Chapter 18
Part 1
"haaaaaay….i'm back^^..أيه ده؟؟؟مفيش حد فى البيت ولا أيه؟؟؟"
دخلت وقعدت على الكنبة وسيبت شنطتى عند الباب...كنت ببص
للفراغ اللى حوليا ومستنية أى حد يخرج من أوضته...لكن
محدش
خرج....
قومت بحركة سريعة وفتحت باب أوضة ندى بسرعة عشان
أخضها وهى نايمة...بس كان شئ مخيب للأمال أنى ملاقيهاش
جوا الأوضة...
قفلت باب الأوضة تانى ورجعت قعدت على الكنبة ومسكت
موبايلى وبدأت أطلع رقم ندى.....
شيون:"ريم؟؟أيه ده؟؟أنتى
وصلتى أمتى؟؟؟"
بصتله بطرف عينى ورديت:"انت
محستش بالفرح اللى عملته لما
جيت؟؟؟"
شيون:"لأ...أنا لسة
صاحى"
"أممممم...يعنى متعرفش ندى
راحت فين.."
شيون:"هى مش هنا؟؟"
"واضح انها نزلت...وكمان
دونجهى شكله مش هنا.."
شيون:"معنى كدة الورد
والشيكولاتة بتوع النهاردة أبعتهم على
الشركة.."
بصيتله بتعجب..متوقعتش ان شخص زى شيون يكون غبى كدة...
"هو ده اللى وصلتله من
كلامى؟؟؟أنك تبعت الورد والشيكولاتة
على الشركة؟!!!"
شيون:"عايزة تقولى أيه من
الأخر؟؟"
"عايزة أقول أن ممكن ندى تكون
خرجت مع دونجهى"
حسيته بيتكلم بلا مبالاة واتجه ناحية الحمام بخطوات
باردة
وبطيئة...كأنه بيحاول يستفزنى....
شيون:"بعد أمبارح...معتقدش
انهم هيكونوا مع بعض.."
أتصدمت من كلامه...أيه اللى حصل فى غيابى؟!!!
"بووووووووه؟؟؟أيه اللى حصل
أمبارح؟!!!"
شيون:"اممممممم....مش
هقولك"
وبعدها طلعلى لسانه ودخل الحمام...قومت من مكانى بسرعة
وجريت وراه...قعدت أخبط كتير على الباب وأنا بزعق...
"ياااااااا...شيون قولى أيه
اللى حصل أمبارح...يلا أطلع
دلوقتى,عايزة أعرف أيه اللى
حصل.."
فضلت واقفة قدام الباب لما يقارب الربع ساعة لغاية ما
طلع من
الحمام بعد ما اخد شاور,كانت نقط المية بتنزل من اطراف
شعره
على صدره...كان لافف فوطة حوالين خصره,وخارج بالمنظر
ده..
كلمته ببرود"يلا قول أيه اللى
حصل فى غيابى"
شيون O.o:"أنتى مش طبيعية.."
أكيد كنت فاهمة قصده...كان خارج بالمنظر ده قصد عشان
أبعد
عنه...بس ده بعده...
"ليه بتقول كدة؟؟؟"
شيون:"ايييششش...خلاص...حاسبى
كدة من طريقى..هلبس
هدومى وبعدين نتكلم"
أتجهت ناحية الكنبة وقعدت أستناه لغاية مايخلص...وبعد
دقايق
خرج من أوضته وهو بيظبط هدومه وبعدين قعد جنبى...
"يلا قوللى أيه اللى
حصل.."
شيون:"أمبارح أنا وندى خرجنا
مع بعض...يعنى كنت حاسس انها
واحدة مختلفة تماما,عزمتنى على
فيلم سينما وأتغدينا مع بعض"
"اممممم...وبعدين؟؟أنا عايزة
كل حاجة بالتفصيل"
قام من على الكنبة وهو بيبصلى:"هبقى
أحكيلك على الباقى لما
أرجع...أنا كدة هتأخر على محاضراتى,باى
باى"
"شيون أستنى"
بصلى بإستعجال...
شيون:"فى أيه؟؟؟"
"خلاص خلاص...نتكلم لما
ترجع...متنساش تبين أنك غيران من
حكاية الورد والشيكولاتة
ديه..باى"
خرج من الشقة وفضلت أنا قاعدة لوحدى أفكر...ياترى أيه
اللى
غير ندى بالسرعة ديه؟؟؟فى حاجة كمان شيون مخبيها عليا؟؟
وبعد دقايق دخلت الأوضة وغيرت هدومى عشان انام شوية قبل
ما
أروح على الجامعة...بس قبل ما أنام كلمت ندى...
