Chapter 20
كتبتلكوا بارت خفيف..يمكن ميكونش مليان بأحداث كتير
ومهمة
لكنه تمهيد للى جاى...
وأنا بطبيعتى بحب أسيب فرصة عشان تاخدوا نفس نوعا
ما..ومتبقاش الأحداث كلها ورا بعضها دش (كله ضرب ضرب
مفيش شتيمة^^)
ودلوقتى أسيبكوا مع البارت...Have
fun^^
شيون:"سارانيه"
كنت حاسة بقلبى هيخرج من مكانه, وإن
نظراتى تايهة ومش
عارفة أداريها...كنت بحاول أتجنب
نظراته اللى مبعدتش عنى
للحظة...
حاوطنى بأيده وأخدنى فى حضنه,وده
كان أحلى هروب
بالنسبالى..أنى أهرب منه ليه J...لثوانى نسيت نفسى وضميته
بقوة,بس حسيت بيه بيحاول يكتم أنين
الألم....
بعدت عنه بسرعة وبصتله بقلق...
"أنت كويس؟!!"
شيون:"أنا كويس..بس عشان الجروح اللى فى
جسمى..."
نزلت نظرى للأرض:"بيانيه..أنا السبب,لو مكنتش خرجت
من
البيت فى الوقت ده..."
حط صوباعه على شفايفى عشان يوقفنى
عن الكلام ورفع وشى
ناحيته....
شيون:"ندى حبيبتى,متقوليش كدة تانى..أنتى ملكيش أى
ذنب فى
اللى حصل"
رديت بهدوء:"بس..."
شيون:"أنتى قابلتى ماما؟!!"
لفيت وشى للناحية التانية ومردتش
أرد...
شيون:"قالتلك أيه؟؟هى اللى قالتلك إن اللى حصل
بسببك صح؟!!"
وأنا ألتزمت الصمت...مكنتش عايزة
يحصل مشاكل بينه وبين
مامته بسببى...
رجع وشى تانى ناحيته و أتكلم بنبرة
جادة....
شيون:"متخليش كلام أى حد يأثر عليكى أو على علاقتنا
مع
بعض..كل اللى بطلبه منك إنك تكونى جنبى وبس,متهتميش
بكلام
حد تانى...أراسوو؟؟؟"
هزيت راسى إنى موافقة على كلامه...
كان بيحسسنى بالراحة والأمان..مش
بيسبلى فرصة إنى أفكر فى
حاجة وحشة ممكن تحصل...لو حصل حاجة
هو هيعرف يتصرف
ويحمينا...
قعدنا مع بعض نتكلم..كنت مبسوطة
جدا وأنا بتكلم معاه بالصفة
ديه..بصفته"حبيبى"...
وأحنا قاعدين نتكلم الباب خبط
ويونا دخلت..منستش اللى عملته من
آخر مرة..كنت حاسة إنها أخدت حاجة
ملكى..
قومت وقفت عشان أخرج بس شيون مسك
أيدى ورجعنى تانى
جنبه...
يونا:"أوبا..حمدلله على سلامتك..قلقتنى أوى
عليك,أنت كويس
دلوقتى؟!!"
شيون:"أه كويس..شكرا يونا,ومكنش فى داعى تتعبى نفسك
وتيجى"
يونا:"متقولش كدة..أنا كنت عايزة أتطمن عليك وأجى
أشوفك
بنفسى.."
شيون:"كوماواا.."
كان شيون ماسك أيدى طول الوقت اللى
يونا قاعدة معانا
فيه..مسبهاش للحظة,كنت قاعدة جنبه
وبحاول مشتركش فى
الحوار بأى طريقة..وأخيرا يونا
مشيت بحجة إن عندها
محاضرات..بس أنا كنت فرحانة أوى من
اللى شيون عمله وإنه
وضحلها إنه بيحبنى أنا وبس...
"أنا همشى بقا دلوقتى"
شيون:"وهتسبينى لوحدى؟!!"
"أكيد مامتك هتيجى كمان شوية...وأنا ورايا محاضرات
وشغل,هبقى أجيلك بعدين^^"
شيون:"أراسووو...أول ما تخلصى شغلك تيجى على
طول"
رديت بإبتسامة:"أراسوو.."
