Chapter
10
Part 2
هو بيحبنى بجد؟؟؟عمل كدة عشان بيحبنى؟!!
وأنا كمان بحبه...عشان كدة سبته!!يعنى كان كل اللى بحس بيه قبل كدة كان
حب؟؟...كنت حاسة أنى مبسوطة أوى و كأنى طايرة فى السما...إحساس حلو أوى,أول
مرة أحس بيه......
أستنيته زيادة عن 15 دقيقة..كنت مستنياه يرجع و يقولى انه بيحبنى وكنت بفكر هرد
عليه و أقوله أيه,هنتعامل أزاى مع بعض بعد كدة؟؟....وفى الاخر خرجت أدور عليه
برا......
ملقتهوش فى أى مكان فروحت أسئل السيد تشوى عليه....
"سيد تشوى...شيون فين؟؟أنا مش لاقياه فى أى حتة,وكمان لازم أمشى دلوقتى"
السيدة تشوى:"شيون راح يوصل يونا البيت...وسابلك ديه"
"أوووه...كوماوا"
فتحت الورقة و كان مضمونها(أنا أضطريت أمشى وهحاول أرجع بسرعة......تشومال
بيانيه)
مفهمتش مضمون الرسالة..أتأسف ليه؟؟عشان اللى حصل من شوية بيننا؟!!!!
حسيت بغصة فى حلقى....وحبيت أمشى من المكان ده بأسرع وقت ممكن......
"سيد تشوى..أنا مضطرة أمشى دلوقتى..بعد إذنكوا"
السيد تشوى:"طب أستنى شيون لغاية ما يجى"
"لأ مش هينفع..جالى تليفون من شوية و لازم أمشى حالا"
السيد تشوى:"طيب لحظة واحدة هخليهم يجهزوا العربية عشان متمشيش لوحدك بالليل
كدة"
"لا مش لازم..أنا هاخد تاكسى...الحفلة كانت حلوة أوى,بتمنى ان شغلنا يستمر مع بعض
فترة طويل"
أنحنيت و مشيت قبل ما حد تانى يوقفنى...خرجت و أتمشيت شوية لغاية ما لقيت تاكسى
أخدته و روحت على البيت.....مقدرتش أمسك دموعى من النزول..كنت بفكر طول
السكة,أنا كنت زى بنت من ضمن البنات الكتير اللى يعرفهم؟؟طب عمل كدة ليه؟!!هو ده
كان إحساس ديما لما دونجهى سرق قبلتها الأولى؟!!بجد إحساس بشع.......لما أقارن بين
احساسى من كام دقيقة و إحساسى دلوقتى بكون عايزة الأرض تنشق و تبلعنى...........
وصلت البيت على الساعة 12:15كنت متعصبة جداااا بس بطلت عياط...مش واحد زى
شيون هو اللى هيخلينى أعمل كدة فى نفسى.....
دخلت أخدت شاور و غيرت هدومى...كانت الساعة 12:45 تقريبا...حددت عينى باللون
الأسود عشان أخفى دموعى و لبست بنطلون جينس و تيشرت أسود و نشفت شعرى و
سرحته و حطيت أحسن برفيوم عندي و أخدت شنطتى و خرجت من الأوضة...
أتأكدت من مفاتيحى و موبايلى معايا و فجأة لقيت الباب بيفتح..مبصتش حتى
مين اللى دخل...حطيت الموبايل فى شنطتى و روحت ناحية الباب من غير ما
أبص لشيون مجرد نظرة.....
شيون:"أنتى مشيتى ليه من الحفلة؟!!أنا روحت عشان أخدك بس بابا قالى ان
جالك تليفون مهم و اضطريتى تمشى...حصل حاجة؟؟"
مردتش عليه و كملت طريقى للباب.....وفاجأة مسك أيدى...
