Chapter 17
و كان لسة شيون بيعدى الشارع بس كان فى عربية
جاية بسرعة و كانت هتخبطه
بس هو اتحرك سرعة و العربية خبطت رجله
و فى اللحظة اللى شيون وقع فيها مروة صوتت و جريت عليه
مروة:شيون أنت كويس؟!!
شيون:متخافيش..محصلليش حاجة..بسيطة
و هى بتحاول تسند شيون عشان تقومه بصت لقت العربية ركنت و نزل منها
واحد...حست بالخوف و استخبت ورا شيون و أعدت تشده من قميصه
مروة:خلينا نمشي من هنا
شيون:متخافيش
كي:بردوا مش هتسبيه؟!!
شيون:كلامك يبقى معايا أنا
كي:أنت نهايتك هتكون قريب لو مبعدتش عنها
شيون مسك كي من قميصه و ضربه
شيون:أنت اللى هتكون نهايتك قريب لو مبعدتش عننا...هى قالتلك أنها مش
عايزاك..خلاص سيبها
كي:أعتبر ده تحذيري الأخير
و سابهم و مشي
مروة:شيون خلينا نروح المستشفى عشان نتطمن عليك
شيون:لأ مش لازم...و بعدين لو أتعرفت هناك ممكن يحصل مشكلة
مروة:طب خلينا,,نطلع
شيون:طيب
و طلعوا ندى فتحتلهم
ندى:فى أيه؟؟أنتوا لحقتوا تروحوا و تيجوا؟!!
مروة:حاسبي من وشي
ندى:أيه اللى حصل..فى أيه شيون؟؟
شيون:مفيش حاجة
و دخلوا و قعدوا
مروة:لأ فى,,كي حاول يخبط شيون بالعربية
ندى:و أنت كويس؟؟حصللك حاجة؟!!
شيون:اه متخافوش
وبعد نص ساعة دونجهى جيه و أخد شيون
دونجهى:أنا هاخده على المستشفى عشان أطمن عليه
مروة:أستنى هاجى معاكوا
شيون:لأ خليكي
ونزلوا و سابوا البنات فى البيت
ندى:أنتى ناوية تعملى أيه؟!!أنا عارفة السكوت ده أخرته مبتبقاش حلوة
مروة:أنا لو فضلت معاه أكتر من كدة هأذيه(لاوالنبي؟؟؟)
ندى:نعم؟؟!!!يعنى هتسبيه؟
مروة:اه,,أول ما نخلص امتحانات هرجع على مصر..ولما اجى فى الترم التانى
هحاول مشفهوش
ندى:طب ما تحاولى تلاقى حل تانى..واجهى مشاكلك معاه(الله يا ست
العاقلين,,أدونى كمان)
مروة:مش هينفع
و فى نفس الوقت فى عربية شيون(بس دونى هو اللى سايق)
دونجهى:يعنى الولد ده هو اللى خبطك؟!!
شيون:اه
دونجهى:ماتبلغوا عنه
شيون:هو ده اللى كنت هعمله..أنا مش عايز مروة ترجع تخاف تانى
و راحوا الاتنين على المستشفى و كانت رجل شيون سليمة بس فيها شوية كدمات
مكان الخبطة و روحوا على البيت
و فى خلال الإسبوع ده كانت مروة بتتجنب مكلمات شيون......وندى بتكلم دونجهى
كل يوم بالليل قبل ما تنام.....و نادين لسة مقاطعة توكى.......و ريم و كيونا
بيستفزوا بعض و بقوا يخرجوا مع بعض على انهم اصحاب مش أكتر(بس على ميييين؟)......و
رنا و ريووك طبعا صايعين و مش لاقيين اللى يلمهم و ريووك بدأ يعلم رنا الطبخ فى
بيت البنات(ربنا يستر)
و أخيرا ندى و مروة خلصوا امتحانات و فاضل يومين على معاد السفر و ندى و
ريم و رنا و مروة بيحضروا شنطهم تليفون ندى رنا
ندى:أوبا أزيك؟..أنا تمام......بكرة؟!!..أوكى بعتقدش هيبقى عندهم مانع..see
ya baby
مروة:هى بقت بيبي؟؟
ندى:اه :P
مروة:و كان فى أيه بقى عشان تقوليله معتقدش هيبقى عندهم مانع؟!!