***********************************
نزلت من البيت بدرى وروحت على الجامعة بسرعة....دخلت
المكتبة وبدأت أدور على كتب كنت محتاجاها فى مذاكرتى....
من وقت للتانى بفتكر اللى سمعته من أصحاب ديما واتفاقتهم
الحقيرة اللى ناويين يعملوها..ياترى لازم أتصرف أزاى؟؟؟
بعد حوالى نص ساعة روحت على المحاضرة وبعدها روحت أقعد
فى الكافيتريا شوية...كنت حاسة أنى مش مركزة فى أى حاجة...
وفى الوقت ده شوفت شيون داخل الجامعة..كان شكله مستعجل و
وراه حاجة مهمة...
ارتسمت إبتسامة لا إراديا على شفايفى لما شوفته...
"مروة...أيه اللى بتعمليه
ده؟!!ركزى,أنتى بتفكرى فى حل لمشكلة
ديما..مش وقت الكلام ده
خالص.."
ندى:""أنتى بقيتى تكلمى
نفسك؟؟^^؟؟؟"
رديت بإبتسامة:"هههه...لا بس
كنت بفكر بصوت عالى...أزيك؟؟"
ندى:"تمام...أنا كويسة,وأنتى
عاملة أيه؟؟"
مروة:"كويسة"
ندى:"فى جديد؟؟قصدى بينك أنتى
وديما"
رديت بسرعة..كأنى لقيت حد يلحقنى من اللى أنا كنت
فيه..وأخيرا:"لأ...وبصراحة,أنا
بتقابلنى مشكلة.."
ردت بإهتمام:"أيه اللى
حصل.؟؟؟"
"سمعت أصحاب ديما
بيتكلموا...وكان واضح أنهم بيتفقوا
عليها..أنا خايفة يعملولها حاجة
تضايقها.."
ندى :"أصحابها مين؟؟؟"
"معرفش...أعتقد واحدة فيهم
أسمها سولى.."
حسيت ندى اتصدمت أول ما سمعت إسم البنت..كانت متفاجأة
جدا..
ندى:"مستحيل...لارا
وسولى؟؟؟أيه اللى يخليهم يعملوا كدة؟!!أكيد
أنتى فهمتى الموضوع غلط.."
"أنا سمعتهم وهم بيقولوا إن
ديما بقت مغرورة أوى..وعملت حاجة
فى أقرب أصحابها ولازم يعلموها
درس..وكلام زى ده,أنا بجد
مش عارفة أعمل أيه!!ولو قولت لديما
مش هتصدقنى..أنتى عارفة
هى بتعاملنى أزاى.. L"
ندى:"خلاص...أنا هحاول أعرف
أيه هو الموضوع بالظبط
وهقولك.."
"أراسووو.."
ندى:"أنا عندي محاضرة دلوقتى
وبعدين لازم أروح على
الشركة...أشوفك
بعدين..أنيووو.."
رديت:"أنيووو.."
بتمنى إن ندى تساعدنى...هى آخر أمل ليا..
وبعد دقايق..قومت أنا كمان وروحت على المحاضرة
التانية...حاولت أكون هادية ومفكرش كتير فى
الموضوع..أكيد
ندى هتلاقى حل..وديما بتسمعلها.....
*************************************
روحت على محاضرتى التانية وكلام مروة بيتردد فى راسى...
أيه اللى يخلى سولى ولارا يعملوا كدة؟؟؟هم أصحاب ديما
المقربين
ومن وقت طويل كمان على حد علمى!!!!
وأول ما خلصت آخر محاضرة ليا وكنت رايحة أركب عربيتى
سمعت صوت شيون من ورايا....
شيون:"ندى...أستنى.."
وقفت وبصيت بإتجاهه..كان بيحاول يحصلنى وشكله كان
بيجرى..
شيون:"مشوفتكيش قبل ما انزل
النهاردة...نزلتى بدرى؟؟؟"
رديت بإبتسامة:"امممم...كان
عندي مشوار مهم.."
شيون:"ريم رجعت النهاردة
الصبح..وكانت بتحاول توصلك.."
