Chapter 12
و فى بيت البنات كانو كلهم قاعدين ياكلو و يكلمو فى الموضوع و ريم لسة
نايمة و كيو مش موجود طبعا
ندى:مروة ممكن بقى تفهمينا أيه الموضوع من الأول؟
مروة أتنهدت و بعدين قالت
مروة:كل الحكاية انى كنت عضوة ضمن فرقة فى اليابان كنا بنتين و ولدين سومى واحدة
من البنتين و كانت صحبتى المقربة و كانت هى وولد من الولدين بيحبو بعض اللى هو
أسمه كى ,بعد ما أنضميت للفرقة بفترة الفرقة أتشهرت جدا و جلنا عرض كويس من شركة
ترفيه فى طوكيو وفى يوم كنت رايحة التدريب بدرى و كان كى هناك و أنا بظبط
الميكروفون جيه و مسك أيدي و قالى أنه بيحبنى فأنا ضربته بالقلم و قولتله أزاى
تقولى حاجة زى ديه و أنت بتحب سومى وبعدين سبته و مشيت و انا طلعه من الأستديو
كانت سومى واقفة عند الباب و سمعت كل حاجة
فجيت أقرب منها عشان أهديها راحت زقانى
و بعدت عنى و قالتلى أنى أنا السبب أنى اللى خليته يحبنى أنا مستحملتش الكلام ده و
مشيت و ده كان قبل العرض اللى الشركة هتقيمنا بيه بيومين بس أنا جيت فى يوم العرض
و ده كان اخر عرض لينا وبعد العرض بحوالى تلت أسابيع و كنا رفضنا عرض الشركة أنا
مهنش عليا العشرة مع صحبتي فرحتلها البيت عشان نحل الموضوع(و مروة كانت منهارة من
العياط فى الجزء ده) ده لما رحتلها كان باب الشقة مفتوح ولما دخلت لقيتها فى
الأوضة و كانت مسكة سكينة فى أيدها و أعده تعيط و أول لما شافتنى أبتسمتلى و
قالتلى أنا أسفة يا مروة أنا اللى غلطانة أنتى ملكيش ذنب رحت قايلالها كل حاجة
هتتصلح بس سيبي السكينة ديه قالتلى أوعى يا مروة تسلمى قلبك لحد لأنه فى الاخر
هيأذيكي
شيون فى سره:أيه النصيحة الهباب ديه؟
مروة:و ديه كانت أخر جملة تقولهالى و ماتت بين أيدي و أنا معرفتش أعمللها
حاجة
شيون:و أنتى سمعتى كلام صحبتك و مفكرتيش أن ممكن فى يوم يجي شخص بيحبك بجد
مروة طنشت شيون و راحت مكملة
مروة:و من قبل اللى حصل ده و كى كان بيطاردنى و أنا كنت ببعد عنه و بعد
اللى حصل أنا رجعت على مصر و كان لسة بردو بيسأل عليا و عايز يعرف مكانى و فى
الاخر رحت جيت على كوريا و متخيلتش أنه ممكن يلاقيني هنا
دونجهى:متخافيش يا مروة أحنا كلنا هنفضل معاكى و مش هنسيبك
مروة أبتسمت لدونجهى
مروة:شكرا دونجهى
و شيون راح باصص لمروة و دونجهى بنظرات غريبة
و بعد نص ساعه تقريبا الولاد قامو عشان يمشو و كل واحد واقف مع حبيبته
يهديها
ريووك و رنا:
ريووك حاتط ايده على وش رنا و بيقولها
ريووك:متخافيش مفيش حاجة هتحصل أحنا هنفضل معاكو
رنا هزت راسها أنها موافقة
ريووك:أنا هكلمك بكرة عشان نغير جو بعد اللى حصل ده باى
و باسها من خدها
توكى و نادين:
توكى واخد نادين فى حضنه و بيقولها
توكى:خلاص مش عايز عياط تانى ماشي؟
نادين:حاضر أوبا
توكى:أنا بكره هعدى عليكي عشان أطمن عليكي أوك؟
نادين:نيه أوبا
شيون و مروة:
شيون قاعد جنب مروة على الكنبه و باصص فى وشها و بيقولها
شيون:زى ما سمعتى كلام صحبتك أنا عايزك تسمعى كلامى و تفكرى فيه مش كل
الناس زى بعضها فى ناس بتحبك بجد زى أصحابك دول اللى واقفين جنبك و أنا بحبك بجد و