بعصبية:"سيب أيدى"
شيون:"أيه اللى حصل؟؟؟بتعاملينى كدة ليه؟!!ورايحة فين دلوقتى؟؟الساعة
واحدة بعد نص الليل"
بصتله:"ديه حاجة متخصكش أروح فين و أجى منين..أنت مالك؟؟تبقى مين
حضرتك عشان تسألنى؟؟؟"
نطرت أيدى منه وخرجت و قفلت الباب ورايا.....
نزلت و ركبت عربيتى و روحت لديما,كنت طول الطريق بفكر ليه عمل
كدة؟؟؟وعامل نفسه مهتم بيا ليه؟!!
وقفت ادام بيتها و كلمتها على الموبايل.......
"دمدوم...أنتى لسة صاحية؟!!أنا تحت البيت..ألبسى و انزلى.....لأ مش عايزة
أطلع..أنا هستناكى...أنيوووو"
وبعد عشر دقايق نزلت وهى لابسة شورت و تيشرت أسود
وبعد ما ركبت معايا بصينا لبعض...كانت محددة عيونها هى كمان باللون
الأسود.....
ديما:"مالك؟؟أيه اللى حصل؟!!"
"وأنتى كمان مالك؟!!أنتى معيطة صح؟؟"
ديما:"زيك بالظبط"
"خلينا قبل ما نتحرك من هنا نقفل موبايلاتنا...أراسوو؟؟"
قفلنا أحنا الاتنين الموبايلات وابتسمنا لبعض بقهر و مشينا بالعربية...
************************************
وصلنا عند مكان بيطل على نهر الهان...نزلنا و قعدنا جنب بعض و أحنا
بنبص على السما و المية.....
"مالك؟؟بقالى كتير مشوفتكيش فى الحالة ديه؟!!"
ندى:"النهاردة حصل حاجة كدة فى الحفلة"
"أيه اللى حصل؟؟أحكيلى"
وبدأت تحكيلى كل حاجة من أول الحفلة لأخرها....
"وأنتى ليه عملتى كدة؟!!ليه مسمعتهوش؟!!يمكن كان قصده يعتذر عشان
مشى وسابك"
ندى وهى بتتنهد:"معرفش بقى...ده اللى جيه على بالى"
رديت:"ندى..أنا و أنتى عارفين أنتى بتعملى كدة ليه,,أنتى بتهربى"
ندى:"أنا مش بهرب أنا......"
"يمكن ميكونش عندك الإحساس ده بس أنا عارفة و أنتى من جواكى
عارفة...أنتى بتهربى من أى حاجة جديدة تقرب منك"
مكنتش عايزة أتكلم معاها بطريقة قاسية لكن على الرغم من كل القوة اللى
بتظهرها فى الأخر هى أضعف شخص قابلته فى حياتى......
"ساكتة ليه؟؟كلامى صح ولا لأ"
بدأت تعيط و صرخت فيا و هى بتتكلم:"مــعــرفـــش بــقــى"
"هو ده اللى عايزاكى تعمليه...أصرخى بأعلى صوتك و عيطى,طلعى اللى
جواكى"
وفى اللحظة ديه بدأت تصرخ وتعيط بأعلى صوتها كأنها كانت مستنية حد
يشجعها على كدة....
ندى:"ياااااااااااااااا شيووووووون بااااااااابوووياااااااا....ناااااااا
سارانييييييييييييه...ليه بتعمل معايا كدة؟؟ليه بتحسسنى أنك بتحبنى و بعدين
بتحسسنى أنى ولا حاجة بالنسبالك؟؟؟"
سكتت و قعدت تعيط كتيييير بصوت عالى...سيبتها لغاية ماتطلع كل اللى
جواها..كنت عايزة أخدها فى حضنى..قلبى كان بيتقطع عليها..مشوفتهاش
بتعيط بالطريقة ديه من زمان أوى...بس كنت عارفة أنى لو أخدتها فى
حضنى هتبطل عياط و هتكتم اللى هى حاسة بيه جواها........