"أه..كلمتها النهاردة قبل ما
آجى على هنا,أنت رايح على
الشركة؟؟"
شيون:"أه..وأنتى؟؟؟"
"وأنا كمان...يلا خلينا نروح
عشان منتأخرش.."
كل واحد فينا ركب عربيته,وفى الطريق قعدت افتكر المشوار
اللى
رحته الصبح....
Flash back>>>>
نزلت الصبح بدرى
من الشقة وبعد 15 دقيقة تقريبا كنت واقفة
أدام باب بيتها...كنت مترددة أنى أخبط فى الأول لكن بعد
كدة
رنيت جرس الباب...وبعد ثوانى فتحتلى..
ديما:"ندى؟؟"
قربت منها بخطوات بطيئة وحضنتها....
"بيانيه...أنا كنت قاسية أوى معاكى.."
مكنتش عارفة اتحكم فى دموعى وكان صوتى مخنوق وبيمنعنى
من الكلام...
ديما:"أنا اللى لازم أعتذر منك...أسفة..بجد
أسفة..أنا قولت كلام
ملهوش لزمة"
بعدنا عن بعض وبصيت فى وشها...كانت الدموع نازلة على
خدها
زى النهر...كنا أحنا الأتنين بنعيط جامد..وبعد ثوانى
تحول كل
العياط الى ضحكات هستيرية غريبة....
قفلنا الباب ودخلنا قعدنا جوا...رجعنا نتكلم تانى زى
الأول
وأحسن...حكتلها عن اليومين اللى فاتوا واللى شيون عمله
معايا..وأزاى دلوقتى بحاول اتقرب منه....
ديما:"أيوا كدة...وأخيرا قررتى تاخدى خطوة إيجابية J "
أتكلمنا لما يقارب النص ساعة...كنت حاسة انها بدأت تكون
أحسن
وتنسى دونغهى...لكن طبعا مقدرش أكون متأكدة من كلامها
ده..ديما شخصية مش بتقول كل اللى جواها بصراحة...يمكن هى
بتعمل كدة عشان متقلقنيش عليها وبس...
"أنا لازم أمشى دلوقتى...ورايا محاضرتين النهاردة
وبعدها تروح
على الشركة"
ديما:"أراسووو...يلا روحى...أنيوووو"
Now>>>>>>
وصلنا الشركة فى نفس الوقت...دخلنا مع بعض,وقبل ما أدخل
مكتبى السكرتيرة سلمتنى الورد والشيكولاتة
اليومية...أخدتهم
ودخلت مكتبى...
وبعد ثوانى لقيت شيون داخل ورايا...
شيون:"كنت عايز أسئلك
سؤال.."
"أيه هو؟!!!"
شيون بنظرة غضب:"مين اللى
بيبعتلك الورد والشيكولاتة دول؟؟"
بصيت للورد والشيكولاتة اللى على المكتب ورجعت بصتله
تانى
بنظرة مبهمة..مكنتش فاهمة قصده أوى...بيسأل ليه؟!!!
"معرفش...مفيش إسم مكتوب على
الكارت"
شيون:"وأنتى أزاى تقبلى هدية
زى ديه من شخص متعرفيهوش؟؟"
أستغربت جدا من كلامه والطريقة اللى بيكلمنى بيها...ديه
مش اول
مرة الورد والشيكولاتة دول يتبعتولى قدامه....
رديت بهدوء:"يعنى لو مقبلتهاش
هوديها فين؟؟أنا معرفش مين اللى
بعتها عشان أرجعهاله.."
اتحرك بخطوات سريعة وغاضبة بإتجاه الورد والعلبة اللى
كانوا
على المكتب وأخدهم....
شيون:"أنا مش عايز يكون
حواليكى أى حاجة تخليكى تفكرى فى
حد تانى.."
فى اللحظة ديه حسيت قلبى بينبض بسرعة غير طبيعية..وحلقى
جف من كتر التوتر...
رديت بتردد:"حد تانى؟؟؟"
قرب من...كانت أنفاسه قريبة أوى منى,ونظراته جريئة بشكل
غريب وهو بيبص فى عينى...
