By Maram
فنهضت
وتوقفت عند الباب وقالت : بس هي مين الست دي يا بابا ؟؟
اجاب :
الست دي تبقى قريبتنا
نيرة :
ومادام هي تبقى قريبتنا ليه ماكلمتنيش عنها قبل كده ؟؟
علي :
ماجاتش فرصه مناسبه
نيرة :
وهو لازم تيجي فرصه مناسبة علشان تكلمني على قرايبنا ؟؟
علي :
اهو اللي حصل .. عموما خدي السلسلة
نيرة :
بس ..
علي :
ممكن تريحيني ؟؟
نيرة وهي
تضع القلاده في جيبها : طيب اللي تشوفه حاضر
عندما
خرجت من غرفته .. توجهت مباشرة الي غرفتها ومن ثم جلست على سريرها واخذت تتمتم :
البتاعة دي حلوه مع ان شكلها من ايام محمد علي .. بس بابا ليه احتفظ بيها السنين
دي كلها ؟؟ وليه دلوقتي بس جابلي سيرتها ؟؟ وليه حتى ماورهاليش قبل كده ؟؟
*****
بعد اسبوعين
القاهرة 2009
صباحا
جلست نيرة في
شرفة منزلهم الواسعة تتفقد الصفح وهي تشرب الشاي كعادتها .. لعلها ترى أي خبر ..
أي مقاله تبث الامل بداخلها .. ولكن يبدو ان القدر لم يقف بجانب ذات الشعر الاسود
الغجري نيرة .. فبدل ان يبث بداخلها الامل .. بث بداخلها صدمة وندبة من المستحيل
ان تشفى .. كان الخبر الصادم الذي قراته هو زواج الرجل التي لم تعشق غيره .. فركت
عينيها مره .. واثنان وثلاثة .. ابتسمت في ريبة واخذت تكذب عيناها .. ومن ثم اغلقت
الصحيفه .. وبعد ثوان معدودة فتحتها مجددا لتتاكد مما رآته .. اخذت ضربات قلبها
تتسارع واخذت اطرافها ترتجف .. بل جسدها كله اخذ يرتجف .. واخذت تشهق بصعوبة ..
ولكن لم تتمكن من الزفير فشعرت انها تختنق فوقعت ارضا واخذت تضرب قلبها وكانها تعاقبه
.. في تلك اللحظة دخلت عليها مايا .. فصرخت من منظرها وارتمت بجانبها على الارض
وقالت : نيرة . مالك ؟؟
لم تجب نيرة
عليها فقط اكتفت بان تشير على رقبتها وكانها تريد ان تقول لها انها لا يمكنها
التنفس
اخذت مايا تضرب
على ظهر نيرة الى ان زفرت .. ولكن كانت زفرتها مصحوبه بـ صرخة
عانقتها مايا
بقوة وقالت لها : فيه ايه ؟؟ انتي كويسه ؟؟
لم تتمكن نيرة من
الرد عليها وفقط اكتفت بالبكاء فأخذت مايا تبكي معها
*****
في احد منتجعات
الغردقة .. 2009
جلست ريم على
الكرسي المقابل لـ سيون في شرفة جناحهم وقالت له : فيه حد يقوم ويسيب عروسته يوم
الصباحية ؟؟
لم يجب سيون ..
فصقفت بيدها لينتبه فنظر لها وقال : صباح الخير
اعتدلت في جلستها
ووضعت قدم على الاخرى وقالت : ايه اللي واخد عقلك ؟؟
جاهد نفسه ليبتسم
وقال : مافيش
فقالت : طيب ..
كلمت بابي ؟؟
قال : هكلمه
اقوله ايه ؟؟
ريم : سلم عليه
وكده
سيون : طيب
ريم : استنى مامي
بتتصل اهي خد كلمها
سيون وهو يجز على
اسنانه : طيب هاتي
*****
بعد 3 ايام
مايا وهي تحمل
صينيه عليها القليل من الطعام : نيرة .. قوليلي بس مالك يا حبيبتي
نظرت نيرة لمايا
ومن ثم بكت
مايا بلهفة : طب
ماتقوليليش كلي ع الاقل .. ده بابا قلقان عليكي ولو قلتله اللي انتي فيه ده ممكن
يموت فيها
نيرة وهي تمسح
دموعها : اوعي تقوليله
مايا : طب هتاكلي
؟؟ علشان خاطري كلي
نيرة بعد زفرة
عالية : مش عايزه
مايا : انتي
بقالك 3 ايام مابتاكليش ولا عايزه تقوليلي مالك .. ماتقوليليش مالك بس كلي .. حرام
عليكي نفسك .. انتي كده بتنتحري
نيرة وهي تشد
غطائها وتغطي وجهها به : انا هنام
مايا : بس ..
