Chapter 23
ندى:"أتأخرت ليه ديه؟!!كان
المفروض تكون وصلت.."
"أستنى شوية يمكن الطريق
زحمة.."
كنا قاعدين على الكنبة جنب بعض وأنا
محاوط ندى بأيدى وهى
ماسكة موبايلها بتوتر...
مسكت يدها وأخدت منها الموبايل...
"حبيبتى بلاش التوتر
ده..ودلوقتى قوليلى بقا أيه اللى كان مخليكى
متعصبة كدة أول ما جيتى,وعيطتى
ليه؟!!"
بصتلى بنظرات غريبة معرفتش أفسرها
وبعدين بصت للجهة
التانية...
ندى:"عشان كنت متضايقة
منك..شيون"
"متضايقة منى أنا؟!!المفروض
أنا اللى أكون زعلان.."
ندى:"يا سلام؟؟وتكون زعلان
ليه؟!!"
"عشان متصلتيش بيا اليومين اللى
فاتوا...محاولتيش حتى تتطمنى
عليا.."
ندى:"ما أنت كمان متصلتش_قامت
من على الكنبة وبصتلى
بعصبية_وكمان أنا ليا عذر,لكن أنت
مفيش..أنت لو تعرف كل اللى
حصل بسببك.."
وبعدها مكملتش كلامها وفضلت إنها
تسكت...
قومت وقفت قدامها وبصتلها بنظرات
استفهام..أنا مكنتش فاهم هى
بتتكلم عن أيه!!أيه اللى حصل
بسببى...
"أيه اللى حصل؟!!"
بدأت تلعب فى صوابعها بتوتر وهى
بتتجنب نظراتى وردت بهدوء..
ندى:"مفيش.."
"قولـ...."
قطعت كلامى بإنها قربت منى ومسكت
أيدى وهى ما زالت بتتجنب
لقاء عيوننا مع بعض...
ندى:"المهم دلوقتى إنك
هنا.."
بس أنا كنت عايز أعرف أيه اللى
مغيرها كدة..أيه اللى مخليها
عصبية وبتعيط بالطريقة ديه..وكمان
أيه اللى حصل لما مكنتش
موجود جنبها...
كنت هكمل نقاشى معاها بس فى الوقت
ده باب الشقة أتفتح وريم
دخلت من غير ما تبصلنا...
ندى بسرعة سابت أيدى وبصتلها...
ندى:"أتأخرتى ليه؟!!"
ريم:"مفيش..ما انتى كمان لسة
ملبستيش,,خلينا ندخل نلبس عشان
منتأخرش أكتر من كدة.."
وبعد ما خلصت كلامها دخلت الأوضة من
غير ما تنطق بحرف ومن
غير ما تسمع من أى حد حرف زيادة...
ندى:"البنت ديه فيها
حاجة.."
قرصتها من خدها:"بطلى قلقك ده
عليها,هى كبرت ولازم تعرف
تتصرف فى مشاكلها لوحدها..مع إنى
متأكد إنها مش حاجة
كبيرة...يلا أدخلى غيرى هدومك عشان
نلحق السهرة من أولها.."
دخلت أوضتها بعد ما أبتسمتلى,وأنا
دخلت كمان عشان أغير
هدومى..
وبعد حوالى
15 دقيقة ريم خرجت من الأوضة بعد ما غيرت هدومها
وبصتلى
بنظرات باردة...
"ندى لسة
مخلصتش؟!!"
ريم:"قربت
تخلص.."
وبعد دقيقة
ندى خرجت من الأوضة بعد ما غيرت هدومها واتفاجأت
باللى هى
لابساه....
بصتلها
بصدمة:"أيه اللى أنتى لابساه ده؟!!"
ندى:"أيه؟؟مش
حلو؟!!"
كانت لابسة
شورت قصير لونه فضى وعليه بلوزة باللون الأسود
بأكمام
وأجزاء شفافة..وكانت فاردة شعرها على ضهرها...
