الخطة المحكمة (Chapter 1)

الخطة المحكمة

Chapter 1

الموقع:حفلة الأيونهى الباب الخلفى

التاريخ:مش ضرورى 

الساعة:12 منتصف الليل

الغرض:خطف المسمى "لى دونغهى"

خلصت الحفلة وخرج دونغهى فى الأول متجه للعربية عشان يرجع

للبيت..بينما وقف أيونهيوك لما شاف كيوهيون بيناديه ومعاه بنتين...

 وقف أيونهيوك مع كيوهيون واتعرف على البنتين اللى كانوا مع كيو "ريم

ودنيا"

كيوهيون عرف أيونهيوك عليهم على إنهم من أشد المعجبين بيه....

بينما فى نفس الوقت وعند الباب الخلفى للمسرح ومع أول خطوة يخطوها 

لى دونغهى لبرا..طلع خمس بنات كتفوه وكتموا بوقه بمنديل وخدروه...

وبعد عشر دقايق كانوا فى العربية ومتوجهين لمكان مجهول...

الموقع الحالى:عربية فان باللون الأسود تسير فى أحد شوارع سيئول

الوقت:12:30 بعد منتصف الليل

الغرض:إيصال المخطوف دونغهى إلى مكان غير معروف

الخاطفين:خمس بنات(نادين..ندى..عبير..مارى..رشا)

الوضع الحالى:عبير بتسوق العربية وقاعد جنبها مارى..بينما فى المقعد

الخلفى..دونغهى فاقد الوعى فى النص وندى ورشا جنبه كل واحدة على كل

جنب ونادين قاعدة على كرسى وراهم...

وصلوا المكان المقصود...نزلوا وشالوا دونغهى وقعدوه على كرسى بس قبل

ما يربطوه قلعوه الجاكت...

عبير أخدت الجاكت:"هاتوا البتاع ده.."

ورشا بتقرب من دونغهى ولسة بتمد أيدها وبتفتح أول زرار من قميصه لقت

كف خماسى نزل على قفاها جابلها ارتجاج فى المخ....

عبير:"فاكرة نفسك بتعملى أيه يا ماما؟؟"

رشا بتحاول تفسر الأشكال اللى قدامها....

رشا:"أبو &*@^*$^! اللى يزعلك يا شيخة.."

نادين:"أنا بقول نلحق نربطه بسرعة قبل ما يفوق ويحاول يهرب.."

ربطوا أيديه الأتنين ورا ضهره..ورجليه فى رجلين الكرسي وبقوا مستنيينه

يصحى...

وبعد دقايق بدأ دونغهى يفوق وهو بيحاول يستوعب اللى بيحصل والمكان

اللى هو فيه...

وفاجأة أول ما فتح عينه لقا خيال لخمس عفاريت قدامه..و واحدة منهم بدأت

تقرب منه شوية شوية لغاية ما بقت قدامه بالظبط..وطت عشان وشها يبقا فى

مستوى وشه وهى بصاله بإبتسامة...

وطبعا فى الوقت ده دونغهى أتخرع من الملاك اللى قدامه وفتح بوءه ولسة

هيصرخ لقاها بتحط صوباعها على شفايفه برقة غير متناهية خلته يتكتم...

ندى:"هششش..."

وبقت تقرب منه شوية شوية وهى بتنزل صوباعها من على شفايفه..وقبل ما

تجيلها الفرصة عشان تعمل أى حاجة اتفاجأت بشلوط نطرها رماها فى ركن

لوحدها....

عبير:"ده أنتوا خلاص مبقتوش لاقيين اللى يلمكوا.."

مارى بتبص على ضوافرها وبتتكلم وهى بتفكر تقصهم ولا كفاية عليهم

المبرد:"عبير يا ماما..العنف ده ملوش لزمة،لازم تبقى أرق من كدة.."

وقبل ما تستوعب اللى هى قالته لقت اللى مسكها من قفاها...

عبير:"بتقولى حاجة يا مارى؟!!"

مارى استوعبت اللى قالته وردت بابتسامة هبلة:"لا يا باشا أنا كنت بسأل

تحبوا تتغدوا أيه النهاردة.."

وفى الوقت ده كانت نادين قاعدة هى ورشا جنب دونغهى وقاعدين يلعبوا فى

شعروا ويشدوا فى خدوده...وياعينى الواد مقروف من الاشكال اللى جنبه

ديه...

نادين:"يختى عليه..أيه العثثل ده ياخواتشى.."