بعد عشر دقايق تقريبا صوتها هدى و بطلت عياط,بصتلى وهى بتمسح دموها
بطريقة طفوليه و بتبتسم..خدودها و أنفها المحمرين من كتر العياط كانوا
مدينها منظر طفولى جميل......
ندى:"وأنتى أونى أيه اللى مضايقك؟!!!"
"أنتى دلوقتى بتضايقينى..أونى أيه؟؟؟مش قولتلك مية مرة قبل كدة بلاش
الكلمة ديه؟!!!"
ندى:"خلاص خلاص..أنتى هتضربينى ولا أيه؟؟؟قولى أيه اللى حصل و
خلاكى تعيطى؟؟"
"بابا كلمنى النهاردة...أنا مش فاهمة هم مش عايزين يسبونى فى حالى ليه؟!!
بيقوللى روحى استقبلى أختك فى المطار"
ندى:"وأنتى قولتيله أيه؟!!"
"قولتله أنا عندي شغل و هسيبلها المفتاح فى مكان عند الباب"
ندى:"بس ديما...أنتى مش شايفة أنك مزودة الموضوع شوية؟؟يعنى باباكى
غلطان من أول لحظة و هو اللى عليه الحق فى كل اللى عمله فيكى,بس
أختك..."
مقدرتش أسمع أكتر من كدة و أتعصبت جدا أول ما سمعت الكلمة
ديه:"متقوليش أختك"
ندى:"بس أنتى متقدريش تنكرى أنها أختك..هى مش شقيقتك بس فى الأول و
الأخر أختك,وكمان هى مغلتطش فى حاجة معاكى...."
"بس..كفاية,مش عايزة أسمع أكتر من كدة.....كلهم مذنبين و كلهم
غلطوا..الحق عليهم كلهم"
ندى:"بيانيه...مكنش قصدى أضايقك و أزود همومك"
"خلاص...خلينا نغير الموضوع"
ندى:"أراسوووو....عملتى أيه النهاردة؟؟"
"ولا حاجة...زى كل يوم من البيت للجامعة للشغل و من الشغل للبيت...بس
النهاردة كان فى حاجة جديدة"
ندى:"أيه هى؟؟؟"
ابتسمت لا إراديا:"دونجهى كلمنى و خرجنا مع بعض"
ندى:"بجد؟؟؟؟حلو جدااااا...شوفتى؟؟قولتلك أنه معجب بيكى"
"يمكن كان عندك حق...بس كل ما أفتكر..مبيسبونيش أتهنى بيوم حلو فى
حياتى...أشمعنا النهاردة اللى أفتكر وكلمنى فيه؟!!عشان ينكد عليا صح؟؟"
ندى:"بلاش نفكر بسلبية..أبوكى بيتصل فى أى وقت يكون عايز فيه حاجة"
"ههههههه...ضحكتينى والله..أنتى اللى بتقولى منفكرش بسلبية؟؟وكنتى لسة
من شوية بتقولى ان شيون بيلعب بيكى وأصلا يمكن يكون بيحبك بجد"
ندى:"أيه رأيك منتكلمش خالص أحنا الأتنين و نتفرج على المنظر الحلو ده
وبس؟؟"
"أراسووو...زى ما تحبى"
سكتنا و كان الصوت الوحيد اللى حوالينا هو صوت الهوا...حسيت كأن الهوا
البارد اللى بتنفسه بيريح صدرى و الوجع اللى فيه..كنت ببص لندى من وقت
للتانى,كانت بتبتسم وبعدها تتحول ابتسامتها لغضب واضح..كان واضح انها
بتفكر بعمق و بتحاول ترتاح و تصفى ذهنها............
قعدنا لغاية شروق الشمس و بعدها روحنا على البيت....شربنا قهوة عشان
نفوق قبل ما نروح على الجامعة طبعا بما اننا منمناش اليوم كله...غيرت
هدومى بلبس مناسب للجامعة و نزلنا......
