Chapter 6
أتفجأت من اللى هو عمله ده:"دونجهى..أنت بتعمل ايه؟!!أبعد عنى دلوقتى"
دونجهى بصوت مخنوق:"أنا أسف...تشومال بيانيه...أنا مكنتش اقصد"
لما سمعت صوته تعبان كدة هديت و بدأت اطبطب عليه و أحاول اهديه...و بصيت لشيون كان شكله غريب..معرفش كان عامل كدة ليه
و بعد شوية بعد عنى و قعد على الكنبة وفضل باصص فى الأرض و روحت قعدت جنبه:"أوبااا...مالك؟!!أيه اللى حصل؟؟"
شيون:"فى أيه؟؟فى مشكلة حصلت؟؟"
دونجهى:"أنا مش قادر أتكلم...هدخل انام شوية"
و سابنا و دخل...و بعدها بصيت لشيون:"تفتكر أيه اللى حصل؟؟"
شيون:"معرفش!!!!"
"أنت هتنزل ولا هتفضل معاه؟!!"
شيون:"أعتقد لو سبناه لوحده هيبقى أحسنله"
و نزلنا أحنا الاتنين و بردوا شيون صمم أنه يوصلنى..فى حاجة غريبة فى الأتنين دول...قاطع تفكيري صوته
شيون:"بتفكرى فى ايه؟؟"
بصتله:"ها؟لأ أبدا مفيش...بس كنت بفكر أيه اللى حصل"
شيون:"متشغليش نفسك أكيد هنعرف لما يهدى شوية"
"اهاا...كان فى حاجة كمان كنت بفكر فيها"
شيون:"أيه؟!!"
"أننا كنا فى الاول مش طايقين بعض و بنحاول نطفش بعض و دلوقتى بقينا أصحاب..بصراحة أنا بشك فيكوا..فيك انت بالذات"
شيون زى ما يكون أتخض و بصلى:"ليه بتقولى كدة؟!!"
ضحكت من منظره ده:"ههههههههه...بص أدامك بس عشان منعملش حادثة...أنا مش قصدى حاجة بس سعات بقلق من نظراتك و تصرفاتك"
شيون:"أها...و دونجهى؟؟"
رديت:"ماله دونجهى؟!!"
شيون:"أصدى أنكوا بقيتوا قريبين من بعض أوى..حتى بقيتي تقوليله أوبا"
"اها...عادى,دونجهى شخص لطيف"
شيون:"ده إعجاب؟!!"
"هههههههههه...هو أنا لما أقول على شخص أنه لطيف أبقى معجبة بيه؟!!لو كان حد معانا كان أفتكرك بتغير"
و أخيرا وصلنا عند بيت ديما و قبل ما أنزل شيون قالى:"واللى يشوفك و أنتى مع دونجهى يقول أتنين بيحبوا بعض"
ضحكت من كلامه:"ههههههههههه طب تفتكر لايقين على بعض؟!!يلا أنا لازم انزل..هبقي أشوفكوا فى البيت...أنيوووووووو"
و نزلت و دخلت أشوف ديما مالها
********************************8
معرفش ليه سألتها الاسئلة ديه..ولا ليه كلمتها بالطريقة ديه..بتمنى بجد متكونش حست باللى أنا حاسس بيه ناحيتها...على الأقل مش عايزها تعرف دلوقتى..عايز اخليها تحبنى فى الأول..مع انى مش عارف هى بتحب حد ولا لأ
و فضلت مكمل طريقي على بيت أهلى...أمى طلبت منى كتير انى أروح بس أنا كنت
بتحجج بحجات كتير و دلوقتى مش عارف اتحجج بحاجة تانية
و بعد ساعة تقريبا وصلت...كنت طول السكة بفكر فى ندى و أعمل أيه عشان أوصل لقلبها يا اما كنت بفكر هى عندها حد بتحبه...بجد حاسس أنى هتجنن بسبب البنت ديه
أوماا:"شيونااا..أخيرا جيت و سألت فى أمك؟!!"
"أوماا.بجد وحشتيني أوى..عاملة أيه؟!!"
أوماا:"على اساس بتسأل على امك فعلا ووحشاك؟!!"
