Chapter 15
خرجت من الأوضة وأنا لسة صاحية من النوم وبتمطع.....
شيون --_-:"صباح الخير يا ريم"
بإبتسامة رديت:"مالك اوبا؟؟أنت متضايق من حاجة؟؟"
شيون:"لااااااااا أبدا_وبدأ يبرطم فى سره_استغلال..كل ده عشان
تساعدنى؟؟؟يارتنى ما كنت وافقت"
قعدت جنبه على الكرسى اللى فى المطبخ....
"أوبا ممكن تعملى نيسكافيه؟؟؟"
شيون بيحط المجلة من أيده:"مش كنتى نايمة على السرير ومرتاحة؟؟
ماتقومى أنتى تعمليه..أنا وسطى أتقطم من نومة الكنبة"
رديت بلا مبالاة وأنا باخد المجلة اللى كان بيقرأها:"أنا مش بستأذن على
فكرة"
قعدت أقلب فى صفحات المجلة وهو قام يعمللى النيسكافيه بتاعى...
شيون:"أتفضلى"
أخدت شفطة:"المرة الجاية أبقى حط نص معلقة سكر بس..أنا عاملة دايت"
ومش عارفة ليه فى الوقت ده حسيت أن شيون متضايق وبيبصلى بطريقة
غريبة.....
بصتله:"فى حاجة أوبا؟؟؟؟"
شيون:"لأ مفيش...بس كنت عايز أسئلك..اللى قولتيلى أعمله ده هيساعدنى
بجد؟؟أنا قلقان الصراحة"
ريم:"أنت بتشكك فى قدراتى؟؟؟"
Flash back>>>
رجعنا من الـnight club متأخر وندى دخلت تنام على طول عشان كانت
تعبانة...وقعدت أنا وشيون نتكلم.......
"بص بقى أوبااا...ندى زى أى بنت محتاجة تحس بالاهتمام,,بس بردوا
ساعات لازم تحسسها أنك مش مهتم بيها"
شيون O.o:"وأعملها أزاى ديه؟؟؟"
"أنت غبى ولا أيه؟؟؟شكلك هتتعبنى معاك"
شيون بيكلم نفسه:"أنا اللى غبى؟؟"
رديت:"على فكرة أنا سمعاك...بص يابن الحلال...قصدى ان فى البداية كدة
متهتمش بيها,حاول تعاملها عادى...وفى نفس الوقت تعمل حاجات تحسسها
ان فى حد بيهتم بيها"
شيون:"يعنـ....."
"متسألش بدل ما أغير رأيى وهفكنى منك ومن الموضوع كله...يادى النيلة
السودة...سيبنى أخلص كلامى للأخر,أنا هساعدك بأنى أقولك على الحاجات
اللى ندى بتحبها وأنت تتصرف....ندى بتحب الورد جدا خصوصا
الأحمر...وبتعشق حاجة أسمها شيكولاتة,يكفى المعلومتين دول
دلوقتى..وأوعى تحسسها أنى بقولك حاجة والا هقلب عليك لأنها هتقلب عليا
وقتها....ok؟؟"
شيون:"ok...وأنا جاتلى فكرة^^"
بإبتسامة:"أوكى أنا هدخل أنام بقا...هطلعلك مخدة وبطانية"
شيون O.o:"أيه؟؟؟"
رديت وأنا بتاوب وداخلة أوضته:"مش قولتلك لكل حاجة مقابل؟؟يلا تصبح
على خير أنا تعبانة أوى"
Now>>>>
وأحنا قاعدين نتكلم ندى صحيت...وخرجت من الأوضة بعد ما غيرت هدومها...أختى ديه مفيش منها أمل...هتجننى....
ندى:"صباح الخير"
"صباح النور"
شيون:"صباح الخير"
دخلت المطبخ و وقفت تعمل الفطار...وقعدنا أحنا التلاتة نفطر...دلوقتى بس
حسيت بإن دونجهى مش موجود.....
"أمال دونجهى أوبا فين؟؟؟"
شيون:"نزل بدرى...يمكن عنده شغل"
وأحنا بناكل سمعنا جرس الباب....
ندى:"مين اللى جاى دلوقتى؟؟دونجهى معاه المفتاح"
شيون:"هقوم أشوف مين"
قام شيون وفتح الباب وبعدها بصلنا.....
شيون:"ندى تعالى لحظة"
قامت ندى ورجع شيون قعد مكانه وغمزلى.....
بصيت لندى تانى لقيتها شايلة بوكيه ورد كبير لونه أحمر وعلبة ملفوفة كادو
وشكلها حلو أوى.....
بصيت تانى لشيون وضحكت على أفكاره...وهو عمل نفسه مطنش
خالص...رجعت بصيت لندى وعلى وشى ابتسامة....
"مين اللى جايبلك الحاجات ديه؟؟؟"
ندى:"معرفش..عامل التوصيل بعتهم ومفيش أسم"
"oooooh….secret admire^^...طب فى كارت؟؟"
ندى:"اهاااا...مكتوب(Have a nice day^^)
"wooooooow…so sweet^^...بقولك أدخلى ألبسى يلا عشان
هتأخر..اه صحيح أنا عايزة عربية"
حسيت بشيون أستغرب من طلبى..كأنى مثلا قولت حاجة غريبة..أو كأنى
طلبتها منه....
