Can I Forgive…Can I Forget it.?! Chapter 3

chapter 3 

BY:REEMMA ELF

سنغمين قرب مني بقلق ومسكني من ذراعي لان خد بالوا اني مش مزبوطه: .. ريم انتي كويسه شكلك تعبانه اووي .. حاسه بحاجه ..

سعتها كنت بديت ادوخ وعنيه ال بدأت تزغلل .. كنت بحاول ارد عليه وانا بقاوم و بابتسامه

انا : متخفش يا اوبا انا كويسسس

 ملحقتش أكمل الكلمه وكنت واقعه في حضن سنغمين ال لقاني بقع نحيتوا و نزل بيه على الارض هو بيمسح على شعري و بيحاول يفوقني..

والاعضاء ال صوتهم مسمع في المكان ريم انتي كويسه ردي علينا ده ال كانوا الاعضاء بيقولوه وهما بيحاولوا يفوقوني وهما مخضوين من ال حصل ..

بس سنغمين ال حس بحاجه على ايده وهو بيمسح على شعري .. شال ايده وبصلها كانت فيهاااااااااااا..

سنغمين ال عنيه برأت ووشوا ال اتغير بعد اما رفع ايده من على شعري وشاف ال دم  وهو بيهزني على الخفيف  : دم .. دم .. ريم .. ريم  ردي عليه انتي كويسه ...ارجوكي ردي ..

بس للاسف انا كنت في عالم تاني سنغمين خدني فحضنوا و كان بيبص للاعضاء بمعني انهم يتصرفوا  والاعضاء ال كانوا من الخضه اتلبخوا جدا عمالين بيبصوا لبعض ده غير الخوف ال تملكهم اني للاسف فجأه كده وبدون مقدمات اقع من طولي بينهم ..

لكن دونغهي كان مخضوض ومرعوب اكتر منهم ..لاني لسه كنت كويسه معاه وايه ال حصل فجأه وخلاني بالحاله ديه ..

وفي ثواني كان دونغهي نفض الافكار دي و باعد الاعضاء عني وشالني من حضن سنغمين ومشى بيه لحد اما وصل للكنبه ال في الاستقبال وحطني عليها  .

.

سعتها قعد جمبي يخبط على وشي على خفيف على امل اني افوق اما الاعضاء بقه كان مسيطر عليهم القلق ومش عارفين يعملوا ايه و الاحساس ده زاد اكتر لما  حد من الموظفين جبلهم مايه و ومنديل معطر بريحه نفاذه عشان يفوقوني بس انا للاسف لا حياة لمن تنادي .. بدأ يزيد قلقهم اكتر لاني بقالي عشر دقايق تقريبا غايبه عن الوعي  .. ومفيش اي استجابه مني ..

لكن في الوقت ده مكنوش كلهم سايبني كده وملهيين في قلقهم لا .. كان ليتووك اتصل  بالاسعاف بس للاسف  بلغوه ان صعب جدا انهم ييجوا بسبب ان الجو ده سبب حوادث كتير وان اعقبال اما يوصلوا هتبقى فيها ساعه تقريبا ..

و ليتووك ال من توتره كان شبه بيتخانق مع الموظف .. انهم المفروض يشوفوا حل والاسعاف تيجي ..وال من نرفزتوا كان قفل التليفون تقريبا في وش الموظف ال غلبان ..

ومع خناق ليتووك كان انهيووك وهتشول جريوا بالفعل على الاستقبال يحاولوا انهم يشوفوا  دكتور قريب او عياده .. والاستقبال ال قلهم ان فعلا في عياده دكتور قريبة من الفندق وانهم حاولوا يتصولوا بيه بس معرفوش يوصلولوا .. وانهم لو خدوا  عربيه  من الفندق لهناك مش هيخدوا ربع ساعه لحد العياده   .. 

انهيووك وهتشول كانوا بالفعل خدوا بنصيحه موظف الاستقبال و طلبوا عربيتين  تبع الفندق وراحوا يبلغوا الاعضاء بالعملوه .. وموظف الاستقبال ال جه بعد عشر دقايق تقريبا و بلغهم ان العربيتين بقت قدام الفندق  ومستنياهم  ..

دونغهي بعد اما  سمع من الموظف ان العربيات بقت بره .. بخطوات سريعه  منه كان شالني بين ايديه وراح بيه ناحيه باب الفندق ... وباب العربية  ال كان ليتووك  فتحه ودونغهي مع فتحة باب العربيه كان حطني فيها  بس ملحقش يركب جمبي كان ليتووك خبطه على ظهره وهو بيحطني..

دونغهي لما لفلوا كان جدي جدا وهو بيتكلم . يلا يا دونغهي اركب انت جمب السواق ,,

وبعد كده بص للاعضاء ونفس الجديه  : انا هاخد دونغهي و سنغمين معايا وانتوا اطلعوا ورانا بالعربيه التانيه ..

 الاعضاء ال بخطوه سريعه كانوا في العربيه و ليتووك وسنغمين ال في ثواني  كانوا محوطني من الجهتين ..

  دونغهي صحيح كان راكب جمب السواق بس عنيه متشلتش من عليه طول الطريق .. احساس الخوف ال كان جواه نحيتي كان مسيطر عليه تماما   ..

. وبعد ربع ساعه تقريبا  كنا وصلنا العياده .. والكل نزلوا.. وان ال كنت بين ايدين ليتووك وهو شايلني وداخل جري بيه على العياده هو والاعضاء  .. اول اما دخلوا استقبلتهم الممرضه وطلبت انهم يحطوني في الاوضه ال كانت  بتشاورعليها  وقلتلهم انها هتنادي الدكتور حالا  ..

والدكتور بالفعل كان جه بسرعه لما الممرضه بالغته..

والدكتور وهو بيكشف عليه كشف سريع كان بيسأل ايه ال حصلي بذبط .. دونغهي بدأ يحكي ال حصل معايا.. والدكتور بعد اما عرف ال القصه كلها بدأ يردد كلام الدكاتره ال احنا عارفينه  : متقلقوش يا جماعه اكيد  خير... انا هكشف عليها وكل حاجه هتبان بعد كده ..ارجوكوا استنونوا بره و اطمنوا ..

و الممرضه ال كانت بالفعل بتخرجهم وتقفل الباب وراهم .. ودكتور بيلغهم انهم يستنوا بره

كلهم كانوا بيتمنوا من قلبهم اني اكون كويسه .. وما يكنش في حاجه وحشه حصلتلي ..

