Chapter 24
"أنت
قولت إنك بتحبنى أنا...يعنى أنت ملكى أنا...مفيش بنت تانية
ليها الحق
تقرب منك بالطريقة ديه.."
كيوهيون:"أنا
بجد مش فاهمك..يعنى أنتى بتحبينى؟!!"
رديت
بعصبية:"أنت أكتر شخص بكرهه فى حياتى...غبى.."
مشيت من
قدامه بعصبية وكنت حاسة إن مخى واقف..مش عارفة
أفكر..ومش
شايفة قدامى..كنت عايزة أمشى من المكان ده وبس...
كيوهيون:"أنتى
بتحبينى...متقوليش العكس.."
رديت بصوت
عالى من غير ما أقف أو أحاول أبصله..
"أخرص.."
حسيت بأيده
بتمسكنى بقوة و وقفنى وبصلى بإبتسامة زادت من
عصبيتى....
كيوهيون:"ودلوقتى
قوليها.."
رديت
بإستهزاء:"تشه..إنت بتدى لنفسك أهمية أكبر من
اللازم...كيوهيون
شى.."
كيوهيون:"بدام
مش بتحبينى..ليه إتعصبتى كدة لما شوفتينى مع بنت
تانية.."
كان بيحاول
يستفزنى بطريقة كلامه..وفى اللحظة ديه أفتكرت لما
شوفته مع
البنت وهم بيبوسوا بعض,,وبدون وعى كانت نظراتى على
شفايفه
وأنا بعض شفايفى بغيظ....
قربت منه
وحطيت أيدى على وشه وبعدين لمست شفايفه
بصوابعى..وبدأت
أفرك شفايفه بقوة وأنا مازلت بعض على شفايفى
بقوة...
كيوهيون:"أيييششش..أنتى
بتوجعى_مسك أيدى وشالها من على
وشه_إنتى
بتعملى أيه؟!!"
شديت أيدى
منه وحطيتها على شفايفه تانى ورجعت أمسحها جامد...
"كانت
عجباك؟؟ها؟؟عجبتك بوستها؟!!"
مسك أيدى
وبص فى عينى بجرأة...
كيوهيون:"مش
هتقدرى تمسحى أثرها بالطريقة ديه.."
وبدون تردد
قربت منه وحطيت أيدى الأتنين على وشه ولامست
شفايفه
بشفايفى..لثوانى كنت بقبله بقوة,كنت عايزة أمسح أى أثر
لبوسة
البنت ديه من على شفايفه...
لحظات
وبعدنى عنه..حسيت بأنفاسه سريعة...
كيوهيون:"أنتى
أغرب بنت شوفتها فى حياتى.."
"وأنت
غبى.."
زقيته
بأيدى الأتنين بعيد عنى ومشيت ناحية باب الجامعة..عشان
أروح
بالرغم من المحاضرات اللى عندى...
كيوهيون:"أنتى
رايحة فين؟!!"
رديت
بلامبالاة:"زهقت وهروح على البيت.."
مسك أيدى
ولفنى ليه...
كيوهيون:"أحنا
لسة عندنا محاضرات.."
"مش
هيفرق اليوم ده لو محضرتش..أنا أصلا الأسبوع اللى فات كله
مكنتش
عارفة أركز فى حاجة.."
كيوهيون:"طب
هتروحى فين دلوقتى؟!!"
"هعدى
على ندى وبعدين هنروح نستلم عربيتى الجديدة..يلا باى
باى.."
كنت همشى
لكن هو رجع وقفنى تانى....
كيوهيون:"بحبك.."
"وأنا
بكرهك.."
سبته ومشيت
وأنا بحاول اخفى ضحكتى...لكن فى الحقيقة أنا كنت
مبسوطة
أوى,مكنتش عايزة أسيبه لكن بعد اللى عملته كنت عايزة
أفكر أكتر
فى اللى المفروض أعمله من دلوقتى...كيوهيون أثر عليا
فى الأيام
اللى فاتت,وده اللى خلانى أفكر إنه شخص مهم أوى
بالنسبالى....
خرجت من
الجامعة وكنت هروح لندى الشركة عشان نروح نستلم
عربيتى
النهاردة..وأخيرا هيكون ليا عربيتى الخاصة....
***************************************
كان أسبوع
مرهق فى الشركة..بعد ما إتخطبنا أنا ودونغهى,وحاولنا
نكلم
المدير جونج عننا..لكن كان الرد الوحيد هو الرفض بسبب إننا
لسة
مبدأناش فى الجد..وكمان العقد اللى دونغهى لازم يمضيه قبل
الترسيم
بينص إنه ميكونش مرتبط...
