To Be Together (لتكونى معى), chapter 11

                     Chapter 11

راحت نادين فتحت الباب
لقيت بنت شكلها مصرى ومش مصرى فى نفس الوقت ( مخلط يعنى ) بس فى نفس الوقت شكلها ميجيش كورى يعنى صينى او يابانى

سوان:هاى,مروة موجودة؟

نادين:هى مش موجودة دلوقتى

سوان:أوك خلاص هبقى أعدى عليها وقت تانى

نادين:طب أقولها مين؟تحبي أبلغها حاجة؟

سوان:أنا صاحبتها و أسمى سوان

نادين:طب أتفضلى ممكن تستنيها جوة

و راحت سوان دخلت

و بعد دقيقتين مروة فتحت باب الشقة و دخلت

مروة:أنا جيت هغير هدومى و نازلة تانى

و لقت سوان فى وشها

مروه (بعصبية) : انتى بتعملى هنا ايه ؟مش قلت انى مش عاوزه اشوف حد منكم تانى
سوان : انا كنت عاوزه اقولك على حاجه وبعدين مش هتشوفى وشى تانى
مروه : انا مش عايزه اسمع حاجه وياريت فعلا متجيش تانى
و مروة نسيت هى جت ليه اساسا و راحت فتحت الباب

ومن حظها اللطيف ان السوجو عند الباب ولسه كيو هيضرب الجرس
راحت مشيت زى الطلقه ومتكلمتش شيون كان حينزل وراها بس قالتله

مروة: عايزه انزل لوحدى
شيون لاحظ ان عنيها مدمعه راح طلع للبنات جرى
شيون : ايه اللى حصل ؟
ندى : انا مش فاهمه حاجه ؟
ريم : ممكن تقولننا انتى مين ؟
رنا : وايه اللى جابك هنا ؟
نادين : وتقربى ايه لمروه ؟

سوان: انا اسفه يا جماعه اذا كنت عملتلكو ألأ بس والله ما كان قصدى
شيون : انطقى ايه اللى جابك هنا ؟انتى اصلا مش شكلك كوريه عرفينا على نفسك كده يا حلوه
سوان : انا سوان عمرى 23 انا ومروه كنا صحاب لما كانت عايشه فى اليابان
كلهم فى نفس واحد : يابان !!!!!!!!
سوان : واضح ان مروه مجبتلكمش سيره عن الفتره دى

ندى : لأ دى حتى مقالتليش,ممكن تقوللنا على علاقتكو بالظبط؟

سوان:انا كنت صاحبتها لما راحت اليابان و بعدين أنا عرفتها على فرقة متكونة من ولدين و بنت و كانوا محتاجين مغنية معاهم و مروة كان صوتها حلو و عشان كدة رشحتها و عشان كدة بردو هم وافقو بسرعه وبقوا أصحاب جدا و بعد فترة البنت اللى معاهم فى الفرقة انتحرت و عرفت ان مروة كانت السبب

ندى:السبب؟أزاى؟

سوان:أنا معرفش الحكاية أوى مروة متكلمتش عن الموضوع ده خالص بس اللى عرفته ان ولد من الفرقة ديه هو و بنت كانو بيحبو بعض بس الولد حب مروة بعد ما انضمت للفرقة فصحبتها مقدرتش تستحمل و أنتحرت و عرفت بعد كدة ان مروة رجعت على مصر

كل ده كانت و مروة كانت رجعت عشان نسيت موبايلها و واقفة على الباب و لما سمعتها و هى بتتكلم راح أعدت تعيط و دخلت و هى متنرفزة

مروه: انتى ازاى تسمحى لنفسك انك تحكى حياتى زى كأنها حدوته قبل النوم
سوان : هم لازم كانوا يعرفو
مروه : لأ مش لازم كل الناس تعرف نقطه ضعفى هما مش هيفيدونى بحاجه لما يعرفو غير نظرات الشفقه وبس
رنا : لأ يا مروه كنا لازم نعرف منك قبل ما نعرف من غيرك احنا اصحاب وعيشين مع بعض كمان
مروه : ما هى دى المشكله
و راحت خدت موبايلها وهى نزله راحت سوان قالتلها
سوان : مروه خدى بالك من نفسك كى موجود فى كوريا وبيدور عليكى وده مريض مش هيهدا الا لما تكون بين ايده وبعدين يرميكى زى ما رمى سومى
ونزلت مروه من البيت وهى مصدومه ولقت دموعها بتنزل من غير ما تحس