                             

وبعد الكشف ال اخد تقريبا نص ساعه  من فحوصات و تحاليل واللاذي منوا .والاعضاء ال كانوا رايحين جايين قدام اوضه الكشف .. 

خرج الدكتور اخيرا وطمنهم عليها :

اطمنوا يا جماعه احنا عملنا اللازم كله.. هي صح عندها ارتجاج في المخ بسيط وده ال سببلها الاغماء مده طويله عن المعتاد .. اما الدم بقى ال شفتوه فده كان  بسبب جرح في قمة راسها شكلها اتخبطت في حاجه صلبه جدا اعتقد انوا سقف العربيه و شكلها مخدتش بالها من الجرح ولا انها حتى كانت بتنزف .. بس اطمنوا الجرح مش كبير و الحمد لله منزفتش كتير ...

الاعضاء ال اطمنوا شويه من كلام الدكتور على حالتي وكانوا مش مصدقين ان كله ده حصلي خصوصا دونغهي لاني كنت معاه كويسه جدا .. وكل ال كان طالع عليه سعتها اقوله اني بس مصدعه  ..

خليني احكلكوا ايه ال حصل ..

دونغهي مكنش يعرف اني لما الاسعاف جت وعملولي الاسعافات الاوليه حاولوا يكشفوا عليه تاني بس انا رفضت لما شفت الظابط بيقرب منه  وطبعا  اتلهيت في الموضوع ده .. وسعتها كانواعملولي الاسعافات الاوليه للجروح ال على وشي و كنت اكتفيت بالعلاج ده ..

.. و ان ازاي مخدتش بالي اني اتعورت او بنزف لان الجرح مكنش كبير ولاني منزفتش كتير عشان كده محستش بيه .. طب  وازاي محستش بالم  كمان اعتقد ان الالم اتمزج مع خضه الحادثه ..

 تفسير الدم ال مبنش على هدومي ده لان حضرتي كان حبك معايا اوي اني البس قميص اسود وتحتيه بنطلون كمان اسود لكن حقيقتا  كان عليهم جاكت ابيض بس انا كنت قلعتوا وحطيتوا هو شنطنا في الكنبه ال ورانا قبل اما نطلع بالعربيه اصلا  ..

ودونغهي ال ازاي مخدش بالوا من كل ده لان الجرح  منزفش كتير لان مكنش عميق اووي و بعيد جدا عن دونغهي ان ممكن ياخد بالوا وهو اصلا كان بيتعامل معايا بكسوف وهو بيشيل دماغي من عليه ..  ده غير ان كان بيلمس وشي بالعافيه عشان يبعدني عنه .. ونستنج من كده ان مستبعد طبعا ان دونغهي يلمس شعري .. ويعرف ال بحصلي ..

كل دي تساؤلات كانت في دماغ دونغهي .. قطعها عليه الدكتور وهو بيفهمهم ان في ناس كتير من الخضه بتاعت الموقف مش بيحسوا بالتعب او الالم غير لما بيريحوا و احساس الخوف يروح منهم .. وده ال فعلا حصل معايا اول لما ركبت التاكسي مع دونغهي و سعتها فعلا بديت احس بالتعب ..

وسنغميين لما مسح على شعري سعتها بان الدم ال كان شربوا شعري .. صح الجرح كان بينزف على خفيف .. بس اي حد مكنهم لما يشوفوا الدم  ال مالي ايد سنغمين واني كمان بيفوقوا فيه و انا لا حياة لمن تنادي..  كانوا اكيد هيقلقوا زيهم ..

وبعد وصله الشرح من الدكتور على حالتي

الدكتور بلغهم ان هو علقلي محاليل واداني الادويه والمسكنات الازمه و لما مفعلهم هيروح هفوق و سعتها هيطمن عليه اكتر

الاعضاء شكروا الدكتور جدا على عملوا و ان هو فعلا انقذهم ..طلبوا انهم يدخلوا يشفوني   .. رحب جدا الدكتور وطلب منهم الهدوء بس ..

الاعضاء بقلق دخلوا ولما شافوني وانا نايمه على السرير بوشي المصفر وراسي ال مربوطه.. ده غير ايدي ال متعلق فيها المحاليل سعتها بهدوء وزعوا نفسهم على الكراسي ال في الاوضه  ..

ليتووك وسنغمين  ال قعدوا على الكرسين ال جمب السرير نحيتي و كان قاعد على الكنبه  ال عند الشباك ناحيه ايدي الشمال ال متعلق فيها المحاليل شيوون ودوني وانهيووك  و في الكراسي ال قدام السرير كان قاعد هتشول و ريووك ..

وفي الوقت ده كان كل واحد فيهم حاول يشغل نفسه ف حاجه خصوصا دونغهي عشان ميفكرش في كل الحصل .. وايه اكتر حاجه ممكن تشغلهم هي  اكيد الموبيل بتاع كل واحد فيهم وبعد نص ساعه تقريبا كنت بديت اخيرا افوق .. وارجع لارض الواقع ..

ايدي ال بدأت تتحرك و ال خلت ليتووك ياخد بالوا مني وعنيه ال بدأت تفتح بتعب وبطأ ..

سعتها ليتووك مسك ايدي بلهفه و بدأ يتكلم معايا  : ريم حبيبتي انتي كويسه .. انتي شيفاني .. انتي سمعاني ..

الاعضاء قاموا من مكانهم وبقوا حاوليه على صوت ليتوك ال بيكلمني وهو مش مديني فرصه ارد من اسالتوا .. 

سعتها حركت راسي بالموافقه اني سمعه ليتووك وشيفاه وبديت اتكلم بتعب : انا كويسه يا اوبا الحمد لله .. ايه ال حصل انا مش 
فاكره   ..

سنغمين بدأ يحكيلي اني ازاي خضيتوا لما وقعت بين ايديه ده غير الدم ال رعبوا وكملي القصه كلها لحد اما فقت دلوقتي وسعتها ريووك ال كان خرج للممرضه  تنادي الدكتورعشان يطمنهم عليه

 الدكتور جه و خبط على الباب ودخل والاعضاء ادولوا مجال يوصلي : مسك ايدي  يشوف النبض .. ويقيس الضغط  وهو بيتكلم معايا

 حمد الله على سلامتك ريم شي .. حاسه بحاجه دلوقتي  .. 

