Chapter 26
صحيت الساعة 10 الصبح تقريبا ورحت على بيت ديما عشان أبدأ فى تجهيز
الحاجات للحفلة...
وقفت فى المطبخ وبدأت أجهز الأكل كنت بحاول أشتغل بسرعة عشان ألحق
أخلص...وعلى الساعة 2 الباب خبط....
فتحت وكان شيون جيه بعد ما خلص إمتحانه...دخل وقفل الباب وحضنى....
شيون:"وحشتينى.."
"عملت أيه فى الإمتحان؟؟؟
بعد عنى وعمل علامة "أوك" بأيده....
"يعنى حليت كويس؟!!"
شيون:"طبعا يا حبى...مينفعش تسألى السؤال ده أصلا.."
"تصدق أنت قلقتنى بعد الكلمتين دول..على العموم مستنية أما نشوف
الدرجات،يلا أدخل ظبط القعدة فى الجنينة عبال ما أشوف الحاجات اللى على
النار.."
سيبته واقف ودخلت المطبخ...وهو بعد دقايق دخل ورايا وحضنى وانا بقطع
السلطة....
"ايه اللى جابك هنا؟!!"
شيون:"عايز أفضل كدة شوية...مبقيناش نقضى وقت كبير مع بعض.."
"امممم...عندك حق،بس دلوقتى الامتحانات خلصت وبقا فى وقت...صح؟!!"
شيون:"صح.."
باسنى على خدى جامد وبعدين سند راسه على كتفى....
"روح بقا وضب الجنينة زى ما قولتلك وخلينى أخلص اللى فى أيدى..."
شيون:"مش عايز...عايز أفضل كدة شوية.."
فضلنا واقفين شوية مع بعض..وبعدين شيون راح يظبط الجنينة وأنا وقفت
أخلص الأكل....
والساعة 5:30 تقريبا ديما ودونغهى وصلوا...وقعدنا نجهز المكان مع
بعض..والترابيزة والأطباق...وقعدنا نتكلم مع بعض شوية....
وبعد نص ساعة كمان ريم وكيوهيون وصلوا..ديما فتحت الباب وريم
وكيوهيون دخلوا...
كيوهيون:"مساء الخير.."
قومت وسلمت عليه وكمان شيون...وكان واضح إنهم يعرفوا بعض...
"أنتوا تعرفوا بعض منين؟!!"
ريم:"عيلة شيون أوبا تبقى مقربة من عيلة كيوهيون اوبا.."
"وانتى كنتى عارفة؟!!"
ريم:"امممم..بس مجتش فرصة اقولك...فين الأكل؟؟أنا جعانة؟!!"
"فاضل شوية صغيرين ويجهز...وبعدين أنا قولتلك المعاد 7..أنتى جاية بدرى
ساعة.."
كيوهيون:"قولتلها أحنا رايحين بدرى أوى قالتلى مش مهم.."
ريم:"اه..واحنا غرب؟؟؟"
ديما:"لأ طبعا مش غرب...يلا خلونا نقعد فى الجنينة شوية لغاية ما الاكل
يجهز.."
دخلوا كلهم يقعدوا فى الجنينة وأنا دخلت المطبخ أشوف الأكل أستوى ولا
لسة..وبعدين ديما دخلت المطبخ...
"صحيح فين مروة؟؟أتأخرت أوى...أنتى مقولتلهاش؟!!"
ديما:"مروة مشيت.."
وكلامها كان على داخلة ريم...
ريم:"مشيت؟!!"
ديما:"سابت البيت ومشيت...يمكن رجعت مصر.."
رديت:"ليه؟؟؟أيه اللى حصل؟!!أتخنقتوا تانى؟؟"
ديما:"سمعتها فى التليفون بتكلم مامتها..كانت جاية بس عشان عقد ملكية
البيت..مش عشانى زى ما كانت بتقول.."
"بس.."
ريم:"أنتى غلطانة يا ديما.."
بصيت أنا وديما لريم بنظرات استفهام...
ديما:"بقولك سمعتها بودنى.."
ريم:"مروة حكتلى على الموضوع ده..مامتها وافقت تخليها تيجى هنا بس
عشان الورق بتاعك،تفتكرى لو كانت مروة بتدور على الورق من ساعت
ماوصلت مكنتش هتلاقيه بسهولة؟!!"
بصيت لديما عشان أشوف ردة فعلها..وكان كل اللى عملته إنها سكتت
وبصت للأرض وهى بتفكر..وبعد ثوانى رجعت بصتلنا تانى...