قرب منى وباسنى على خدى برقة..
شيون:"خدى بالك من نفسك"
رديت بسرعة:"وأنت كمان...باى باى.."
وقومت وخرجت من الأوضة بسرعة..
كان أحلى يوم فى حياتى...مع إنى
مكنتش أفضل نبدأ بالطريقة
ديه,ونكون مع بعض فى مكان غير
المستشفى..بس أهم حاجة إننا
نكون مع بعض...
**************************************
كنت رايحة على محاضرتى وأنا بفكر
فى كلام كيوهيون آخر
مرة...
كيوهيون:"نفسى أعرف أختك مستحملاكى أزى!!!"
أنا لازم أخفف عنها..مش كل شوية
لازم أطلب منها طلبات
لازم اعتمد على نفسى...
كيوهيون:"ياااااااااا...رييييييييييييم"
"أوووه...خضتنى.."
كيوهيون:"أنا بنادى عليكى من الصبح وأنتى مش
سمعانى.."
بصيت قدامى وكملت مشى:"مسمعتكش...كنت سرحانة
شوية"
كيوهيون:"وأيه اللى واخد عقلك؟!!حبيب أختك
بردوا؟؟"
ضحكت من كلامه ورديت:"لأ...المرادى مش حبيب
أختى,خلينا
نلحق المحاضرة عشان منتهزقش زى أخر مرة.."
كيوهيون:"أوكى...يلا.."
دخلنا على المحاضرة وقعدنا بهدوء
عشان ميحصلش فينا زى
المرة اللى فاتت...
وبعد المحاضرة..خرجت بسرعة قبل
كيوهيون وكلمت ندى...
"ألو...أيوا يا ندى,أنتى فين؟!!"
ندى:"أنا رايحة على الجامعة دلوقتى.."
"أنا كنت عايزاكى فى موضوع مهم...أول ما تخلصى
محاضراتك
كلمينى"
ندى:"حاضر...باى"
قفلت معاها وقعدت شوية فى
المكتبة,وبدأت أقلب فى الكتب وأذاكر
شوية...على الأقل لازم أجيب معدل
عالى السنة ديه...
وبعد حوالى ساعة ونص ندى كلمتنى
وقابلتها فى كافيتريا
الجامعة...
ندى:"أيه بقى الموضوع المهم اللى كنتى عايزانى
فيه؟!!أكيد
العربية صح؟؟بيانيه معرفتش أنزل معاكى عشان نجيبها
بسبب.."
قطعت كلامها:"مش العربية..أنا كنت عايزة أجى معاكى
الشركة
وأتعلم الشغل بيمشى أزاى"
ردت عليا وكانت معالم الصدمة واضحة
على وشها:"أييييييييه؟!!"
"فى أيه؟؟قولت حاجة غريبة؟!!"
"أه...غريبة جدا,أيه اللى جاب الموضوع ده فى
دماغك؟؟"
رديت بإبتسامة:"مفيش..قررت أعتمد على نفسى
شوية"
أتنهدت بعمق:"أنتى متأكدة من قرارك ده؟؟الشغل صعب
وأنتى لسة
بتدرسى..وكمان لسة عايزة تقدمى فى معهد الموسيقى,هتجيبى
وقت لده كله أمتى؟؟؟"
أتوترت من كلامها..فعلا أنا مفكرتش
فى ده كله,بس لازم أكمل
اللى بدأته....
رديت ببعض التوتر:"متقلقيش..أنا هتصرف وهعرف أنظم
وقتى"
ندى:"أراسووو...النهاردة هستناكى ونروح الشركة مع بعض.."
كنت مبسوطة لإنها وافقت وإنى هبدأ
حاجة لوحدى...بس كنت
متوترة وخايفة من إنى أفشل فى
الشغل والدراسة....
****************************************
وصلت الشركة على معاد التدريب
بالظبط...كنت بحاول أشتغل
بكامل طاقتى...
وبعد ما التدريب خلص غيرت هدومى وكلمت
ديما...
ديما:"يوباسيووو.."