كان أسبوع
مجهد بالنسبالنا أحنا الأتنين..لكن كان متعب أكتر بالنسبة
لدونغهى
بسبب كل محاولاته فى إقناع الشركة....
كنت قاعدة
فى البيت بجمع كل اللى أخدته فى الجامعة الفترة اللى
فاتت..أستلفت
دفاتر المحاضرات من بنت أعرفها وبدأت أذاكر بجد
إستعدادا
للإمتحانات..القهوة مكنتش بتفارقنى اليومين اللى فاتوا...
كنت قاعدة
على مكتبى لما سمعت جرس الباب..سيبت القلم على
المكتب
ونزلت أشوف مين..وأول ما فتحت الباب شوفت دونغهى
بإبتسامة..قرب
منى باسنى على خدى ودخل...قفلت الباب ودخلت
وراه
وقعدنا على الكنبة...
"أزيك؟!!"
دونغهى:"كويس..وأنتى؟!!بتهتمى
بمذاكرتك؟؟"
"اممم..متخافش،كله
تمام...هقوم أجيب عصير.."
رحت المطبخ
وعملت كوبيتين عصير ورجعت حطيتهم على
الترابيزة
ورجعت قعدت جنب دونغهى...
"شكلك
محبط من حاجة،حصل جديد؟؟"
دونغهى:"النهاردة
كلمت المدير جونج مرة تانية عشاننا.."
أتنهدت
بقوة:"وموافقش _حاولت أرسم إبتسامة على وشى عشان
ميتضايقش
زيادة_ متضايقش نفسك أكيد هنلاقى حل..المهم دلوقتى
إنك تاخد
بالك من تدريباتك.."
قرب منى
وحاوطنى بأيده..كنت ساندة بضهرى على صدره،وفى
الوقت ده
سمعت صوته...
دونغهى:"ديما...المدير
جونج وافق.."
فى الأول
مستوعبتش اللى سمعته..لكن بعد كدة حسيت
بالصدمة،بعدت
عنه بسرعة وبصتله بإستغراب...
"وافق
على أيه؟!!"
رد عليا
بإبتسامة واسعة:"وافق على خطوبتنا.."
قعدت أتنطط
على الكنبة وأنا بضحك...
"هههههههههه...بجد؟؟أنت
بتهزر صح؟!!يعنى أخيرا.."
دونغهى:"بس
هو عنده شرط...مش لازم نعلن عن إرتباطنا قبل ما
الألبوم
الأول للفرقة ينزل.."
بإبتسامة:"أصلا
أحنا كنا هنستنى لغاية التخرج..صح؟!!"
دونغهى:"صح...ودلوقتى
خلينا نخرج نتغدا برا.."
"سورى
أوبا...عندى مذاكرة كتير لازم أخلصها،خلينا نأجلها.."
دونغهى:"أنتى
مش ملاحظة إنى مبقتش أشوفك كتير الأسبوع اللى
فات؟؟أنا
كنت بشوفك أكتر من كدة قبل ما نلبس الخواتم ديه.."
"ههههههههههه...عندك
حق..بس الإمتحانات خلاص فاضل عليها
شهرين
تقريبا لازم ألحق أحضر نفسى.."
دونغهى:"أراسوو..إنتى
عندك تمرين بكرة صح؟؟هعدى عليكى
ونروح مع
بعض.."
"هستناك.."
قرب منى
وحضننى...وبعدين ودعنا بعض ومشى...
أما أنا
فرجعت تانى لمذاكرتى بس وانا فرحانة أوى من الخبر اللى
سمعته...فى
الأول كنت متوترة ومترددة فى إنى أخد خطوة بعلاقتى
مع
دونغهى...لكن الموضوع بقى أسهل بسبب معاملته ليا وإهتمامه..
كان بيحاول
يخلى الفرق اللى بينا أصغر..لغاية ما بقيت أعامله
كحبيبى بكل
معنى الكلمة...مبقتش أفكر فى اللى فات،كل اللى بقيت
أفكر فيه
هو مستقبلى معاه...
***************************************
رحت على
الجامعة بدرى وسبت ديما بتذاكر فى البيت...كنت بفكر
إزاى هتصرف
مع ماما بسبب موضوع الورق ده....
كل اللى
بتعمله ده وموافقتها إنى أجى أعيش هنا مع ديما كان بسبب
ورق ملكية
البيت اللى والد ديما كتابهولها...
كنت قاعدة
فى المحاضرة وبحاول أركز..وبعد ما المحاضرة خلصت
إتجهت
للمكتبة وقعدت أكتب ملخصات للدروس...كنت جمعت كل
اللى فاتنى
فى الفترة اللى محضرتهاش فى كوريا,وكمان بدأت أحضر
نفسى للإمتحانات....