متكلمناش كلمة واحدة من ساعت ما خرجنا من البيت لغاية ماركبنا
العربية...بس اللى ندى عملته مخلنيش أتكلم بس..لأ خلانى أصرخ
كمان...........
"ندااااااااا...هدى السرعة شوية..أنتى ماشية بسرعة كدة ليه؟!!عااااااااااااااا"
ندى:"فى أيه دمدوم؟؟ماتبقيش مملة...وبعدين أنا مش ماشية على سرعة عالية
أوى"
"بووووووووووووه؟؟؟؟لألألألألأ طب معلش خدينى على قد عقلى وبطئى
شوية"
ندى:"دييييييييه أووووونى"
والحمدلله وصلنا من غير ماحد فينا يجراله حاجة...كنت عارفة أنها بتعمل كدة
عشان تلهى نفسها عن التفكير...التصرف بطفولية و الهروب,هى ديه
طريقتها........
*************************************
طول الليل كنت قلقان عليها..ياترى راحت فين فى الوقت ده؟؟أكيد مفيش غير
ديما....بس لما جيت أكلمها كان موبايلها مقفول زى ندى بالظبط.......
منمتش طول الليل..كنت قلقان وخايف و بفكر هى عملت كدة ليه؟!!فى الاول
مكنتش زعلانة ولما قولتلها تستنانى وفقت ومكنش فى أى علامة أنها
معترضة على اللى أنا عملته........
مقدرتش أستحمل حرب الاعصاب ديه فأخدت مفاتيحى و روحت أشوفها عند
ديما...روحت وخبطت كتير بس محدش فتح...معنى كدة انهم مع بعض؟؟؟
روحت البيت تانى لغاية ما النهار طلع..غيرت هدومى وروحت على
الجامعة,أكيد هتكون هناك........
دخلت الجامعة و أنا بدور عليها زى المجنون...وبعد ساعة لقيتها خارجة من
محاضرة وهى بتحط حاجتها فى الشنطة....
فى الوقت ده حسيت ان روحى رجعتلى,روحتلها بسرعة و مسكتها من
أيدها....
"كنتى فين طول الليل؟!!!"
ردت عليا بدون اهتمام:"وعايز تعرف ليه؟!!"
اتعصبت من كلامها و برودها و زعقت فيها جامد:"قوليلى دلوقتى كنتى
فين؟!!"
شالت أيدها من أيدى واتكلمت بصوت عالى:"خرجت اشم هوا...كنت
مخنوقة,ارتحت دلوقتى؟!!"
أخدتها فى حضنى و اتنفست براحة...حسيت بأيدها على صدرى و فجأة زقتنى
بعيد عنها......
ندى:"متقربش منى تانى"
ومشيت بعيد عنى...كنت عايز أعرف هى بتعمل كدة ليه!!بس كنت مرتاح
لأنى عرفت انها كويسة.....
مكنتش قادر أحضر محاضرات أو أروح على الشركة,وفى الوقت ده موبايلى
رن......
"يوباسيوووو...أوه أبااا...دلوقتى؟؟ويونا و ندى كمان؟!!....أراسووو,أنيووو"
وفى الوقت ده لقيت يونا جاية عليا...
يونا:"أوبااا..كنتشانا؟؟شكلك تعبان"
"أنيااااا...نا كنتشانايوو...بابا كلمنى دلوقتى وقاللى اننا لازم نروح على
الشركة دلوقتى"
يونا:"أوووه...بابا كمان كلمنى...يلا وصلنى بقى معاك"
"فين عربيتك؟!!"
يونا:"فى الصيانة"
"أوووه...يلا بينا...بس ندى..."