رضيت عليه بتعب : كمساميدا ..انيووو انا الحمد لله  ..مش حسه بوجع جامد بس صداع خفيف

الدكتور بصلي  بابتسامه : لا عادي ده بسبب الارتجاج البسيط ال عندك بس انتي تمام الحمد لله .. وبعدين انتي المفروض تكوني فرحانه وانتي كل الشباب الحلويين دوول حاوليكي .. انتي متعرفيش كانوا قلقلين عليكي ازاي ..

بصيت وعنيه ال اتملت بدموع و هي بتلف تبص على وشوش الاعضاء ال كانت ابتسامة كل واحد فيهم .. خلوني  حسيت بالامان واني مش لوحدي وان مش عارفه من غيرهم كان ممكن يحصلي ايه ..

رديت على الدكتور وانا  بمسح دموعي ال خانتي ونزلت : اكيد طبعا يا دكتور فرحانه انوا ليه اخوات زي دوول وقفوا جمبي ومسبنيش لوحدي ..

بصلتلهم وانا كنت دخلت في مود العياط  : نومو كماواا يا جماعه .. معرفش من غيركوا كنت هعمل ايه ..

الاعضاء كانت عنيهم مدمعه  وهما شايفين دموعي ال بتنزل على وشي وانا بشكرهم من قلبي على ال عملوه معايا  ..

ليتوووك بابتسامتوا الجميله وعنيه ال مدمعه  : انتي عبيطه بقى ولا ايه بتشكرينا على ايه اصلا.. انتي لسه قايلاها بلسانك اخواتك يعني ال احنا عملناه ده عادي بين ال اخوات و انتي عارفه كويس معزتك عندنا واننا كمان منتخيلش حياتنا متكونيش فيها بشقوتك ..

سعتها كنت زي العيال وانا بمسح دموعي وبرد عليه .. وانا كمان يا اوبا  متخيلش حياتي من غيركوا .. انتي خواتي ال طوول عمري كنت بتمنى يكون عندي زيهم ... كماواا ليتووك اوبا .. كماواا يا احلى اخوات في الدنيا ..

سعتها قرب ليتووك مني وباس دماغي .. والاعضاء ال كانوا بيحاولوا يطلعوني من مود العياط والتعب بهزرهم  و انهم ال ايه غاروا من ليتووك  .. وبقوا يهزروا معايا ويرخموا على بعض مين ال هيبوس دماغي الاول ..وانا كنت بضحك وسعيده جدا وانا شايفه حبهم ليه ...في انهم بعملوا اي حاجه عشان يخرجوني من ال حصلي ..

لكن دونغهي ال بعد اما اطمن عليه  من الدكتور كان رجع قعد على الكرسي وهو في عالم تاني .. سرحان في كلمه اخواتي ال بتردد في دماغوا من ساعة اما سمعها مني  .. و ليه اما سمع الكلمه ديه مكنش طايق نفسوا مع انُ سمعها كتير مني قبل كده .. ده غير ان كمان كان بيفكر ان احساس  القلق  اتملكه  لما اغمى عليه كان غريب بنسبالوا .. وليه .. وليه ..

 حاجات كتير كان بيفكر فيها الوقت ده ومقطعش سرحانوا و تفكيروا غير صوتي  و انا  بناديه لما خدت بالي اني مش واقف مع الاعضاء .. ولما بصيت شمالي لمحته من بين الاعضاء ال واقفين جمبي قاعد وباين عليه ان في حاجه شغلاه او تعباه ..

ندهت عليه وبشويه قلق.. دونغهي اوبا مالك  .. انتى تعبان .في حاجه و جعاك  ..

دونغهي بتوتر قام  من الكنبه وقرب مني وباس دماغي :  لا يا ريمو  انا كويس جدا .. المهم انك كويسه قلقتيني عليكي  ..

                                                                

اتوترت جدا لما دونغهي وطى عليه عشان يبوسني وحولت اخبي ده   بابتسامه : معلش يا اوبا مكنش قصدي اقلقوا عليه ..الحمد لله  عدت على خير .. وانا دلوقتي كويسه جدا ..

احساسي  ببوسه دونغهي لدماغي .. غير اي حد تاني فيهم و دونغهي كمان الاحساس الغريب ال بيتملكه لما يقرب مني  احنا ال اتنين مكناش  فاهمين ولا حتى عارفين نفسر ال حاسين بيه ...

و بعد كده اما الدكتور سمحلي اخرج رواحت مع الاعضاء على الاوتيل و سعتها قراروا اننا نمشي على اخر اليوم اكون ارتحت وهما كمان ارتاحوا  والسفر كمان ميكنش متعب بالنسبالي ..سعتها الوقت كان تقريبا بقه اربعه الفجر  لما وصلنا الفندق .. الاعضاء بتعب ودعوني وليتووك وهتشول ال وصلوني الاوضه .. ودنتهم معايا لحد اما نمت على السرير وغطوني زي العيال الصغيره بزبط .. واطمنوا ان كل حاجه تمام ودعوني وخرجوا ,,

وبعد اما خرج ليتووك وهتشول وانا بودعهم بابتسامه .. تلقائيا اتحول حالي..  عنيه ركزت في السقف والابتسامه ال اتمسحت من على وشي بسبب الافكار الكتير ال ملت دماغي وشغلتها ..

.. ليه بتوتر كل ما دونغهي يمسك ايدي او حتى يقرب مني .. مكنتش فاهمه حاجه حاولت انفض الافكار الغريبه دي من دماغي عشان  تبعد عني لكن دماغي خنتني ومقتدرش تبعد الافكار دي عن دماغي ... ودنتي افكر لحد معنيه قفلت وروحت في سابع نومه ...

والوضع عند دونغهي مكنش احسن مني في حاجه.. هو كمان حاسس ان في حاجه غريبه متغيره في مشاعروا تجاهي .. وليه هو كمان اتوتر لما كنت قريبه منوا في التاكس ... منا صحبتوا الانتيم و على طوول مع بعض سواء في الشغل او حتى في خروجتنا بعد الشغل .. بس هوكمان للأسف  خنته دماغوا عن تفسير ال بيحصل .. وعنيه ال قفلت  ... بعد اما عرف ان مفيش فايده .. في التفكير ...

 وعلى صباح جديد بيطل علينا بأمل و الشمس ال ملة المكان كان الوقت  بقى تقريبا الظهريه كلنا  قمنا بتعب ..و اتحضرنا عشان ننزل نفطر .. وعلى اخر النهار نكون في الطريق  لرجوع لسيووول ..