شيون:"أنتى ملكى أنا وبس..ومش
مستعد إن حد تانى يشاركنى
فيكى _خبط بصوباعه على راسى_حتى لو كان
مش هيشاركنى
غير فى تفكيرك"
بعد خطوة عنى ورسم على وشه إبتسامة من أحلى ما
يكون,خلتنى
أتوه فى ملامحه وأنا مش مستوعبة أى كلمة قالهالى
دلوقتى...
مشى خطوتين بإتجاه الباب..وقبل ما يخرج حاولت أخرج صوتى
بالعافية من كتر التوتر....
"طيب....."
إلتف ليا وكان مستنينى أتكلم...
شاورت على علبة الشيكولاتة:"ممكن
تسيبلى علبة الشيكولاتة
بس؟؟؟"
شيون:"أنا هشتريلك واحدة
غيرها J"
وبعدها فتح الباب وخرج...رميت نفسى على الكرسى وأنا
بتنفس
بصعوبة...أيه اللى حصل دلوقتى؟!!الكلام اللى
قالهولى..إبتسامته..
كل ده كان بيتردد فى مخى بشكل متكرر كل ثانية....
**************************************
خرجت من مكتبها وأنا حاسس بسعادة غريبة..دخلت مكتبى
وحطيت فيه الورد والشيكولاتة,وبسرعة أخدت مفاتيحى و نزلت
بسرعة وروحت لأقرب محل شيكولاتة فى طريقى...وأشتريت
علبة شيكولاتة وغلفتها بطريقة شيك...
وبعد 20 دقيقة كنت واقف قدام مكتبها للمرة
التانية...خبطت
ودخلت,كانت لابسة نضارة للقراءة و واقفة قدام المكتب
بتدور فى
الملفات اللى قدامها..وتقريبا محستش لما دخلت..رفعت
نظرها
بإتجاهى...
ندى:"شيون!!!!"
قربت منها و وقفت جنبها وطلعت العلبة من ورا ضهرى وحطتها
قدامها على المكتب...
ومن ردة فعلها عرفت أنها عجبتها.....
أول ما فتحت العلبة إبتسمت إبتسامة رائعة ظهرت غمزاتها
فيها...
بصتلى بنفس الإبتسامة و قربت منى وحضنتنى...
ندى:"كوماوا أوبا"
ووقبل ما تبعد عنى باستنى على خدى بسرعة....
كنت حاسس بالصدمة من اللى عملته...بس لو ديه هتبقى ردة
فعلها
كل مرة أجيبلها فيها علبة شيكولاتة..فأعتقد إنى هقولها
إن أنا اللى
بجيبلها الورد والشيكولاتة كل يوم^^
خرجت من مكتبها وإتجهت لمكتبى وقعدت أشوف الشغل اللى
ورايا...
وبعد حوالى تلت ساعات كان الوقت دخل على المغرب..قفلت
الملف اللى فى أيدى وقومت عشان أروح..وقبل ما أمشى اتجهت
لمكتب ندى عشان أشوفها لسة هنا ولا لأ....
دخلت مكتبها كانت بتتكلم فى الموبايل...ومن الواضح جدا
إنها
كانت بتكلم ريم...
ندى:"أشمعنا النهاردة
يعنى؟؟؟...بس أنا لسة مشوفتكيش...طيب
أنتى كلمتى ديما وسألتيها لو ينفع
تباتى عندها ولا لأ؟؟....
OK…fine,take
care…bye"
"ديه ريم؟؟؟"
ندى:"أمممم...قالتلى إنها
هتبات النهاردة عند ديما"
"أوكى...خلصتى شغلك؟!!"
ندى:"أه...وأنت؟؟؟"
"وأنا كمان...أيه رأيك نتعشى
برا النهاردة؟!!"
ندى:"خليها مرة تانية...أنا
مرهقة جدا النهاردة,وكمان عشان
دونجهى ميتعشاش لوحده^^"
دونجهى..دونجهى..دونجهى...قد أيه كرهته فى الوقت ده....
"طيب,خلينا نمشى.."
نزلنا أحنا الأتنين للجراج وكل واحد ركب عربيته...
وصلت قبلها بثوانى...نزلت من العربية وإستنيتها لغاية ما
توصل...كنت طول الوقت بفكر فى دونجهى وتفكير ندى بيه...
نزلت من عربيتها وبصتلى بإبتسامة مرهقة...
ندى:"ليه واقف هنا؟؟مطلعتش
ليه؟!!!"
"كنت مستنيكى عشان نطلع مع
بعض.."
