احببتك شتاءً

احببتك شتاءً

by:Lee Mony

مساء الخير ^_^ محدثتكم amychul
اكيد عرفتوا عن كاتبات قيد التنفيذ وبما انهم مش اعضاء اساسيين فى اسرتنا فااناوباقى الكاتبات هندون قصصهم لحين انضمام
اى كاتبه منهم لاسرتنا وبعدها هما هيدونوا لنفسهم
المهم مش عاوزه اطول عليكم ( سمعاكى يالى بتقولى طولتى فى الرغى >_< )
اسيبكم مع القصه  بدل ما تضربونى بالطماطم واتمنى تنال اعجابكم واهم شئ تقييم القصه ___________________________
احببتك شتاءً
  فى ليله من ليالى الشتاءالبارده فى وقت كان الظلام والبرد الشديد هو الحاكم على المكان كان فيه شاب وسيم فى بدايه الثلاثينات قاعد على الارض ووقعت منه بعض من القطرات وكانت شهقاته بتعبر عن حزنه وآلمه لفقدانه اعز ما بيملك وهى حبيبته وزوجته ورفيقة دربه ميريكل ايوه هى فعلا كانت معجزه بجد علشان غيرت من حياته حياته البنى ادم الى مش همه حد ولا مهتم بامور الناس الى حوليه وكان شايف كل الى حوليه اقل منه وهو قاعد جنب القبر بتعها وبيكلمها كانه بيشوفها :آآآه يا حبيبتى وحشتينى بجد يا ميريكل ووحشتنى كل حاجه انتى كنتى بتحبيها وكنتى بتعمليها وحشنى اكلك اللذيذ فاكره اول يوم اتقابلنا فيه يا ميريكل تصرفى معاكى كان وحش بس اقولك الحقيقه كنتى حلوه اوى وانتى مظبطه نفسك بمكياجك وتسريحه شعرك ولبسه هدومك الحمراء كنتى اجمل واحده شفتها عينى اليوم دا آآآآه يا ميريكل

فى الوقت دا نزلت دموعه بغزاره اكثر واكثر

ووقتها سرح بخياله ورجع للماضى الى اول يوم قابل فيه ميريكل

هنرجع بالزمن ل3 سنين ورا : فى اوضه من البيوت البسيطه فى سيؤل تصحى من النوم بنت وهى زى الملايكه من نومها فى هدوء على صوت المنبه بتعها علشان يصحيها على معاد صحينها المعتاد ولما صحيت

راحت نحيه الشباك بتعها علشان تفتح الستاير وتدخل اشعه الشمس اوضتها علشان تلمس بشرتها ويظهر جمال بشرتها البيضا الى شبه التلج وترسم على وشها بسمه خفيفه جميله وتسرح بخيالها الى مكان موجود فيه حبيبها الى بتحبه من طرف واحد ونفسها يحس بيها

وهى سرحانه تفوق من خيالها على صوت والدتها الى بتناديها : ياميريكل يا بنتى قومى الفطار جهز تعالى كلى بسرعه قبل ما يبرد

البنت بصوت حنون :حاضر يا ماما انا جيه اهو

راحت واخده الفوطه بتعتها وراحت ناحيه الحمام وغسلت وشها وراحت اوضتها تانى علشان تلبس لبس يكون لايق على اليوم الشتوى الجميل ده وبعد مده متقلش عن 15 دقيقه خرجت ميريكل من اوضتها وهى عماله تعتذر لمامتها:اسفه يا ماما سمحينى اتاخرت عليكى انتى عارفه اللبس بياخد وقت منى بس لازم افطر بسرعه قبل ما اتاخر على الشغل المدير بتاعى مبيرحمش حد بيتاخر نفسى يكون لطيف زى اخوه الكبير ولو لمره واحده فى حياته حاجه ممله


مامتها وهى راسمه الضحكه على وشها:^_^عادى يا حبيبتى ولا يهمك وربنا يوفقك يا بنتى وكلى بسرعه وبطلى كلام علشان متتاخريش اكتر من كده

ميريكل وهى بتبص فى الساعه الى على الحيطه وهى بتاكل اتخضت من الوقت 0_0 :ياخرابى انا اتاخرت اوووى على الشغل ايييييييييييش رئيسى فى الشغل هيزعقلى انا همشى دلوقتى يا ماما قبل ما اتاخر اكتر من كده وبوسيلى الدب ريتا لما تصحى نفسى مره افطر معاها يلا انا ماشيه


خرجت ميريكل وهى لبسه جاكت احمر بفرو ابيض على الرقبه وطقيه بيضه بفرو ومنزله شعرها الاسود زى سواد الليل وكانت فى كامل انقتها كالعاده طبعا



فى الوقت دا كان هنرى نازل من بتهم رايح كليته فا قال لميريكل يوصلها وهى وافقت هنرى ولد جميل فى اخر سنه ليه فى كليه الطب وكان حلمه انه يكون جراح مشهور

                                          

تعريف بعائله ميريكل : ميريكل بنت عندها 25 سنه وهى بتشتغل سكرتيره فى واحده من شركات الاستثمار العقارى فى كوريا الجنوبيه وهى ومامتها واختها الصغيره ريتا الى عندها 20 سنه عايشين مع بعض بعد لما والدهم مات فى شقه بسيطه فى سيؤل ومعاهم فى نفس الشارع ساكن خالهم والد هنرى وهنرى دا عنده 25 سنه قد ميريكل وهو فى كليه الطب فى اخر سنه ليه الى هى سنه الامتياز والتخصص وهو نفسه يتخصص فى جراحه وبيسعى لتحقيق دا نرجع لارض الواقع بقى ^_^


هنرى وهو مركز فى السواقه :ازيك يا ميريكل عامله ايه؟! و امممممم الا من حق بقالكم فتره كبيره مش بتيجو عندنا  خير بقى ؟!