"ديما...انتى خلصتى شغلك ولا لسة؟؟"
ديما:"يعنى قدامى نص ساعة وأخلص..فى حاجة؟!!"
رديت بسرعة:"أيه رأيك نتغدا مع بعض
النهاردة؟!!"
حسيت بتوترها وترددها من كلامى..بس
أنا فعلا كنت محتاج أقعد
معاها ونتكلم مع بعض...
ديما:"بيانيه دونجهى..بس أنا النهاردة تعبانة أوى
وعايزة أروح
على طول بعد الشغل..."
رديت بخيبة أمل:"أووووه..أراسوو,خدى بالك من نفسك
وحاولى
ترتاحى.."
ديما:"دييييه...وأنت كمان خد بالك من
نفسك,أنيووو"
انتهت المكالمة وحطيت الموبايل فى
جيبى وخرجت من الشركة
واتجهت ناحية البيت....
كنت بفكر أيه اللى بيخلى ديما
تتهرب منى..الفترة اللى فاتت بقت
باردة اوى معايا ومبقتش زى الاول..
وبعدين فكرت..يمكن هى فعلا
تعبانة,مكنتش عايز أفكر فى حاجة
تدايقنى أكتر....
وصلت البيت بس مقدرتش أقعد فيه
فترة طويلة..على طول غيرت
هدومى وخرجت أتمشى...
كنت بحاول مفكرش فى أى حاجة وأصفى
ذهنى..
وبعد فترة وأنا بتمشى بهدوء لقيت
نفسى واقف قدام بيت ديما..مش
عارف أيه اللى جابنى وهنا..ولا
عارف جيت هنا ازاى,بس الى
كنت عارفه إنى كنت مبسوط وحسيت
براحة لما شوفتها وصلت...
ديما:"دونجهى؟؟؟بتعمل أيه هنا؟!!"
رديت:"مفيش..كنت بتمشى شوية وبعدين لقيت نفسى وصلت
لهنا"
ديما:"طيب خلينا ندخل...أتفضل"
دخلنا مع بعض بيتها...كان منظم
ومنسق بطريقة جميلة...
"حلو بيتك.."
ديما:"كوماوا...أنت أتغديت؟!!"
"لأ لسة.."
ديما:"خلاص خلينا نتغدا مع بعض.."
والموقف ده خلانى أضحك..حسيت
بإستغرابها من ضحكى..
ديما:"أيه اللى بيخليك تضحك؟؟"
رديت بسرعة:"عشان النهاردة كنت عايز نتغدا مع بعض
بس أنتى
كنتى تعبانة.."
ديما:"اهااا...عندك حق"
دخلت المطبخ عشان تحضر الغدا وأنا
دخلت معاها عشان
أساعدها..
كنت مبسوط وأنا مش بفكر فى أى حاجة
غير الوقت اللى بقضيه
معاها...
حضرنا الغدا مع بعض,وفى الوقت ده
مروة أخت ديما وصلت
وقعدنا إحنا التلاتة ناكل مع
بعض...
************************************
قعدت لوحدى بعد ما ندى مشيت...كنت
حاسس بملل فظيع لكن
كنت بضحك لا إراديا كل ما أفتكر
اللحظات اللى كنا فيها مع
بعض...
بعد ساعة وصلت ماما وقعدت
معايا..كانت بتحاول متتكلمش عن
ندى خالص..وأحيانا كانت بتلمح عن
يونا..
"أوما..."
السيدة تشوى:"نعم شيون!!"
رديت:"أنا بحب ندى وبس.."
حسيتها بدأت تتعصب:"إنت بتفكر فى أيه دلوقتى؟حتى
وإنت تعبان
وفى المستشفى بتفكر فيها؟؟بتفكر فى اللى كانت السبب فى
اللى
جرالك؟!!"
اتعصبت من كلامها عن ندى بالطريقة
ديه...
"أومااا...ندى ملهاش أى ذنب فى اللى حصل,ومتتكلميش
عنها
بالطريقة ديه تانى.."
السيدة تشوى:"طيب..هنتكلم فى الموضوع ده
بعدين,المهم دلوقتى
إنك تستريح"
"أنا فتحت الموضوع ده دلوقتى عشان هى هتيجى بعد
شوية..ومش
عايز يكون فى مشاكل بينكوا.."