"أنتى
مش هتخرجى كدة طبعا.."
رجعت شعرها
لورا بأيدها:"وليه بقا؟؟لأ هخرج كدة.."
إستغربت من
أسلوبها الجديد..ندى مش بتلبس بالطريقة ديه..ممكن
تلبس شورت
قصير أو مينى جيب..لكن بردوا مشوفتهاش بتلبس
بالجرأة
ديه قبل كدة,,يمكن فى الوقت ده كنت متحمس أشوفها باللوك
الجديد,لكن
إنها تخرج بيه وحد تانى غيرى يشوفها كان حاجة تانية..
"ندى..أدخلى
غيرى اللى أنتى لابساه دلوقتى أو مش هسيبك تخرجى
من البيت
النهاردة..."
ندى:"لأ
مش هغير هدومى تانى..وبعدين أنا مش شايفة أى مشكلة فى
لبسى.."
"بس
أنا شايف..الشورت ده قصير أوى,وكمان البلوزة ديه مبينة
أجزاء كتير
من جسمك.."
فضلنا فى
مكاننا لما يقارب العشر دقايق ومفيش حد فينا عايز يتنازل
عن رأيه
لغاية ما ريم أتكلمت وهى واضح عليها علامات الملل...
ريم:"خلصونا
بقا..لو مش هتخرجوا قولوا وسيبونى أنزل لوحدى.."
ندى بصتلها
بقلة حيلة وبعدين رجعت بصتلى وقربت منى...
ندى:"أوباا..خينا
ننزل بقا,خلاص مش هبقى ألبسه تانى بس عديها
المرادى.."
كنت حاسس
بالترد على إنى اوافق على طلبها بس فى الأخر رديت
عليها...
"طيب
المرادى بس..بس ألبسى جاكت فوقيه.."
دخلت بعد
عناد جابت جاكيت أسود ولبسته فوق البلوزة وبعدين نزلنا
أحنا
التلاتة..."
**************************************
مش قادرة
أبطل تفكير فى الكلام اللى كيوهيون قالهولى ولا اللى
حصل
بيننا....
كنا رايحين
فى عربية ندى بسبب الكسر اللى فى أيد شيون..كانت
شيون راكب
جنبها وأنا قاعدة فى الكنبة اللى ورا وببص
عليهم..شوفت
أيدهم المتشبكة مع بعض وإبتسامة كل واحد فيهم,فى
الوقت ده
قولت لنفسى مستحيل دول يكونوا الأتنين اللى كانوا
بيتخانقوا
دلوقتى فوق...
غيرة شيون
وعناده وكمان عناد ندى..ممكن يعمل بينهم مشاكل,لكن
بردوا حبهم
حلو أوى...
"ندى..دونغهى
اوبا هيقابلنا هناك؟!!"
ندى:"أه..هيسبقنا
هو وديما.."
هزيت راسى
بملل وبصيت من الشباك..قعدت أبص على الناس اللى
ماشية فى
الشارع,منهم المتزوجين والأم وبنتها واللى بيتواعدوا..
ابتسمت
بحزن وافتكرت اللى دار بينى وبين كيوهيون...
كيوهيون:"ريم..أنا أبقى
أيه بالنسبالك؟!!"
استغربت من سؤاله:"تقصد
أيه؟!!"
كيوهيون بإنفعال:"أقصد
إنك فى أوقات بتحسسينى إنك مهتمة بيا
وأوقات مش مهتمة...أوقات بكون
قريب منك وأوقات بعيد..أوقات
بحس إنك بتغيرى عليا وأوقات
لأ..."
رديت بخوف:"بغير
عليك؟!!"
كيوهيون:"ريم..أنتى
بتحبينى؟!!"
أول ما قال الكلمة ديه حسيت
براحة غريبة وبدأت أضحك بطريقة
هستيرية....
