Chapter 5
كنت نايمة فى السرير..منمتش من امبارح بعد كل اللى حصل و أخرهم اللى عمله
بعد ما روحنى:"ااااااش..يعنى عمل كدة ليه؟!!لألألأ مش ممكن..أكيد مش اللى أنا
بفكر فيه,بس أنا ليه مش زعلانة منه؟؟مع انه سرقها منى!!"
و فى الأخر قمت و قولت الهى نفسي فى شغلى و جامعتى أحسن..وقمت لبست و نزلت على الجامعة
***************************8
"بابو..بابو..بابو...مكنش المفروض ده يحصل,الأمور كدة زادت عن
حدها...طب هقولها أيه دلوقتى؟!!عاااااااااااااااااا..أنا هتجنن"
و بدأت افتكر اللى حصل أمبارح لما كنا لسة مع بابا و هيونج فى الشقة
أباا:"و أنتى يا ديما بتدرسي أيه؟؟"
ديما:"أنا فى كلية إعلام..و مترشحة أنى أقدم برنامج راديو..و كمان قدمت فى مسابقة عشان أكون موديل"
لما سمعتها بتقول كدة استغربت جدا"وااااااااااااه كل ده؟؟وعندها وقت
لنفسها أمتى؟؟!!
هيونج:"وااااااااا...دونجهى أنت محظوظ أنك هترتبط بواحدة زى ديما....وكمان هتشتغلوا فى نفس المجال..مش بعيد الشغل كمان يجمعكوا"
و ديما كانت اغلب الحديث بتكتفى بابتسامة و تسيبني إنا اللى أرد لغاية ما حسيت أنها مش قدرة تستحمل اكتر
ديما:"أنا أسفة جدا..بس لازم أمشي دلوقتى..الوقت اتأخر"
هيونج:"أنتوا مش عايشين مع بعض؟؟أحنا عائلة ديموقراطية مش هنمانع أنك تبباتى هنا يعنى"
ديما:"واضح أنكوا فاهمين الموضوع غلط..أنا مش عايشة هنا..أنا بس نسيت الشال بتاعى مع دونجهى اخر مرة"
أباا:اها...بيانيه اننا أستنتجنا الموضوع غلط"
ديما:"أنياااا...كنتشانا..أنيووو"
أباا:"و هتروحى لوحدك؟؟لأ خلى دونجهى يوصلك"
رديت:"أه طبعا..يلا بينا"
هيونج:"و أنا كمان جاى معاكوا عشان عايز أشترى حجات من برا"
و نزلنا احنا التلاتة بعد ما دخلت لندى و شيون و فهمتهم الوضع...طبعا كانوا عايزين يقتلونى بس ملحقوش
أخدت عربية شيون و مشينا عشان أروح ديما و كانت قالتلى عنوانها و هيونج مش واخد باله
هيونج:"العربية ديه بتاعت مين؟!!"
رديت:"ديه؟!!أ أااه ديه بتاعت واحد صحبي..كان عندي مشاوير فأدهالى و هرجعهالوه بكرة"
هيونج:"أوووه..أراسووو"
ديما كانت قاعدة و ماسكة نفسها عنى بالعافية...أكيد مش هتيجي على الاخر و تبوظ كل حاجة
و اخيرا وصلنا لبيتها...سلمت علينا و نزلت و فضلت أنا و هيونج فى العربية لغاية ما دخلت و قبل ما اشغل العربية
هيونج:"فى حاجة مش مظبوطة"
رديت:"تقصد أيه؟؟"
هيونج:"أقصد أنها حبيبتك بس ولا حتى بوستها قبل ما تنزل"
كنت حاسس أنى هتكشف و ده خلانى أتعصب عليه من غير ما اخد بالى:"تقصد ايه؟!!أكيد مش هبوسها أدامك"
هيونج:"بردوا أنا مصمم على رأيي ان في حاجة تانية..أنتوا علاقتكوا مش اتنين بيحبوا بعض..فى حاجة تانية و أنت هتقولى عليها"
وأنا من توترى اتعصبت عليه زيادة:"حاجة تانية زى أيه؟؟ها؟؟"
هيونج:"أنت بتتعصب عليا ليه؟!!"
