Love and Fate Brings us together(الحب و القدر يجمعنا), chapter 17

                                                               Chapter 17   

"أنا عارفة مين الحد التانى اللى ممكن يكون مناسب ليكى"

ندى:"مين؟؟؟ J"

رديت:"دونجهى"

معرفش أنا قولتها أزاى...بس حسيت أنى مخنوقة,طلعت الكلمة منى من 

غير ما أقصد...يمكن كنت عايزة أعرف ردة فعلها...

وبعدها حسيت بتوترها..وبتحاول تتصنع الإبتسامة....

ندى:"ههه...بطلى هزار فى الحاجات ديه"

رديت ببرود:"أنا مش بهزر..دونجهى قالى أنه بيحبك,ديه فرصة ليكى أنك تنسى شيون وكمان هو بيحبك و هيخليكى مبسوطة...وكمان أنا نسيته خلاص لو بتقولى كدة عشانى"

اتغيرت ملامح وشها تماما..ولاحظت الدموع اللى بدأت تتجمع فى عيونها..بس هى كانت بتمسكها عشان متنزلش على وشها,وكلمتنى بنبرة حادة وبصوت عالى...

ندى:"أنتى أزاى تقولى حاجة زى ديه؟؟للدرجادى أنا وحشة فى نظرك وممكن أسرق حبيب صحبتى؟؟"

قطعت كلامها:"بس هو مش حبيبى..ده كان حب من طرف واحد وقولتلك أن الموضوع خلص بالنسبالى..أنتى مش هتكونى غلطانة لو...."

ندى:"حتى لو كان حب من طرف واحد...حتى لو كان بيحبنى أنا..أنتى متخيلة أنى ممكن أكون مع الشخص اللى أعز أصحابى قالتلى أنها بتحبه؟؟؟أنتى بجد جرحتينى بكلامك يا ديما"

وأخدت شنطتها وخرجت من البيت...محاولتش أوقفها معرفش ليه؟؟؟حسيت برجلى مش شايلانى..والكلام هرب من على لسانى..يمكن أنا فعلا غلطت أو زودتها...ندى مرتكبتش أى ذنب فى حقى عشان أعاملها بالطريقة ديه.....

طلعت على أوضتى و قفلت الباب عليا...أنا ليه بعمل كدة فى نفسى؟؟؟ببعد الناس عنى....

حتى أقرب صديقاتى غلطت لما قولتلها أن حبيبى بيحبها..حسستها أنها خاينة وممكن تعمل أى حاجة عشان تخرج من اللى هى فيه...

فى الوقت ده حسيت بندم فظيع...وفى نفس الوقت رجعت أفكر تانى فى دونجهى وحبه لندى,و الغيظ والقهر اللى ملوا قلبى...

*********************************

متوقعتهاش أبدا تفكر فيا بالطريقة ديه...حسيت أنى أتقهرت واتجرحت بسبب كلامها...

فعلا دونجهى قاللها أنه بيحبنى؟!!بس حتى ولو..ده ميديهاش الحق أنها تفكر فيا بالطريقة البشعة ديه....

ركبت عربيتى بعد ما خرجت من عندها بسرعة و روحت على الشقة...طلعت و مكنش فى أى صوت..تقريبا مكنش فى حد فى البيت ...دخلت أوضتى وغيرت هدومى وكنت نازلة تانى..مكنتش عايزة أقعد فى مكان مقفول..كنت حاسة أنى بتخنق ببطء..

خرجت من أوضتى بعد ما أخدت مفاتيحى وفى الوقت ده شوفت شيون داخل من باب الشقة...كنت نازلة وأنا متعصبة والدموع كانت متجمعة فى عينى...

اتجاهلت شيون ومشيت ناحية باب الشقة بخطوات سريعة وغاضبة بس هو مسك أيدى...

شيون:"أنتى رايحة فين؟؟؟"

صرخت فيه وبعدت أيده عنى:"أنت ملكش دعوة بيا..أروح فين وأجى منين ديه مش حاجة تخصك"

وفى اللحظة ديه دموعى مصمدتش أكتر وبدأت تنزل على خدى...كنت هكمل طريقى وأنزل بس هو مسابنيش...وفى وضعى ده أنا مكونتش مستحملة أى كلمة من حد...

شيون:"أيا كان اللى هتقوليه..أنا مش هسيبك تخرجى لوحدك وأنتى فى الحالة ديه"

"سيبنى فى حالى شيون"

شيون:"خلاص..بدام مصممة تنزلى هاجى معاكى"

مكنش فى أيدى أجادل معاه أكتر..حالتى النفسية وكمان بسبب عناده مكنش هيسيبنى أخرج لوحدى....

