السبت، 17 أغسطس 2013

To Be Together (لتكونى معى), chapter 31 & Fainal

                                                    Chapter 31
                            The final 


ندى O.o:أوبااااااا؟؟؟؟بتعمل أيه هنااااا؟؟؟ J

دونجهى:حبيبتى وحشتنى وجيت عشان أشوفها

مريم:أنا مقدرش أشوف الرومانسية ديه كلها قدامى

ندى:وأنتى كنتى عارفة أنه جاى ومقولتليش؟؟؟

مريم:وأنا مالى؟؟هو اللى قالى مقولكيش

دونجهى:كنت عايزها تبقى مفاجأة زى ما أنتى فاجأتينى قبل كدة^^

ندى وهى بتحضنه:ديه أحلى مفاجأة حصلت فى حياتى


وفى الوقت ده...كان فى شخص شايفهم وقرب منهم....

عمر:متوقعتش أشوفكوا هنا.....مش تعرفونا؟؟؟؟

ندى حست بصدمة...ومعرفتش ترد تقول أيه,ودونجهى واقف مستنى يعرف مين الشخص ده...وفى الوقت ده مريم اتدخلت...

مريم:هاى عمر أزيك؟؟أنا أعرفك..دونجهى خطيب ندى

دونجهى طبعا أول ماسمع أسمه عرف هو مين...وبكل برود سلم عليه......

ندى بتبص لدونجهى بتوتر:أوبا...أيه رأيك نخرج مع بعض وأفرجك على 
البلد^^

عمر:ديه أول مقابلة بينا...على الأقل نشرب مع بعض حاجة

وطبعا الكلام غاظ ندى...راحت باصة لعمر نظرة حادة...

ندى:ومين قالك أننا عايزين نقعد مع شخص زيك؟؟

عمر قرب من ندى وقال بصوت شبه مسموع:خايفة خطيبك يعرف اللى 
فات؟؟؟

وفى اللحظة ديه دونجهى شد ندى عليه وأخدها فى حضنه....

دونجهى:اللى متعرفهوش..أن خطيبها يعرف كل اللى فات,ندى مبتخبيش 
عنى حاجة..وبالنسبة ان ديه اول مقابلة بينا أكيد لازم نشرب حاجة

ندى بصت لدونجهى بصدمة وهى مش مستوعبة اللى بيقوله...

وراحوا قاعدين هم الأربعة على نفس الترابيزة وطلبوا عصير...وطبعا الجو كان متوتر,بس دونجهى كان بيحاول يتصرف ببرود وكان ماسك أيد ندى طول ما هم قاعدين...

وفى كوريا....

كانوا البنات قاعدين فى بيتهم ملانين وزهقانين ومفيش واحدة فيهم ليها عين 
تكلم الواد بتاعها.....

رنا:هوووووووف...وأصلا مكلمهوش ليه؟؟المفروض أكون أنا اللى زعلانة 
مش هو

ريم وهى ماسكة فى أيد الكتاب اللى بقت مش بتسيبه وفى الأيد التانية 
جزراية(البت قلبت أرنب):أهمدى شوية خلينى أركز

رنا:ده أيه يا خواتى ده؟؟أنتى مبقتيش تسيبى الكتاب من أيدك ليه؟؟وأيه 
الجزر اللى قاعدة تلغى فيه من الصبح

ريم:اللى متعرفيهوش اننا عندنا امتحانات على الابواب..ولازم أركز,لازم 
أجيب دراجات عالية عشان أعرف أقنعهم أكمل دراسة هنا فى 
كوريا...وبالنسبة للجزر,فالجزر بيقوى النظر يختى

رنا:اه عارفة حكاية بيقوى النظر ديه(هو ده اللى مسكتى فيه؟؟؟)

وفاجأة أنتبهت على نفسها...

رنا:يابت اللذين يا ريشووو...ومبتقوليليش ليه يا وقحة؟؟

ريم:خشخشخشخشخش...اللى ياكل على ضرسه ينفع نفسه

رنا:ماشى يا دزمة

ومروة قاعدة وهى ولا فى الدنيا ديه....

رنا:مالك يا شاطرة؟؟عاملة كدة ليه؟؟

مروة:ها؟؟؟لأ مفيش حاجة.....تفتكروا أوبا هيتصرف أزاى؟؟

رنا:فى الواااااااااقع

مروة:خلااااااااص...كفاية الكلمتين دول

رنا:لو تلاحظى هى كلمة واحدة...لأن "فى"يعتبر حرف مش كلمة...وبما 
ان.....