مش هسيبك و راح قايم و السوجو نازلين ندى واقفة مع دونى على الباب و دونى ماسك أيد
ندى
دونى:حاولى تهدى وتخففى عن مروة
ندى:ما هو ده اللى أنا هعمله
دونى:أوك باى هتوحشيني
ندى:أنيو
و راحو السوجو مروحين و البنات دخلو ينامو
ولما السوجو دخلو البيت لقيو كيو قاعد هناك
توكى:أنت كنت فين؟
كيو:كنت هنا
شيون:و بتعمل أيه هنا؟أنت مش عارف اللى حصل؟و سايب ريم لوحدها فى الظروف
ديه؟
كيو:أنا و ريم سيبنا بعض
السوجو بصدمة:نعم؟؟؟؟؟؟؟؟؟؟؟
توكى:ليه؟
كيو:انا مش عايز أتكلم دلوقتى
و راح قايم و داخل أوضته و قفل على نفسه
سونجمين:طب و أنا هنام فين دلوقتى؟
و راحو كل السوجو سايبينه و داخلين على أوضهم و هيتشول فضل معاه
هيتشول:معلش يا حبيب مامى نام بقى على الكنبة النهاردة
و راح توكى حدف لسونجمين بطنيه و مخده
و نام الجميع و حل الهدوء
و تانى يوم الصبح فى بيت البنات ندى صحيت على رنة تليفونها
ندى:ألو
دونى:صباح الخير يا حياتى
ندى:مين معايا؟
دونى:نعم؟؟؟انا حبيبك
ندى:أيه الأستظراف ده على الصبح,متتصلش هنا تانى
و لسه ندى هتقفل التليفون صوت دونى فوقها
دونى:ندى فوقى,انا دونجهى
ندى:أه دونجهى معلش كنت نايمة
دونى:وحشتيني
ندى:يعنى أنت مصحيني دلوقتى عشان تقولى وحشتيني؟
دونى:اه فيها حاجة ديه؟وحشتيني
راحت ندى مغيرة نبرة صوتها و أتكلمت بدلع
ندى:و أنت كمان وحشتني
دونى:بحبك
ندى:كنت عايز حاجة منى؟
راح دونى ضاحك بصوت واطى
دونى:كنت عايز أشوفك فاضية النهاردة عشان نخرج مع بعض
ندى:هو أنا مش ورايا حاجة بس مينفعش أسيب مروة لوحدها الفترة ديه
دونى:خلاص نبقى نخرج فى يوم تانى
ندى:أوك يلا عايز حاجة؟
دونى:أنتى ما بتصدقى؟عايزة تخلصي منى؟
ندى:مش حكاية كدة بس أشوف اللى ورايا بقى
دونى:طيب خلاص سماح المرادى عشان أول مرة
ندى:اوك يلا باى
دونى:باى
و قفلو التليفون و ندى خرجت لقيت ريم قاعده فى الصالة
ندى:أنتى ايه اللى مصحيكي بدرى كدة؟و كمان امبارح كنتى مختفية فين؟
ريم:مش مختفية نمت بدرى
ندى:هو أيه اللى حصل؟فى حاجة؟
ريم أعدت تعيط و راحت قايلة
ريم:كيو سابني
ندى:ليه؟أيه اللى حصل؟
ريم:أمبارح قالى انى أقوله انى بحبه و أنا حسيت أنى أضغط مرة واحدة و
معرفتش أتكلم فأتهمنى أنى مبحبهوش و سابنى
ندى:معلش أكيد كل حاجة هتتصلح,بدام أنتو الاتنين بتحبو بعض يبقى أكيد مش
هتفضلو كدة
ريم:معرفش
ندى:أنا عارفة,يلا بقى قومى أغسلي وشك و ساعديني فى تحضير الفطار
و قامو يحضرو الفطار و بعدين دخلو يصحو الباقى و أعدو يفطروا
رنا:على فكرة انا أمبارح شوفت حاجة كدة بس مش متأكدة
مروة:ايه؟
رنا:شوفت دونجهى ماسك أيد ندى و الاتنين كانو بيتوشوشوا كدة
راحت ندى مبتسمة و غطست فى طبقها
نادين:يبقى صح,أيه الموضوع بقى؟
ندى:ولا حاجة
مروة:ازاى ولا حاجة؟
ندى:بصراحة أنا معرفتش أخبي عليه أكتر من كدة و أمبارح قلتله أنى بحبه
نادين:طلعتى جامدة و أحنا مش عارفين
رنا:اااااه و عاملة فيها تقيلة
ندى:بس بقى خلاص(ال البت وش كسوف)
مروة:خلاص بقى متدايقوهاش(ربنا يخليكي يا نصفانى)