رشا:"يخربيتك..بتحط أيه على وشك عشان يبقا مظفلط كدة؟!!ده انا خلصت

فلوسى عالزبادى والخيار ومش بيحوق.."

عبير مسكت دماغها:"ااااااااه ياربى هلاقيها منين ولا منين!!يعنى لازم كل

يومين اكسر لواحدة دراع ولا اجيبلها شرخ فى قصبة رجليها ولا ارتجاج فى

المخ عشان تتلموا؟!!"

نادين:"أحنا مش خاطفينه عشان كدة؟؟؟سيبينا بقا نعيش اللحظة..من كام ساعة

بس مكناش طايلين خياله.."

مارى بتزعق:"قوموا من جنب الواد مش شايفينه قرفان منكوا ازاى؟؟"

رشا:"لأ والنبى؟؟حوش الجمال والحنية والرقة..ده انتوا ولاد ^&*()#$@

مينفعش مع أمثالكوا غير قلة الأدب.."

عبير:"بتقلى أدبك على مين يا ولية؟؟"

رشا:"مش انت يا باشا..أنا بكلم العيال ولاد الـ..."

نادين حطت أيدها على بوء رشا عشان تكتمها:"وحياة أبو الكيدز يا شيخة

كفاية.."

دونغهى استجمع شجاعته عشان يتكلم من غير ما يحصلله أى أضرار...

دونغهى:"احم..لو سمحتوا.."

الأربعة بصوله ومستنينه يتكلم...

دونغهى:"أنتوا عايزين منى أيه؟؟لو عالفلوس أنا ممكن.."

مارى ونادين ورشا مسكوا عبير قبل ما تتهور عالواد اللى حليتهم...

مارى:"لا يا بيبى أنت فاهم غلط.."

نادين:"يعنى بزمتك ديه أشكال تهمها الفلوس.."

رشا:"مانتوا شكلكوا ولاد جعانة..عايزينه يفكر فيكوا أزاى؟؟"

عبير:"سيبونى عليه ابن اللذين ده..قال عايزين فلوس قال.."

نادين:"أهدى بس يا بيرو..خلينا نفهمه بالراحة.."

رشا:"ماتخلصونا بقا يا شوية بوبيهات.."

مارى:"فى تحسن واضح فى الألفاظ.."

رشا بصتلها بدون تعبير....

نادين بتصوت:"خلصوناااا بقااااااااااا.."

وبعد ربع ساعة بعد ما الاربعة بطلوا خناق وشتيمة وضرب وقفوا قدام

دونغهى وبدأوا يفهموه هم خاطفينه ليه....

مارى:"بص يا بيبى..أحنا جايبينك فى المكان الشاعرى ده عشان تختار واحدة

مننا أحنا الخمسة.."

دونغهى بيبصلهم وبيدور عالخامسة اللى مارى بتتكلم عنها....

نادين بتشاور على ندى اللى لسة مرمية فى ركن لوحدها وشكلها كدة ماتت...

نادين:"تقصد احنا والجثة الهامدة اللى هناك ديه.."

دونغهى هز راسه إنه فهم...

رشا:"أنا رشا..وديه عبير،،ديه مارى وديه نادين..أما ضحية عبير اللى ميتة

هناك ديه.."

ندى قامت وعلى وشها ابتسامة معجون سيجنل...

ندى:"ندى.."

دونغهى ابتسم نفس ابتسامة ندى:"طب أفرضوا إنى مش عايز أختار واحدة

منكوا!!ده مجرد افتراض يعنى.."

وفى اللحظة ديه لقا قلم نازل على وشه..وبقت صوابع عبير مرسومة على

وشه المسمسم زى التاتو...

نادين جريت على دونغهى وحضنته(استهبال بقا):"لا ياعبير وحياة والدك

بلاش هو.."

ونادين قبل ما تعيش اللحظة وهى حاضنه الواد حست ان فيه طوبة نزلت

على ضهرها خلتها تفترش الأرض مكان السجادة...

عبير مشيت عالسجادة الجديدة لغاية ما بقت واقفة قدام دونى...

عبير:"بص يا روحى..هم خمسة ومفيش أختيار سادس..ولغاية ما تاخد القرار

هتفضل هنا.."

دونغهى بيحاول يفوق من تأثير القلم...

دونغهى:"طب هو أحنا فين؟!!"

مارى بابتسامة هبلة:"إحنا فى جراج قديم بعد شارع التسعين اللى على طريق

كوريا العمومى.."

رشا:"يخربيت غبائك..على طول كدة؟؟من قبل أول قلم؟!!"

