Chapter 18
Part 2
......يتبع.......
Part 2
ندى أتأخرت ليه؟؟؟هى قالتلى عشر دقايق وتكون هنا...ياترى
أيه
اللى حصل؟!!
مسكت موبايلى وقبل ما أطلع نمرتها وأتصل بيها كانت ديما
نازلة
بعد ما غيرت هدومها...
مش لازم أسيبها تخرج..أنا مش عايزاها تتأذى,بس هى كمان
مش
هتصدقنى...
مكنتش عارفة أتصرف أزاى!!بس كان لازم أعمل حاجة عشان
مندمش بعدين....
كانت متجهة لباب البيت,وبسرعة مسكت أيدها وبصتلها
بترجى...
"ديما...بلاش تخرجى.."
ديما:"أنتى مسكانى كدة
ليه؟؟وبعدين مخرجش ليه؟؟سيبى أيدى.."
نطرت أيدى من على أيدها وكانت هتفتح الباب بس أنا رجعت
مسكتها تانى...
"أرجوكى أسمعى كلامى...أنتى
رايحة تقابلى سولى ولارا
صح؟؟؟"
ديما:"أنتى بتتجسسى
عليا؟؟؟وبعدين ديه مش حاجة تخصك.."
"طب أسمعينى فى الأول.."
بصتلى ببرود:"أنا سمعت منك
كتير...وكلامك مش هيفرق
معايا,ودلوقتى سيبينى أخرج مش
عايزة أتأخر على معادى.."
بدأت دموعى تنزل بقلة حيلة...مكنتش عارفة أعمل أيه أو
أخليها
تسمعلى أزاى..وفاجأة أتكلمت بسرعة وبصوت عالى لدرجة إنى
أتفاجأت من نفسى...
"صحابك دول مش بيحبوكى...هم
عايزين يأذوكى,أنا سمعتهم
بودنى بيقولوا عليكى إنك مغرورة
ولازم يعلموكى درس
متنسيهوش..."
صوتها اللى بيضحك على كلامى باستهزاء خلانى أحس إن قلبى
أتقسم نصين....
ديما:"صحابى مش
بيحبونى؟؟ها؟؟وياترى أنتى بقا اللى بتحبينى
وبتخافى عليا؟؟؟..أفعالك ديه مش
هتخلينى أسامحك على اللى
عملتيه,بالعكس بتخلينى أستحقرك
أكتر...عايزة تبعدى أصحابى
عنى بالطريقة البشعة ديه بسبب
غرورك وأنانيتك....أبعدى عنى
بقا..أبعدى عنى ومتخربيش عليا
حياتى أكتر من كدة.."
وبعد كلامها فتحت الباب وخرجت...حسيت برجلى بتضعف و
وقعت على الأرض..بقيت أعيط بصوت عالى و واضح..للدرجادى
كرهها ليا وصل لحد أنها تظن أنى ممكن أعمل كدة؟؟؟؟
وبعد مدة من البكاء المتواصل قومت من مكانى وطلعت غيرت
هدومى وخرجت أتمشى...كنت حاسة أنى بتخنق فى المكان ده...
*************************************
كنت لسة واقفة فى مكانى وأنا بعيط...لأول مرة حد يعاملنى
كدة....انى اتهزق ويتزعقلى بالطريقة ديه...
كان كيوهيون واقف جنبى وحاطط أيده على كتفى وبيحاول
يهدينى
ويخلينى أبطل عياط....
وفى الوقت ده والدته وصلت الكلية...
والدة كيو:"مصيبة أيه اللى
عملتها المرادى؟؟؟"
كيوهيون وقف
بانتباه:"أومااااا"
انحنيت بتعب وانا بحاول أوقف دموعى....
والدة كيو:"باباك لو عرف,مش
عارفة ممكن يعمل فيك أيه...مش
كفاية سحب منك العربية؟؟؟"
دخلت والدة كيو مكتب المدير وبعد لحظات وصلت ندى...كانت
بتجرى و باين على وشها انها مخضوضة...
وأول ما شوفتها جاية عليا بدأت عياط تانى بصوت عالى
واترميت
فى حضنها....
ندى:"أيه اللى حصل؟؟بتعيطى
كدة ليه؟!!!"
حاولت أطلع صوتى بصعوبة...بس معرفتش بسبب عياطى وده
اللى خلانى أتكلم بصوت عالى...
"أنا مكنش
قصدى...بيانيه.."