ميريكل وهى مبتسمه ^_^ : احنا مش بنرضى نيجى علشان حضرتك خلاص هتبداء امتحانات قريب وهتخلص بقى وتبقى دكتور ياجامد هههههه بس ايه حكايه امممم دى

هنرى وهو مبلم ومخضوض لميريكل :يا بنتى انتى مش نويه تبطلى جو القهوه دا ارحمينى عمرى ما شفت واحده مخلصه كليه اداره اعمال وبتقول يا جامد عيب عيب وموضوع امممم دى عادى كنت بفكر


ميريكل بصة لهنرى بصه لهى معروفه بصت شك ولا بصه عوزه تولع فيه بسبب طول لسانه دا -_* : هوانت اه قدى وكل حاجه بس برضه لاحظ ان انا بنت خالتك يا مستر هنرى كده ارتحت وواقف عربيتك هنا عوزه اشتريلى كوبايه قهوه علشان اصحصح للمدير بتاعى ومش هسكت الا لما اعرف امممممم دى يانا يا انت يا هنرى


هنرى وهو بقى على وضع الصامت من نظره ميريكل وبيتكلم وهو متلجلج :ح..ح..حاضر هاتيلى معاكى كوبايه بالمره لانى مستحيل انزل فى الجو التلج دا من العربيه الدافيه دى

ميريكل وهى بتفتح باب العربيه ومبتسمه  ^_^ : هو حد طايل الجو الجميل دا يابنى مفيش احسن من الشتا فى نظرى اوك هجبلك لحظه ورجعه

راحت ميريكل علشان تجيب القهوه وفى الوقت دا وصلت رساله لهنرى مكتوب فيها :صباح الخير يا قلبى ♥

والابتسامه بقت سجنل تو لما شاف الرساله
                  

وفى اتجاه تانى خالص كان زومى واخوه يونهو واخته انوشكا واهلهم قعدين على سُفره الاكل وبياكله فى جو السكوت هو الى بقى السيد فيه وزومى كسر حاجز السكوت دا بكلامه :بابا بعد اذنك انا لازم اقوم دلوقتى لان عندى اجتماع مهم هتقوم معايا يا هيونج ولا هتفضل هنا

يونهو وهو مبتسم ^_^ : لايا زومى انا شويه وهمشى علشان طيرتى بعد نص ساعه يعنى يادوب اروح على المطار على طول

                  

زومى وهو بيقوم من على السُفره :هتغيب كتير يا هيونج
يونهو وهو بياكل :لاء متخافش هو اسبوع بالكتير اوى اسبوعين^_^

زومى وهو واقف جنب كرسى باباه ومامته :طب ستاذنكم انا دلوقتى بعد اذنك يا ماما انتى وبابا انوشكا هتعوزى منى حاجه يا قمر قبل ما امشى
انوشكا وهى بتاكل : اوبا انا نفسى بعد لما اخلص الترم دا تفسحنى انت ويونهو اوبا تشيباااااااااااااااال

زومى وهو يضحك على منظرها الطفولى :ههههههههههه من عيونى يا انوشكا بس انتى عارفه انا ممكن اجى معاكى انما يونهو هيونج مش هيقدر لان ترتيبات فرحه هتكون بعد امتحاناتك وهو مش هيكون فاضى انما انا قعدلك يا قلبى مش كده يا هيونج

يونهو وهو بيفكر :ااااه جتلى فكره حلوه يا زومى ايه رئيك بعد الفرح نحجزلنا احنا اوض فى فندق انا اوضه انا وصوفيا وانت اوضه وانوشكا اوضه ايه رئيكم بعد اذنك طبعا يا بابا انت وماما 

الاب والام بصه لبعض وضحكه : معندناش اى مانع فكره حلوه اهو زومى ياخد اجازه شويه من الشغل

الام وهى رايحه ناحيه زومى : يارب يا زومى اشوفك عريس انت كمان فى اقرب وقت انت مش ناوى تقرر تستقر بقى انت مبقتش صغير قربت على ال30

زومى وهو بيبوس ايد والدته :ههههههه ادعيلى بس الاقى البنت الى استحقها يا ماما وان شاء الله اول لما قلبى هيدق هقولك على طول متخافيش على ابنك 

تعريف بعائله زومى : زومى عباره عن ولد شال المسؤليه وهو عنده 23 سنه وهو حاليا عنده 29 سنه وشايل مسؤليه الشركه هو واخوه الكبير يونهو الى عنده 31 سنه وليهم اختهم الصغيره انوشكا عندها 20 سنه ولكن هى دلوعه العيله كلها وزومى ويونهو مسكه مسؤليه الشركه بعد لما والدهم عمل حدثه كانت السبب فى انه يتصاب بشلل نصفى ومبقاش قادر يمشى ولكن زومى عكس يونهو فى الشغل زومى حازم وجد اوى فى شغله مش بيبين الجزء الطيب من شخصيته لحد وبيعامل السكرتيره بتعته بطريقه شديده انما يونهو طيب القلب ومبيحبش يعامل حد بقسوه لانه بطبيعته مبيخبيش حقيقته زى زومى هما متناقضين فى الشخصيه ولكن فى الحقيقه هما بيحبه بعض اوى وبيخافه على بعض وبيخافوا اكتر على انوشكا اختهم