و أعدو البنات يضحكو
و بعد الفطار نزلو نادين و ريم و رنا على المدرسة و ندى و مروة فضلو فى
البيت
و فى دورم السوجو
توكى و دونى و شيون و كيو اعدين فى الصالة بعد الفطار و بيتكلمو
توكى:يعنى أنتوا هتفضلو كدة لغاية امتى؟
كيو:يعنى أعمل أيه؟
دونى:المفروض تكافح عشان حبك(ربنا يكملك بعقلك)
كيو:هى مبحبنيش,فخلاص
دونى:طب ما أنا كنت كدة و بالعكس كمان ندى عمرها ما بينتلى انها بتحبني و
دلوقتى اهوه
توكى:اهوه أيه؟هو أيه اللى حصل بالظبط؟
دونى:مفيش,أحنا الاتنين بنحب بعض هو ده اللى حصل
شيون:فجأة كدة طلعتو بتحبوا بعض؟
دونى:أهوه اللى حصل
توكى:طيب يبنى خلينا بقى فى مشكلة الواد ده
كيو:خلاص الموضوع خلص,أنا مش عايز أتكلم فيه تانى
و راح كيو قايم و خارج من الشقة
و توكى قام يكلم نادين و فضلو شيون و دونى قاعدين
شيون:أيون يا معلم بص بقى فهمنى بالراحه كدة ندى قالتلك ازاى أنها بتحبك؟
دونى:بص يا برنس(حسين أنكو قاعدين على قهوة و لا انا غلطانة؟)
و أعدو الاتنين يهلسو مع بعض
و فى بيت البنات
مروة و ندى بيشربو عصير فراولة و بيتكلمو
مروة:عملتى أيه فى البحث بتاعك؟خلصتيه؟
ندى:لأ لسة
مروة:و اتأخرتى ليه كدة؟
ندى:لسه فاضل شوية شغل بس متخافيش هخلصه بسرعه,اصلا دونجهى كمان عايزنى
أخلصه بسرعه
مروة:عشان أون وو(مع أبتسامة)(لئيمة يا مروة)
ندى:اه.معرفش هو مدايقه فى أيه يعنى؟
مروة:انتى عارفة و بتستعبطى
ندى:يمكن.اه صحيح أنا عايزة أسئلك على حاجة بس تجاوبيني بصراحة
مروة:أسئلى
ندى:أنتى بتحبي شيون؟
مروة:معرفش
ندى:يعنى أيه متعرفيش؟
و فى نفس الوقت فى المدرسة
ريم قاعده سرحانة و متدايقة و فى البريك قامت و مشيت لوحدها و فضلو رنا و
نادين قاعدين و تليفون نادين رن
نادين:ألو أوبا
توكى:ازيك؟
نادين:تمام, أيه أخبارك؟
توكى:كويس بدام أنتى كويسة
راحت نادين ضحكت ضحكة خفيفة(لأ طلعتى بتتكسفى)
توكى:أنتى فين دلوقتى؟
نادين:فى المدرسة بس عندنا بريك و ريم غريبة أوى النهاردة مش بتتكلم مع حد
خالص
توكى:أنتى معرفتيش ان هى و كيو سابو بعض؟(خبر الموسم)
نادين:أمتى ده؟
توكى:أمبارح,على العموم انا هعدى عليكي النهارده أشوفك شوية وهمشي على طول
نادين:ليه؟ رايح على فين؟
توكى:عندنا تمرين و مش لازم أتأخر
نادين:أوك أوبا .باى
توكى:باى
رنا:هو فى حاجة حصلت؟
نادين:ريم و كيو سابو بعض(أخبار الساعه)
رنا:أيه؟طب ليه؟
نادين:معرفش و اعتقد منكلمهاش فى الموضوع ده دلوقتى(لا عاقلة يا بت)
رنا:أوك(مطيييييييعه)
و فى بيت البنات
ندى و مروة لسه بيتكلمو
ندى:يعنى أيه متعرفيش؟
و فى نفس الوقت موبايل ندى رن
ندى:ألو(بعصبيه)
دونى:ليه المعاملة السيئة ديه؟
ندى:مش وقتك خالص,كان فى حاجة؟
دونى:هو فى حاجة حصلت؟
ندى:مفيش,بس لو مقفلتش دلوقتى هيحصل
دونى:ماشي يا روحى
ندى:باى
و راحت ندى قفلت السكة
دونى:و أنتى كمان هتوحشيني باى
و راح دونى قفل
دونى:شوفت بقى؟قولتلك
شيون:لأ بصراحة عجبتني
توكى:أنا نازل و هقبلكو فى التدريب متتأخروش
شيون:ديييييييييييه
و فى المدرسة عدى الوقت ببطء على البنات و أخيرا المدرسة خلصت