ضمتنى ليها جامد وبدأت تمسح على شعرى....
ندى:"خلاص..كفاية عياط,كدة
هتخلينى أتضايق بجد"
مسحت دموعى بسرعة وحاولت أنى معيطش تانى...بصيت لكيو
كان واضح على ملامحه الصدمة و الاستغراب...
وندى لما شافته سلمت عليه....
ندى:"أنيوهاسيووو..أنا
ندى,أخت ريم الكبيرة.."
كيوهيون:"أنا كيوهيون,صاحب
ريم.."
ندى:"سعيدة بمعرفتك_بصتلى بوش جدى_أيه اللى
حصل بقا
وخلاكى تعيطى بالطريقة
ديه؟!!!"
حكيتلها كل اللى عملته من الأول لغاية ما المدير طردنا
من
مكتبه..وبعد ما خلصت ظهرت على وشها معالم الراحة...
ندى:"هو ده اللى خلاكى تعيطى
كدة؟؟؟طيب أنا هشوف أيه
الموضوع بالظبط..وأنتى أهدى
شوية"
دخلت مكتب المدير وفضلت واقفة أنا وكيوهيون برا...
كان بيبصلى بطريقة غريبة من وقت للتانى....
"بتبصلى كدة ليه؟!!!"
كيوهيون:"بحاول افهم أيه اللى
خلاكى تعيطى بالطريقة ديه!!"
رديت:"طبعا...ما أنت متعود
على التهزيق.."
كيوهيون:"مش حكاية
كدة..بس..."
وقبل ما يخلص كلامه ندى و والدة كيو خرجوا من مكتب
المدير...
والدة كيو:"كويس ان الموضوع
خلص على خير...وحاول
متستخفش بدراستك او مدرسينك بعد
كدة"
كيوهيون:"ديييه أومااا"
وندى وقفت جنبى وبصتلى بجدية:"أنا
هخلى الموضوع يعدى
المرادى...بس لو اتكرر تانى مفيش
مينى كوبر.."
رديت وأنا باصة فى الأرض:"دييييييييه.."
وفى الوقت ده والدة كيو بصتلى...
والدة كيو:"أكيد أنتى
ريم.."
أنحنيت
بأدب:"أنيوهاسيووو.."
والدة كيو بإبتسامة:"كيو
مبيبطلش كلام عنك فى البيت_وجهت
نظرها لكيو_أكيد أنت اللى
وقعتها فى المشاكل بتاعتك ديه_وجهت
نظرها ليا تانى_سعيدة أنى
شوفتك...وكمان قابلت أختك,ولازم
تيجى تتغدى عندنا فى يوم"
"أووه..دييييه.كمساميدا.."
وجهت كلامها لكيوهيون بنبرة حادة:"أنا
هروح على البيت
متتأخرش بالليل"
كيوهيون:"ديه
اوما..أنيووو"
أنحنيت أنا وندى..وبعدها والدة كيو مشيت,كانت شخصيتها
لطيفة...
وفاجأة ملامح ندى اتغيرت وكأنها مرعوبة من حاجة...
ندى:"أنا لازم أمشى...فى حاجة
مهمة كان لازم أعملها...خدى
بالك من نفسك,باى باى"
وجريت ندى بسرعة برا الجامعة وبعد ثوانى خرجت أنا
وكيوهيون....
كيوهيون:"تحبى تعملى أيه
النهاردة؟!!"
بصتله بإستغراب...
كيوهيون:"لازم اعوضك على اللى
عملته فيكى J"
"شكلك سعيد
أوى....المهم,خلينا نروح مكان نلعب فيه..."
**********************************
جريت برا الجامعة و روحت على بيت ديما بسرعة بالعربية...
وأنا فى الطريق كلمت مروة....
"مروة...بيانيه..تشومال
بيانيه"
مروة:"خلاص يا ندى..هى
خرجت,أنا حاولت أمنعها وعملت اللى
عليا بس هى مسمعتليش.."
اتكلمت بسرعة:"متعرفيش هى
راحت فين؟؟؟"
مروة:"لأ...معرفش
المكان.."
"طيب أنا هحاول اكلمها على
الموبايل...باى"
قفلت مع مروة بسرعة وكلمت ديما على موبايلها بس كان لسة
مقفول...حاولت أكلمها تانى وتالت,بس مفتحتش موبايلها..
سيبت موبايلى بخيبة أمل..كنت ماشية بالعربية ومش عارفة
المفروض أروح فين لغاية ما سمعت رنة موبايلى...