نيرة : انا كده
مرتاحه
مايا بعد ان زفرت
: طيب براحتك لو احتاجتي حاجه انا برا .. مش هتوريني وشك قبل ما اخرج الاقل ؟؟
****
فلاش باك سنتين
اخذت تنظر لمدخل الباب بشغف .. وكانها تبحث عن شيء ما ومن ثم خرجت من
الشركة واخذت تتلفت بلهفة الى ان اتاها صوت هامس : انتي بتدوري على حد ؟؟
استجمعت قواها لتنظر خلفها .. فرآته ينظر لها بإبتسامته القاتلة ..
ومن ثم توجه الى حديقة الشركة فسارت خلفه
وعندما تاكدوا ان لا احد يراهم اقترب منها وعانقها بقوة .. واخذت هي
ترتجف .. ومن ثم قالت له : اسبوعين يا مفتري ؟؟ اسبوعين ما اشوفكش ؟؟ انت عايز
تموتني ؟ اعترف انك عايز تموتني
فقال لها بعد ان اخذ يمرر اصابعه بين خصلات شعرها الاسود وقال : يعني
هو انتي فاكره ان الاسبوعين دول كانوا ساهلين عليا .. ومن ثم تنهد وقال : من كتر
ما كان نفسي اشوفك بقيت اتخيلك ماشية جنبي .. واسمع صوتك وانا بنام
نيرة وهي تبعده عنها : اه ما هو باين
سيون وهو يضمها بقوة : خليكي ف حضني لسه ماشبعتش منك
نيرة : احم احم
سيون : ايه ؟؟
نيرة : لا مافيش
نيرة : لا مافيش
سيون : قولي
نيرة : انا بحبك .. بحبك جدا
سيون : وانا بعشقك
*****
دمعت عيناه بعد ان تذكر هذا فاخذ يسب نفسه .. دخلت عليه ريم ..
وعانقته من الخلف
وكأن نيران الجحيم تحتضنه .. لم يشعر بنفسه الا وهو يشيل ذراعيها عنه
بعنف ومن ثم التف لينظر لها نظرة حادة
فقالت بعد ان تراجعت عدة خطوات خوفا منه : ايه يا سيون فيه حاجه ؟؟
سيون وهو يحاول ان يهدئ اعصابه : خضيتيني
ريم وهي تضحك وتقرص خده : انتي بتخافي يا بطه
سيون وهو يبعد يدها عنه : ماتبقيش تعملي كده تاني
*****
في اليوم التالي
عمر وهو يجلس بجانب مايا : سرحانه ف ايه ؟؟
مايا بعد ان زفرت : هيكون ف ايه ؟؟
عمر : مالك ؟؟
مايا بحدة : لا ابدا .. اختي انطردت من شغلها .. وبابا بيموت ..
عايزني اعمل ايه ؟؟ اقوم اتحزم وارقص ف الجامعه ؟؟
مريم ( صديقة مايا ) : طب اهدي اهدي
مايا بنبرة آلم : هو انا بشد ف شعري ؟؟
عمر : لا اله الا الله .. طب اهدي .. ان شاء الله كل حاجه هتتحل
مايا : ازاي بس ؟؟ مستحيييل
عمر : اول حاجه الانسه نيره خريجة ادارة اعمال وكمان معاها خبرة ف
مجال شغلها .. يعني لو دورت هتلاقي شغل بسهولة جدا
مايا بنبرة إحباط : مهو اصل هي ما اعرفش مالها هي كمان
عمر : ليه ؟؟
مايا : من كام يوم كده .. كانت قاعدة ف البلكونه .. لما دخلت عليها
لقيتها بتعيط جامد ومش قادره تتنفس
عمر : ليه ؟؟
مايا بحدة : ما انا قلتلك مش عاااااارفة !!