و راح شيون نازل ورا مروة واخد العربيه بتعته وبيراقب مروه من بعيد وهى ماشيه وبتعيط و راحت مروة مره وحده وقفت فى مكانها وبتبص على شخص كان واقف من بعيد راحت مروة وقفت مكانها و شيون لاحظ فبيبص لقى ولد بيبص على مروة و بيضحك ففهم أن هو ده الشخص السبب فى حزن مروة و أن هو ده السبب فى كل اللى حصل لمروة راح شيون مستناش يشوف أيه اللى هيحصل أول ما شافوه أترعب على مروة و راح راكن لعربية و نزل جرى و جيه من ورا مروة و نظراته بين مروة و الواد لغاية ما جيه من ورا مروة و وقف جنبها و راح بصلها و راحت مروة بصتله و الدموع فى عنيها و أكنها بتقوله أنقذنى

راح شيون حط أيده على خدها و قرب منها و Kisssssssss(و أكيد ده مكنش قصد مروة بأنقذنى)

و الواد شافهم كدة و اتجنن

و مروة من الصدمة معملتش حاجة و فضلت متنحة وبعد دقيقتين تلاتة شيون بعد عن مروة و راح حضنها و قالها فى ودنها

شيون:انا مش هخلى اى حد يبقى سبب دمعه واحدة من عيونك و مش عايز دمعه من عيونك تنزل عشان شخص غيري انا هكون سبب سعادتك و سبب حزنك و لو عملتى كدة تأكدى انى مش هسمح ان دمعه واحدة تنزل تانى من عيونك

و راح شيون مسك أيد مروة و ركبها العربية و مشي

و ده كولوا و مروة مصدومة

و فى نفس الوقت فى بيت البنات

و البنات قاعدين مصدومين من اللى سمعوه و من اللى مروة قالتهلهم و كانوا قلقنين عليها

و ريم كانت أعصابها تعبانة و نادين أعصابها مستحملتش و أعدت تعيط

و كيو شاف ريم كدة راح واخدها و نزلو يتمشوا

و لما نزلو شافو شيون و هو بيركب مروة العربية و اخدها و مشي

و شافو الولد و هو بيبص عليهم و عرفو ان هو ده سبب المصايب كلها

و راحت ريم ريحاله و كيو طبعا راح وراها

ريم:أنت عايز أيه من مروة؟سيبها فى حالها.هى خلاص نسيتك و و نسيت كل حاجة فاتت

كى:بس أنا منستهاش و هو ده المهم

كيو:أعتقد أنك شوفت بعيونك أن هى بقالها ناس غيرك بيحبوها و بيخافو عليها و هى كمان بتحبهم فأبعد عنها أحسنلك

كي:الكلام ده بيخلينى أتمسك بيها أكتر,أنا دلوقتى جيت عشان مروة و ده هو المهم أن أنا موجود و مروة هتبقى معايا

وراح سايبهم و ماشى و لسة ريم كانت هتمشى و راه عشان تتخانق معاه راح كيو مسك أيدها

كيو:ده شخص مريض و مش هيسمع منك

و راحوا أعدوا يتمشوا
ريم : غريبه انتوا اصلا ايه اللى كان جايبكوا
كيو : انا كنت اصلا عملهالك مفاجاءه
ريم : بجد بس يا خساره جت حكايه مروه بوظت كل حاجه ( انانيه يا ريم :'( )
كيو : اه معلش تتعوض
ريم : بس ايه سبب المفاجاءه يعنى
كيو : حسيت ان بقلنا فتره بعاد عن بعض فقلت اعمل حاجه تخلينا قريبين من بعض تانى
ريم : وايه اللى حسسك كده ؟ o.O
كيو : انتى مش وخده بالك انى انا الى ديما بكلمك صحيح مش كتير بس اى اتصال بيكون من عندى انا
ريم : وفيها ايه

كيو : وفيها ايه !!!!!!!!!!!!!!!انتى مش حسه انك من الفروض تسألى على حبيبك على الاقل مره ولا انا مش حبيبك
ريم : مردتش