و لما البنات خرجو نادين راحت مع توكى و مشيو بالعربية و ريم و رنا و هم
مروحين ريم راح قايلة لرنا
ريم:روحى أنتى انا هتمشي شوية و بعدين هحصلك
رنا:متأكدة؟تحبي أجى معاكى؟
ريم:لأ أنا عايزة أتمشي لوحدى
رنا:أوك يلا باى
و روحت رنا على البيت و ريم فضلت تتمشي
و فى بيت البنات
ندى:ها؟ردى على سؤالى
و راح موبايل مروة رن
ندى:أيه اليوم اللى مش معدى ده؟
مروة:ألو
شيون:ألو مروة أزيك؟
مروة:تمام,تعرف؟أنت أول مرة تتكلم فى وقت مناسب
شيون:ليه؟
مروة:مفيش ندى كانت بتسألنى على حاجة و انا مكنتش عايزة أرد و أنت أنقذتنى
شيون:طب كويس أنى عملت حاجة مفيدة تخليكي ترضى عنى
مروة:انت كنت بتتصل ليه؟
شيون:كنت عايز أطمن عليكي أنتى كويسة؟
مروة:اه كويسة شكرا
و فى نفس الوقت رنا وصلت البيت و دخلت
ندى:أمال فين التانيين؟
رنا:نادين جيه أوباتها و خدها و ريم قالت أنها عايزة تتمشي لوحدها شوية
ندى:امممم ماشي
و عند ريم
أعدت تتمشي لغاية ما أعدت فى جنينة كدة و طلعت موبايلها و أعدت تبص فى
صورتها مع كيو و دموعها نزلت(انا حاسة أن المشاهد قلبت دراما فظيعه)
و فى نفس الوقت كيو قاعد يتمشي بالعربية بتاعته لغاية ما وقف أدام جنينة و
شاف ريم قاعده فيها و كان منظرها كئيب و راح قايل فى قرارة نفسه
كيو:هونت عليكي؟نسيتي كل اللحظات اللى كانت بينا(ست أمينة رزق)
و قعد يبص عليها
و فى بيت البنات مروة خلصت مكالمتها
ندى:كان عايز أيه؟
مروة:مفيش بيقول أنه كان عايز يطمن عليا و كان عايز يعزمنى على العشا بس
أنا رفضت
ندى:يوووه تصدقو نسيت خالص
مروة:نسيتي أيه؟
ندى:كلمت الواد بطريقة زفت ياعيني صعب عليا
مروة:ميصعبش عليكي غالى يا حبيبتي
و راحت ندى قايمة و مكلمة دونى
ندى:ألو
دونى:وليكي عين بعد اللى عملتيه؟
ندى:أنا أسفة,خلاص بقى و بعدين ما أنت اتكلمت فى وقت رخم بصراحة
دونى:ليه؟كنتى بتعملى ايه يا هانم؟
ندى:شوفت أنك ظالمنى؟انا كنت بتكلم مع مروة
دونى:اها طيب ماشي أنا هعديها المرادى بس (كل مرة المرادى)
ندى:قلبك كبير,يلا سلام بقى
دونى:انتى وراكى حاجة؟
ندى:لأ بس خلاص كلمتك و صالحتك فى حاجة تانى؟
دونى:لا مفيش خاااااااااااالص
ندى:طيب خلاص يلا باى
دونى:انتى هتستهبلي؟طب مفيش كدة بحبك وحشتني حاجة من الحجات اللطيفة ديه؟
ندى:لأ مفيش سلام بقى يا دونجهى
دونى:كمان دونجهى؟على فكرة أنا بقيت أوبا
ندى:شكلى هسيبك من قبل ما نبدأ حتى
دونى:لأ خلاص و على ايه سلام أحسن
و قفلو الاتنين مع بعض
و كيو لسة قاعد فى العربية و بيبص على ريم و ريم لسة قاعده و مكتئبة و راحت
بصة جنبيها لقيت كيو فى العربية راحت مسحت دموعها بسرعه و لسة بتبص عليه تانى لقته
مشي راحت مسكت نفسها من العياط و راحت واخده نفسها و رايحة على البيت
و عند نادين و توكى
توكى:عاملة أيه دلوقتى؟أخيرا بطلتى عياط؟
نادين:اه,أنت جيت ليه النهاردة؟مش المفروض أنك مشغول عشان التدريب؟
توكى:ما أنا هروح على طول على التدريب بس حبيت أشوفك شوية و كمان كنت عايز
أديكي حاجة
نادين:أيه؟
و فى بيت البنات