"هههههههههههههههههههههه...بحبك..هههههههههههههههههههههههه
,,كيوهيون أنت تبقى
صاحبى.."
حسيت بإحباطه بعد ما خلصت
كلامى وفوقت من اللى عملته..كان
بيبص قدامه ومش بيتكلم أو بيرد
بأى كلمة...
و وقتها فكرت فى...لالالالالا
مش ممكن...
سألته بحذر وخوف من
إجابته:"كيوهيون..أنت؟!!!!"
جاوب على سؤالى
بسؤال:"بحبك؟؟؟"
وبعدين دور العربية وكملنا
طريقنا من غير ما يحررلى أى
إجابة...وأول ما وصلنا تحت
البيت وقبل ما انزل...
كيوهيون:"ديييه.."
رديت
باستفهام:"أيه؟؟؟"
كيوهيون:"دييييه...أنا
بحبك.."
مكنتش
مصدقة اللى بيحصل فى الوقت ده..بعد ما كنت خايفة إنى
أخسره بسبب
غيرتى زى ما خسرت اللى قبله,دلوقتى هخسره بسبب
غبائى
واستخفافى بمشاعره...
وبقيت وأنا
قاعدة أفتكر اللى حصل قبل كدة..قبل ما أسافر على
انجلترا....
Flash back>>>
"سالى...كنتى
فين أمبارح؟؟مكنتيش بتردى على تليفونك ليه؟!!"
سالى:"مسمعتهوش..كان فى
حاجة؟!!"
"لأ عادى..كنت عايزة
أتكلم معاكى بس.."
وفى الوقت ده كان فى بنت جاية
بإتجاهنا..
"أوووووووف...البنت ديه
مش هتبطل تيجى تقف معانا؟؟أنا مش
بحبها.."
مكنتش بحب أى حد يقرب من أصحابى..كنت
بحس إنهم هياخدوهم
منى...
وفى الوقت ده سالى بصتلى
بغضب...
سالى:"ريم..كفاية بقا
الطريقة ديه,,أنا ليا أصحاب تانييين غيرك..مش
لازم تكونى انتى صحبتى
الوحيدة.."
رديت بهدوء:"بس
أنا.."
سالى:"خلاص أنا زهقت منك
ومن طريقتك ديه..وبقيت حاسة
بالضغط,عشان كدة لو سمحتى
شوفيلك صاحبة غيرى.."
وبعد ما رمت كلامها فى وشى
مشيت للبنت التانية وراحوا يتكلموا
مع بعض فى مكان تانى....
Now>>>
كنت قاعدة
بفتكر كل ده وبفكر فى علاقتى مع كيوهيون هتكون عاملة
أزاى بعد
النهاردة...
كان الهدوء
هو المسيطر على الجو..لكن من بين الهدوء ده كنت
بسمع همسات
ندى وشيون لبعض...
شوية ضحك
وشوية تعليق شيون على لبس ندى اللى من الواضح إنه
مضايقه
أوى..وأخيرا سمعت كلامهم عنى...
ندى:"البنت
ديه مش طبيعية بجد..طب أنت شوفتها قبل كدة بالهدوء
ده؟!!"
شيون:"قولتلك
متقلقيش عليها..ممكن تكون تعبانة بس شوية من
خروجة
النهاردة.."
حاولت أفوق
نفسى وأتصرف عادى بعد ما سمعت كلامهم عشان ندى
متقلقش
عليا أكتر...
"الطريق
طويل كدة ليه؟؟مش من عوايدك الهدوء فى السواقة يا
ندى.."
ندى:"ما
أنتوا مبتعجبكوش سواقتى.."
"مين
قالك كدة؟؟يلا أمشى بسرعة شوية.."
ندى:"طيب
أربطى حزامك.."
ربطت حزامى
بملل وندى زودت السرعة لأكتر من 120 كم/ساعة
كانت بتسوق
بتهور لكن الإبتسامة مفرقتش وشها..كانت فاتحة سقف
العربية
بالرغم من برودة الجو..وفى الوقت ده شيون بدأ يترجاها
عشان تهدى
سرعتها...