ندى:"أولا ما أنا لابسة أهوه...ثانيا,عايزة عربية نوعها أيه؟؟؟"
شيون:O.o
-_-:"أولا أنتى فصلتينى...ثانيا ما أنتى عارفة"
ندى:"أولا فصلتك ليه يعنى؟؟ثانيا عايزة مينى كوبر....حاضر"
وأخرة ما اتخنقت من افعالها ديه...شدتها من أيدها ودخلنا أوضتها.....
************************************
كانت صدمتى كبيرة فى اللى سمعته...كل آمالى اللى بنيتها طارت فى
ثانية,فى الوقت ده أفتكرت كل ثانية وكل لحظة ندى كانت بتقولى فيها
متتخليش عن حبك....دونجهى بيحبك...شوفتى اهتمامه بيكى؟؟؟
وافتكرت كل لحظة وكل ثانية كان بيبقى قريب منى...بيضحكلى...بيقولى
وحشتينى وعايز أشوفك...
ليه بيحصل معايا كدة؟؟كنت حاسة بدوخة و أنى مش قادرة أتحرك من
صدمتى....
دونجهى:"ديمااااا...هييييه,روحتى فين؟؟أنتى كويسة؟؟"
رديت:"ها؟؟أهاااا..أنا كويسة,بس أنت عارف أتفاجأت من اللى أنت قولته"
حاولت أتصنع الإبتسامة بصعوبة...كنت حاسة أنى قلبى بقى نصين...حسيت
بوجع فظييييع...
دونجهى بإبتسامته اللى كانت دايما بتدينى أمل بحبه ليا:"وهتساعدينى؟؟؟
J"
كانت الكلمات بتطلع منى بصعوبة:"أأ أكيد..أنتوا أقرب أتنين ليا...أنا لازم
أمشى دلوقتى,ورايا مشوار مهم"
دونجهى:"أراسووو...خدى بالك من نفسك"
قومت بسرعة من على الترابيزة كأنى عايزة أهرب من قدامه...
خرجت برا الكافيه ورجلى أخدتنى على البيت...كنت حاسة أنى مخنوقة
ومتعصبة و بتمنى أنى أكون بحلم.....
أعيط بحرقة....
.jpg)
كنت حاسة بالضعف والألم...مش عارفة أعمل أيه!!!!
وفى الوقت ده أول حاجة جت على بالى أنى أقوله أن ندى بتحب شيون
وبكدة يبعد عنها...بس فى النهاية قلبى اتجرح و مينفعش نبقى مع بعض بعد
كدة...حتى لو خليته يحبنى..أزاى أرتبط بواحد قالى انه بيحب صحبتى؟؟؟؟
نسيت كل حاجة..الجامعة,والشركة...كنت عايزة بس أقعد فى البيت
لوحدى.....وفى الوقت ده سمعت باب أوضتى بيخبط....
مردتش عليها,معنديش أى طاقة انى أدخل فى اى مناقشة حاليا..وبدأت هى
تتكلم...
مروة:"ديما...أنتى كويس؟؟لما خرجتى أفتكرتك رايحة على
الجامعة...رجعتى ليه؟؟فى حاجة حصلت وضايقتك؟؟؟"
مقدرتش أستحمل تدخلاتها فيا بالطريقة ديه ومقدرتش أمسك نفسى أكتر.....
بدأت أصرخ فيها وما زلت مش قدرة اوقف دموعى:"أمشى من
هنااااااا...مش عايزة أتكلم مع حد...ملكيش دعوة بياا...أنا بكرهك"
سمعت صوت خطواتها بتبعد...وأنا أنهرت من العياط...وفى الوقت ده
سمعت صوت موبايلى بيرن...شوفت الرقم..كانت ندى بتتصل....ليه كله
بيجى مرة واحدة؟؟أنا مش عايزة أتكلم مع أى حد...مش قادرة,حاسة أنى
بتدمر....
رميت موبايلى على الأرض عشان أوقف رنينه......
وبدأت أعيط فى صمت وأنا بفكر فى الناس اللى كنت بعتبرهم أقرب حد ليا
فى الوقت ده...ودلوقتى خلاص,رجعت لوحدى تانى.....وأخيرا عيونى
بدأت تقفل ونمت من كتر التعب والتفكير.....
*************************************
"اااييشششش...مبتردش ليه ديه؟؟وكمان قفلت موبايلها..ياترى أيه اللى
حصل؟؟؟"
وفى اللحظة ديه ريم خرجت من الحمام بعد ما أخدت شاور وغيرت
هدومها....
ريم:"أنتى أتجننتى وبتكلمى نفسك؟؟؟"
"لأ...بس كنت بكلم ديما..فى الأول مكنتش بترد وبعدين كلمتها تانى لقيت
موبايلها مقفول"
ريم:"تلاقي عندها محاضرة أو مشغولة فى حاجة....أنتى لسة مغيرتيش
هدومك؟؟؟"
"أنا عايزة أفهم أيه المشكلة فى لبسى؟؟؟"
حطت أيدها فى وسطها:"المشكلة أنك لازم تغيرة من الستايل بتاعك
شوية...وبعدين أحنا مش نزلنا واشترينا هدوم كتير جديدة..ألبسى طقم منهم"
قومت عشان أختار طقم من الدولاب زى ما ريم قالتلى...فى الاول كنت
بقول ان ريم هتساعدنى فى مخططى,بس معملتش أى حاجة من اللى كنت
بحضرلها...كنت بقول لازم أهتم بنفسى أكتر من كدة...لازم أخلى شيون
يحبنى ويشوفنى فى احلامه كمان,,معرفش ليه بعمل كدة مع أنى بصده فى
كل خطوة...بس أفكارى وصلتنى أنى عايزة أرضى غرورى اللى بيقولى
أنى لازم أخليه يعرف ان مش كل اللى هو عايزه ممكن يحصل عليه....
