Chapter 19
........يتبع.......
كنت واقفة مع دونجهى قدام أوضة ندى..كانت الممرضة عندها
وبعد عشر دقايق تقريبا خرجت الممرضة بسرعة وراحت تنادى
على الدكتور..وسمعنا صوت ندى من الأوضة بتعيط جامد...
رجعت الممرضة ومعاها الدكتور وفتحت الباب..و وقتها شوفت
ندى منهارة من العياط وبتصوت بصوت عالى....
كانت الممرضة بتحاول تمسكها وتهديها والدكتور إداها حقنة
مهدئ...دخلتلها بسرعة وقعدت جنبها,كانت بدأت تهدى وعنيها
بتبصلى بألم..
ندى:"ديما...شيون.."
حطيت أيدى على راسها وبدأت أمسح على شعرها بهدوء وحاولت
أخليها تهدى قبل ما تنام بفعل المهدئ...
"ندى حبيبتى..شيون كويس وخرج
من غرفة العمليات,أهدى
واتحسنى بسرعة عشان تكونى جنبه
وتخليه يقوم بسرعة.."
أرتسمت على وشها إبتسامة بتعب ونزلت من عنيها دمعة قبل
ما
تغمض عنيها وتنام براحة...
خرجت من أوضتها وقفلت الباب..كنت بدور على دونجهى فى
المكان بس ملقتهوش...
قعدت أستناه قدام أوضة ندى لما يقارب ال20 دقيقة..وفى
الوقت
ده موبايل ندى اللى كان معايا رن..كانت ريم,أترددت فى
الأول
أرد ولا لأ..وفى الآخر قررت أنى أرد...
ريم:"ندااااااااااااااا...مبترديش
ليييييييه بسرعة؟؟؟"
"وطى صوتك شوية.."
ريم:"ديما؟؟أمال ندى
فين؟!!"
حاولت اتكلم بهدوء ومكنتش عايزة أقولها على اللى حصل
عشان
متقلقش على ندى...
"ندى عندها محاضرة دلوقتى
ونسيت موبايلها معايا...عايزانى
أقولها حاجة؟!!"
ريم:"اه..أبقى قوللها إننى
ممكن أتأخر النهاردة شوية عشان هخرج
مع صحابى بعد الجامعة...وكمان
فكريها إنى عايزة أجيب عربية
بسرعة.."
"هههههههههه...حاضر
هقولها,أنيوووو"
قفلت التليفون بعد ما خلصت مكلمتى مع ريم..ومازال دونجهى
مختفى ومعرفش هو فين...
***************************************
مقدرتش أشوفها فى الحالة ديه...أول ما ديما دخلتلها
وقعدت جنبها
وسمعتها بتسأل عن شيون مشيت بسرعة من قدام الأوضة...
مقدرتش أمنع دموعى إنها تنزل...كنت بعيط بهدوء من غير
صوت,دموعى بتنزل بصمت....
كان قلبى وجعنى أوى..من حالتها ومن السبب اللى خلاها
كدة,مكنتش فاكر إنها بتحب شيون للدرجة ديه...
كنت واقف قدام الإستقبال وفى اللحظة ديه سمعت صوت من
ورايا
خلانى أمسح دموعى بسرعة واتلفتله....
موظف الاستقبال:"حضرتك كنت
تعرف المريض تشوى
شيون..صح؟؟"
رديت:"اه.."
إدانى حاجة شيون اللى كانت معاه وقت الحادثة ومن ضمنها
موبايله...
موظف الإستقبال:"ديه حاجات
المريض...ولو سمحت كلم حد من
أهله.."
انحنيت واتجهت ناحية جنينة المستشفى..قعدت وأنا بدور فى
موبايل شيون عن رقم حد من أهله..و وقتها شوفت نمرة ندى
متسجلة بإسم "حبيبتى^^"
وقفت قدام الاسم لفترة وبعدها كملت بحث فى الارقام لغاية
ما لقيت
رقم والده..وفورا اتصلت بيه وبلغته باللى حصل....