مسكت موبايلى بسرعة على أمل أن تكون هى اللى بتتصل بس
مكنتش هى....
رديت بتعب:"يوباسيووو.."
السكرتيرة:"ندى شى...الرئيس
سونجو أمرنى أبلغك إن فى إجتماع
مهم لمجلس الإدارة بعد نص ساعة فى
الشركة"
"أراسووو...هكون هناك فى
المعاد.."
اتجهت ناحية الشركة..وصلت بعد 20 دقيقة تقريبا...وأنا فى
طريقى لمكتبى قابلت شيون..مكنتش قادرة ابتسم حتى,كنت
بفكر
فى ديما وأيه اللى ممكن سولى ولارا يعملوه....
شيون:"مالك؟؟؟أنتى
تعبانة؟!!"
رديت:"لأ..بس مجهدة
شوية,متخافش هكون كويسة"
شيون:"أراسووو..خدى بالك من
نفسك"
مشيت خطوتين وبعدين أفتكرت حاجة ورجعت بصتله تانى...
"فى ورد وشيكولاتة وصلوا
النهاردة عشانى؟!!"
قرب منى بخطوات
بطيئة:"اممم...بس أنا أخدتهم"
ابتسمت وسيبته ومشيت ناحية مكتبى...بس كان هناك بوكيه
ورد
أحمر وعلبة شيكولاتة بتغليف راقى...
قربت من المكتب بذهول..
"هو مش قال انه
أخدهم؟!!"
أخدت الكارت اللى فى الورد وقرأت الكلمات اللى مكتوبة
عليه...
(بحبك...ومش
عايزك تفكرى فى حد غيرى^^)
أبتسمت تلقائيا أول ما قرأت الكلمات اللى على
الكارت...أخدت
قطعة شيكولاتة وأكلتها..وبعد لحظات السكرتيرة دخلت عشان
تبلغنى إن الإجتماع هيبدأ بعد ثوانى...
جهزت الورق بتاعى وأخدته معايا وحضرت الإجتماع اللى كنت
حاسة فى كل لحظة فيه بالملل وإن الوقت مش بيمر....
وأخيرا وبعد ما الإجتماع خلص..قومت من مكانى وروحت
لمكتبى..قعدت شوية وأنا ماسكة موبايلى ومش بعمل حاجة غير
أنى بتصل بديما...لكن موبايلها مازال مقفول....
**************************************
خرجت من البيت بعد مناقشتى مع مروة...بتمنى إنها تسيبنى
فى
حالى بعد اللى قولتهولها....
وصلت الكافيه الساعة 2 بالظبط...كانوا سولى ولارا قاعدين
هناك
مع مجموعة من صحابهم...ندى مكنتش موجودة,وكنت أعرف
معظم اللى كانوا قاعدين من الكلية....
لارا:"أوووه ديما..أخيرا
وصلتى؟!!"
سولى:"أتأخرتى ليه؟؟كنتى مع
دونجهى؟؟ولا كان عندك شغل مهم
فى الشركة؟!!"
كنت بحاول استوعب اللى بسمعه...أنا قولتهلم قبل كدة إن
الكلام ده
محدش يعرفه..علاقتى بدونجهى,بيحاولوا يعملوا أيه؟؟؟
سولى:"يلا أقعدى..خلينا نشرب
حاجة مع بعض.."
كانوا طالبين حلويات ومكسرات..وطلبنا عصير وبدأوا
يتكلموا...وبطبيعتى مكنتش بتكلم معاهم كتير لأنى مبعرفش
أندمج
مع ناس معرفهمش بسرعة....
ورجعت تانى سيرة دونجهى...
شين آه:"ومين دونجهى اللى
أتكلمتوا عنه من شوية؟!!"
لارا:"أنا هقولك..ده يبقى
حبيب ديما..بمعنى أصح ديما بتحبه,بس
هو بيحب أقرب صحابها.."
سولى:"وكمان طلب مساعدة ديما
عشان تقربهم من
بعض..هههههههه"
كنت مصدومة من الكلام اللى لارا وسولى قالوه قدام العدد
ده من
الأشخاص...وكمان يعرفونى وبندرس مع بعض فى الجامعة,كنت
عايزة الأرض تنشق وتبلعنى...
هارا:"أوووووه...ياحراااااام..هههههههههه"
لي مين:"أيه رأيك فيا أنا يا
ديما؟!!واعدينى بداله.."