ديما:"على كل حال الموضوع خلص ومروة مشيت.."
خرجت من المطبخ وسابتنى أنا وريم واقفين بنبص لبعض وبعدين ريم
خرجت وراها....
******************************************
أخيرا الأكل جهز وقعدنا كلنا ناكل...كانت ندى عاملة شرائح اللحم بالصوص
وشوربة كريمة وطبق سلطة كبير بنتشارك فيه....
كان واضح إن ديما متضايقة من حاجة،يمكن موضوع أختها برده...
قربت منها وهمست بصوت واطى...
"أنتى كويسة؟!!"
ديما:"أهااا..أنا كويسة.."
وصلنى صوت ندى وهى بتكلمنى...
ندى:"دونغهى أوبا..أمتى الحفلة بتاعتك؟؟؟عايزة أحضرها.."
دونغهى:"الأسبوع الجاى...أنا كنت جايبلكوا تذاكر بس فى البيت،هدهالكوا لما
نروح.."
ريم:"yeeeeeeeeeeees"
وبردوا ديما كانت ساكتة وبصة فى طبقها من غير ما تنطق أو تشاركنا فى
الكلام....
"بس مع الأسف الفترة اللى جاية كلها هبقى مشغول جدا_حطيت أيدى على
كتف ديما_ومش هقدر أقضى وقت طويل مع خطيبتى الحلوة.."
سمعت صوت ديما المخنوق من غير ما أشوف ملامحها...
ديما:"أيه رأيك تسيبنى أنت كمان؟!!"
حسيت بالصدمة من انى اسمع الكلام ده منها...حتى انى حاولت أكدب
ودنى...بس قبل ما أقول أى كلمة كمان رفعت وشها وشوفت الدموع فى
عنيها...
ديما:"مبتردش ليه؟!!"
"عايزانى أرد على أيه؟!!"
ديما:"ناوى تستمر فى المهزلة ديه لغاية أمتى؟؟؟"
مكنتش عارف أرد عليها أقول أيه...كنت باصصلها بعيون تايهة،حاسس إنى
مش فاهم حاجة من اللى بيحصل....
ديما:"هتقرر أمتى إننا مينفعش نكمل مع بعض؟!!!"
سمعت صوت ندى وهى بتحاول تنقذ الموقف....
ندى:"ديما..أيه اللى أنتى بتقوليه ده؟؟؟بطلى الهزار البايخ ده.."
ديما:"مش هى ديه الحقيقة؟!!"
رديت عليها:"الحقيقة إنى عايز أكون معاكى..أنتى ليه مش مصدقة ده؟!!"
ضحكت بطريقة غريبة وكملت كلامها...
ديما:"تعرف دونغهى؟!!أنت حتى مقولتليش ولا مرة إنك بتحبنى..وبالفعل لما
فكرت لقيت إنى غلطانة...أزاى وافقت إنى أرتبط بواحد قاللى إنه بيحب
صاحبتى؟!!حتى إنى مش فاكرة ايه اللى خلانى أوافق...للدرجادى حبى ليك
عمانى؟!!"
"ديما..."
ديما:"متنكرش إن البنت الوحيدة اللى قولت بلسانك أنك بتحبها كانت
ندى...مقولتش إنك بتحبنى،كل اللى قولته إنك محتاجنى.."
ندى قامت وقفت واتكلمت بعصبية:"كفاية لغاية كدة...أيه الكلام الفارغ اللى
أنتى بتقوليه ده؟!!"
ديما بعصبية:"قولت حاجة غلط؟!!"
ندى:"كل اللى بتقوليه غلط...لو فى خلافات ما بينكوا أقعدوا مع بعض
وحلوها،لكن أنا مش هقعد أسمع المهزلة ديه أكتر من كدة.."
خلصت كلامها ودخلت البيت ومن بعدها قام شيون..وريم وكيوهيون وراهم..
وقفت أدام ديما وكلمتها بهدوء...
"أيه اللى خلاكى تعملى كدة؟!!أنتى مش عارفة أنتى بالنسبالى أيه؟!!"
ديما:"عارفة...أنا صديقتك دونغهى،أحنا مينفعش نبقا أكتر من كدة..أنت بس
أرتبطت بيا عشان حسيت إنى ممكن أبعد عنك..لكن اللى عملناه ده كان
غلط،مكنش المفروض يوصل الموضوع لغاية هنا.."
كنت حاسس بانى مشوش..مش عارف أفكر...الكلام اللى بتقوله صح!!اللى
خلانى أقربها منى بالطريقة ديه إنى خوفت تبعد عنى...