*****
دونجهي وهو يتحدث ف الهاتف : ابن تشوووووووي
سيون : خير ؟؟
دونجهي : خير ؟؟ دي كلمه تقولها لصاحبك حبيبك اللي ماشوفتهوش بقالك
فتره ؟؟
سيون : فتره اد ايه ؟؟
دونجهي : حوالي اسبوع
سيون : هي الفتره اللي فاتت كانت اسبوع ؟؟
دونجهي : ايوا يا عم .. هايص ف العسل هناك عندك وسايبني اتبهدل هنا
سيون : اتوكس .. ممكن ؟؟
دونجهي وهو يعتدل في جلسته : ليه .. خير ؟؟
سيون : الاسبوع ده ماحسيتش انه اسبوع
دونجهي : حسيت انه دقيقه صح ؟؟ هااااااح
سيون : هقفل في وشك
دونجهي : خلاص خلاص اسف .. طب حسيت انه ايه ؟؟
سيون : حسيت انه سنه
دونجهي : للدرجة دي انا وحشتك
سيون : مش بقولك هقفل ف وشك
دونجهي : طب ايه بس ؟؟ احكيلي
******
استيقظت على صوت بائع متجول يقول : حمراااااا يا اووووطة وب 2 ونص
وددت لو انه يمكنني قتله .. حاولت النهوض .. ولكن جسدي آبى ذلك
فارتميت على فراشي مجددا بتعب .. ومن ثم حاولت مره اخرى ان انهض .. ولكن تلك المره
نهضت رغما عني .. وقفت امام المرآه .. واخذت امشط شعري وانا اتمتم : انت ايييه ؟؟
بجد انت ايه ؟؟ طول ما انا صاحيه كده افكر فيك ؟؟ وحتى لما انام ما احلمش الا بيك
؟؟ ومن ثم تابعت بحنق ممزوج بنبرة بكاء : اد ايه انت متطفل .. بجد متطفل
مايا وهي تقتحم غرفة نيرة : ايه ده انتي قمتي ؟؟ الف بركة لولولولولي
نيرة بعد ان جاهدت نفسها لتبتسم : صباح الخير .. انتي رجعتي من الكلية
امتى ؟؟
مايا : وكمان بتضحكي .. لحظه استني اصورك واحتفظ باللحظه التاريخيه دي
نيرة : انتي بتتريقي
مايا : لا انا بتكلم جد .. هو انتي ماشوفتيش نفسك الايام اللي فاتت ؟؟
نيرة : كنت متضايقه بس
مايا وهي تجلس على سرير نيرة : كنتي متضايقه من ايه ؟؟
توقفت عن تمشيط شعرها وامتلئت عيناها بالدموع ومن ثم قالت : عادي
مايا : خلاص خلاص ياستي ماتقوليش .. المهم انتي وحشاني
نيرة : منا معاكي ف نفس البيت
مايا : اه بامارة ماكنتي حابسة نفسك ومش راضيه تتكلمي ولا تاكلي ولا
تخرجي ولا أي حاجه
نيرة : هعمل كل ده النهارده
مايا : بجد ؟؟
نيرة : اه
مايا : ازغرط ؟؟
نيرة وهي تضحك ضحكة اصطناعيه : زغرطي
مايا : طيب انا هروح اعمل لك فطار
نيرة : ماشي
*****
عندما خرجت .. فتحت دولابي وانتقيت افضل ملابسي .. وارتديتها .. لا
اعلم لماذا وايضا ارتديت حذاء ذو كعب عالي ورفعت شعري ووضعت اغلى عطر عندي ..
