Chapter 10
Part 1
اوووه...كانت قمة فى
الجمال..فستانها..الميكب بتاعها...تسريحة شعرها..كانت رائعة,أعتقد ديه أنسب كلمة
ممكن توصفها...
كانت تسريحة شعرها بسيطة مش مبالغ فيها..حطة ميكب خفيف..ملمع شفاة
باللون الوردى الفاتح و ومحددة عنيها باللون الأسود اللى أظهر جمال عيونها
الواسعة...كنت حاسس أنى أتسحرت بيها....
ندى:"أنتوا بتبصولى كدة ليه؟؟أكنكوا أول مرة تشوفوا بنت"
دونجهى:"بصراحة...أول مرة أشوف بنت بالجمال ده"
ندى بإبتسامة:"كوماوا أوباا"
شيون:"يلا بينا؟!!"
ندى:"اه يلا"
وقبل ما نخرج صوت دونجهى وقفنا....
دونجهى:"أستنوا لحظة...ندى...خلينا نتصور مع بعض"
أنا و ندى:"بووووووووووووه؟؟؟"
دونجهى:"فى أيه؟؟أنا قولت حاجة غلط؟!!
ندى:"لأ مقولتش حاجة غلط"
دونجهى:"لحظة هجيب الكاميرا بتاعتى"
دخل أوضته عشان يجيب الكاميرا...كنت ببص لندى نظرات غيظ..ليه
توافق؟؟تتصور معاه بصفته أيه؟؟
خرج من الأوضة و أدانى الكاميرا و وقف جنب ندى...وأنا بصورهم أفتكرت
أمبارح لما كنا فى محل الفساتين......
فى الأمس......
لما خرجت بالفستان التالت...
"ده حلو أوى"
ندى:"عجبك؟!!"
"اه جدااا..أنتى أيه رأيك فيه؟!!"
ندى بإبتسامة:"أنا كمان عجبنى"
"خلاص هناخد ده"
البنت:"تحبوا تاخدوا صورة مع بعض؟!!"
رديت بدون تردد:"اه لو سمحتى"
قومت و وقفت جنب ندى...
البنت:"قربوا من بعض شوية"
قربت منها و لفيت أيدى حولين خصرها...بصيت فى وشها كانت قريبة أوى
منى..حسيت بترددها و بسرعة لفت وشها الناحية التانية عشان تتفادى
نظراتى...بصين للكاميرا و ابتسامنا..بالنسبالى..ديه كانت أحلى صورة
أتصورتها فى حياتى..لأنها كانت معاها...
أخدت الصورة وشلتها معايا..ندى كمان كانت عايزة الصورة..
ندى:"هاتها..أنا عايزاها"
"وعايزاها ليه؟؟"
ندى:"عشان محدش يشوفها...وكمان هتعمل بيها أيه يعنى؟!!"
بإبتسامة:"لأ مش هديهالك"
وفى الأخر الصورة فضلت معايا....
عودة للحاضر.....
أخدتلهم صورة مع بعض و بسرعة أديت الكاميرا لدونجهى و مسكت أيد ندى
و شديتها و خرجنا برا الشقة....كنت متعصب بس حاولت أمسك
أعصابى..مش عايز أبوظ اليوم ده.....
نزلنا و فتحتلها العربية و ركبنا و روحنا على بيتى..هناك هتكون الحفلة......
واحنا فى العربية.....
ندى:"أنت أتعصبت كدة ليه فوق وشدتنى ومشينا؟؟"
"عشان هنتأخر"
ندى:"الحفلة هتبدأ الساعة 8 يعنى أحنا مش متأخرين..أحنا كدة هنروح بدرى"
رديت:"خلاص..بيانيه أنى عملت كدة..مأخدتش بالى من الساعة"
ومتكلمناش تانى طول السكة.....
*************************************
وصلنا بيت شيون كان فيه بعض الضيوف وصلوا..السيد و السيدة تشوى
كانوا واقفين على الباب بيستقبلوا الضيوف.....دخلت أنا و شيون و عرفنى
على مامته....