كيو : اه انتى صحيح عمرك ما قلتيها..قوليها يا ريم ولا انا مش حبيبك ؟
ريم حست انها اضغط عليها مره وحده واعدت تعيط
كيو : انا همشى ولو مشيت وانتى لسه مردتيش عليا اعتبرى كل اللى بنا راح

ريم مكنتش عارفه تقول ايه وكانت اعده تعيط وبس راح كيو مشى وسبها

و فى بيت البنات

و البنات لسة قاعدين و مصدومين

راحت ندى قامت

رنا:انتى رايحه فين؟

ندى:داخلة البلكونة

و ندى دخلت البلكونة و معاها الموبايل و بتحاول تكلم مروة بس مش بترد(مشغولة طبعا)

راح دونجهى دخل وراها

دونجهى:ندى سيبيها دلوقتى هى أكيد عايزة تبقى لوحدها شوية و أكيد شيون معاها مش هيسبها

ندى:بس أنا قلقانه علها

دونجهى:متقلقيش

و دونجهى كان هينسي نفسه و راح مقرب من ندى و كان هياخدها فى حضنه هو بالفعل نسي نفسه راحت ندى بعدت عنه

ندى:انت بتعمل أيه؟

دونجهى:ندى انا قلتلك انى بحبك مش عايزة تصدقينى ليه؟

ندى:انا مبقتش مصدقه حد

و راحت ندى دخلت من البلكونة و دخلت أوضتها لبست و كانت نازلة

ندى:أنا نازلة أشم شوية هوا و كمان أجيب حاجة ناكلها

و راحت فتحت الباب و نازلة

رنا:انا خايفة على الاتنين دول

دونجهى:متخافيش انا نازل وراها

و راح نزل ورا ندى

و ندى و هى نازلة موبايلها رن

ندى:ألو......اه أون وو أزيك؟

طبعا دونجهى أول ما سمع شاط و هو مش ناقص أساسا راح نزل و أخد من ندى الموبايل

دونجهى:ألو أون وو أنا دونجهى معلش هى ندى مش فاضية دلوقتى هتكلمك بعدين

و راح قافل

ندى:انت بتعمل أيه مين قالك تعمل كدة؟

راح دونجهى مسك ندى من دراعها جامد و راح مقرب وشه منها و هو بيزعق و قالها

دونجهى:انتى معايا انا بس كدة؟و مع اون وو ده بتبقى مبسوطة و فرحانة؟

راحت ندى أعدت تحاول تبعده عنا و مفيش فايده

ندى:سيب أيدي بقولك سيب أيدي

دونجهى مردش و راح شادد ندى و فتح عربيته و زقها جوة و قفل الباب

وراح ماشى بالعربية و ندى طول ما هى فى العربية بتزعق

ندى:انت بتعمل أيه وقف العربية دلوقتى انت ملكش الحق انك تعمل كدة

راح دونجهى فرمل مرة واحدة

ندى:انت مجنون؟

دونجهى:اه انا مجنون انتى جننتيني

راحت ندى سكتت و راح دونجهى مشي

و عند مروة و شيون و مروة فى حالة صدمة

شيون كان مبتسم و شكله متدايق شوية و كان بيركن قدام جنينة

راحت مروة بصتله و كانت لسه هتقول

مروة:أنت ازاى........

راح شيون حط أيده على شفايفها و قالها

شيون:ششش بلاش

راحت مرة بصت الناحية التانية راح شيون نزل و فتحلها باب العربية

شيون: أنزلى

مروة بصتله و نزلت من غير ما تنطق كلمة راح شيون مسك أيدها و مشي و مروة ماشية معاه و راح قاعد على مقعد كدة فى الجنينة و مروة أعدت جنبه

راح شيون مقرب منها و حط أيده على راسها و كان بينزلها على كتفه راحت مروة قامت ووقفت و هى متعصبه و بتقول

مروة:أنت بتعمل كدة ليه؟قلتلك مية مرة سيبنى فى حالى,انا مش عايزة أحب,انا كدة كويسة كفاية المشاكل اللى عندى(و الدموع بتنهمر من عنيها)

راح شيون هو كمان متعصب و قام و راح قالها

شيون:و انا قلتلك مية مرة أنى مش هسيبك انا بحبك انتى كمان بتحبيني صح؟

مروة كانت لسة هتفرد جناحتها و تشخط و تنطر و تمسح بكرامة الواد الارض راح شيون مسك أيدها و شدها عليه و حضنها و قالها

شيون:مهما قلتى هفضل أحبك و مهما قلتى انتى كمان بتحبيني و مهما حصل هنفضل مع بعض على طول

مروة:انت كداب هى قالتلى قبل كدة انها مش هتسبنى و سابتنى و انت كمان....