والذي ابتاعه لي سيون وخرجت من الغرفة
مايا : الله الله الله .. راحه فين كده ؟؟
نيرة وهي تجلس : هكون راحه فين ؟؟
مايا : ما اعرفش انا بسالك
نيرة : ياستي نازله ادور على شغل
مايا : اهااا
نيرة : المهم قوليلي
نيرة : المهم قوليلي
مايا : اقولك ايه ؟؟
نيرة : انتي عامله ايه ف الكلية ؟؟
مايا : الحمدلله كله تمام
نيرة : بداتي امتحانات الميد تيرم ؟؟
مايا : من زماااان والاسبوع الجاي اخر امتحان
نيرة : لو جبتي تقديرات مش كويسه هبطحك علشان تكوني عارفه من دلوقتي
مايا : ياساتر .. انتي بتتحولي ؟؟
نيرة : اه احيانا بتحول
مايا : ياساتر
نيرة : طيب انا هقوم اقعد مع بابا شويه وهنزل
مايا : ماشي
******
ريم وهي تضرب الارض بقدمها : يا سيون باه ياسيون خلينا نقعد يومين
كمان
سيون بملل : لاء كفايه كده
ريم : علشان خاطري علشان خاطري
سيون : هنبقى نيجي تاني
ريم : بجد ؟؟
سيون : اه
ريم وهي تعانق سيون : يا حبيييييييييبي .. طب امتى امتى ؟؟
سيون وهو يزفر بقوة : احنا لسه مامشيناش وعايزاني اقولك احنا هنيجي
تاني امتى
ريم : طب بالراحه .. بالراحه
سيون : طيب
******
نيرة : طيب يا بابا انا نازلة
علي وهو يشد معصم نيرة : نيرة يابنتي
نيرة : نعم
علي : خلي بالك من اختك .. خليكوا مع بعض علطول واوعوا تفترقوا لاي
سبب
نيرة بابتسامة بها القليل من الريبة : ليه بتقول كده ؟
علي : يعني .. بوصيكي على اختك
نيرة وهي تجلس على طرف سرير علي : يا حبيبي انت مش محتاج توصيني عليها
علي : لو جرالي حاجه
نيرة وهي تقاطعه : بعد الشر عليك ماتقولش كده
علي : يابنتي انا عارف ان ايامي بقت معدودة
نيرة وهي تقف : انت مصر تزعلني
علي : ايه اللي ف كلامي يزعل ؟؟
نيرة : كله
علي : يعني هتخلي بالك من مايا لو جرالي حاجه ؟؟
نيرة : اول حاجه بعد الشر عليك .. تاني حاجه انت مش محتاج توصيني على
اختي
ابتسم علي ليواري تعبه ومن ثم قال : طب قربي
اقتربت نيرة من علي .. فقبل جبينها واخذ يربت على ظهرها ومن ثم قال :
روحي شوفي حياتك يابنتي
نيرة : حاضر يا بابا
علي وهو يمسك يد نيرة : خلي بالك من نفسك ومن اختك
نيرة : حاضر ياحبيبي .. ومن ثم ردت له القبلة
******
في الشارع المقابل للشركة وقفت نيرة تتأمل مبانيها .. وحديقتها
المليئة بالذكريات التي اصبحت جميعا خناجر تقتلها .. بعد ان ساقتها ساقها اليها
واخذت تتمتم : طب انا جايه هنا ليه ؟؟ انا متوقعه ايه من هنا ؟؟ انا متوقعه اشوفه
؟؟ بس انا عارفه اني مش هشوفه ..حتى لو شفته هستفاد ايه .. ع الاقل هطمن عليه ومن
ثم عبرت الطريق حتى وصلت الى حديقة الشركه .. الخاوية تقريبا واخذت تتحسس المقاعد
.. والاشجار واخذت تتنهد بقوة حتى سمعت صوت خطوات من خلفها فـ همت بالمغادرة ..
حتى استوقفها قائلا : ده انا .. دونجهي
فنظرت له .. فابتسم واشار لها بالجلوس على احد المقاعد .. فجلست دون
ان تتفوه بكلمة
دونجهي : كنت متاكد انك هتيجي
نيرة : اشمعنى يعني
دونجهي : لسه بتحبيه ؟؟
نيرة : انت بتسال لانك مش عارف ؟؟
دونجهي : عايز اسمعها منك
نيرة وهي تزفر : ازاي هكرهه ف يوم وليلة ؟؟
دونجهي : يعني انتي لسه بتحبيه
نيرة : وافرض .. هعمل ايه بالحب ده ؟؟ هو عمل ايه بالحب ؟؟
دونجهي : نيرة
نيرة : بص .. ماتبررش لصاحبك ممكن ؟؟
دونجهي : ممكن
نيرة : طب هو عمل كده ليه ؟؟ انا قصرت معاه في حاجه
لم يجبها .. فضل البقاء صامتا فنهضت لتغادر ولكنه استوقفها مجددا وقال
: نيرة
نيرة : نعم ؟؟
دونجهي : ممكن تقعدي ؟؟
نيرة : مش هقعد
دونجهي وهو ينهض : نيرة .. احيانا الظروف كلها بتكون ضد الانسان ..