شيون:"ندى
حبيبتى بالراحة شوية..أنا لسة خارج من المستشفى.."
ندى:"مش
أنتوا اللى قولتوا إننا اتأخرنا؟!!"
شيون:"أنا
مقولتش حاجة...بطئى شوية كدة هتاخدى مخالفة ومش
هنوصل
خالص.."
بس فى
النهاية ندى مسمعتش كلام حد وفضلت على سرعتها لغاية ما
وصلنا
النايت كلوب اللى هنحتفل فيه..لكن كان لسة دونغهى أوبا
وديما
موصلوش....
*************************************
"حبيبتى
إحنا كدة أتأخرنا أوى..يلا بقا.."
ديما:"دونغهى..بطل
تستعجلنى,روح أنت وأنا هبقى أحصلك.."
"لأ
طبعا..هنروح مع بعض,,بس يلا أجهزى بسرعة.."
ديما:"أنا
خلصت خلاص.."
"مروة...بردوا
مش هتيجى معانا؟!!"
مروة:"معلش
دونغهى..أنا مش هقدر أجى أخرجوا وأنبسطوا أنتوا.."
ديما:"سيبها
براحتنا..يلا خلينا نخرج.."
خرجنا من
بيت ديما بعد ما غيرت هدومها وجهزت..وأخيرا كنا فى
طريقنا
للمكان اللى أتفقنا عليه....مكنتش عارف اللى بعمله أو اللى
هعمله ده
صح ولا غلط..كل اللى كنت حاسس بيه إنى دونغهى
مختلف..شخصية
مختلفة,بطريقة مختلفة,وإحساس مختلف....
بس كنت
حاسس إنى مبسوط ومش متضايق من اللى بعمله..وده اللى
خلانى
مترددش فى إنى أكمل....
ركبنا
تاكسى لغاية ما وصلنا النايت كلوب اللى هنقابل فيه ندى
وشيون
وريم...كانوا قاعدين على ترابيزة فى الكورنر..وأول ما
شيون لاحظ
إننا وصلنا شاورلنا عشان نشوفهم...
كان الصوت عالى وفى ناس بترقص والمكان كان زحمة
جدا...
.jpg)
مسكت أيد
ديما ودخلنا..سلمنا عليهم وقعدنا...
فى الوقت
ده حسيت بغرابة من الوضع ده...ندى وشيون بيحبوا
بعض,وديما
كانت بتحبنى,وكلهم عارفين عن حبى لندى..بس بردوا
كلنا كنا
بنحاول نتعامل بشكل طبيعى مع بعض...
شيون:"هتشربوا
أيه؟!!"
ندى:"أنا
عصير.."
ديما:"وأنا
كمان.."
ريم:"طبعا
أختى الحبيبة مش هتسمحلى غير بعصير بردوا.."
"أنا
هشرب فودكا.."
شيون:"أراسوو.."
وشيون شاور
للنادل عشان يطلب المشروبات..
شيون:"تلاتة
عصير..وأتنين فودكا.."
بس قبل ما
النادل يمشى ندى وقفته وقربت من شيون ومسكت
أيده,وكلمته
بهدوء...
ندى:"أوبااا..بلاش
تشرب كحول,عشان خطرى.."
ابتسملها
برضى وطلب هو كمان عصير...
كنا بنقضى
وقت لطيف مع بعض..وأنا كنت قاعد بفكر يا ترى الوقت
المناسب
هيجى أمتى عشان أنفذ خطتى!!ياترى هنجح مع ديما؟؟ولا
هتصدنى؟!!
قعدنا
وشربنا العصير...كنا بنتكلم وبنضحك,كنت حاسس إن ريم مش
متحمسة زى
عادتها بس بتحاول متبينش....
ندى:"أوبا..تشوكاهيه,أتفضل
هديتك.."