رديت بتردد:"تقصدى أيه بكلامك ده؟!!"
ديما:"أوبا..أحنا علاقتنا بدأت من الصداقة ومن الأحسن إنها ترجع
للصداقة.."
********************************************
خرجت انا وكيوهيون بعد ندى وشيون وركبنا عربيته ومشينا..
كنت بفكر مكنش لازم ده يحصل،ديما بتفكر بطريقة غريبة..كأنها عايزة
تجرح نفسها....
كيوهيون:"ساكتة ليه؟!!"
"بفكر فى اللى حصل.."
كيوهيون:"أكيد هيتكلموا ويحلوا الموضوع مع بعض..متقلقيش عليها"
رديت:"أنا مش قلقانة عليها أد ما أنا قلقانة على ندى.."
كيوهيون:"وأيه دخل ندى بالموضوع؟!!"
"أكيد ليها علاقة بالموضوع..دونغهى كان بيحبها،ومروة كانت بتحب شيون
أكيد هتحمل نفسها ذنب كل اللى بيحصل...وكمان ديما بقت تتجرح كتير،هى
معملتش حاجة وحشة لحد عشان يحصل فيها ده كله،حتى علاقتها مع أختها
كان ليها وجهة نظر فى اللى بتعمله..طول حياتها كانت بتدور على الإهتمام
بس دلوقتى بعد ما لقته بقت تخسر كل حاجة.."
مسك أيدى وهو بيسوق واتكلم بإبتسامة..
كيوهيون:"كل حاجة هتبقا كويسة...وبعدين دور البنت الهادية مش لايق
عليكى،أنا عايز ريم بتاعتى.."
ضحكت على كلامه:"ههههههههههههه...طيب ريم بتاعتك جعاااااااااانة.."
كيوهيون:"وأحلى عشان عشان خاطر عيونك.."
فضلنا ماشيين وإحنا بنسمع موسيقى سريعة لغاية ماوصلنا بيت كيوهيون..
سألته بإستغراب:"أحنا بنعمل أيه هنا؟!!"
كيوهيون:"هنتعشى..يلا أنزلى ماما كانت بتحضر أكلة حلوة النهاردة.."
"بجد أنت...."
كيوهيون:"أيه؟!!"
ريم:"بخيل...مش قادر تعزمنى فى مطعم حلو؟!!"
كيوهيون:"أنا بخيل؟؟أنا كنت فاكر إن أكل ماما عجبك من المرة اللى
فاتت..بس بدام معجبكيش،خلاص خلينا نروح ناكل فى مكان تانى.."
ريم:"كسبتنى المرادى تشو كيوهيون.."
إبتسم بانتصار ودخلنا البيت....
والدة كيوهيون:"أخيرا شرفت؟!!_سكتت لما شافتنى وابتسمتلى_ريم حبيبتى
وحشتينى.."
دخلت وسلمت عليها وكيوهيون واقف ورايا وهو بيولع من الغيظ....
والدة كيوهيون:"تعالى يا حبيبتى أدخلى.."
دخلنا وقعدنا فى غرفة المعيشة وكان والد كيوهيون قاعد...
أنحنيت بابتسامة:"أنيوهاسيووو.."
والدة كيوهيون:"ديه ريم اللى حكتلك عنها.."
والد كيوهيون:"أزيك يا ريم؟!!"
"كنتشانا..كوماوا أبونيم.."
كيوهيون:"هتقعدوا تسلموا على بعض كتير؟؟أنا جعان.."
والد كيوهيون:"مبتفكرش غير فى الأكل والخروج والبنات.."
أول ما سمعت كلام والد كيوهيون كنت عايزة أمسك فى زمارة رقبة أبنه
وأقتله بأيدى الاتنين....
بصتله بتوعد...
كيوهيون:"أأأ أبااا..أيه اللى أنت بتقوله ده؟!!"
والد كيوهيون:"أيه يا فالح؟؟بتكلم غلط؟!!"
فى الوقت ده دخلت أرا أخت كيوهيون وحاولت تهدى الجو...
أرا:"أزيك يا ريم؟!!"
"أنا كويسة..أنتى عاملة أيه؟!!"
أرا:"تمام..يلا أنا خلصت تجهيز السفرة خلونا نتعشى.."
كنا قاعدين بنتعشى مع بعض فى جو عائلى حلو..بجد وحشنى الجو
ده،ومحستش إنى غريبة بينهم كنت حاسة إنى وسط عيلتى..خصوصا وأحنا
كلنا متفقين على كيوهيون وبنحاول نغيظه ونضايقه...