والبداية هتبقى من دلوقتى....
ريم:"بصى...طلعى البنطلون الأسود الضيق...وعليه القميص المقلم
الحرير"
طلعتهم زى ما قالتلى وغيرت هدومى ولبستهم....
ريم:"yes.. Exactly"
"وطبعا عليهم الشنطة السودة"
فتحت الدرج بتاعى و طلعتلى الساعة الذهب بتاعتى وأديتهالى...
ريم:"كدة تمام...بس دخلى طرف القميص فى البنطلون...أيون,كدة حلو اوى
فاكرة زمان لما كنتى أنتى اللى بتختاريلى هدومى وبتعلمينى ألبس أزاى؟؟
مش عارفة أيه اللى غيرك"
"أنا متغيرتش...ولسة شيك,بس الأولوية دلوقتى بقت ليكى وللشغل"
ريم:"أراسوو أراسووو...بس متنسيش نفسك بردوا...ههههههههه وحتى لو
كان اسلوبك متغيرش مش حاجة مفاجأة ان يكون ليكى معجبين كتير مش
واحد بس...my lovely sister"
"thank you sweety...بس صحيح,تفتكرى مين اللى بعتلى الورد
والكادو الصبح؟؟"
ريم:"معرفش,أنتى أدرى...صحيح أنتى لسة مفتحتيش الهدية؟؟أفتحى شوفى
جواها أيه"
كانت العلبة ملفوفة بشكل شيك جدا...فتحتها واتصدمت.....
ريم:"wooooow chocolate^^"
عجبتنى الهدية جدا..مفيش حاجة بحبها أكتر من الشيكولاتة....
للحظات حسيت بالسعادة...وبعدها بالخوف....
"بس مين اللى هيجبلى ورد أحمر وشيكولاتة؟؟؟مين اللى يعرف أنى بحب
الحاجات ديه أصلا؟؟؟"
بصيت لريم....
ريم:"متبصليش كدة..وأنا أيش عرفنى؟؟ممكن تكونى قولتى لأى حد وأنتى
مش واخدة بالك"
حاولت أنى مفكرش كتير فى الموضوع...أخدت قطعة شيكولاتة
وأكلتها...وريم كانت بتمد أيدها عشان تاخد قطعة,بس أنا طبعا مش
هسمح...وضربتها على أيدها....وقفلت العلبة وحطيتها فى الدولاب.....
ريم:"يااااااااااا...أدينى حتة على الأقل"
"no no no...ديه بتاعتى أنا"
أخدت المفاتيح و موبايلى وشنتطى وخرجت من الأوضة...
كان شيون خارج من أوضته وكان نازل...عملت نفسى مش واخدة بالى منه
وفتحت الباب وخرجت و ورايا ريم...كنا مستنيين الاسانسير وبعد ثوانى
شيون كمان خرج من الشقة وقفل الباب و ركبنا مع بعض الأسانسير....ريم
وشيون وقفوا جنب بعض و أنا وقفت وراهم.....
ريم:"أوبااا...أنت رايح على الجامعة ولا الشركة؟؟"
شيون:"الجامعة...وبعد المحاضرات هروح على الشركة"
ريم:"أمممم...يبقى هنشوف بعض طول اليوم^^"
أستغربت من كلامها:"أنتى هتروحى الشركة؟؟"
ريم:"اهاااا...عايزة أشوف الشغل بيمشى أزاى"
و أخيرا الأسانسير وقف و أنا وريم ركبنا عربيتى وروحنا على الجامعة....
ريم:"أنا هروح على السيكشن بتاعى...bye..see you"
"ok…bye bye^^"
وشيون كمان كان وصل.....روحت على محضراتى...وشوفت الحاجات
اللى وقعت منى فى اليومين اللى فاتوا..وبعدها روحت قعدت فى المكتبة
أذاكر شوية...
*********************************
ندى دخلت على محضراتها على طول من غير حتى ما تبصلى..وريم كانت
رايحة ناحية الكلية بتاعتها فلحقتها....
ريم:"أوووه..شيوناااا,بجد كانت هدية....perfect...عرفت تتصرف
برافوووو أوبا,بس أنت جاى ورايا ليه؟؟"
"عايز أعرف أنتى بتفكرى فى أيه بالظبط"
ريم:"I didn't understand you"
"قصدى..أنك بتلعبى على الناحيتين..أنا وندى,كلامى صح؟؟"
ريم بوش برئ:"أنا بجد مش فاهمة أنت بتتكلم عن أيه...بص أوبا,أحنا بينا
أتفاق...وأهم حاجة بالنسبالى ان ندى متعرفش أنى بقولك أى
حاجة...أراسووو؟؟؟"
أتنهدت ومعرفتش أقولها أيه....
كنت لسة هفتح بوقى وأتكلم بس الجو غيم فجأة....
يونا بضحكة مصطنعة:"أوبااا..أنت بتعمل أيه هنا؟؟؟أوووه مين ديه؟؟؟^^"
ريم:"أوووووووه...قولها أنا مين أوبا"
وبعدها بصتلى وغمضت عنيها وفتحتها بسرعة ورا بعض بطريقة
بريئة....كان موقف غريب....