وبعد شوية طلعت تانى لأوضة ندى...كانت ديما قاعدة قدام
الأوضة وبتبص فى الأرض....
قعدت جنبها,بصتلى واتكلمت بهدوء...
ديما:"دونجهى...كنت
فين؟!!"
"نزلت تحت شوية وكلمت والد
شيون...هى عاملة أيه دلوقتى؟!!"
ديما:"هديت شوية لما عرفت إن
شيون خرج من العمليات...سألت
عن حالته دلوقتى؟!!"
"حالته مستقرة.."
قعدنا ساكتين شوية وبعدين ديما قامت ودخلت لندى
الأوضة...وأنا
بعد دقايق دخلت وراها...
كانت نايمة زى الملايكة..وديما قاعدة جنبها وبتبصلها
بهدوء...
فى الوقت ده حسيت بخوف ديما الكبير على ندى ونظرة الحنان
اللى كانت فى عنيها....
وبعد شوية بدأت ندى تفتح عنيها...أتعدلت فى وقفتى وديما
ابتسمتلها.....
ديما:"حبيبتى..أنتى كويسة
دلوقتى؟!!"
ندى:"أه أنا كويسة...شيون
فين؟!!أنا عايزة أشوفه"
ديما:"أستريحى أنتى بس شوية
وبعدين أبقى روحى شوفيه.."
قامت ندى من على السرير وبصت لديما...
ندى:"أنا هستريح لما
أشوفه.."
شالت المحلول من أيدها وقامت من السرير بسرعة وخرجت برا
الأوضة....وبعدها رجعت بصتلنا تانى...
ندى:"أوضته فين؟!!"
مشينا قدامها لمكان أوضة شيون..وقبل ما تدخل لقينا الباب
بيفتح
والدكتور خارج من عنده...
ندى:"هو عامل أيه دلوقتى؟!!"
الدكتور:"الحمدلله قدرنا
نسيطر على النزيف الداخلى وأجهزته
شغالة بإنتظام حاليا...عنده كسر فى
أيده الشمال وكدمات فى باقى
الجسم,بس لازم يفضل 24 ساعة تحت
الملاحظة عشان نتطمن
عليه.."
كانت ندى بدأت تعيط بصمت ودموعها بتنزل بسرعة على وشها..
ندى:"ممكن أشوفه؟!!"
الدكتور:"بس متطوليش...خمس
دقايق بس.."
دخلت ندى بسرعة الأوضة وأنا وديما فضلنا واقفين برا....
كنت حاسس بالضيق لكن احسن حاجة انى اتطمنت عليه وبقت
كويسة....
***************************************
دخلت أوضته بخطوات متثاقلة...مكنتش قادرة أمشى.....
قعدت على الكرسى اللى جنبه ومسكت أيده..ولما شوفته فى
الحالة
ديه زادت دموعى وعياطى....
قعدت دقايق قليلة وبعدين قومت وخرجت من الأوضة...كانت
ديما
قاعدة لوحدها برا....
"دونجهى راح فين؟!!"
ديما:"قال إن وراه معاد مهم
ومشى.."
وقبل ما اقعد جنب ديما شوفت السيد والسيدة تشوى جايين
بخطوات سريعة...وكمان يونا كانت معاهم....
انحنيت بأدب,بس السيدة تشوى كانت بتبصلى بطريقة غريبة
وبدأت تصرخ وتزعق فيا...
السيدة تشوى:"أنتى
السبب..أنتى اللى عملتى كدة فى أبنى,لو مكنش
خرج فى الوقت ده عشان يقابلك مكنش
حصله اللى حصل.."
"أ أنااا..."
السيدة تشوى:"أمشى من هنا..مش
عايزة أشوف وشك تانى,وأبعدى
عن أبنى.."
فى الوقت ده حسيت بأيد ديما على كتفى وخدتنى تانى
لأوضتى...
قعدت على السرير وأنا بعيط بحرقة...
"أنا السبب...أنا اللى عملت
فيه كدة؟!!"
ديما وهى بتقعد جنبى:"متقوليش
كدة...أنتى ملكيش أى ذنب فى
اللى حصل لشيون..ده قدره,وبعدين هو
كويس"
طلعت موبايلى من جيبها وادتهولى....