كنت فى
الأيام اللى فاتت على إتصال مع ميرو أخت كيبوم..وعلاقتنا
بقت أحسن
كتير وبقينا أصحاب مقربين...
كنا بنتغدا
مع بعض كل يومين تقريبا..وجت زارتنى فى البيت مرتين
الأسبوع
اللى فات..وأخيرا عزمتنى على عيد ميلادها بكرة فى
البيت...
بالرغم من
طريقتها التلقائية فى التعامل مع الناس..إلا إنى إكتشفت إن
معندهاش
أصدقاء مقربين منها....
كنت قاعدة
بذاكر لوحدى وفاجأة لمحت شيون واقف قريب من المكان
اللى انا
قاعدة فيه وكان بيدور على كتاب...كنت حاسة إنه
واحشنى,بس
دلوقتى مش هعرف أتكلم معاه زى الأول...
حاولت ألم
حاجتى بسرعة وأخرج من المكتبة قبل ما يشوفنى..لكن
مع الأسف
شافنى وجيه ناحيتى...كنت متوترة وخايفة من اللى
هيقوله..ياترى
هيتعامل أزاى معايا بعد كدة؟!!!
سلمنا على
بعض وروحنا قعدنا فى الكافيتريا نشرب حاجة...
كنت قاعدة
معظم الوقت ساكتة ومستنياه يبدأ الكلام أو يقول حاجة...
وبالفعل
قطع الصمت بصوته...
شيون:"أزيك
يا مروة؟؟"
رديت:"كويسة.."
شيون:"وأيه
أخبار مذاكرتك؟!!"
"كله
تمام..وأنت عامل أيه؟!!"
شيون:"كويس.."
"وندى؟؟الفترة
اللى فاتت مشوفتهاش كتير.."
شيون:"هى
كمان كويسة..بس مشغولة بمذاكرتها الفترة ديه.."
"امممم..شيون
أنا...يعنى أصدى عشان آخر مرة,ياريت تنسى.."
كنت أقصد
بكلامى لما شوفته أنا وندى فى الشارع وهم مع
بعض..ونظراتى
فضحتنى وعرف إنى كنت بحبه فى الوقت ده..ومن
الواضخ إنه
كان فاهم أصدى...
شيون:"أنا
مفكرتش فى الموضوع..وبتمنى إننا نفضل أصحاب زى
الأول.."
ابتسمت
برضى...وبعد ما قعدنا مع بعض شوية أستئذنت منه
ومشيت...
عجبتنى شجاعته
ورغبته فى إننا نتواجه بعد اللى حصل عشان
ميكونش فى
إحراج بيننا بعد كدة,,خصوصا وإننا ممكن نتقابل فى أى
وقت بسبب
علاقتنا إحنا الأتنين بندى..وكمان لأننا فى نفس الجامعة...
خرجت من
الجامعة ومشيت شوية لغاية ما وصلت كافيه كنت متفقة
مع ميرو
نتقابل فيه...
وأول ما
دخلت سلمت عليها وطلبنا حاجة نشربها وقعدنا نتكلم...
ميرو:"هتيجى
معايا بكرة البيت زى ما اتفقنا...صح؟!!"
رديت
بإبتسامة:"أنا وعدتك.."
ميرو:"تعرفى
يا مروة؟؟أنا كل سنة بحتفل بعيد ميلادى مع أوبا
لوحدنا..ماما
وبابا عايشين فى أمريكا بسبب شغل بابا,وأنا مبحبش
أحتفل بعيد
ميلادى لكن أوبا بيصر إننا نحتفل..بس أنا مبسوطة
السنادى
لأنك هتكونى معايا.. "
"وأنا
مبسوطة أوى لأن بقى عندى صاحبة زيك.."
ميرو:"على
كدة بقا..ممكن أطلب منك طلب؟!!"
"أيه
هو؟!!"
ميرو:"بكرة
خلينا نقضى اليوم مع بعض...نعمل الغدا ونتغدا مع
بعض,وبالليل
نحتفل مع بعض.."
كنت عايزة
أخليها مبسوطة فى يوم عيد ميلادها وده اللى خلانى
أوافق...
وبعد ما
قعدنا شوية كل واحد روح على بيته...بس قبل ما أرجع على
البيت روحت
السوق وأخترت هدية لميرو....
************************************
كنت قاعدة
فى مكتبى بين ورق الشغل وكتب المذاكرة...
"شهرين..شهرين..شهرين...هلحق
أزاااااى؟؟؟"
وأنا فى
الحالة ديه الباب أتفتح وريم دخلت...
