص..قوليلى هتفضلى حابسة نفسك كدة ومهملة فى الشغل لغاية
أمتى؟!!لو كل مشكلة حصلتلك هتعملى كدة يبقا هنعلن إفلاسنا قريب.."
ندى قامت وقفت:"يوووووووه...خلاص قومت أهوه,هلبس وانزل على
الشغل..أرتحتى دلوقتى؟!!"
"أه أرتحت..بس فهمينى هتلبسى أيه؟؟كل هدومك سبتيها فى الشقة هناك.."
ديما ضحكت بهدوء لما عرفت اللى انا عايزة أعمله...
ندى:"يعنى بردوا هتخلينى أروح هناك.."
"لو عايزة تروحى بالللبس اللى انتى قاعدة بيه من امبارح براحتك.."
ندى:"خلاص..حد فيكوا يجى معايا.."
ديما:"أنا مش فاضية..لازم أروح على الشركة.."
"وأنااا.."
ندى:"وأنتى هتيجى معايا..مليش دعوة.."
وطبعا مشت كلامها عليا وخلتنى أروح معاها...لبسنا ونزلنا وروحنا على
الشقة,كان شيون هناك...
ندى دخلت على أوضتها من غير ما تبصله حتى...وفى اللحظة ديه
موبايلى رن..
"ألوو أوبا.."
كيوهيون:"ريم..ممكن تيجى دلوقتى؟!!"
حاولت أغير نبرة صوتى:"أيه ده؟؟كل ده حصل؟!!"
كيوهيون:"أنتى فيكى أيه؟؟بقولك تعالى.."
"بجد؟؟يعنى مينفعش الموضوع يستنى خالص؟؟طب أنت فين؟!!"
كيوهيون:"أنتى اتجننتى؟؟أنا هستناكى فى المطعم اللى اتعشينا فيه قبل
كدة..متتأخريش.."
"أكيد أكيد..مسافة السكة واكون عندك.."
قفلت السكة وندهت على ندى:"نداااااااااا...أنا لازم أنزل,حصلت مشكلة
كبيرة...يلا باى باى.."
فتحت الباب بسرعة ونزلت قبل ما ترد عليا...كنت بدعى ان الأمور بينها
وبين شيون تتصلح عشان متقتلنيش على عملتى ديه...
روحت قابلت أوبا فى المكان اللى اتفقنا عليه...قعدنا وشربنا حاجة مع
بعض وبعدين ركبنا عربيته ومشينا...
"أحنا رايحين فين؟؟"
كيوهيون:"مفاجأة..."
فضل سايق لغاية ما وصلنا عند محل فساتين أفراح..بصتله بصدمة,بينما
كانت الابتسامة هى المرسومة على وشه....
"أحنا بنعمل أيه هنا؟!!"
كيوهيون:"أنتى قولتيلى قبل كدة أبقى أعمل اللى فى دماغى ومبقاش أخد
رأيك..بس فستان الفرح لازم تقيسيه – شد أيدى ودخلنا – يلا بينا.."
دخلنا وقعدنا..كنا بنتفرج على الكتالوجات..بس انا كنت لسة فى حالة
صدمة...
كيوهيون:"مالك؟؟شكلك مش مبسوطة؟؟فى حد يبقا متضايق كدة وهو نازل
يشترى فستان فرحه؟!!"
"بس..ليه دلوقتى؟؟"
كيوهيون:"عشان فرحنا يبقا الشهر الجاى.."
عنيا وسعت من اللى قاله:"الشهر الجاى؟؟أنت بتهزر صح؟!!"
كيوهيون:"لا مش بهزر...كل حاجة جاهزة,النهاردة هنشترى الفستان
والخواتم..والدعوات هتكون جاهزة الأسبوع الجاى,وبالنسبة للبيت فهنعيش
مع أهلى..حاجة تانية؟!!"
"أوباا..أنا صحيح قولتلك تتصرف براحتك,بس مش للدرجة – حطيت
رجل على رجل وكملت – كان المفروض تسألنى فى الحاجات ديه
بالزات,لأنى عاملة خطط لفرحى..أولها إن الفستان لازم يبقا من باريس.."
والمرادى نجحت فى انى اخليه يتصدم زى ماهو بيصدمنى كل شوية...
كيوهيون:"بارييييييييس؟؟؟"
"أهااا..باريس,ومش هشتريه من أى محل..الفستان لازم يبقا متفصل
عشانى...أما بالنسبة للبيت فأنا عايزة أعيش مع أختى,مش هسيبها
لوحدها..واهم حاجة انت نسيتها,انك المفروض تطلب أيدى من عمى.."
كنا بنتكلم احنا الاتنين والعاملات فى المحل بيبصوا علينا..كنا نسينا احنا
قاعدين فين أو بنعمل ايه هنا أصلا واحنا بنتكلم...
مديرة المحل:"احم احم..لو سمحتوا.."
بصنالها أحنا الاتنين...
مديرة المحل:"فى حاجة من اللى شوفتوها عجبتكوا؟!!"
قومنا من مكاننا واعتذرنا وخرجنا من المحل...