ديما:"ريم كلمتك..أنا قولتلها
ان عندك محاضرة عشان متقلقش
عليكى,خدى كلميها"
أخدت الموبايل من أيد ديما وكلمت ريم...
ريم:"خلصتى محضرتك؟؟مكنتش
اعرف إنك مجتهدة للدرجادى"
رديت:"معلش بقا...كنتى عايزانى
فى حاجة مهمة؟!!"
ريم:"أنا قولت لديما تقولك
أنى خارجة مع صحابى فهتأخر
شوية...وكمان خلينا ننزل بكرة عشان
نجيب العربية.."
"أوكى...عايزة حاجة
تانى؟؟"
ريم:"no…thank you baby"
قفلت مع ريم وقعدت على السرير..وبعد شوية دخلت الممرضة
واتطمنت عليا ورجعت حطت المحلول تانى فى أيدى.....
قعدت أنا وديما نتكلم شوية,كانت بتحاول تهدينى وتخلينى
مفكرش
فى حاجة وحشة...
لغاية ما الليل جيه وأنا معرفش حاجة عن شيون...كان نفسى
أشوفه أو حتى أتطمن عليه,لكن كنت خايفة من رد فعل
مامته..
***********************************
خرجت من الجامعة مع كيوهيون ويورى وكانغ مين وروحنا
قعدنا
فى كافيه قريب من الجامعة....
يورى:"يلا يا ريم أحكيلنا بقا
عن حياتك قبل ما تيجى على
كوريا..مامتك وباباكى وافقوا إنك
تيجى هنا وتسيبى بلدك ودراستك
فى بلدكوا أزاى؟!!"
بصيت فى الأرض بإبتسامة...حاولت مبينش ضعفى أو ألمى...
رديت بهدوء:"ماما وبابا ماتوا
من تلت سنين تقريبا.."
يورى:"بيانيه..أنا مكنتش
أقصد.."
إبتسمتلها براحة:"ولا
يهمك..أنتى مكنتيش تعرفى.."
كانغ مين:"أنتى قولتيلى قبل
كدة...إنك هنا مع أختك صح؟؟"
ريم:"أه..ندى,هى بقت عيلتى
كلها..بتهتم بيا وبتحاول تعملى كل
اللى أنا عايزاه_وفاجأة أختفت الإبتسامة من
على وشى_بس
مجبتليش العربية اللى أنا
عايزاها.."
كيوهيون:"نفسى أعرف أختك مستحملاكى أزى!!!"
كلام كيوهيون وجعنى...ممكن فعلا أكون صعبت الأمور على
ندى
الفترة اللى فاتت!!
رديت بهدوء:"يمكن عندك
حق...أحنا هنقعد هنا كتير؟!!أنا عايزة
ألعب.."
كيوهيون:"أنتى مفيش فى حياتك
غير اللعب؟!!"
"أه أنا عايزة ألعب...حد هيجى
معايا ولا أروح لوحدى؟؟"
كانغ مين:"أنا هاجى معاكى J"
يورى:"وأنت أوبا هتعمل
أيه؟!!"
كيوهيون:"أراسووو..خلونا نروح
مكان نلعب فيه...أيه رأيكوا
نروح نلعب بولينج؟؟؟"
رديت بحماس:"Yeeeeeees….let's go"
روحنا مركز البولينغ واتقسمنا فريقين..كنت أنا وكانغ مين
فى
فريق,وكيوهيون ويورى فى فريق...
كنت أنا وكانغ مين اللى كسبانيين,لأن يورى كانت شبه
مبتدأة فى
البولنغ.....
بس كنت متضايقة لأنها مع كيوهيون فى نفس الفريق...كانوا
بيبقوا
قريبين من بعض..وكيوهيون ساعات بيمسك أيدها عشان يعلمها
ترمى الكورة أزاى....
كنت بحاول مبينش غيرتى...مش عايزة يحصل بينى وبين
اصحابى مشاكل تانى,مش عايزة حد تانى يسيبنى بسبب غيرتى
ديه...