عبير بتشمر:"متخافيش الاقلام جاية دلوقتى.."

مارى فى ثانية كانت اتبخرت قبل ما عبير تتهور عليها..

وعبير بقت تدور عليها...ونادين مسكت اللاب بتاعها وقعدت على السرير

المعفن اللى فى الجراج تشوف حلقة المسلسل الجديدة..ومارى جابت عدة

الضوافر بتاعتها وبدأت تعمل باديكير ومانيكير (الله يرحم)..ورشا قعدت على

جنب وهى بتشتم فى العيال ديه بصوت واطى...

واما ندى بقا استغلت الفرصة وربعت قدام كرسى دونغهى وهى قاعدة تتأمل

فى خلقته السمحة...

دونغهى:"احم..يا انسة.."

ندى -_-:"أنسة؟؟مكنش العشم يا ابن الناس المحترمة..المهم،أؤمر يا

عيونى.."

دونغهى:"هو انتى قاعدة كدة ليه؟!!"

ندى قربت منه وحطت أيدها على وشه:"أيه يا روحى؟؟مش عايزنى أقعد

معاك؟؟أسلى وحدتك..نأزأز لب..نلعب سبت حد،،قوللى بس عايز نعمل أيه

ونعمله_بصت حواليها وبعدين قربت منه وهمست فى ودنه بطريقة

وقحة_ممكن كمان نطرق العيال ديه ويخلالنا الجو يا جميل.."

وفى الوقت ده لقت اللى بيمسكها من قفاها...

رشا:"أفشتك.."

ندى:"ها؟؟مين؟؟فين؟؟"

رشا:"كنتى بتقولى أيه للواد عشان يحمر ويخضر كدة؟؟"

ندى:"أنااا؟؟؟أمتى ده؟!!"

رشا:"هنشوف هتدافعى عن نفسك أزاى لما عبير تيجى وتعرف.."

ندى بقت تحاول تتمسكن:"عاااااااااا..لا والنبى بلاش عبير،،خلاص يا

روشى..ده إحنا مهما كان ضراير واصدقاء فى الكفاح.."

رشا ربعت أيدها:"ده سبب أكبر عشان أقولها.."

ندى:"خلاص هسيبك تاخدى منه بوسة ومش هقولها.." (اراك توزع من مال

امك -_- )

رشا ضحكت بخبث:"اهوه ده الكلام.."

ولسة رشا بتقرب من دونغهى وياعينى الواد مفزوع وبيحاول يبعد..لكن لا

مفر..وندى واقفة وخلاص هتعيط عشان هى السبب فى إن رشا هتعمل فيه

كدة...وفى اللحظة ديه سمعوا صوت عبير من وراهم...

عبير:"بتعملوا أيه يا كتاكيت؟!!"

وفى اللحظة ديه رشا خبطت الواد بكف أيدها على دماغه...

رشا:"ياااااخبرررررررر...شوفى يا بيرو الواد سخن أزاى؟؟هاتوا

كمادات..خافض للحرارة..دكتور يا ناس الواد هيضيع منى.."

عبير -_-:"أنا هسيبك بس المرادى عشان مفييش حيل بعد اللى عملته فى

مارى.."

وفى الوقت ده مارى داخلة من الباب بتتسند على عكازتين ورجليها مربطة

وأيدها الشمال متجبسة ولفة راسها بشاش معفن...

مارى:"يقطع مارى وسنين مارى..أنا اللى غلطانة عشان عرفت ناس

زيكوا،،سوفااااااج(بمعنى بيئة..وبيئة مش بمعنى طبيعة وإنما بيئة بمعنى

لوكال..ولوكال مش بمعنى محلى وإنما بمعنى بلدى)

نادين:"مين يختى؟!!"

رشا:"خليكى أنتى فى المسلسل بتاعك يا حيوانة.."

نادين:"وأنا مال أهلى؟؟أبو أشكالكوا..عيال.."

عبير:"نعم يا روحى؟!!"

نادين:"لا يا كبير..بقول يعنى لو عايزين طلبات من برا أنا ممكن أجيبها.."

رشا:"أبو ام الـ..."

ندى سدت ودنها عشان متسمعش التلوث اللى هيتقال..وفى تلك اللحظة

موبايلها رن...

عبير:"شوفى مين اللى بيتصل يا أخرت صبرى.."

ندى مسكت تليفونها ولقت رقم ريم...

ندى:"هااااااار أسوس علينا كلنا.."