رديت
بإبتسامة:"كماوااا...مكنش فى داعى تتعبى نفسك.."
فتحت
هديتها كانت كاميرا فيديو وشكلها غالى أوى...
"بس
ديه غالية أوى يا ندى.."
ندى:"متغلاش
عليك أوبا..وبعدين أنت من دلوقتى لازم تعمل حسابك
تسجل
تدريباتك وحفلاتك^^"
"تشومال
كوماواا J
"
ريم:"وديه
هديتى.."
فتحت العلبة..كانت ساعة جيب باللون الدهبى..وكانت
حلوة أوى...
.jpg)
"كوماوا
يا ريم..حلوة أوى.."
ريم:"ألف
مبروك أوبا.."
شيون:"بيانيه..أنا
ملحقتش أجيب هدية,بس فى المقابل الإحتفال الليلة
وكمان
العشا على حسابى.."
ديما:"وأخيرا
أنا...هى مش هدية غالية,بس بتمنى إنها تعجبك.."
طلعت شنطة
صغيرة من شنطتها وأدتهالى..ولما فتحتها طلعت منها شال بيج ومشغول عليه أول حرف من إسمى "D"
فرحت جدا
بالهدية ديه..إبتسمت وقربت من ديما بتلقائية وأخدتها فى
حضنى....
"كوماوا...عجبنى
جدااا.."
كنت حاسس
بدقات قلبها وهى قريبة منى..وبعد ثوانى بعدت عنى
بهدوء...
ريم:"أنا
عايزة أرقص..شيون أوبا,قوم أرقص معايا.."
أتكلمت
بسرعة:"قبل ما نقوم نرقص..كان فى حاجة عايز أقولهالكوا
فى
الأول_بصيت لديما بإبتسامة وطلعت العلبة من جيبى ومسكت
أيدها_ديما..أنا
غلطت كتير..مكنتش حاسس بيكى وجرحتك,بس
دلوقتى
بتمنى تسامحينى..أنتى الوحيدة اللى بكون مبسوط معاها
بالطريقة
ديه..وأنتى الوحيدة اللى عايز أكمل عمرى معاها _فتحت
العلبة
وحطيتها قدمها_ تقبلى تشاركينى اللى باقى من حياتى؟!!وأنا
بوعدك إنى
مش هزعلك تانى أبدا..هعمل كل اللى أقدر عليه عشان
أسعدك.."
كنت مستنى
ردها بتوتر رهيب...كنت حاسس بقلبى هيخرج من بين
ضلوعى...
كانت
المفاجأة واضحة على وجوههم كلهم...حتى ديما...
كنت منتظر
ردها بإبتسامة على وشى..وأنا ماسك أيدها بين
أيدى..ونظرات
ديما كانت بتتحول بين الخاتم و عينى...
وبعد
لحظات..كنت حاسس بهدوء تام من حواليا,بالرغم من كل
الدوشة
اللى فى المكان إلا إنى كنت حاسس إن العالم وقف عندى أنا
وديما
وبس....
**************************************
كنت حاسة
بالتوتر من طلبه..متوقعتش أبدا إنه يطلب منى طلب زى
ده,على
الأقل مش دلوقتى...لسة إمبارح بيقولى إنه بيحبنى والنهاردة
عايز
يتجوزنى؟!!!!
لوهلة كانت
كلمة لأ على لسانى..لكن اول ما عينى أتلاقت مع عينيه
نطقتها من
غير وعى...
"بحبك.."
حسيت
بسعادته لمجرد إنى قولت الكلمة ديه...مسك أيدى ولبسنى
الخاتم
وقبل أيدى بمنتها الرقة....
ندى:"واااااااااااو...مبروووووووك,,تشوكاهيه.."
بصتلها
وعلى وشى إبتسامة مترددة بسبب صدمتى...وأتفاجأت بريم
اللى بدأت
تصفر بصوت عالى وقعدت تصقف...