وبعد ما خلصت كلامى ماما قامت من
على الكرسى بعصبية...
السيدة تشوى:"يعنى هى أهم منى وأنا مليش لزمة أكون
هنا..صح؟؟"
رديت بسرعة:"أيه اللى دخل ده بده؟؟"
السيدة تشوى:"البنت ديه سحرالك..أنت مش أبنى اللى
اعرفه"
وبعد ما خلصت كلامها خرجت من
الأوضة من غير ما تقول كلمة
زيادة ومن غير ما تسمع أى حاجة
هقولها...
افتكرت إنها هترجع تانى بعد دقايق
لكن يمكن ظنى مكنش فى
محله..
رجعت تانى لقعدتى لوحدى..دخلت
الممرضة مرتين تقريبا عشان
تطمن عليا وتجيبلى الغدا...
وبعد المغرب سمعت الباب
بيخبط..بسرعة بصيت ناحية الباب
وشوفتها بتبص من ورا الباب عليا...
"أيه اللى موقفك كدة؟!!"
دخلت وهى مبتسمة بطريقة جميلة
وقفلت الباب وبعدين قعدت
جنبى على طرف السرير...
"أتأخرتى ليه؟!!"
ندى:"أنا متأخرتش..يادوب خلصت محاضراتى وطلعت على
الشركة,وبعد ما خلصت شغلى جيت على هنا على طول.."
مسكت أيدها وحطتها على وشى...
"وحشتينى"
ندى:"وأنت كمان.."
"بحبك"
ندى:"تعرف أيه اللى حصل النهاردة؟!!"
ضحكت من طريقتها الطفولية
ومحاولتها فى التهرب منى...
"ههههههه...أيه اللى حصل؟!!"
ندى:"ريم قررت إنها تيجى تشتغل معايا,وتتعلم الشغل
ماشى
أزاى"
إستغربت من كلامها:"بتتكلمى بجد؟!!"
ندى:"امممم...بس أنا قلقانة من الموضوع ده,حاسة إن
فى حاجة
غريبة..وكمان مش عارفة أيه اللى خلاها تفكر فى الموضوع
ده
فجأة.."
بدأت ألعب فى خصل شعرها:"متقلقيش..ممكن تكون زهقت
بس
وكانت عايزة تعمل حاجة جديدة"
ندى:"ممكن.."
كانت نظراتها مش ثابتة فى مكان
محدد..مازالت بتحاول تهرب من
نظراتى ليها...
مسكت أيدها وقربتها منى بالراحة
وأنا بتأمل ملامحها...
"خلينا بقا ننسى ريم شوية ونتكلم فى حاجة
تانية..يلا بقا مش
هتقوليها؟؟"
ندى:"أنا مبحبش أقول كلامى مرتين"
"وااااااااو..إحنا هنبدأها كدة؟!!"
ندى:"أيه؟؟مش عجبك؟!!"
"أنا هسكت دلوقتى بس..لكن متفتكريش إنى هسكتلك كل
مرة"
بصتلى بنظرة تحدى..بس نظراتها كانت
بتثيرنى بطريقة غريبة..
ندى:"هتعمل أيه يعنى؟!!"
مسكت أيدها وشدتها عليا بسرعة
وخطفت شفايفها فى قبلة عميقة..
كنت حاسس بصدمتها وصوت أنفاسها
الغير منتظمة,لكن بردوا
كانت جامدة ومتجاوبتش معايا...
بعدت عنها وبصيتلها..كانت فاتحة عنيها
من الصدمة,قربت منها
ورجعت شعرها ورا ودنها وهمست
بهدوء...
"المفروض تتعودى على كدة...ديه مش هتكون آخر
مرة"
بعدت عنها عشان أشوف ملامحها اللى
أتحولت بطريقة غريبة..
كانت بتبصلى بدهشة واستغراب من
كلامى...
"قولت حاجة غلط؟!!"
حاولت تقوم من جنبى عشان تخرج بس
أنا مسكت أيدها تانى جامد
ورجعتها مكانها...