سولى:"ياااااا...لى مين,إحنا
لازم نساعدها عشان يحبها,لأن واضح
إن ديما مبقاش فى حد يحبها,بسبب
غرورها و معاملتها للأشخاص
اللى حواليها باستحقار.."
لارا:"حتى أختها وأقرب
أصحابها عرفت
تخسرهم..هههههههههههه"
كنت حاسة إن فى حاجة غلط..أكيد أنا فى كابوس وهصحى منه
دلوقتى...لكن أصوات ضحكهم المستمرة حواليا أكدتلى أنى مش
فى كابوس....
حسيت بالدموع بتتجمع فى عينى..ومش هسمح إنهم يهينونى
بالطريقة ديه أكتر...
بعصبية قومت من على الكرسى اللى كنت قاعدة عليه....
"بصراحة أنا عرفت دلوقتى إنى
مش أحسن شخص يخسر اللى
حواليه...أنتوا أحسن منى
بمراحل,ومتعتقدوش ان اللى بتعملوه فى
حد مش هيتعمل فيكوا...اللى يعمل
الحركات الحقيرة ديه مرة
يعملها أكتر من مرة....فرصة
حقيرة,أتمنى متتكررش.."
ابتسمتلهم بسخرية وبعدها مشيت من قدامهم...
مشيت بأقصى سرعة وقعدت ألف فى الشوارع من غير اتجاه
محدد...مكنتش بفكر فى المكان اللى أنا عايزة أروحه..كل
اللى
كنت بفكر فيه هو قد أيه أنا غبية!!
عندهم حق فى كل كلمة قالوها...وغبائى هو اللى وصلنى للى
أنا
فيه دلوقتى...كنت حاسة أنى ممكن أنهار فى أى لحظة...
محستش بنفسى الا وأنا واقفة قدام النهر ودموعى نازلة
بدون
إرادتى....صرخت بأعلى صوتى عشان أطلع كل اللى جوايا..
كنت بعيط بحرقة وألم,أزاى ممكن أرجع اللى فات؟؟؟
أزاى هصلح اللى بوظته بأفعالى؟!!
طلعت موبايلى من الشنطة عشان أكلم مروة...بس لقيت ندى
مكلمانى كتير فوق ال20 مرة.....
اتصلت بيها واستنيت لغاية ما ردت عليا...
ندى:"دمدوم حبيبتى..أنتى
كويسة؟!!قلقتينى عليكى"
حاولت أغير نبرة صوتى للأحسن...
"أنا كويسة...أتصلتى بيا
كتير,فى حاجة حصلت؟!!"
ندى:"أنتى قابلتى لارا
وسولى؟!!"
فهمت من كلامها إنها عارفة كل حاجة...أكيد مروة
قالتلها....
"أه...متخافيش,أنا
كويسة"
ندى:"أنا هجيلك دلوقتى...أنتى
فين؟!!"
"أنا محتاجة أقعد لوحدى
شوية...متخافيش,هكون أحسن...أنا هقفل
دلوقتى,يلا باى باى"
قفلت معاها وحاولت أكلم مروة بس مكنتش بترد على
موبايلها...
أكيد..أنا جرحتها كتير....
*************************************
خلص الإجتماع ورجعت على مكتبى..كنت بفكر أيه اللى شاغل
ندى ومخليها تعبانة ومرهقة كدة!!!
كنت قاعد لوحدى لغاية ما يونا دخلت...
يونا:"أوبا...أنت
مشغول؟!!"
رديت:"أه...يعنى ورايا شوية
حاجات.."
يونا:"أجلها لوقت تانى..خلينا
نخرج مع بعض"
وبعد ثوانى ندى دخلت...
ندى:"قطعت كلامكوا؟؟"
رديت بسرعة:"أنياااا...بس
يونا كانت بتسألنى عن حاجة.."
يونا:"كنت بقول لأوبا نخرج
أنا وهو النهاردة..بس بيقول إنه
مشغول..أيه رأيك يا ندى؟؟خلينا
نخرج مع بعض..أحنا التلاتة"
ندى بإبتسامة:"ياريت...أنا
كمان مخنوقة وعايزة أخرج.."
أتصدمت من رد ندى المفاجئ...وبعد دقايق كان كل واحد فينا
إحنا
التلاتة فى عربيته ومتجهين لnight
club ...
وصلنا وقعدنا وطلبنا مشروبات...قعدنا لما يقارب النص
ساعة...