وبعد العشا قعدنا فى غرفة الجلوس و والدة كيوهيون حضرت الشاى
والحلويات...
والد كيوهيون:"أنا هسيبكوا شوية عشان أشوف شوية حاجات فى الشغل.."
وبعدين قام والد كيوهيون ودخل مكتبه...وفاجأة والدة كيوهيون أتكلمت...
والدة كيوهيون:"هتفرحونا بيكوا أمتى؟!!"
شرقت انا وكيوهيون وقعدنا نكح وأحنا مش عارفين نرد نقول أيه...
كيوهيون:"كح كح..أومااا،،اللى أنتى بتقوليه ده لسة بدرى عليه.."
والدة كيوهيون:"وليه بقا؟؟مش أنتوا الاتنين بتحبوا بعض؟؟وبتتواعدوا
كمان؟!!"
كيوهيون:"بـبس إحنا لسة يادوب مخلصين سنة أولى فى الجامعة.."
والدة كيوهيون:"وفيها أيه؟؟تقدروا تكملوا دراستكوا بعد ماتتجوزوا.."
كنت حاسة بإحراج فظيع من مجرد ذكر الموضوع ده..
واخيرا بعد فترة مشينا..وكيوهيون خرج معايا عشان يوصلنى بما انى مكنتش
جاية بعربيتى...
كيوهيون:"متاخديش على كلام ماما.."
رديت بإحراج:"لأ عادى_وبعدين أفتكرت اللى باباه قاله_بس تعالى
هنا..باباك كان يقصد إيه لما قال مبتفكرش غير فى البنات؟!!"
كيوهيون:"ههههههه...ده بابا كان بيهزر بس.."
رديت:"يا رااااجل؟؟؟تعرف كيوهيون لو عرفت غير كدة!!!!"
كيوهيون:"متخافيش مش هتعرفى.."
بصتله بتوعد وبعدين قررت إنى مزدش الموضوع أكتر من كدة
رجعت البيت وقبل ما أدخل الأوضة شوفت ندى وشيون واقفين مع بعض فى
البلكونة...محبتش أقطع كلامهم ودخلت على طول من غير ما يشوفونى..
*****************************************
كان الضيق واضح أوى على وشها..مقدرتش تهدى ولو شوية من الصبح...
"حبيبتى كفاية بقا..متضايقيش نفسك كدة.."
ندى:"انت مسمعتش كلامها؟؟نفسى اعرف هى بتعمل كدة ليه!!فى الاول أذت
أختها لغاية ماخلتها تسافر ومن غير حتى ماتسمعها،ودلوقتى عايزة تسيب
خطيبها.."
"حاولى تفهميها.."
ندى:"المشكلة انى فهماها..بس بردوا هى مش لازم تعمل كدة فى نفسها،لازم
تدى للى حواليها فرصة.."
أخدتها فى حضنى وحاولت أهديها شوية...وبعد شوية سمعنا صوت الباب
بيتقفل..بصينا لبرا عشان نشوف مين اللى جيه وكان دونغهى...
ندى خرجت بسرعة و وقفت قدامه...
ندى:"عملت أيه؟؟حليتوا المشكلة ديه؟!!"
دونغهى وباين على وشه الحزن:"ديما كانت أخدت قرارها بالفعل..ومش
هترجع فيه.."
ندى بإنفعال:"تقصد أيه؟؟طب وأنت؟!!هتسيبها؟!!"
دونغهى:"أنا عملت اللى عليا يا ندى..وكان واضح من الأول،أنا وديما
مينفعش نبقا أكتر من أصدقاء.."
خلص كلامه ودخل أوضته من غير ما يسمع كلمة كمان من ندى..وأما ندى
فإحباطها وزعلها زاد...وبعد ساعة دخلت أوضتها وأنا دخلت أوضتى.....
صحيت الصبح فى معاد الشغل ونزلت بعد ما عرفت من ريم إن ندى نزلت
قبلى...
وصلت على الشركة ودخلت مكتبها بس مكنتش هناك..حاولت أكلمها على
الموبايل بس كان مقفول...
مش عارف بتعمل فيا كدة ليه!!بتحب تقلقنى عليها وخلاص...
روحت على مكتبى وقعدت أشوف الشغل اللى ورايا لغاية ماترجع...
*************************************
ندى:"كفاية اللى بتعمليه ده...فوقى بقا يا ديما.."
رديت عليها:"عايزانى اعمل أيه يعنى؟!!أنى أسيبه دلوقتى أحسن من
بعدين...دلوقتى مش هتجرح أوى.."