ريم:"نودى
حبيبتى...فى أيه؟؟أيه اللى جرالك؟!!"
بصتلها
ببرود:"أيه اللى جابك هنا؟!!"
قربت منى
وقعدت على طرف المكتب...
ريم:"أنتى
نسيتى ولا أيه؟؟النهاردة هروح أستلم عربيتى...يلا قومى
عشان
منتأخرش.."
"طب
ما تروحى انتى..أنا بجد..."
ريم:"متكمليش...يلا
قومى وألبسى الشوذ بتاعك وخلينا نروح.."
أتنهدت
بقلة حيلة وقومت من على مكتبى لبست الشوذ بتاعى وأخدت
شنطتى
والجاكت بتاعى وخرجنا من المكتب....
نزلنا
الجراج وقبل ما نركب العربية كان شيون لسة واصل....
شيون:"رايحين
على فين؟!!"
ريم:"هنروح
نستلم عربيتى^^"
شيون:"بجد؟؟أخيرا
النهاردة هتستلميها؟!!"
"أوبااا...ماتروح
معاها انت عشان تستلموا العربية.."
ريم:"يلا
بقاااااااا...أنتى اللى هتيجى معايا.."
شيون بصلى
بقلق:"أنتى تعبانة؟؟؟"
"يعنى
شوية إرهاق...الإمتحانات قربت,والشغل بيزيد.."
شيون:"خلاص.روحى
أنتى على البيت وانا هروح مع ريم.."
ريم:"أنتوا
قاعدين تتفقوا وأنا واقفة؟!!أصلا ندى لازم تيجى عشان هى
اللى بتمضى
العقود..خلصونا بقا.."
"صح...نسيت
خالص.."
شيون:"خلاص
سيبى عربيتك هنا وأنا هوصلكوا...على الأقل
متتعبيش
نفسك فى السواقة.."
قفلت
العربية..وركبت جنب شيون بعد ما فتحلى الباب..وريم ركبت
ورا،كانت
السعادة واضحة على وشها....
وصلنا معرض
العربيات..وخلصنا الإجراءات الأخيرة..وأخيرا ريم
بقت بتملك
عربية "مينى كوبر" باللون الأحمر....
أخدت
عربيتها وراحت تتفسح مع أصحابها زى ما قالتلنا..وأنا وشيون
رجعنا على
الشركة لأن كان فى كتابين من بتوعى هناك..أخدتهم
وروحت على
البيت,واما شيون ففضل فى الشركة بسبب شغله...
كان مصّر
إنه يوصلنى على البيت..بس بعد إلحاح منى وافق يسبنى
أروح
لوحدى...
دخلت أوضتى
ورميت شنطتى على السرير،وبعدين اتجهت للمطبخ
وعملت
فنجان قهوة...وقبل ما أدخل على أوضتى عشان أكمل مذاكرة
كان دونغهى
داخل البيت...
دونغهى:"مساء
الخير.."
رديت:"مساء
النور..أزيك أوبا؟؟وأزاى ديما؟؟شوفتها النهاردة؟!!"
دونغهى:"أنا
كويس..وديما كمان كويسة,,بس مبقتش بشوفها كتير
بسبب
الإمتحانات ديه.."
"أمممم...فعلا
متبقاش وقت كتير...ولازم تذاكر وتحضر المشروع
بتاعها.."
دونغهى:"اهااا..وانتى
عاملة أيه فى المذاكرة؟!!"
"أهوه
ماشى الحال...بحاول أجمع المنهج،لكن الشغل مش مساعد.."
حط أيده
على كتفى:"نظمى وقتك..وبلاش ترهقى نفسك أوى،فايتنج.."
"فايتنج...أنا
هدخل أذاكر شوية.."
دونغهى:"أراسوو.."
دخلت أوضتى
وفتحت الكتب وقعدت أحاول أذاكر..وبقى كل اللى أنا
بعمله لمدة
تلت ساعات إنى ببحلق فى الكتب اللى قدامى,وبشرب
القهوة
بتاعتى اللى كل ما تخلص أعمل واحدة غيرها....
رميت نفسى
على السرير بتعب...وبعد ثوانى الباب خبط،أفتكرت إنها
ريم ورديت
وأنا بتمطع....
"أدخلى.."
سمعت صوت
الباب بيتفتح وبعدين قفل تانى..سندت بأيدى على
السرير
وقومت قعدت..ولسة هتكلم لقيت شيون قاعد قدامى...
"بتعمل
أيه هنا؟!!"
شيون:"جيت
أتطمن عليكى.."
حط أيده
على راسى...
شيون:"مفيش
حرارة.."