خلصنا الجيم وخرجنا من مركز البولينج...كانغ مين ويورى
روحوا مع بعض عشان بيتهم قريب من بعض...
وفضلت أنا وكيوهيون واقفين لوحدنا...
كيوهيون:"بيتك فين؟؟خلينى أوصلك.."
رديت بسرعة:"أنياااا...مفيش داعى,أنا هروح
لوحدى"
كيوهيون:"لأ..مينفعش أسيبك تمشى لوحدك بعد ما
الدنيا ليلت..يلا
خلينا نمشى.."
مشينا مع بعض لغاية موقف الباص...كان كيوهيون عايز نركب
تاكسى بس أنا اللى أصريت نمشى بالباص...
كنت ببص من الشباك على الناس والعربيات اللى فى الشارع..
وبعدين صوت كيوهيون خلانى أتلفتله..
كيوهيون:"بيانيه.."
رديت
بإستغراب:"بووووه؟؟"
كيوهيون:"بيانيه لأنى قولتلك
اختك مستحملاكى أزاى..أنا كنت
بهزر.."
ضحكت بهدوء:"ههههههه...أنا
عارفة أنك بتهزر,أنت ليه فاكر
الموضوع لغاية
دلوقتى..أنا...."
كيوهيون:"أنا عارف انى ضايقتك
بكلامى..بيانيه.."
وكان ردى عليه إبتسامة....وكان الصمت هو حليفنا باقى
الطريق..
وصلنا للمحطة اللى فيها بيت ندى ونزلنا مع بعض...
"يلا روح بقا..البيت قريب من
هنا.."
كيوهيون:"أراسووو...أنيووو"
سلمنا على بعض وبعدين كل واحد فينا مشى فى طريقه....
مشيت وأنا بفكر فى كلام كيوهيون النهاردة لغاية ما وصلت
البيت...
دخلت وبصيت فى الشقة كلها بس مكنش فى حد هنا...دونجهى
وندى وشيون..مفيش حد فيهم موجود....
دخلت الأوضة وطلعت موبايلى وكلمت ندى...
ندى:"ألو...ريمو
حبيبتى.."
"أنتى فين؟؟أنا وصلت البيت بس
ملقتكيش هنا.."
ندى:"ريمو..ممكن تروحى تباتى
عند ديما النهاردة؟؟"
"ليه؟؟أيه اللى حصل؟!!أنتى
فين؟؟"
ندى:"نا مش هعرف أرجع
النهاردة البيت...بكرة هقولك على كل
حاجة.."
رديت بسرعة:"لأ قوليلى
دلوقتى...أنتى فين؟!!"
ندى:"أنا فى المستشفى...شيون
عمل حادثة وأنا مش عايزة أسيبه"
أتخضيت أول ما سمعت اللى ندى قالته ورديت بسرعة:"حادثة
أيه؟؟طب هو كويس دلوقتى؟!!أنتى فى
مستشفى أيه؟؟"
ندى:"متخافيش هو حالته دلوقتى
مستقرة..بلاش تيجى
دلوقتى,أصلا معاد الزيارة قرب
يخلص..روحى باتى عند
ديما..مش عايزاكى تقعدى فى البيت
لوحدك.."
رديت:"أراسووو...هروح
دلوقتى,خدى بالك من نفسك..أنيوووو"
قفلت مع ندى..وأخدت شنطتى ونزلت روحت على بيت ديما...
كانت مروة قاعدة لوحدها فى البيت...
*************************************
رجعت البيت بعد الجامعة وزى العادة قعدت أذاكر...كنت
مستنية
ديما ترجع عشان نتغدا مع بعض..بس مجتش وقت الغدا,والوقت
أتأخر وهى لسة مجتش...
وأنا قاعدة بذاكر جرس الباب رن..أفتكرتها ديما وجريت
بسرعة
عشان أفتح بس كانت ريم...
ريم:"مروة
حبيبتى...وحشااااانى"
"يا سلااام؟؟؟ما أحنا لسة
شايفين بعض أمبارح.."
دخلت البيت...