ندى:"أنتى مصدقة اللى انتى بتقوليه؟!!"
"أه..مصدقاه ومقتنعة بيه.."
قربت منى ومسكت أيدى:"ديما...أنا مش عايزاكى تندمى بعدين،لو خسرتى
كل اللى حواليكى دلوقتى هتندمى.."
ديما:"متخافيش عليا..أنا عارفة أنا لازم أعمل أيه دلوقتى..وأهمها إنى أركز
على شغلى,,أنا أستهرت كتير بمستقبلى...وبعدين أنتى جنبى،صح؟!!"
ندى:"أكيد انا جنبك على طول.."
وبعد ماندى مشيت أنا كمان غيرت هدومى وروحت على الشركة...وأول
حاجة عملتها إنى قابلت المدير جونغ وفهمته الوضع كله..وإن أنا ودونغهى
مش هنتخطب..وكان رده إنه عرض عليا عقد شغل...
هكون فنانة ومشهورة..هحقق حلمى وهأمن مستقبلى...وكان من ضمن بنود
العقد إنى مكونش مرتبطة بأى حد،ولا إنى اعلن أرتباطى بأى شخص لمدة
خمس سنين...
ومن غير تفكير وافقت ومضيت...كنت حاسة ان العقد ده هيحمينى..هيحمى
مستقبلى وقلبى من أنه يحب تانى...
أتفقت مع المدير جونغ على كل حاجة وإن الشغل الحقيقى هيبدأ بعد
شهر..شهر بالظبط فاصل بينى وبين بداية طريق جديد....
رجعت البيت وقعدت أفكر بهدوء فى اللى لازم أعمله..لازم أنهى موضوع
دونغهى بشكل قاطع..وكمان لازم أعرف حقيقة موضوع مروة...
وأنا قاعدة بشرب القهوة بتاعتى تليفونى رن...كان رقم دولى..
رديت بهدوء:"ألوو.."
...:"أنسة ديما؟!!"
"أيوا..أنا،مين معايا؟!!"
...:"أنا محامى والدتك...يؤسفنى إنى أبلغك إن والدتك أتوفت الأسبوع اللى
فات.."
صدمت من اللى سمعته..بعد كل السنين ديه وانا معرفش حاجة عنها..دلوقتى
أعرف إنها ماتت؟؟؟
المحامى:"أنسة ديما...أنتى لسة على الخط؟!!"
رديت بتردد:"أأأ أه..سمعاك.."
المحامى:"والدة حضرتك..كانت مبلغانى إن وصيتها متفتحش إلا لما تكونى
موجودة...حضرتك تقدرى تيجى على مصر فى خلال الأسبوع ده؟!!"
"أ أنا معرفش ظروفى.."
المحامى:"ياريت حضرتك تشوفى مواعيدك وتردى عليا بسرعة..ده رقم
تليفونى بتمنى تكلمينى قريب.."
انتهت المكالمة وقعدت أفكر فى اللى سمعته...أمى أنا مش عايزة وصيتها
تتفتح الا لما أكون موجودة؟؟؟طب ليه؟!!حتى أنا مش فاكرة إسمها...
معرفش حاجة عنها...كان عمرى سنتين بس لما سابتنى،حتى كنت بفكر إنها
يمكن نسيت إن عندها بنت إسمها ديما...
فى الاخر فكرت انى مش هخسر حاجة لو حضرت فتح الوصية وعرفت أمى
ديه كانت مين...
كلمت المطار وحجزت تذكرة لرحلة بعد أسبوع على مصر...
روحت على الشركة بعد ما مشيت من عند ديما وقبل ما ادخل مكتبى
السكرتيرة وقفتنى وقالتلى إن فى بنت سألت عنى وكانت مستنيانى...
بصيت ناحية الاستقبال كان فى بنت فى سنى تقريبا قاعدة...روحت ناحيتها..
"أنيوهاسيو..أنا ندى.."
قامت وقفت وابتسمتلى:"أنيوهاسيوو أنا ميرو..صاحبة مروة.."
سلمت عليها ودخلنا نتكلم فى المكتب..وطلبت اتنين عصير...
ميرو:"أنا عارفة إن مروة ممكن متكونش كلمتك عنى..خصوصا وإننا مكنش
بقالنا فترة كبيرة نعرف بعض.."
رديت بإبتسامة:"بصراحة أه..أنا مكنتش أعرف إن مروة ليها أصدقاء هنا.."
