اشرقت ( البارت 1)

اشرقت ( البارت1 )

by: maram

في منزل متهالك في احدى احياء القاهرة القديمة كانت تقف في الشرفة فتاة  ذات شعر غجري غير مهذب .. يداعب الهواء خصيلات شعرها الطويله الغجريه عند الغروب .. كانت تزفر وتتنهد .. فهى منهمكه في التفكير ..

                 
الى ان قاطع تفكيرها صوت انثوي عذب يقول لها : نيرة .. الدكتور خرج من عند بابا تعالي كلميه نظرت لها بريبه ومن ثم اومأت بالموافقه : اوكي!!

خرجت خلف اختها من الشرفة الواسعة    كان يقف امام غرفة تتوسط المنزل طبيب في منتصف العمر .. يغطي الشعر الابيض مساحه ليست بصغيره من رأسه .. وكان يحك انفه وتبدو عليه اقصى علامات الاحباط التي فشل في اخفاؤها بعد ان اشارت له بالجلوس وجلست هي واختها

تنهدت نيرة وارجعت خصلة من شعرها الغجري خلف اذنها وقالت : خير يا دكتور ؟؟ حالة بابا اتطورت ولا ايه ؟؟
تنهد الطبيب وحك انفه مجددا وقال : ما اخبيش عليكي يا انسه .. الحالة اتدهورت وهو دلوقتي بيقضي ايام وخلاص .. لو مادخلش العنايه المركزه .. ما اظنش هيعيش

ظلت صامته ولم تتفوه بكلمة .. فقط اكتفت بالنظر الى اختها الغير شقيقه وظلت تفكر في كيفية مواساتها .. ولكن كيف ستواسي نفسها اولا ؟؟ 

بعد ان هندم ياقته وربطة عنقه رن جرس الفيلا .. فيلا عائلة تشوي .. فتحت له خادمة تبدو عليها علامات الارهاق ..

ابتسم ليخفف عنها ومن ثم قال لها بنبرة مغازلة : ازيك يا محاسن ؟؟ انتي ايه ؟؟ مابتكبريش ابدا ؟؟ مابتتغيريش ابدا ؟؟ لا تصدقي بتتغيري .. بتحلوي      
ابتسمت الخادمة محاسن ومن ثم قالت له : انت بتعاكسني يا سي دونغهي ؟؟ اومال لو ماكنتش اد ابني بعد ان دس في يدها ورقة بـ 50 جنيه
قال لها : منا ابنك فعلا .. ما انتي اللي مربياني انا وسيون .. الا هو فين صحيح ؟؟
بعد ان فسحت له الطريق ليدخل الفيلا قالت له : نايم فوق .. طلب ماحدش يصحيه لحد ماتيجي
دونغهي : طيب انا طالع له
الخادمة : المدام قاعده .. ابقي عدي سلم عليها
دونجهي : ماشي  
عندما خرج الطبيب من منزلهم المتهالك هرولت مايا الاخت الصغرى لـ نيرة الى غرفة والدهم المستلقى على فراشه المتهالك هو الاخر واخذت تبكي على فراشه واخذ والدها يربت على شعرها .. وبالنسبة لنيرة .. فلم تفعل أي شيء واخذت تراقب من خلف الباب الى ان اشار لها والدها بالدخول فدخلت وجلست على كرسي قريب من فراش والدها نسبيا ..

نظر لها وقال : انا ماكنتش عايز الدكتور يقول لكم
ابتسمت نيرة ابتسامة مصطنعة : ليه بس يا حبيبي ؟؟
علي ( الوالد ) : علشان ماتتعبوش بسببي نيرة : ومين قالك بس اننا تعبانين ؟؟ علي : انا بتكلم عن اعصابكم ونفسيتكم نيرة : ماتقلقش .. مافيش أي حاجه .. وهتصرف وهتدخل العنايه .. ومن ثم تنهدت واكملت : وكله هيبقى تمام علي : هتجيبي منين ؟؟ هتسرقي ؟؟ انتي واختك اولى بالفلوس دي نيرة : ممكن اخد قرض .. او استلف من الشركة او .. علي : يابنتي العمر واحد .. لو لسه ليا عمر هعيش نيرة : بس انا مش عايزاك تعيش يوم واحد وانت بتتالم علي : انا مش بتألم طول ما انتي واختك قدام عنيا نيرة بعد ان نهضت : انا هتصرف يا بابا ماتقلقش .. يلا يا مايا سيبي بابا يرتاح
 
**** سيون .. يا سيون .. قوم يا ابن تشوي بأه يوووووه بقالي 7 دقايق بصحيك سيون : انا صاحي على فكره
              

دونغهي : اومال سايبني اهاتي ليه من الصبح ؟؟
سيون : ماليش نفس اقوم دونغهي وهو ينزع جاكيت البذلة الخاصة به : اوعى يكون اللي ف بالي حصل
سيون : اظن هو .. لبسنا الدبل
دونغهي : وماعزمتنيش ليه ؟ خنت صاحبك!
           