ريم:يخربيتك...محدش يعرف يسكتك لما تتكلمى؟؟؟

وفى الوقت ده جرس الباب رن...وفاجأة التلاتة مسكوا فى بعض ولا أكن  
السفاح بتاع فيلم الرعب اللى كانوا بيتفرجوا عليه هيطلعلهم من ورا 
الباب....

مروة:أأأأأ...أومى يا رنا أفتحى

رنا:هههههه...وأنا مالى يختى؟؟؟؟ريم أومى انتى أفتحى

ريم بتزقهم عنها وبتظبط شعرها بألاطة...

ريم:خايفين من أيه يعنى؟؟

وبتروح ناحية الباب وبتفتح...وتقفل الباب تانى بسرعة.....

رنا:أأأ أيه اللى حصل؟؟قفلتى ليه؟؟

ريم:ها؟؟؟لاااااااااا...أصل...ده مكنش فى حد

وفاجأة الباب بقا يخبط جامد...

كيو:ريييييييييييييم...أفتحى الباب ده بدل ما أفتحه أنا 
بطريقتى...ريييييييييييييييييييم

مروة:يابنتى أفتحى بدل ما يكسر الباب...

وراحت ريم تفتح وهى خايفة...وبسرعة كيو دخل ومسكها من قفاها....

ريم:أيه ده؟؟أوباا؟؟؟وحشتنى موت

كيو:بجد؟؟بتقفلى الباب فى وشى ليه؟؟لاتكونى خايفة من حاجة!!!

ريم:لـــلألألأ وأنا هخاف من أيه؟؟بس أنا أفتكرتك واحد غريب..مأخدتش 
بالى خالص

ورنا ومروة أول ما شافوا أنه كيوهيون انشكحوا وكل واحدة واخدة راحتها 
والخوف راح من عندهم....

كيو بيبصلهم و بإبتسامة شريرة:احم احم...بعد إذنكوا أنا هاخد أنسة ريم 
وهنخرج مع بعض

مروة:اوى أوى أتفضل

رنا:معندناش أى مانع

ريم فاجأة بقت تتكلم بجد وزقت كيو:لأ...أنا مقدرش أروح حتة...عندى 
مذاكرة

كيو مسكها تانى من قفاها:لأ يا حبيبتى المذاكرة هتتأجل شوية

وأخدها ونزلوا...ومن حسن حظ ريم أنها كانت لابسة محترم...ولما نزلوا 
تحت العمارة..ريم وقفت أدام كيو...

ريم:ممكن تفهمنى رايحين على فين؟؟

كيو:أنتى تمشى معايا وأنتى ساكتة وبس

وبيمسك أيدها وبيجى يمشى...بس ريم ركبت دماغها

ريم بتزق أيده:وأنا مش همشى من هنا غير لما تقولى رايحين فين

وفى الوقت ده شخص تالت طلع...

سوجين:مين حضرتك؟؟؟

كيو:أنت اللى مين؟؟

ريم وقفت فى النص:لو سمحتوا أهدوا شوية...سوجين متدخلش فى 
الموضوع ده

كيو وتقريبا فهم الموضوع:هو أنت بقا...

ريم:أوبا خلينا نمشى

سوجين:لأ طبعا مش هسيبك تمشى مع الشخص ده

كيو وشكله هيتغابى ويضرب الواد:وأنت مين أصلا عشان تسيبها ولا 
متسيبهاش

ريم:سوجين...كيوهيون يبقى خطيبى..أنا قولتلك قبل كدة انى 
مرتبطة...ودلوقتى بعد إذنك

وراحت ماسكة أيد كيو ومشيت معاه...وركبوا العربية مع بعض..وكان كيو 
هدى شوية بسبب اللى ريم عملته....

وفى نفس الوقت كان ريووك عند مامته وبيسمع منها عن رنا واللى 
اتعلمته....وكان مبسوط وهو بيسمع مامته وهى بتقوله انها بتتعلم الطبيخ 
عشانه...وبعد ما ريووك سمع الكلام ده طلب من مامته انها تكلم رنا وتخليها 
تيجى.......

وبالفعل...مامت ريووك كلمت رنا...وبعد نص ساعة كانت رنا وصلت.....

رنا:اومونيم أزيك؟؟وحشتينى أوى^^

مامت ريووك:وأنتى كمان وحشتينى...ليكى عندي مفاجأة

رنا بإبتسامة:أيه هى؟؟؟

مامت ريووك:غداء خاص....