"قولتلك
هو شوية إرهاق.."
شيون:"طيب
يلا مش هتنامى بقا؟!!"
بصتله بطرف
عينى:"هنام بس مش دلوقتى..روح أنت نام.."
قرب منى
وعلى وشه إبتسامة غريبة...
شيون:"هتعرفى
تنامى لوحدك؟؟؟على فكرة ريم..."
"شيون..إنسى،يلا
روح على أوضتك.."
شيون:"وأنا
عملت إيه بقا؟؟؟من ساعت آخر مرة وأنتى بتعاملينى
بجفاف..."
زقيته بأيدى
الأتنين عشان يقوم من جنبى...
"عشان
خلفت وعدك...يلا قوم بقااااا.."
شيون:"طيب
طيب هقوم...بس متتعوديش على كدة كتير،أنا متساهل
معاكى عشان
إمتحاناتك قربت.."
"وأنت
مش عندك إمتحانات؟؟يلا قوم بقا.."
مسك أيدى
بقوة وباسنى على خدى بسرعة وقام من جنبى...وقبل ما
يخرج بصلى
بإبتسامة...
شيون:"تصبحى
على خير.."
وبعد ما
شيون خرج رميت نفسى على السرير لتانى مرة ومحستش
بحاجة بعد
كدة....
***************************************
رجعت على
البيت متأخر بعد ما مرمطت كيو مشاوير بعربيتى
الجديدة..لكن
طبعا مكنش يقدر يعترض...
دخلت الشقة
وأنا بتسحب عشان مصحيهمش,,وبهدوء دخلت
الأوضة..كانت
ندى نايمة بشكل غريب على السرير..كل كتبها
والأوراق
والأقلام مرمية حواليها....
سيبتها زى
ما هى ودخلت الحمام عشان أخد شاور قبل ما
أنام...خرجت
بعد ما لبست بيجامتى وبدأت أشيل حاجات ندى من
على
السرير....
نمت جنبها
وكنت بدأت أروح فى النوم...بس فاجأة حسيت برعشتها..
قومت عشان
أشوف فيها أيه..لقيتها بتترعش جامد وشكلها
بردان،حطيت
أيدى على راسها لقيت حرارتها عالية أوى..مكنتش
عارفة
أتصرف أزاى،كنت خايفة أوى..وخوفى زاد أول ما سمعت
صوتها وهى
بتهلوس بكلمات غريبة....
بدأ صوتها
يعلى وكلماتها توضح..كانت بتنادى على ماما..وبتقول
متسبنيش..وصوتها
كان أقرب للعياط...
قومت بسرعة
من مكانى وخرجت برا الأوضة وإتجهت لأوضة
شيون وخبطت
عليه جامد....
"شيون
أصحى...يلا قوم.."
****************************************
صحيت على
صوت خبط الباب...فتحت الباب وأنا بفرك فى عينى
وشوفت ريم
قدامى...
"أيه
اللى حصل؟!!"
ريم:"شيون...ندى..ندى
حرارتها عالية..و..و...."
جريت على
أوضتها بسرعة وقعدت جنبها على السرير..كان وشها
لونه
أحمر..حطيت أيدى على راسها،كانت حرارتها عالية
أوى..وكانت
بتنطق بكلمات غريبة مفهمتهاش...
بصيت لريم
بسرعة:"هاتيلى بسرعة التلج وفوطة.."
جريت برا
الأوضة وانا كنت لسة قاعد جنب ندى...شوفت دموعها
بتنزل على
وشها وهى مغمضة عنيها،وقلقى زاد عليها أكتر....
بعد ثوانى
ريم رجعت بالتلج والفوطة...حطيت التلج فى الفوطة ولفتها
وحطيتها
على راسها....
شاورت لريم
عشان تيجى تقعد مكانى وتعملها كمادات باردة عشان
حرارتها
تنزل...وأنا رجعت أوضتى غيرت هدومى بسرعة ونزلت
أشتريت
خافض للحرارة....
رجعت
بسرعة...دخلت الأوضة،لقيت ريم قاعدة بتعب جنب ندى...
"حرارتها
نزلت شوية؟؟"
ريم
بخوف:"لأ...منزلتش.."
قامت وأنا
قعدت مكانها..وكملت عمل الكمادات....
بعد دقايق
بصيت لريم اللى كانت قاعدة بتعب على كرسى جنبى...
"ريم..روحى
نامى فى أوضتى،أنا هفضل جنبها..وكمان هى بدأت
تتحسن.."
قامت بعد
إصرارى عليها وراحت تنام فى أوضتى..أما أنا ففضلت
قاعد مكانى
بعمل كمادات لندى،وشربتها الدوا اللى اشتريته...