ريم:"أنتى هتسيبينى واقفة على
الباب كدة؟؟؟"
قفلت الباب ودخلنا وقعدنا....
ريم:"ندى قالتلى أبات هنا
النهاردة عشان مش عايزانى أنام لوحدى
فى الشقة"
رديت بفضول:"وليه تباتى
لوحدك؟؟؟هى فين؟!!"
ريم:"شيون عمل حادثة وفى
المستشفى..وهى مش عايزة تسيبه"
رديت بإنفعال:"حادثة؟؟؟؟وهو
عامل أيه دلوقتى؟!!"
ريم:"قالتلى أنه بقا
كويس.."
"هو فى مستشفى أيه؟؟؟"
ريم:"مقالتليش...متخافيش ندى
طمنتنى وقالتلى مفيش حاجة
خطيرة"
كنت بحاول أسمع لكلام ريم بس قلبى مكنش مستريح...كنت
عايزة
أتطمن عليه واشوفه بنفسى....
حاولت أهدى نفسى شوية لغاية ما ديما جت...
قعدنا واتعشينا مع بعض,وبعد العشا طلعت لديما أوضتها
وسألتها
عن شيون وطمنتنى عليه...
بعدها دخلت أوضتى وقعدت أذاكر شوية..مكنتش عارفة أركز
خالص,وبعد عناء دخلت أنام...
صحيت الصبح بدرى لبست بسرعة وصحيت ديما..عرفت منها
اسم المستشفى وروحت على هناك بسرعة قبل ما أروح على
الجامعة....
فتحت الباب بالراحة..كان نايم على السرير بهدوء...كنت
عايزة
أدخل وأشوفه من قريب بس كان فى واحدة نايمة على الكرسى
اللى جنبه,تقريبا مامته..وعشان كدة فضلت أنى مدخلش....
أهم حاجة أنى أتطمنت عليه...
روحت على الجامعة وهناك قابلت كيبوم شى...
كيبوم:"أزيك يا مروة؟؟"
رديت بإبتسامة:"كويسة
الحمدلله.."
كيبوم:"هتيجى حفلة الكلية
بكرة؟!!"
"هى بكرة؟؟معرفش..ممكن
مجيش"
كيبوم:"ليه؟؟مش أتفقنا إنك
هتيجى؟!!"
"هحاول...بس لسة معرفش
ظروفى"
كيبوم:"أراسووو...بتمنى بجد
إنك تيجى,أيه أخبار مذاكرتك؟؟فى
حاجة واقفة قدامك؟!!"
"حاليا لأ...بس لو وقفت قدامى
حاجة أكيد هاجى وأسئل حضرتك
على طول J "
كيبوم:"أراسوو...أنتى عندك
محاضرة دلوقتى,صح؟؟من الأفضل
إنك تلحقيها"
انحنيت:"كمساميدا...أنيوووو"
وروحت على المحاضرة بتاعتى...وأنا فى المحاضرة جيه على
بالى قد أيه كيبوم شى شخص لطيف وبيهتم بالناس^^
*************************************
معرفتش انام طول الليل..كنت بفكر فى ندى,وقد أيه هى بتحب
شيون..وبعدين جت على بالى ديما وأفتكرت إبتسامتها...
أيييششش أنا حاسس إن دماغى متلخبطة وفيها ألف حاجة...
وأول ما الشمس طلعت قومت وغيرت هدومى وروحت على
المستشفى..خبطت على أوضة ندى ودخلت...
"صباح الخير J"
ندى:"صباح النور..أزيك
أوبا؟؟"
"أنا كويس..وأنتى عاملة
أيه؟!!"
ندى:"كويسة..."
وفى الوقت ده الممرضة دخلت...
الممرضة:"حمدلله على
سلامتك..واضح إن ضغطك نزل وصحتك
إتحسنت بعد ما عرفتى إن حبيبك فاق J"
ردت بسرعة
وبإستغراب:"بووووووه؟؟"
الممرضة:"هو تشوى شيون مش
يبقى حبيبك؟؟أنا أفتكرت أنكوا
على علاقة بسبب اللى
جرالك..بيانيه.."