رديت:"أنا مش متعصب خالص...و عايزنى ازاى أثبتلك أنها حبيبتى؟!!"
هيونج:"أنزل دلوقتى و بوسها..قدامى"
"يعنى هو ده اللى هيثبتلك أنها حبيبتى؟؟ماشي عادى يعنى"
و كنت نازل من العربية بس صوته وقفنى:"مش مجرد بوسة...بوسها زى اتنين بيحبوا بعض"
قفلت باب العربية من غير ما أرد و روحت على باب البيت و أنا ببلع ريقي و هيونج خرج من العربية و سند على الباب و بيبص عليا
خبطت على باب بيتها لغاية ما فتحت..قربت منها و قولتلها:"جاريني فى اللى هعمله..ثقى فيا ماشي؟؟"
و قربت عليها ولمست شفايفها بشفايفي أيدي كانت على وشها و هى فى الاول كانت مصدومة..بس بعد كدة غمضت عنيها و بدأت
تجاريني..مسكت أيدها بأيدي التانية و حطيتها حولين رقبتى.....أتبادلنا القبلة للحظات....للحظات كنت حاسس أنى بخون ندى بس
مقدميش حل تانى ممكن أقع فى مشكلة كبيرة لو حد عرف موضوع الشقة ديه
*****************************8
لما دخلت و لقتها قدامى أتصدمت"يا ترى ديه مجرد صدفة؟!!بس
أزاى؟؟"
كان لبسها مزيج بين اللبس الرسمى و الكاجوال..طريقة ندى اللى متعود عليها
ندى:"أنيوهاسيوو..تشونن ندى ميدا"
و بعدها شافتنى كان واضح أنها متفاجأة بعد ما شافتنى بس عرفت تتحكم فى نفسها بسرعة غريبة...فى اللحظة اللى عيني جت فى
عنيها افتكرت اللى حصل امبارح"يا ترى ده ممكن يأثر على شغلنا؟؟"
امبارح كنا قاعدين فى نفس الأوضة مع بعض...أكلنا حلويات كتير عشان مكناش لاقيين حاجة ناكلها"بجد متوقعتهاش من النوع اللى بيجيب حلويات كتير كدة" و أعدنا نتخانق على أخر قطعة شيكولاتة و بعدين أعدت على سريرها عشان تذاكر..كان ادامها كتب كتير و فاتحة اللاب توب بتاعها أدامها قولتلها:"عايزة مساعدة؟؟"
ندى:"لأ شكرا..أنا هعرف اتصرف لوحدى"
قومت من الكنبة اللى كنت قاعد عليها و روحت قعدت جنبها:"أنا فى السنة الأخيرة ممكن أساعدك" و أعدنا نذاكر مع بعض و نبص شوية فى الكتب و شوية ننزل حجات من على النت و طبعا كنا بنتوشوش عشان محدش يسمعنا
ندى:"فين الورقة اللى كانت هنا؟!!"
قعدت أدور حوليا:"ورقة أيه؟!!"