نزلنا أحنا الأتنين عند الجراج وطلعت مفتاح عربيتى عشان أسوق بس هو وقفنى...

شيون:"هنركب عربيتى..أنتى مينفعش تسوقى كدة"

مسك أيدى ومشينا لمكان عربيته وفتحلى الباب وركبنا...

كنت طول السكة باصة من الشباك ودموعى بتنزل بصمت...

متكلمتش طول السكة ولا هو كمان حاول يكلمنى...وبعد حوالى نص ساعة شيون وقف العربية قدام نهر الهان...

شيون فتح بابه ونزل فتحلى الباب ومسك أيدى.....

شيون:"يلا أنزلى"

نزلنا أحنا الاتنين و وقفنا جنب بعض على الشط...كان الوقت تقريبا داخل على الغروب....كان منظر الشمس وهى بتغرق فى المية بيفكرنى بكل الأيام اللى عشتها مع الناس اللى بحبهم...وبدأت اللحظات ديه تتحول للأوقات اللى سابونى فيها....

شيون:"قولى اللى فى قلبك..متكتميش جواكى بالطريقة ديه,أنا مقدرش أشوفك كدة...ولو مش عايزانى أسمع أنا هروح أستناكى فى العربية"

مستنتش حتى انه يتحرك من مكانه...فى الوقت ده حسيت أنى فعلا عايزة أصرخ وأقول اللى جوايا...

"أوماااااا...أبااااااااا...أنا محتجاكوا أوى جنبى...ليه سيبتونى لوحدى؟؟أنا مبقاش عندي أى شخص يهتم بيا أو يحبنى...أنا عايزة أجيلكوا..عايزة أكون معاكوا دلوقتى..."

وفى اللحظة ديه حسيت أن رجلى مش هتشيلنى أكتر من كدة و وقعت على الأرض وأنا بعيط بقهر وبصوت عالى...

وبعد ثوانى حسيت بأيد شيون بتحاوطنى وبياخدنى فى حضنه وضمنى جامد..

شيون:"وأنا روحت فين؟؟؟أنا هفضل معاكى على طول"

ضمنى لصدره أكتر..وأنا اتشبثت بقميصه جامد وفضلت أعيط...

من بعد ما ماما وبابا ماتوا وسابونى وأنا مبعرفش أعيط فى حضن حد...كان لما أى حد ياخدنى فى حضنه أوقف دموعى وأبطل عياط..لكن فى حضن شيون حسيت بأمان محستهوش من وقت طويل...

*************************************

كيوهيون:"ريم...كفاية لعب بقا أنا تعبت"

"أنت عجزت ولا أيه؟؟؟"

كيوهيون:"أنا معجزتش بس لو أى حد جرى أكتر من ساعتين متواصل أكيد 

هيتعب..وأنا بتكلم لو كان شخص طبيعى طبعا"

"طب كويس أنك عارف أنى مش طبيعية...يلا بقا خلينا نجرى تانى"

كيوهيون:"لأ..أجرى لوحدك,أنا ماشى"

أدانى ضهره ومشى..وطبعا مش أنا اللى حد يسيبنى ويمشى...

جريت عليه ونطيت على ضهره....

كيوهيون:"اااااااااااااه...ضهرى أتكسر"

"ياااااا...بلاش مبالغة...يلا نروح نقعد مع أصحابنا شوية"

كيوهيون:"هم بقوا أصحابنا؟؟؟طيب يلا أنزلى من على ضهرى"

"توء توء"

لفيت أيدى حوالين رقبته و مسكت فيه جامد ومشينا لغاية المكان اللى كان قاعد فيه سومى ويورى وكانغ مين ويون بين أصحاب كيوهيون اللى عرفنى عليهم أمبارح...

مكنتش قعدت معاهم كتير بس من الوقت اللى قضيته معاهم حسيت انهم شخصيات لطيفة....وقبل ما نوصل بخطوات نزلت من على ضهر كيوهيون...

سومى:"كنتوا فين؟؟؟أتأخرتوا كدة ليه؟؟"

كيوهيون:"كنا بنتمشى شوية"

قربت يورى من كيوهيون ومسكت فى أيده وبصتله بإبتسامة غريبة....