هنرجع لارض الواقع تانى  ^_^

بعد لما زومى كلم والدته مشى على الشركه والشركه مش بعيده عن بتهم لانهم ساكنين فى منطقه الاغنياء كانجنام منطقه الناس صاحبه النفوذ والفنانين واصحاب الشركات فا مش بيتاخر هنرجع لميريكل وهنرى بعد لما ميريكل جابت القهوه ولقت نفسها يا هتطرد من الشغل يا اما هتتهزاء لو وصلت بعد السيد زومى ركبت عربيه هنرى بسرعه :هنرى طبعا مكنش حاسس باى حاجه بسبب الرسايل الى عمال يبعتها وتوصله فى نفس الوقت هنرى اتخض من رزعت ميريكل للباب: ايه فيه ايه 0_0

ميريكل وهى بصاله باستغراب  وبتترجاه فى نفس الوقت : ارجوك سوق بسرعه والا السيد زومى مش هيسبنى فى حالى وانا مش ناقصه بااااالى

هنرى وهو مخضوض من كلمها السريع : ارسو ارسو اهدى بس متخافيش مش هنتاخر يلا بسرعه


وبعد مده متقلش عن 10 دقايق وصلت ميريكل وهى شايله كوبايه القهوه فى ايد والورق الخاص بالاجتماع فى ايد تانيه وبتجرى وهوووب مره واحد اتخبطت فى

حد والورق وقع من اديها والقهوه وقعد على شويه من الورق وبتبص علشان تشوف مين الى خبطها ومعتذرش دا : انت مش بتشوف يا اعمى انت ما الطريق قدامك 0_______0 وا.وا...واسع


زومى بصلها بصه من فوق لتحت وبصه تركيز وبيبصلها وبيركز اوى فى ملامح وشها الى شبه الملايكه وقلها مره واحده : هو مين المفروض الى يفتح وهو ماشى انسه ميريكل ؟-_-

                       

ميريكل تحت تاثير الصدمه حاليا وبتتكلم زى الرجل الالى :ا..ا...انا اسفه سيد زومى

وقبل ما ميريكل تكمل كلامها كان زومى سابها ومشى علشان الاجتماع وبصت للساعه بتاعتها 0___0 : يوووووووه بقى مش كل مره اتاخر كده لازم اوصل قبله المره دى


وبعد كده لمت الورق الى على الارض بسرعه واخدتها جرى لحد المكتب وبعد كده دخلت الاجتماع وفى اديها الورق ويادوب بتفتح الورق علشان تحط كل نسخه قدام رئساء الاقسام فى الشركه بتبص لقت الورق بالعربى بقى بنى من اللون بتاع القهوه الى ادلقت عاليه وبصت لزومى وهو مش منتبه وهى بتكلم نفسها :ياخراب بيتك يا ميريكل انا هطرد النهاردا اكيد اعمل ايه ياربى اعمل ايه يارب ساعدنى محتاجه مسعدتك بجد

فى الوقت دا تليفون زومى رن واستاذن من الاجتماع فجأه

زومى وهو بيرد :الو خير يا ماما ؟

الام وهى عماله تعيط وتصرخ: الحقنى يا زومى باباك تعب فجاه وودناه المستشفى الحقنى على هناك بسرعه لان انوشكا فى الجامعه ويونهو سافر

زومى وهو تحت تاثير الخضه 0_0: ط..ط..طب اهدى انا جى مسافه السكه

اتجه ناحيه المكتب:انسه ميريكل لو سمحتى اجلى الاجتماع لوقت تانى ولو حصل حاجه بلغينى معاكى تليفونى صح

ميريكل بخضه : ل..ل....لا يا فندم انا هخده من سكرتيره يونهو شى تقدر تتفضل دلوقتى


وقبل ما تكمل كلمها لقته راح وسبها -_-: كل مره يسبنى مش اكمل كلامى ويمشى بنى ادم ممل


وهى بتقول بنى ادم ممل لقت حد خبطها على راسها :انتى متاكده من دا طب ايه رئيك هقوله

ميريكل بتلف راسها بخضه لقتها صحبتها ايميلى صحبتها من الحضانه :ايميلى خضتينى يا شيخه مش هتبطلى حركاتك البايخه دى افرض السيد زومى كان هنا وسمعك


ايميلى وهى كلها ثقه : هاهاهاها طبعا لا يا حبيبتى انا واخده احتياطاتى يلا نروح ناكل وقت الراحه جه وانا هموت من الجوع


فى الوقت دا كان زومى راح المستشفى علشان يشوف ايه الى حصل لوالده ووفق مع الدكتور شويه

زومى وهو قلقان :قولى يا دكتور هو والدى بخير وايه السبب فى الى حصله دا ؟!

وقف الدكتور وهو بيبص للورق الى فى ايده وبيعدل فى نظارته : امممم مش عارف اقولك ايه زومى شى الوضع الصحى لوالدك ميطمنش خالص شكله اتعرض لازمه نفسيه او ضغط كبير اثره على قلبه

زومى فى حاله دهشه من الى بيسمعه دا 0_0 : ح..ح .حضرتك بتقول ايه يا دكتور ضغط نفسى ازاى وهو قاعد فى البيت مرتاح

وقبل ما يكمل كلامه لقى والدته حطه اديها على كتفه : انا عارفه السبب يا زومى شكرا ليك يا دكتور تعبناك معانا تقدر تتفضل دلوقتى

الدكتور وهو مبتسم : بعد اذنكم

زومى لسه مستغرب من الى والدته عرفاه وهو مش عارفه: هو فيه ايه يا ماما ما تفهمينى ايه الى حصل ارجوكى؟؟!