***********************************
بعد ما اتغديت أنا ودونجهى ومروة
مع بعض..قعدنا نتكلم شوية فى
مواضيع متفرقة وبعدين مشى...
مش عارفة ليه بيعلقنى بيه
أكتر...عايزة انساه بس مع كل اللى
بيعمله ده حاسة إنه شئ مستحيل...
مروة:"قاعدة لوحدك وبتفكرى فى أيه؟!!"
رديت بعد ما انتبهت ليها:"مش حاجة معينة.."
قعدت جنبى على الكنبة وبصتلى
بنظرات غريبة....
"بتبصيلى كدة ليه؟!!"
مروة:"ديما..كنت عايزة أخد رأيك فى حاجة.."
"أيه هى؟!!"
مروة:"بكرة فى حفلة عندنا فى الكلية وأنا بفكر
أروح..بس مش
عارفة ألبس أيه!!"
"ممكن تلبسى فستان قصير بألوان هادية..هيكون
لطيف"
مروة:"امممم..بس معتقدش عندي حاجة زى كدة.."
قومت من مكانى ومشيت خطوتين...
"تعالى...أكيد هنلاقى فى الفساتين اللى عندي حاجة
مناسبة.."
طلعنا على أوضتى وبدأنا نختار من
الفساتين حاجة مناسبة لمروة..
فى الوقت ده فكرت ممكن علاقتى
بمروة تكون أتحسنت نوعا
ما..لكن بردوا مش قادرة أتأقلم فى
التعامل معاها على إنها أختى..
صعب عليا إنى أعاملها بالطريقة
ديه.....
مروة:"حلو ده..أيه رأيك فيه؟!!"
رديت:"حلو..ولايق عليكى.."
أخدت الفستان وحضنتنى وبعدين خرجت
من أوضتى بسرعة...
وأنا رميت نفسى على السرير وقعدت
أفكر بهدوء فى حياتى...
علاقتى مع دونجهى..ندى وشيون بعد
ما علاقتهم أتحسنت و
واضح إن دونجهى بيحاول بتأقلم على
الوضع..مروة وحياتنا
الجديدة مع بعض..شغلى ودراستى اللى
لازم أنجح فيهم فى وقت
قياسى...
كنت بحاول أرتب أفكارى وأنظم
حياتى....
كنت بقول لنفسى "لازم أبدأ من جديد"
***********************************
خرجت من اوضتها بعد ما نقينا مع
بعض الفستان ودخلت على
أوضتى....يمكن ديما لسة بتعاملنى
بشوية جفاف..بس على الأقل
أفضل من الأول...
نمت على السرير وقعدت أفكر فى اللى
خلى ديما تتغير بالشكل
ده..ياترى أصحابها جرحوها جامد؟!!
وبعدين جيه على بالى شيون..هو
كويس!!أكيد ندى معاه دلوقتى
وبتاخد بالها منه..بس أنا أتسرعت
لما قولت لندى إنى هتخلى
عنه؟!!
حاسة إنى مجروحة وقلبى وجعنى..نزلت
من عينى دمعتين
مسحتهم بسرعة وقومت عشان أشوف
المذاكرة اللى ورايا...
وبعد ساعات رميت نفسى على السرير
عشان أنام....
صحيت بدرى ونزلت أحضر الفطار قبل
ما ديما تصحى وبعدين
قعدنا نفطر مع بعض...كان الجو هادى
نوعا ما..
كنت حاسة بالتعب والإرهاق,وكان
واضح عليها هى كمان التعب..
متكلمناش كتير وبسرعة طلعت على
أوضتى وغيرت هدومى..
كنت رايحة الحفلة وأنا مش عارفة
أنا هروح ليه!!المفروض إنها
حفلة للخريجين بس فى طلبة من
الصفوف التانية بيحضروها,كنت
متوترة لأنى معرفش ناس كتير
هناك..وهناك قابلت كيبوم...
كيبوم:"مبسوط لأنك جيتى^^"
رديت بإبتسامة:"قولت أغير جو..أنت عامل
أيه؟!!"
كيبوم:"كويس...وأنتى؟!!"