إبتسمت ومشيت خطوتين قدامى...كنا واقفين مستنيين
الأسانسير..و
وقتها مقدرتش أمنع نفسى من الكلام....
"مش عايزك تانى تقلقى على
دونجهى..أو أى شخص تانى.."
بصتلى بإستغراب..كنت حاسس إنها هترجع لعادتها
تانى...هتصدنى وتقول أنى بتدخل فى حاجة متخصنيش...
ندى:"شيون..أ..."
قطعت كلامها:"ومتقوليليش شيون
تانى...أسمها أوبا"
ندى:"أنت ليه....؟؟"
قربت من وشها وبصيت فى عنيها
بثقة:"عشان بحبك...وأنتى كمان
بتحبينى,متنكريش.."
وفى الوقت ده الأسانسير وصل...مسكت أيدها وبصيتلها
بإبتسامة..
"يلا...واضح أنك تعبانة ولازم
تستريحى شوية عندنا شغل كتير
بكرة.."
كان الصمت هو رفيقنا فى الاسانسير وحتى لما دخلنا
الشقة..كان
واضح إن دونجهى لسة موصلش..مسبتش أيدها للحظة,وهى
محاولتش تسحبها منى....
ندى:"ممكن تسيب أيدى
بقا؟؟؟"
سبت أيدها,وهى دخلت أوضتها وبعد دقايق خرجت بعد ما غيرت
هدومها واتجهت للمطبخ.....
*************************************
سونغمين:"ياااااا..دونجهى ليه
قاعد كدة؟؟؟يلا خلينا نروح نسهر فى
أى مكان بدام خلصنا تمرين.."
"أنا تعبان شوية...خلوها مرة
تانية,أنيوووووو"
أيونهيوك:"يااااااااا...لى
دونجهى.."
مردتش على حد ومشيت فى طريقى...يمكن أنا بحاول أقنع نفسى
إنى كويس وإنى هقدر أعامل ندى كأخت أو صديقة ليا...بس
الحقيقة إنه مؤلم أوى...
خرجت من الشركة و وقفت قدام الباب لثوانى بدون
حركة...كانت
الدنيا بتمطر...بصيت حواليا وهناك شوفت ديما قاعدة تحت
المطر....إستغربت من قعدتها هناك فى الجو ده...
جريت نحيتها وخبطت على كتفها...رفعت وشها بإتجاهى...
ديما:"أوبا..."
"أيه اللى مقعدك هنا فى الجو
ده؟!!!"
رجعت بصت تانى قدامها واتنهدت بعمق....
ديما:"أنياااا...بس بقالى
كتير مقعدتش تحت المطر"
رديت بسرعة:"بس كدة هيجيلك
برد...يلا قومى,خلينا نروح"
قامت من مكانها وبصتلى ببرود شديد..لأول مرة أحس بالبرود
ده
من ديما,حتى وقت ما كنا بنتخانق على الشقة فى الأول..و
وقت ما
أتخانقت أنا وهى على السماعات مكنتش كدة...نظرة عنيها
دلوقتى
مختلفة....
ديما:"أنا كويسة...متخفش
عليا.."
"طيب يلا نمشى.."
ديما:"أمشى انت..أنا هتمشى
شوية وبعدين هروح على البيت.."
مسكت أيدها جامد ولفتها ليا...
"أنتى متضايقة من
حاجة؟!!"
ديما:"مش حاجة مهمة"
رديت بإهتمام:"أحكيلى...مش
إحنا أصحاب؟!!"
ديما:"امممم..صح..صحاب,بيانيه
أوبا..دلوقتى مش قادرة أتكلم لما
أحس نفسى كويسة هبقى أحكيلك"
إبتسمت بهدوء:"أراسووو...أحنا
أتبلينا خالص من المطر..يلا خلينا
نمشى بسرعة.."
مسكت أيدها وجرينا لغاية محل قريب..دخلنا بسرعة أحنا
الأتنين.ومن حسن حظنا لقينا آخر شمسية فى المحل....
خرجنا بعد دقايق ومشينا أحنا الاتنين تحت شمسية
واحدة...فى
الوقت ده بس لاحظت أزاى أنا بنسى ندى لما بكون مع
ديما...
كنا قاعدين فى البص جنب بعض..كانت قاعدة جنب الشباك
وبتبص على نقط المطر اللى بتنزل على أزاز الشباك....