كلها
نيرة : ظروف ايه اللي تخليه يعمل كده ؟؟
دونجهي : اهي ظروف وخلاص
نيرة : مافيش حاجه اسمها ظروف وخلاص
دونجهي : احيانا الانسان بيتخير بين حاجتين .. الحاجتين لو اختارهم
هيتألم .. فبيختار الالم الاقل اللي مش هيكسر ضهره
نيرة : يعني انا كنت بالنسبه له وجع ؟؟ ( قاطعها رنين هاتفها )
ايه ؟؟ بابا ماله ؟؟ اهدي مش فاهمة منك حاجه .. طب انا جايه .. جايه
خلاص اهدي
دونجهي : فيه حاجه ؟؟
نيرة بفزع : مش عارفه .. مش عارفه
******
عندما وصلت الى البيت .. وجدت مايا تقف امام غرفة والدهم وتبكي وترتجف
فاقتربت منها بخوف وقالت : ايه ؟؟ فيه ايه
نظرت لها مايا وقالت بصعوبة : نيرة .. نيرة
نيرة : ايه ؟؟ فيه ايه يابنتي
ومن ثم خرج من غرفة والدهم الطبيب .. فهرولوا اليه بفزع
نظر لكلاهما ومن ثم زفر وقال : البقاء لله
******
بعد 3 ايام
ريم : ياربي فيه حد يسيب عروسته وينزل الشغل قبل ما شهر العسل يخلص
سيون : ماكفاكيش اسبوعين ؟؟
ريم : لا
سيون : طيب
ريم : كده ؟؟ مخاصماك ماتكلمنيش
سيون : حاضر .. عايزه حاجه من برا ؟؟
ريم : برضوا هتنزل ؟؟
سيون : اه
ريم : اشمعنى هتنزل لوحدك ؟؟
سيون : هو انا رايح اتفسح ؟؟ انا رايح اشتغل
ريم : طب مش هتصالحني ؟؟
سيون بحدة : هو انا كنت زعلتك علشان اصالحك ؟؟ ومن ثم ذهب
******
في الشركة
دونجهي وهو يقتحم مكتب سيون : برنس الليالي
سيون وهو ينهض : اهلا اهلا اهلا
دونجهي : اهلا اهلا اهلا اهلا باعز الحبايب اهلا
سيون : اهلا ياخويا
دونجهي : عامل ايه ؟؟
سيون : كله تمام
دونجهي وهو يجلس : واحشني يا راجل
سيون : وانت اكتر والله
دونجهي : احم احم
سيون : فيه حاجه ؟؟ عايز تقول حاجه
دونجهي : اتحايل عليا شويه
سيون وهو يمسك معصم دونجهي ليخرجه : والله عندي شغل كتير
دونجهي : شفتها
سيون بلهفة : هي مين ؟؟
دونجهي : هتكون مين يعني ؟؟ نيرة
سيون : فين ؟؟
دونجهي : ف جنينة الشركة ...
ومن ثم ركض سيون وفتح باب مكتبه واخذ يهرول الى الحديقة ولكنه عاد بعد
عدة دقائق يلهث ويتمسك بالجدران لكي لا يسقط
دونجهي : ما انت لو كنت سمعتني للاخر ماكانش ده هيبقى حالك
سيون وهو يضرب على الجدارن بيده ويصرخ : دووووونجهي .. ليستنفذ اخر
طاقه تبقت عنده
دونجهي : كانت موجوده هنا من 3 ايام اتفاجات بيها ف الجنينه وقعدنا
نتكلم .. وبعدها جالها تليفون فاتوترت ومشيت .. وبعدها ماجتش ولا عرفت عنها حاجه
.. حتى لمى ( صديقة نيرة ) اتصلت بيها كذا مره قدامي وهي ماردتش
سيون : يعني انا مش هشوفها تاني
دونجهي وهو يبتسم : لاء هتشوفها تاني
سيون : وانت ايه اللي ماكدلك اوي كده ؟؟
دونجهي : هتيجي علشان ...
*****
اتمنى ان البارت يكون عجبكوا واسفه جدا جدا جدا على التاخير وان شاء الله مش هيتكرر
ولو عندك اي ملاحظه ياريت تسيبوهالي ف الكومنتات وشكرا <3
ليست هناك تعليقات:
إرسال تعليق