شيون:"أوما..أعرفك بندى..زميلتى فى الجامعة و شريكة معانا فى الشركة"
مامته بصتلى من فوق لتحت...مش عارفة ليه حسيت بتوتر شديد بس حاولت
مبينش ده..بس مش عارفة هى بصتلى كدة ليه!!...
السيدة تشوى:"أوووووووه...أنيووو"
إنحنيت و بإبتسامة رديت عليها:"أنيوهاسيو..نا ندى ميدا...أتشرفت بمعرفة
حضرتك"
دخلنا أنا و شيون و لقينا معظم مديرين الشركة وصلوا..وطبعا شيون أنتهز
الفرصة...
همس فى ودنى:"شوفتى إننا أتأخرنا؟!!"
مردتش عليه و سبقته عشان أسلم على المديرين و بعض الموظفين المهمين
فى الشركة..كنت بحسب كل كلمة قبل ما أقولها...كنا بنسلم على الضيوف
لغاية ما وصلنا للرئيس سونجو و بنته يونا و كان السيد و السيدة تشوى
واقفين معاهم..مش عارفة ليه فى الوقت ده حسيت بتوتر شديد..يعنى من اللى
شيون قالهولى ان يونا معجبة بيه و مامته بتشجعه أنه يواعدها..حسيت
بضيق..ومكنتش عايزة نقف معاهم..بصراحة حسيت أنى مش عايزة شيون
يقف مع يونا..بس كان لازم نسلم على الرئيس سونجو......
الرئيس سونجو:"مكنتش أعرف أنكوا بتتواعدوا"
حاولت أرد بهدوء:"لأ أحنا مش بنتواعد..أنا و شيون نبقى أصدقاء"
وحسيت ان شيون عايز يغير الموضوع بسرعة....
شيون:"الإعلان اللى هنعمله هيكون معاده أمتى؟؟"
يونا:"أبااا قالى أنه هيكون الأسبوع الجاى بالكتير"
الرئيس سونجو:"صحيح..مش عايزين نضيع وقت..وأنتى ندى شى..موافقة
على الموضوع ده ولا لسة مترددة؟؟"
بثقة قولت:"بدام أنتوا شايفين ان الموضوع ده فى مصلحة الشركة فأنا موافقة
عليه...أنا فى الأول كنت عايزة افهم بس ليه ميكونش فى أشخاص
متخصصين يقوموا بالموضوع ده و أعتقد أنى فهمت وجهة نظر مجلس
الإدارة"
الرئيس سونجو و هو بياخد كاس مشروب:"أعتقد أننا لازم نشرب نخب فى صحة ندى أصغر شريكة جريئة فى شركتنا"
رديت بتردد:"تشومال بيانيه بس أنا مش بشرب..ممكن أخد مية"
حسيت ان كلهم مستغربين موقفى وفى الوقت ده مامت شيون ردت
بجفاف......
السيدة تشوى:"ندى شى..المفروض تتعلمى انك متكسفيش حد أكبر
منك...وأعتقد أنك عارفة ان فى المجال ده بيكون فى مقابلات من النوع ده و
مش من الزوق انك تعملى كدة"
معرفتش أرد و اتوترت...كلامها أحرجنى...وفى اللحظة ديه شيون قرب منى
وهمس فى ودنى.....
شيون:"خدى كاس و أشربى رشفة صغيرة"
حسيته بيدينى دفعة عشان أعرف أرد على الهجوم اللى مامته عملته
عليا...وجوده جنبى أدانى القوة.....
اعتذرت عن سوء الفهم اللى حصل:"تشومال بيانيه...أنا مكنش قصدى أنى
أهين حد"
وأخدت كاس و شربنا نخب و أتكلمنا مع المديرين شوية كمان لكن الحديث
مكنش خالى من التوتر...عدت ساعتين من ساعت ما وصلنا وكان عدد الناس
بيزيد كل شوية..بدأت أتضايق..أنا مبحبش الزحمة و كمان معظم الناس
معرفهمش خلانى أتضايق أكتر..وفوق ده كله السيد تشوى طلب شيون عشان
يعرفه على رجال الأعمال اللى كانوا موجودين..وأكيد مش هفضل وراه فى
كل حتة يروحها..عشان كدة فضلت أنى أقف فى البلكونة شوية....