"خلاص أوما ليه الكلام ده دلوقتى؟!!أمال أباا فين؟؟"
أوماا:"كان بيقول عنده معاد مهم عشان الشغل مع الرئيس سونجو"
و طبعا أول ما تقول الاسم ده لازم تتبع وراه أسم بنته
أوما:"شيون...أيه رأيك تطلب من يونا أنها تيجي معاك الحفلة السنوية للشركة؟!!هيبقى خبر حلو لو أعلنتوا أرطباتكوا فى الحفلة"
رديت قبل ما تكمل باقى الكلام اللى أنا حافظه:"أومااا..أنا قولتلك قبل كدة أن يونا بالنسبالى زى اختى مش أكتر...و كمان أنا طلبت من
واحدة انها تكون رفيقتي فى الحفلة"
أوما:"بس يونا زميلتك فى الجامعة و بتشوفوا بعض كل يوم يعنى محستش نحيتها بأى حاجة؟!!و كمان هى بتحبك و أنا عارفة
كدة...وبعدين مين البنت اللى أنت طلبت منها تيجي معاك ديه؟!!"
رديت:"هبقى أعرفك عليها فى الحفلة"
و الكلام ده كان فى دخلة أباا
أباا:"أوه شيون..أزيك؟؟"
رديت:"كنتشانا ابا"
و قعدت معاهم لغاية ما أتعشينا و بعدين أستئذنت و مشيت...أوماا كانت مصممة انى أبات معاهم..بس أنا موافقتش و روحت على الشقة
**********************************8
قعدت اليوم كله تقريبا من ساعت ما
رجعت من برا و أنا فى السرير...نمت شوية و صحيت بعد ساعتين كان لسة فاضل على معاد
ندى نص ساعة و تيجي...فقولت أحضر نفسي و أجهز هدومى عشان نخرج على طول و منتأخرش على لارا و سولى...طبعا ده كله و أنا بفكر فى اللى حصل واللى قالهولى و اللى إنا كنت حاسة بيه قبل كدة و اللى أنا حاسة بيه دلوقتى
ندى نص ساعة و تيجي...فقولت أحضر نفسي و أجهز هدومى عشان نخرج على طول و منتأخرش على لارا و سولى...طبعا ده كله و أنا بفكر فى اللى حصل واللى قالهولى و اللى إنا كنت حاسة بيه قبل كدة و اللى أنا حاسة بيه دلوقتى
و اخيرا ندى جت..و روحت فتحتلها الباب
ندى:"دمدوم حبيبي....تشوكاهيه"
"كوماوااا ندوش...يلا أدخلى واقفة على الباب ليه؟!!"
دخلت و قفلنا الباب و بعدين قعدنا نتكلم شوية قبل ما ننزل
ندى:"أيه اللى حصل بقى؟!!ليه كان صوتك عامل كدة فى التليفون؟؟و ليه عيونك منفخين كدة؟!!"
رديت:"أمبارح حصل حاجة...لما دونجهى وصلنى على البيت هو و اخوه...."
و بعدها حطيت أيدي على شفايفى و من الواضح أن ندى فهمت اللى كنت عايزة اقوله
ندى:"بووووووووووووووووووه....عمل كدة فعلا؟!!"