شيون:انا مش هسيبك

مروة:متكدبش عليا انتوا كلكوا كدابين(كئيبة يا مروة)

شيون:انا عمرى ما هكدب عليكي

و راح سايب مروة و بصلها كدة و مروة كانت بصه فى الأرض

مروة:أصلا مش مهم أذا كنتو بتكدبو ولا لأ أنا مش هصدقكو...انا عايزة امشي

و راحت ماشية و راحت ركبت العربيه راح شيون مشي و هو كمان ركب

شيون:بس أنا هخليكي تصدقيني أوعدك....تحبي تروحى فين؟

مروة:أى حتة

و راحت سنده راسها على الكرسي و غمضت عنيها شيون بص عليها و أبتسم و راح مشي بالعربية

وعند ندى و دونجهى

أخيرا دونجهى وقف بالعربية و كان عند نهر الهان و راح نازل و فتح الباب لندى و مسكها من دراعها تانى و فضل مجرجرها و راه لغاية ما وقفوا عند الشط

ندى:انت مش ناوى تسيب أيدي؟قلتلك سيبني

دونجهى:و دلوقتى بقى فهميني انتى بتعملى معايا كدة ليه.ها؟و أون وو ده يبقى بالنسبالك أيه عشان تعامليه كدة؟(ده كله بزعيق)

راح موبايل ندى رن و كان لسة مع دونجهى(أوقات بايخاااااااااااااا)

راح دونجهى طلعه و لقاه أون وو بردوا راح رد

دونجهى:نعم

أون وو:فين ندى؟عايز أكلمها

دونجهى:قلتلك مشغولة

ندى:أديني الموبايل

دونجهى:قلتلك لما تفضى هتكلمك

و راح قافل و قفل الموبايل

دونجهى:كنتى عايزة تكلميه؟وحشك؟

ندى:انت بتقول أيه؟

دونجهى بصوت عالى:بقول أنتى بتحبيه؟ليه هو؟

ندى:أنت شايف ده وقته أساسا أنك تتكلم فى حاجة تافهة كدة؟

دونجهى:تافهة؟بالنسبالك قلبي يبقى حاجة تافهة؟بس أنا مش هسيبك تعملى فينا كدة,أنا عارف أنك بتحبيني,بس ليه بتعملى فينا أحنا الأتنين كدة؟و ليه هو بتعامليه كدة و انا مش بتكلمينى كدة و لا بتبتسميلي كدة

راحت ندى بصوت عالى و دموعها بتنزل على خدها(أنا ودنى أتخرمت)

ندى:عشان بحبك

دونجهى فى حاله صدمة

ندى:أنت بتقول أشمعنا هو؟و أشمعنا أنت؟ليه بتوتر لما بكون معاك؟ليه ببقى مبسوطة و مش عارفة أبين؟ليه؟انت الشخص الوحيد اللى عمل فيا كدة,بضحك مع اون وو و ببتسم معاه عشان هو مجرد صديق انا مكنتش عايزة أحبك أكتر من كدة حتى عمر مكنتش ببقى معاه بالطريقه ديه,انت مختلف عن دول كلهم