ندى:قالى إن هم عايزين يخرجوا معانا بكرة بما أنه فاضل يومين و نسافر
مروة:اممم..طيب خروجة ممتعة
ندى:لأ يا حبي ما أنتى هتيجي معانا...و مش عايزة أسمع كلمة
و خلصوا توضيب الشنط(مع انه فاضل يومين لسة..بس هتعرفوا ليه كمان
شوية)واليوم خلص و محصلتش حاجة جديدة
و فى اليوم اللى بعده
البنات صحيوا الصبح و نزلوا لقيوا السوجو كلهم جايين
ندى:هاى أزيكوا؟!!
دونجهى:تمام,,أنتوا عاملين أيه؟؟
ندى:كويسين
و ركبوا العربيات
و كان دونجهى و ندى و ايونهيوك فى عربية...شيون و مروة فى عربية....ريم و
كيو و نادين و توكى فى عربيه(ربنا يستر)...رنا و ريووك و هيتشول فى عربية...و
سونجمين و ييسونج و شيندونج كان عندهم شغل و مجوش
و بعد ما ركبوا كلهم
فى عربية دونى
أيونهيوك:أزيك يا نودى؟؟يااااه عدت مدة من أخر مرة شوفنا بعض فيها
ندى:اها فعلا...أنت عامل أيه؟!!أوبا لسة بيتعبك؟!!
أيونهيوك:أنتى بتشوفيش كان بيعمل فينا أيه فى الأيام اللى فاتت..بما أنه
طبعا مكنش بيشوفك و بيكلمك بالليل بس
و دونجهى على أخره
فى عربية توكى
الجو صحراااااااااااااااااا
كيو:احم..أزيك يا ريم؟!!عملتى أيه فى اليومين اللى فاتوا؟!!
ريم:ولا حاجة..مستنية معاد السفر
كيو:اها..يعنى مكنتيش بتعملى حاجة؟!!
ريم:بتفرج على التليفزيون و بقعد على النت كدة يعنى
كيو:امممممم
وبعدين صحرااااااااااااااا تانى
فى عربية ريووك
كانت الأوضاع هادية
وفى عربية شيون
شيون:أنتى مكنتيش بتردى على مكلماتى ليه الأيام اللى فاتت؟!!
مروة:ما انت عارف عشان الامتحانات و بعديه موضوع السفر
شيون:صحيح فكرتيني..أيه حكاية السفر ديه كمان؟!!أنتى مكنتيش هتسافرى
الاجازة ديه,,و كمان ما أحنا كنا بنتكلم كل يوم أشمعنا الامتحانات دلوقتى؟؟
و مروة مردتش
شيون:أنتى بقيتي تعامليني كدة ليه تانى؟!!
مروة:خلاص شيون...بيانيه
و أخيرا وصلوا على المكان اللى هم رايحينه
و بعد ما نزلوا
ندى:أيه ده؟!!أنتوا جايبنا هنا ليه؟؟
ريووك:أعدنا نفكر أيه أكتر حاجة ممكن تسيب أثر قبل ما تسافروا و لقينا ا
نديه أحسن حاجة
ندى:اه هتسيب أثر فى أن واحدة فينا هتموت هنا قبل ما نسافر
هيتشول:ندى شي..أنتى بتخافى؟؟
ريم:بجد كان نفسي أجرب قفزة بنجى ديه
رنا:أوبا...أنا خايفة
ريووك:متخافيش يا روحى ما أنا معاكى أهوه
ليتيوك:طب يلا نطلع
و ندى فضلت واقفة مكانها
دونجهى مسك أيدها:يلا
ندى:لأ أنا مش هطلع معاكوا
دونجهى:أنتى بتخافى بجد؟؟متخافيش أنا هفضل معاكى
ندى و الدموع فى عنيها:لأ مليش دعوة...مش هطلع يعنى مش هطلع
دونجهى:خلاص خلاص..أنا هفضل معاكى هنا
شيون بصلهم:يلا مش هتيجوا؟؟
دونجهى:لأ أنا هفضل هنا مع ندى
و وقفوا يشفوهم هيعملوا أيه
و الباقى طلعوا
و بعد ما وصلوا الأشخاص المسئولين وروهم المفروض يعملوا أيه