"يونا..ديه ريم أخت ندى....ريم أعرفك بيونا"
يونا:"هاى ريم"
ريم:"hi sweety....أوبااا..معرفتش بردوا مين يونا؟؟"
يونا:"أنا صديقة شيون..وكمان بابا يبقى الشريك الرئيسى مع والد شيون فى
الشركة"
ريم:"اهااااا...then…we will see each other alot"
"أحنا هنفضل واقفين هنا كتير؟؟؟"
ريم:"لأ أنا لازم أمشى...أصحابى مستنينى,أبقى كلمنى لما تخلص عشان
أروح معاك الشركة...see you oppa^^"
"أراسووو...أنيوووو"
وبعدها بصت ليونا من فوق لتحت بإبتسامة غريبة:"bye"
وأول ما مشيت يونا أتنهدت بسخرية:"ها...أيه اللى حصل ده دلوقتى!!!!"
"يونا..أنتى كويسة؟؟؟"
يونا:"بـبووووه؟؟sweety؟؟مين ديه أصلا عشان تكلمنى بالطريقة ديه؟؟؟
أوباااا..عرفتها منين البنت ديه؟؟؟"
"قولتلك أنها أخت ندى"
يونا:"قصدى عرفتها أزاى؟؟؟واضح أنكوا قريبين من بعض"
"ندى وصلتها معاها هنا على الجامعة وأنا شوفتهم مع بعض واتعرفت
عليها..هى لطيفة و بتعامل الناس بتلقائية"
وقتها أفتكرت أول مرة أقابل ريم وتلقائيتها فى التعامل معايا أنا
ودونجهى...وكمان أتفقنا مع بعض...وإستغلالها....
يونا بصوت غاضب وشبه مسموع:"واضح انها شبه أختها"
"ها؟؟بتقولى حاجة؟؟"
يونا:"أنياااا...أنا عندي محاضرة,هبقى أشوفك فى الشركة"
ومشيت يونا و أنا كمان روحت على السيكشن بتاعى وكل اللى حصل ده
حسسنى بالحيرة وقعدت أفكر فيه كتير....
مكنش عندي غير محضرتين..وأول ما خلصتهم لقيت ريم بتتصل بيا......
ريم:"أوبااا..أنا قدامى ساعة وأخلص...هقابلك فى كافيتريا
الجامعة..أراسووو؟؟؟باى باى"
مدتنيش فرصة حتى أتكلم وقفلت بسرعة...روحت على المكتبة عشان أشوف
شوية كتب ممكن تساعدنى فى مذاكرتى لغاية ما ريم تخلص....وهناك
شوفت ندى...
كانت قاعدة بتذاكر,وفاجأة ظهرت مروة وقعدت مع ندى...كان واضح أنهم
بيتكلموا فى موضوع مهم...ده اللى جيه على بالى لما شوفت ملامح ندى
بتتغير من الكلام اللى مروة بتقولهولها...يا ترى بيتكلموا فى أيه؟؟؟؟
*******************************
نزلت من البيت وأنا بحاول أحافظ على هدوئى وحابسة دموعى
بالعافية....ليه دايما بتعاملنى بالطريقة ديه...أنا تعبت,والكلمة اللى قالتها طلعت عادى منها من غير ما تحس بتردد حتى!!! ...
أنا بكرهك...الكلمة ديه فضلت تتردد فى راسى طول الوقت....
كان عندي محاضرة واحدة..حضرتها بس مكنتش مركزة فى أى حاجة
بتتقال...مكنتش بفكر غير فى اللى بيحصللى من ساعت ما جيت هنا...كنت
بفكر كمان فى اللى حصل زمان..قبل ما ديما تيجى على كوريا...بجد أنا
وجعتها أوى كدة؟؟؟
وكمان قعدت أفكر وأحاول أخترع سبب يخلى ديما منهارة بالشكل ده....
خلصت المحاضرة وروحت على المكتبة...شوفت ندى قاعدة هناك
لوحدها...يمكن هى تعرف أيه اللى بيحصل مع ديما....
روحت وقعدت معاها...وهى اول ما شافتنى أبتسمتلى...
ندى:"أزيك يا مروة؟؟عاملة أيه؟؟"
"أنا كويسة..أنتى أيه أخبارك؟؟"
ندى:"زى ما انتى شايفة...مذاكرة كتير,صحيح أيه أخبار ديما؟؟أنا كنت
بكلمها بس موبايلها مقفول...حصلت حاجة بينكوا؟؟"
"أنا كنت هسألك نفس السؤال..يعنى لو فى حاجة حصلت بينكوا أو هى
قالتلك حاجة...النهاردة الصبح نزلت بدرى أفتكرتها كانت رايحة على
الجامعة..بس بعد ساعة تقريبا رجعت وكان شكلها منهار..طلعت أوضتها
وقفلت على نفسها وقعدت تعيط...ولما حاولت أخبط على الباب أو أسئلها أيه
اللى حصل قعدت تزعق جامد وقالتلى أنها مش عايزة تتكلم مع حد"
سكت شوية وبعدين كملت:"أنتى عارفة علاقتنا مع بعض عاملة أزاى..أنتى
قريبة منها وأكيد بتحكيلك على كل اللى بينا...بس أحلفلك بأيه أنا مليش أى
ذنب...أنا معملتلهاش أى حاجة"
كانت دموعى بدأت تنزل على وشى,كأنها كانت مستنية اللحظة اللى تخرج
فيه من السجن اللى أنا حابساها فيه.....