والدت زومى وهى بتتنهد وبتقعد على الكرسى الى جنبها : زومى السبب فى تعب والدك انت يا زومى ايوه انت لانك مش راضى ترتبط بحد وهو عاوز يطمن عاليك وعلى يونهو ويطمن على انوشكا قبلكم انتم الاثنين قبل ما يموت لانه بقى حاسس ان ايامه معدوده فى الدنيا دى واهو يونهو فرحه بعد اسبوعين وانت مش راضى حتى تفكر فى فكره الجواز دى يابنى مينفعش

زومى بدا يحس بتانيب الضميرعلشان هو السبب فى الى حصل لوالده دا فى تعب والده وبداء ييتلقلق فى كلامه :ان..انا السبب فى تعب بابا للدرجه دى خايف عالينا واحنا ولا حسين طب ايه الحل دلوقتى يا ماما قوليلى وانا مستعد اعمله

ام زومى وهى حاطه اديها على ظهره وبطبطب عاليه : حبيبى الحل انك تتجو ودا حل كويس مش وحش زى ما انت شايف كدهزومى وهو بيتلقلق فى الكلام : ا..ان ..انا موافق يا ماما على اى عروسه هتجبوها ليه


الام وهى بتطبطب على ظهر زومى : حبيبى والدك عاوز يطمن عليك بس مش عاوز يغصبك على الجواز


زومى وهومتاثر :ماما ارجوكى خلصينى من عذاب الضمير الى انا فيه دا واختاريلى بنت علشان اقدر اساعد فى شفاء والدى ارجوكى يا ماما

الام وهى بتطبطب على زومى :بص يا حبيبى انا كان عندى صديقه زمان كانت مخلفه بنت هدور عاليها واشوف ان كانت بنتها تناسبك ولا لاء موافق بس يارب ميكنوش نقله من مكانهم الى اعرفه

زومى هز راسه على اساس انه موافق

وهنروح عند ميريكل وصحبتها بعد لما خلصه شغلهم فى الشركه وراحه قعده فى كافيه ميريكل السرحانه وايميلى الى بتبص فى المنيو بتاع الاكل

ايميلى :هتاكلى ايه يا ميريكل انا انصحك بمكرونه او بصى فيه اسكالوب بانيه بيقوله عاليه حلو هنا ايه رئيك؟؟

بصت لميريكل لقتها مره واحده ولقتها فى عالم تانى العالم الخاص بيها هى وزومى الى مش حاسس بيها بقاله اكتر من سنتين

راحت شده اديها الى سنداها على خدها : يا ميريكل عماله انادى عليكى يا بنتى ميريكل سيبى قصتك تمشى مع القدر يمكن القدر مخبيلك الاحلى متبقيش كده

ميريكل وهى بتتنهد وبترمى حمولها على الايام : هييييح على رائيك يا صحبتى انتى على حق ليه هيبصلى وانا مجرد سكرتيره بسيطه ومش اقدر اتخطى الحدود الاكبر منى يلا بينا نطلب الاكل علشان اروح البيت علشان زهقت


وفى الوقت دا كان زومى رجع للمكتب تانى علشان يحاول يصفى راسه من الافكار الكتير الى بقت مره واحده فوق دماغه وسرح بخياله شويه وعمال يفكر ازاى يرضى والده ويخلص من الموضوع دا ازاى بسرعه

بحيث انه يخلص منها بعد كام سنه اوكام شهر وفاق منه دوامه تفكيره دى ورجع يكمل الشغل الى مش كان لسه بدائه ولكن اكتشف غياب ميريكل عن المكان

زومى:اااااااااه ياربى هى الى معاها الورق اجيب رقمها منين دى اه الملف بتعها

فتح الملف بتعها واول حاجه جذبته فى الملف مش رقمها صورتها الى فى الملف وحلتها هى و عليتها وبعدين ركز فى ملمحها تانى لتانى مره :ياربى هى جميله اوى كده ازاى


فى الوقت دا خطرت فى بال زومى فكره جهنميه :وليه لا انا حاسس انها ممكن تكون هى الى تقدرعلى الموضوع دا بما ان حالتهم بسيطه وكمان مش هتغلبنى واقدر اخلص منها فى اى وقت وانا متاكد انها مش هترفض مبلغ زى الى هعرضه عاليها دا

و فى نفس الوقت  مسك التليفون بتاعه واتصل بوالدته وقالها انه لقى البنت الى بيدور عاليها:خلاص يا ماما لقيت البنت الى تقدر تسعدنى زى ما انتم عوزين

الام باستغراب : ازاى يا ابنى لحقت دا انت سيبنى مكملتش ساعه

زومى ضحك وقلها : هحكيلك لما اقبلك يلا سلام دلوقتى وابقى طمنينى على حاله بابا


وبعدين اتصل بميريكل

ميريكل بصت فى تليفونها لقت رقم غريب بيرن

ميركل :اكتر حاجه بكرها الارقام الغريبه دى (ردت بصوت ناشف) الوو مين معايا


زومى اتخض من نبره صوتها الحاده دى ولكن مش بين دا واتكلم بصوت ناشف وجامد
زومى : انسه ميريكل حد اذنلك تمشى قبل ما اجى تعالى الشركه فورا
ميريكل من كتر الخضه قفلت التليفون فى وشه وجريت على الشركه علشان مش تتشتم طبعا ووصلت اخيرا الشركه