فضلت قاعد
مكانى لغاية الفجر...وأخيرا حرارتها نزلت شوية وبدأت
تفوق...فتحت
عنيها بتعب وبصتلى...
ندى:"أوباا.."
"بقيتى
كويسة؟!!"
"أوووه...كوماوا..أسفة
لأنى قلقتك عليا.."
قربت منها
وأخدتها فى حضنى كنت حاسس إن روحى
رجعتلى,فضلت
فى مكانى لما يقارب الخمس دقايق كل اللى بعمله
إنى واخدها
فى حضنى وبس.....
بعدت عنها
وبصتلها:"مترهقيش نفسك للدرجة ديه تانى..أنا كنت
هموت من
رعبى عليكى.."
ندى:"حاضر..خلاص
أنا بقيت كويس,يلا روح نام.."
خطرت على
بالى فكرة عجبتنى,بصتلها بإبتسامة وفضلت قاعد مكانى
ندى:"لسة
قاعد هنا ليه؟؟قولتلك بقيت كويسة.."
"أممم..بقيتى
كويسة,بس أختك ريم نايمة فى أوضتى..أعمل أيه
دلوقتى؟!!"
إبتسمت على
كلامى وأفتكرت إن خلاص خطتى هتنجح..بس كلامها
بوظ كل
حاجة...
ندى:"طب
خلاص..كدة مش قدامك حل غير إنك تنام على الكنبة.."
رديت
بصدمة:"بوووووووووه؟؟؟الكنبة؟؟طب وأهون عليكى؟!!"
ندى:"أه
تهون...يلا أخرج برا,عايزة أنام.."
لفت بجسمها
للناحية التانية وسابتنى قاعد مكانى..للحظة فكرت إنى
أخرج,لكن
غيرت رأيى بسرعة ورميت جسمى جنبها وحاوطت
خصرها
بأيدى...
ندى
بهدوء:"بتعمل أيه؟!!"
"أنا
نمت خلاص,فمتحاوليش تصحينى.."
سمعت صوت
ضحكتها بالرغم من صوتها الواطى..ابتسمت بسبب
إبتسامتها
وغمضت عينى,بس قبل ما أنام حسيت بحركتهاززفتحت
عينى
لقيتها لفت عشان تكون مقابلة ليا وقربت منى وحضنتنى...
ندى:"سارانيه.."
ضمتها
لصدرى بقوة ونمت وعلى وشى إبتسامة واسعة....
***************************************
صحيت فى
اليوم ده بدرى..كان واضح إن كلهم لسة نايمين...
غسلت وشى
وغيرت هدومى وشربت كوباية عصير قبل ما أنزل..
كان طريقى
هو بيت ديما..بعد ما كلمتها الصبح وأتفقنا إننا نفطر مع
بعض برا
وبعدين نروح على التدريب سوا....
كلمتها قبل
ما أوصل بدقايق عشان تجهز..وبالفعل وصلت قدام بيتها
بعد فترة
مش طويلة...شوفتها واقفة قدام البيت بتبص فى موبايلها..
إبتسمت
وإتجهت ناحيتها,بس قبل ما أوصلها وقبل ما هى
تشوفنى..شوفت
شخص كان ماشى قريب منها وبعدين وقف يتكلم
معاها..ظهرت
ملامح الغضب على وش ديما..وده خلانى أمشى
بشكل أسرع
لغاية ما بقيت قريب منهم وسمعت اللى كانوا بيقولوه...
ديما:"عايز
أيه منى لى مين؟؟"
لى
مين:"قولتلك..خلينا نروح نقعد فى مكان مع بعض.."
ديما:"بيانيه..مش
هقدر عندى معاد,وكمان مين قالك إنى هوافق أقعد
فى مكان مع
واحد زيك..مش كلكوا أشتركتوا فى لعبتكوا عشان
تحاولوا
تجرحونى؟؟ومع إنى معرفش السبب أنا عمرى ماعملت حد
فيكوا
بطريقة وحشة.."
لى
مين:"أنا..."
قربت أكتر
وقطعت كلامهم بإنى وقفت جنب ديما ومسكت أيدها...
لى
مين:"مين حضرتك؟!!"
"السؤال
ده المفروض أنا اللى أوجهه ليك.."
ديما:"أوبا,خلينا
نمشى من هنا..لى مين,بطل تضايقنى.."
بصيت للى
مين ده من فوق لتحت وبعدين أخدت ديما ومشينا...
كنت
مستنيها تقوللى هو مين وكان عايز منها أيه,لكن كان الصمت
هو الإجابة
الوحيدة...