و أول أتنين كانوا عايزين يعملوها ريم و كيو
و قفوا أدام بعض و ربطوهم و ريم حضنت كيو جاااااااامد و أخيرا جيه معاد
النطة
و أول ما عدوا لتلاتة نطوا(مفيش دم خاااااااالص ولا خوف ولا أى حاجة)
و هم بينطوا ريم و كيو أعدوا يصوتوا
و بعد ما نزلوا
كيو:على فكرة أنا جالى صمم
ريم:مع أنه مش باين عليك..واضح أنك لسة بتسمع أهوه
و اللى بعدهم كان هيتشول و أيونهيوك
المدرب:هتنطوا مع بعض؟؟
أيونهيوك و هيتشول:يعععععععع..لأ طبعا
أيونهيوك:أنا هنط الاول
و بعد ربع ساعة
ليتيوك:أخلص بقى..مش أعدت تقول أنا هنط الأول و بتاع..يلا نط
أيونهيوك:بس المكان عالى أوى
شيون:يا تنط دلوقتى يا تنزل
و أخيرا أيونهيوك نط
و نزل وهو مش عارف يحط رجله على الارض(يا عيني يا أنشوفة)
ريووك:يلا هيونج
هيتشول:ها؟؟لأ نط أنت الأول
ريووك:لأ أنت الاول
ليتيوك:خلاص أحنا هنط الأول
و راح توكى مسك نادين من أيديها و كان الدور عليهم
نادين حضنت توكى جامد و همست بصوت واطى:أنا خايفة
ليتيوك:متخافيش..أمسكيني جامد
و نطوا..وكان فاضل شيون و مروة و ريووك و رنا و هيتشول
شيون:يلا دورك هيونج
و بعد عشر دقايق كان هيتشول نط
و جيه دور ريووك و رنا
ريووك:يلا..جاهزة
رنا:اامممم
و هم بينطوا ريووك صرخ:رنااااااااااااا سارانييييييييييييييه.....و رنا
كانت بتصوت
و أخيرا كان دور شيون و مروة
شيون:خايفة؟؟
مروة:لأ
شيون:أنتى مش طبيعية بجد
مروة:هههههه..طب يلا
و أخيرا نطوا وكانوا أخر أتنين
و بعد ما نزلوا راحوا للباقى وكانوا واقفين مع بعض و بيتكلموا
ريم:بجد فاتتكوا...ديه توحفة يا ندى
ندى:ماشي كويس أنها عجبتكوا...مش هنمشي بقى؟؟
دونجهى:اه يلا خلونا نروح نتغدا
هيتشول:أنا عندي مشوار لازم أروحه...روحوا أنتوا
ليتيوك:ماشي..زى ماتحب,,أنيوووو
هيتشول:أنيوو
و أخد تاكسي و مشي
و الباقى راحوا على المطعم عشان يتغدوا
شيون:يعنى انتواه تسافروا بعد بكرة؟!!
مروة:أه
دونجهى:و هترجعوا أمتى؟؟
ريم:بعدها بأسبوعين
ريووك:و هتعملوا أيه بكرة؟؟
رنا:مفيش..أحنا خلصنا توضيب الشنط
ريووك بيوشوش رنا:أنا بكرة عمللك مفجأة
أيونهيوك:هو أنا ليه حاسس أنى عزول كدة وسطيكوا؟!!أنا أيه اللى جابنى؟؟
ليتيوك:قول لنفسك
دونجهى:أنا هفكرك..أنت جيت عشان كنت عايز تجرب قفزة بنجى و كمان عشان ريووك
مش هيطبخ
أيونهيوك:اه صحيح
و أعدوا يتغدوا و يضحكوا و يتكلموا وبعد ما خلصوا وصلوا البنات على البيت و
مشيوا
و بالليل كان فى محادثات سرية فى كل أوضة من أوض البنات
رنا:يعنى هتيجي تخدنى الصبح؟؟
ريووك:اه,,أبقى جاهزة الساعة 10 بالظبط
رنا:دييييييه..أنيوو أوبا
ريووك:أنيو
...............
شيون:خلينا نقضي بكرة مع بعض؟؟
مروة:ماشى..هنتقابل فين؟؟
شيون:فى الكافيه القريب من بيتكوا..عرفاه؟؟
مروة:اه عرفته,,خلاص هكون هناك
....................