يورى:"أوبااا...أيه رأيك نروح ناكل أيس كريم؟؟"

كيوهيون:"أراسووو...يلا كلنا نروح"

رديت ببرود:"لأ أنا مش قادرة..تعبت من كتر اللعب"

سومى:"أنا هاجى معاكوا"

يون بين:"وأنا كمان هاجى"

كيوهيون:"كانغ مين..هاتيجى؟؟"

كانغ مين:"لأ أنا هقعد هنا مع ريم عشان متبقاش لوحدها"

ومشيى كيوهيون ومعاه سومى ويون بين والمسماه يورى...معرفش ليه محبتهاش,يمكن من طريقتها مع كيو....

اااييييششش...رييييم,مش هتتعلمى أبدا؟!!!لازم تبطلى الغيرة ديه بقا,مينفعش يبقوا اصحابك ملكك أنتى وبس أكيد بردوا ليهم حياتهم.

كانغ مين:"ساكتة ليه؟؟؟"

"ها؟؟أنيااا...بس أنت ليه مروحتش معاهم؟!!"

كانغ مين:"مش بحب الأيس كريم أوى..وبعدين فرصة عشان نقعد مع بعض شوية J"

"أووووه..أنت وكيوهيون أصحاب من زمان؟؟"

كانغ مين:"من الثانوى...بس أنا أستغربت عشان بقيتوا قريبين من بعض 

بسرعة"

"كيوهيون شخصية لطيفة^^"

كانغ مين:"عندك حق...أنتى بقا ليه جيتى كوريا؟؟إنجلترا مش حلوة؟؟"

"لأ طبعا حلوة..بس أختى جت كوريا عشان تستقر هنا,وأنا متعودتش أبعد 

عنها لوقت طويل"

وفضلنا نتكلم أنا وكانغ مين وبدأنا ناخد على بعض أكتر ونهزر ونتكلم براحة أكتر....لغاية ما الباقى رجعوا....

كيوهيون:"شكلكوا أتعرفتوا على بعض أكتر!!"

كانغ مين:"اهااا...يلا هنعمل أيه دلوقتى؟؟؟"

رديت بحماس:"خلونا نلعب"

كيوهيون:"أنتى مش كنتى تعبتى من اللعب ده؟؟؟"

"لأ أنا خلاص أستريحت"

يون بين:"أراسووو..خلونا نلعب"

سومى:هنلعب أيه؟؟؟"

"أيه رأيكوا فى لعبة Hide and seek؟؟"

يورى:"اللى هى أيه؟؟؟"

"مش عارفة أسمها أيه بالكورى...اللى هى كلنا نستخبى ونخلى واحد فينا 

يدور علينا"

كانغ مين:"أراسووو..يلا نلعب,مين اللى هيدور على الباقى؟؟   يون بين 

أنت اللى هتبدأ؟!!"

يون بين:"أراسووو..هعد من واحد لخمسين"

وبدأنا كلنا نجرى ونستخبى...وأنا بجرى وبدور على حتة أستخبى فيها لقيت مكان ضيق ورا الأوتيل...وأول ما دخلت استخبى فيه فوجئت بكيوهيون..

كيوهيون بصوت شبه مسموع:"بتعملى أيه هنا؟؟؟"

رديت بنفس النبرة:"مكنتش أعرف أنك مستخبى هنا..خلاص هشوف مكان 

تانى"

كنت هخرج من المكان بس مسكنى من أيدى وشدنى عليه...

كيوهيون:"هششش..خلاص مفيش وقت تخرجى"

كنا واقفين أحنا الأتنين قدام بعض..وكانت المسافة بينا قريبة أوى,حاولت أنى أخفض نظرى للأرض..بس كنت حاسة بنظراته وهى بتتفحص ملامح وشى...حسيت بأن الجو بقى أسخن..وحاولت أخفى توترى عن كيوهيون...و بعد دقيقتين تقريبا سمعنا صوت يون بين.....

يون بين:"أنا مسكت سومى...يلا الباقى يخرج"

بعدت عن كيوهيون بحركات متوترة وخرجت و هو خرج ورايا...

وبعدها كملنا لعب كأن مفيش حاجة حصلت.....

وبالليل طلعت على أوضتى وقعدت على السرير وقعدت أفتكر اللى حصل النهاردة..

*********************************

رجعنا تانى للعربية وقعدنا فيها بعد ما ندى عيطت لوقت طويل...حسيتها تعبت من كتر العياط....

عرضت عليها اننا نرجع تانى على البيت بس هى مكنتش عايزة ترجع...فضلنا قاعدين قدام البحر لمدة ساعتين أو أكتر....

كنت مبسوط لأننا مع بعض الوقت ده كله..بس كنت زعلان وقلبى وجعنى بسبب زعلها و عياطها بالشكل ده....

كانت قاعدة جنبى وهى بتتأمل البحر والنجوم من خلال زجاج العربية...فى الوقت ده أفتكرت كلامنا مع بعض فى يوم الحفلة..