ندى:"خمس دقايق
وراجعة.."
وقامت ندى وسابتنى قاعد أنا ويونا لوحدنا....
يونا:"اوبااا..خلينا نقوم
نرقص.."
مسكت أيدى وشدتنى وقومنا نرقص...كنت حاسس بيها بتحاول
تقرب منى بحجة الزحمة...
وبعد دقايق كنت بلف وشى للناحية التانية لقيت يونا حاطة
أيدها
على وشى وقربت منى بحركة سريعة واتلامست شفايفنا....
اتسعت حدقة عينى من الصدمة..متوقعتش إنها توصل للدرجة
ديه
فى أفعالها...بعدتها عنى بسرعة وكنت همشى ناحية الباب,بس
عينى وقعت على ندى اللى كانت شايفانا....
**************************************
كنت بدور عليهم مكان ما كنا قاعدين ومعدتش ثونى الا لما
شوفتهم
واقفين بيرقصوا مع بعض...كنت حاسة انى متضايقة من قربهم
لبعض بالطريقة ديه,وبعدها أتصدمت لما باسوا بعض...
عينى مفرقتهمش لغاية ما شيون بعدها عنه...كنت حاسة أنى
مش
هقدر أكمل كأنى مشفتش حاجة...كنت بغلى ومقهورة جدا من
المنظر ده...وأخيرا شافنى واقفة وعرف من نظرتى ليه أنى
شوفت
اللى حصل...كنت عايزة أعاتبه وأصرخ فيه وأزعقله..كنت
عايزة
أقوله زى ما أنت بتقولى متهتميش بحد غيرى أنت كمان
متقربش
من واحدة تانية....
وبسرعة خرجت برا المحل وركبت عربيتى ومشيت..كانت الدنيا
بتمطر بغزارة فى الوقت ده...
مكنتش عايزة أروح على البيت ومجاش على بالى أى مكان غير
بيت ديما....
كنت بحاول امنع دموعى عشان أعرف أشوف الطريق..ولاحظت
عربية شيون اللى كانت ماشية ورايا وبتحاول تحصلنى من وقت
ما خرجت من الnight club بس أنا موقفتش...زودت السرعة
وكملت لغاية بيت ديما...
نزلت من العربية بخطوات سريعة تحت المطر..حسيت أنى
أتبليت
بالكامل بسبب الأمطار القوية..سامعة صوته من ورايا
بينادى
بإسمى وبيترجانى عشان أقف...بس موقفتش وحاولت أجرى
عشان مواجهش شيون ,كنت حاسة بدفئ دموعى على وشى فى
الجو ده...وقبل ما أوصل لبيت ديما كانت أيده مسكانى
ولفنى ليه
بسرعة...
شيون:"أرجوكى
أسمعينى..أنا..."
قطعته بصوت عياطى العالى:"أنا
مش عايزة أسمع حاجة دلوقتى"
صرخ فى وشى:"وأنا مش هسيبك
الا لما تسمعينى.."
مكنتش بحاول أسمعه حتى...كنت كل اللى بفكر فيه أزاى
أخليه
يسيب أيدى...كنت بعيط وأنا بحاول أخليه يسيب أيدى,لكن كل
محاولاتى كانت فاشلة...
وبسرعة غريبة شدنى عليه بقوة وحط أيده ورا رقبتى عشان
يقربنى ليه أكتر وباسنى بقوة....كنت بحاول أبعده عنى بكل
قوتى..كنت بضربه على صدره بأيدى لكن هو كان بيقربنى ليه
أكتر وأكتر..وبعد ما كانت أيدى بتحاول تبعده عنى بقت
بتقربه ليا
أكتر وشاركته القبلة بحب....
**************************************
أتأكدت من علاقتهم أول ما شوفت نظراتهم لبعض فى
الnight club بعد ما بوست شيون..بس أنا مش هسمح
إن ندى
ديه تاخد شيون منى...مستحيل....
خرجت ورا شيون وركبت عربيتى ونزلت فى المكان اللى نزلوا
فيه...شوفت شيون ماسك ندى وبعدها قرب منها وباسوا بعض...
مستحملتش إنى أشوفهم كدة مع بعض..وبسرعة كنت هروح
ناحيتهم وأبعدهم عن بعض بسرعة..بس حسيت بحد بيمسكنى بقوة
وبيزقنى لحيطة فى شارع جانبى...