يونا:"متخفش بابا قال انه هيخلى السكيرتير يكلمها"
"أراسوووو...يلا بينا"
روحنا احنا الاتنين على الشركة و طول السكة و أنا بسمع كلامها و
ضحكها..ولكن فى الحقيقة كان تفكيرى فى حتة تانية خااااااالص...
وصلنا الشركة..ومدير مكتب بابا قاللى ان الاجتماع هيبدأ بعد
ساعة.......دخلت مكتبى ونمت شوية على الكنبة من كتر تعبى...
وبعد دقايق حسيت بشخص جيه وقعد جنبى..حسيت بصوابعها على وشى و
بدأت تنادى بأسمى بصوت هادئ.......
"أوبااااا..أصحى"
فتحت عينى,متوقعتش أن تكون هى..اتعدلت فى قعدتى بس مازلت فارد رجلى
على الكنبة....
"ندى..بتعملى أيه هنا؟؟حصل حاجة؟!!!"
وجهت نظرها لتحت:"بيانيه..أنا مكنش قصدى أعاملك بالطريقة ديه"
رفعت وشها بأيدى و بصيت فى عينها...
"أنا عايز أعرف بس أيه اللى حصل..أنا ضايقتك لما...."
حطت صوباعها على شفايفى وقربت منى و سندت راسها على راسى و
حطيت أيدها على وشى....
ندى:"سارانيه شيون"
تفاجأت أول ما سمعتها بتقول الكلمة ديه,,كانت من شوية بس بتقوللى
متقربش منى...وأتفاجأت أكتر لما لمست شفايفى بشفايفها..غمضت عينى و
قربت منها.....
وفى اللحظة ديه حسيت بأيد بتهزنى..فتحت عينى,أتخضيت أول ما
شوفتها.....
"أمووووووه..ياااااااااا بتعملى أيه هنا؟؟؟"
يونا:"أوبا أنت نايم من أمتى؟؟أنا بصحيك بقالى خمس دقايق عشان أقولك ان
الاجتماع هيبدأ بس واضح أنك كنت مستغرق فى النوم"
قعدت على الكنبة و حاولت أفوق نفسى وهى قعدت جنبى
"خلاص روحى أنتى و انا هحصلك"
حطيت أيدها على أيدى و قربت منى:"أنيااا...هروح معاك"
معتقدش فى أسوء من اللى أنا فيه....بس رأيى اتغير بسرعة أول ما الباب
خبط و ندى دخلت..مكنتش عايزها أبدا تشوفنى أنا ويونا قاعدين كدة مع
بعض.....
ندى:"بيانيييه لو كنت دايقتكوا..بس جيت عشان الرئيس تشوى قاللى أجيب
ورق من عندك"
يونا:"أنا رايحة على الاجتماع دلوقتى...أنتوا كمان متتأخروش"
كنت عارف تفكير يونا...مشيت بسرعة قبل ما أحرجها أدام ندى و أقول ان
مفيش حاجة بيننا...أول ما خرجت بصيت لندى..
"أ أحناااا..أحنا كنا بنتكلم فى الشغل...ومفيش أى حاجة بيننا"
ندى:"ديه حاجة متخصنيش عشان أعرفها,سواء كان فى حاجة بينكوا ولا
لأ..ودلوقتى لو سمحت أدينى الورق عشان نلحق الاجتماع قبل ما يبدأوا"
*************************************
كنت قوية قدامه بس كنت بموت من جوايا..كنت متغاظة أوى
هى ديه اللى قاللى عليها انه مبيحبهاش؟؟طب ليه كانوا قريبين من بعض
كدة؟!!ولما شوفتهم مع بعض كدة عاملته ببرود أكتر و أكتر..وفكرت ان كلمة
أسف اللى فى الورقة كان معناها زى ما أنا توقعت.....أخدت منه الورق و
روحنا على الاجتماع......