"بتحبى النجوم؟؟؟"

ندى:"اه..بحب البحر و النجوم...لما أكون مضايقة أو حتى مبسوطة بحب أشوف البحر و النجوم"

يمكن هو ده السبب اللى خلانى أجيبها المكان ده....

وبعد دقايق..كانت بدأت عنيها تقفل بهدوء ونامت...بصتلها بابتسامة,كانت شبه الأطفال الصغيرين..بس كان باين على وشها الإرهاق بسبب العياط....ياترى أيه اللى خلى حالتها توصل لكدة؟؟

شغلت العربية ومشيت لغاية البيت...وصلنا بعد 45 دقيقة تقريبا بسبب زحمة السير...و لما وقفت رجعت بصيت ليها تانى...

حطيت أيدى على وشها بهدوء ورفعت خصل شعرها...وبدأت أقرب منها ببطء لغاية ما مبقاش فى مسافة كبيرة بينا...كنت حاسس بأنفاسها على بشرتى...غمضت عينى و اتنفست عطرها وبعدها قربت منها لا إراديا لغاية ما تلامست شفايفنا....

كانت مجرد ملامسة..متعمقتش فيها....وبسرعة بعدت شفايفى عنها و فتحت عينى عشان أشوف ملامح وشها اللى متغيرتش وهمست من خلال شفايفها....

"سارانيه"

فتحت باب العربية ونزلت..فتحت بابها وبدأت ألمس وشها بخفة عشان تصحى...

"ندى...أحنا وصلنا البيت"

بدأت تفتح عنيها بهدوء....

وبعدين نزلت وقفلت الباب..طلعنا مع بعض فى الأسانسير..كان الهدوء هو المسيطر على المكان..أفتكرت الثوانى القليلة اللى عدت وشفايفنا متلامسة...كانت شبه السحر....

وأخيرا وصلنا للدور بتاعنا و دخلنا أحنا الأتنين الشقة...وقبل ما تدخل اوضتها بصتلى بإبتسامة هادية...

ندى:"كوماوا شيون"

وبعدها أختفت ورا باب أوضتها....

وقفت لثوانى فى مكانى وصوتها بيتردد فى ودنى...وبعدها شوفت دونجهى خارج من أوضته..اتجهت بنظرى للناحية التانية ودخلت أوضتى...بقيت لما بشوف دونجهى احس ان الدم بيغلى فى عروقى..بحس أنه سرق حاجة مش من حقه..حاجة بتاعتى أنا وبس....

تانى يوم الصبح صحيت بصعوبة...اخدت شاور وبعدين غيرت هدومى وخرجت لقيت ندى ودونجهى قاعدين بيفطروا...

ندى:"أخيرا خلص؟؟الأكل هيبرد"

قعدت جنب ندى وبدأت أكل بصمت...مكنش ليا نفس للفطار بس مكنتش عايزهم يقعدوا مع بعض لوحدهم...

"حاسة أنك كويسة النهاردة؟؟"

ندى بإبتسامة هادية:"أوووه...كنتشانا"

دونجهى:"أنتى كنتى تعبانة أمبارح؟؟؟"

حسيت بالعصبية لمجرد أنى أحس باهتمامه بيها بالطريقة ديه...

ندى:"متقلقش أوبا..أنا كويسة^^"

كان الصمت حليفنا لدقايق..وبعدها ندى أتكلمت بتردد واضح...

ندى:"شيون أوبا..أأ أنت,مم ممكن توصلنى النهاردة فى طريقك؟؟"

بصتلها بإستغراب واضح..أمبارح كانت بتصدنى والنهاردة بتسألنى لو ممكن أوصلها معايا!!!!!

وجهت نظرها ناحية طبقها ورسمت على وشها إبتسامة...

ندى:"بيانيه...خلاص أنا هاخد عربيتى"

قمت من على الترابيزة..ورديت بسرعة...

"أنياااا..مش مشكلة,أنا هدخل أجيب المفاتيح وننزل"

ردت بإبتسامة واضحة:"أراسووو..وأنا هجيب شنطتى"

وبعد دقايق كنا أحنا الاتنين فى العربية....

ندى:"بالنسبة لأمبارح...بيانيه لأنى تعبتك معايا"

"أنتى هتروحى فين دلوقتى؟؟؟الجامعة ولا الشركة؟؟"

ندى:"مش عايزة أروح الجامعة...خلينا نروح الشركة على طول..ولا أنت عندك محاضرات؟؟"

"لأ..النهاردة معنديش حاجة فى الجامعة"

وصلنا الشركة بعد 15 دقيقة تقريبا..دخلنا أحنا الأتنين وكنا ماشيين جنب بعض..كنت قربت أوصل لمكتبى بس وقفنى صوت السكرتيرة وهى بتكلم ندى...