ندى:"اللى كانت فى أيدي دلوقتى...اه أهيه جنبك"
و حاولت تجيب الورقة من جنبي..كانت قريبة منى جدا حسيت بتوتر رهيب..كان نفسي أخدها فى حضنى فى اللحظة ديه و اقربها أكتر"ااااش كل ما أفتكر..كويس انى معملتش كدة..كان زمانى دلوقتى فى مشكلة"و بعد ما اخدت الورقة و هى بتبعد عنى عنيها جت فى عيني..بصينا لبعض..كانت نظراتى بتدور فى وشها لغاية ما وصلت لشفايفها..بدأت أقرب منها...بس فى اللحظة ديه دونجهى دخل"كرهته فى اللحظة ديه لأبعد الحدود"
دونجهى:"أنا نازل أوصل ديما..أبااا لسة هنا و هيونج جاى معايا..متطلعوش صوت..أنا هاخد عربيتك شيون..أنيوووووو"
كنت مستريح جدا لأنه واضح أنه مشفناش أو ملاحظش الوضع اللى أحنا كنا عليه بصيت لندى كانت عنيها بتطلع شرار كان واضح أنها عايزة تقتله..أكيد مش عشان دخل فى الوقت ده بس عشان سايبنا فى الأوضة ده كله..فى الليلة ديه نمنا فى نفس الأوضة,أنا نمت على الأرض و هى على السرير..و الصبح من كتر ما كنت مستعجل مأخدتش بالى هى كانت لسة هنا ولا نزلت
و رجعت تانى لأرض الواقع فى غرفة الاجتماعات على صوت بابا
السيد تشوى:"أنا عارف أن شركتكوا من أوسع و أضخم الشركات فى الشرق الاوسط..بس ده مش معناه انكوا تستقلوا بينا و ادارة
الشركة تبعتلنا واحدة فى سنك الصغير عشان نتفق على العقود..أنا مش قصدى اهانة ولا حاجة بس...."
ندى قطعته و هو بيتكلم و كانت بتتكلم بهدوء رهيب..و بابتسامة:"أنا فاهمة كويس اللى حضرتك تقصده و عارفة ان حضرتك متقصدش الاهانة طبعا...بس أنا عايزة أقول أن زى ما انتوا مهتمين بالشراكة ديه إحنا كمان مهتمين جدا و عشان كدة الشركة وكلتنى عشان أهتم بالموضوع ده"
سيد تشوى:"ممكن توضحي اكتر؟؟"
ندى:"أنا مش مجرد وسيط من الشركة عشان أتفق معاكوا على الشراكة ديه...أنا الشريك الرئيسي فى الشركة بنسبة 60%...اسمحولى اخد من وقت الاجتماع دقيقتين عشان أعرفكوا على نسب الاسهم و تقسيماتها فى الشركة..الشركة مقسمة بنسبة 15% بين بعض الشركاء بنسب صغيرة و 25% ملك لعمى و هو رئيس مجلس ادارة الفرع الرئيسي فى الشركة..و أخيرا 60% أنا ليا فيه 30% و ال 30% التانية ملك لأختى و أنا وكيلتها والمسؤلة عن اسهمها عشان كدة تقدروا تعتبرونى الشريك الرئيسي فى الشركة...أنا أكيد فاهمة تخوفتكوا أن المسؤلة عن النصيب الأكبر فى الشركة لسة متمتش ال20 سنة ولكن فى السنتين الاخيرتين اللى كنت بملك فيهم النصيب ده الأرباح كانت فى ارتفاع ملحوظ..و اكيد أنتوا ليكوا الحق انكوا تفكروا قبل ما تقبلوا"
أتصدمت من كل كلمة سمعتها..معنى اللى هى بتقوله ده أنها اغنى من بابا نفسه بس أيه اللى جابرها أنها تعيش معانا فى شقة زى ديه و هى ممكن تشترى بيت أكبر؟؟و كان واضح أن بابا و بقيت مجلس الادارة مصدوم زيي بالظبط
سيد تشوى:"أحم..طيب ممكن توضحلنا عن العقد و الشروط هتكون عاملة أزاى؟؟"