"مين
ده؟!!"
ديما:"زميلى
فى الكلية.."
"وكان
عايز منك أيه؟!!"
ديما:"ده
موضوع طويل.."
"عايز
أعرفه.."
فى الوقت
ده وصلنا للمكان اللى كنا هنفطر فيه..كان عبارة عن مطعم
بسيط جدا
بيقدم الفطائر...
دخلنا
وقعدنا وبدأت ديما تتكلم بعد ماطلبنا الأكل...
ديما:"أنا
كان عندى أتنين صحابى سولى ولارا..كنا مقربين أوى من
بعض,لكن
لما بدأت تدريب فى الشركة وكمان برنامج الردايو
والمذاكرة
مبقتش قريبة منهم أوى ومبقناش نشوف بعض كتير..فهم
أعتبروا إن
ده غرور منى....
وفى يوم
قالولى إنهم عاملينلى مفاجأة وروحت
قابلتهم كانوا جايين
هم ومجموعة
من زمايلنا فى الكلية وأتفاجأت إنهم عارفين حاجات
خاصة عن
حياتى وبدأوا يستغلوها فى إنهم يجرحونى...
ولى مين ده
كان منهم..ودلوقتى بيقول إنه شافنى صدفة وإنه ندم على
اللى عمله
معايا ولقى إنى مستهلش منهم كل ده وكان عايز يعزمنى
فى مكان
نقعد فيه مع بعض..لأنه معجب بيا.."
كنت بسمعها
بإنصات لغاية آخر جملة نطقتها...
"معجب
بيكى؟!!"
ديما:"امممم.."
"أيييششش
لو شوفته تانى الشخص ده.."
حسيت بلمسة
أيدها على أيدى..بصتلها كانت بتبصلى بإبتسامة...
ديما:"أوبااا..متضايقش
كدة,أنا بحبك أنت مش حد تانى.."
كلامها
فرحنى وحسسنى بالراحة شوية..مسكت أيدها وبوستها...
وبعدين
قعدنا نفطر,وبعد ماخلصنا روحنا على الشركة...
طلعت لمكتب
المدير جونج فى الأول..وبعدين روحت على قاعة
التدريب
بتاعتى..كنت بتدرب بجهد كبير...كنت بفكر فى الخطوة اللى
جاية,الخطة
اللى رسمتها لمستقبلى مع ديما..ونجاحى فى شغلى...
***************************************
خرجت بعد
ديما بحوالى نص ساعة..كلمت ميرو وأخدت منها عنوان
بيتها..وقبل
ما أروحلها عديت على السوق وأشتريت الحاجات اللى
محتاجينها
للغدا....
كانت عمارة
كبيرة فى منطقة راقية..وصلت للدور اللى ساكنة فيه
وخبطت على
الباب..وبعد ثوانى كيبوم فتحلى بإبتسامة..
كيبوم:"أزيك
يا مروة؟؟أتفضلى أدخلى.."
أول ما
دخلت شوفت ميرو جاية من المطبخ...كانت شقتهم حلوة أوى
ومتناسقة
فى ألوانها اللى مخطلتة باللونين البيج والنبيتى
وفرشها
باللونين
البيج والبنى..والمطبخ مفتوح على الشقة....
قربت منى
وحضنتنى:"أنا مبسوطة لأنك جيتى.."
حضنتها أنا
كمان وابتسمت:"أنا وعدتك...ودلوقتى خلينا نبدأ فى
الطبخ
بسرعة.."
بعدنا عن
بعض وأخدت منى الأكياس واتجهنا للمطبخ...وقفنا نوزع
الأدوار
ومهام كل واحد فينا,وكان كيبوم كمان معانا وبيساعدنا...
بدأ كيبوم
يقطع الخضار..وميرو بتحضر الأطباق الجانبية,وأما أنا
فوقفت
أحضرالأطباق الرئيسية بمساعدة كيبوم...
كنت حاسة
بسعادة محستش بيها قبل كدة..الجو ده,وأخطلاتى بناس
بيهتموا
وقريبين منى بالطريقة ديه....
سرحت فى
أفكارى ديه لغاية ما أيدى أتلسعت بسبب البخار السخن...
رميت
المعلقة من أيدى بسرعة ومسكت أيدى بألم..حاولت مبينش
مدى
وجعى,لكن كيبوم لاحظ وقرب منى بقلق....
كيبوم:"أنتى
كويسة؟!!"
ابتسمت:"أهااا..مش
حاجة كبيرة.."
مسك أيدى
وبدأ يتفحصها..كنت ببص لملامح وشه القلقانة بإستغراب
وفى نفس
الوقت حسيت بإحساس غريب جوايا لقربه منى بالطريقة
ديه...