وقامت رنا ودخلت مع حماتها على أوضة السفرة...لقيت ريووك واقف جنب الترابيزة ومجهز الأكل عليها بشكل جميل.....

ريووك:أيه رأيك فى المفاجأة ديه؟؟؟

ورنا فقدت النطق...ومامت ريووك خرجت من الأوضة وسابتهم على راحتهم شوية(عندها زوق)

ريووك قرب من رنا ولف أيده حوالين خصرها وضمها ليه وهو بيبص فى 
عنيها...

ريووك:كان المفروض النهاردة أطلب ان انتى اللى تعمليلى غدا 
خاص...بس أنا عارف أنى تعبتك الفترة اللى فاتت..وعشان كدة بعوضك 
دلوقتى..أنا عملتلك كل ده بأيدى,وخدى بالك لازم أنتى كمان تأكلينى من 
أيدك

وطبع قبلة سريعة على شفايفها.....

رنا:بابووووو...أنت أكبر بابووو شوفته فى حياتى

ريووك ابتسم من ردة فعلها الطفولية وبيقرب عليها تانى...بس فى اللحظة 
ديه مامته طبت عليهم(وأنا لسة بقول عندها زوق)

وقعدوا التلاتة مع بعض يتغدوا الغدا المميز اللى ريووك عمله بأيده

ومروة اللى كانت لسة قاعدة فى البيت..وملهاش نفس تذاكر ولا 
بتاع...وفاجأة وهى قاعدة كدة مش بتهبب حاجة جرس الباب رن

فقامت تفتح....

مروة:أوبا وحشتنى(وحضنت شيون اللى مبدلهاش الحضن ده وكان قالب 
خلقته)

مروة:مالك أوبا؟؟؟

شيون دخل وقفل الباب و وشه ميتفسرش وبيقرب على مروة بهدوء..لغاية ما مروة اتزنقت فى الحيطة...

شيون:أيه بقى الصور الجميلة ديه؟؟

مروة:أوباااا..أنا قولتلك قبل كدة انه مجرد شغل

شيون:والشغل مينفعش غير بالطريقة ديه؟؟؟_ويعلى صوته_هاااا؟؟؟

مروة:أأأأ أوبااااا

شيون:أنتى عارفة انى بحبك وبغير عليكى صح؟؟

مروة:أيوا أوبا...بس إنا مكنش قصدى يعنى.....(وقبل ما مروة تخلص 
كلمها شيون قطعها)

شيون:أتجوزينى

مروة O.o:بووووه

شيون:أتجوزينى

مروة:بس أأأوبـــا...أأأناااا

شيون:فى أيه؟؟ليه كل ما أفتح الموضوع ده تقولى بعدين ومش وقتها؟؟أنتى 
لسة بتخافى مني؟؟؟

مروة والدموع بدأت تترقرق فى عنيها:أنا خايفة...أنت متعرفش كل اللى أنا 
مريت بيه..أنا عايزاك جنبى لكن فى نفس الوقت خايفة

وكانت مروة بدأت تعيط....

شيون أخدها فى حضنه:هشششش...خلاص أهدى..أنا جنبك وهفضل جنبك 
على طول...وهنساعد بعض عشان الخوف ده يروح...أراسوووو؟؟؟

ومروة يادوب هزت راسها انها موافقة......

وفى مصر...كانوا ندى ودونجهى ومريم لسة قاعدين مع عمر.....

عمر:وأنت بتشتغل أيه؟؟أو بتدرس أيه؟؟

دونجهى:أنا مغنى...ممكن متكونش سمعت عنى,بس أنا من الأيدولز 
المشهورين فى أسيا

عمر:امممم...وأتعرفتوا على بعض أزاى؟؟

دونجهى بإبتسامة:عن طريق الصدفة..بس مكنش من السهل أنى أتقرب من 
ندى^^

عمر:ده بسببى أنا

فى الوقت ده عمر حس بالانتصار...وندى أتوترت أوى وكانت هترد..لكن 
دونجهى ضم أيدها أكتر ورد هو....

دونجهى:معتقدش أنه كان بسببك...ولو كان بسببك فأنا بكدة أكون مدين ليك 
بالشكر..لأنى حسيت أكتر بأهيمتها بالنسبالى وأنى مقدرش أعيش من غيرها

وندى بدأت أعصابها تتعب من القاعدة ديه وعايزة تمشى بأى 
طريقة.....ودونجهى حس بيها...

دونجهى:أعتقد اننا شربنا العصير وقعدنا واتكلمنا كمان...ودلوقتى بعد 
إذنكوا عشان ورانا حاجات لازم نعملها...