و بدأت ندى توضح كل حاجة و الشراكة هتكون بنسب أد أيه..كانت بتتكلم بثقة عالية جدا..مش مصدق ا نهى ديه نفس البنت اللى كنت بشرحلها امبارح
و بعد ما خلصت الكلام عن العقد
ندى:"أنا ممكن اديلكوا فرصة تفكروا فيها لأن الموضوع مش سهل أكيد و نبقى نحدد معاد لمقابلة تانية لو تحبوا"
سيد تشوى:"طيب ممكن لو مش هنعطلك تستنى فى مكتبي عشر دقايق؟؟"
و شاورلى عشان أروح معاها
أخدت ندى و خرجنا من أوضة الاجتماعات و روحنا على مكتب بابا
لما دخلنا ندى فضلت تلف فى الأوضة و مديانى ضهرها و بعدين بصتلى بطرف عنيها بنظرة باردة جدا:"أنت كنت عارف؟؟"
بصتلها و هزيت راسى:"لأ..أنا أتفاجأت لما شوفتك هنا"
هزت راسها و بعدين اعدت على الكرسى و استنينا بابا
*****************************8
نزلت من البيت و روحت على الجامعة عشان أحاول انسي اللى حصل امبارح و ألهى
نفسي فى الشغل بس:"عاااااااااااااااااااااااا..مش قدرة أنسي"
وبالتالى اعدت أجرى و الف هنا و هناك و أروح المكتبة اعمل بحث و ارجع من المكتبة..و روحت للدكتور عشان أشوف لو نتيجة
الاختبار بتاع المذيعين طلعت
و...أخيرا..خبر حلو من أول اليوم:"يااااااااااااااااي...أتقبلت اتقبلت..هكون مذيعة هييييييييييييييه"
لارا:"ألف مبروك دمدوم...بجد فرحتلك جدااااااا..لازم نحتفل بالمناسبة ديه"
كنت مبسوطة جدا:"اه أكيد..و كمان هكلم ندى أقولها"
لارا:"أوك...و نتقابل بالليل أوكى؟!!"
"أكيد...أنيووووو"
و مشيت روحت على محطة الباص عشان أروح على البيت و أرتاح شوية قبل بالليل..لأنى منمتش خالص من امبارح...و إنا فى
الطريق كلمت ندى
ندى:"ألوو..دمدوم ازيك؟؟"
"ندوش حبيبي..أنا أتقبلت و هكون مذيعة راديو"
ندى:"وااااااااااو....ألف مبروك والله فرحتيني جدا...ديما أنا مضطرة أقفل دلوقتى هكلمك لما اخلص...أنيووووو"
و قفلنا مع بعض...و كملت طريقى على البيت
**************************8
"اااااااااش..طب اعمل ايه دلوقتى؟!!قولى أنت أعمل ايه؟؟"
أيونهيوك:"أعتقد انك المفروض دلوقتى تنهى الموضوع ده...و أفضل حل عشان تنهيه انك تواجهه"
رديت عليه:"اه يا حكيم أنت...و اواجهه أزاى؟!!"
أيونهيوك:"كلمها و قابلها..و اعتذر و فهمها الموضوع كله"
"طيب طيب.."
ايونهيوك:"يلا كلمها"
رديت:"طيب هكلمها أهوه"
و كلمتها:"أ ألوو..ديما شي؟!!"
ديما:"أيوا مين معايا؟!!"
"أنا دونجهى"
و بعدها صحراااااااااا و مردتش عليا:"أنا كنت عايز أقابلك ضرورى"
ديما:"ليه؟؟فى حاجة مهمة؟!أنا مشغولة"
"اه..لازم أشوفك ضرورى"
ديما:"طيب أنا قربت أوصل على البيت..فى كافيه هناك قريب من البيت هشوفك هناك"
و قفلت فى وشي السكة
وبسرعة لميت حاجتى و روحت على الكافيه
*****************************8
فضلت قاعدة معاه فى المكتب لمدة ربع ساعة تقريبا..وكان طلبلي عصير
شيون:"أنتى مقولتليش ليه؟!!"