فى اللحظة ديه دموعى بدأوا ينزلوا تانى:"أوووه...كانت اول قبلة ليا زى ما انتى عارفة...و فى الاخر جيه يقولى أنه أضطر يعمل كدة عشان أهله ميكشفهوش"
ندى:"عشان كدة كان شكله متدايق لما جيه النهاردة...بس عشان خطرى متدايقيش و متعيطيش كدة"
بدأت أعيط أكتر:"أنا حاسة قلبي وجعنى يا ندى..كنت فاكرة انه عمل كدة عشان معجب بيا...أنا كنت بدأت اعجب بيه..كنت هسيب نفسي أحب للمرة الأولى فى حياتى...بس أنا كنت صح من الاول مفيش راجل يستحق أن واحدة فينا تحبه"
ندى:"عشان خطرى متدايقيش نفسك..خلاص أنا هوريه شغله لما أروح..بس أنتى روقى دلوقتى و متنكديش على نفسك فى يوم المفروض هنحتفل فيه بيكي"
بدأت أمسح دموعى و أبتسملها:"بجد مش عارفة كنت هعمل أيه لو مكنتيش معايا"
و فى الوقت ده ندى اخدتنى فى حضنها و فضلت تهديني لغاية ما روقت مزاجى و
خرجنا نقابل البنات فى مطعم عشان نتعشي هناك و بعدين روحنا night club كنا أتفقنا عليه
قضينا وقت ممتع جدا..و أحنا هناك فضلنا نرقص ونشرب و نتكلم و نضحك و نسيت كل اللى كنت بفكر فيه...بجد أحلى وقت بقضيه بيكون مع البنات دول
خلصنا سهرتنا بالليل متأخر بعد ما قضينا وقت توحفة مع بعض..و كل واحدة فيهم كانت جيبالى هدية أحلى من التانية...وفى الأخر كل واحدة فينا روحت على بيتها..و إنا أول ما دخلت البيت غيرت هدومى و دخلت فى سريري و نمت من غير ما اتعب عقلى و أفكر فى أى حاجة...كان يوم متعب من اوله لأخره و ده خلانى أنام نوم عمييييييييق
***********************************8
مش عارف اعمل أيه عشان تسامحنى...بجد حاسس بتقنيب ضمير فظيع..أكيد مكنش ليا
الحق أنى اعمل كدة...و كمان مليش الحق أنى ألتمس لنفسى أى عذر..يا ترى ندى لما
تعرف هتفتكر أيه عنى؟؟اااااااااااش أنا بفكر فى أيه دلوقتى؟!!المفروض أفكر هصلح
اللى عملته ده أزاى
طبعا و كل الأفكار ديه بتدور فى راسي معرفتش أنام ولا عرفت أغمض عيني حتى..و فى الأخر قومت أعمل أى حاجة...يمكن الاقى الحل و أنا مش بفكر فى الموضوع...
خرجت من اوضتى ملقتش ندى ولا شيون...رحت المطبخ أشوف حاجة أكلها و عملت راميون زى كل مرة بس فى الاخر مأكلتهوش و سيبته لغاية ما برد..مكنش ليا نفس أكل أى حاجة...و بعدين قعدت أقلب فى التلفزيون و بعدين قمت دخلت أوضتى و حطيت السمعات فى ودنى و فضلت أسمع الأغنية اللى المفروض أتمرن عليها يمكن ده يلهيني شوية...و خرجت من اوضتى تانى و السمعات فى ودنى و نمت على الكنبة....و مش فاكر حاجة بعديها,يمكن غفيت شوية من كتر التعب اللى مريت بيه النهاردة.......
محستش بالوقت اللى عدى عليا وأنا نايم...كنت بحلم حلم حلو"كنت نايم على الأرض فى جنينة و المكان كله كان لونه أخضر...و بعدين
ندى جت و أعدت جنبي و فضلت تنادى بأسمى...."
بس ده مكنش حلم؟؟؟ندى؟؟؟جنبي؟؟و بتنادينى؟!!!!
ندى:"يااااااااا..دونجهى أصحى بقى"
قمت قعدت و كنت بحاول أفوق نفسي بعدين بصتلها لقيتها قاعدة جنبي و كانت بتصحيني
ندى:"منمتش جوا ليه؟؟"
رديت:"معرفش..أنا أصلا مكنتش هنام..بس أعتقد أنى غفيت شوية"
ندى:"أنت اكلت حاجة من الصبح؟!!"
"أنياااا...مكنتش جعان"
ندى:"طب قوم يلا..خلينا ناكل وجبة منتصف الليل دلوقتى"
"وجبة منتصف الليل؟!!!!!!!!!"
ندى:"مسمعتش عنها قبل كدة؟!!ديه بتبقى وجبة خفيفة بالليل...يلا قوم أنا هطبخ"
و قامت من جنبي و دخلت المطبخ و أنا دخلت وراها:"هتطبخى أيه؟؟"
ندى:"أيه رأيك فى مكرونة؟!!"
ابتسمت:"وهى ديه وجبة خفيفة؟؟"
ضحكتلى:"أنا عمرى ما أكلت وجبة خفيفة فى منتصف الليل...باكل مكرونة او بيتزا حجات من ديه"
متوقعتهاش أبدا من النوع اللى بياكل كتير...جسمها مظبوط,مش تخينة بالعكس...و بتاكل بالطريقة ديه؟!!!