شيون:"تشوكاهيه..بتمنالكوا
السعادة.."
ريم:"ودلوقتى
خلونا نرقص..يلا.."
قامت من
مكانها ومسكت أيد شيون عشان ترقص معاه بالرغم من
الجبس اللى
محاوط دراعه...
حسيت بأيد
دونغهى بتلمس أيدى..وبعدين مسكنى وقومنا إحنا كمان
نرقص...
كنت حاسة
بإحساس غريب..ياترى أنا فرحانة ولا متضايقة؟!!
بس أكيد مش
هكون متضايقة لما أكون مع الشخص اللى بحبه...يمكن
حاسة
بالتردد بسبب الحقيقة اللى مقدرش أنساها (إن دونغهى فى يوم
كان بيكن
مشاعر لندى) بس مع ذلك كنت حاسة إن كل ده ممكن
يتنسى
بسهولة..خصوصا مع كل الحب اللى دونغهى بيحسسنى بيه..
كان محاوط
خصرى بأيده وأنا محاوطة رقبته وبدأنا نرقص مع بعض
بقرب
وإنسجام...
وفى مكان
قريب مننا كان شيون بيرقص مع ريم...بصيت على
ندى,كانت
قاعدة على الترابيزة لوحدها بس على وشها علامات هدوء
وضحكة حلوة
أوى مشوفتهاش من فترة....
فى الوقت
ده حسيت براحة..كل حاجة بترجع لمكانها والحياة بدأت
تبقى أحلى
من كل اللى فات....
سيبت نفسى
أحلم معاه وأنا فى حضنه..بس بعد دقايق حسيت بتوتره
وبعد عنى
خطوة و وجه نظره على شيون...
"فى
أيه أوبا؟!!"
دونغهى:"بصى
على شيون شكله متعصب أزاى.."
بصيت على
شيون وشوفت نظراته اللى موجهة ناحية ندى...
كان فى شخص
قاعد على الترابيزة مع ندى وبيحاول يكلمها بشكل
لطيف..يمكن
بيحاول يقرب منها,وفى الوقت ده شيون ساب ريم
بسرعة وراح
لندى...قعد جنبها وحط أيده على كتفها...
وبعدها
لاحظت الشخص التانى بيبتسم بإحراج وإعتذر وقام من على
الترابيزة....
وقبل ما
أشوف أيه اللى هيحصل بعد كدة بين ندى وشيون..كان
دونغهى
شدنى فى حضنه مرة تانية ورجعنا نرقص...
دونغهى:"خليهم
يحلوا مشاكلهم مع بعض...أهم حاجة إن شيون
متهورش
وعرف يمسك أعصابه.."
كنت حاسة
بفرحة لمجرد إنى أسمعه بيتكلم بالطريقة ديه والإحساس
اللى وصلنى
بإنه مبيكنش أى مشاعر لندى...
وبعد ما
رقصنا كتير...وريم معظم الوقت كانت بترقص
لوحدها..وشيون
وندى كانت ملامح وشهم مبتتفسرش بعد اللى
حصل..قومنا
كلنا وريم وندى وشيون روحوا على بيتهم وانا
ودونغهى
فضلنا نتمشى مع بعض وإيدينا متشبكة وأحنا بنتكلم فى اللى
هيحصل من
بعد كدة...
لازم
دونغهى ياخد باله من تدريباته..وهو كان بيشجعنى على إنى
أكمل
دراستى وشغلى بإجتهاد...
***************************************
كنت عايزة
أغير جو وأخرج معاهم شوية وأحتفل مع ديما
ودونغهى...لكن
معرفتى بإن شيون وندى هيكونوا موجودين خلانى
أتنازل عن
الفكرة كلها...معنديش الجرأة إنى أقابله بعد ما عرف عن
مشاعرى
إتجاهه....
أكتفيت
بإنى أقعد فى البيت قدام كتبى...وبعد ما ذاكرت شوية قومت
عملت حاجة
خفيفة عشان أكلها وقعدت أدام التلفزيون...