*********************************
سابونى لوحدى فى الشقة وراحوا هم الاتنين على الحفلة ديه..صدرى كان
بيغلى من جوا..حسيت كأن قلبى أنغرس بيه سكينة.........
ليه عمل كدة..هم بيتواعدوا؟؟كان شكله متضايق و شدها من أديها وخرجوا و
هى معترضتش على أى حاجة عملها..كمان يوم ما اتعشينا برا و زعل و هى
عملت العشا ليهم هم الأتنين..صحيح أنا وقتها دخلت أوضتى و قولت أنى هنام
بس كنت حاسس بكل حاجة بتحصل برا.....هم بيحبوا بعض؟؟؟
حسيت ان أفكارى هتجننى..كنت عايز أصرخ...بس يمكن مش بيحبوا
بعض,يمكن هم أتعودوا على بعض و بقوا أصدقاء بسبب شغلهم و
الجامعة.........
وفى الأخر محستش بنفسى غير و أنا ماسك موبايلى و بكلم......
ديما:يوباسيووو...أوه أوبا
"ديما..أزيك؟؟"
ديما:نا كنتشانا...وأنت؟!!"
"أنا كمان كويس..أنتى فاضية دلوقتى؟!!ولا بتعملى حاجة؟؟!"
ديما:"أنياااا..أنا فى البيت مش بعمل حاجة"
"أيه رأيك نخرج شوية؟؟حاسس أنى مخنوق و كنت عايز أتكلم مع حد و أنتى
أول واحدة جت فى بالى..لو مش عايزة تخرجى متضغطيش على نفسك"
ديما:"أنيااااا...متقولش كدة,أنا هلبس دلوقتى..تحب نتقابل فين؟؟"
رديت بإرتياح:"أيه رأيك فى الكافيه اللى رحناه أخر مرة؟!!"
ديما:"أراسوو حلو..هكون هناك بعد ساعة"
"أنا هلبس و هنزل دلوقتى..هستناكى هناك..أنيوووو"
ديما:"أنيووووو"
قفلنا مع بعض و دخلت ألبس و نزلت بسرعة عشان متأخرش عليها...حاسس إن ديما بقت قريبة منى و ممكن علاقتنا تتحسن و تكون أحسن من كدة كمان..من ساعت ماجيت هنا سيئول و مفيش حد قريب منى زيها كدة غير أيونهيوك..و كمان أنا و أيونهيوك مش بنقعد مع بعض كتير..وعشان كدة أرتحت إن بقى ليا صديقة زيها.......
روحت الكافيه و أستنتها هناك,,أول ماشوفتها بتدخل شاورتلها عشان تشوفنى
و جت قعدت معايا....
ديما بإبتسامة:"أزيك أوباا؟؟"
رديت:"كنتشانا...ومبسوط أنى شوفتك النهاردة"
ديما:"وأنا كمان"
"تشربى أيه؟؟؟"
ديما:"أيس كريم"
"ههههههههه...فى البرد ده؟؟"
ديما:"أحلى وقت ممكن تاكل فيه أيس كريم هو فى البرد"
طلبنا أتنين أيس كريم و قعدنا نتكلم.....
"عندك حق...حلو فى البرد"
ديما:"شوفت بقى؟؟أول شخص قاللى النظرية ديه كانت ندى..ههههههه طفلة
بجد"
كان صدمة ليا أنى أسمع أسم ندى..كنت حاسس أنى عايز أنسى اللى حصل و
ألهى نفسى مع شخص تانى........