و دونجهى أنبسط طبعا

و راح حاتط أيده على خد ندى و مسحلها دموعها و راح واخدها فى حضنه

دونجهى:بحبك

ندى:متعملش فيا كدة تانى

راح دونجهى بعد ندى كدة شوية و بصلها

دونجهى:تعرفى انك ممثلة شطرة؟

و راحوا هم الاتنين مبتسمين و راح دونجهى واخدها فى حضنه تانى

و فى نفس الوقت فى بيت البنات

سوان لسة قاعده معاهم

سوان:انا اسفة انى جيت و لخبطلكوا حياتكوا بالطريقة ديه

و فى نفس الوقت نادين قاعدت تعيط و توكى واخدها فى حضنه

توكى:نادو متعيطيش كدة مفيش حاجة وحشة هتحصل

نادين:هو أيه اللى خلى كل ده يحصل؟ما احنا كنا كويسيين

توكى:أوعدك أن مفيش حاجة وحشة هتحصل

نادين:يا ريت أوبا

رنا:هم راحوا فين دول لغاية دلوقتى؟انا بدأت أقلق

ريووك:طب ما تكلمى ندى على الموبايل

رنا:اه صح تاهت عنى ديه

و راحت رنا جت تكلم ندى لقت موبايلها مقفول

رنا:لا كدة فى حاجة حصلت

ريووك:طب أستنى انا هكلم دونجهى هيونج متخافيش

و راح مكلم دونجهى

ريووك:ألو هيونج

دونجهى:أيوة

كيو:هى ندى معاك؟

دونجهى:اه ليه؟

ريووك:اصل موبايلها مقفول و البنات قلقوا عليها

دونجهى:اه صح كانت بتجلها مكلمات من واحد مزعج فقفلته

ريووك:مين اللى قفله؟ندى و لا انت؟

دونجهى:ملكش دعوه احنا جايين كمان شوية و هنجيب الاكل معانا سلام

و راح قفل السكة

ندى:أيه اللى حصل؟فى حاجة تانية حصلت؟

دونجهى:لأ بيقول كانوا قلقانيين عشان قفلة موبايلك

راحت ندى خدت موبايلها من دونجهى و هي بتفتحه و بتبص فى الموبايل راحت قايلاله

ندى:شوفت أيه اللى حصل بسبب غيرة ساعدتك؟عجبك كدة؟

راح دونجهى أعد يضحك راحت ندى بصتله

ندى:بتضحك على أيه؟

دونجهى:ومين اللى خلانى كدة؟

ندى:طيب خلاص يلا نمشي

و راحت سابته و مشيت راح دونجهى ماشى وراها

دونجهى:بسرعه كدة؟أحنا لحقنا نقعد مع بعض؟

راحت ندى لفتله و بصتله

ندى:و هو انت سايبنى فى حالى أصلا؟ده انا مش عرفة اخد نفسي

دونجهى:نعم؟

ندى:أيه بكدب؟

دونجهى:هو أنتى لسة شوفتى حاجة؟

وراح بصلها بصه مكر راحت ندى جريت راح هو جرى وراها و قعدوا يجروا لغاية أما مسكها و راحوا واقعين على الرمل و هم نايمين على الرمل و بيبصوا للسما قاعدوا يتكلموا

دونجهى:ده احلى يوم فى حياتى

و ندى مردتش

دونجهى:هو أنا قاعد فى صحرا؟ما تقولى حاجة

ندى:أقول أيه؟

و راح موبايل ندى قطع عليه الصحرا

راحت ندى بصت فى الموبايل و ضحكت

دونجهى:بتضحكى ليه؟هو بيتصل تانى؟

ندى:اه

دونجهى:مترديش

ندى:هرد أشوفه عايز أيه

راحت ندى قامت أعدت و ردت

ندى:ألو أون وو

أون وو:أه ندى شى انتى كنتى قافلة موبايلك ليه؟قلقت عليكي

ندى:مش دونجهى قالك انى مشغولة؟

أون وو:اه بس حسيت ان فى حاجة غريبة

ندى:لأ مفيش,كان فى حاجة؟

أون وو:أنا فى الاول كنت عايز أسألك هنكمل البحث أمتى,و بعدين قلقت عليكي لما مردتيش فأعدت أكلمك

ندى:لا انا كويسة متخفش,و بالنسبة للبحث أنا أسفة انا نسيت انا اليومين دول مش فاضية خالص ممكن الاسبوع الجاى؟