وعلى الفطار .. كانوا الاعضاء كلهم  اتجمعوا بعد اما صبحوا على بعد وقعدوا على طرابيزه مطعم الاوتيل وطلبوا الفطار و انا نزلت متاخر ، شويه عنهم اعقبال اما حضرت نفسي ولاني كمان مش عارفه ليه كنت متوتره لاني عارفه اني هشوف دونغهي اما انزل .. وخفت ارجع افكر تاني ويبان عليه التوتر لما اشوفه.. بس بعد كده  استسلمت و طلعت من اوضتي على الاسانسير  ..

لما خرجت من الاسانسير ورحت على المطعم ودخلت  لمحته و انا ماشيه نحيتهم .. ايوه لمحت دونغهي ال قاعد في وشي وانا جيه  وعنينا ال للثواني اتقبلت بس كل واحد فينا هرب بعنيه من التاني .. والشعور ال تملكنا سعتها كان هيجننا احنا ال اتنين  .. وصلت لطرابيزة وشديت كرسي وقعدت وانا بصبح عليهم  .بابتسامه :

صباح الخير  يا جماعه ..

الاعضاء ردوا عليه  بابتسامه وهما بيستعدوا للاكل  : صباح النور يا ريم ..

  

الاكل ال كان بينزل للاعضاء بالفعل وانا بصبح عليهم و سعتها طلبت من الموظف ينزلي الفطار انا كمان ... ونزلهولي ...

ليتوك  بصلي وهو مبتسم وهو بياخد بوء من العصير : عمله ايه دلوقتي  ..نمتي كويس ..

 بصتلوا وانا مبتسمه وكنت هموت و قولوا نوم ايه بس يا اوبا ال ببتكلم عليه هو الواحد عرف ينام كويس اصلا وسعتها خت لقمه كده من الهم ورديت عليه :  لا الحمد لله يا اوبااا .. احسن من امبارح بكتير .. و اه .. اه  دنا نمت كويس جدا  ..

هتشول بصباعه ال تقريبا كان هيدخل فعنيه برغم ان هو قاعد قدامي وبيبصلي كإني عامله مصيبه : انتي بزات تسكتي خالص دنتي خضيتينا امبارح عليكي خضه زفت .. يلا المهم انك كويسه ..دلوقتي  

كنت مبسوته طبعا من الاحساس ان يكون عندي اخوات يحبوني ويخافوا عليه لاني مكنتش اعرف الاحساس ده لاني معنديش اخ يعمل ال هما عملوه معايا ده  ..

منكرش ان عنيه دمعت شويه لما الاحساس ده وصلني بس حاولت مبينش اي حاجه و بصتلوا و زي العيال الصغيره وبشقاوه : اوبااا حبيبي  ..  انا مقدرش على ده كله  حب و خوف واهتمام مره واحده على فكره انا كده ممكن اتغر لان هتشوول اوبا بزات نفسه كان خايف عليه ...

كنت مبتسمه ابتسامه عريضه شويتين .. بيني وبينكوا كده ابتسامه نصر لان هتشول مش من الشخصيات ال بتعبر على ال بتحس بيه و اني انا  قدرت اخلي هتشول يطلع ال جواه ده بالنسبالي فرحه تانيه ..

وسعادتي التي لا توصف بهتشول قمت من على الكرسي وكنت رايحه ناحيتوا :  .. حبيبي يا اوباااااا . متخفش اختك لسه جامده ... ولما وصلت عندوا قربت منه وحضنته من ورا وهو قاعد وبستوا على خده

هتشوول كان طبعا اتكسف جدا ووشوا جاب الوان من ال انا عملتوا وراح ضاحك وهو  بينكشلي شعري وقالي :

من ساعه اما عرفتك وانتي بكاشه وشقيه كده ..وبتعرفي تضحكي عليه  مش هتتغيري ابدا ..

بوستوا تاني على خده وبعد اما بعدت ومشيت شويه لفتلوا تاني :

 ايوه هفضل بكاشه كده وشقيه على طوول يا اوبا و مش هتقدر عليه

وورحت غمزتلوا  ولفيت ومشيت رجعت مكاني تاني ..

وفي الوقت ال كانوا الاعضاء بيتفرجوا على عفويتي مع هتشول وبيضحكوا عليه انا وهو كان الوضع عند دونغهي كان غير كده خالص كان هيطق من ال بعملوا مع هتشول برغم ان عارف ان ميني وليتووك و هتشوول دول بالنسبالي حاجه مختلفه عنهم واني ببقى عفويه و شقيه معاهم هما بس ..

اما انا بقى اول اما رجعت مكاني عشان اكمل فطار .. سعتها موبيلي رن وكانت ريهام اختي (اكيد عايزين تعرفوا هي ليه مجتش لحد دلوقتي مع اني وعدتها انها تيجي بعد شهرين او تلاته وده فعلا ال كنت هعملوا بس هي قلتلي اجل الموضوع لانها بتخلص ورق وحاجات وهياخد وقت منها وهو عده خمس شهور )  بس اما شفت انها هي.. قلقت لاني انا دايما ال على طوول بتصل بيهم و خفت تكون بتكلمني تقولي اني في مصيبه  ....

وبتوتر استأذنت من الاعضاء  وقمت عشان ارد ... وقلقي ال راح لما عرفت ان ريهام بتتصل عشان تقولي انها حضرت ورقها بتاع الجامعه وفعلا بعتتوا على ايميل جامعه سيوول  .. بس كان في  خبر تاني بلغتهولي ريهام ..خلاني فرحانه جدا .. خلصت تلفون  و رجعت تاني على التربيزة

طبعا كيونا الفطن  كان لاحظ توتري لما شفت الرقم على موبيلي وبخباثه سألني :

ايه يا بنتي رقم مين بقى ال خلاكي لما شفتيه اتوترتي  وقمتي بسرعه عشان تردي عليه

ماسبليش فرصه ارد حتى وهو بيغمزلي وعايش الدور اووي  ..اوعي تقوليلي البوي فرند بتاعك  ....مش تقوليلي عشان اسالك عليه ..

وفي الوقت ده دونغهي وهتشول اما سمعوا الكلمتين بتوع كيونا الاكل وقف في زورهم وقعدوا يكحوا

  اما  انا بقى مكنتش طيقاه وبصتلوا شزرا كده ..و روحت رمياه بالفوطه ال قدامي ..بس للاسف مسكها .. رديت عليه برخامه :

 اوباااااا. بوي فرند ايه وزفت ايه بس ال بتتكلم عليه .. دي كانت اختي ريهام بتكلمني من مصر واتوترت لاني انا ال متعوده اكلمهم .. ارتحت كده لما عرفت ..