ركبنا عربيته وروحنا قعدنا فى كافيه عشان نتكلم...وأخيرا احنا الاتنين
بقينا نتناقش فى حياتنا سوا...من غير ماحد فينا يتصرف من غير التانى...
******************************************
دخلت أوضتها بعد ماريم خرجت...كانت بتلم هدومها...
"أنتى بتعملى أيه؟!!"
مردتش عليا وبقت تحاول تكون أسرع فى اللى هى بتعمله...
قربت منها ومسكت أيده...
"بقولك بتعملى أيه؟!!"
ندى:"ديه حاجة متخصكش.."
"لأ طبعا تخصنى..لما أشوف حبيبتى بتـ..."
ضحكت باستهزاء:"ها؟؟حبيبتك؟!!بس فهمنى أيه اللى مخليك تكمل فى
التمثلية ديه لغاية دلوقتى!!خلاص المفروض تبقا عرف ان لعبتك
خلصت,تقدر تروح ليونا.."
ابتسمت بألم من كلامها..للدرجادى ثقتها انعدمت فيه!!!
ندى:"مفيش حاجة تخليك تفضل متمسك بيا لغاية دلوقتى..كل اللى بينا
خلاص انتهى.."
"مفيش حاجة انتهت..واللى خلانى مسبكيش وافضل متمسك بيكى قبل
ماتحبينى,فأكيد مش هسيبك دلوقتى وبعد ما بقيتى ملكى.."
ندى:"أنا مش ملكك شيون.."
قربت منها ومسكت دراعها:"لأ..ملكى,ومش هتكونى لحد تانى غيرى.."
حاولت تبعد عنى:"سيب أيدى.."
"أنا مبطلبش منك أكتر من انك تسمعينى.."
فى الوقت ده سمعنا صوت الباب بيتقفل..بعدتنى عنها وخرجت..وبعدين
خرجت وراها...كان دونغهى..
ندى قربت منه ومسكت أيده:"أوباا..أنت كويس,بيانيه..أنا مكنتش اعرف
قبل امبارح عن اللى حصل.."
دونغهى ابتسملها...
قربت منه وحضنته:"شد حيلك.."
دونغهى:"شكرا.."
قربت منه وسلمت عليه كنت عرفت عن وفاة باباه من ريم:"شد حيلك
دونغهى.."
دونغهى:"شكرا...أنا هدخل أنام شوية.."
ندى:"أراسوو..لو احتجت حاجة قوللى.."
حط ايده على شعرها ونعكشه بابتسامة:"أكيد..يعنى لو مكنتيش انتى
هيكون مين؟؟"
دخل دونغهى أوضته ومن بعده دخلت ندى أوضتها وقفلت على نفسها...
حسيت انه مش هينفع الكلام فى الوقت ده..دخلت انا كمان على أوضتى
وغيرت هدومى عشان أروح على الشركة...
خرجت من أوضتى فى الوقت اللى هى خرجت فيه...نزلنا مع
بعض,محدش فينا اتكلم كلمة..كل واحد أخد عربيته وكان من الواضح من
طريقها ان هى كمان رايحة على الشركة...
******************************************
دخلت عشان انام شوية بس معرفتش...
قومت من السرير بزهق..كانوا هم الاتنين نزلوا,فضلت انا كمان انزل
ومقعدش كدة...
وانا بتمشى تليفونى رن..كانت ديما...
ديما:"أوبا انت فين؟!!"
"أنا عند النهر.."
ديما:"خلاص أنا جيالك دلوقتى.."
استنيت لما يقارب 20 دقيقة لغاية ما ديما وصلت...
قعدنا جنب بعض قدام النهر....
ديما:"أزيك أوباا؟؟"
"كويس...أحسن من الأول.."
ديما:"لازم تشد حيلك..ومتضعفش,أكيد باباك مكنش هيكون مبسوط لو
شافك فى حالتك ديه..."
عينى بدأت تدمع..وبهدوء حطيت راسى على كتفها...
مسكت أيدى وفضلت قاعدة جنبى من غير ولا كلمة...مش عارف قعدنا
كدة أد أيه...
لكن فى الوقت ده حسيت ان احنا الاتنين بندى لبعض دفعة...الحياة بتمر
واحنا لازم نتأقلم عليها...
**************************************
كنت قاعدة فى مكتبى بشوف كل الشغل اللى تراكم عليا..وصللى شوية
ورق تخص الشركة اللى فى مصر..وكان لازم شيون ويونا يمضوا
عليها...
أخر حاجة كنت بتمناها فى الوقت ده انى اشوف حد فيهم...
خرجت الأول لمكتب يونا بس ملقتهاش..وبعدين اتجهت لمكتب شيون..
قبل ماخبط سمعت صوتهم هم الاتنين وهم بيتكلموا..فتحت الباب بالراحة
وشوفتهم واقفين وبيتكلموا...كنت حاسة بالضيق,أزاى قدروا يلعبوا بيا
بالطريقة ديه...
وبعدين سمعت كل اللى هم بيقولوه...
شيون:"يعنى فى النهاية أنتى اللى كنتى ورا الموضوع ده.."