السكرتيرة:"أنسة ندى...الورد والعلبة ديه وصلتك النهاردة"

ندى أخدتهم بإبتسامة جميلة ودخلت مكتبها....وبعدها دخلت مكتبى عشان أشوف شغلى...

**************************************

نزلت من البيت بعد ما ندى وشيون نزلوا بدقايق وروحت على الشركة وبدأ التدريب....

كنت من وقت للتانى بفتكر ندى وشيون النهاردة الصبح...كنت بتضايق وبحس ان قلبى بيوجعنى,لكن فى النهاية قلبها ملك لواحد غيرى..

وفى وقت الاستراحة افتكرت ديما وفكرت أنى لازم أقولها على اللى حصل وانى طلعت الموضوع من راسى....

روحت على قاعة التدريب اللى بتتمرن فيها بس ملقتهاش هناك..

مسكت موبايلى وكلمتها..وبعد ثوانى وصلنى صوتها...

ديما:"يوباسيوووو...أوووه دونجهى"

"أنتى فين؟؟كنت عايز أشوفك"

ديما:"أنا فى الجامعة دلوقتى...النهاردة معنديش تمرين فى الشركة"

"طب ممكن أقابلك فين؟؟"

ديما:"ممكن تجيلى الجامعة؟؟.."

"أراسووو...هكون عندك بعد ساعة تقريبا"

ديما:"أراسووو.....أوبا"

"دييييه!!!"

ديما:"أنت شوفت ندى النهاردة صح؟؟كانت كويسة؟؟"

"أهااا...ليه؟؟حصل حاجة؟؟"

ديما:"أنيااا...بس كنت بتطمن عليها"

"أوووه...أراسووو"

حطيت الموبايل فى جيبى ورجعت على تمرينى....ليه الكل قلقان على ندى وبيسأل عليها؟؟؟شيون وديما!!ياترى أيه اللى حصل؟؟؟

وبعد التمرين روحت على الجامعة عشان أقابل ديما...كانت مستنيانى فى الكافيتريا,سلمت عليها وطلبنا عصير....

ديما:"أيه بقا اللى حصل؟؟"

"كنت عايز أكلمك على الموضوع اللى اتكلمنا فيه قبل كدة..أقصد أنا وندى"

ديما:"أوووه"

"أنا عرفت أن ندى وشيون بيحبوا بعض"

ديما:"بووووووه؟؟؟مين اللى قالك؟؟"

"ريم...وكمان ندى قالتلى ان فى شخص تانى فى حياتها بعد ما اعترفتلها"

ديما:"وبعدين؟؟؟"

"كنت عايز أقولك على اللى عرفته..وأنك مشتغليش نفسك بالموضوع ده بعد 

النهاردة..هى بتحب واحد تانى"

ديما:"بيانيه أوبا"

"متعتزريش...أنتى وقفتى جنبى وكنتى مستعدة تساعدينى..أنتى بجد أفضل 

صديقة,,بس ليه النهاردة فى التليفون سألتينى عن ندى؟؟والنهاردة الصبح 

شيون سألها لو كانت كويسة؟؟"

ديما:"حصلت مشكلة بينا...وأنا جرحتها كتير"

"أيه اللى حصل؟؟ممكن أساعدك فى حاجة؟!!"

ديما:"أنياااا...كوماوا اوبا,أنا هحاول أحل الموضوع ده..بس هى مكنتش 

متضايقة أو تعبانة؟؟"

"أنيااا...كانت كويسة...أنا هروح دلوقتى عشان معطلكيش..وفى أى وقت لو 

حبيتى تتكلمى أتصلى بيا على طول"

ديما:"امممم...كوماوا اوبا"

وبعدها قومت و روحت على البيت...مكنش فى حد هناك...دخلت على أوضتى ونمت شوية لأنى حسيت بالتعب...

وفى الوقت ده قررت...المفروض أنسى ندى,مينفعش أركز عليها كل حياتى بالطريقة ديه..يكفينى أنى أكون جنبها كأخ وصديق ليها.

************************************

مشى دونجهى وأنا فضلت قاعدة لوحدى...ثوانى وبقيت أفكر فى كلامه..