كنت من وقت للتانى براقب ملامحها...برود ولا مبالاة..حزن
وخيبة أمل...ياترى أيه اللى مزعلها للدرجادى؟!!!
وصلنا للمحطة القريبة من بيتها..نزلنا أحنا الأتنين مع
بعض و
مشينا بدون ماحد فينا ينطق بحرف لغاية ماوصلنا لباب
بيتها...
ديما:"كوماوا أوبا...مكنش فى
داعى أنك توصلنى لغاية هنا.."
رديت:"خدى بالك من نفسك
وأشربى حاجة سخنة لما تدخلى...ولما
تحسى نفسك عايزة تتكلمى مع أى حد
أتصلى بيا...أراسووو؟!!"
هزت راسها بالإيجاب وفضلت موجهة نظرها للأرض....قربت
منها وطبعت قبلة على جبهتها ورجعت بصتلها بإبتسامة...
"تصبحى على خير J "
كملت طريقى لغاية البيت وأنا بفكر فى ندى وديما....ليه
لما بكون
مع ديما بنسى ندى!!!وليه لما بشوف ندى قدامى بنسى الدنيا
وما
فيها...بتضايق من شيون,حبه ليها..طريقته معاها...
محستش بنفسى إلا وأنا قدام الشقة وبفتح الباب...
دخلت بعد تنهيدة طويلة,كانت ندى واقفة بتحضر الأكل على
الترابيزة..وشيون واقف بيساعدها....
أول ما ندى شافتنى دخلتى بصتلى بإبتسامة رائعة...
ندى:"أوباااا...أخيرا
جيت؟؟يلا خلينا نتعشى مع بعض^^"
"مليش نفس...أتعشوا
أنتوا.."
دخلت على أوضتى وسيبتهم واقفين وعلامات الإستفهام واضحة
على وشهم....
غيرت هدومى ورميت نفسى على السرير...
كانت الأفكار بتدور فى راسى...بدأت أحس بالصداع,وبعدها
نمت
وأنا على نفس حالى....
**************************************
"دمدووووووووووم...أنا
وصلت.."
خرجت ديما من المطبخ وبصتلى بإبتسامة....
ديما:"ريمو حبيبتى
نورتى...أدخلى البيت بيتك.."
رديت براحة:"أكيد طبعا...فين
مروة؟!!"
ديما:"معرفش...ممكن تبقى
قاعدة فى أوضتها.."
"هطلعلها شوية"
طلعت السلالم..و وقفت أدام أوضة مروة..خبطت مرتين وبعدين
دخلت...كانت قاعدة على مكتبها وبتذاكر بتركيز....
"أنا جيت بيت فيه ناس معقدين
ولا أيه؟؟؟؟"
وأول ما أتكلمت أنتبهت عليا....
مروة:"أنتى جيتى
أمتى؟؟؟"
قعدت على
السرير:"دلوقتى...واضح أنك كنتى بتذاكرى بتركيز"
مروة:"عايزة ألحق اللى
فاتنى.."
رديت بملل:"ألحقيه فى يوم
تانى...خلينا نلعب شوية دلوقتى"
قفلت الكتب اللى قدامها وجت قعدت جنبى....
مروة:"كوماوا..بجد مش عارفة
أشكرك أزاى عشان بتحاولى
تساعدينى J"
"ياااااااا...أنتى هتقلبيها
فيلم عربى كدة ليه؟؟؟وبعدين أنا مش هعمل
حاجة,أنا جيت أبات عندكوا بس عشان
الشقة اللى ندى قاعدة فيها
مملة..وكمان إنك تقعدى فى بيت واحد
مع شخصين متعرفيهومش
صعب"
مروة:"شخصين؟؟؟؟"
بصتلها بإستغراب:"محدش
قالك؟؟قصدى ندى او ديما؟!!"
هزت راسها بمعنى لأ وكأنها
مستنيانى أكمل كلامى...
"ندى لما اشترت الشقة اللى
أحنا قاعدين فيها أتفاجأت إن فى أتنين
كمان أشتروا نفس الشقة..دونجهى
وشيون.."
مش عارفة ليه ملامحها أتغيرت وكأنها اتصدمت...
مروة:"شيون؟؟؟؟"
رديت:"امممم...أنتى
تعرفيه؟!!"
مروة:"اه...أتقابلنا
صدفة,ونعتبر أصدقاء.."