أون وو:أوك بس خدى بالك ان معاد التسليم قرب

ندى:اه أوك هبقى أكلمك و نتفق على المعاد

أون وو:أوك باى

ندى:باى

دونجهى:كان عايز أيه؟

ندى:لقاك حاسس بالملل قال يتصل

دونجهى:انا بتكلم بجد أنتى هتقابليه؟

ندى:اه احتمال كمان يومين عشان أخلص البحث ده

دونجهى:و هيخلص أمتى؟

ندى:انت مالك؟متدايق ليه؟

دونجهى:انا مش متدايق

راحت ندى مسكت خدوده جامد و هى بتجز على سنانها

ندى:لى دونجهى أنت لسه بتغير؟

دونجهى:اه بغير عندك مانع؟و يا ريت الشغل ده بقى يخلص بسرعه

راحت ندى قام و نفضت أيدها من الرمل

ندى:حاضر

دونجهى:انتى قومتى ليه ؟

ندى:يلا بقى نمشي أنا زهقت

دونجهى:زهقتى منى؟

ندى:لأ هو انا أقدر؟بس كمان عشان عايزة أطمن على مروة

راح دونجهى ابتسم ابتسامه الانتصار و راح قايم مسك أيد ندى و مشيوا

و فى بيت البنات
و سوان : انا همشى دلوقتى هكون فى فندق قريب من هنا اهه نمرتى يا رنا وانا هبقى اتصل بيكى عشان اتطمن على مروه
رنا : ماشى
ومشيت سوان من البيت
ونادين كانت لسه اعده تعيط فى حضن توكى لغايه لما نامت راح شايلها ووداها على الاوضه وقعد يبصلها وهى نايمه وراح اعد يلعب فى شعراها وقلها : طول ما انا معاكى مش هخلى حاجه وحشه تحصل ليكى ابدا

و رنا و ريووك قاعدين فى الصالة
رنا : انا خايفه اوى
ريوك : من ايه ؟
رنا : انا حاسه ان اللى حصل النهارده ده بدايه المشاكل
ريوك : يا بنتى متخلكيش متشأمه كده
تعالى ننزل نشم هوا تحت شويه ونتمشى
رنا : ماشى انا فعلا محتاجه كده اوى دلوقتى

و نزلو يتمشو

كل ده و ريم ماشية لوحدها فى الشارع و هى مصدومة و مش مصدقة اللى حصل ده و فى الاخر رجعت البيت و دخلت أوضتها و اعدت تعيط لغاية ما نامت

و ريووك و رنا و هم بيتمشوا و ماسكين أيد بعض و بيتكلمو

رنا:الموضوع ده مش هيخلص على خير,أنا قلبي مش متطمن

ريووك:متخافيش أحنا هنفضل جنبكو فى الأزمة ديه و أكيد شيون مش هيسيب مروة لوحدها فى الموقف ده

رنا:شكرا أوبا

ريووك:أنتى حبيبتى و أكيد مش هسيبك فى موقف زى ده مش عايز أسمع الكلمة ديه تانى

رنا:حاضر أوبا(أل البت مطيعه أوى)

و عند مروة و شيون

شيون قعد يمشي بالعربية و هم مش عارفين هيروحو فين

و ندى و دونجهى و هم مروحين ندى قعدت ترن على مروة على الموبايل و مروة مش بترد

ندى:أوووف

دونجهى:ايه؟بردوا مش بترد؟

ندى:مش بترد,ماتكلم شيون

دونجهى:خدى الموبايل بتاعى و كلميه مش هعرف اكلمه و أنا بسوق

ندى خدت موبايل دونجهى و كلمت شيون

شيون:ألو هيونج

ندى:شيون أنا ندى,مروة معاك صح؟

شيون:اه

ندى:ممكن أكلمها؟

و شيون أدى الموبايل لمروة

مروة:ألو

ندى:مبترديش على موبايلك ليه؟ قلقتيني عليكي

مروة:انا كويسة

ندى:طب أنا مروحة دلوقتى على البيت عايزة اشوفك هناك أول ما أروح

مروة:مليش مزاج أرجع دلوقتى

ندى:مروة خلينا نتكلم فى الموضوع ده و نشوف هنعمل أيه الموضوع مش مستحمل تأجيل

مروة:طيب انا هرجع دلوقتى,يلا سلام

و ندى قفلت مع مروة و كلمت رنا تشوفهم عاملين أيه و راحت قايلالها تروح على البيت و على بعد ساعه تقريبا كانو البنات فى البيت و ندى جابت معاها بيتزا و أعدوا ياكلو مع بعض و هم بيتكلمو و السوجو كمان كانو لسة ممشيوش

                           يتبع