سنغمين بصلي و كان بيضحك على طفولتي مع  كيونا :

من الفرحه ال كانت باينه عليك بعد اما خلصتي تلفون شكلها قلتلك حاجه فرحتك ..

رديت وانا منشكحه جدا  : فعلا يا اوباااا عندك حق .. كانت بتكلمني عشان  تفرحني بانها حضرت ورقها عشان التدريب  بتاعها زي ما حكتلكوا  و بعتتوا للجامعه هنا في كوريا و كمان وقريب اووي هتكون في كوريا  ..بس عارفين مش هو ده ال فرحني بس ..  

شيوون مع رفعت حاجب من ال عرفنها ...

 اما ايه ال فرحك اكتر بقى يا ستي  فرحينا معاكي ..

رديت بنشكاح اكتر :  اصحابي يا اوبا جومانه ودينا وساره هما كمان قرروا يكملوا درسات عليا هنا في كوريا وان ريهام زي منا حكتلكوا قبل كده انها كانت هتيجي من شهرين فاتوا بس اجلت عشان خاطرهم لحد اما يخلصوا ورقهم وبرغم انهم  بلغوها متقوليش حاجه عشان يعملهالي مفجأه بس اختي شريره زي واحد اعرفه (و كنت طبعا ببص ناحيه كيونا ) وللاسف حرقت عليهم المفجأه

من كتر فرحتي بمكلمت ريهام قمت من مكاني وانا بتنطط و اسقف زي العيال .. والاعضاء ال كانوا بيضحكوا على هبلي طبعا ليهم حق ..(مديره اعمال هطله)

وسعتها وقفني عن الهبل و رجع قوايا العقليه تاني صوت هيووكي وهو بيسألني :

بس هيووكي كان بيسألني وهو بيبصلي من تحت لتحت بخبث : ريمو حبيبتي قولي لاخوكي بقى .. اختك الشريره ديه.. اقصد ريهام وصحابك حلوين بقى زيك كده شعر وجسم وغمزات ها.. هاا قوليلي بقى

مكنتش عارفه امسك نفسي من الضحك على كلام هيووكي وخبثه ..اه انا منكرش ان هو فعلا خجول وبيتكسف بس بردوا كان مقطع السمكه ودلها و كان مدوب البنات ... بلطافته وضحكته ال تجنن و معلمتوا ال ملهاش مثيل .. فخورة بيك صديقي العزيز ... رديت عليه بنفس اسلوب الخباثه بتاعوا و بخبث وبنظرات من تحت لتحت : اه يا اوبا حلوين زيي .. احم احم ايه ال انا بقولوا ده ...  اوبا من اولها كده هنصيع لم نفسك يا حبيبي .. لان دوول غيري تماما ..

هيووكي باستغراب



             قصدك ايه يعني انهم غيرك ...

ضحكت بخبث ..... اما يوصلوا بسلامه .. سعتها هتعرف قصدي ايه

هيوكي كان فقد الامل اني اديلوا اي معلومات عن البنات .. وقعد يكمل طبق الاكل بتاعوا ال معرفش كان بيتملي منين لكن خضنا كلنا لما صرخ بألم وهو ماسك وشوا

اتخضيت عليه جدا ماهو كنا لسه بنهرج ..

. اوبااا في ايه ايه ال بيوجعك

رد بألم : سناني ياريم مش قادر

رديت بقلة حيله : سنانك تاني منا قلتلك خليني احجزلك عند عياده دكتور اسنان كويسه بس انتى على طووول بترفض عشان ال ايه بتخاف من الحقن و خصوصا حقن بنج الاسنان .. انتى ال بتعمل في نفسك كده على فكره  

هيووكي كان بيبصلي وهو مش طايقني : خلاص يا ريم بقى .. مش وقت محاضرات و مواعظ ..

حسيت بذنب سعتها لاني انا كمان بترعب من دكتور الاسنان و لو بموت من وجع سناني باخد مسكن قوي على اني اروح لدكتور رديت عليه باسف :

 بيانيه اوبا مش قصدي اضايقك .. قوم معايا انا معايا مسكن قوي في شنطتي خدوا وريح شويه لحد اما نمشي ..

قومت انا وهيووكي ... بس قبل اما اكمل مشي لفيت ناحيه الاعضاء .. وبوش مديره الاعمال الجاده وانتوا كمان خلصوا و كل واحد يقوم يعمل حاجه مفيده وبعد ساعتين بزبط .. تكونوا مستعدين ومحضرين نفسكوا عشان نرجع سيووول ..

مشيت بعد اما الاعضاء ردوا عليه بجديه : ديه ريم شي

مشيت وانا منشكحه جدا ومبسوته اصلي  كنت بحب اوووي دور مديره الاعمال ده معاهم كانوا بيبقوا عسل اووي ..

و مشيت انا وهيووكي  لحد اوضتي و اديتوا المسكن و قلتلوا يروح اوضتوا يرتاح بس هو قعد يدلع عليه ودنتوا قاعد معايا يجي ربع ساعه  رغي رغي عايز يعرف اي حاجه عن البنات .. مفيش فايده فيه.. وانا بردوا مريحتوش كنت شريره واضح ان كيونا حبيبي بهت عليه .. اخر اما زهقت من زنوا ختوا من ايده  لحد اما تقريبا كنت بزقوا اطردوا بره الاوضه ..

لكن عند الاعضاء .. بعد اما مشينا انا و هيووكي الاعضاء  خلصوا و كل واحد راح على اوضته .. دونغهي كان متوقع لما يطلع الاوضه بتاعتوا هو وهيوكي يلاقيه هناك لكن زي ما انتوا عارفين كان عندي في الاوضه شغال في وصلت الدلع والزن ... ولما ملقهوش هناك كان هيتجنن من التفكير ان ممكن يكون لسه معايا وهو رايح جي في الاوضه بيكلم نفسه بجنان :

 معقوله الزفت هيوكي  يكون لسه معاها .. اشششششششششش

خد بالوا من الجنان ال بيقولوا  : هو انا اتجننت ولا ايه ..هتشولي هيونج مره وهيووكي مره ... معقوله اكون بغيي ..... لا لا  انا احسن حاجه ادخل اخدلي دوش يمكن افوق من ال انا فيه ده ..