ديما:"أوباا..أنت كويس؟!!شكلك متضايق أو تعبان"
"ديما..كنت عايز أسئلك على حاجة"
ديما:"أيه هى؟؟!!"
"ندى و شيون بيتواعدوا؟؟"
ديما:"ليه بتسأل عن الموضوع ده؟؟"
"عادى..عشان لاحظت ان الأيام الأخيرة بقوا قريبين من بعض أوى..فحسيت
أنهم بيتواعدوا"
ديما:"معرفش..لو كانوا بيتواعدوا كدة تبقى خيانة من ندى لأنها
مقلتليش....بس معتقدش أن فى حاجة بينهم لأن ندى مجبتليش سيرة"
حسيت براحة من كلامها..حتى لو كان فى بينهم علاقة فعلا,بس كنت عايز
شخص يقوللى عكس اللى أنا حاسس بيه.......
*********************************
"ليه سألنى عن الموضوع ده مش عارفة..هو كان زعلان من كدة؟؟ان ندى و
شيون بيتواعدوا؟!!لالالالالالا..لا يا ديما متفكريش كدة.أكيد ده كان سؤال
عادى و فى حاجة تانية مضيقاه...
"أوباا..أنت متضايق ليه؟؟أحكيلى يمكن أقدر أساعدك"
حسيت أنه أتردد شوية قبل ما يرد عليا......
دونجهى:"أنا كنت مخنوق لأن أهلى وحشونى..وكمان كنت محتاج حد أتكلم
معاه..حاسس أنى بقيت مضغوط أوى بالشغل"
"معلش أوبا..أنت قدها و متأكدة انك هتقدر تستحمل و هتكون فنان مشهور"
دونجهى بإبتسامة:"أكيد بدام جنبى أصدقاء زيكوا هقدر أكمل"
حسيت قلبى بينبض بسرعة و أنفاسى مش منتظمة...خفت ان نظراتى
تفضحنى......
دونجهى:"وأنتى يا دمدوم مين أكتر صحاب ليكى هنا فى كوريا؟؟"
حسيت بتوتر شديد لما دلعنى بالطريقة ديه.....
"ندى..وعندى كمان سولى و لارا يبقوا أصحابى من نفس الجامعة...وأكيد
أنت أوبا"
دونجهى:"حلووووووو...يعنى بقى تصنيفى ضمن أصدقائك"
"أكيد طبعا...وليه منبقاش أصحاب؟!!"
دونجهى:"أصدى يعنى عشان اللى حصل قبل كدة متوقعتش إن علاقتنا ترجع
كويسة تانى و تبقى أحسن كمان"
كلامه صدمنى متوقعتش أنه يفتح الموضوع ده تانى....
"أوبااا...أنا قولتلك أنى هنسى اللى فات..وأنا بالفعل نسيته فبلاش نفتح
الموضوع ده تانى"
دونجهى:"أراسووو...أنا مبسوط أنى سمعت الكلام ده منك"
وبعد ما قعدنا شوية و اتكلمنا......
دونجهى:"أيه رأيك نمشى دلوقتى عشان الوقت اتأخر"
"أراسووو...يلا"
مشينا و وصلنى للبيت......
دونجهى:"شكرا على الليلة الحلوة ديه...بتمنى نكررها تانى...وياريت مواعدنا
تظبط و نعرف نروح الملاهى زى ما أتفقنا"
رديت بإبتسامة:"أكيد أوبا هنكررها...وكمان كوماوا لأنى كمان كنت محتاجة
حد أتكلم معاه...أنيوووووو"
دخلت البيت و دونجهى مشى.....كنت داخلة بتنطط و مبسوطة جدا...حسيت
أن كلام ندى مظبوط بشكل كبير..ياترى الحظ هيبدأ يبتسملى و هلاقى
الشخص اللى هيقف جنبى و يحبنى بجد!!!!!!!!
كانت الساعة بقت 11:30...دخلت أخدت دش عشان أنام.....
وقبل ما أدخل أنام موبايلى رن...للحظة فكرت مردش..بس الموضوع ده مش
هيخلص بالطريقة ديه.......