وقام دونجهى وأخد ندى ومشيوا...ومريم مستنتش ومشيت بعدهم

ندى:أنا أسفة..أنا مكنتش عايزة يحصل موقف زى ده

دونجهى:متتأسفيش..ديه مش غلطتك,,بس تعرفى؟؟فكرنى بأول يوم لما 
جيتى فيه اليابان

ندى:ههههههه....اهاا الموقف متشابه,بس انت كنت مدى سون هى ديه 
اهتمام..هو ده الفرق

دونجهى:أحنا مش خلصنا من الموضوع ده؟؟؟خلينا نتكلم بقا فى المهم...أنا 
عايز أقابل باباكى

ندى:أيييييه؟؟؟بابا؟؟؟

دونجهى:اهاااا..أمال فكرانى جاى هنا ليه؟؟؟

ندى:بس...يعنى...

دونجهى:أمتحاناتك قربت..وهترجعى كوريا قريب,,بس أنا عايز نرجع مع 
بعض بعد ما أهلك يوافقوا على ارتباطنا

وبعد ما اتكلموا شوية وقعدوا مع بعض...ندى روحت على البيت..

وفى كوريا....

بعد ما كيو وريم مشيوا ....كيو فضل سايق مسافة كبيرة لغاية ما وقف عند 
بيت شكله حلو...

ريم:أحنا بنعمل أيه هنا؟؟؟

كيو:ده مش أختيارى...بابا وماما عايزين يشوفوكى

ريم:أييييييييييه؟؟؟ومقولتليش ليه؟؟على الاقل كنت لبست حاجة تليق

كيو:ده عقابك عشان اللى عملتيه فيا...يلا انزلى

ونزلوا هم الاتنين ودخلو بيت اهل كيو...وكان الترحيب بريم جامد..حتى ان والد ووالدة كيو أهملوه هو شخصيا...واتغدوا مع بعض وقعدوا 
يتكلموا...وفاجأة أتفتح موضوع الجواز....

والد كيو:وناوين تعملوا فرحكوا أمتى؟؟؟

كيو:اباااا...ريم لسة بتدرس,وكمان شغلى

والدة كيو:ديه حاجات ممكن تتأقلموا عليها مع حياتكوا...مفيهاش حاجة انكوا تكملوا دراستكوا بعد ما تتجوزوا

وطبعا الموضوع كان محرج بالنسبة لريم وكيو...لغاية ما أخيرا خلصت 
المقابلة ديه...وكانوا راجعين....

ريم:اوبا...خلينا نتجوز

كيو وقف العربية وبصلها بصدمة:بووووووه؟؟؟

ريم:اهااا...كدة ماما وبابا مش هيكون قدامهم حل تانى

كيو مسك وش ريم ولفه ناحيته:ريم حبيبتى..أنا طبعا نفسى نكون مع بعض 
بأسرع وقت ممكن....لكن مش بالطريقة ديه,,أنا مش هتجوزك غير لما 
أهلك يوافقوا

ريم و عنيها مدمعه:بس..اوبااا...اهلى ممكن ميوافقوش على جوازنا زى ما 
عملوا مع ندى و دونجهى..أنا اموت من غيرك اوبا...(و كان صوتها 
مخنوق بالدموع)

كيو مسح دموع ريم و اخدها فى حضنه

كيو:و أنا عمرى ما هتخلى عنك..عشان كدة بطلى عياط و اكيد هنلاقى حد..

واستنى لغاية ما ريم هديت و بطلت عياط و دور العربية وكملوا طريقهم

وكان فى نفس الوقت ليتيوك فى دورم السوجو بيقرأ رسالة من نادين...كانت 
بتعتذرله فيها..وبتقوله انها بجد حبته,وأنه لازم ينساها ويكمل حياته

وفى مصر...كانت ندى رجعت من برا...وحاولت تتكلم مع باباها 
ومامتها....وأخيرا فاتحتهم فى الموضوع...

ندى:بابا...دونجهى جيه مصر..وكان عايز يقابلك

والد ندى:أنتى بتقولى ايه؟؟؟وجيه أمتى؟؟

ندى:وصل النهاردة...ممكن تديله فرصة وتشوفه؟؟يعنى...

والد ندى:الموضوع ده خلص خلاص..مش هشوف حد..ومتخلنيش أقول انك مش هتروحى الامتحانات حتى

ندى:بس....