عرفتها أول ما شوفتها...أخت ندى...محبتهاش من أول مرة
أشوفها
فيها....
ريم:"ريم..لو مكنتيش فاكرة
إسمى,بس أعتقد إنك مش هتنسيه بعد
النهاردة..يونا شى"
رديت بسرعة:"أنتى بتعملى
أيه؟؟أبعدى عنى.."
ريم:"shut up واسمعينى كويس...أختى أبعدى عنها أحسنلك,وإلا
هتندمى.."
بعدت عنى وبصتلى بنظرة مش هنكر أنى خوفت منها...وبعدها
رجعت على عربيتى وروحت على البيت...بس وأنا فى الطريق
كلمت والدة شيون...
السيدة تشوى:"أوووه...يونا
حبيبتى.."
يونا:"أومونيم...كان فى حاجة
عايزة أحكيلك عنها.."
******************************************
مفكرتش قبل ما أبوسها بالطريقة ديه فى نص الشارع وتحت
المطر...
لقيت نفسى بعمل كدة وبس..كنت عايزها تسمعنى..تعرف قد أيه
أنا
بحبها....
وحتى مع إصرارها على انها تبعد عنى وأيدها اللى كانت
بتضرب
صدرى بقوة إلا أن إصرارى زاد على أنى أقربها منى أكتر..
وبعد لحظات أيدها اللى كانت بتضربنى بقوة أتحولت للمسات
رقيقة على صدرى و وشى....
أتبادلنا القبل لثوانى..بعدت عنها وبصيت فى عينيها...
"سارانيه.."
ندى:"نا...."
وقبل ما اسمعها منها سمعنا صوت حاجة بتقع وبسرعة اتلفتنا
لناحية الصوت..وكانت هناك واقفة وبتبص علينا...مستحيل
تكون!!!!
************************************
كنت راجعة البيت بعد ما اتمشيت كتير وقبل ما اوصل بثوانى
شوفتهم مع بعض...كانوا واقفين هناك بيبوسوا بعض....
حسيت أنى أتقهرت..أكيد ده مش يومى,مفيش حاجة بتظبط...
مفاتيحى وقعت من الصدمة اللى كنت فيها..وفى اللحظة ديه
ندى
لفت وشها بسرعة بإتجاهى...
ندى:"مروة؟؟؟؟"
أخدت مفاتيحى بسرعة وجريت على البيت...فتحت الباب وطلعت
على أوضتى من غير ما أقفل الباب ولا أرد على ديما اللى
كانت
بتنادى عليا....
قعدت على السرير ودموعى نازلة على خدى بحرقة وقهر...ليه
بيحصل معايا كدة؟؟؟أنا عملت أيه لكل ده؟؟؟؟
وبعد ثوانى ندى دخلت الأوضة وقعدت جنبى على السرير..و
ساد
الصمت لبعض الوقت لغاية ما بدأت ندى الكلام بهدوء...
ندى:"بتحبيه؟!!!"
مردتش عليها...كنت بحاول أوقف دموعى وبس...
ندى:"بيانيه...تشومال
بيانيه.."
رديت بصوت
مخنوق:"متعتزريش..أنتى مغلتطيش فى حاجة.."
ندى:"أنااا...."
قطعت كلامها:"واضح إن أنتوا
الاتنين بتحبوا بعض...متسيبهوش"
ندى:"ديييه؟؟؟؟"
"متسيبهوش عشان واحدة
تانية...أنا هسيبه وهنساه عشان عارفة
أنكوا هتكونوا مبسوطين مع
بعض,فمتخلنيش أندم"
قربت منى بابتسامة وحضنتنى....
ندى:"كوماوا.."
مروة:"يلا روحى دلوقتى..أكيد
تعبانة بعد اليوم الطويل ده.."
ندى:"أراسووو...أنيووو"
خرجت برا الأوضة وبعد دقايق ديما دخلت وقعدت جنبى...
ديما:"بيانيه...سامحينى.."
بصتلها بإستغراب..مكنتش مستوعبة اللى أنا بسمعه من
ديما....
ديما:"أنا غلطت فى حقك
كتير.."
مقدرتش أمسك دموعى أكتر ورميت نفسى فى حضنها وقعدت
أعيط...كانت بتضمنى ليها وبتمسح على شعرى بحنان اول مرة
أحسه منها...
مع إن اليوم كان محزن وحسيت إن الدنيا كلها أتقفلت فى
وشى...إلا أنى فى اللحظة ديه كنت مبسوطة...