السيد تشوى:"اجتماع النهاردة عشان نحط جدول الشغل...تصوير الاعلانات
والترويج للشركة والاهتمام بالمصانع وخط الانتاج"
الرئيس سونجو:"احنا حطينا الخطة الاولية..هتلاقوها فى الفايل اللى
قدامكوا.......بالنسبة لتصوير الاعلانات فأحنا هنبدأ أبتداء من يوم الاتنين
الجاى...حد عنده اعتراض؟؟"
رديت بسرعة:"أوووه...ممكن نأجله ليوم التلات؟؟؟"
السيد تشوى:"ليه؟؟وراكى حاجة مهمة يوم الاتنين؟؟"
"دييييييه...يوم الاتنين ورايا معاد مهم"
الرئيس سونجو:"حاجة أهم من الشغل؟؟لو الجامعة فأنا متأكد أنك تقدرى
تنظمى جدولك"
معرفش ليه بحس بتوتر و ضيق لما اتكلم مع الرئيس سونجو..بحس انه عايز
يمسك عليا غلطة.....
رديت بثقة:"لأ مش الجامعة هى السبب..والمعاد اللى ورايا يوم الاتنين أهم من
أى حاجة تانية بالنسبالى..أنا ممكن أحاول أأجله بس لو أجلته فى يوم تانى
هنكون بدأنا الشغل وكدة ممكن أخل بالجدول فعلا...فأنا أفضل أنه يكون يوم
الاتنين قبل ما الشغل يبدأ عشان مفيش حاجة تتضر سواء كانت الحاجة ديه
الشغل أو مواعيدى"
السيد تشوى:"أمممم...دييه معتقدش اننا لو أجلنا التصوير يوم الشغل
هيتضر...وبتمنى ان معادك ده يكون مهم فعلا ندى شى"
خلصنا الاجتماع و ظبطنا مواعيد الشغل,و أتفقنا ان معاد التصوير هيكون
يوم التلات....
خرجت من الشركة و روحت على بيت ديما أعتقد أنى لازم أكون جنبها فى
يوم زى ده,بتمنى ميحصلش بينهم مشاكل من أول يوم.....وانا فى السكة
كلمت ريم....
"ريييييييييم....أزيك؟؟وحشانى أوى"
ريم:"what is this?..your voice so loud"
"ريم حبيبتى بليز كلمينى عربى..ولا عايزانى أقولهالك بالانجليش
كمان؟؟please honey speak Arabic"
ريم:"هههههههه حاضر حاضر...أنتى عاملة أيه؟؟؟"
"أنا كويسة..وأنتى؟؟؟"
ريم:"أنا تمام..متقلقيش عليا"
"هتيجى أمتى؟؟؟الأسبوع ده صح؟!!"
ريم:"اه هاجى يوم الاتنين...أول الاسبوع يعنى"
"طيب كويس...أنا النهاردة عملت مشكلة فى الشغل بسبب يوم الاتنين ده...لو
كنتى قولتيلى جاية بعد كدة كنت هقتلك"
ريم:"you can't do it..because you love me
sweetheart "
"OK..واضح أنك هتشلينى وهتفضلى تتكلمى كدة كتير وأنا مش هقدر أقنعك
تتكلمى عربي فأعملى اللى أنتى عايزاه"
ريم:"ههههههههه...I love you sis"
"طيب أنا هروح انام دلوقتى...أبقى كلمينى عشان تقوليلى معاد طيارتك
أمتى"
ريم:"OK..i love you..bye"
"أنا كمان بحبك..باى باى"
وبعدها كلمت ديما......
"دمدوم..أنتى فين دلوقتى؟!!"
ديما:"أنا رايحة على البيت دلوقتى..خمس دقايق وأكون هناك"
"أوووه أراسوو...وأنا كمان رايحة على هناك"
ديما:"ليييه؟؟ندى متخافيش مش هيحصل حاجة"
رديت:"أنا بس عايزة أكون جنبك فى الوقت ده..وأنتى عارفة أنى مش هغير
رأيى..يلا شوية وهوصل..أنيووو"
قفلنا مع بعض وكملت سواقة لبيت ديما.....