والد ندى:الموضوع ده يتقفل على كدة...وملكيش خروج من البيت لغاية ما معاد سفرك يجى

طلعت ندى على أوضتها وقعدت تعيط طبعا...وهى مقهورة ان باباها مش عايز يدى على الاقل فرصة لدونجهى انه يشوفه او يسمعه....

 عدوا يومين على ندى وهى مبقتش تاكل...وحتى كوباية العصير مش 
عايزة تشربها...كل اللى بتعمله انها حابسة نفسها فى أوضتها ومش بتبطل 
عياط....

وفى يوم مامتها دخلتلها لقتها مرمية على الأرض ومغمى عليها...

وفورا نقلوها على المستشفى....

مامت ندى:هى عاملة أيه يا دكتور؟؟

الدكتور:هى بقت أحسن..أحنا أديناها فيتامينات وهتكون كويسة,,واضح ان 
قلة الاكل عملتلها هبوط...وكما حالتها النفسية وحشة وأثرت أكتر على 
حالتها

وبعد ما الدكتور مشى...مامت ندى وباباها كانوا بيتكلموا...

والد ندى:خليه يجى ويكون جنبها...بدام هو ده اللى هيريحها...وقوللهم انى 
موافق أشوفه بعد ما ندى تخرج من المستشفى

وخرج والد ندى من المستشفى...ومامت ندى كانت بتقلب فى موبايل ندى 
لغاية ما لقت نمرته..وكلمته....

وبعد نص ساعة وصل دونجهى على المستشفى وقابل مامت ندى...

مامت ندى:دونجهى؟؟

دونجهى:أووووه...دييييه..أنيوهاسيووو(بإنحناءة)

مامت ندى:ندى كلمتنى عنك كتير...وكان نفسى اشوفك فى ظروف احسن 
من كدة..بس هتتعوض

دونجهى:هى فين؟؟ممكن أشوفها؟؟؟

مامت ندى:اه طبعا...تعالى

ومشيوا لغاية أوضة ندى وكانت فاقت...مامت ندى فتحت الباب

مامت ندى:فى شخص عايز يشوفك

ودخل دونجهى...ندى عنيها دمعت وحضنت دونجهى وقعدت تعيط(قدام أمك كدة؟؟؟)

ندى بعياط:أوباااااا...وحشتنى أوى

دونجهى بعد عنها شوية ومسح دموعها وبيبص فى عنيها....

دونجهى:أنتى عايزة تموتينى؟؟ليه عملتى كدة فى نفسك؟؟يعنى لو كان 
جرالك حاجة كنت هعمل أيه؟؟

ندى:بيانيه أوباااا

مامت ندى:بابا قال انه عايز يشوفكوا انتوا الاتنين بعد ما تخرجى من 
المستشفى^^

ندى بفرحة:بجد؟؟؟ J

مامت ندى:اممممم...هو قالى كدة

دونجهى:يلا عايزك تخفى بسرعة

ندى:أنا خفيت خلاص...يلا خلينا نروح

مامت ندى:أهدى شوية...أستنى لما الدكتور يجى ويقولنا ممكن تخرجى أمتى

ندى:أنا ممكن أخرج دلوقتى...ممكن أقوم أتنطط كمان لو عايزين

ودونجهى ومامتها بيضحوا على طريقتها الطفولية..ومبسوطين بسبب 
فرحتها

دونجهى مسكها من كتفها:أقعدى فى هدوء شوية لغاية ما نسأل الدكتور 
وبعدها أعملى اللى انتى عايزاه^^

مامت ندى:أنا هروحله دلوقتى

وراحت مامات ندى عشان تسأل الدكتور عن حالة ندى وهى ممكن تخرج 
أمتى...وفضل دونجهى قاعد مع ندى....

دونجهى:مبسوطة؟؟؟^^

ندى:اممممم...مبسوطة أوى..وأنت؟؟

دونجهى:أنا كمان مبسوط...بس زعلان منك

ندى:ليه؟؟؟ما أنا قولتك اسفة وهاخد بالى من نفسى بعد كدة

دونجهى:وفى حاجة كمان

ندى:أيه؟؟؟

دونجهى قرب منها وطبع قبلة صغيرة على شفايفها وبعد بسرعة

ندى:ياااااا...أفرض لو كان حد دخل دلوقتى؟؟

دونجهى:محدش دخل_وبيقرب عليها_يلا بقا عشان مزعلش

ندى بتحاول تبعد:ممم..ما أأأنت...أخدت اللى أنت عايزه

دونجهى:توء توء....أنا كنت بفكرك بس...يلا بقااااااا

وبيقرب منها ولسة هيـ.....الباب اتفتح ودخلت مامت ندى والدكتور,وبسرعة بعدوا عن بعض والحمدلله ان محدش شافهم

والدكتور سمح لندى انها تخرج بالليل...بس تاخد بالها من الأدوية بتاعتها 
وتاكل كويس....وبالفعل ندى خرجت ودونجهى أخد معاد من والد ندى 
واتفقوا ان المقابلة هتكون بكرة.....