"ألوو...أيوا يا بابا...اه عارفة انها هتوصل بكرة....لأ مش تروح أجيبها من
المطار عندي شغل..هى عارفة العنوان خليها تيجى بتاكسى و هبقى أسيبلها
المفتاح برا....مش هغير رأيى..كفاية أنك بتفرضها عليا و هتخليها
تيجى...طيب...سلام"
أووووووووف...يعنى حتى الأوقات الحلوة لازم يبوظوها...حاسة انى مش قادرة أستحمل أكتر من كدة.......
قعدت لوحدى على السرير و دموعى بدأت تنزل بهدوء..يمكن ده يخلينى
أرتاح شوية.........
***********************************
كنت واقف مع بابا و عينى بتدور على ندى...أختفت فجأة من قدام عينى و ده
خلانى أحس بخوف...أنا عارف إنه مش هيجرالها حاجة بس عايزها تكون
جنبى أو على الأقل أدام عينى.....
أستئذنت من بابا و روحت أدور عليها...دورت عليها فى كل حتة و فى الأخر
لقتها فى البلكونة.....دخلت و وقفت جنبها..كانت بتبص على السما و على
وشها إبتسامة حزينة....
"ندى...أنتى أتضايقتى من حاجة؟!!تحبى نمشى؟؟؟"
ندى بصتلى و رجعت تبص أدامها تانى بنفس الإبتسامة.....
ندى:"أنيااااا...أنا بس أفتكرت حاجة"
سكتت شوية و بعدين كملت:"أحنا كمان كنا بنعمل حفلات زى ديه فى
البيت..أول مرة حضرت حفلة زى ديه كنت فى أولى ثانوى...ماما و بابا
مكنوش بيسمحولنا نحضرها فى إعدادى عشان معاد نومنا و كمان كنا لسة
صغيرين على الجو ده...بس مع اننا مكناش بنحضرها إلا إن ماما كانت
بتحضرنا دايما للمناسبات ديه من وأحنا صغيرين...الأناقة..الاتيكيت..طريقة
الأكل..وأزاى أمسك المشروب"
"أكيد وحشوكى"
ندى وعنيها دمعت:"اممم..وحشونى أوى..بس هم معايا دايما...ومتأكدة أنهم
عايزنى أكون قوية و أخد بالى من أختى"
بصتلى وهى بتضحك:"أنت أيه اللى جابك هنا و سبت ضيوفك؟؟؟"
رديت:"حسيت أنك مش متعودة على الجو ده"
ندى:"أنياااا...بس فى ناس كتير هنا معرفهمش فحبيت أقعد لوحدى شوية-
بصت للسما تانى-مفيش نجوم كتير اليلة"
ابتسمت:"بتحبى النجوم؟؟؟"
ندى:"اه..بحب البحر و النجوم...لما أكون مضايقة أو حتى مبسوطة بحب
أشوف البحر و النجوم"
كنت مبسوط أنى بتكلم معاها و بعرف عنها أكتر و أكتر.....
سمعت صوت موسيقى جاى من جوا فقربت و أخدت الكاس من أيدها و
حطيت الكاسين بتوعنا على سور البلكونة...بصتلها و مديتلها أيدى.......
"تسمحيلى بالرقصة ديه أنستى؟؟!!!"
أدتنى أيدها بإبتسامة...لفيت أيدى حوالين خصرها و قربتها منى..ريحة
عطرها النهاردة كانت مختلفة عن المرة اللى فاتت..ده كان مديها جاذبية
خاصة وريحته أقوى..كان أروع عطر شميته على الإطلاق....
"البرفيوم ده مش نفس البرفيوم بتاع أخر مرة"
ندى:"اهاا..ده هوس Obsession من شركة كلفين كلاين"
رديت:"أممم...حلو أوى"
غمضت عينى و رقصنا أحنا الأتنين مع بعض على صوت الموسيقى..