ندى:"أنيااااا...بس انتى
قولتى إنه فاق؟؟"
الممرضة:"أه..فاق امبارح
بالليل,حمدلله على سلامته وسلامتك^^"
وخرجت بعد ما شالت المحلول من أيدى وأتطمنت على نبضى
والضغط...
بصتلى بسرعة واتكلمت برجاء:"أوبااا...ممكن
أطلب منك
طلب؟!!"
رديت:"أكيد.."
ندى:"ممكن تشوف لو والدة شيون
لسة عنده؟؟؟عايزة أشوفه.."
"أراسووو..مش هتأخر عليكى.."
خرجت من الأوضة,وأول ما خرجت لقيت ديما...
ديما:"صباح الخير أوبا J"
"صباح النور.."
ديما:"رايح على فين؟!!"
"هشوف شيون,الممرضة قالت إنه
فاق...أدخلى أنتى لندى وأنا
مش هتأخر عليكوا.."
ديما:"أراسووو.."
اتجهت لأوضة شيون..خبطت الباب ودخلت,كان والده و والدته
قاعدين جنبه وبيتكلموا معاه...
"ممكن أدخل؟!!"
شيون:"دونجهى.."
"حمدلله على سلامتك.."
شيون:"الله يسلمك...أوما
أبا,أعرفكوا بدونجهى صاحبى.."
انحنيت
بأدب:"أنيوهاسيووو.."
والد و والدة
شيون:"أنيوهاسيووو.."
والدة شيون:"أنتوا أصدقاء من
فترة؟؟"
"اه..تقريبا.."
والد شيون:"سعيد إنى أتعرفت
عليك..أنا هستأذن دلوقتى عشان
ورايا شغل.."
شيون:"أباااا...خد ماما
معاك,هى فضلت قاعدة هنا من
أمبارح..خليها تشتريح فى
البيت.."
والدة شيون:"لأ..أنا مش
هسيبك.."
رديت بسرعة:"متخافيش
أمونيم..أنا هفضل معاه.."
والد شيون:طمفيش داعى لأنك تقعدى
معاه..يلا خلينا نمشى.."
ومشيوا بعد ما سلموا على شيون...مكنتش مصدق نفسى فى
اللحظة ديه...
أنا بعمل ده كله عشان ندى تشوف شيون؟!!دلوقتى أنا اللى
هقربهم
من بعض بنفسى؟؟؟
شيون:"ندى..."
"ندى فى أوضة هنا فى المستشفى
زيك.."
رد بصدمة:"بووووه؟؟؟أيه اللى
حصلها؟!!هى كويسة؟؟"
"متخافش هى بقت كويسة...بس
جالها إنهيار عصبى لما عرفت
بالحادثة بتاعتك,إستنى دقايق وهتلاقيها
جاية تشوفك..."
خرجت بسرعة من الأوضة بعد كلامى...
كنت حاسس بالتعب والألم لمجرد الحوار البسيط اللى بيدور
بينا..
روحت على أوضة ندى وقولتلها إن مامته وباباه مش موجودين
وإنه صاحى..وبسرعة قامت من السرير وجريت ناحية أوضته...
***********************************
كنت مستنيها تدخل من الباب وأشوفها...
وبعد ثوانى من خروج دونجهى لقيتها واقفة عند الباب
وبتبصلى
بنظرة عتاب...
قربت منى بخطوات بطيئة والدموع فى عنيها لغاية ما قعدت
جنبى..
ندى:"شيون...أنت غبى"
بدأت دموعها تنزل
على وشها بهدوء..قربتها منى وأخدتها فى
حضنى...
"أنتى اللى غبية...أزاى تعملى
كدة فى نفسك؟؟كنتى فاكرة إنى
هموت؟!!_وكملت كلامى بهزار_شوفتى؟؟خيبت
آمالك وفوقت
وبقيت كويس.."
وبعد ما خلصت كلامى بعدت عنى بسرعة وبصتلى بحزن كبير
واتكلمت بصوت مخنوق بسبب دموعها...وديما ودونجهى فى
الوقت ده دخلوا الأوضة...