كنت باكل
بهدوء وأنا بقلب فى قنوات التلفزيون بملل...وبعدين
موبايلى
رن....
"ألو...ماما.."
ماما:"مروة
حبيبتى أزيك؟!!"
"أنا
كويسة...وإنتى عاملة أيه؟!!"
ماما:"أنا
كمان كويسة...ها أيه أخبارك؟!!ديما بتعاملك كويس ولا زى
عادتها؟!!"
"متخافيش
عليا..أنا وديما علاقتنا كويسة جدا.."
ماما:"طيب
كويس...عملتى أيه فى اللى أتفقنا عليه قبل ما
تسافرى؟!!"
"تقصدى
أيه؟!!"
ماما:"أكيد
منستيش.."
"أصدك
الورق...ملقتهوش,حاولت أدور عليه بس ملقتهوش فى أى
مكان
هنا.."
ماما:"لازم
تلاقى الورق ده..الحاجات ديه مش لازم تفضل عند ديما
أكتر..فاهمة؟!!"
"حاضر..هحاول
أدور عليها مرة تانية,,ماما..أنا لازم أقفل دلوقتى,مع
السلامة.."
وقفلت بسرعة
قبل ما تطلب منى حاجات أكبر....
أنا مش
بكره أختى زى ما ماما عايزانى أعمل...ومش عايزة
أئذيها..حتى
الورق اللى ماما عايزاه مفكرتش أدور عليه من وقت ما
وصلت
هنا,,كل اللى كنت بفكر فيه "أزاى أصلح علاقتى مع أختى"
وبعد
ساعات...كانت ديما لسة موصلتش,,كنت حاسة بالنعاس وعشان
كدة مقدرتش
أستناها أكتر وطلعت نمت فى أوضتى...
*****************************************
دخلت البيت
وأنا بحاول أتجنب شيون ونظراته ليا...بس قبل ما أدخل
الأوضة ورا
ريم كان صوته موقفنى....
شيون:"ندى..أحنا
لازم نتكلم.."
بصتله
بهدوء:"نتكلم فى أيه؟!!أنت مش قولت كل اللى أنت عايزة فى
المحل؟؟"
شيون:"يعنى
أنتى مش عايزانى أتعصب ولا أتضايق لما أشوف حد
بيقرب منك
بالطريقة ديه؟!!"
"أنا
مقولتش كدة..بس انت محملنى أنا الذنب كله..مش انا اللى قولتله
تعالى أقعد
معايا لو سمحت.."
شيون:"ماهو
بسبب لبسك ده.."
"خلاص
شيون..لبسى ده قولتلك إنى مش هلبسه مرة تانية,,أنا هدخل
انام..تصبح
على خير.."
ودخلت
أوضتى وقفلت الباب...كانت ريم قاعدة على السرير وشكلها
بتفكر فى
حاجة...
بس قبل ما
أسئلها عن أى حاجة فاجأتنى بكلامها المفاجئ..مع إنى
كنت فاكرة
إنها مش حاسة إنى دخلت الأوضة أصلا...
ريم:"حاولى
تتنازلى شوية..أنتوا الأتنين عنيدين,والعند ده ممكن
يسببلكوا
مشاكل كتير مع بعض.."
"يعنى
أنتى مش شايفة؟!!"
ريم:"شايفة..وعشان
كدة بقولك حاولى تتنازلى شوية..."
وبعدين قامت
من على السرير ودخلت الحمام عشان تاخد شاور قبل
ما
تنام....
أما انا
فغيرت هدومى ورميت نفسى على السرير وأنا بفكر فى كلام
ريم...
وقبل ما
أنام ريم خرجت وطردتنى برا الأوضة بحجة إنها مش
هتعرف تنام
معايا على نفس السرير...
أخدت مخدتى
والغطا بتاعى وخرجت رميتهم على الكنبة وقعدت
جنبهم وأنا
حاسة بضيق....