و فجأة جيه على بالى:"ههههه...زى حفلات القصص الخيالية صح؟؟"
فجأة ندى بعدت عنى و بصتلى بدهشة كبيرة......
ندى:"مش ممكن...أنت بجد بتقرأ الأفكار؟؟؟"
ضحكت من قلبى على كلامها..مش معقول المرتين نبقى بنفكر فى نفس
الحاجة.......
"ههههههههههه...قولتلك قبل كدة أنى بقرأ الأفكار بس أنتى مصدقتنيش"
ندى:"أنت يتخاف منك بجد"
قربت منها تانى و كملنا رقص.......
كنت حاسس ان ديه احلى لحظات حياتى..أنى أكون قريب منها بالطريقة
ديه.....وفاجأة أتكلمت....
ندى:"أووووه..الshoes بتاعى مضايقنى"
فى الوقت ده لاحظت الكعب اللى هى لابساه و مديها جاذبية خاصة فوق
جمالها على الرغم من قصرها بالنسبة لطولى و ابتسمت.....
"ليه البنات بيلبسوا الكعب العالى ده مع أنه مش مريح؟؟غاويين تعذبوا
نفسكوا؟؟!!"
ندى بإبتسامة متعالية:"ديه أسمها أناقة سيد شيون...بس فى بنات مش بيحبوا
يلبسوا كعب..ريم أختى واحدة منهم...كانت ماما دايما بتعودنا نلبس
الكعب,بس ريم كانت كل ما ماما تشتريلها جزمة كعب تكسرالكعب و ترميها
ورا الدولاب عشان ماما متلاقيهاش"
كانت مبتسمة وهى بتفتكر ده كله...وأنا كنت مبسوط لأنى بسمعها......
سابت أيدى فاجأة و نزلت عشان تعدل الshoes بتاعها.....
مسكت أيده و سندتها وهى بتقوم..كانت بتبص على رجليها و بعدين بصتلى
وهى بتظبط شعرها بأيد و الأيد التانية لسة فى أيدى و بصت فى عينى
بإبتسامة رائعة...للحظة توهت فى نظرتها,,و إبتسامتها أتحولت لنظرات
رقيقة..للحظات كنا بنتبادل النظرات مع بعض...كنت بتفحص ملامح وشها
لغاية ما نظرى وقع على شفايفها اللامعة...مكنتش قادر أسيطر على
نفسى..رغبتى هى اللى سيطرت عليا فى الوقت ده..كنت بقول لنفسى لمسة
وبس..هلمسها بشفايفى و بس,مش أكتر من كدة.......
قربت منها بهدوء و نظراتى مفارقتش شفايفها..أتلامست شفايفنا..حسيت بيها
لسة قريبة منى مبعدتش سنتيمتر واحد وده اللى موقفنيش عن اللى
بعمله..مسكت وشها الصغير بين أيدى وقبلتها بشغف,وحسيت بأيدها على
صدرى...أستمريت بتقبيلها لثوانى قبل ما أبعد عنها......بصيت فى
وشها,كانت مغمضة عنيها.لحظات و فتحت عنيها كان نظرها موجه على
صدرى........
"ندى..أنا............"
وفى الوقت ده جيه واحد من الخدم:"سيد شيون..السيدة تشوى سألت عن
حضرتك وطلبت أنك تروحلها دلوقتى"
بصيت لندى...مكنتش عايز أسيبها,كنت عايز أقولها أد أيه أنا بحبها خصوصا
وأنى حسيت أنها مرفضتش اللى حصل بينا...
"خليكى هنا...مش هتأخر"
هزت راسها بالموافقة و أنا روحت أشوف ماما طلبتنى ليه....
"ديييه أوما...سمعت أنك طلبتينى"
السيدة تشوى:"اوووه...يونا هتروح دلوقتى..وصلها على البيت"
كانت يونا واقفة مع ماما وبصالى بإبتسامة....أخدت ماما على جنب و همست
فى ودنها.....