ندى:"أرجوكى متعيطيش..أنا عارفة أنك معملتيش أى حاجة وملكيش أى
ذنب فى اللى حصل معاها قبل كدة ولا اللى بيحصل معاها دلوقتى.....بصى
أنا هروحلها البيت أشوف مالها وأنتى أهدى شوية..أكيد هنلاقى حل وكل
حاجة بينكوا هتتصلح..أراسووو؟؟؟"
رديت وأنا بمسح دموعى:"أوووووه..أراسووو..وأبقى طمنينى عليها"
ندى:"حاضر...أنا هروحلها دلوقتى...باى"
قامت ندى ومشيت وأنا فضلت قاعدة فى المكتبة..وبصيت فى الكتب اللى
قدامى عشان أذاكر شوية....حاولت أهدى نفسى وأبطل عياط...وكلام ندى
خلانى أحس براحة,يمكن عشان حست أنها هتقف جنبى وهتساعدنى عشان
علاقتى بديما تكون أحسن من كدة......
كنت ماشية فى مذاكرتى بشكل كويس...لغاية ما وقفت عند فقرة ومعرفتش
أفهمها...وقتها لميت حاجتى واتجهت لمكتب كيبوم شى..
خبطت على الباب ودخلت....
كيبوم:"أوووه...مروة شي,أزيك؟؟؟"
"نا كنتشانا...كوماوا"
كيبوم:"شكلك أحسن النهاردة"
"اهااا..والفضل يرجعلك...شكرا لأنك وقفت جنبى امبارح أنا فعلا كنت
محتاجة أتكلم مع حد...وبعتذر لأنى تعبتك معايا"
كيبوم:"متقوليش كدة...وبتمنى انك تعتبرينى صديق فعلا زى ما قولتلك
أمبارح"
"كوماوااا...أنا مش عايزة أعطلك بس كان فى فقرة مش فهماها"
كيبوم:"أتفضلى أقعدى فى الأول...وخلينا نشوف بقا انتى مش فاهمة أيه"
فتحت الكتاب على الصفحة وأديتهوله...وبدأ يشرحلى بطريقة بسيطة وغير
معقدة....حسيت بالراحة بالتعامل مع كيبوم...انسان رائع بجد...بساطته
وأسلوبه بيخلى أى حد يرتاح فى التعامل معاه..
*********************************
كنت بتمرن بنشاط النهاردة....مقابلتى مع ديما الصبح أدتنى أمل وثقة فى أن
ندى تحبنى...كنت فرحان بجد وانا بفكر فى كل خطوة هعملها بعد كدة عشان
أقرب من ندى.....
كان عندي بريك وقاعد مع أيونهيوك وسونجمين و وقتها سمعت رنة
موبايلى....ابتسمت تلقائيا أول ما شوفت أسمها ورديت بسرعة
"ندى..أزيك؟؟؟"
ندى:"أوووه أوبا..أنا كويسة,كنت عايزة أسئلك هى ديما عندها شغل
النهاردة؟؟؟؟"
"معرفش...بس أنا مشوفتهاش النهاردة فى الشركة...ليه؟؟فى حاجة
حصلت؟؟؟"
ندى:"اصل إنا بكلمها من الصبح بس موبايلها مقفول وكمان مراحتش
الجامعة ومروة قالتلى أنها كانت فى البيت...وأنا عند بيتها دلوقتى وبخبط
بس واضح ان مفيش حد جوا"
"أنا قابلتها النهاردة الصبح وقالتلى ان عندها معاد"
ندى:"طب وحصل حاجة غريبة بينكوا؟؟يعنى اتكلمتوا فى أيه؟؟؟"
رديت بتردد:"ها؟؟؟يعنى مش حاجة معينة..بس هى كانت كويسة"
ندى:"أراسووو أوبا...بيانيه لأنى أزعجتك"
"أنياااا...ولا يهمك,أشوفك على العشا"
ندى:"أراسووو...أنيووو"
قفلت معايا وأنا رجعت اتكلم مع ايونهيوك وسونجمين....
ايونهيوك:"ديه ندى؟؟؟"
"اهااا..هى"
سونجمين:"يااااا..أنت بتحب كام واحدة بالظبط؟؟فى الأول ديما ودلوقتى
ندى؟؟واشوفك على العشا وكلام غريب كدة"
"قولتلك قبل كدة ان أنا وديما أصدقاء وبس"
سونجمين:"بس من اللى شوفته أخر مرة أتوقعت أن فى بينكوا حاجة أكبر
من الصداقة"
أيونهيوك:"لأ مفيش...دونجهى بيحب ندى"
كلام سونجمين فى الوقت ده علق فى راسى...بس لأ أكيد مستحيل يعنى,أنا
وديما أصحاب وبس.....
مسكت موبايلى وحاولت أتصل بديما بس موبايلها كان مقفول....
ياترى أيه اللى حصل؟؟؟؟
رجعنا تانى للتدريب وحاولت أنسى كل اللى بفكر فيه.....
**********************************
خرجت من المحاضرة مع كيوهيون وكنا بنتكلم.....