وبعد دقايق
من الملل والعصبية شيون خرج من أوضته وشاورلى
بصوباعه
عشان أقرب منه...قومت بزهق من مكانى وقربت وأنا
بمشى
بتثاقل....
وفاجأة
حسيت بأيده بتشدنى ليه وقربنى منه وحضنى بقوة
غريبة...حسيت
بأنفاسه بتتخلل خصل شعرى,وبصوت أقرب
للهمس...
شيون:"بحبك
بجنون.."
حطيت أيدى
على صدره وبعدته عنى وبصتله بإستغراب....
شيون:"مقولتليش
ليه إنك كنتى بتنامى على سريرى اليومين اللى
فاتوا؟؟؟!!"
صعقت من
كلامه....عرف منين إنى كنت بنام فى أوضته؟؟؟
رديت
بتوتر:"وو أأأنت عرفت منين؟!!"
شيون:"ريحة
عطرك لسة على مخدتى.."
بصيت فى
الأرض وأنا بلعب فى صوابعى بتوتر...وبعدين حسيت
بايده
بتمسكنى ودخلنى معاه الأوضة..
"ه..هييه..أنت..أنت
بتعمل أيه؟!!"
شيون:"عايز
أخدك فى حضنى النهاردة لغاية ما أروح فى النوم.."
"هههههه...أنت
بتحلم شيون,,مش هيحصل.."
شيون:"وليه
بقا؟؟؟خلاص..هنحط حاجز بيننا,,وأصلا ريم طردتك من
الأوضة..بس
خلينى أحس بيكى جنبى.."
وافقت بعد
تردد...ونمنا مع بعض على سرير واحد بس حطيت مخدة
فاصل
بيننا....وقبل ما أروح فى النوم حسيت بأيده على
خصرى,وقبل
ما اعمل أى حركة شدنى لصدره جامد وحسيت بأنفاسه
على
بشرتى...كنت حاسة بتوتر من حركته ديه,,لكن بسبب قوة أيده
مقدرتش
اتحرك بعيد عنه...وفى النهاية أستسلمت ونمت براحة....
**************************************
كانت
الأيام بتعدى بشكل غريب...لمدة أسبوع كان كيوهيون بيعاملنى
كأن مفيش
اى حاجة حصلت...
كان أصحاب
عادى..أكيد كان فيه بعض الإختلاف فى معاملتى
معاه..لكن
هو كان بيتصرف بشكل طبيعى تماما...
لكن فى نفس
الوقت مكنش بيتصرف مع البنات اللى حواليه بشكل
طبيعى...بيقرب
من ديه,وبيضحك مع ديه,,وبيخرج مع ديه...
وأنا مع كل
مرة أشوفه فيها مع بنت كنت بتعصب وجنونى بيزيد...
وفى الفترة
ديه فكرت..يمكن أنا بحب كيوهيون...يمكن ديه مش غيرة
عادية زى
قبل كدة...يمكن أنا عايزاه يكون ليا كحبيب...
لكن بسرعة
طردت الأفكار ديه من راسى....
وفى يوم
كان واقف مع بنت لأول مرة أشوفها قبل المحاضرة...
وقبل ما
اتجه ناحيته شوفته بيقرب منها وبيبوسها بطريقة رومانسية
جدا....وفى
الوقت ده حسيت بالنار قايدة فيا وجننونى زاد....
وبعد ما
البنت مشيت قربت منه بحركات سريعة وضربته بقوة خلته
يلتفت ليا
بصدمة...
كيوهيون:"أنتى
بتعملى أيه؟!!"
كلمته
بعصبية:"أنت قولت إنك بتحبنى أنا...يعنى أنت ملكى
أنا...مفيش
بنت تانية ليها الحق تقرب منك بالطريقة ديه...."
....
...يتبع.......
ليست هناك تعليقات:
إرسال تعليق