"فعلا بقت كويسة؟؟"

لارا:"ديماااااا...أنتى بقيتى تكلمى نفسك؟؟؟"

"ها؟؟؟أنياا..بس كنت بفكر بصوت عالى"

سولى:"مالك؟؟فى مشكلة حصلت معاكى؟؟أحكيلنا"

"أمبارح أنا وندى أتخانقنا...وكنت عايزة أتطمن عليها,أنا فعلا غلطت 

معاها"

سولى:"أيه اللى حصل؟؟"

من وقت ما جيت كويا وأنا بعتبر سولى ولارا أقرب أصدقائى..كنت بحكيلهم عن حاجات كتير...وللحظات فكرت وبدأت أحكيلهم اللى حصل معايا أنا وندى ومشاعرى ناحية دونجهى ومشاعره ناحية ندى...والمشاكل اللى حصلت بينا..

لارا:"أوووه...دمدوم متضايقيش نفسك..أكيد كل حاجة هتتصلح بينكوا...وكمان أنتوا أصحاب من وقت طويل"

سولى:"صح...وبعدين زى ما قولتى ندى بتحب شيون و كمان دونجهى قالك 

أنه هينساها"

"اممم..عندكوا حق يا بناويت...شكرا لأنكوا معايا و واقفين جنبى"

لارا:"متقوليش كدة يا حبيبتى...أمال أحنا أصحاب أزاى؟؟"

سولى:"المهم دلوقتى أنك تحاولى تصلحى اللى بينك وبين ندى"

"عندكوا حق...يلا أنا هسيبكوا دلوقتى عشان لازم أروح أشوف الشغل اللى 

عليا"

سولى:"ماشى يا حبيبتى...فايتنج"

رديت بإبتسامة:"فايتنج يا بنات...أنيووو"

مشيت بعد ما حسيت أن عندي أمل..وأكيد مش مشكلة زى ديه هى اللى هتفرق بينى وبين ندى...بس أنا جرحتها..ولازم أصلح اللى عملته...

روحت على البيت وأنا فى طريقى كلمتها...سمعت صوت الجرس لفترة وبعدها الخط قطع...ممكن تكون مشغولة..أو فعلا زعلها أكبر من إنها ترد عليا بالبساطة ديه...

وصلت البيت..كانت مروة لسة موصلتش,طلعت على أوضتى وغيرت هدومى..وقعدت لمدة طويلة بحاول أكلم ندى بس مكنش فى إختلاف..كان كل مرة الجرس يرن لغاية ما الخط يقطع...

وفى الأخر رميت الموبايل على السرير وقعدت أذاكر شوية و أحضر 

لبرنامج الردايو بتاعى...

*********************************

كيبوم:"كدة فاضل حاجة تانية مش فهماها؟؟"

"أنيااا...كدة كله بقا سهل..لو وقفت حاجة تانية قدامى مش هتردد عن سؤال حضرتك...كوماوا"

كيبوم:"أراسووو...شدى حيلك"

قومت من على الكرسى بتاعى و لميت كتبى وكنت همشى...

كيبوم:"مروة...أيه الأخبار بينك وبين أختك؟؟أنا مش قصدى أتدخل بس.."

"أنا فاهمة قصدك..الأحوالبينى وبين ديم متغيترتش..هى لسة بتتجاهلنى,بس 

أنا هحاول..كوماوا على أهتمامك"

كيبوم:"أحنا أتفقنا أننا أصدقاء...صح؟؟مفيش داعى لأنك تشكرينى...صحيح,سمعتى عن الحفلة اللى هتعملها الكلية؟؟"

"أوووه...سمعت عنها,بس بفكر مجيش"

كيبوم:"ليه؟؟؟الجو هيبقى لطيف وكمان ممكن تتعرفى على أصدقاء أكتر...بتمنى أنك تيجى J"

رديت بإبتسامة:"أراسووو...هشوف ظروفى^^"

وبعد دقايق كنت أخدت شنطتى وخرجت من مكت كيبوم شى و اتجهت ناحية الكافيتريا لأنى حسيت بحلقى جاف...

وهناك شوفت ديما..كانت قاعدة مع أتنين صحابها وبعد ثوانى ديما قامت ومشيت...وصحباتها الاتنين شوفتهم جايين ناحيتى...وقفوا عشان يشتروا مية و بالصدفة سمعتهم وهم بيتكلموا...