كيبوم:"خلينا
نخرج من المطبخ...ميرو,راقبى الأكل اللى على النار.."
ميرو:"أراسووو
أوبا...بتوجعك أوى يا مروة؟!!"
رديت
بإبتسامة عشان مقلقهاش:"متخافيش..مش بتوجع.."
مشيت مع
كيبوم اللى كان لسة ماسك أيدى لغاية الصالة وقعدنى على
كنبة وقام
هو جاب كيس خضار مجمد من التلاجو ورجع قعد جنبى
وبدأ يحط
الكيس المجمد مكان الحرق...
"كيبوم..أنا
كويسة.."
كيبوم:"أمسكى
ده كدة ومتشليهوش من على أيدك.."
مسكت الكيس
مكانه وهو قام دخل جوا وبعد دقيقتين رجع...
بدأ يدهنلى
أيدى بكريم للحروق وهو بينفخ مكان الوجع وبعدين لفلى
أيدى بشاش
طبى...
كيبوم:"خليكى
أنتى هنا وأنا وميرو هنخلص الباقى..أصلا مش فاضل
كتير.."
"أنا
كويسة..الحرق مش كبير.."
كيبوم:"خلاص
بدام مصرة أوى...ممكن تقطعى الخضار مكانى وأنا
هكمل
مكانك.."
كملنا عمل
الغدا وبعدين قعدنا أكلنا مع بعض...كان يوم ممتع,كنت
حاسة كأنى
وسط اهلى فعلا..ضحكنا وكلامنا براحة مع بعض...
وكمان
تقضيتنا لليوم بالكامل سوا...وبالليل حملنا الحفلة لميرو,مكنش
فى حد
غيرنا إحنا التلاتة ومع ذلك كانت ملامح الفرحة باينى على
وشها.....
**************************************
لمدة شهرين
مكنتش بشوف دونغهى بشكل كويس,أو حتى ندى...
كنا بنتصل
ببعض من وقت للتانى..عرفت إنها تعبت وشيون أهتم
بيها,ومن
وقتها وهو مش بيخليها تجهد نفسها بالشكل ده تانى...
أما ريم
فبقى عندها حبيب أخيرا..بس أكيد بتعامله بطريقة طفولية زى
عادتها...اللى
عرفته لما كلمتها إنها بتطلب منه حاجات كتير وهو
بيحاول
ينفذلها المعظم..لكن بردوا يومهم مكنش بيخلى من الخناقات..
مروة مكنتش
قريبة منها كتير الفترة اللى فاتت بسبب الدراسة
والإمتحانات
ومشروعى اللى كنت بشتغل عليه ليل نهار عشان يطلع
بصورة
كويسة...لكن كنت بلاحظ عليها معالم الراحة والإبتسامة اللى
مش بتختفى
من على وشها..وده اللى خلى إحساسى البسيط بالذنب
إتجاهها
يختفى كليا,أنا مغلطتش فى حقها لما كنت بعاملها
بجفاف..بالعكس
هى اللى غلطت فى حقى قبل كدة..لكن دلوقتى بقينا
قريبين الى
حد ما مع بعض...
وأخيرا
علاقتى بدونغهى اللى كل شوية بتبقى أحسن وأحسن..كان
بيحسسنى
بحبه وإهتمامه..وفى الفترة الأخيرة غيرته كمان....
وأخيرا بعد
إمتحانات دامت لأسبوعين خلصت وأخد حريتى من
الجامعة..ودلوقتى
هقدر أتفرغ لشغلى ومستقبلى....
رجعت على
البيت بعد الإمتحان عشان أغير هدومى قبل ما دونغهى
يوصل عشان
نخرج مع بعض...
كنت فى
طريقى لأوضتى لما سمعت صوت مروة بتتكلم فى
التليفون...
مروة:"ماما..لأ
لسة ملقتش ورق الملكية,أنا ببذل جهدى وبدور عليه
بس واضح
إنها مش شايلاه فى البيت.."
أتصدمت من
كل اللى سمعته..هى ديه اللى كانت بتقول على نفسها
أختى
وعايزة تقرب منى؟؟؟هى ديه اللى كانت بتقول إنى ظلمتها؟!!
كنت واقفة
وراها لثوانى وأنا سمعاها بتكلم مامتها وأول ماخلصت
لفتلى
واتصدمت أول ما شافتنى قدامها...
مروة:"ديما..أنا..."
ضحكت
بإستهزاء وبدأت أحرك راسى يمين وشمال مش مصدقة
الموقف...
...
..
ليست هناك تعليقات:
إرسال تعليق