ميركيل :اه اه اه يانى نفسى اتقطع من كتر الجرى  ياربى على الظالم

وصلت عند الباب وخبطت على الباب وسمعت صوت من جوه بيقلوها :اتفضلى

زومى وهو قاعد متمنظر بنفسه :انسه ميريكل اتفضلى اقعدى عاوز اتكلم معاكى فى موضوع

                                    

     ميريكل قعده وكان عقلها عمال يودى ويجيب وبتكلم نفسها :هيطردنى هيطردنى انا عارفه حظى النحس

زومى راح حاطط رجل على رجل وباصص لميريكل بتمعن : بصى يا انسه ميريكل انا هعرض عاليكى عرض محدش كان يحلم بيه

ميريكل استغربت : عرض ايه يا فندم ؟؟!

زومى عدل قعدته : تتجوزينى بس بشرط نتجوز مده بسيطه يعنى مثلا كام شهر او سنه بالكتير وهتخدى مبلغ محترم يضمن حقك انتى وعيلتك بما ان حلتكم الماديه مش قد كده ايه رأيك؟

ميريكل من كتر الصدمه سكتت لا عارفه تتكلم ولا حتى توقفه عند حده راحت نطقت كام كلمه كده : اه يا استاذ زومى انا حاله عيلتى على قدها بس مستحيل تقبل بفلوس

زومى وهو مرسوم على وشه ضحكه : بصى متتسرعيش هديكى كام يوم فرصه تفكرى ماشى

ميريكل ضغطت على اديها مسكت اعصابها : ماشى


خرجت ميريكل من كتر صدمتها مروحتش البيت وراحت الكافيه وقعدت تفكر مع نفسها شويه
                   

ميركيل وهى بتفكر: طب ليه لاء اهو على الاقل مستقبل ريتا هيكون احسن لالالالالا ايه الى بقوله دا ياربى

وروحت ميريكل وهى لسه بتفكر

وعدت مده حوالى اسبوع كده ميريكل متغيبه عن الشغل بسبب انها خايفه تواجه زومى وزومى مش عارف جوابها لحد دلوقتى راح متجراء وراح بيت ميريكل وخبط على الباب

ريتا من جوه : ايوه ايوه جيه اهو

يادوب بتفتح لقت شاب وسيم واقف قدمها
               

ريتا: ياخرابى ايه المز دا اااقصد مين حضرتك O_O

زومى بكل فخر وهو واقف وحاطط ايده فى جيبه : انا زومى رئيس ميريكل فى الشغل ممكن اكلمها

ريتا بابتسامه سجنل تو^_^ : طبعا طبعا اتفضل يا ميريكل تعالى كلمى

دخلت لميريكل اوضتها لقتها نايمه

ريتاوهى عماله تهز فيها : يابنتى قومى بقى عمرى ماشفت حد بينام المده دى كلها

ميريكل بصوت نعسان : امممم يا ريتا سبينى بقى نص ساعه كمان

ريتا وهى عماله تشد فى درعها : قوووووووووومى بقى هتشلينى فيه واحد اسمه زومى بره بيقول انه رئيسك فى العمل

مره واحده ميريكل اتنفضت من على السرير وقعت ريتا على الارض : انتى بتقولى مين طب ما تقولى كده من الصبح

ريتا وهى حاطه اديها على راسها من ورا وبتتألم : اه ..اه يا راسى انتى ادتينى فرصه

وقبل ما تكمل كلمها لقت ميريكل فتحت الباب وخرجت للصالون وزومى كان قاعد مع مامة ميريكل

مامة ميريكل : اه وجيتى اخيرا استاذ زومى عاوزك تروحى معاه مشوار خاص بالشركه لانك الوحيده الى تقدرى تعملى الموضوع دا علشان انتى السكرتيره بتعته روحى معاه

ميريكل وهى مش عارفه ترد على سرعه كلام مامتها وفى الاخر ردت عاليها : حاضر يا ماما انا عمتا جهزه

زومى وهو مبتسم : اوك على كده يله بينا

ميريكل بقله حيله : يلا

وبعد كده ركبه العربيه ومشيه والسكوت كان هو السيد فى الوقت دا راح زومى كاسر الحاجز دا
زومى: احم احم فكرتى كويس فى الموضوع الى قولتلك عاليه

ميريكل وهى بتحاول مش تبص نحيه زومى : اه فكرت

زومى وهو مركز فى الطريق ومبتسم ومليان ثقه : ويا ترى اقدر اعرف القرار

ميريكل وهى بصه نحيه الشباك بتاع العربيه : انا وفقت

زومى وهو لسه واثق من نفسه : كنت متاكد دلوقتى اقدر اخدك المستشفى

ميريكل باستغراب : ها مستشفه ليه ؟؟

زومى وهو لسه مركز فى الطريق : علشان اعرف والدى ووالدتى عليكى بما ان حالت بابا تسمح للزياره دلوقتى وكمان علشان اقدر اتقدملك رسمى كمان