و أنا قاعد أفكر كدة صوتها فوقنى:"يلا الأكل جهز"
و حطت أدامى الطبق...مديت أيدي بالشوكة و دوقت المكرونة...بس ليه؟؟!!
و فى الأخر مقدرتش استحمل:"ااااااااااااه...أنتى حطة شطة كتيرة كدة ليه؟!!عايز مية بسرعة"
بس ردها عليا كان أبرد من المية اللى هشربها
ندى:"حسيت بأيه لما سرقت منها قبلتها الأولى؟!!مبسوط دلوقتى؟؟"
عيونى وسعت من كلامها..معقولة قالتلها؟؟كل كلمة من اللى قالته يدل أنها عرفت
"أ أناااا...ممكنتش......."
بصت الناحية التانية و قاطعتنى:"مكنش قصدك تعمل كدة؟!!و لا هتقولى مكنتش تعرف؟!!حتى لو مكنتش تعرف..ده يديك الحق أنك
تقبلها بالطريقة ديه و أنت مش بتحمل نحيتها أى مشاعر؟!!"
رديت:"أنا بجد ندمان..و عايز أصلح اللى أنا عملته ده"
ندى:"معتقدش الموضوع بالسهولة ديه...أنت عارف أنت عملت أيه؟!!أنت خلتها تفقد الثقة فى اللى حوليها...شوف بقى هترجعها ازاى"
و سابتنى و قامت و كانت داخلة أوضتها..وفى الوقت دهش يون دخل من باب الشقة..ندى بصتله و ابتسمت و كانت داخلة بس هو نداها
شيون:"ندى...كنت عايز اتكلم معاكى فى موضوع"
ندى:"ضرورى دلوقتى؟!!ينفع نأجله لبكرة؟!!"
شيون بابتسامة:"أه طبعا مفيش مشكلة"
ندى بردوا ردت عليه بابتسامة:"تصبح على خير"
شيون:"و أنتى من أهله"
و دخلت ندى تنام و شيون جيه قعد جنبي..و إنا كنت قاعد بولع من اللى شوفته..بس أنا اللى عملت كدة فى نفسي أنا اللى خلتها تعاملنى
بالطريقة ديه...كانت فى الأول بتقولى أوبا و كانت بتعاملنى كويس بس دلوقتى بقت تعامل شيون أحسن منى...يا ترى بتحبه؟!!لألألألألألأ أكيد مش كدة اااااااااااااش...و سمعت صوت شيون جنبي
شيون:"ندى هى اللى طبخت المكرونة ديه؟!!"
و كان نفسي يدوق اللى أنا دقته:"اه هى..عملتها مخصوص ليا عشان مأكلتش حاجة من الصبح"
و بعد ما خلصت كلامى حسيت أن وشه أتغير و أنه أتنرفز شوية
شيون:"أراسووو..و هتمانع لو دقتها؟!!"
رديت:"لأ طبعا أتفضل دوق"
و أول ما أخد معلقة واحدة وشه بقى أحمر و جرى على التلاجة و قعد يشرب مية
شيون:"أنت عملتلها أيه عشان تعمل فيك كدة؟!!"
قومت من على الكرسي اللى كنت قاعد عليه و روحت قعدت على الكنبة..و شيون جيه قعد جنبي و بدأت أحكيله كل اللى حصل لغاية
دلوقتى
شيون:"اممممم..فهمت...طب و ناوى تعمل أيه دلوقتى؟!!"