يونا:"أتضايقت؟؟أنت أزاى كنت عايزنى أشوفك وانت بتضيع منى
واسيبك؟!!"
شيون:"أنا مكنتش ليكى من البداية عشان أضيع منك يونا.."
يونا:"أشمعنا ندى؟؟هى زيادة عنى فى أيه؟؟"
شيون:"هى مش زيادة عنك فى أى حاجة...بس هى الوحيدة اللى عرفت
تملك قلبى,هى الوحيدة اللى أنا بحبه وعايز أكمل معاها حياتى...يونا..أنا
وانتى مش هنكون لبعض...إنتى بالنسبالى اختى وبس.."
قربت منه بطريقة وقحة ومسكت أيده:"وأنا مش هستسلم بالسهولة
ديه..ندى مرضيتش تسمعك حتى,هى مش بتثق فيك ولا بتحبك زى ما أنا
بحبك.."
مقدرتش أستحمل انى اسمع اكتر وخبطت على الباب ودخلت...
بعد عنها بسرعة وهو باصصلى,بينا هى ابتسمتلى باستفزاز وخرجت..
لو مكنتش سمعت كل اللى هم قالوه كنت هفتكر طبعا انهم على علاقة من
الموقف اللى شوفتهم فيه...
شيون:"ندى..اللى شوفتيه ده.."
قاطعته:"هنبقا نتكلم لما نرجع البيت.."
أدته الورق عشان يمضيه وبعدين روحت ليونا مكتبها...
يونا:"أووووه..ندى شى..بتعملى ايه هنا؟؟"
بصتلها بنظرة باردة...
يونا:"أتأكدتى من الكلام اللى قلتهولك عن شيون...أبعدى عنه أحسنلك يا
ندى.."
رديت:"أحسنلك انتى تبعدى عنه يونا...ومتفتكريش إن مشكلة زى اللى
انتى افتعلتيها ممكن تفرق بينا..أنا مش هسيبه بالسهولة ديه.."
اتحولت الابتسامة اللى على وشها لنظرات غيظ من كلامى واضحة...
اديتها الورق اللى فى أيدى:"أمضى الورق ده وابعتيهولى.."
خرجت من مكتبها وروحت على مكتبى..كنت حاسة بنوع من السعادة
والراحة..أنى اسمعه وهو بيتكلم بالطريقة ديه عنى...
معتقدش بعد كدة انه ممكن يعمللى اى حاجة وحشة..زحتى لو شوفته
بعينى...
خلصت اللى ورايا وخرجت من الشركة..اتمشيت شوية بالعربية وانا بفكر
المفروض أقوله أيه!!أزاى هتعامل معاه بعد الموقف ده؟!!
*************************************
خرجت من الشركة بعد ما شوفتها خارجة..كنت مستنى الوقت عشان
تسمعنى,كنت بتمنى تصدقنى..بس كنت خايف وقلقان خصوصا بعد ما
شافتنى انا ويونا النهاردة فى المكتب..ياترى هتقول أيه؟؟ممكن تقول إن
كل اللى بينا بالفعل انتهى وانها هتسيب البيت!!!ممكن تلغى الشراكة اللى
بينا؟؟؟ممكن تمسح كل حاجة بتربطنا ببعض...
حاولت اشيل الافكار ديه من راسى,و روحت على البيت بس مكنتش لسة
وصلت...
استنيتها لما يقارب الساعة وبعدين شوفتها داخلة...
قفلت الباب وفضلت واقفة وهى بصالى...
قومت وقفت وانا ببصلها...
اتوجهت للمطبخ وهى بتكلمنى:"أتغديت؟!!"
وقفتها:"ندى...متلعبيش بأعصابى أكتر من كدة.."
اتلفتتلى وقربت منى بهدوء...كانت بتلعب فى صوابعا بتوتر...وقفت قدامى
وبصتلى بنظرات مقدرتش أفهمها فى الموقف ده...
رفعت نفسها على أطراف صوابعها وطبعت قبلة على خدى..
اتصدمت من عملتها..ده معناه إنها عرفت ان محصلش حاجة؟؟؟
ندى:"سارانيييه.."
قربت منها وضميتها لصدرى جامد...
"وأنا كمان بحبك..ومقدرش أعيش من غيرك,,أنا عايزك تعرفى ان انتى
الوحيدة فى حياتى..ومهما حصل أنا مش عايز غيرك إنتى.."
بعدت عنى وبصتلى,كانت الدموع متراكمة فى عنيها...حطت أيدها على
خدى اللى ضربتنى عليه...
ندى:"بيانيييه.."
باستنى على خدى وقبل ما تبعد شدتها من خصرها وقربت منها واتلامست
شفايفنا مع بعض.....
..
..
......يتبع.........
أنتظروا المزيد من المفاجأت بداية من الشابتر القادم J
متنسوش التعليق...
الشابيتر الجاي امتى ينزل
ردحذفالشابتر الجديد نزل :)
حذفوان شاء الله فاضل شابترين بعده على نهاية القصة..
القصة خلاص انتهت يا قمررررر..تقدرى تكمليهااا
حذف