....:"شوفتى بتتكلم أزاى؟؟"

....:"فعلا..عندك حق...أنا حاسة أن ديما أتغيرت,وبقت تعاملنا بطريقة مغرورة"

.....:"أنا مش هسكت على كدة,وكمان سمعتيها؟؟أزاى تعمل كدة فى صحبتها وتجرحها بالطريقة القاسية ديه؟؟"

.....:"سولى...أحنا لازم نخليها تفوق لنفسها ونديها درس"

سولى:"عندك حق...وأنا معاكى"

سمعت كلامهم للأخر واللى عايزين يعملوه فى أختى..بس أنا هعمل أيه؟؟لو قولت لديما هتصدقنى؟؟؟مش بعيد تقول عليا عايزة أفرق بيناه وبين صحابه...بس أنا مش هسيبهم يعاملوها بالطريقة القذرة ديه....

وبعد شوية أخدت حاجتى وروحت على البيت...

*******************************

كنت قاعدة فى مكتبى وبفكر فى اللى حصل أمبارح من أول مناقشتى مع ديما لغاية ما روحت البيت بالليل....

مش عارفة أبقى مبسوطة ولا زعلانة؟؟؟

وبدأت أفتكر أمبارح من أول كلامى مع ديما...

ديما:"أنا عارفة مين الحد التانى اللى ممكن يكون مناسب ليكى"

"مين؟؟؟ J"

ديما:"دونجهى"

وبعدها لما روحت البيت و شيون نزل معايا وفضل جنبى طول اليوم...كنت حاسة بالأمان معاه..كنت عايزة أفضل فى حضنه على طول....

حسيت أن رجلى مش هتشيلنى أكتر من كدة و وقعت على الأرض وأنا بعيط بقهر وبصوت عالى...وبعد ثوانى حسيت بأيد شيون بتحاوطنى وبياخدنى فى حضنه وضمنى جامد..

شيون:"وأنا روحت فين؟؟؟أنا هفضل معاكى على طول"

ضمنى لصدره أكتر..وأنا اتشبثت بقميصه جامد وفضلت أعيط...

معرفش مقدار الوقت اللى عدا وأحنا كدا...ومعرفش مقدار الوقت اللى فضلت أعيط فيه من غير توقف...كنت بدأت أهدى و دموعى بدأت تقف...حسيت بأيده,كان بيحاول يبعدنى عنه شوية عشان يشوفنى بقيت عاملة أيه دلوقتى...بس أنا مسكت فيه أكتر وضميته...

وافتكرت لما روحنا على البيت وأول ما العربية وقفت...معرفش ليه مفتحتش عينى فى الوقت ده مع انى كنت صاحية...

حسيت بأيده على وشى..وصوابعه بترفع خصل شعرى...

كنت حاسة بقربه منى وأنفاسه اللى بدأت أحس بيها على بشرتى..وفى لحظة كانت شفايفه ملامسة لشفايفى...فى اللحظة ديه حاولت أحافظ على انتظام انفاسى,مع أنه كان صعب بس حاولت مظهرش أى ردة فعل على قد ما أقدر...وبعدها سمعته وهو بيقولها

شيون:"سارانيه"

ولما طلعنا الشقة كانت لسة نبضات قلبى عالية وسريعة...كنت عايزة أحضنه تانى بس أكتفيت بأنى أشكره على اللى عمله معايا..

وبعدها دخلت أوضتى و قفلت الباب وسندت ضهرى عليه...

حطيت أيدى على قلبى واتنهدت تنهيدة عميقة..ورسمت ابتسامة على وشى...

"نا دو سارانيه"

كنت حاسة بالقلق من أنى أسيب نفسى أحب شيون..خصوصا بعد اللى حصل مع ديما...لأنى حسيت إن كل الناس بقوا يبعدوا عنى وده اللى خوفنى من قربى لشيون....

بس بعد كدة فكرت فى اللحظات اللى بكون فيها مبسوطة معاه...لما بيكون واقف جنبى وبيحسسنى بحنيته والأمان اللى محستهوش مع حد تانى....

أنا بحب شيون وديه حاجة مش هقدر أهرب منها...وده اللى أنا عايزاه,عايزة أفضل جنبه على طول...وعشان كدة هنسى خوفى ومش هفتكر غير اللحظات الحلوة وبس.....

حطيت الورق اللى كان فى أيدى على جنب واتجهت ناحية مكتب شيون...خبطت الباب ودخلت....

"مشغول؟؟؟"

شوفته بيقفل الملف اللى فى أيده و بيبصلى بإبتسامة...

شيون:"أنيااا...أتفضلى"

"وراك حاجة النهاردة بعد الشغل؟؟؟"

شيون:"لأ"

"اممم...كان معايا تذكرتين سينما لفيلم الليلة ومش عايزة أروح لوحدى...تحب تيجى معايا؟!!"

شيون:"أكيد موافق.."

ابتسمت لا إراديا...