كيوهيون:"ريم..أيه رأيك تطلعى معانا الرحلة بتاعت بعد بكرة؟؟؟"
رديت:"ديه رحلة أيه؟؟؟"
كيوهيون:"رحلة لجزيرة جيجيو...هتستمتعى اوى هناك,وكمان فى مناظر
رائعة والبحر كمان توحفة"
رديت:"أراسووو...هفكر وأرد عليك"
كيوهيون:"النهاردة أخر معاد للاشتراك...خلينا نطلع مع بعض بقا"
"اممممم...اراسووو,والمفروض ندفع الاشتراك ده فين؟؟؟"
كيوهيون:"تعالى معايا"
روحنا دفعنا الاشتراك بتاعى و بعدين اتمشينا مع بعض شوية....
كيوهيون:"واااااااه...أنا متحمس جدا للرحلة ديه"
"وأنا كمان...أما نشوف أخرة نصايحك....أوووه أنا جعانة اوى"
كيوهيون:"وانا كمان...تحبى نروح ناكل فى الكافيتريا؟؟"
"لأ..أنا هعزمك على الغدا فى مكان حلو,,تعالى معايا"
وطلعت موبايلى وكلمت شيون....
"أوووه أوبااا....أنا خلصت,أنت فين؟؟؟....طيب أنا جيالك دلوقتى"
كيوهيون:"مين شيون؟؟؟"
"ده حبيب أختى اللى حكتلك عنه قبل كدة"
كيوهيون:"صحيح..أنتى محكتليش الموضوع ده بالتفصيل"
رديت:"هقولك بعدين..أنا جعانة أوى دلوقتى"
وفى الوقت ده كنا وصلنا عند شيون اللى قالى انه واقف عند عربيته.....
"متأخرتش عليك...صح؟؟"
شيون:"كيوهيون؟؟؟؟؟"
كيوهيون:"شيون؟؟بقالى كتير أوى مشوفتكش"
أستغربت من معرفتهم لبعض:"أنتوا تعرفوا بعض؟؟"
كيوهيون:"اهااا..والدى و والد شيون يبقوا أصدقاء من زمان"
"امممم...طيب يلا خلونا نتكلم فى السكة"
كيوهيون:"هنروح على فين؟؟؟"
"مش أحنا جعانين؟؟هنروح ناكل...يلا شيون"
ركبت عربية شيون وسيبتهم واقفين مصدومين....وبعد ثوانى هم كمان
ركبوا..كيوهيون جنب شيون وبيبصولى هم الاتنين باستغراب....
"أنتوا لسة هتبصولى؟؟يلا أنا جعانة أوى..شيون أنا عايزة أكل فى مطعم
شيك ويكون غالى طبعا"
شيون شغل العربية و مشينا....
شيون:"بس عربيتك فين كيوهيون؟؟؟"
كيوهيون:"بابا سحبها منى...بس أنا عندي سؤال,كدة شيون يبقى حبيب أختك
اللى قولتيلى عنه؟؟؟"
حسيت بارتباك لمجرد أنه يذكر الموضوع ده قدام شيون...وحسيت بنظرات
شيون اللى هتقتلنى...وبعدها فكرت...أيه اللى يخلينى أخاف من الموضوع
ده؟؟؟
رديت بتردد:"أأأ أوووه...شيون بيحب أختى..صح شيون أوبا؟؟"
شيون:"امممم...صح"
كيوهيون:"واااااااااه...شيون العظيم فى واحدة عرفت تلمه"
رديت بفضول:"تقصد أيه؟؟؟؟"
شيون:"احم احم...مش قصده حاجة,وعلى فكرة يا ريم..أنا فكرت فى
الموضوع ولقيت أنك المفروض تساعدينى من غير مقابل...لأنك سرقتى
منى فرصة كانت ممكن توفر عليا كل اللى بعمله دلوقتى"
"وأيه هى الفرصة ديه شيون؟؟؟؟"
شيون:"أمبارح..الصبح لما نزلتى تشترى حاجة وطلعتى عشان نسيتى
موبايلك...كنت بتكلم مع ندى..وسألتها بطريقة غير مباشرة هى بتحبنى ولا
لأ...وكانت هتجاوب...بس أنتى اللى بوظتى كل حاجة لما طلعتى"
كيوهيون:"أنا مش فاهم حاجة!!!!"
"شيون...أنت المفروض تشكرنى وتعمل ضعف اللى أنت بتعمله دلوقتى
عشان أنقذتك من اللى كنت هتحط نفسك بيه...لو كانت ردت عليك معتقدش
أبدا ردها كان هيبقى فى صالحك...ومتحاولش تسألها السؤال ده تانى الا لما
تتأكد انها بتحبك..أو حتى تبينلك ده"
شيون:"ومين قالك الكلام ده؟؟؟"
"عشان السر الرهيب اللى محدش يعرفه...أن ندى أختى يا ذكى"
وأخيرا وصلنا لمطعم شيك ودخلنا احنا التلاتة ناكل فيه...
*************************************
صحيت على جرس الباب والخبط المستمر...فى الأول أفتكرت أنها
مروة,بس بعد كدة أفتكرت ان مروة معاها المفتاح....
نزلت وشوفت مين اللى على الباب...كانت ندى,مكنتش عارفة أعمل أيه!!!
أفتح ولا مردش خالص...وفى الاخر مردتش وقولت ان كدة هيكون
أحسن.....
مكنش عندي اى استعداد انى أقابل أو أشوف أى حد فيهم...كنت عايزة أقعد
لوحدى وبس....قعدت ورا الباب وأنا بسمع صوت جرس الباب فى
هدوء.....وبعد دقايق مشيت...سمعت صوت عربيتها بتتحرك...حسيت
بالندم,ندى متستحقش منى كل ده..هى كانت بتحاول تساعدنى وبس.....بس
مكنتش تعرف أن مساعدتها ديه هتأثر عليا بالطريقة ديه....