ووصلوا المستشفى ودخله وراحه لاوضه ابو زومى وخبطه على الباب وسمعه صوت ان مسمحلوهم بالدخول ودخله وزومى رسم على وشه ابتسامه عريضه وميريكل كانت ماشيه وراه زومى بثقه
زومى: بابا ماما اقدملكم ميريكل البنت الى كلمتكم عنها

ام زومى وهى بتستقبل ميريكل بكل ترحاب : اهلا اهلا يا ميريكل

ميريكل وهى بتسلم على مامة زومى : اهلا بحضرتك

والد زومى وهو مبتسم : اهلا يا ميريكل شربتى حاجه

ميريكل وهى مكسوفه : مش عوزه اشر حاجه حضرتك شكرا ليك

ابو زومى وهو مكشر شويه كده : اممم مينفعش انتى ضفتنا اه فى المستشفى بس لسه ضفتنا زومى ممكن تاخد مامتك وتجيبوا حاجه لميريكل تشربها

زومى وهو مبتسم : حاضر يا بابا يلا بينا يا ماما

الام : يلا يابنى

الاب وهو باصص فى عيون ميريكل وميريكل بتحاول تبعد نظرها عنه شويه علشان ميحسش بحاجه :انتى بتشتغلى فى الشركه من امتى يا ميريكل

ميريكل بدهشه من السؤال : ها ... ا..اقصد بقالى تقريبا 3 او 4 سنين يا فندم

الاب وهو مكشر كده :امممم بلاش فندم دى قوليلى يا بابا طب زومى عامل ايه فى الشغل بيبقى صارم ولا زى يونهو طيب

ميريكل وهى مبسوطه ورسمه على وشها ابتسامه : حاضر يا بابا ... زومى هو اه بيبقى صارم بس بيبقى عنده حق لان اغلب الموظفين محتاجين الوش الخشب علشان يشتغله والكلام اخدها فى شرح صفات زومى والاب اندهش من كلام ميريكل على زومى ومش بتفوت عنه حاجه واحده وبعد كده اتكلمه فى مواضيع كتير وبعد مده زومى رجع هو مامته الاوضه ولقو الاب وميريكل عملين يضحوا

الام وهى رايحه اتجاه جوزها : الله الله شكلكم بقيتو اصحاب انا هبداء اغير اهو

الاب وهو بيضحك : ههههه لاء يا قلبى متغريش من خطيبة ابنك

الكل اتفاجئ من كلمه ابو زومى وعده مده حوالى اسبوعين واتخطب زومى وميريكل و ابو زومى خرج من المستشفى
ويونهو رجع من السفر علشان يجهز لفرحه وابو زومى وقرره يعمله حفله مخصوصه علشان رجوعه بالسلامه وزومى يعرف ميريكل على عليتهم وطبعا عزم مامة ميريكل وهى اعتذرت وقالت ان ابن خلهم هيروح بدلها وزومى طبعا كان عرفه

وبعد معاناه فى اقناع مامة ميريكل انها تيجى الحفله برضه موفقتش وجه تانى يوم وهو اليوم الموعود بقى مش يوم الفرح لا يوم حفله الترحيب بقومان ابو زومى بالسلامه راح زومى علشان ياخد ميريكل وريتا من بتهم مره واحده وزومى واقف على الباب لقى هنرى فى وشه

هنرى: اهلا اهلا بخطيب ميريكل منور يا استاذ


زومى مع ابتسامه صفرا : ازيك يا هنرى عامل ايه

هنرى وهو فاتح بوقه من كتر الضحكه : ازيك يا زومى عامل ايه

زومى وهو بيحاول يتقبل وجود هنرى : الحمد لله هما البنات مش نوين ينزله ولا ايه

هنرى وهو بيظبط فى بدلته كده : هتلقيهم نزلين دلوقتى

زومى وهوبيبص فى ساعته : هيتاخروا

هنرى وهو مظبط نفسه : هتلقيهم نزلين حالا اهم نزلوا


زومى بيبص اتجاه السلم لقى ميريكل نزله و لبسه فستان ازرق ورفعه شعرها زى ما ريتا قالتلها وهما فوق ووقف زومى مبلم قدام جمالها الصارخ
                    

ميريكل:احم احم انا جاهزه

و طبعا هنرى وزومى مذبهلين من شكل ميريكل الى مش متعودين عاليه مش فى الاناقه فى طريقه اللبس نفسها والفستان المفتوح من فوق ومبين كتافها وريتا طبعا نزلت لبسه فستان احمر قصير وحاطه تاج صغنن على شعرها
                       

ريتا: وانا كمان جاهزه ايه رأيكم فى فستانى

هنرى طبعا كان واقف تحت مع زومى واول لما شاف ريتا اتخض وجرى عاليها هنرى :ايه الى انتى لبساه دا يا حاجه
          

ريتا وهى ببوز بوبى : يا يا هنرى الله ماله ماهو حلو اهو علشان اعجبك ومتبصش لبنت غيرى

ميريكل وهى مبتسمه وبتكلم هنرى من بين سنانها : احنا فى الشارع يا هنرى وانا عرفت معنى اممممم دى ايه

هنرى اتلخبط : اا..ااه عرفتى يعنى طب وفيها ايه هخطبها برضه

ميريكل وهى مميله على هنرى شويه : ههههههه وحد قالك لاء

زومى بيبصلهم / مش يلا بينا بقى علشان مش نتاخر عاليهم هنا

ميريكل وهى مبتسمه : يلا بينا

وركب كل واحد عربيه وبعد مده وصلوا البيت والباب اتفتح وكانت الحفله مليانه ناس من عائلات مرموقه فى كوريا وبعدين زومى خد ايد ميريكل وراحه باتجاه يونهو وخطبته
وهنرى مسك ايد ريتا وكانوا كوبل تحفه ولايقين على بعض ومره واحده ريتا سمعت صوت من ورا بينادى عليها