"أراسووو...هستناك نروح مع بعض^^"

كنت هخرج من المكتب بس صوته وقفنى...

شيون:"ندى....ممكن نتغدا مع بعض النهاردة؟؟؟"

لفيت ليه وبإبتسامة رديت:"OK"

رجعت على مكتبى فتحت الدرج بتاعى وطلعت موبايلى...كانت ديما أتصلت بيا أكتر من 5 مرات....

حطيت الموبايل على المكتب بعد تنهيدة وقعدت أكمل الشغل اللى ورايا لغاية وقت الغدا....

وبعد حوالى ساعة ونص من الشغل المتواصل الباب خبط وبعدها شيون دخل....

شيون:"مش يلا؟!!"

"أوووه...بس فاضل حاجة بسيطة,ممكن تستنانى شوية؟؟؟"

دخل وقفل الباب وقعد قدامى....

شيون:"يلا أنا مستنيكى"

أبتسمتله بهدوء ورجعت تانى للشغل..كنت حاسة أنى بفقد تركيزى من مجرد نظراته ليا...كان كل تفكيرى فى شيون اللى قاعد قدامى وبالتالى مقدرتش أركز فى حاجة....

شيون:"أساعدك فى حاجة؟؟"

"ها؟؟أنيااا مش لازم,مش عايزة أتعبك"

شيون:"مفيش تعب...ورينى"

قعدنا نشتغل مع بعض..وشيون كان بيساعدنى بشكل كبير..

وأخيرا خلصنا وطلعنا أحنا الأتنين نتغدا برا....كان مطعم حلو,ومع أنه بسيط الا أنه بيوحى بالدفء...

شيون:"عجبك المكان؟؟"

"أهااا...جدا"

قعدنا وطلبنا الأكل...كان وقت ممتع قضيناه مع بعض...

كان شيون بيحاول يخرجنى من المود اللى أنا فيه ومذكرش أى حاجة من اللى حصلت أمبارح...

بعد ما خلصنا أكل روحنا على البيت دخلت غيرت هدومى عشان ننزل على السينما...وكمان شيون...

خرجنا مع بعض وروحنا بعربيته...كان الفيلم رعب...

معرفش أيه اللى خلانى أختار الفيلم ده...لو كان الفيلم التانى كان هيبقى أفضل لأنه كان رومانسى تراجيدى...بس أنا مكنتش متوقعة أروح السينما مع شيون...

شيون:"أنتى بتحبى نوعية الأفلام ديه؟؟"

"يعنى...بشوفها من وقت للتانى,تحب نغير الفيلم؟؟"

شيون:"لأ..خلينا ندخل ده...بس أستنى هنا لحظة"

وقفت استناه وهو سابنى ومعرفش راح فين...وبعد دقايق رجع تانى وهو ماسك علبة فشار كبيرة و أتنين عصير...

شيون:"يلا؟!! J"

هزيت راسى وأخدت العصير منه ودخلنا....

بدأ الفيلم وأحنا الأتنين قاعدين ومركزين فى الأحداث..كان من وقت للتانى أدينا بتتلامس وأحنا بنتشارك علبة الفشار...

وبعد مدة بدأت الأحداث المرعبة...كنت بغمض عينى بسرعة وقلبى كان بينبض جامد...وفاجأة مسكت فى دراع شيون وخبيت وشى فيه...

وبعد ثوانى حسيت بأيده على شعرى...

شيون:"خلاص...الحتة المرعبة خلصت"

عدلت نفسى ورجعت أتفرج تانى.....

وبعد الفيلم خرجنا أحنا الأتنين...كنت مبتسمة إبتسامة هبلة بسبب إحراجى منه عشان اللى عملته جوا...وكمان كنت مبسوطة عشان قضينا وقت مع بعض...

وهو كمان كان مبتسم...ياترى بيضحك عليا؟؟؟

شيون:"كان فيلم حلو J"

رديت بهدوء:"امممم"

بصلى بنفس الإبتسامة وكمل كلامه:"والأحلى أننا كنا مع بعض"

بصيت قدامى ومعملتش أى ريكشن...فضلت ساكتة وبس....

اتفقنا إننا نتمشى شوية...خرجنا من السينما وبدأنا نتمشى فى الشارع...كان القمر والنجوم فى السما شكلهم رائع..كنت ببص لفوق وأنا مبتسمة...وفاجأة حسيت بأيده بتلمس أيدى وأحنا ماشيين جنب بعض...وبعد لحظات مسك أيدى...

ممنعتهوش ومشيلتش أيدى من أيده...أنا بس كنت مبسوطة باللى بيحصل^^

....

..

..

........يتبع......