ريم دخلت و راحت قفلة الباب و داخلة على أوضتها غيرت هدومها و كانت نازلة
تانى
مروة:انتى رايحة على فين؟
ريم:خارجة مع واحد صاحبي
البنات:صاحبك.؟؟؟؟؟؟؟؟؟؟؟؟؟؟؟؟؟؟؟
ريم:اه زميلي معايا فى المدرسة و دلوقتى سلام بقى
و راحت خارجة على دخلة نادين
رنا:هى بتتكلم بجد؟
نادين:هو أيه اللى حصل؟
ندى:أنا أفتكرت أن كيو هيبقى الأخير يعنى لازم كانو يسيبوا بعض؟
نادين:الأخير؟؟؟؟
مروة:هو كان فى قبليه؟
رنا:اه تلاتة
نادين:تلاته؟أمتى؟وفين؟ريم لسة فى تالتة ثانوى
ندى:اه ما هى ديه المشكلة,الأولانى كان فى تالتة أعدادى و التانى و التالت
فى أولى ثانوى كان فى واحد هيبقى فى تانية ثانوي بس الحمدلله الوضع مظبطش(طلعتى
كارثة يا ريم)
مروة:تانى و تالت؟و أولى ثانوى؟
رنا:أه الموضوع ده كان صعب بس مش على ريم على الولاد يعيني
نادين:و أزاى ده؟
ندى:هى اللى كانت بتسيبهم ,كانت بتقضى معاهم وقت و بعدين تسيبهم
و مروة و نادين فى حالة أسبهلال
و بعدين موبايل رنا رن(أيه حكاية الموبايلات النهاردة؟)
رنا:ألو,أه سوان أزيك؟
و مروة سمعت الأسم و راحت داخلة على المطبخ
و رنا خلصت الموبايل و دخلت ورا مروة
رنا:بتقول أنها عايزة تشوفك ضرورى
مروة:و انا مش عايزة أشوف حد
رنا:فكرى فى الموضوع على العموم هى سابت رقم موبايلها و قالتلى أنها أجرت
شقة هنا فى سيول لما تكلميها هتقولك العنوان
مروة:انا مش هكلم حد
و راحت رنا خرجت برة المطبخ و راحو البنات وضبو السفرة و أعدوا يتغدوا و
بعدين أعدوا يذاكروا و ريم هانم لسة برة
و جيه معاد النوم و دخلوا كلهم يناموا ما عدا ندى
و أخيرا ريم جت
ندى:أنتى كنتى فين؟
ريم:قولتلك
ندى:أحنا مش هنخلص من الموضوع ده؟المفروض أن أحنا اتفقنا انه خلاص
ريم:أنا أول مرة حد يعمل فيا كدة,أنا بحبه بجد بس هو سابنى
ندى:طب و أنتى مقولتلهوش كدة ليه؟
ريم:أنا أول مرة حد يطلب منى كدة أنا عمرى ما قولت الكلمة ديه لحد عشان كدة
معرفتش
ندى:خلاص,أنا عارفة أن كل حاجة هتتصلح بس أنتى بردوا متبقيش كدة ماشي؟
ريم:هحاول,أنا داخلة أنام تصبحى على خير
و دخلوا البنات يناموا
و تانى يوم الصبح على زقزقة الطيور و صوت المنبهات و الزعيق و شد الشعور
ندى:قوموا بقى زهقتونى و قرفتونى فى عشتى
رنا:أهدى يا اونى ليحصللك حاجة
ندى:ما هو اللى يعيش معاكو لازم يحصللوا حاجة,أنا نازلة و مليش دعوه بحد
فيكوا سلام
و راحت ندى رايحة على الجامعة و الباقى قاموا من النوم زى الكتاكيت
القمامير و نزلوا على أقل من مهلهم
ندى راحت الجامعه بدرى و راحت على المكتبة و أعدت تدور فى الكتب عشان تخلص
موضوع البحث بتاعها و مروة راحت على السيكشن بتاعها و باقى البنات على المدرسة
و مروة و هى قاعده فى السيكشن جتلها رسالة راحت مروة فتحتها و بعد المحاضرة
راحت مروة كلمت ندى
مروة:ألو ندى
ندى:أيوة يا مى(أسم الدلع بتاع مروة)
مروة:أنا عندى مشوار بعد الجامعة و مش هروح على البيت أوك؟
ندى:رايحة فين؟
مروة:هبقى أكلمك بعدين و هقولك أنا لازم أقفل دلوقتى أوك؟
ندى:أوك,باى
.
.
..
يتبع
ليست هناك تعليقات:
إرسال تعليق