..:ريتااااااااااااااا
ريتا اتخضت من الصوت العالى دا وسط الحفله الهاديه دى بتبص لقتها انوشكا

انوشكا:ايه دا انوشكا ايه الى جابك هنا وحشتينى يا بنت من وقت ما اخدنا الاجازه وانا مش اعرف عنك حاجه

انوشكا بتقولها : فينك انتى يا هانم بس بجد وحشتينى يابت ايه دا اوبا ازيك مين الحلو دا اوعى تقولى انه هنرى الى كنتى بتكلمينى عنه صح

ريتا ميلت على انوشكا ووشوشتها : اسكتى بقى انتى هتسيحيلى فى المكان

وفى اتجاه تانى عند ميريكل و زومى وصوفيا وينهو زى ما يكون الكل عارفه وهى فى دوامه متعرفش فيها حد غير ريتا وهنرى واهل زومى والده ووالدته واخته واخوه وخطيبته بس الكل عمال يبحلق فى ميريكل وميريكل مره واحده لقت ايد زومى ماسكه اديها وبيقولها : متخافيش انا جنبك

ميريكل اتنهدت وفرحت من مسكه ايد زومى ليها وبعد مده جت الشغاله وقالت ان السيد بارك عاوز الانسه صوفيا والانسه ميريكل فى اوضه المكتب بس الانسه ميريكل هتروح قبل صوفيا وبعد 10 دقايق انسه صوفيا تروحلوا


زومى ويونهو بصوا لبعض باستغراب : هو فيه ايه يا يونهو تتوقع عاوز ايه منهم

يونهو بنفس عدم الفهم الى عند زومى : علمى علمك يا زومى ربنا يستر


وفى الوقت الى الكل مشغول بيه فى الكلام ميريكل كانت واقفه قدام باب المكتب بتاع ابو ابو زومى بصوت من جوه : اتفضلى يا ميريكل

ميريكل ابتسمت ودخلت وقفلت الباب وراها : حضرتك عوزنى يا بابا
الاب وهو فى غايه السعاده :اهلا يا ميريكل تعالى عاوزك فى موضوع بس قبل كل دا حلوه اوى منك كلمه بابا

ميريكل ابتسمت وقعدت على الكنبه :خير حضرتك كنت عوزنى فى حاجه يا ترى اقدر اعرف ايه هى


ابو زومى فضل ساكت شويه وبعدين كلم ميريكل فى كلام كتير ومنه حقيقه زومى عاوز يتجوزها ليه وان طباعه الحقيقيه هى الى خوفته على زومى وخلاه يتجوز بسرعه ليه

:بصى يا ميريكل يا بنتى انا عاوز اصرحك بحقيقه زومى ابنى قال عاوز يتجوزك ليه هو عاوز يتجوزك علشانى انا وانا حاسس انك بتحبيه وهتقدرى تخليه يحبك فى يوم من الايام وارجوكى استحملى كل كلامه الجارح الى بيقوله والى هيقوله لانى مش عارف هو هيكون تصرفه ايه وفيه كمان سبب بس خايف اقولك عاليه تسيبيه وتمشى

ميريكل بشكل وش مش فاهم : كل الى حضرتك قلته قبل كده انا عرفاه لانى اتعاملت مع زومى بس ايه الحاجه الى خايف تقولهالى دى يا بابا ؟ ويا ترى اقدر اعرفها ؟؟!

ابو زومى وهو بيلقلق فى كلامه : ب..بصى يا ميريكل زومى السبب فى انى خليته يتجوزك مش علشان صحتى ولا كده انا لما عرفت ان زومى بدء يشرب ويروح ملاهى ليليه وبقى يسهر وانا بقيت اخاف عاليه وتعبت لما عرفت كده ودا سبب دخولى المستشفى

ميريكل ضحكت ضحكه خفيفه لاهى عارفه ضحكه قهر ولا علشان زومى صعبان عليها وعوزه تخلصه من العالم الى بيغرق فيه لوحده ده من غير ما حد يساعده او اى حاجه

ميركيل : دلوقتى انا فهمت هو ليه طلب ايدى بس انا اوعدك سيد جونج انى هفضل متمسكه بزومى لانه فعلا حبى الاول وحبى الاخير ومن وقت لما قررت اسيب امور حياتى تمشى على مزاج القدر وهو معايا من وقتها وانا دلوقتى متمسكه بيه وانا ياما استحملته واستحملت كلامه الى بيوجع مجتش على كام مره كمان وحكايه انه يبطل شرب والكلام دا هياخد وقت بس هحاول امنعه من الى بيعمله ده


ومره واحده الباب خبط وصوفيا استاذنت علشان تدخل الاوضه وابو زومى قالها تدخل وقعده مع بعض شويه وضحكه واتكلمه عن ايام الطفوله بتاعت يونهو وزومى
وفى الوقت دا ابو زومى حس انه هيسيب ولاده فى ايادى امينه وبعدين حرك الكرسى بتاعه ناحيه المكتب وطلع علبتين وكل علبه من العلبتين اداها لكل بنت من البنات
ابو زومى : تقدروا تفتحوهم وبعد كده تروحوا علشان الشباب زمنهم مستنينكم