رديت بإبتسامة:"اهااا...حاجة
غريبة إن تجمعنا علاقة بالاتنين دول
وخصوصا بالطريقة ديه....مش مهم,يلا
خلينا ننزل نقعد مع ديما
شوية.."
نزلنا أحنا الأتنين...كانت ديما قاعدة قدام التلفزيون
وبتشرب
نسيكافيه,فقعدنا معاها وبدأت أحاول أفتح موضوع نتكلم فيه
أحنا
التلاتة....
من وقت ما قابلت مروة الصبح فى الجامعة واتكلمنا وعرفت
ان
علاقتها مع أختها سيئة وأنا حطيت الموضوع فى دماغى وحسيت
أنى لازم أقربهم من بعض....إحساس سئ إنك تخسر شخص
قريب منك أو تحس إن مفيش حد يدافع عنك موجود جنبك...
لولا إن ندى كانت دايما معايا وبتحاول متحسسنيش بالنقص
كان
ممكن أكون شخص سئ جدا..غير اللى أنا عليه دلوقتى...
كانت ديما بتحاول تتفادى الكلام مع مروة...وبعد عناء يوم
طويل
طلعنا أحنا التلاتة عشان ننام...كانت ديما مجهزالى أوضة
عشان
أنام فيها...كانت لطيفة ومريحة,وأول ما حطيت راسى على
المخدة
نمت بعمق.....
صحيت الصبح بخمول على صوت المنبه..قومت ببطء عشان
أغسل وشى وسنانى قبل ما انزل على الجامعة..وبسرعة غيرت
هدومى وروحت على هناك...
كان كيوهيون قاعد قدام الكلية وماسك ورق فى أيده...
"أيه اللى أنت ماسكه
ده؟!!!"
كيوهيون:"أووووه...أخيرا
جيتى؟!!!"
"اه...أنت بتذاكر؟!!"
كيوهيون:"يعنى...شوية ملخصات
صحابى جابوها..يلا خلينا ندخل
المحاضرة عشان منتأخرش"
رديت:"أراسووو.."
كانت محاضرة مملة وطريقة الدكتور فى الشرح مملة أكتر...
كنت ساندة وشى على أيدى وببص للدكتور بملل..وفى الوقت ده
لقيت كيوهيون بيكتب حاجة فى ورقة قدامه..وبعدين
أدهانى...وبدأنا نتكلم على الورقة ديه وأحنا بنكتم صوت
ضحكنا
بالعافية...
كيوهيون:(حاسة
بالملل؟؟)
رديت:
(جدااااا...الدكتور ده ممل أوى)
كيوهيون:(خلينا نلعب J)
وبدأنا نلعب XO..ونرسم الدكتور وهو بيشرح بطريقة
مضحكة...
كنت بحاول اكتم ضحكتى بالعافية..وكيوهيون مستمر فى الرسم
وكأنه مصمم أنه يفضحنا ويضحكنى زيادة...
وفاجأة لقيت الدكتور واقف جنبنا وأخد الورقة من
كيوهيون...كنت
حاسة بقلبى هيخرج من مكانه من كتر الخوف...
Oh my god
...هيحصل
فينا أيه دلوقتى؟!!!
الدكتور:"أنتوا الأتنين
أسبقونى على مكتب المدير.."
No way
...كنت
مرعوبة جدا وقربت أعيط من الصدمة...بس حاولت أتحكم
فى نفسى...
أتكلمت بصوت
مهزوز:"تشوسوهامنيدا.."
الدكتور:"مش عايز أسمع
كلمة...يلا أخرجوا برا.."
خرجنا أحنا الأتنين من المحاضرة واتجاهنا لمكتب المدير و
وقفنا
برا...وبعد دقايق الدكتور جيه ودخل للمدير وبعدها دخلنا
أنا
وكيوهيون...
المدير
بعصبية:"كيوهيون...أكيد توقعت أنه يكون ليك علاقة
بالموضوع...لكن ريم؟؟أنتى لسة
مكملتيش شهر فى
الجامعة...هتعملى مشاكل من
الأول؟؟؟"
رديت بسرعة:"I'm sorry"
الدكتور:"أنا مش عايز
إعتذارات...لازم أولياء أمورهم يجوا فورا"
المدير بيزعق:"أخرجوا برا
وكلموا أهلكوا...وخليكوا واقفين لغاية
ما يجوا.."