طلعت وأخدت شاور وغيرت هدومى...وبعدها نزلت أتمشى شوية....مكنتش
عارفة أروح فين...سيبت رجلى تودينى مكان ما هى عايزة....ساعتها بس
لقيت نفسى عند نفس المكان اللى جيت فيه مع ندى عند نهر الهان...لما كنا
مجروحين مع بعض وبنحاول نخفف عن بعض.....
قعدت أعيط بهدوء..وأنا بفكر....
ليه مقلش أه بيحب اى واحدة تانية؟؟؟ليه هى؟؟؟
كنت حاسة أنى كل ما الوقت بيعدى عليا بتحطم أكتر وأكتر..وقتها مسحت
دموعى و حاولت أكون قوية....مش هو ده اللى هيحطمنى او يخلينى
ضعيفة,أنا لازم أكون أقوى من كدة......
قومت من مكانى ورجعت على البيت..كنت بفكر انى سيبت كل حاجة ورايا
فى المكان ده...ومش عايزة أرجعله تانى...أنا لازم أحقق حلمى وأعتمد على
نفسى وأكون أقوى...أقوى وبس....
دخلت البيت...كانت مروة قاعدة على الكنبة...وأول ما شافتنى قامت
وقفت....
مروة:"كنتى فين؟؟؟قلقتينى عليكى"
"متهتميش بيا...خليكى فى نفسك وبس"
كنت طالعة على أوضتى بس صوتها وقفنى...
مروة:"ندى كانت قلقانة عليكى...وجت تشوفك بس ملقتكيش هنا"
مقدرتش أمسك أعصابى:"وأنتى مين قالك تقوللها حاجة عنى؟؟"
مروة:"أنتى مش عايزة تتكلمى معايا ولا بتهتمى بأى كلام بقوله...فحاولت
أنى أخلى حد بتحبيه يكون جنبك......بما أنك بتكرهينى"
كلامها كان بينزل عليا زى السكاكين...مقدرتش أستحمل انى أسمع أكتر.....
"متدخليش فى حياتى تانى...متهتميش بيا زى ما أنا مش بهتم
بيكى,ومتدخليش ندى فى أى حاجة تحصل تانى"
طلعت على أوضتى وأنا بسمع كلامها اللى ممزوج بصوت عياطها
مروة بصراخ:"أنا مش قادرة مهتمش بيكى.....لأنك أختى"
قفلت الباب بقوة لدرجة أنى حسيت أنه ممكن يتكسر...بس مهتمتش
أوى....قعدت على السرير وأنا بحاول أمنع دموعى أنها تنزل....
وبعدها رميت راسى على المخدة و قعدت أفكر فى الشغل بتاعى..الحاجات
اللى لازم أعملها عشان توصلنى للى أنا عايزاه...برنامج الراديو بتاعى و
شغلى فى الشركة ودراستى....
بس مهما كنت بفكر فى مواضيع كنت برجع لنفس النقطة....
ندى و دونجهى ومروة
************************************
"خلاص خلصتوا أكل؟؟؟"
ريم:"فى أيه أوبا؟؟؟مستعجل على أيه؟؟ما أحنا قاعدين...وكمان فين
الحلو؟؟؟"
طلبنا الحلو على حسب أوامر الأميرة ريم...
ريم:"أوباا...معاك نمرة دونجهى اوبا...صح؟؟"
"اهااا...ليه؟؟؟"
ريم:"عايزاها...ممكن تديهانى لو سمحت؟؟؟"
أديتها رقم دونجهى...وبعدها على طول أستئذنت مننا وقامت تكلمه فى
التليفون...ياترى عايزة منه أيه؟!!!!!
كيوهيون:"بصراحة شيون..عمرى ما تخيلت أن فى بنت تعمل معاك انت
كدة..ههههههههههه"
"وكمان بتضحك؟؟مش كفاية اللى صحبتك عملته فيا؟؟؟وبعدين صحيح أنتوا
اتعرفتوا على بعض ازاى بالسرعة ديه؟؟؟"
كيوهيون:"مجرد صدفة"
وفى الوقت ده ريم رجعت.....
"بالمناسبة بقا...عايز أسئلك عن حاجة"
ريم:"أيه هى؟؟أتفضل"
"عايز أعرف ليه بتستغلينى بالطريقة ديه وأنتى فى أمكانك أنك تشترى
المطعم ده كله دلوقتى كدة وأحنا قاعدين؟؟؟يعنى أكيد مش مستنية واحد زيى
يعزمك"
كيوهيون:"وااااااااه...ريم طلعت غنية للدرجة؟؟؟"
ريم:"الموضوع مش حكاية أستغلال أوبا...الموضوع حكاية مبدأ"
كيوهيون:"أنا ملاحظ أنكوا بتطنشونى من الصبح"
"وأيه المبدأ فى الموضوع؟؟؟"
ريم:"good question"
كيوهيون:"مبتحبيش حد يضحك عليكى؟؟؟"
ريم:"good answer"
-_-:"أرهنك انك مكنتيش لاقية أجابة للسؤال ده"
ريم:"هنكتفى بالإجابة ديه لغاية ما نروح وأسئل ندى أيه المبدأ اللى فى
الموضوع...على العموم,ندى علمتنى حاجات كتير...من اهمها أنه لازم
يكون عندي مبدأ أمشى عليه"
حسيت بصدمة من كلامها..وبصيت لكيوهيون لقيته مبتسم بطريقة
غريبة..وبعدها بدأ يسقف....