و هيوووكي ال بعد اما طردتوا من الاوضه كان جالوا تلفون وقعد يرغي يجي نص ساعه وهو ماشي في الممرات بين الاوض .. لحد اما وصل اوضته لكن لقه دونغهي نايم .. اصل دونغهي لما خلص وصله النظافه وطلع ملقاش هيووكي مكنش طايق نفسه ورمى نفسوا على السرير وحط مخده على دماغوا بعصبيه ..ونام زي العيال .. لما بيخدوا حمام سخن و يروحوا في سابع نومه  ..

وبعد الجنان بتاع اليوم الغريب  ده .. كلنا كنا اتحضرنا و طلعنا على الباصات عشان 

نرجع سيوول .. ركبت معاهم الباص بما ان عربيتي كانت في خبر كان للأسف و كان سنغميين هو ال كان قاعد جمبي وانا سيطرت طبعا وقعدت جمب الشباك بس لاحظت ان من ساعة اما طلعنا وهو سرحان وباين على وشوا ان في حاجه شغلاه ومش بيتكلم ويرغي معايا زي ما انا متعوده منوا ...

 هيا اه مش اول مره اخد بالي ان في حاجه مش مزبوطه في سنغمين ..لا هو كان بقالوا فتره على كده بس كنت بقول يمكن ارهاق شغل مكنتش باخد في بالي لكن المره دي كان باين عليه اووي وده ال شجعني اكتر ان اعرف هو مالوا وايه ال مخليه مش مزبوط كده و مش في المود .. 

سعتها لفيت بجسمي نحيتوا شويه و سنت ظهري على الشباك  : اوبا مالك سرحان في ايه .. انا حسه ان في حاجه شغلاك .. وانك مش مزبوط مش اوبا حبيبي ال متعوده عليه .

سنغمين ال فاق من سرحانه على صوتي و بصلي وضحكيلي بس ضحكتوا مكنتش مريحاني مش نقيه و صافيه زي ماتعوده عليها

سنغمين بتنهد و ابتسامه : لا يا ريمو مفيش حاجه متشغليش بالك انا بس مرهق من الحفله و مفقوتش لسه من خضت امبارح  و تلاقيني عشان مأخدتش راحتي في النوم كمان .. عشان كده بس تلاقيني مش مزبوط ..

رديت عليه .. صراحتا مكنتش مصدقاه اول مره احس ان سنغمين بيكدب عليه .. وان في حاجه شغلاه و ميقولش عليها ..

بصتلوا و رحت ماسكه ايدوا بين ايديه الصغنينين  وانا ببصلوا بحزن :

اوبا انا عارفه انك بتكدب عليه وان مش ده السبب الحقيقي ..ال يخلي اوبتي حبيبي يكون كده وابتسامتوا الجميله ال بتديني انا شخصيا امل في بكره تكون باهته كده وعمتا انا مش هغصب عليك تقولي فيك ايه .. بس افتكر اننا كلنا معاك وجمبك .. عشان كده ارجوك يا اوبا  متخبيش حاجه جواك وفض........ ..!!

سنغمين قاطعني قبل اما اكمل كلامي و حط ايدوا التانيه فوق ايدي و بابتسامه : ريم انتي عارفه كويس ان عمري ما كدبت عليكي .. وان على طووول بشاركك كل حاجه تخصني .. بس الموضوع ال شغلني ممكن يأثر على اقرب الناس ليه عشان كده انا ماتكلمتش فيه مع حد حتى معاكي .. بس اوعدك انك اول واحده تعرفي بس في الوقت المناسب ... ارسوووا

سعتها شوفت الصدق في عنينين سنغمين وهو بيتكلم .. بس قلبي مكنش مرتاح من الكلام ال قاله ايه الموضوع ال ممكن ياثر علينا كلنا ..

 حاولت ما فكرش كتير عشان مبيبنش عليا قلقلي لان سنغمين كان مش ناقص توتر كفايه ال هو فيه .. وارتحت شويه لما عرفت ان 
قريب هعرف هو متضايق ليه ..مكنش فارق معايا اكون اول واحده ولا اخر واحده تعرف السبب كان فارق معايا بس ان اشوف سنغمين زي الاول فرديت عليه وانا مبتسمه :

اراسوووو يا اوبااا ... (وانا بغمزلوا ) ممكن بقه اشوف ضحكه اوبا حبيبي ال مجننه البنات .

سنغمين بعد اما نكشلي شعري كالعاده  .. و وهو بيقرصني من خدي على خفيف ..

فعلا هيتشول هيونج صدق لما قال عليكي شقيه وبكاشه وبتعرفي تتضحكي علينا بعفويتك وتضحكينا ..

كنت مبسوطه جدا وانا شايفه سنغمين رجع يضحك ويهزر معاايا وخرج من مود الحزن ال هو كان فيه ... وقعدنا انا وهو نضحك ونهزر مع ليتووك وهتشوول ال ورانا .. ال قمنا طبعا نرخم عليهم انا وسنغمين ..

اما عند الاعضاء الباقين وخصوصا دونغهي لما قبل اما الباص يطلع انطلاقا لسيوول .. دوني كان بلغني ان هيسيب الكرسي ال جمبوا فاضي ويخلي شيوون وهيوكي يقعدوا قدمنا عشان نهزر ونلعب ونصيع مع بعض ..زي ما احنا على طووول بنعمل ..

 ... بس انا اصلا لسه الاحساس الغريب  ال بقيت بحس بيه لما بيقرب مني .. لسه متملكني  .. فاروح مره واحده واقعد جمبوا كمان (ارمي نفسي في التهلكه يعني ) .. حسيت اني مش هبقى مرتاحه لو قعدت معاهم توتري هيوصلهم ..

وفي الوقت ده ودونغهي بيقولي وانا مش عارفه ارد اقوله ايه سنغمين كان بيعدي من جمبي بصدفه  .. روحت بتلقائيه قفشت في دراع سنغمين وانا كأني لقيت منقذي  رديت على دونغهي بتوتر وبقول اي هبل عشان اهرب وخلاص :

 معلش يا  اوبا انا هقعد جمب سنغمين اوباا اصلوا وحشني اووي,,, من الصبح مشفتوش انيووو اوبا اشوفك في الباص ..

وسعتها سحبت سنغمين من ايدوا وهو مش فاهم حاجه خالص .. ما هو اصلا مكنش مركز في اي حاجه .. وبيني وبينكوا كده كانت مصلحه ليه عشان اعرف اهرب من دونغهي ...