"مجتش فرصة..وبعدين أنت كمان مقولتليش"
شيون:"امممم...صح"
و أخيرا السيد تشوى دخل..و قومنا وقفنا أحنا الاتنين
السيد تشوى:"أتفضلوا..أقعدوا...ندى شي أحب أقولك أننا توصلنا لقرار أننا هنقبل الشراكة و موافقين على كل شروط العقد"
رديت بابتسامة:"كويس جدا...يبقى نمضى العقود دلوقتى؟!!"
السيد تشوى:"اه اكيد"
و وقعنا العقود
السيد تشوى:"الحفلة السنوية للشركة يوم الخميس الجاى بتمنى تحضرى...الحفلة هتكون فى بيتي...و مكتبك هيكون جاهز من بكرة"
ابتسمت:"شكرا جدا..و بالنسبة للحفلة أكيد هحضر..ده شرف ليا"
السيد تشوى:"عظيم..أعتقد أنك اتعرفتى على شيون فى الوقت اللى قعدتوا فيه مع بعض"
ندى:"فى الحقيقة..أنا و شيون طلعنا زمايل فى نفس الجامعة..و كنا النهاردة خارجين مع بعض كمان"
بصيت لشيون و أنا مبتسمة لقيته مسبهل و متنحلى:"صح شيون؟؟"
شيون:"أ أه صح...و أعتقد أننا أتأخرنا على معادنا"
السيد تشوى:"طيب بما اننا خلصنا تقدروا تمشوا دلوقتى"
قمت و سلمت عليه:"كمساميدا...أنيواهسيو"
و مشينا أنا و شيون...و لما خرجنا برا الشركة شيون بصلى:"مشوار أيه ده بقى؟!!"
قلتله:"أنت مش قولت هتساعدنى لما أجى أروح أجيب عربية؟!!ولا غيرت رأيك؟؟"
شيون:"لأ مغيرتش رأيي..بس أنتى خلاص هتجبيها النهاردة؟!!"
"اه..يلا بينا؟؟"
و روحنا لمعرض عربيات و أنا فى الطريق كلمت ديما
********************************8
"يا ترى عايز يقابلنى ليه؟!!أنا بقيت أفكر كتير أوى..خلاص أهدى يا
ديما اهدى..لما يجي هنعرف هو عايز أيه"
و أخيرا و صلت على الكافيه و طلبت لمون عشان أهدى أعصابي شوية و أستنيته لغاية ما جيه
دونجهى:"أزيك؟؟!"
رديت:"تمام..كنت عايز تشوفنى ليه؟!!"
دونجهى:"أحم..هو.يعنى الموضوع..عشان اللى حصل أمبارح"
ديما:"أنا سمعاك..أتفضل أتكلم"
دونجهى:"أنا أسف جدا...بتمنى انك متاخديش فكرة سيئة عنى...بس الموضوع أن هيونج كان بدأ يشك فيا و ده كان الحل الوحيد
بالنسبالى عشان.........."
عيني بدأت تدمع من غير ما احس و قطعته و هو بيتكلم:"أسف؟؟ها؟!!!أنت سامع نفسك أنت بتقول ايه؟؟أنا ذنبي أيه فى مشاكلك أنت و
عيلتك؟!!أنت عارف أنت عملت أيه؟؟أنا كنت عايزة قبلتى الأولى تكون مع شخص أكون بحبه و بيحبنى مش لمجرد أن ده كان الحل الوحيد"
دونجهى:"تشومال بيانيه..أنا بجد مكنتش عارف أنها قبلتك الأولى...أرجوكى سامحيني..أنا بجد مش عايز علاقتنا تكون كدة,أنا كنت
بتمنى اننا نكون أصحاب"
قمت من على الكرسي و بصتله:"بالبساطة ديه؟!!أنا قولتلك أنى مشغولة..بعد أذنك أنا لازم أمشي دلوقتى"
و سبته و خرجت برا الكافيه و كانت دموعى مش بتقف...جريت لغاية ما وصلت للبيت و نمت على السرير و أعدت اعيط.