رديت:"معرفش"
شيون:"بين لديما أنك ندمان بجد و روح أعتزرلها تانى"
"بس هى أصلا مش هتوافق تقابلنى...هى مش عايزة تشوف وشي"
شيون:"حاول تقابلها و تبينلها أنك أسف على اللى حصل و أنك هتحل الموضوع ده مع اهلك"
رديت عليه:"أراسوووو"
شيون:"أنا هدخل انام...تصبح على خير"
و دخل هو كمان ينام..و بعد شوية أنا كمان دخلت أنام
**********************************8
صحيت الصبح بالعافية على صوت المنبه نفسي اناااااااااااام...ده كان كل اللى
أنا عايزاه
قمت من السرير و روحت المطبخ عملت كوباية قهوة عشان تظبطلى دماغى و أعدت
أشربها و أنا بشوف جدولى فيه أيه النهاردة...و أنا قاعدة و مندمجة صوته خضنى
شيون:"صباح الخير"
"عاااااااااااااا..فى أيه؟؟بتطلع مرة واحدة كدة ليه؟؟"
و هو قعد يضحك عليا:"هههههههههههههه أتخضيتي؟!!بيانيه"
"شكلك مش أسف خالص على فكرة"
قرب منى و حط أيده على راسي و نعكشلى شعرى و هو بيضحك
"ياااااااااااا...متنعكشليش شعرى..أنا ماصدقت ظبطته"
و كان بيعمل كدة على دخلة دونجهى علينا..كان شكله متعصب أو زعلان..مأخدتش فى بالى,واضح أنه فعلا ندم على اللى عمله بس
بردوا لازم يتحمل نتيجة أفعاله
شيون:"ممكن نتكلم دلوقتى؟!!ولا مستعجلة؟؟"
رديت:"ها؟!بصراحة أنا لازم أروح الجامعة دلوقتى"
شيون:"خلاص يلا أنا كمان كنت رايح..خلينا نروح مع بعض و نتكلم فى السكة"
"أوكى معنديش مانع"
و نزلنا أحنا الاتنين و كنا فى الطريق للجامعة
شيون:"أنتى عندك أول محاضرة أمتى؟!!"
بصيت فى ساعتى و بعدين رديت:"يعنى كمان ساعة تقريبا"
شيون:"يعنى لسة في وقت...خلينا نقعد فى أى كافيه قريب و نتكلم لغاية ما معاد محاضرتك يجي"
رديت:"طيب بس منتأخرش"
شيون:متخافيش"
ورحنا قعدنا فى كافيه قريب من الجامعة
شيون:"أنا بصراحة كان عندي طلب"
"و أيه هو؟؟"
شيون:"ممكن تكونى رفيقتي فى حفلة الشركة؟!!"
أتصدمت من اللى هو قالهO_O:"نعم؟؟؟!!!!"
شيون:"أمال لو كنت طلبت تواعديني كنتى هتعملى أيه؟!!"
و فى اللحظة ديه ضحكت على كلامه:"ههههههههههه...بس ليه الطلب ده؟!!يعنى أصدى ما أحنا هنشوف بعض هناك..ليه عايزنى
أروح معاك؟!!"
شيون:"أنا مش هضحك عليكي...بصراحة ماما عايزانى أطلب من بنت الرئيس سونجو الشريك التانى فى الشركة أنها تكون
رفيقتى..عارفاه صح؟!!"
"اممم..عارفاه...و انت مش موافق عليها ليه؟!!هى مش حلوة؟؟"
شيون:"لأ مش حكاية كدة؟!!بس أنا مش بستظرفها أصلا..و كمان هى بتحبني و لو عملت كدة هتفتكر أنى بحبها...ده غير ان بابا و
ماما عايزنى أخطبها و ده مستحيل بالنسبالى...أرجوكى وافقى تيجي معايا"
ضحكت على منظره ده:"هههههههههههه...خلاص خلاص..أنا معنديش مانع,بس عندي شرط"
شيون:"أيه هو؟!!
"هتكون السواق بتاعى لمدة يوم..لما اجى أنزل عشان أشترى فستان الحفلة..أراسوو؟!!"
شيون:"أراسوو....موافق"
"يلا بينا نمشي بقى عشان منتأخرش"
و قومنا بعد ما شيون دفع الحساب و خرجنا و قبل ما نركب العربية قلتله:"بصراحة شيون أنا توقعتك جنتل أكتر من كدة"
شيون:"مش فاهم"
"قصدى أنك كان ممكن تطلب منى أنى أكون رفيقتك بطريقة أحسن من كدة...يعنى لو كنت طلبت منى من غير كل الاعذار ديه كنت
هوافق...هى ديه طريقتك مع البنات؟!!بصراحة توقعتك رومانسي أكتر من كدة"
شيون:"اممممم...فعلا عندك حق أنا شكلى بقى وحش أوى"
و أنا مقدرتش أمسك نفسي من الضحك
شيون:"احم...طب أنا كدة لازم اعدل صورتى"
و فى خلال لحظة شدنى من أيدي و كنت فى حضن تشوى شيون...كانت أيده حولين خصرى و الايد التانية ماسك بيها أيدي و عنيه فى
عيني
شيون:"ندى..تقبلى تكونى رفيقتى فى الحفلة؟!!"