وبعد لما البنات فتحوهم ولقوا فى كل واحده منهم سلسله على شكل قلب عجبوهم اوى وشكروا السيد جونغ على الهديه الحلوه دى

                     

وفى الوقت الى طلعت فيه البنات استقبلوهم الشباب بابتسامه ومره واحده الموسيقى الهاديه اشتغلت كل واحد اخد خطبته ورقصوا على انغام الموسيقى الهاديه



وبعد الحفله دى عدى الاسبوع بسرعه غريبه على الكل وجه اليوم الموعود يوم جواز ميريكل على زومى و صوفيا على يونهو وكان يوم من اجمل الايام الى بتعدى على ميريكل وكل الى حوليهم كان بيحسدهم على جمالهم كانت ميريكل فى عالم تانى خالص وبعد الفرح بمده متقلش عن شهر ميريكل بدات تحس ان زومى بداء يتغير وبداء يرجع متاخر وكل لما ميريكل تسئله كان فين يقولها كان عنده شغل وهى عارفه الحقيقه وفضلوا سنه على الحال دا وفى الوقت بتاع السنه دا كانت صوفيا خلفت طفلين توأم

وفى يوم من الايام ميريكل حست بتعب شديد وكان زومى وقتها فى رحله شغل خاصه بشركتهم وكان متخاصم مع ميريكل ومش بيكلمها فا مكنش يعرف حاجه عنها ولما رجع اهله بشروه بان ميريكل حامل ووعدها انه مش  هيديقها تانى علشان يربوا اطفالهم بسعاده مع بعض بس مع الاسف الايام الحلوه مبتكملش فى اخر ايام حمل ميريكل بدات معامله زومى تتغير مع ميريكل تانى وكان فى يوم من ايام الشتا البارد كان الجو ميطمنش خير ابدا بدء صوت ميريكل وزومى يعلى لدرجه ان اغلب الى فى البيت صحيه تقريبا

ميريكل وهى ماسكه ايد زومى : ارجوك يا زومى بلاش تروح الجو مش حلو وانت هتسافرليه ما انت لسه راجع من السفر وكمان هتسافر بالعربيه مش كمان بالطياره ارجوك بلاش


زومى بغضب راح زق ايد ميريكل خلها تفقد توازنها وتقع من على السلم واغمى عليها

زومى بخضه وعمال يصرخ باعلى صوت ليه :ميريكل لااااااااااااا ميريكل ارجوكى فوقى ارجوكى انا خلاص مش هسافر ولا هروح اى مكان من غيرك بس ارجوكى فوقى يونهوووو صوفياااا باباااا مامااا ارجوكم حد يتصل بالاسعاف ابنى ومراتى بيروحوا منى ارجوكم


يونهو جرى على التليفون وهو فى حاله صدمه واتصل بالاسعاف وفعلا مفيش 10 دقايق والاسعاف كان واخد ميريكل وزومى للمستشفى دخله ميريكل اوضه العمليات والدكتور طلع

الدكتور:احنا عملنا الى علينا وانقذنا الجنين لكن حاله الام مش مستقره ادعولها

فى الوقت دا الكل اتصدم ويونهو قعد يزعق لزومى وزومى مش حاسس هو بيتقاله ايه كل الى همه انه يطمن على ميريكل وبعد بعد شويه جت الممرضه ندهت على زومى وزومى دخل لميريكل الاوضه وهما حطين على بوقها جهاز التنفس الصناعى وقعد يعيط جنبها

             

زومى والدموع ماليه عيونه :سمحينى يا ميركل ارجوكى متسبنيش لوحدى انا وبنتنا
                      

مره واحده لقى ايد ميريكل بتتحرك وتشيل القناع من على بوقها والدموع بتنزل من عنيها :زو..زو.. زومى حبيبى انا مسمحاك بس ارجوك مش تنسانى مش تنسى ميريكل الى كانت مستعده تضحى بكل حياتها علشانك وانا سبتلك بنتنا الصغيره امانه بين اديك ارجوك ارعاها كويس وخلى بالك منها وعوزاك تعرف انى كنت ب... ب..بحبك زومى


واعلن وقتها جهاز نبضات القلب عن وداع ميريكل عن هذا العالم وعن كل الى حوليها وعن طفلتها الى كانت لسه مشفتش ملامح وشها عامل ازاى ولا حتى ودعتها سبتها امانه لزومى

زومى وهو بيصرخ بصوت عالى وفى حاله جنون : لااااااااااااااااااااااا ميريكل ارجوكى ماتمشيش وتسبنى انا وبنتنا ارجوكى ميريكل لااااااااااااااا


فى الوقت دا فاق زومى من ذكرياته على ايد بنته الصغيره الى بقى عنده ا دلوقتى 3 سنين وهى ماسكه ايد عمها يونهو
وهى مبتسمه بتقولوا :بابا يلا بينا اناعاوزه انام

زومى وقتها خد بنته فى حضنه : يلا يا حبيبتى


انتهى ........


العباره من قصتى مهما كان الانسان مش بيكتشف قيمه الحاجه الحلوه الى فى ايده الا لما تروح منه زى ما حصل مع زومى اتمنى ان قصتى تنال اعجابكم وشكرا على القراءه ^_^

متنسوش اراكم وانتقادتكم للقصه وتقيمكم ليها مهم جـــــداً والى اللقاء مع قصه جديده ^___^