chapter 9(part 2)^^
كنت حاسس إن الغيرة هتقتلنى...بس ومع ذلك مروحتش معاهم عشان ندى متحسش أنى متعلق بيها...بس ليه يعنى؟؟؟ليه دونجهى؟!!
كنت عايز أتعشى معاها زى أمبارح...ولما قالت إنها هتعمل العشا معرفش ليه
عملت معاها كدة!!
وهى كمان عملت كدة ليه؟؟؟
يعنى أتعشت برا و هتعمللى العشا و تاكل معايا؟؟؟ليه؟!!
حاسس ان مشاعرى بقت متلخبطة..حبى لندى و غيرتى عليها من أى حد خصوصا دونجهى لما بشوفهم قريبين من بعض..وبنفس الوقت عصبيتى عليها.
...ااااااااااششش هتجنن....رميت نفسى على السرير و حطيت أيدى على عينى
....
وفى الوقت ده لقيت باب أوضتى بيخبط...
رديت بعصبية:"مين؟!!"
الباب أتفتح شوية ولقيت ندى بتبصلى:"ممكن أدخل؟!!"
قومت أعدت و رديت:"أدخلى"
وقفت أدامى و بصتلى...مش عارف أوصف نظراتها أزاى..حزن..تردد.. تساؤل.....
ندى بصوت هادى:"أنا ضايقتك فى حاجة؟!!"
أستغربت أوى من سؤالها...مجاش فى بالى أبدا إن ندى ممكن تقلق لو كنت
أنا مضايق منها أو لأ....
"ليه بتقولى كدة؟!!"
قعدت جنبى وبصتلى:"عشان أتعصبت و كان شكلك مضايق"
رديت عليها بصوت عالى:"أنتوا أتعشيتوا برا...ليه قولتى أنك هتعملى العشا
و تتعشى معايا بدام أكلتى برا؟؟"
معرفش أيه اللى خلانى أقول كدة...بس أنا كنت مضايق و كنت حاسس أنى
بقول كلام أنا نفسى مش فاهمه...
ندى:"أنا فعلا كنت جعانة و مأكلتش كويس-حطت أيده على أيدى وإبتسمت- خلينا نتعشى مع بعض ماشى؟؟أنا هعمل العشا
خرجت من الأوضة و سابتنى قاعد و أنا مش عارف حاسس بأيه..فرحان.. متفاجئ..ومش مستوعب اللى حصل دلوقتى...
كنت حاسس بنبضات قلبى العالية..قلبى كأنه هيخرج من مكانه...
ليه بتعمل معايا كدة؟؟عمرها ما كانت مهتمة بيا بالطريقة ديه....
يا ترى...؟؟بتحبنى؟؟؟
خرجت من الأوضة و قعدت على الكرسى اللى قدامها...كنت براقبها و هى
بتعمل الأكل...كل حركة بتعملها....
ندى:"خلصت...يلا ناكل"
قعدنا ناكل مع بعض..كان زى كل مرة الأكل حلو أوى...
وبعد ما أكلنا و شيلنا الأطباق دخلت أوضتها عشان تنام...كان نفسى أمسكها
من أيدها و أقولها أنى بحبها...ولكن فى النهاية معتقدش ان ده الوقت المناسب..
...وفى الأخر دخلت أوضتى و نمت...................
*********************************
صحيت بدرى و رحت على الشركة...كان كل اللى بفكر فيه"لازم أكون أنا الموديل اللى هيختاروه..ديه فرصة مهمة بالنسبالى"
وصلت على الشركة و هناك قابلت المدير جونج...أتكلمنا و فهمت المفروض
أعمل أيه....
روحت على المكان اللى هيتعمل فيه الTest و هناك لقيت أكتر من 10 متدربين زيي...ياترى هيكون ليا فرصة وسط العدد ده؟؟؟
عدت الساعة و الساعتين و أخيرا جيه معاد النتيجة.....