"أوماااااا...أنتى عارفة أنى جاى مع ندى ولازم أوصلها..ليه يونا متمشيش مع
أهلها؟؟؟"
السيدة تشوى:"الرئيس سونجو لسة هيقعد شوية وهى تعبت ولازم
تروح...وصلها وأبقى أرجع وصل ندى"
طبعا مكنش فى أيدى أى خيار غير أنى أنفذ,وطبعا بما إن يونا و ماما كانوا
واقفين مقدرتش أرفض ومقدرتش أروح لندى عشان أقولها.....طلبت ورقة
وقلم وكتبتلها رسالة قصيرة لغاية ما أرجع تانى و أديتها لماما عشان
توصلهالها...ويمكن ده كان حل غلط...كتبت كلمات بسيطة عشان كنت متأكد
إن ماما هتفتحها و تشوفها قبل ماتوصلهالها......وأخدت يونا عشان أوصلها
البيت....
************************************
محبتش أروح البيت النهاردة..حسيت أن ممكن حاجة تانية تحصل النهاردة بعد ما يرجعوا و مكنتش عايز أأكد لنفسى شكوكى أنهم فعلا يكونوا بيحبوا بعض...وعشان كدة فضلت أنى أبات فى حتة تانية الليلة....فكلمت أيونهيوك.....
ايونهيوك:"يوباسيوووو"
"أوووه...هيوكااااا...أنت لسة صاحى؟؟!!!"
ايونهيوك:"اه,,,كان فى حاجة؟!!"
"كنت عايز أجى أبات عندك النهاردة...ينفع؟؟؟"
ايونهيوك:"طبعا دونجهى أنت بتسأل؟؟تعالى أنا مستنيك"
روحت عند ايونهيوك و قعدنا مع بعض......
ايونهيوك:"مالك؟؟حصل حاجة النهاردة؟!!"
"أنيااااا...أنا حبيت أشوفك بس"
ايونهيوك:"متأكد؟!!!"
وفى الوقت ده مقدرتش أمسك نفسى و أنفجرت.......
"يعنى أنا عايز أفهم..هم بيواعدوا بعض؟!!أكيد مش عشان راحوا مع بعض
حفلة يبقوا بيحبوا بعض...بس أنا ليه وصللى الاحساس ده؟؟صحبتها قالتلى
انهم مش بيتواعدوا لكن............."
ايونهيوك:"يااا يااا ياااا...ماتفهمنى انت بتتكلم عن أيه و عن مين...مين دول
اللى بيتواعدوا؟!!أنا مش فاهم منك حاجة"
"بص...أنا هحكيلك.............."
وحكيت لأيونهيوك كل حاجة حصلت لغاية دلوقتى.....
ايونهيوك:"اممممم...طيب بدام هم بيشتغلوا فى نفس الشركة يبقى فيها أيه؟؟؟
أكيد فى مناسبات زى ديه هيرحوها كتير..ومش لازم يكونوا بيتواعدوا"
"بس الطريقة اللى مسكها بيها و نزلوا!!"
ايونهيوك:"عادى...مش لازم بردوا يكونوا بيتواعدوا..ممكن يكون أى سبب
تانى...وبعدين ما صحبتها قالتلك انهم مش بيتواعدوا....خلاص أهدى بقى
شوية...متقلقش نفسك بالموضوع ده وممكن فى الاحر ميكنوش بيحبوا بعض"
"أوووووه...عندك حق"
شغلنا فيلم و قعدنا نتفرج عليه و بعدها نمنا.....بس أنا منمتش على طول
قعدت أفكر فى اللى حصل النهاردة...يمكن أنا فعلا أديت الموضوع حجم أكبر من حجمه...وبعدين أنا و ندى كمان علاقتنا أتحسنت و بقينا أصدقاء...عادى أن معاملتها كمان مع شيون تكون أحسن من الاول بسبب شغلهم مع بعض.....
مفكرتش أكتر من كدة و نمت.........
....
...see you in the next
part...
ليست هناك تعليقات:
إرسال تعليق