وفى كوريا....

كانوا البنات ما زالوا قاعدين نفس القاعدة السودة مختلفتش...الاختلاف 
الوحيد ان كل واحدة أمورها اتظبطت مع حبيبها....وكيو بقى يروح بيت 
البنات كتير...ويقعد يتفرج على ريم وهى ماسكة الكتاب والجزرة 
وبتذاكر...وكمان كان بيصورها من غير ما تحس....ورنا وريووك بيتقابلوا 
كل يوم..وبقوا يعملوا مع بعض الاكل اللى بيحبوه...واخيرا رنا اتحسنت 
جدا عن الاول ومبقتش تحرق الاكل...ومروة وشيون بيتكلموا كل يوم 
وبيتقابلوا لما شيون يكون فاضى....وشيون بقا يحاول انه ميحسسش مروة 
بالنقص اتجاه أى حاجة...كان عايز حبها ليه يكون أكبر من خوفها 
اتجاهه....

وفى مصر..أخيرا جيه اليوم اللى ندى كانت عايزاه يجى من زمان...وهو ان باباها وحبيبها هيتقابلوا أخيرا...وندى صحيت من الصبح تجهز نفسها 
وتظبط المواضيع واستنت لغاية ما دونجهى وصل...وقعد مع باباها وبدأوا 
يتكلموا...والمقابلة كانت ماشية تمام لغاية ما والد ندى سأل سؤال....

والد ندى:وأنت بتشتغل أيه؟؟؟

دونجهى:أنا مغنى وراقص فى فرقة مشهورة فى كوريا

والد ندى:امممم...بص أنا مكنتش موافق على الموضوع ده من الأول..لكن 
بعد ما شوفت اللى حصل لبنتى و واضح انها بتحبك أوى...فقررت انى أديك فرصة وأتعرف عليك

ندى كانت قلقانة من كلام باباها بس بعد كدة حست بارتياح شوية

والد ندى:مبدأيا أنا موافق أنكوا ترتبطوا....بس عندي شرطين

دونجهى:أيه هما؟؟؟

والد ندى:الأول أنك تسيب الفرقة اللى انت فيها..وتشوف شغل تانى يكون 
مستقر أكتر...والتانى أنكوا تعيشوا هنا فى مصر

ندى ودونجهى أتصدموا طبعا من الشرطين...ندى اتلفتت لباباها

ندى:بابا...بس..

ووقتها سمعت صوت دونجهى من جنبها...

دونجهى:موافق

ندى بصتله بصدمة واندهاش...وقامت وقفت وهى بتكلم باباها ودونجهى.....

ندى:لأ طبعا...أنتوا بتقولوا أيه؟؟؟بابا أرجوك,مش لازم الشروط ديه..

دونجهى:ندى أهدى شوية..أنا موافق على شروط باباكى كلها...المهم اننا 
نكون مع بعض

ندى:لأ ديه مش أهم حاجة...أنا مش موافقة..._وبدأت ندى تعيط ودموعها 
تنزل زى النهر_خلاص يا بابا أنا مش عايزة أتجوز دونجهى,ومش هرجع 
كوريا تانى...ومتخفش هكون كويسة ومش هأذى نفسى....دونجهى أرجع 
على بلدك

دونجهى قام وقف وهو مصدوم من كلام ندى(كلهم اتصدموا فى القعدة 
ديه):ندى...أنتى بتقولى أيه؟؟؟

ندى بزعيق ولسة بتعيط:بقولك أمشى

وطلعت جرى على أوضتها...ودونجهى مشى.....

وبعد شوية والد ندى طلعلها.....

والد ندى:ممكن أفهم عملتى كدة ليه؟؟مش هو ده اللى كنتى عايزاه؟؟وهو 
وافق..ليه بتعملى كدة؟؟

ندى ومازالت بتعيط:لأ مش هو ده...أنا مش عايزاه يتخلى عن حلمه 
عشانى..مش هقدر أبص فى عينه بعد كدة وأنا عارفة أنى كنت السبب فى 
دماره

راح باباها حضنها....