اابتسمتلى وطلعت ظرف من شنطتها وادتهولى...
ميرو:"مروة قبل ما تسافر قالتلى أوصللك الظرف ده..أنا معرفش جواه
أيه،بس هى أديتنى عنوان الشركة وطلبت منى أجيبهولك.."
ابتسمتلها وفتحت الظرف...كانت رسالة..
(أنا عارفة إنى مشيت من غير ما أقول لحد..بس أنا مكنتش هقدر أقعد هنا
أكتر خصوصا وإنى عرفت إن مفيش أمل فى إن علاقتى بديما تتصلح..
بتمنى تفضلى جنبها على طول ياندى،أنتى الوحيدة اللى هتقدرى تسنديها..
أنا عارفة إنك ساعدتينى كتير فى الفترة اللى جيت فيها كوريا.ووقفتى جنبى..
ودلوقتى عايزة أطلب منك طلب أخير..ميرو متخرجة من معهد تمثيل،وحلمها
إنها تكون فنانة مشهورة,,أعتقد إنك الوحيدة اللى ممكن تساعديها فى حاجة
زى ديه..ميرو كانت صديقتى الوحيدة طول فترة وجودى فى
كوريا،،ساعدتنى و وقفت جنبى..وكنت بتمنى إنى أعمللها حاجة صغيرة
أساعدها بيها...)
قفلت الرسالة وبصيت لميرو بإبتسامة...
ميرو:"أنتى تعرفى رقم مروة فى مصر؟؟أو أى طريقة للوصول ليها؟!!"
رديت:"لأ معرفش لغاية دلوقتى..بس أكيد أول ما أعرف هقولك.."
ميرو:"كوماوااا.."
قعدنا أتكلمنا شوية ووأتبادلنا أرقام التليفونات..مرضتش أقولها مروة طلبت
منى أيه لغاية ما أشوف هعرف أتصرف فى الموضوع ده ولا لأ...
وبعد شوية ميرو مشيت وأنا قعدت أشوف الشغل اللى ورايا...وبعد دقايق
لقيت شيون دخل...
شيون:"كنتى فين من الصبح؟؟نزلتى بدرى وقفلتى تليفونك كمان..أنتى غاوية
تقلقينى عليكى؟!!"
"كنت عند ديما.."
قعد على الكرسى اللى قدامى:"أتكلمتوا؟؟قالتلك أيه؟!!"
"واضح إنها خلاص زى ما دونغهى قال..أخدت قرارها،بس بتمنى إنها
متندمش على القرار ده.."
شيون:"متخافيش عليها..وبعدين أنتى أكيد هتفضلى جنبها صح؟؟"
"امممم.."
شيون:"يلا فكى بقا...أيه رأيك نخرج النهاردة؟!!"
"معرفش..فى حاجات لازم أعملها.."
شيون:"أهم منى؟!!"
بصتله بإبتسامة:"اممم..ممكن.."
شيون:"أنتى قد الكلمة ديه؟!!"
ضحكت من طريقة كلامه:"ههههههههه..خلاص متضايقش،بس مروة كانت
طلبت منى طلب..واحدة صحبتها متخرجة من معهد تمثيل..وكانت عايزانى
أساعدها فى إنها تنضم لشركة ترفيه.."
شيون:"وأيه المشكلة؟؟عندك أقرب أتنين ليكوا بيشتغلوا فى شركة ترفيه.."
"بس أكيد مش هقدر أطلب حاجة زى ديه من ديما..خصوصا وإنها تخص
مروة.."
شيون:"يبقا أسئلى دونغهى.."
"صح.."
مسكت موبايلى وكلمت دونغهى واتفقت معاه اننا نتقابل على الغدا..
وعلى الغدا اتقابلنا فى مطعم وحكتله عن الموضوع كله...
دونغهى:"خلاص سيبيلى الموضوع ده..أنا هحاول أكلم المدير جونغ وهطلب
منه يديها فرصة لتجربة اداء وجلسة تصوير.."
مسكت أيده بفرح:"بجد أوبا؟؟كوماوا.."
سكتنا شوية وبعدين بدأت أتكلم...
"أنت أتكلمت مع ديما تانى؟؟"
دونغهى:"لا..بس تعرفى؟؟هى عندها حق..أنا غلطت معاها كتير،مكنش
المفروض الموضوع يوصل لهنا...ديما كانت أقرب صديقة ليا،ولما بدأت
تعاملنى ببرود وتتجاهلنى أتضايقت وحسيت إنى ممكن أخسرها وده اللى
خلانى أعمل كدة..أتمسكت بيها بحجة إنى بحبها...أنا فعلا بحبها..بس زى
أختى وصديقتى...أنا وهى بالفعل مينفعش نكون كتر من كدة..وأنا متأكد إننا
هنرجع تانى زى الأول بسرعة.."