..و بعدين تليفونى رن..و كانت ندى
"يوباسيو..أهلين ندوش"
ندى:"فى أيه؟!!مال صوتك؟؟"
حاولت أظبط صوتى:"لأ ولا حاجة..بس شوية تعب"
ندى:"متأكدة؟؟طب هتقدرى تحتفلى النهاردة؟؟"
"اه طبعا..أكيد هحضر أحتفالى"
ندى:"متأكدة أنك كويسة؟!!حاسة أن فى حاجة تانية"
"يعنى..حصلت حاجة كدة..هبقى أقولك بعدين..المهم دلوقتى أنتى خلصى مشاويرك و عدى عليا عشان نروح نقابل البنات مع بعض"
ندى:"أوكش..أنيووووووو"
و قفلت معاها
*******************************8
ركبت معايا العربية و روحنا على معرض عربيات و أعدنا نتفرج
"أنتى فى حاجة معينة عايزاها؟؟"
ندى:"يعنى...أيه رأيك فى ديه؟!!"
"حلوة...لايقة عليكي"
ندى:"بجد؟أوكي تبقى هى ديه^^"
حسيت بسعادة غامرة و هى بتاخد رأيي..و اخيرا خلصنا الاجراءات و هتستلمها بعد يومين
و بعد ما خرجنا بصتلها:"هتروحى فين دلوقتى؟!!"
ندى:"أنا دلوقتى هروح عند ديما"
"طيب يلا عشان أوصلك"
ندى:"لأ مش لازم..روح انت شوف ايه اللى وراك و أنا هاخد تاكسي عشان هعدى على البيت الأول كمان"
"خلاص يلا أركبي أنا كمان كنت رايح على البيت"
روحنا على البيت و دخلت غيرت هدومى و هى كمان دخلت أوضتها
و بعد ما خلصت خرجت لقتها واقفة فى الصالة
و بتحط حجتها فى الشنطة و كانت نازلة...بس دونجهى دخل قبل ما تروح لباب الشقة
دونجهى:"أنيوهاسيووووووووو"
ندى:"أنيووو...مالك أوبا؟؟شكلك تعبان"
هو كان شكله تعبان و إنا بمجرد انى سمعتها بتقوله اوبا بقيت حاسس انى بشيط
دونجهى:"تعبان شوية"
كان بيتكلم و هو بيقرب على ندى و بعد ما خلص جملته حضن ندى
أتحركت خطوة بس أتسمرت بعدها مكانى
ندى:"دونجهى..أنت بتعمل ايه؟!!أبعد عنى دلوقتى"
دونجهى بصوت مخنوق:"أنا أسف...تشومال بيانيه...أنا مكنتش اقصد"
ندى لما لقته فى الحالة ديه حطت أيده على ضهره و بدأت تطبطب عليه
.
...
.....يتبع........
تفتكروا أيه اللى هيحصل الشابتر الجاى؟؟
أيه أكتر حتة عجبتكوا فى الشابتر؟؟؟
تفتكروا دونجهى كان بيعتذر لندى عشان احساسه بأنه خانها؟ولا عشان ندمان؟؟
وشيون هيعمل أيه؟؟و ندى هتبدأ تحب دونجهى ولا أيه اللى هيحصل؟؟
قولولى رأيكوا^^
عاااااااااااااااااااااااااااااااااااااااااااااااااااا
ردحذفندى الله يرضى عليكي خلي النهاية ندى و دونغهي ... آماااااااااااااااااااااانة انا بترجاكي
مش عاوزة سكيب بيت ينعاد تاني بليززززززززز بليزززززززززز انا كرهت سيون لمالطا في سكيب بيت .. مش عاوزة كرهي ليه يزيد تشيبــــــــــــــــــــــــــــــــــال
مبستحملش اشوف دوني زعلان و متضايق او دموعه بتنزل تشيبـــــــــــــــــــال