*******************************************
روحت على بيت أهلى بسرعة...وهناك ماما استقبلتنى
بإبتسامة...
السيدة تشوى:"وأخيرا حنيت على
أمك وجيت تشوفها.."
رديت:"بياينه أوماا..بس كنت
مشغول اليومين اللى فاتوا.."
السيدة تشوى:"المهم انك جيت
دلوقتى...ومش هسيبك تمشى
النهاردة,عايزاك تبات
معايا.."
مقدرتش أنى أعترض حتى,وخصوصا أنى كنت قلقان من ردة فعل
ندى لما أشوفها...
قضيت اليوم فى بيت أهلى....
وفى اليوم التالى..صحيت الصبح بدرى على صوت تليفونى...
دونجهى:"شيون...أنت مجتش
أمبارح ليه البيت؟؟؟"
رديت بصوت نايم:"ماما أصرت
إنى أبات عندهم أمبارح...بتسأل
ليه؟؟؟"
دونجهى:"مش أنا اللى
بسأل...ندى هى اللى كانت بتسأل
عليك,وأمبارح فضلت مستنياك لوقت
متأخر"
قومت بسرعة من السرير وحاولت أستوعب اللى سمعته....
دونجهى:"أيا كان...هى نزلت من
شوية,وقالت إنها هتكلمك.."
رديت بسرعة:"أراسووو...كوماوا
دونجهى...أنيوووو"
قومت بسرعة وغيرت هدومى ونزلت أفطر مع ماما وبابا...
"صباح الخير.."
السيد تشوى:"صباح
النور...مزاجك رايق النهاردة.."
رديت بإبتسامة:"ديييه...مبسوط
أوى,أنا همشى دلوقتى..أنيووو"
السيدة تشوى:"أقعد أفطر فى
الأول.."
رديت بسرعة:"مش جعان..كوماوا
اوما.."
وفاجأة سمعت ماما بتخبط على الترابيزة وقامت وقفت
بعصبية...
السيدة تشوى:"قبل ما تمشى
خلينا نتكلم.."
قعدنا فى غرفة الجلوس وماما بدأت تتكلم بجدية...
السيدة تشوى:"أنت بتحب البنت
اللى إسمها ندى ديه؟؟؟"
"مين قالك الكلام ده؟!!"
السيدة تشوى:"رد عليا.."
"ديييه...بحبها.."
السيدة تشوى:"أنت أتجننت
شيون؟!!"
رديت
بإستغارب:"أوماااا...أتجننت عشان بقولك أنى بحب؟؟؟"
السيدة تشوى:"أتجننت عشان
قولت إنك بتحب البنت ديه"
قومت من مكان:"والمفروض إنى
أقول إنى بحب يونا عشان
مبقاش مجنون؟!!"
السيدة تشوى:"وأيه اللى مش
عجبك فى يونا؟!!"
"وأيه اللى مش عجبك فى
ندى؟!!أوماا..أنا أخترت ندى وهى ديه
البنت الوحيدة اللى حسيت إنى بحبها
بجد..فياريت نقفل الموضوع
على كدة.."
اتجهت ناحية الباب وقبل ما أخرج سمعت صوت ماما بتزعق...
السيدة تشوى:"تشوى
شيون...أزاى تعامل أمك بالطريقة
ديه؟؟؟ناقص تقولى إنك بتمشى
وتسيبنى بالطريقة ديه عشان رايح
تشوفها.."
لفيت ورديت بثقة:"ديه
أومااا..أنا رايح أشوف ندى دلوقتى..أنيوو"
خرجت من البيت و ركبت عربيتى بعصبية...فيها أيه إنى
أختار
ندى؟؟مش عجباها فى أيه؟!!
كنت بسوق بسرعة رهيبة..مكنتش شايف قدامى من عصبيتى,بعد
كل اللى مريت بيه مع ندى,دلوقتى ماما عايزانى أسيبها
عشان مش
عجباها...
محستش بنفسى إلا لما كسرت الإشارة وشوفت عربية نقل جاية
من
الناحية التانية بسرعة......
****************************************
روحت على الشركة عشان التمرين بعد ما كلمت شيون الصبح...
ههههههه...بجد مش مصدق نفسى,دلوقتى بقيت أنا اللى بقرب
بينهم بالطريقة ديه!!!
كنت بشتغل بجهد,,كنت عايز أنفض كل الأفكار ديه من راسى
وأكمل حياتى زى الأول...وفى الوقت ده مجاش على بالى غير
ديما....