ندى:"أنت غبى..يعنى أنا كنت
بتمنى إنك تموت؟؟؟"
وقبل ما أقدر انطق بأى حرف سابتنى وجريت برا الأوضة...
بصيت لديما ودونجهى بنظرات تساؤل...
"أنا قولت أيه غلط؟؟أنا كنت
بهزر.."
ديما:"معلش شيون
إستحملها...الصدمة مكنتش سهلة عليها
والموضوع ده بالنسبالها حساس
جدا,اللى متعرفهوش أنت
ودونجهى إن نفس اللى حصل معاك حصل
مع أهلها..عمها كلمها
فى التليفون وقالها انهم عملوا
حادثة,زى ما دونجهى كلمها وقالها
عن حادثتك بالظبط..ولما راحت
المستشفى باباها ومامتها كانوا فى
غرفة العمليات..ولما الدكتور خرج
نقللها خبر وفاتهم.."
عاتبت نفسى على اللى عملته..أنا بجد مكنتش أقصد,يارتنى
ما
عملت كدة ولا كلمتها بالطريقة ديه...
دونجهى:"عشان كدة حصلها الإنهيار
العصبى!!"
ديما:"بالظبط.."
اتكلمت بسرعة:"طب أنا عايز
أشوفها..ممكن تكلميها يا ديما؟؟"
ديما طلعت موبايلها وكلمتها وعرفت إنها فى جنينة
المستشفى
ونزلتلها...
وبعد حوالى 15 دقيقة دخلت ندى وقعدت جنبى...وديما
ودونجهى
استئذنوا عشان عندهم شغل...
"بيانيه...أنا مكنش قصدى
كلامى يوصللك بالطريقة ديه."
ندى:"أنياااا...يمكن أنا كنت
حساسة زيادة عن اللزوم,أنت عامل أيه
دلوقتى؟؟فى حاجة بتوجعك؟؟"
رديت بإبتسامة مقدرتش أمنعها بسبب
خوفها عليا...
"أيدى الشمال بتوجعنى
شوية..بس أنا كويس,متخافيش عليا"
كانت بتحاول تتجنب نظراتى ليها..كانت ماسكة أيدى وبتبص
عليها
وبس..
قطعت الصمت اللى كنا قاعدين فيه بكلامى:"هتفضلى
ساكتة كدة
كتير؟؟يلا أنا عايز أسمعها
منك.."
بصتلى بإستغراب:"تسمع
أيه؟!!"
رديت كأنى بفكر:"امممم..مثلا
سارانيه شيون,لأ..هتبقى أحلى لو
قولتى سارانيه أوبا"
رجعت تبص تانى على أيدى وهى بتتكلم:"ومين
قالك أنى
هقولها؟؟"
رديت بصدمة من كلامها:"هترجعى
تقولى تانى إنك مش
بتحبينى؟؟"
ندى:"أنياااا...أنا مقولتش
كدة,بس مش هقولك الكلمة ديه دلوقتى"
"أمال أمتى؟؟أنا عايز أسمعها
بسرعة.."
بصتلى بإبتسامة:"خلاص أخرج من
هنا بسرعة لو عايز تسمعها"
مسكت أيدها بقوة وقربتها منى...كانت نظراتى موجهة
لعنيها..
"بس أنا مش قادر أصبر.."
لاحظت توترها و نظراتها اللى بتحاول تهرب منى...
قربت منها ببطء لغاية ما تلامست شفايفنا..كانت زى أول
قبلة
لينا,مبعدتش عنى ولو شوية بس كانت جامدة ومبادلتنيش
القبلة..
بعدت عنها مسافة قصيرة جدا ونظراتى مفرقتش شفايفها,وضغطت
بصوباعى تحت شفايفها عشان ترخيهم...
قربت منها تانى والمرادى حسيت بتفاعلها معايا..كانت
لحظات
زى الحلم بالنسبالى....
وبعد ثوانى بعدت عنها وهمست من خلال شفايفها:"سارانيه"
..
..
ليست هناك تعليقات:
إرسال تعليق