ريم:حلوة الفكرة ديه أوى
كيو:مش كدة بردوا؟؟بس يا رب متولعش فينا
ريم:هيهيهيهيهي..لا متخفش مش هتلحق(ربنا يستر من الحوار ده)
......................
ندى:أيوة يعنى هنعمل ايه بكرة؟؟
دونجهى:أنا عرفت من مصادرى أنهم كلهم خارجين بكرة
ندى:اااه يا كلاب..من غير ما يقولولى؟طب و بعدين؟؟
دونجهى:هعدى عليكي بكرة فى البيت و نتفق هنعمل أيه..موافقة؟؟
ندى:ماشي...أنيو أوبا
...................
و اليوم خلص على كدة و دخلوا يناموا
و الصبح فى دورم السوجو
ليتيوك:عملت اللى قلتلك عليه؟؟
كيو:اه متخفش..أنت بس أجهز و يلا بينا
و فى أوضة دونجهى
أيونهيوك:حلوة الفكرة ديه..طلعت رومانسي و أحنا مش عارفين
دونجهى:طبعا أمال فاكر ايه؟؟هم الباقى فين؟؟
أيونهيوك:شيون و ريووك نزلوا من شوية..و ليتيوك و كيو شكلهم بيخططوا لحاجة
و كانوا نازلين بردوا..و الباقى برا
دونجهى:أراسووو أنا ماشي يلا أنيوو
ايونهيوك:أنيووو..أبقى سلملى على نودى
دونجهى زى ما يكون أفتكر و رجع لأيونهيوك و مسكه من قميصه
دونجهى:أنتوا مش هتبطلوا الحركات ديه؟؟
أيونهيوك:و أحنا عملنا أيه؟؟بسأل عن صحبتى فيها حاجة؟؟
دونجهى:ياااااااااا...حسابك معايا بعدين
و سابوا و نزل
فى بيت البنات كلهم بيجهزوا ما عدا ندى لسة نايمة و نادين بتتفرج على
التليفزيون و ريم أعدت جنبيها
ريم:ماتيجي نخرج أحنا كمان
نادين:نخرج نروح فين؟؟
ريم:أى حتة..ماالحال من بعضه يا أختى,خلينا نخرج نرفه عن نفسيتنا
نادين:طيب يلا
و قاموا هم كمان يلبسوا
و بعد خمس دقايق كان ريووك جيه و أخد رنا
و مروة نزلت تقابل شيون و ريم و نادين لبسوا و نزلوا يصيعوا فى الشوارع
و ندى لسة نايمة(ربنا يفوقك يا ماما من الغيبوبة اللى انتى فيها ديه)
كان شيون و مروة قاعدين فى الكافيه و بيشربوا نسكافيه(تصدقوا لايقة؟؟)
مروة:هنعمل أيه النهاردة بقى؟؟
شيون:أنا معملتش خطة محددة..بس اللى فكرت فيه نروح السوق ونتمشي و احنا
ماسكين أيد بعض و نشترى حجات,و أخدك أغديكي فى مطعم حلو و...
مروة بابتسامة:خلاص..هعرف الباقى وقتها...ماشي^^؟؟
شيون:ماشي..يلا نبدا يومنا؟؟
مروة:يلا
و خرجوا من الكافيه
وعند ريم ونادين
هم الاتنين كانوا بيتمشوا فى الشارع
ريم:ما تيجي نقعد فى حتة؟؟
نادين:طيب تعالى ندخل المطعم ده شكلوا لطيف..و كمان إنا مفطرتش
ريم:طيب يلا
و دخلوا و أعدوا...وقبل ما يطلبوا جم اتنين و سحبوا الكراسي و أعدوا معاهم
كيو:أزيكوا؟؟
ريم:كويسين الحمدلله...أزيك ليتيوك؟!!