وبعد اما سبت دونغهي ومشيت مكنش طايق نفسوا من ال عملتوا ووكل ال في دماغه.. سنغمين ايه ال وحشني محنا كنا مع بعض كلنا الصبح .. كان هيتجنن .. ولما طلع الباص وشافني انا وسنغمين قاعدين جمب بعض قعد في مكان يقدر يشوفنا كويس ....

والباص ال طلع وانطلقت رحلتنا لسيوول ..

 وفي الوقت ال انا و سنغمين بدينا نتكلم كان دونغهي مراقبنا ولا اجدع مخبر ...مره يقوم بحجه ان رجله مخدله ويلف يشوفنا... ومرة يقوم بحجة ان عطشان اهو اي حجج وخلاص ... بس كان كل مره بيلف يشوفني ..اما ماسكه ايد سنغمين او اما يشوف سنغمين ماسك ايدي .. والمره الاخيره ال لف شافنا وسعتها قعد على كرسيه متحركش لاخر الرحله و وهو لابس النضارة الشمس ومش طايق نفسوا لما كان سنغمين بينعكشلي شعري وبيشدني من خدودي اعتقد ده كان بالنسبالوا صدمه ..

ووصلنا سيوول بعد تقريبا 3 ساعات .. انا رحت على شقتي بعد اما سنغمين وصلني والاعضاء على بيتهم ...

وعده اسبوعين بسرعه على رجعونا  كنا فيهم رجعنا  لشغلنا الطبيعي  والمعتاد في الشركه صحيح الايام دي كنت حسه اني متغيره وفيا حاجه مش مزبوطه ناحيه دونغهي .. بس حاولت بقدر المستطاع مبينش اي حاجه ... خفت دونغهي يلاحظ اني متغيره معاه ..وده لاني اكيد طبعا مكنتش عايزه اخسر اقرب صديق ليه .. لمجرد احاسيس غريبه انا مش عارفه افهمها اصلا ..

حتى دونغهي بعد اما رجعنا لشغل تاني .. كان هو كمان متلغبط ومش عارف يتعامل معايا ازاي بالاحاسيس  الغريبه ال بيحسها لما بيتعامل معايا .. عشان كده انا وهو كنا حتى لو متغيرين مع بعض محدش فينا هيحس لاننا مكناش على طبيعتنا احنا الاتنين واي حاجه هنعملها هتكون بالنسبه لطرف التاني طبيعيه جدا  ..

صحيح ايام الاسبوعين ده مكنش في حاجه مهمه غير جنانا انا ودونغهي لكن في حاجه جميله كنت مستنياها جدا عشان اختم بيها الاسبوعين دول وهو وصول البنات على كوريا .. لاني لما رجعنا ريهام اختي كانت كلمتني وقلتلي ان هما حجزوا وخلال اسبوعين هيكونوا في كوريا ..

 واهو وصلنا اخر الاسبوعين وفي اليوم الموعود خرجت على شغلي المعتاد في الشركه مع الاعضاء لكن استأذنت منهم على الساعه 2 الظهر كده عشان  الحق اروح  اغير هدومي و اطلع على المطار ...لان  البنات طيرتهم كانت هتوصل على الساعه اربعه تقريبا .. وفعلا بعد اما استاذنتهم و مشيت خدت عربيتي وعلى البيت على طوول ... اه نسيت اقولكوا بما ان عربيتي كانت في خبر كان بسبب الحادثه ..  لكن من حسن حظي انها كانت لسه معدش عليها سنه وكانت تحت التامين فبتالي لما رجعت سيوول استلمت واحده جديده  ..

وصلت البيت غيرت هدومي ,,وبعد كده نزلت خدت العربيه و طلعت على المطار  على طوووول .. وصلت المطار على وقت نزوول الطياره  .. دخلت المطار واعقبال اما سألت على مكان وصول الرحله بتاعتهم .. كانوا البنات وصلوا كوريا الحبيبة و وبدأوا يخلصوا الاجراءات الروتنيه بتاعت  المطار وخدوا الشنط و على باب الخروج ..

اما انا كنت مستنياهم على احر من الجمر كانوا وحشوني اوووي وحشني جنانهم ... وفجأه لمحتهم من بعيد وهما بيخرجوا من بوابة الخروج ..

 وهنا اشتغل الجنان دنتني انادي عليهم واتنطط واضحك زي العيال بزبت و هما كانوا شفوني طبعا بهبلي .. و بقوا يجروا هما كمان لحد اما وصلنا البعض وكان لقاء مميز فرقه 5 شهور بعدنا عن بعض ..

و بعد اما كنت بضحك وفرحانه لما شفتهم .. اتقلب الوضع لدموع الاشتياق .. ولما خلصنا سلامات ووصله الحب والاشتياق وكده .. طلعنا على العربيه بتاعتي حطوا شنطهم في العربيه ال جبتها تبع المطار عشان توصلهم الشنط على عنوان البيت بما ان عربيتي الحبيبه يدووب وخداهم بالعافيه ..

بدأ البنات طبعا في وصله التحقيقات بتاعتهم ..

ريهام بلا مبالاة وتعب : ها يا ريم القاعده حلوه في كوريا بقى ولا عاديه ... وايه اخبار المغني ال بتشتغلي معاه ..

وفي الوقت ال سمعت سؤال ريهام كنت فطست على نفسي انا وجومانا  عليها .. وهي ماكنتش فاهمه احنا بنضحك ليه ..

ريهام باستغراب : ممكن اعرف انتوا بتضحكوا على ايه ان شاء الله ..

رديت عليها وانا ضحكتي تقريبا وصلت لقافيه وانا ببص عليها من مرايه العربيه ال قدامي وانا بسوق ..

يعني انتي مش عارفه احنا بنضحك ليه

ريهام وهي مربعه ايدها وبرخامه : هعرف منين يعني ..