والد ندى:خلاص...متعمليش فى نفسك كدة,أنا موافق

ندى:أيه؟؟؟؟

والد ندى:أنا موافق أنكوا ترتبطوا..مع أنى متخيلتش أبدا ان واحدة فيكوا 
تسيبنى وتختار حياتها بعيد...لكن بدام هتكونوا مبسوطين كدة فأنا 
موافق(فاااكس اووووووووووى يعنى)

ندى حضنت باباها جامد...ومسحت دموعها وكلمت دونجهى...

وبعد اسبوع كانت ندى ظبطت كل أمورها وراجعة على كوريا مع 
دونجهى.....

وفى الفترة اللى بعد كدة...كانت كل الامور أتظبطت ورجعت زى الأول 
وأحسن...ومعنى ان والد ندى وافق على دونجهى فبالتالى ريم ورنا مبقاش 
عندهم أى مشكلة هم كمان.....

وبعد أربع سنين.....

فى منزل ريم وكيوهيون....

ريم:حبيبى متضايقش بقا...هو كام يوم وخلاص خلصوا..بكرة الفرح,أنت 
جاى تعمل مشكلة دلوقتى؟؟

كيو:أنا معملتش مشكلة...بس أنتى مش مهتمة بيا خالص

ريم بتقرب من كيو وتلف أيدها حوالين رقبته....

ريم:حبيبى أنت عارف أنى مقدرش أبعد عنك لحظة

وتقرب منه وتطبع قبلة على شفايفه....

كيو:كدة أنا مش هقدر أمنع نفسى

وبيقربوا من بعض وهيـ......

لكن صوت العياط من الأوضة اللى جنبهم وقفهم.....

كيو:بناتك دول هيجننونى...

ريم وهى بتخرج برا الأوضة:على فكرة...مش بناتى لوحدى,تعالى معايا 
مش هعرف أشيلهم هم الاتنين

كيو وريم راحوا أوضة الأطفال وريم شالت يورى وكيو شال     يومى وبدأ يكلمها.....

كيو:يومى بنتى الأمورة هتسكت بسرعة قبل أختها الكبيرة...صح حبيبة 
بابى؟؟

ريم:ههههههههه...يوبوو..أنت بتحسبها بالدقيقة؟؟الاتنين قد بعض,الفرق 
بينهم كام ثانية

كيو:بتدخلى بينى وبين بنتى ليه؟؟؟

ريم:أراسووو...بيانييه..أتصرفوا انتوا مع بعض^^

وندى ورنا قاعدين مع بعض فى الشقة....

رنا:يااااااااااااه...يعنى دلوقتى كل واحدة فيكوا هتتجوز وتسيبونى أنا هنا 
لوحدى

ندى:وأحنا نقدر نسيبك لوحدك؟؟وبعدين ريووك مش هيسيبك أكيد هتشوفوا 
بعض كل يوم..وممكن مروة تيجى تقعد معاكى

رنا:هااااع...مروة؟؟صلا مروة مبقتش فاضية..من ساعت ما أترسمت فى 
الشركة والشغل واخد كل وقتها..يا اما شيون هو اللى واخدها..وكمان انتى 
عارفة لو مروة نقلت وجت تعيش هنا معايا شيون هيعمل فينا أيه؟؟

ندى:هههههههههه...اه عارفة

رنا:أنا هحاول أتأقلم...أيه أحساسك وانتى فرحك بكرة كدة؟؟؟

ندى:فرحانة...بس متوترة شوية,صحيح...نادين جاية صح؟؟

رنا:اه...كلمتنى وقالتلى انها هتيجى

ندى:كويس....مش ناقص حاجة لبكرة,صح؟؟

رنا:لأ أهدى أنتى شوية..أحنا جهزنا كل حاجة...لو تشوفى بنات ريم وهم 
بالفساتين..كيوووت أوى..

ندى:بجد؟؟؟هشوفهم بكرة...البت ريم كبرتنى وخلتنى أبقى خالة

وفى اليوم ده كانت مروة تعبانة من الشغل وتحضيرات فرح ندى وقاعدة فى البيت...وكانت مستنية شيون....واخيرا وصل....

مروة ببوز:أتأخرت كدة ليه؟؟؟

شيون بيقبلها بهدوء على شفايفها:وحشتك؟؟؟

مروة:امممم...وحشتنى أوى

وبيتعشوا مع بعض وبيقعدوا جنب بعض على الكنبة...