ابتسمتله:"وأنا كمان بتمنى كدة.."
دونغهى:"أنا عندى تدريب دلوقتى..النهاردة هحاول أكلم المدير جونغ وهرد
عليكى فى البيت.."
"أوكى..كوماواا أوبا.."
بعد مادونغهى مشى انا كمان مشيت وروحت على البيت..كانت ريم قاعدة
بتتفرج على التليفزيون وهى بتاكل فشار...دخلت الأوضة وغيرت هدومى..
وقبل ما أخرج لفت نظرى علب الشيكولاتة اللى كانت بتتبعتلى كل يوم..
و وقتها أفتكرت....
*****************************************
خرجت من أوضتها بعد ما غيرت هدومها وجت قعدت جنبى وهى بتبصلى
بنظرات غريبة...
ندى:"ريموووووو...فاكرة لما قولتلك متدخليش فى اللى بينى وبين شيون؟!!"
رديت من غير ما أبصلها:"أه..ده كان قبل ما تتواعدوا.."
ندى:"ومين قالك تقوليله إنى بحب الورد الأحمر والشيكولاتة.."
شرقت وقعدت اكح..معقول قالها؟؟؟
"كح كح...مين قالك إن أنا اللى قولتله؟!!"
ندى:"أنا عرفت كل حاجة..متحاوليش تخبى.."
"ااايييششش...غبى،قولتله إنه لازم ميقولكيش حاجة..هقتلك يا شيون.."
ندى:"يعنى أنتى اللى قولتيله؟!!"
صدمت من كلامها:"أيييييييييه؟؟؟يعنى أنتى مكنتيش عارفة؟!!"
مسكت خدى جااااامد وهى بتجز على سنانها:"بس عرفت
دلوقتى..وأتأكدت.."
"آى آى آى...بتوجعييييييييييينى..وبعدين انتى المفروض تشكرينى"
ندى:"اااامممممم...أشكرك.."
سابت خدى ودخلت أوضتها وبعد ثوانى خرجت وهى شايلة كل علب
الشيكولاتة...
"لو مش عايزاها أنا فى الخدمة..ممكن تديهالى على فكرة..."
ندى:"لأ عايزاها...ملكيش دعوة بحاجتى.."
طلعتلى لسانها ودخلت بالعلب المطبخ..وأنا رجعت أتابع الفيلم ...
وبعد نص ساعة تقريبا شيون جيه من برا...
*********************************
"مساء الخير.."
ريم:"مساء النور ياخويا.."
استغربت من رد ريم،وبعدين روحت و وقفت جنب ندى فى المطبخ...
"بتعملى أيه؟!!"
ندى:"كيكة شيكولاتة بكل العلب اللى كانت بتتبعتلى قبل كدة.."
أتصنعت العصبية:"هم كانوا لسة عندك؟!!"
ندى:"عايزنى أرميهم وحبيبى هو اللى جايبهملى؟!!"
أستغربت من كلامها وبصيت لريم وبعدين رجعت بصتلها...
"حبيبك؟!!"
قربت منى ولفت أيدها حوالين رقبتى:"كنت فاكر أنى مش هعرف إن أنت
اللى بتبعتهم؟!!"
سمعنا صوت ريم:"صحيح..ناس ليها الضرب وناس.."
ندى:"بتقولى حاجة يا حبى؟!!"
ريم:"بكح يا روحى...بكح"
ندى وقفت تكمل اللى هى بتعمله وأنا دخلت أغير هدومى وبعدين خرجت
وقعدت أدامها وهى بتشتغل...
وبعد شوية وصل دونغهى...
ندى:"أزيك أوبا؟!!"
دونغهى:"كويس..قرب مننا و وقف جنبى وهو بيكلم ندى...
دونغهى:"أنا كلمت المدير جونغ..و وافق إنه يدى لميرو فرصة لتجربة
الاداء..."
ندى:"بجد أوبا؟؟تشومااال كوماوااا.."
وبعد شوية كنا كلنا قاعدين وبناكل الكيكة اللى ندى عملتها وبعد ما دونغهى
وريم خلصوا دخلوا ينامى..وأنا وندى فضلنا قاعدين شوية مع بعض...
كنا قاعدين على الكنبة وأنا حاطت أيدى على كتفها وضاممها ليا...