"كويسة"
كنت بحاول استمتع بوقتى ومفكرش فى
أى حاجة تانية..كنت بفكر
أمتى بقا أتخرج وأكون حرة وأعتمد
على نفسى أكتر من كدة!!!
مر الوقت وابتدت الأصوات تعلى
والدنيا تبقى زحمة ففضلت إنى
أمشى...
"كيبوم شى..أنا همشى بقا.."
كيبوم:"ليه؟؟أقعدى كمان شوية"
"معلش عشان مش متعودة على الجو ده.."
كيبوم:"خلاص خلينى أوصلك.."
خرجنا احنا الأتنين من الجامعة
وركبنا عربيته...
كيبوم:"وراكى حاجة مهمة ولا ممكن تقبلى عزومتى على
الغدا
النهاردة؟!!"
كنت مترددة فى الأول بس لطفه
وطريقته الراقية خلتنى أوافق
وروحنا عشان نتغدا مع بعض...
كان مطعم بسيط لكن شيك وأناقته
متمحورة فى بساطته..
كيبوم:"عجبك المكان؟!!"
رديت:"اه...حلو جدا.."
قعدنا مع بعض وطلبنا الأكل..كان
طعمه حلو أوى ومميز...
كان وقت لطيف خصوصا وإن كيبوم كان
بيعاملنى بتلقائية
وبيحسسنى بالراحة فى التعامل
معاه...
**********************************
كان أسبوع طويل وممل...كنت حاسة
بالملل والفراغ وهو مش
معايا فى البيت..كنا بنتصل ببعض
كتير ونتكلم لفترة طويلة..
كنت مبسوطة أوى فى الأيام ديه..فى
الوقت ده بس حسيت قد أيه
الحب حاجة حلوة..إحساس جميل جدا
بتمنى ميخلصش...
كنت على اتصال بديما طول
الاسبوع..كنا بنتكلم فى التليفون لو
متقابلناش فى الجامعة...
حسيتها بقت أحسن من الأول,بتحاول
ترجع حياتها تانى زى الاول
وتعامل دونجهى كصديق ليها مش
أكتر...ومن ناحية تانية دونجهى
بقى يديها إهتمام كبير,حتى أنا
أستغربت من اللى بيعمله..تقريبا
بيكلمها كل يوم,وبيحاول
يقابلها...يمكن هو بيحاول ينسانى مع
ديما,بس ده بيخوفنى على ديما
أكتر..لأن دونجهى ميعرفش بحبها
ليه...بس أعتقد إن ديما هتعرف
تتغلب على ده كله,خصوصا وإن
علاقتها بمروة بقت فى تحسن..على
الأقل مش زى الاول...
بقيت حاسة بالندم إتجاه مروة بعد
أخر مرة...إنى أكون بحب
الشخص اللى هى بتحبه,أكيد شئ
مؤلم..
كنت حاسة إنى جرحت ناس كتير بسبب
حبى وقلبى..جرحت
دونجهى بسبب حبى لشيون,وجرحت ديما
بسبب تعلق دونجهى
بيا,وكمان مروة...لكن فى النهاية
كانوا كلهم جنبى و اتمنولى
السعادة...
وكمان بقيت أقلق على ريم
أكتر..حاسة إن مش ديه ريم أختى اللى
أنا أعرفها..ريم المرحة الشقية
الدلوعة,اتغيرت تماما..
بتحاول تتحمل مسئوليات فوق
سنها...عايزة تشتغل وتدرس وتدخل
معهد موسيقى,وكل ما بتتمادى فى
تصرفها بالطريقة ديه كل ما
بقلق عليها أكتر....
وأخيرا وبعد أسبوع شيون هيخرج
النهاردة من المستشفى...
أصر إنى أكون الشخص اللى هيوصله
البيت,مع إنه هيقعد فى بيت
أهله لفترة عشان مامته مكنتش عايزة
تسيبه وبالتالى هو ميقدرش
يقولها على المكان اللى عايش
فيه...
خرجنا مع بعض من المستشفى..كنت
ماسكة يده وبسنده لأنه
مكنش قادر يضغط على رجله الشمال
بسبب إصابته...