خرجت برا المكتب مع كيوهيون وطلعت موبايلى من شنطتى
بصعوبة بسبب رعشة أيدى...كنت متوترة وخايفة بسبب الصوت
العالى وتهزيق المدير لينا,وندى هتزعل منى!!!
*****************************************
صحيت بدرى وغيرت هدومى و قبل ما أخرج فتحت شنطتى
عشان أتأكد إن المفاتيح والموبايل معايا...مبطلتش تفكير
من
أمبارح فى دونجهى,ليه مش عارفة أنساه؟؟ليه بيعمل معايا
كدة؟؟كل ما أحاول وأقول إنى هنساه يجى ويعاملنى بالطريقة
ديه......
مخرجنيش من أفكارى غير رنة موبايلى...
"أوووه..سولى"
سولى:"ديما...أنتى فين
دلوقتى؟!!"
رديت:"أنا فى
البيت...النهاردة معندناش محاضرات مهمة,فهروح
على الشركة على طول.."
سولى:"وهترجعى أمتى؟؟؟"
"يعنى..بعد ساعتين
تقريبا..حصل حاجة؟؟؟"
سولى:"لا أبدا..بس كنا
عاملينلك مفاجأة,خلينا نتقابل النهاردة
الساعة 2...فى الكافيه اللى بنقعد
فيه.."
"الساعة 2 ؟؟؟أراسووو...بس
مفاجأة أيه؟؟؟"
سولى:"هتعرفى لما تيجى"
رديت بسعادة:"أراسووو...هاجى
من الشركة أغير هدومى و
أقابلكوا هناك...أنيووو"
قفلت الموبايل وحطيته فى الشنطة وروحت على الشركة...وأول
ما
التدريب بدأ قفلت الموبايل وسييبته فى الشنطة...
كنت بفكر يا ترى أيه هى المفاجأة اللى البنات
محضرينها؟؟؟
ندى معاهم؟؟أكيد عارفة بالموضوع ده...^^
وبعد التدريب
رجعت البيت على الساعة 12:30 تقريبا...كانت
مروة هناك,كانت واقفة فى الصالة قدام الباب وشكلها
متوترة أو
مهزوزة من حاجة...
حاولت أنى مركزش معاها وطلعت على أوضتى...
**************************************
كنت فى الجامعة لما مروة كلمتنى وقالتلى على المكالمة
اللى
سمعتها بين ديما وسولى الصبح...لازم ألحقها قبل ما
تروحلهم..
أكيد بدام قالوا مفاجأة يبقى ناويين ينفذوا خطتهم
النهاردة...
كنت بدور على سولى أو لارا فى الجامعة طول اليوم..بس
واضح
أن محدش فيهم جيه النهاردة...وكان لازم ألحق ديما قبل ما
تخرج
معاهم...بس موبايلها ان مقفول...
روحت ناحية العربية بسرعة وكنت فى طريقى لبيت
ديما..ووقتها
مروة كلمتنى....
مروة:"ندى...لقيتى حد
فيهم؟!!"
رديت:"لأ....تقريبا مجوش
النهاردة...وديما موبايلها مقفول,أنا
جايالكوا على البيت,متخافيش"
مروة:"أراسووو...هى وصلت من
شوية...مش قدامها كتير عشان
تنزل"
"أراسووو...عشر دقايق وأكون
عندك.."
قفلت مع مروة وقبل ما أشيل سماعة الموبايل لقيت ريم
بتتكلم...
رديت بسرعة:"ريمو
حبيبتى...أنا مشغولة دلوقتى,فى حاجة
مهمة؟؟؟"
صوتها المكتوم خلانى أوقف العربية بسرعة وأحاول أفهم هى
بتقول أيه...
ريم بصوت مخنوق:"ندى...أأن
أنا ع عايزاكى تيجى دلوقتى.."
رديت بلهفة:"أنتى بتعيطى؟؟أيه
اللى حصل؟!!أنتى فين؟؟؟"
ريم:"أنا فى الجامعة.."
وبدأت تعيط بصوت عالى...كنت هموت من رعبى عليها...
وبسرعة لفيت العربية ورجعت للجامعة...نسيت أصلا أنا كنت
رايحة فين أو لازم أعمل أيه...كل اللى كنت بفكر فيه "ريم"
to be Continuous
ليست هناك تعليقات:
إرسال تعليق