"عرفتى منين إن أنا اللى ببعت الشكولاتة؟؟ريم اللى قالتلك؟!!"
ندى:"توء..لاحظتها من بعد ما خرجت من المستشفى..بعد الحادثة مكنش فى
أى شيكولاتة أو ورد...فخمنت.."
"حبيبتى زكية أوى.."
ندى:"يابختك بيها.."
ضحكت من كلامها...
"أيه رأيك نخرج فى أجازة نهاية الأسبوع؟!!"
ندى:"هتودينى فين؟!!"
رديت:"مفاجأة.."
ندى:"امممم...أراسوو،بس لو المفاجأة معجبتنيش هعاقبك.."
"ولو عجبتك؟!!"
ندى:"هنفذلك أى طلب تطلبه.."
رديت بثقة:"موافق طبعا.."
أتكلمنا شوية مع بعض وبعدين كل واحد فينا دخل ينام فى أوضته....
***************************************
كنا قاعدين نفطر مع بعض أحنا الأربعة وبعد الفطار شيون راح على شغله
وأنا وندى روحنا مع بعض للشركة اللى بشتغل فيها...
وأحنا داخلين شوفنا ديما كمان داخلة الشركة...
كنت حاسس بالتوتر..ياترى هنتعامل أزاى مع بعض دلوقتى؟!!
قعدنا أحنا التلاتة فى الكافيتريا وكانت ندى بتحاول تفتح أى موضوع...
وفى الوقت ده شافت بنت داخلة من الباب...
ندى:"شوية وراجعة.."
كنت قاعد أنا وديما لوحدنا،ومكنت عارف أبدأ الكلام ولا لأ....
"أزيك؟!!"
ديما:"أنا كويسة...وأنت؟!!"
رديت:"وأنا كمان كويس_سكت شوية وبعدين أتكلمت_ديما أنا أسف لانـ..."
ديما:"مفيش داعى تعتذر دونغهى..أحنا الأتنين غلطنا،دخلنا نفسنا فى دوامة
ومكناش عارفين هنخرج منها أمتى...كويس إن الموضوع خلص دلوقتى قبل
ما كل حاجة كانت تتعقد أكتر..وبعدين إحنا هنفضل أصحاب صح؟؟"
رديت بإبتسامة:"أكيد...أيه أخبار شغلك؟!!سمعت إنك مضيتى عقد جديد!!"
ديما:"أمممم..مش هكون عارضة بس،هتعلم الرقص والغنا والتمثيل.."
"بتمنالك التوفيق.."
ديما:"وانا كمان بتمنالك التوفيق أنت وفرقتك...أنا لازم أمشى دلوقتى،عندى
تدريب..أشوفك بعدين.."
"أراسووو..أنيووو.."
حسيت شوية بالراحة إننا اتكلمنا واتناقشنا فى الموضوع ده بشكل نهائى..
وبعد ثوانى ندى جت مع بنت تانية...
ندى:"دونغهى أوبا ديه ميرو..ميرو ده دونغهى أوبا.."
أنحنينا لبعض بإبتسامة...
ميرو:"كمساميدا..بجد أنا مش عارفة أشكركوا أزى.."
رديت بإبتسامة:"أولا أحنا معملناش حاجة..وبعدين أنتى بس انجحى فى
تجربة الأداء وبعد كدة تقدرى تشكرى مروة لأن هى اللى كانت السبب.."
ابتسمت ابتسامة جميلة...
ندى:"أنا لازم أمشى دلوقتى عشان ورايا شوية شغل..أهتم بيها أوبا.."
رديت:"أكيد..أحنا هنكون أصحاب.."
ميرو:"ده شرف ليا.."
أخدت ميرو وطلعنا على مكتب المدير بعد ما ندى مشيت..كنت بفكر إنها بنت
لطيفة..وباين عليها البرائة....
*******************************************
روحت على الشركة عشان أشوف الشغل اللى ورايا..وبعد ثوانى تليفونى
رن،وكانت مكالمة من مصر...
كان عمى..أنبسطت أوى بالمكالمة ديه لأنه وحشنى جدا...كان بيعاملنى انا
وريم زى بناته بالظبط خصوصا بعد ما بابا وماما ماتوا..مكنش بيخلينا
محتاجين حاجة،وبيهتم بينا على طول...
رديت عليه..بس كل السعادة اللى كنت حاسة بيها أتغيرت بعد ما سمعت
الكلام اللى قالهولى...
..
..
........يتبع........
ليست هناك تعليقات:
إرسال تعليق