و وقت البريك مسكت موبايلى وقعدت أقلب فيه لغاية ما طلعت
رقم
ديما واتصلت بيها...
ديما:"أوووه دونجهى.."
رديت:"أنتى فين؟!!"
ديما:"فى غرفة التدريب..وأنت
فين؟؟"
"أنا كمان لسة مخلص التدريب
دلوقتى..خلينا نتقابل فى الكافيتريا"
ديما:"أراسووو...أشوفك
هناك.."
قفلت معاها ونزلت للكافيتريا...وأنا نازل شيون أتصل
بيا...
"أوووه شيونا.."
...:"حضرتك تعرف صاحب الرقم
ده؟!!"
رديت:"أوووه...."
...:"هو عمل حادثة وهو حاليا
فى المستشفى..ورقمك كان أخر
رقم أتصل بيه وعشان كدة اتصلنا
بيك,لو سمحت بلغ أهله"
حسيت بالصدمة بعد ما سمعت الكلام اللى قاله الشخص ده...
وفى الوقت ده مجاش على بالى غير إنى أقول لندى....
ندى:"أووووه أوبااا.."
"ندى...شيون عمل حادثة وهو
دلوقتى فى المستشفى.."
فضلت ساكتة ومردتش عليا...
"ندى...أنتى كويسة؟!!"
وبردوا مفيش أى إجابة وصلتلى وبعدها الخط قطع....
ديما:"أتأخرت عليك؟!!..أنت
وشك عامل كدة ليه؟!!"
"كلمونى من
المستشفى...وقالولى إن شيون عمل حادثة.."
ديما:"بوووووه؟؟؟طب
وندى؟؟؟أكيد مقولتلهاش صح؟!!"
"كلمتها وقولتلها.."
ديما:"أنياااا...ليه عملت
كدة؟!!خلينا نروح على المستشفى
دلوقتى...يلا يسرعة.."
**************************************
"أكيد كان بيهزر...أكيد شيون
معملش حادثة...هو كويس.."
ليه بيحصل فيا كدة؟؟؟مش تانى..ده مش هيحصلى تانى...
خرجت من الجامعة وركبت تاكسى وروحت على المستشفى...
كنت حاسة ان الطرق متشابهة...نفس الطرق من تلت سنين
فاتوا..
وصلت قدام المستشفى ودخلت بسرعة..كأنها نفس الممرات,نفس
الوجوه..نفس المستشفى...
كل حاجة كانت بتتكرر قدامى...
روحت عند الاستقبال وسألت عن مكان العمليات وهناك بدأت
كل
ذكرياتى ترجعلى...
Flash back>>>>
"هم فين؟هم عاملين
أيه؟!!ها؟أنا عايزة أشوفهم"
صوت عمى و هو بيرد عليا مطمنيش ولا
حتى شوية:"هم فى أوضة
العمليات..أدعيلهم"
"و ريم فين؟؟عرفت اللى حصل؟!
عمى:"لأ..مردتش اقولها"
وفى الوقت ده الدكتور خرج و من وشه
بس عرفت إن فى حاجة وحشة
حصلت...بس الموت!!هى ديه الحاجة
اللى مجتش على بالى,أو مكنتش عايزة أفكر
فيها..بس للأسف هو ده كان الواقع
الدكتور:"أحنا عملنا كل اللى
نقدر عليه...بس للأسف حالتهم كانت متأخرة
ومقدرناش ننقذ حياتهم"
Now>>>>
أكيد ده مش يحصل تانى...
قعدت لما يقارب ال15 دقيقة ومفيش حد خرج يقول أى
حاجة...وبعد شوية وصلت ديما ومعاها دونجهى...
قعدت جنبى وحاولت تكلمنى,بس أنا مكنتش سامعة أى
حاجة..مكنتش حاسة بأى حاجة بتجرا حواليا...كنت بشوف اللى
حصل من تلت سنين كأنه بيحصل دلوقتى تانى.....
وأخيرا الدكتور خرج من غرفة العمليات...كان بيقرب بخطوات
بطيئة متثاقلة...وشوية شوية مبقتش شايفة قدامى
كويس...كنت
حاسة ان الدنيا بتلف بيا ومش قادرة أقف.....وآخر حاجة
سمعتها
كانت إسمه....
الدكتور:"شيون...."
...
..
ليست هناك تعليقات:
إرسال تعليق