ليتيوك:أنا تمام
نادين:هقتلك
ريم:ها؟بتقولى حاجة؟؟
نادين:لأ أبدا كنت بكح
ريم:اه بحسب
كيو:أنتوا هنا بتعملوا أيه؟؟
ريم:نادين هى اللى جابتنا..صح؟؟
و نادين قلبة خلقتها و مبتردش
كيو:طيب يلا يا ريم عشان نلحق يومنا
و شد ريم و مشيوا جرى قبل ما نادين تمسك فى زمارة رقبتهم
ليتيوك:عاملة أيه؟؟
نادين:تمام..وأنت أيه أخبارك؟؟و أيه أخبار تيون؟
ليتيوك:أحنا مش هنخلص من الموضوع ده؟!!قولتلك أن مفيش حاجة بينا
نسيب دول فى أعدتهم و نشوف اللى جريوا
ريم:ههههه تفتكر هتعمل فينا أيه؟؟
كيو:أدعى أنها تتصالح مع هيونج عشان متموتيش
ريم:و أنا هموت لوحدى؟؟لأ طبعا لازم تموت معايا
كيو:لأ وأنا مالى؟!!و هى صحبتك ولا صحبتي؟؟
و نسيب دول فى خناقهم و نروح
للثنائى المرح
رنا:هنروح فين بقى؟؟
ريووك:مش قولتلك مفاجأة؟؟هتعرفى و احنا ماشيين
و بعد ما مشيوا شوية وقفوا عند مطعم(أيه حكاية المطاعم دلوقتى؟؟)
ريووك:أول محطة فى رحلتنا..أنتى أكيد مفطرتيش صح؟(وعرفتها لوحدك؟)
رنا:اه
و دخلوا هم الاتنين يفطروا
و فى بيت البنات بقى
ندى لسة نايمة و مش حاسة بالدنيا و دونجهى كان وصل و أعد يخبط على الباب
ولااااااااااااا حد عبره فكلم شيون
دونجهى:أنت مع مروة صح؟؟
شيون:اه
دونجهى:طب أديهانى أكلمها
مروة:ألو دونجهى
دونجهى:هى ندى مش فى البيت؟؟
مروة:لأ فى البيت بس ممكن تبقى لسة نايمة..بص هتلاقى المفتاح تحت المشاية
اللى أدام الباب ..أوك؟؟أنيوووووو
دونجهى أخد المفتاح و دخل
فتح باب أوضة ندى لقاها نايمة و حضنة المخدة..فقعد على طرف السرير و أعد
يلعبلها فى شعرها
دونجهى:ندي...نادوووو..يلا قومى يا روحى
ندى و طبعا لسة نايمة:لا بقى..سبونى شوية
دونجهى:يلا بقى قومى عشان نلحق يومنا من أوله
ندى:أيه بقى؟؟؟؟
و فتحت عنيها شوية
ندى:أنت بتعمل أيه هنا؟؟دخلت أوضتى أزاى؟!!
دونجهى:كنتى نايمة و أعدت أخبط ساعة على الباب و فى الاخر مروة قالتلى ان
المفتاح تحت المشاية فدخلت
و أعد يلعبلها فى شعرها و ينعكشه
دونجهى:شكلك حلو و أنتى نايمة
ندى:و أنت صحتنى من أحلى نومة
دونجهى:خلاص تحبي تحضنيني بدل المخدة ديه و تكملى نوم؟؟أنا معنديش مانع
ندى و هى بتقوم من على السرير:أنا عندي
و قامت دخلت الحمام غسلت وشها و سنانها و خرجت لقته قاعد على الكنبة و ماسك
موبايلها
ندى:أنت بتعمل أيه بموبايلى؟؟
دونجهى:بتفرج..هو أنا ليه مش رقم واحد فى الاتصال السريع؟؟
ندى و هى بتاخد منه الموبايل:ماما هى رقم واحد
دونجهى:واضح انك قريبة أوى من مامتك
ندى:اه ماما تعرف عنى كل حاجة
دونجهى:وكانت تعرف عن عمر؟؟
ندى:و تعرف عنك دلوقتى..و متجبش سيرته تانى هو دلوقتى ولا حاجة بالنسبالى
انت دلوقتى كل حاجة
و باسته على خده و قامت راحت المطبخ
...
........يتبع........
تفتكروا أيه اللى هيحصل فى الشابتر اللى جاى؟؟
و كل اتنين هيقضوا يومهم ازاى؟؟
ويا ترى توكى و نادين هيتصالحوا؟؟
و ريم و كيو هيعملوا ايه؟؟
قولولى رأيكوا و نقدكوا و محدش يقولى الشابتر صغير أحسنله
أحم....أنتظرونا فى الشابتر القادم
ليست هناك تعليقات:
إرسال تعليق