جومانا وهي بتبوص وراها عشان تشوفها :

اصلك قلتي مغني وال واضح ان حضرتك متعرفهوش ان اختك بتشتغل مع فرقه مكونه من 11 مغني بس 3 للاسف منهم في الجيش و ال بتشتغل معهم حاليا هما 8 الباقين عرفتي بقه احنا بنضحك على ايه انسه ريهام

استغربت من جومانا انها عارفه المعلومات دي كلها ... اصل ال نسيت اقولكوا عليه ان ال حاجه الوحيده ال مجمعتنيش مع البنات هي K pop  لان بالنسبالهم مش ده نوع الاغاني ال ممكن يسمعوها .. وكان حبهم في كوريا هو الدراما مش اكتر من كده .. عشان كده استغربت ان جومانا كانت عارفه المعلومات دي عن السوجو فسالتها :

ايه جومانا ده انتي عرفتي كل ده منين .. انتي عمرك مسمعتي النوع ده من الاغاني ايه ال غيرك بقى

جومانا وهي بتضحك : لا عادي يا ستي انا متغيرتش ولا حاجه بس لما قلتيلي انك هتشتغلي مع فرقه اسمها سوبر جونيور دخلت للفضول اعرف مين الناس ال هتشتغلي معاهم بس كده

رجعت بصيت لريهام في المرايا

عيب عليكي تبقى اختي ومش عارفه انا بشتغل مع مين

ريهام برخامه ردت وهي بتشيل راس دينا ال نامت هي وسارة من ساعه اما طلعنا تقريبا من المطار ..

واات افر.. ريم انا مالي تشتغلي مع واحد ولا عشره المهم انك تبقى مبسوته .. انا جايه هنا لتدريب العملي بتاعي .. ادعيلي بقى لما اروح الجامعه البروفسير يكون كويس والتدريب معاه في المستشفى يكون تمام ..

وسعتها انا افتكرت التلفون ال جالي من يومين من البروفسير بخصوص ريهام  لان ريهام حطت رقمي في ورق الجامعه بتاعها عشان لو حب حد يوصلها وسعتها  قولتلها :

صحيح ياريهام لما اتكلمتي في الموضوع ده افتكرت ... من يومين جالي تليفون من البروفسير بتاعك وقلي ان مبسوت جدا ان طالبه متفوقه بشهادتها الدراسيه ده غير رسائل التوصيه الممتازه ال وصلت مع ورقك تكون طالبه عندوا .. وقلي اوصلك انك مش بس هتدربي في اي مستشفى انتي هتدربي في احسن مركز متخصص في جراحة الاسنان واللثه في كوريا ..

في الوقت ده كنت لامحه ريهام من المرايا تقريبا كانت قاطعت نور ومايه وفجأه صوت صرخها يملى العربيه ويصحي دينا وساره من النوم

عاااااااااااااااااا انتي بتتكلمي بجد مش مصدقه حلمي بيتحقق بسرعه كده عاااااااااااا

كنت مبسوته اووي من جنانها ... وسعتها لقتها بتقولي

ريم انا مبسوطه اوووي نفسي اتفتحت على الاكل اعزمينا بقى في احلى و اغلى مطعم في كوريا

جومانا ردت عليها بتريقه  : مطعم ايه واكل ايه .. امال مين ال كان مزهقنا طوول ما احنا في الطياره .. وعمال يقول امتى نوصل بقى عايزه اروح انام تعبانه ..

رديت على جومانا بسرعه احسن لو ريهام فتحت بؤها مع جومانا هما الاتنين يحصل بينهم الحرب العالميه التالته

خلاص يا جومانا هي جعانه انتي مالك .. امرك يا ست ريهام نروح بس نستقبل الشنط بتاعتكوا ونحطهم في البيت ونروح على احسن واغلى  مطعم في كوريا يا ستي ولا تزعلي ..

جومانا بتعب : لا يا ختي روحي انتي وهي انا تعبانه اووي وعايزه اروح اتقتل نوم وبعدين انتي مش شايفه القتلتين ال وراكي

بصيت من المرايا كانت ساره ودينا ناموا تاني ولا كأن في حاجه كانت بتصرخ جمبهم 

..

وسعتها طبعا بناء على طلب الهوانم .. روحت البنات .. وطلعت انا وريهام على مطعم كوري لاكلات السريعه كان مطعم مميز بالخدمه الذاتيه .. اخدم نفسك بنفسك ده كان شعاره  ...

كل ال عليك تعملوا في المطعم ده انك تطلب الاكل وهما يحطولك على الترابيزه ال انت قاعد عليها بوكس ينور اول اما الاورد بتاع الاكل بتاعك يخلص ..

 كنت بحب المطعم ده جدا وكان مميز بالنسبالي .. عشان كده حبيت اخد ريهام هناك ..لما دخلنا عجبها جدا المكان قعدنا و طلبنا الاكل .. والبوكس اتحط قدمنا ..

واحنا منتظرين الاكل يخلص والبوكس ينور .. كنا بنرغي انا و ريهام في حاجات كتير لحد.. اما اخيرا البوكس اعلن اننا هناكل .. لسه هقوم عشان اجيب الاكل يرن موبيلي ويكون .. المدير لي سومان .. فطلبت من ريهام تروح تجيب الاكل اعقبال اما اخلص تليفون ..

 وريهام فعلا قامت تجيبوا .. وان شفت المدير عايز ايه .. ودنتني اتكلم معاه لحد اما صوت خناق كان مسمع في مطعم كله ... بس ال خلاني اتخض واقوم من مكاني مفزوعه لما ميزت صوت الشخص ال بيتخانق كانت ريهام  اختي .. قمت بسرعه ورحت اشوف ايه ال بيحصل ..

ولما وصلت كانت ريهام شكلها الحقيقه يضحك جدا .. وهي الاكل والعصير ال مبهدل هدومها وشعرها . وريهام ال كانت متعصبه فوق ما تتصوروا من الحصل  ..

انا لما شوفتها كان نفسي اضحك بس  لو ضحكت كان زماني في عداد الاموات دلوقتي ... بس لفت نظري الشخص ال عمل فيها كده بس مكنتش مصدقه ان هو .. كان فطسان ضحك عليها ... وريهام بتبصلوا وفضلها تكه كمان وتقتلوا على ال عملوا

وانا مستغربه جدا : اوبااا انتى بتعمل ايه هناااا

ريهام لفتلي وبصتلي شزرا : انتي تعرفي الشخص الغبي ده......

مكنتش مصدقه ال بسمعوا من ريهام

اه اعرفوا يا ريهام ده ........................

استنوني البارت ال جي باحداث اكثر اثارة ان شاء الله

تتوقعوا ايه ال بيحصل بين ريم ودونغهي ..؟

وايه السبب ال هيأثر على الاعضاء وال كان سنغمين بيفكر فيه ؟

و مين يا ترى ال عمل في ريهام كده وطلعت ريم عرفاه ؟

استنوني كل سبت واربعاء بالبارتات الجديده ومستنيه رأيكوا حبيباتي