شيون:أيه رأيك أحنا كمان نحدد معاد فرحنا؟؟مش شايفة اننا أتأخرنا أوى؟؟
الصغيرين أتجوزوا وبقى عندهم بيبى كمان

مروة بتبصله وبتبتسم:يعنى أنت شايف كدة؟؟

شيون:اممم..شايف كدة

مروة:خلاص...خلينا نعلن معاد فرحنا بعد الألبوم الجديد

شيون:بتاعى ولا بتاعك؟؟

مروة:نتفق مع الشركة يكونوا مع بعض...كدة هتبقى مفاجأة حلوة

شيون:عجبتنى الفكرة ديه

وفى دورم السوجو...كان دونجهى بيقضى أخر ليلة ليه هناك....وكان قاعد 
مع ليتيوك فى الأوضة بتاعته....

دونجهى:هيونج...وانت مبتفكرش تتجوز؟؟

ليتيوك:هههههههه...أيه اللى جاب الفكرة ديه على راسك؟؟

دونجهى:كيو اتجوز..وأنا فرحى بكرة....وشيون ومروة مش هستغرب لو 
قرروا يتجوزوا قريب...وكما أيونهيوك وسونجمين وريووك وشيندونج كل 
واحد فيهم عنده خطيبته..غير اللى بيواعدو....وأنت؟؟

ليتيوك:متفكرش انت فيا...ركز فى فرحك بكرة,أكيد مبسوط

دونجهى:طبعا...بعد كل ده أخيرا هبقى معاها على طول ومش هسيبها أبدا

وأخيرا جيه اليوم الموعود...الفرح....

كانت كل حاجة جميلة..وندى كانت فرحانة جدا زى دونجهى 
بالظبط....وكان فستانها رائع ولفت نظر الكل....


وريم ورنا طبعا كانوا فرحانيين عشان أختهم بتتجوز...

ريم:نادين...وأخيرا,,كدة يا وحشة سنتين بحالهم منشوفكيش؟؟

نادين:معلش يا ريموو..أنتى عارفة بقا ظروف شغلى

رنا:أيوا يا عم...ماشى ماشى,على العموم أحنا هنعديها بمزاجنا

نادين:دول بناتك ياريم...وااااااو so cute...عندهم أد أيه؟؟

ريم:داخلين على سنتين....قوليلى بقا..أرتبطى؟؟

نادين بإبتسامة:لأ...ملقتش الشخص المناسب لسة...أنا هروح اجيب حاجة 
أشربها

وهى رايحة ناحية البوفيه...لقيت ليتيوك فى وشها..ووقفوا هم الاتنين 
وفضلوا يتبادلوا النظرات مع بعض......

وفى نفس الوقت كانوا ندى ودونجهى بيرقصوا .....

دونجهى:حد قالك أنك حلوة أوى النهاردة؟؟

ندى:أه...كتير,,أنت أخر واحد تقولهالى

دونجهى:بس أكيد بتبقى مختلفة لما تسمعيها منى...صح؟؟

ندى:اممممممم^^

دونجهى:وأخيرا هنكون مع بعض...ومفيش حاجة هتبعدنى عنك تانى أبدا

ندى:أنت بطل تبصبص وتعاكس فى البنات اللى بيشتغلوا معاك..واحنا مش 
هنقابل اى مشاكل

دونجهى:وأنا أقدر أبص لحد غيرك؟؟؟سارانييه

ندى:نا دو...سارانيه^^

..

......Done

كلمة أخيرة:وأخيرا بعد ما يقارب السنة والشهر أنتهيت من أول قصة ليا...اللى 
ساعدنى فيها مروة وريم ورنا ونادين بشكل كبير...عذبتكوا كتير..ومرمطكوا 
معايا...بس شكرا بجد لكل واحدة قالتلى أنها حلوة وأنى أكمل..لأن لولا التشجيع ده 
مكنتش هقدر أكمل ولا أكتب قصص تانية ولا اسلوبى كان هيتحسن بالشكل ده...كوماوا 
لكل اللى تابعونى...سارانيييه...بحبكوا كلكوا <3


Radwa,Nada:بسببكوا جاتلى فكرة الكتابة ديه بعد ما قرأت أول فان فيكشن فى 
حياتى وكانت من كتابتكوا واللى بجد حببتنى فى الفان فيكشن وحفزتنى أنى 
أكتب...وبسببكوا بردوا العيال ديه اتمرمطت معايا واتذلوا كتير...كوماواااا...سارانيييه 
<3

هناك تعليقان (2):

  1. جـــــــــــــــامده القصه اوووى

    ردحذف
    الردود
    1. شكرا يا قمر..وبتمنى باقى القصص تعجبك :)

      حذف