زقيته عنى بسرعة...كنت حاسة بتوتر فظيع..بس حاولت أتماسك..بس هو عمل كدة ليه؟؟أكيد كان بيهزر صح؟؟
رديت عليه:"وهى ديه الطريقة اللى بتستخدمها مع البنات؟!!"
شيون بابتسامة خبيثة:"يعنى..مش مع كل البنات..بس المرات اللى جربت فيها الطريقة ديه مفشلتش ولا مرة مع ولا بنت"
"أوكى اوكى...كازانوفا..يلا نمشي"
و ركبنا العربية..كان فاضل أقل من خمس دقايق على الجامعة
شيون:"و حبيبك هيوافق أنك تكونى رفيقتي؟!!"
رديت على السؤال بلا مبالاة:"أنا معنديش حبيب...و مجربتش قبل كدة يبقى عندي,مكنش عندي وقت"
شيون:"بتتكلمى بجد؟!!يعنى عمرك ما حبيتي؟!!و كمان محصلتش KISS بينك و بين حد؟!!"
"لا...أخيرا وصلنا"
و نزلت بسرعة عشان ألحق محضرتى
**************************************8
قمت الصبح و أنا بقول لنفسى أحنا النهاردة هننسي كل اللى حصل..لازم ننسي
عشان نعرف نكمل...بس قبل ما أقنع نفسي تليفونى رن...وكان هو..أول ما قال أسمه
قفلت..مكنش مزاج يسمح أنى اكلمه خالص
بعدها قمت و شربت النسكافيه و نزلت عشان أروح جامعتى...
و أنا فى السكة تليفونى رن تانى:"يوباسيوو..اه أنا ديما...أيه؟!!بجد؟؟...طبعا طبعا...أكيد هكون هناك فى المعاد..كمساميداا"
قفلت السكة و الفرحة مكنتش سيعانى...أخيرا الحجات الحلوة بتيجي ورا بعضها
ومن فرحتى جريت على الجامعة عشان أقول لندى على الخبر ده
دخلت الجامعة و شوفتها كانت داخلة على السيكشن بتاعها بس لحقتها قبل ما تداخ
"ندااااااااااااااااااا....أستنىىىىىىىىىى"
ندى لفتلى:"بوووه..ديما؟!!بتجرى كدة ليه؟!!أيه اللى حصل؟؟"
و قفت عشان أخد نفسي و بعدين بصتلها و الضحكة على وشى من أقصى اليمين لأقصى الشمال:"أتقبلت..اتقبلت...هكون عارضة"
ندى:"بووووووه...بجد؟!!!ألف مبروووك حبيبي"
و حضنا بعض و قعدنا نطنط فى وسط الجامعة و الناس كانت بتبص علينا..لغاية ما أخدنا بالنا و وقفنا
ندى وشها أتغير فى لحظة و الابتسامة اختفت من على وشها
"فى أيه ندوش؟!!حصل حاجة؟؟"
ندى:"فى حاجة مفكرناش فيها...أحنا كدة لازم نحتفل تانى صح؟!!"
ضحكت من قلبي على كلامها:"ههههههههههه..أنتى ما بتصدقى عايزة تحتفلى و خلاص؟!!"
ندى:"اه اه..خلينا نحتفل النهاردة...ماشي؟!!بلاش نخرج..خلينا نحتفل عندك فى البيت"
"ماشي خلاص يا بيبي أنتى...موافقة طبعا"
ندى:"هييييييييييه...و أنا هجيب كل الحجات اللى لازمة للاحتفال...يلا أشوفك بعدين أنا لازم أدخل دلوقتى"
"أوكش..انا هروح أخلص اللى بعمله و بعدين هطلع على الشركة..لنى هبدأ من النهاردة"
ندى:"أوكشات حبيبي...انيوووو..هشوفك بالليل"
"أنيوووووووووووو"
و روحت خلصت المحضرات اللى عندي...و روحت على الشركة
كان أول شغل ليا هناك أنى هكون موديل لشركة أزياء .........