المدير جونج:"أنتوا عملتوا اللى عليكوا...وكنتوا كلكوا ممتازين حتى إن
الإختيار كان صعب..ودلوقت هعلن عن إسم الشخص اللى أختارناه عشان يكون موديل...وهو....جين هو"
طبعا حسيت بضيق شديد...بس أكيد هتكون فى فرصة تانية..وفى الوقت ده المدير جونج كمل كلامه...
المدير جونج:"بس المرادى إحنا عملنا إستثناء...عشان كان فى شخص تانى يستحق أنه يفوز...وهو..لى دونجهى"
اللى أنا سمعته ده حقيقى؟؟؟أختارونى أنا كمان؟؟؟
روحت أنا و جين هو مكتب المدير جونج....
المدير جونج:"تشوكاهيه..أنتوا كنتوا تستحقوا الفرصة ديه..أعملوا حسابكوا أنكوا هتبدأوا الشغل من بكرا"
أنا و جين هو:"ديييييييييه"
الباب خبط و دخلت بنت مأخدتش بالى منها....
المدير جونج:"عايز أعرفكوا على الموديل اللى هتكون معاكوا...ديما شى"
بصيت بإستغراب ناحية ديما..بجد صدفة حلوة إن الشغل يجمعنا...
المدير جونج:"أعتقد هيكون من الأفضل ليكوا أنكوا تقضوا وقت مع بعض...
عشان تتعرفوا على بعض و الشغل يكون مريح بالنسبالكوا......
نزلنا أنا و ديما و جين هى قعدنا فى كافيتريا الشركة و قعدنا نتكلم شوية....
كنت براقب ملامحها...لما تبتسم و لما تضحك و لما تتكلم بجد فى الشغل.....
رجعت البيت بعد التدريب مكنش فى حاجة جديدة فى اليوم...ندى و شيون كان
وا هناك...قعدت معاهم شوية و دخلت نمت
******************************
كان يوم حلو...كويس إننا هنشتغل مع بعض...أعتقد إننا ممكن نتقرب من بعض أكتر بعد الشغل ده...أمبارح كمان لما خرج معايا أنا و ندى...أكيد فهمت المخطط اللى ندى عملته...عارفة أنها عملت كدة عشان تقربنا من بعض و تخلينى أتقرب منه...بس مع أنى عايزة الموضوع ده إلا أنه صعب بالنسبالى..مم
كن لو بعدت عنه دلوقتى يكون أحسن...أنا دلوقتى معجبة بيه بس مبحبوش و ممكن أنساه بسرعة...لكن لو حبيته؟؟
مش عارفة أعمل أيه فى نفسى!!أسيب نفسى أحبه؟؟؟
ممكن أكتر حاجة صح أعملها دلوقتى إنى أتقرب منه كصديق و أخلى الباقى
للزمن....
كان الشغل كتير النهاردة...بعد ما قعدت مع دونجهى و جين هو روحت على ا
لجامعة و قابلت السيزانيم عشان البحث اللى بعمله...
ولما خلصت و أنا خارجة من الجامعة لقيت سولى و لارا قدامى...
سولى:"ديما الخاينة..مبقناش نشوفك إلا بالصدفة"
"معلش يا بنات..أنا عارفة أنى مقصرة فى حقكوا بيانيه"
لارا:"خلاص يبقى أنسب حاجة تعمليها عشان تكفرى عن خطأك هى أنك تعزم
ينا على حاجة نشربها و نقعد مع بعض شوية"
رديت بإبتسامة:"بس كدة؟؟أنتوا تؤمروا"
روحنا قعدنا فى كافيه و شربنا عصير و قعدنا نتكلم شوية...وبعد ما الليل حل
كل واحدة فينا راحت على بيتها...وفورا أول ما حطيت راسى على المخدة رو
حت فى نوم عمييييييييييق"
******************************
كان يوم عادى و ممل....من الجامعة للشركة للبيت مفيش حاجة جديدة...بس
كنت كل اللى بفكر فيه أيه اللى خلانى أعمل معاه كدة أمبارح؟؟
يعنى أنا ممكن مهتمش بيه للدرجادى...وبعدين يتعصب عليا ليه أصلا و أنا م
عملتش حاجة....بس أضايقت لما حسيت أنه مضايق منى....وده اللى خلانى أ
عمل كدة...يا ترى شيون أيه بالنسبالى؟؟؟
هو ده الحب؟!!أنا مجربتهوش قبل كدة بس...