***********************************
وصلت كوريا اليوم..بتمنى متحصلش مشاكل وتنسى كل اللى فات..بس كنت
عارفة ان بابا لما يغصب ديما عليا هتكرهنى أكتر...وأنا بحاول بس أنها
تعاملنى كويس ولو شوية....
ركبت تاكسى وروحت على العنوان اللى بابا أداهولى...كان المفتاح تحت
المشاية..دخلت و حطيت شنطتى جنب الباب و قعدت بهدوء...مكنتش عايزة
أعمل أى حاجة عشان متضايقش منى....
استنيت نص ساعة و أنا بس قاعدة مستنية...وأخيرا ديما جت...أول ما الباب
اتفتح قومت وقفت......
ديما:"وصلتى؟!!"
"زى ما أنتى شايفة..أزيك؟؟"
ديما:"على أساس أنك مهتمة...تعالى معايا عشان أوريكى أوضتك"
طلعنا الدور اللى فوق و فتحت الباب على أوضة حلوة ولطيفة...
"كوماوا أونى"
ديما:"متقوليليش أونى...متقوليليش أى حاجة تبين أنك قريبة منى"
"ديما...أنا معملتش حاجة,ليه بتعاملينى بالطريقة ديه؟!!أنا طول عمرى
معتبراكى أختى الكبيرة...."
ضحكت بسخرية:"ها؟؟أختك؟؟مروة...بلاش نضحك على بعض..أنا عمرى
ماعملتك كأخت ليا...ولا هعمل كدة"
نزلت الدور اللى تحت و نزلت وراها....
"ديما...حتى لو مكنتيش مصدقانى أنا معتبراكى أختى..وهتفضلى أختى..لو
مش مصدقانى بصى على بطاقتى و بطاقتك و شوفى اسم الأب"
ديما:"أنتى مش مكسوفة تقوليلى الكلمة ديه؟؟بابا؟؟أنا عيلتى ماتت من زمان يا مروة...وديما كمان ماتت من زمان,ودلوقتى خلينا عايشين مع بعض أكننا
مش مع بعض...عشان متبوظليش الأمل الوحيد اللى بدأ يظهر فى حياتى"
كلامها كان جارح أوى بالنسبالى....وفى الوقت ده سمعنا جرس الباب....
ديما راحت فتحت...وندى صاحبتها هى اللى كانت على الباب...مكنتش عايزة أتخانق مع أختى قدامها,وقبل ما ديما تقفل الباب زقيتها و خرجت برا....سمعت صوت ندى من ورايا...
ندى:"مروااااااااا...رايحة فين؟؟"
مهتمتش بحد و جريت..فضلت أجرى و أعيط و بس...
جريت ناحية الشارع عشان أعدى للجهة التانية...وفجأة سمعت صوت من
جنبى...بصيت ناحية الصوت وشوفت بصورة مش واضحة بسبب دموعى
عربية جاية عليا..وفى الوقت ده حسيت ان الدنيا أسودت..............
....
...to be continue....
بتمنى تقولولى رأيكوا و تعليقاتكوا على البارت..وبتمنى انه يكون أفضل من اللى فات و فى المستوى المطلوب....
قولولى
توقعاتكوا للشابتر الجاى و يا ترى ايه اللى هيحصل لمروة!!
كلمة أخيرة:الشابتر ده من الشابترز
المميزة بالنسبالى,وكل المشاهد اللى فيه كتبتها بإحساسى حتى ان فى بعض المشاهد
دموعى نزلت و بكيت و أنا بكتبها...بتمنى ان المشاعر و الاحساس ده يكون وصل ليكوا و
أنتوا بتقرأوا...
Have fun…… <3
ليست هناك تعليقات:
إرسال تعليق