ركبنا العربية و وصلته لغاية باب
البيت...كان طول الوقت هادى
ومتكلمناش كتير..حتى أنا أستغربت,أفتكرت
إن أول حاجة هيطلبها
منى أول ما أخرج إنى أقوله إنى
بحبه,لكن كانت ردة فعله غريبة
بالنسبالى....
نزل من العربية ومسكت أيده عشان
أسنده..ومشينا سوا لغاية باب
البيت..قربت منه وحضنته,وهو ضمنى
ليه بقوة...
وفى اللحظة ديه همست فى ودنه:"سارانيه أوبا^^"
شيون:"وأنا بموت فيكى.."
بعدنى بهدوء وبصلى بإبتسامة
تجنن..وبعدها طبع قبلة صغيرة
على خدى ودخل البيت....
اتنهدت وعلى وشى إبتسامة مقدرتش
أخفيها وركبت عربيتى...
وقبل ما أشغل العربية لقيت موبايلى
بيرن...
"أوووه أوبااا.."
شيون:"وحشتينى.."
"هههههههه...متوقعتش إنك تكون طفولى بالطريقة
ديه.."
حسيت بنبرة صوته أتغيرت وبدأ يتكلم
بلؤم....
شيون:"أمممم...شينشا؟!!..أراسووو بدام الطريقة ديه
مش بتعجبك
فأنا هتبع أسلوب تانى.."
بلعت ريقى من طريقة كلامه..يقصد
أيه بإنه هيتبع إسلوب تانى!!!
شيون:"رحتى فين؟!!"
رديت بسرعة وبتوتر:"تقصد أيه بإسلوب تانى؟!!"
شيون:"هتعرفى لما أشوفك...خدى بالك من نفسك وأنتى
راجعه.."
"وأنت كمان خد بالك من نفسك...أنيووو.."
قفلت السكة ورجعت على البيت...
دخلت الشقة وهناك كانت ريم قاعدة
على الكنبة وفى أيدها ورق
كتير....
"بتعملى أيه بده كله؟!!"
ريم:"أخيرا جيتى...شيون عامل أيه؟!!"
"كويس...خرج النهاردة,مقولتليش بتعملى أيه؟!!"
ريم:"بذاكر..وبشوف ورق الشغل"
قعدت جنبها وأنا ببص على الورق
اللى فى أيدها....
"أنتى بتعملى كدة ليه؟!!"
ردت عليا من غير ما تبصلى...
ريم:"بعمل أيه؟!!"
رفعت وشها بإتجاهى...
"طريقتك الجديدة ديه...الشغل,ده غير إنك أتغيرتى فى
حاجات
كتير...أسلوبك..طريقة كلامك..تفكيرك..طلباتك.."
ريم:"مش كدة أحسن؟؟ J"
رديت بإستغراب:"أحسن ازاى؟!!"
ريم:"أقصد إنى هخف عنك الحمل شوية..يعنى.."
أتضايقت من تفكيرها بالطريقة
ديه...أنا عمرى ماشتكيت منها أو
من طلباتها...
قومت من مكانى وقطعت كلامها:"ومين قالك إنى عايزاكى
تخففى
الحمل عنى؟!!أنا أشتكيت؟؟أنا عملت حاجة تخليكى تفكرى
بالطريقة ديه؟!!"
قامت و وقفت قدامى واتكلمت بهدوء
غريب...
ريم:"المشكلة إنك مبتعمليش ومبتتكلميش...إنتى ناسية
نفسك
ومبتفكريش غير فى اللى حواليكى..وأنا بالفعل طلباتى زادت
عن
الحد.."
"أنتى جبتى الأفكار ديه منين؟!!أيه اللى بيخليكى
تقولى كدة؟!!"
ريم:"أنا عارفة.."
اتكلمت بعصبية:"من النهاردة مش عايزة أسمع سيرة
الشغل ديه
تانى...أهتمى بمذاكرتك وبس..أنااا..."
وصلنى صوتها المهزوز وعنيها بدأت
تدمع....
ريم:"أنتى مش مامتى عشان تكلمينى أو تعاملينى
بالطريقة ديه.."
...
..
........يتبع.......
ليست هناك تعليقات:
إرسال تعليق