معرفش...يمكن مش حب....
أول ما الدنيا ليلت دخلت أنام...كأنى كنت مستنية الدنيا تضلم عشان أنام...كن
ت عايزة بكرة يجى بسرعة...بكرة هنزل أشترى الفستان للحفلة...أنا و شيون
^^
صحيت الصبح بدرى لبست و قعدت أفطر معاهم...
شيون:"النهاردة هنروح نجيب الفستان صح؟!!"
رديت:"أه كويس أنك فاكر..أنت هتكون السواق بتاعى زى ما أتفقنا صح؟؟^^
"
دونجهى:"أنتوا بتتكلموا عن أيه؟!!"
"أصل شيون كان طلب منى حاجة عشان أعملهالوه...وفى المقابل هو هيكون
السواق بتاعى لمدة يوم"
دونجهى:"أهاااااااا...كدة فهمت"
شيون:"طيب يلا مش هنمشى بقى؟!!"
"أراسووو...أنا جاهزة"
نزلنا و ركبنا عربيته..وصلنى على الجامعة...
شيون:"هتخلصى أمتى؟!!"
رديت:"على الساعة 2 كدة"
شيون:"أراسوو...هكون هنا الساعة 2 بالظبط...أنا هروح الشركة عشان عندى
شغل هناك"
"دييييييييه...هستناك...أنيوووو"
نزلت من العربية و روحت على محضراتى و بعد ما خلصت قعدت أستناه....
..
وعلى الساعة 2 جت عربية سودا و وقفت أدامى و نزل منها شخص....
الشخص:"حضرتك أنسة ندى صح؟!!"
رديت بقلق:"مين حضرتك؟؟"
الشخص:أنا المدير بارك...السيد شيون بعتنى لحضرتك عشان هو مش هيقدر
يجى بسبب الشغل..أتفضلى أنا هوصلك للمكان اللى أنتى عايزاه"
حسيت بأنى عايزة أزعق بأعلى صوتى و أتعصبت جدا من الحركة ديه...هو
فاكر أنى قولتله يكون السواق بتاعى لمدة يوم عشان أنا مش لاقية حد يودينى؟
؟؟أحنا كان بيننا أتفاق...
بصيت للمدير بارك:"شكرا جدا و أسفة أنى تعبتك...بس تقدر تقول لشيون أنه
أخل بالأتفاق اللى كان بيننا و مكنش فى داعى يبعت حضرتك"
مشيت خطوتين وبعدين سمعت صوت المدير بارك من ورايا..
المدير بارك:"ندى شى؟؟معلش لحظة...شيون شى عايز يتكلم مع حضرتك"
رجعت تانى و أخدت منه الموبايل....
شيون:"ندى أنا أسف بجد...أنا مكنش قصدى أنى موفيش بوعدى بس جالى ش
غل مهم مرة واحدة"
رديت:"ومكلمتنيش عشان تقولى ليه؟؟"
شيون:"تشووومال بيانيه..روحى مع المدير بارك..هو هيوصلك للمحل و أنا ه
حصلك على هناك...أراسووو؟؟"
"أراسوووو...أنيووو"
معرفش ليه سامحته بالسرعة ديه...يمكن فعلا عنده شغل مهم و ده اللى خلاه م
يجيش.....ركبت مع المدير بارك و وصلنا عند محل شكله شيك جدا...نزل هو
الاول...
المدير بارك:"خليكى هنا لحظة واحدة"
دخل المحل و بعدين رجع تانى و فتحلى الباب....
دخلت المحل..كانوا العاملين هناك قمة فى الزوق..قابلتنى مديرة المحل شخ
صيا....