كان الموضوع ممتع بالنسبالى..كنت مبسوطة و أنا بشتغل..كنت بجرب لبس كتير و بتصور...أكيد كان فيه بعض النقاط اللى لازم أخد بالى منها..بس غير كدة كان كله تمام..........
**********************************8
صحيت الصبح و طبعا منظرهم هم الاتنين و هم قعدين كدة مع بعض عصبني...ااااش
خلاص دونجهى اهدى..فكر دلوقتى هتصالح ديما أزاى...و فى الاخر
كلمتها:"يوباسيوو..ديما شي....أنا دونجهى...."و قبل ما أكمل كلامى كان
الخط اتقفل فى وشى
قضيت الصبح كله و أنا بفكر هعمل أيه...و أزاى هعرف اقابلها عشان أعتزرلها
و روحت على الشركة و أنا بفكر..و بدأت فى التدريبات...و بعد مدة من الوقت خلصت اللى كنت بعمله بس قبل ما أمشي مع باقى المتدربين المدير جونج جيه و طلب مننا منمشيش
المدير جونج:"التدريب النهاردة مخلصش لغاية كدة..النهاردة فى جلسة تصوير لشركة أزياء مهمة و عايزكوا تروحوا تتفرجوا
الأوضاع بتكون عاملة أزاى..لأننا كمان ممكن نختار حد منوا يكون موديل للشركة"
روحت لمكان جلسة التصوير..متخيلتش أنى ممكن أشوفها هنا..يعنى ده كله كنت عايز ألاقى طريقة عشان أشوفها و فجاة هى تطلع
قدامى من غير ما اتعب....
كانت الموديل اللى بتصور الاعلانات للشركة...كانت قالت انها مقدمة فى مسابقة عشان تكون موديل..ده معناه انها اتقابلت؟؟كانت
واثقة من نفسها جدا..مش باين أن ديه هى المرة الأولى ليها..حسيت بحاجة غريبة,البنت ديه بتشد الواحد بطريقة غريبة...بس الاهم
دلوقتى انى أعرف أكلمها............
فضلنا فى موقع التصوير لغاية ما خلصوا..كانت نجمة فى كل حركاتها....و بعد ما خلصت فضلت مستنيها لغاية ما خرجت
"ديما شي"
بصتلى:"أنت عرفت مكانى منين؟!!"
"كانت مجرد صدفة...ممكن نقعد فى مـ............"
ديما:"لأ مش ممكن أنا مشغولة و مش فاضية"
كانت هتمشى بس مسكت أيدها بسرعة و قولتلها:" طب براحتك بس أتمنى تنسي اللي حصل وانا أوعدك مش هدايقك بعد
النهاردة...وحتى كمان عشان القصة كلها تنتهي انا هقول لبابا وأخويا اننا سبنا بعض...وبكده أعتقد ان القصة مش هتعملك مشاكل تدايقك وتدايقني"
ديما:"أكيد دي حاجة بتريحني...أنا مكنتش عجبانى اللعبة ديه كلها من الأول"
"أراسووو..تشومال بيانيه..بتمنى تسامحيني"
ديما:"أنا لازم أمشى دلوقتى..انيووو"
************************************8
ممكن أكون
زودتها شوية..لأنها مش زى البنات اللى اتعاملت معاهم قبل كدة..ندى مختلفة
بالنسبالى,بس مقدرتش أمسك نفسي عن أنى أعمل كدة و فى نفس الوقت كنت هموت من
السعادة لأنها كانت بين أيدي للحظات..و اكتر حاجة فرحتنى أنى عرفت أن محدش فاز
بقبلتها الاولى..بس ده خلانى أكون طماع..خايف المرة الجاية مقدرش أمسك نفسي و أعمل
حاجة مش مظبوطة...خصوصا و ا نده ممكن يأثر على شغلنا مع بعض........
خلصت محضراتى فى الجامعة و قبل ما أخرج يونا وقفتنى
يونا:"شيون...أنت هتروح على الشركة؟!!"