  سيون : مابهزرش على فكره
دونغهي : احم .. اسف .. طيب وفيها ايه ؟؟
سيون : فيها ايه ف ايه ؟؟ بقولك لبسنا الدبل .. وفرحي بعد اقل من اسبوعين دونغهي : الف مبروك يا اسطى
سيون وهو ينهض من فوق فراشه : انا هروح اقابل نيرة
دونغهي وهو يمسك بمعصم سيون : هتقول لها ايه ؟؟
سيون وهو يلتقط هاتفه : هقولها اني مابقتش احبها واني كنت بلعب بيها دونغهي : علشان تكرهك ؟؟
سيون بعد ان شهق شهقة عالية : ياريت .. ياريت تكرهني
           

دونغهي : طيب .. هيكون احسن ليك وليها  نيرة : الو .. سيون .. كنت لسه هتصل بيك
سيون : فيه موضوع مهم عايز اقولهولك .. ممكن نتقابل النهارده ؟؟
نيرة : سيون انا تعبانة اوي
سيون بنبرة فزع : تعبانة مالك ؟؟ حبيبي ماله ؟؟

دونغهي بصوت منخفض : سبحان الله
نيرة : مش تعب عضوي ماتقلقش هو بس موضوع تعب بابا اللي تاعبني
سيون : ربع ساعه وهكون على اول شارعكم
نيرة بعد ان تنهدت : سيون .. ماتتاخرش سيون وهو يرتدي قميصه : حبيبي مش هتأخر .. اهدي بس كده عقبال ما اجيلك
                 

ومن ثم اغلق الخط


دونغهي : ويخلق ما لا تعلمون
سيون : قالت محتاجاني
دونغهي : ايوا يعني هتعمل ايه ؟؟
سيون : هروح اشوف مالها طبعا .. بص .. انا اقسمت لها اني هكون معاها وقت ماتحتاجني تحت أي ظرف
دونغهي : طيب
 
***وعندما اقترب من ناصية منزلها لاحت هي من بعيد كانت تقف وتنظر حولها في الارجاء باحثة عنه .. فأوقف سيارته ونزل منها واخذ يتأملها .. تبدو كالقمر في ليلة عتمة لا يوجد بها أي بصيص من الضوء .. عندما رآته ركضت نحوه وعانقته بقوة ومن ثم انهمرت في البكاء
        

نيره : شفت الدكتور قال ايه يا سيون
اخذ يربت على كتفها وقبل رأسها وقال : قال ايه ؟؟
زفرت بقوة ومن ثم قالت : قال ان بابا هيموت خلاص .. يعني انا خلاص هبقى يتيمة ومش هيكون ليا حد لم يجب عليها ..

اكتفى بسب ولعن نفسه ومن ثم نظرت له

نيره : هو بابا هيموت فعلا ؟؟ يعني خلاص ؟؟
اعاد راسها لصدره مره اخرى وقال لها : شششش كله هيبقى تمام
تشبثت به كالاطفال وقالت : بجد ؟؟

هز راسه بالموافقه ومن ثم جلسا بسيارته
نيرة : انا ارتحت لما شفتك النهارده .. فهمشي ب..
قاطعها صوت رنين هاتفها الو .. مايا فيه ايه ؟؟ بابا عايزني ؟؟ طيب انا جايه .. ماتعيطيش
سيون : فيه حاجه ؟؟
نيرة وهي تفتح باب سيارتها : بابا عايزني  ربنا يستر
سيون بعد ان شد معصمها وعانقها : انتي عارفه اني بحبك صح ؟؟ 

بعد ان وصلت الى منزلها وركضت عالسلالم استوقفتها ( الست مها ) زوجة صاحب البيت وقالت : بعد ال ( مسم ) هو احنا معيشينهم عندنا صدقه ولا ايه

وتركتها وذهبت لتجعل نيرة تحمل عبئ اخر دخلت والقت بحقيبتها على احد كراسي ( الانتريه العتيق ) ودخلت لتتفقد اختها ومن ثم ذهبت لتعلم ما الذي يريده والدها بعد ان اطرقت على الباب دخلت فرآته كعادته مستلقي على فراشه ولكنه كان ممسك بورقة وقلادة متهالكة ككل شيء بالمنزل واشار لها بالجلوس امامه فجلست فتنهد

على : انا عارف ان ايامي بقت معدودة دلوقتي يا بنتي ردت عليه بقليل من الحدة : بعد الشر عليك يا بابا
فاجابها : انا عارف .. عموما مش ده موضوعنا .. خدي الورقه دي اقري اللي فيها ..

وعندما فتحتها كان يوجد بداخلها عنوان

نيره : عنوان ايه ده يا بابا ؟؟
فقال لها : لما ربنا يسترد امانته .. روحي العنوان ده واديها صاحبة البيت ( مدام منى )

فقالت : خلي السلسله والعنوان معاك ان شاء الله هتفضل معانا
فزفر بوهن وقال : يابنتي ريحيني حرام عليكي
فنهضت وتوقفت عند الباب وقالت : بس هي مين الست دي يا بابا ؟؟
اجاب : الست دي تبقى...

يتبـــــــــــع

متنسوش تقيم البارت الاول لمرام وتعرفوها بكومنتكم اراكم وانتقادتكم للبارت
(وانتظرونى غداً بروايتى الجديده (دوران فى القلب