مارى:"أيه يابت؟؟بوليس الأداب؟؟"

رشا:"وهو بوليس الأداب هيتصل ياخد إذنها عشان يقبض علينا..صحيح

الغباء لا دين له.."

نادين:"متقوليلنا مين يا ست الكوتوموتو"

ندى:"ديه ريم..أكيد عايزة باقى فلوسها.."

عبير:"ردى عليها.."

ندى:"وأقولها أيه؟؟إحنا معناش مليم أحمر.."

"Jدونغهى:"أنا ممكن أديكوا الفلوس بس سيبونى أمشى

عبير مقدرتش تستحمل غباء الواد ده اكتر من كدة..خلعت رجل السرير اللى

نادين قاعدة عليه وخلت نادين تقع على الأرض باللاب بتاعها وراحت نازلة

على راس الواد خليته يفقد الوعى..او الحياة على حسب بقا...

مارى بتصوت:"مكنش يوووووومك يا غالى.."

رشا:"*&^$##@**)(^%"

ندى:"اهئ اهئ..حرام عليكى،كان أدك ده؟؟"

نادين ماسكة رجليها:"يا أخى حرام عليك بقا يا أخى.."

عبير-_-:"ردى بدل ما تحصليه.."

"Jندى:"أنت تؤمر يا معلم.. "

ندى:"ألووو.."

ريم بصوت عالى:"&*^%$#@&&*...مبترديش ليه يا *&^%^&*#@"

ندى بعدت التليفون عن ودنها لغاية ما وصلة الشتايم الأبيحة تخلص..

ريم:"فين فلوسى يا زفتة؟؟؟"

ندى:"من عنيا..استنى على أول الشهر تكون عبير قبضت معاش ابن عم

جوز خالت صاحبة جارتها ونديكى فلوسك عالجزمة.."

ريم:"ماشى..بس عارفة لو الفلوس مجتش فى معادها؟؟؟"

ندى:"لأ عييييب..مش احنا اللى ناكل مال اليتيم.."

ريم:"يتيم مين يا بنت الـ@#$^%"

ندى:"أصدى مال عصابة القناع البمبى.."

ريم:"أيوا كدة اتلمى..ولو الفلوس مجتش فى المعاد هبلغ عنكوا بنفسى،غورى

يا حووانة"

ندى:"فى رعاية الله.."

ريم قفلت مع ندى وقعدت عالكنبة جنب كيوهيون...

ريم:"خلاص يا بيبى..قالوا على أول الشهر باقى الفلوس هتبقا معانا.."

كيوهيون:"شكلهم هيتعبونا..أنا بقول نبلغ عنهم ونخلص.."

دنيا:"وانا بقول كدة بردك..كفاية الفلوس اللى معانا"

ريم:"مانستنى لغاية ماناخد باقى الدفعة وبعدين نبلغ عنهم.."

دنيا:"وانا بقول كدة بردك..مش كفاية الفلوس اللى معانا.."

ريم وكيوهيون بصولها بتعابير مقروفة..

دنيا:"عادى يعنى..ديه وجهة نظرى.."

ريم:"بيعجبنى فيكى إنك ثابتة على موقفك.."

دنيا:"أيوا أمال.."

ريم عدلت نفسها فى قعدتها وبصت لكيوهيون بابتسامة...

ريم:"مالك يا بيبى شكلك بتفكر فى حاجة.."

كيوهيون:"مصيبة لايشكوا فيا بعد إختفاء دونغهى..وبعدين إحنا عندنا حفلة

بعد إسبوعين..هنعمل أيه وهو مش موجود؟!!يعنى لو مكنش فى حفلات فى

الفترة ديه كان هيبقا عادى واهوه نرتاح من زنه شوية..عيل غتت.."

دنيا بتحط صوباعها على وشه:"متخفش يا روحى..أول الشهر فاضل عليه

عشر ايام..ناخد الفلوس ونبلغ عنهم ودونغهى يرجع قبل معاد الحفلة وكله يبقا

فى الألسطة.."

ريم ضيقت عنيها وهى بتبص لدنيا وبيدور فى عقلها أفكار شريرة...

ريم فى نفسها:وأنتى بقا لازم أخلص منك قبل ما العشر أيام دول يعدوا..

دنيا بابتسامة ذات معنى سندت راسها على كتف كيوهيون وبتفكر بردوا فى

أفكار شريرة...

دنيا فى نفسها:ماشى يا ست ريم..عاملة فيها قائدة وبيبى وروحى..بس

كيوهيون لا يقبل القسمة على اتنين..

..

....يتبع....