مديرة المحل:"أهلا ندى شى شرفتينا...بتمنى تلاقى اللى بتدورى عليه عندنا....أتفضلى معايا"
مشيت معاها لغاية ما وصلنا أوضة خاصة و قعدت فيها....
مديرة المحل:"حضرتك تحبى تشوفى الفساتين دلوقتى؟؟"
رديت بإبتسامة:"أنا مستنية شخص هستناه فى الأول لما يجى"
مديرة المحل:"طب حضرتك تحبى تشربى حاجة و أنتى بتتفرجى على الكتالو
جات لغاية ما الشخص اللى أنتى مستنياه يجى؟؟"
"ممكن عصير لو سمحتى"
مديرة المحل:"حالا"
أستنيت شوية لغاية ما شيون وصل....
**********************************
كنت عايز أنا اللى أوصلها و أنفذ الأتفاق بتاعنا بس للأسف الشغل اللى بيطلع
من اللا مكان ده.........
طلبت من المدير بارك هو اللى يوصلها...وأنا حصلتها على المحل...دخلت و
سألت الأنسة اللى فى الإستقبال عن مكان ندى و وصلتنى لعندها...سمعت ال
بنات اللى بيشتغلوا هناك و هم بيتكلموا...
البنات:"ده خطيبها؟؟؟
واااااه...بجد وسيم جدااا,,وهى كمان بنت حلوة أوى و لطيفة"
أبتسمت بسبب كلامهم...دخلت الاوضة اللى ندى فيها...كانت قاعدة على كنبة
و فى أديها الكتالوج بتتفرج على الفساتين...قعدت جنبها على الكنبة و حطيت
أيدى وراها على ضهر الكنبة...أعتقد إن الكلام اللى سمعته عجبنى و فكرة أن
ى خطيبها عجبتنى فبدأت فى التصرف كأنى خطيبها فعلا....
ندى:"أخيرا وصلت؟؟أنا مستنياك من بدرى"
أخدت العصير بتاعها و شربت منه...وبصتلها بإبتسامة..
"بيانيه...بجد الشغل طلع مرة واحدة و معرفتش أعمل فيه أيه"
ندى:"أراسوووو"
عجبنى إنها معترضتش على أى حاجة من اللى عملتها...
جت بنت من اللى بيشتغلوا هناك....
البنت:"تحبى تبدأى تجربى الفساتين دلوقتى؟!!"
ندى:"أوووه...أراسوووو"
"خلينا نبدأ بالأسود"
دخلت مع البنت أوضة الملابس و جربت أول فستان...
ندى:"أيه رأيك؟؟؟"
رديت بتردد:"هو حلو...بس مش شايفة أنه قصير شوية؟!!"
دخلت عشان تجرب واحد تانى....
ندى:"وده؟؟؟حلو؟!!"
"لأ معجبنيش..محبش النوع ده..وكمان مفتوح أوى"
دخلت عشان تجرب واحد تانى...نديت البنت اللى معاها...
"لو سمحتى..ممكن تشوفيلها فستان..ميكونش من النوع الضيق و مش مفتوح
أوى"
البنت:"تحت أمرك يا فندم"
غيرت عليها..معجبنيش إنها تلبس النوع ده فى الحفلة...خصوصا و أنه هيكو
ن فى ناس كتير هناك....
خرجت بالفستان التالت...
"ده حلو أوى"
ندى:"عجبك؟!!"
"اه جدااا..أنتى أيه رأيك فيه؟!!"
ندى بإبتسامة:"أنا كمان عجبنى"
"خلاص هناخد ده"
حطوا الفستان فى علبة شيك و دفعت و ندى بتلبس..وخرجت من المحل و أس
تنتها برا...
وبعد شوية ندى خرجت.....
ندى:"أنت دفعت ليه؟؟؟"
"أنا كنت عايز أجيبهولك كهدية شكر ليكى لإنك ساعدتينى"
ندى:"بس أحنا متفقناش على كدة..أحنا أتفقنا أنك هتوصلنى و بس"
"خلاص لو عايزة تعوضينى أعزمينى على الغدا فى مطعم شيك"
كان شكلها مش مقتنعة بكلامى...ركبنا العربية و روحنا مطعم شيك و غالى...