كيوهيون:"واااااااااو...رااااااائع,أنتى أبهرتينى"
ريم:"احم احم..كوماواا...لا داعى للتصفيق دعونا نعمل فى صمت"
وبعد ما خلصنا أكل خرجنا أحنا التلاتة من المطعم...كيوهيون ركب تاكسى
وقال انه لازم يروح وأنا وريم روحنا على الشركة..
كانت ندى هناك...ريم دخلت قعدت معاها وأنا روحت على مكتبى..وبعد
ساعتين تقريبا روحت على البيت وكانوا ندى وريم كمان مشيوا.....
كان يوم متعب...وريم بجد أفكارها غريبة...بس مسلية J
دخلت أوضتى وغيرت هدومى و رميت نفسى على السرير...وروحت فى
النوم بسرعة......
**************************************
أيه اللى يخلى ريم تكلمنى وتطلب تقابلنى؟؟؟بصراحة بقى عندي فضول
كبير...بس هعرف بكرة على الغدا لما أشوفها.....
روحت على البيت وندى وريم كانوا قاعدين بيتفرجوا على التليفزيون....
"مساء الخير"
ريم:"مساء الخير أوبا"
"أتعشيتوا؟؟؟"
ندى:"أنا مش قادرة أتعشى...أنا هدخل انام"
كان شكل ندى متضايق...لسة معرفتش توصل لديما؟؟؟
وبعد شوية دخلت أنا كمان غيرت هدومى ونمت.......
صحيت الصبح على صوت المنبه...قومت وغيرت هدومى وروحت على
التدريب...وفى معاد الغدا نزلت كافيه الشركة...وهناك كانت ريم
مستنيانى....
ريم:"أزيك أوبا؟؟؟"
"أنا كويس..أنتى أزيك؟؟؟"
ريم:"أنا زى ما أنا"
"كنتى عايزانى فى أيه بقا؟؟؟؟"
ريم:"عادى كنت عايزة أتكلم معاك شوية..وفى حاجة كنت عايزة أطلبها
منك"
"أيه هى؟؟؟قولى"
ريم:"ندى وشيون.....بيحبوا بعض,وأنا كنت عايزة أساعدهم عشان يعترفوا
لبعض..لأن واضح أن محدش فيهم عارف ياخد خطوة"
أتصدمت لمجرد أنى أسمع الكلام ده....ندى وشيون؟؟؟يعنى كل شكوكى قبل
كدة كانت فى محلها؟؟؟؟
ريم:"هم قالولى...بس محدش فيهم يعرف حاجة عن التانى"
حسيت بنفسى بيتقطع..ومش عارف أتنفس كويس,,أكيد أنا فى
كابوس...لالالالالا مستحيل....
ريم:"واضح انك مصدوم...أكيد مكنتش متوقع الموضوع ده"
"أأ أوووه"
ريم:"طيب أنا همشى دلوقتى عشان متفقة مع واحد صحبى أنى
هقابله...وهسيبك تشوف شغلك ونبقى نتكلم بعدين...باى باى"
ومشيت ريم وفضلت أنا قاعد بفكر فى اللى سمعته....
روحت على التدريب...مكنش ليا أى نفس خالص لأى حاجة..وبعد ما
خلصت خرجت من الشركة وقعدت أتمشى...كان الوقت بدأ يتأخر...
روحت على night club وبدأت أشرب كتير...كاس ورا كاس..مكنتش
عارف أعمل أيه غير كدة...وفى الأخر روحت على البيت....كانت الأنوار
كلها مقفولة ما عدا نور المطبخ ونور ضعيف...أفتكرت انهم كلهم
نايمين...بس ندى كانت صاحية....
***********************************
مكنش جايلى نوم خالص..كنت بفكر بس فى ديما اللى تليفونها مقفول ومش
عارفة أوصلها....
وأنا قاعدة بفكر سمعت صوت الباب...كان دونجهى داخل وشكله مش
مظبوط...
قومت واتجهت ناحيته...
"أوبا أنت كويس؟؟؟"
دونجهى:"أنتى ليه بتعملى فيا كدة؟؟؟"
"أنا عملت أيه؟؟أوبا...مالك؟؟"
صوته بدأ يعلى فى الكلام لدرجة أنى خوفت ان شيون او ريم يصحوا...كان
بيخبط على راسه وصدره وهو بيتكلم...وكلامه نزل عليا زى
الصاعقة:"اللى عملتيه أنك دخلتى فى قلبى وعقلى ومش قادر أخرجك
منهم...متقدريش تحبينى؟؟مينفعش يكون ليا مكان فى قلبك؟؟؟"
كان بيقرب بخطوات بطيئة منى...كنت حاسة بالخوف والتردد ومقدرتش
أتحرك من مكانى...كنت مصدومة ومش عارفة المفروض أقول أيه أو
أتصرف أزاى....
وفى اللحظة ديه كان دونجهى قريب جدا منى و لمس شفايفى بشفايفه....
...
...
........يتبع.........
هع هع هع كيسو كيسو كيسو ههههههههههه و الله صرت منحرفة زيادة عن اللزوم هههههه
ردحذفالبارت حلوة كتيييييييييييير
♥ ♥ ♥