"اه...ليه؟!!"
يونا:"انا كمان هروح..أكيد معندكش مانع تخدنى معاك"
رديت:"اه أكيد...بس فين عربيتك؟!!"
يونا:"مجتش بيها النهاردة..يلا عشان مأخركش"
و عزمت نفسها و ركبت العربية
كنت طول السكة بفكر فى ندى..يا ترى خرجت قبلى؟!!ولا هتستنانى عشان نروح مع بعض؟؟؟بس
صوت يونا فاجأنى
يونا:"بتفكر فى أيه؟واضح أن فى حاجة شغلاك"
رديت:"لأ مش حاجة مهمة"
و صلنا الشركة و روحت على مكتبي......
فرحت جدااا لما شوفتها و انا رايح على مكتبي:"أنتى هنا من امتى؟!!"
ندى:"من شوية..خلصت بدرى فقولت أجى"
"اها...هو ده مكتبك؟!!"
ندى:"اه...واضح أننا هنكون مع بعض حتى فى الشغل...كمان مكتبك جنب مكتبي"
ابتسمت:"اها...تحبي تروحى تجيبي الفستان أمتى؟!!"
ندى:"أنا كنت بفكر فى بكرة...لأن أصلا الحفلة بعد بكرة"
"أوكى...و أنا فاضى بكرة"
ندى:"أوكى..أنا هبات عند ديما النهاردة...أبقى عدى عليا هناك"
"أوكى...انيووو دلوقتى"
ندى:"see you"^^
**********************************8
خلص اليوم على خير..بصرف النظر عن الصدفة ديه فى اننا نكون بنشتغل لحساب
نفس الشركة..بس باقى اليوم كان حلو
روحت البيت و استنيت ندى تيجي..لارار و سولى اعتزروا لأن عندهم مذاكرة كتير...و على الساعة 8
ندى كانت وصلت و كانت جايبة معاها كل لوازم الاحتفال
اعدنا ناكل حلويات كتير وشربت كتير وندى بس بتشاركنى بشرب العصير و فضلنا نغنى بصوت عالى...
كانت حالتنا فظيعة....و أخيرا بعد ليلة طويييييييييييلة نمنا نوم عميييييييييييق
و فى الصباح التالى...قومت شربت قهوتى و خرجت على جامعتى و سبت ندى نايمة..قالتلى انها
هتصحى متأخر عشان مش وراها حاجة و شيون هيبقى يعدى عليها عشان يروحوا يجيبوا الفستان
ده....مش عارفة حاسة ا نفى حاجة غريبة بينهم ليه...........
خرجت من باب البيت و لسة هخطو اول خطواتى للجامعة...بس لقيته واقف مستنيني
دونجهى:"صباح الخير ديما شي"
..
.
.
........يتبع.......
أيه رأيكوا فى الشابتر؟!!
أيه اكتر جزء عجبكوا؟؟
تفتكروا أيه اللى هيحصل فى الشابتر الجاى؟؟
يا ترى ديما هتسامح دونجهى؟؟
وندى و شوين هيقضوا يومهم ازاى؟
قولولى رايكوا^^
ملحوظة:شكر خاص لحبيبتى ديما لأنها بتساعدنى بالقصة..و انها تطلع بالشكل ده
جميل جدا جدا
ردحذفاحلى مشهد مشهد ندى و هي بتغيظ سيون ههههههههه
ممممممم معنديش توقعات ( فزيعة يا بت .)
اكيد ديما حتسامحو هو في حد يكون قدامو العسل و يفضل زعلان منو
مممممممممممم اكيد حيكون يوم حلو ليهم التنين
اسلوب الكتابه حلو اوووي ان كل شخصيه بتحي اللي حصلها اينعم سعات بتلغبط واخد وقت عبال ما اعرف مين بيتكلم بس جميييل ظاتش ناااايص ^^ فااايتشييينج
ردحذفاسلوب الكتابه حلو اوووي ان كل شخصيه بتحي اللي حصلها اينعم سعات بتلغبط واخد وقت عبال ما اعرف مين بيتكلم بس جميييل ظاتش ناااايص ^^ فااايتشييينج
ردحذف