وأتغدينا مع بعض...قعدنا نتكلم شوية عن الشغل و الحفلة و يونا.......
ندى:"بس أنا شايفة إن أنت و يونا قريبين من بعض"
"اممم...ممكن..بس هى بالنسبالى مش أكتر من أخت زى ما قولتلك قبل كدة"
ندى:"أها...بتمنى موضوع الإعلان ده يخلص بسرعة و على خير...أحنا هنبدأ
تصوير أمتى؟؟"
رديت:"أعتقد الأسبوع الجاى"
وبعد ما خلصنا روحنا البيت....
أخدت الفوطة و دخلت أخد دش...وبعدين رجعت على أوضتى لقيت ظرف ج
نب السرير...فتحته...لقتها فلوس..ومعاها ورقة..
(كوماوا على اليوم ده..بس أنا مقدرش أقبل هدية غالية زى ديه..شكرا شيون^
^)
أبتسمت وقعدت أفكر فى النهاردة و أزاى قضينا اليوم مع بعض...وبعدها نم
ت......
*******************************
كنت قاعد لوحدى النهاردة فى البيت...ندى و شيون كانوا برا مع بعض...حس
يت أنى مضايق شوية بس محبتش أدى الموضوع أهمية كبيرة....
خلص اليوم زى كل يوم مفيش حاجة جديدة....
صحيت الصبح و لبست و روحت على الشركة...قابلت ديما فى طريقى و رو
حنا للمدير جونج مع بعض...عرفنا إن حصلت بعض المشاكل و الإعلانات ا
للى هنكون فيها هتتأجل...بس مفيش حاجة نقلق عشانها.......
"بتمنى المشاكل ديه تخلص بسرعة....متشوق أشتغل معاكى ديما^^"
ديما:"وأنا كمان أوبا"
"أنا كنت حاسس بملل الأيام اللى فاتت..كل يوم بيجى بيكون زى اليوم اللى ق
بليه و عشان كدة فكرت فى حاجة...أيه رأيك نروح ملاهى الأسبوع الجاى؟!!
"
ديما:"ملاهى؟؟؟"
رديت:"أه..أنا و أنتى و ندى...مش أحنا التلاتة خلاص بقينا أصحاب؟!!خلينا
نقضى يوم مع بعض أحنا التلاتة"
ديما:"فكرة حلوة..خلاص أنا هشوف جدولى و نبقى نقول لندى"
حسيت أنها هتكون فرصة كويسة عشان أتقرب من ندى أكتر...وكمان عشان أ
نا و ديما علاقتنا تتحسن كصدقاء..أكيد مش هتقلق منى لما ندى كمان تكون م
عانا و نكون أحنا التلاتة مع بعض.......................................
الأيام ديه بتعدى ببطء رهيب...فعلا الواحد مل...مفيش جديد فى اليوم...قولنا
لندى على موضوع الملاهى و وافقت مبدأيا لغاية ماتظبط جدولها......والنهار
دة ندى و شيون رايحين حفلى الشركة اللى كانوا بيتكلموا عنها طول الأيام ال
لى فاتت...
كان شيون مستنيها لغاية ما تلبس....كان لابس بدلة شيك,,بصراحة حسدته لأن
ه هيكون معاها الليلة ديه...ندى خرجت من الأوضة..وكانت.....كانت....حلوة
أوى....
الحاجة الوحيدة اللى كنت بفكر فيها..أنى بجد مش عايزها تروح مع شيون
......يتبع.........
عايزة رأيكوا فى كل نقطة فى البارت...وأيه أكتر حاجة عجبتكوا و أكتر حتة كانت محتا
جة تظبيط....
ملحوظة:البارت إهداء خاص لحبيبى دمدوم لأنها هتخلص إمتحانات النهاردة...بتمنى تستمتعوا جميعا بيه^^
ليست هناك تعليقات:
إرسال تعليق