love memories
(انا رنا 26 سنه سكرتيرة فى السفارة الكوريه المصريه اللى فى مصر ...حاجة غير متوقعة ان اى حد يشتغل فى السفارة اول ما
يتخرج..بس انا كنت بجيب امتياز على طول فى كل السنوات وكان المفروض ابقى معيدة بس الدكتور بتاعى قرر انه يشغلنى فى
السفارة الكوريه المصريه لانه كان معجب باهتمامى فى الدراسه والكليه ...انا بنت وحيدة..بابا وماما ماتوا فى حادثة طيارة..كان
اصعب يوم فى حياتى <<<<<<<<<<
^^^^^^^^^^^Flash back
"باباااااا وحشتنى اوووى ...اتأخرت كدا ليه فى السفر المرة ديه؟؟"
بابا:معلش يا رونا غصب عنى يا حبيبتى الشغل بقى انتى عارفة
"طيب اتفضل يا استاذ بعد كدا مفيش تأخير تانى عن يومين مفهوم؟!!"
بابا:حاضر يا فندم
مامت رنا:ايه دة؟حمدلله على السلامه ..يلا ادخل حسبى لبابكى يا رنا يدخل يعد حتى
قفشت فى ايد بابا_"اه معلش اتفضل يا والدى"_
بابا راح اعد وانا اعدت جنبه:ميرسى يلا انا جعان وتعبااان اووووى وعايز انام
"اها اووك ماما جهزت الغدا ثوانى هحضر السفرة علشان ناكل"
(ماما دخلت تجهز الاكل وانا قمت جهزت السفرة وبابا قام غير واعدنا ناكل مش متعودين نتكلم على الاكل كتير بس انا قطعت الصمت دة)
"بابا انت هتسافر تانى امتى؟؟"
بابا:اامم كمان يومين بالظبط
ماما:هتروح على فين المرة ديه؟؟
بابا:على نيويوورك ان شاء الله ..تحبوا تيجوا معايا؟؟
ماما:اه ياريت
"لا انا مش هقدر عندى مذاكرة كتيير اووى فاضل شهرين على الامتحانات مش هقدر اسافر"
ماما:خلاص مش مشكله نسافر لما تخلصى امتحانات
"لا يا ماما سافرى انتى مع بابا انا اصلا الاسبوع دة عندى درووس كتيرة اووى احتمال معدش فى البيت اصلا وهاجى على النوم بس
وكدا انتى هتعدى لوحدك فروحى احسن مع بابا"
ماما:لا بلاش خلينى اعدة معاكى
"يا ماما علشان خطرى روحى بدل ما تعدى لوحدك روحى اتفسحى احسن وانا لو احتاجت حاجة هطلب من طنط جارتنا"
ماما:امممم ماشى
بابا:تمام اول ما نخلص فكرونى اكلم الشركه اقولهم يحجزوا كمان تذكرة
ماما:ماشى..هو انت طيارتك الساعة كام اصلا ؟؟
بابا:مش عارف لسه قبل السفر بيوم اللى هو المفروض بكرة بيتصلوا بيا يقولولى
انا:اممم تمام ....يلا انا قايمه اغسل ايدى واكمل مذاكرة (قمت كملت مذاكرة وبابا دخل ينام شويه وماما قامت تجهز شنطتها وتشوف
ايه اللى هى محتاجة علشان تنزل تجيبه بعد نص ساعة جرس الباب رن)
انا:ماما اقوم ولا هتقومى انتى؟؟
ماما:لالالا خليكى انا هفتح
انا:اووك (سمعت من بره صوت احمد.......^احمد ابن جارتنا اكبر منى بسنه كنا مع بعض من واحنا صغيرين خااالص كل حاجة
بنعملها مع بعض دايما بنتخانق لاتفه الاسباب بس منقدرش نبعد عن بعض انا بحبه من صغرى بس يمكن من التعود او لانى كنت
وحيدة وهو على طول كان معايا فحسيت انه اقرب شخص ليا ^^.....خبط عليا)
انا:لا
احمد:بت يا رنا انتى بتغيرى ولا ايه؟؟
انا:لا
احمد:طب افتحى عايزة اتكلم معاكى شويه
انا:امممم استنى افكر(راح زاقق الباب وداخل )
احمد خبطنى على راسى :بتفكرى فى ايه يا هبله انتى؟؟
رنا:هو انا قولتلك ادخل؟؟
احمد:هو انا محتاج عزومه؟؟
انا:سؤال يستحق التأمل ...ها عايز ايه ؟؟بسرعة علشان مش فاضيه
احمد:ليييه الهانم وراها ايه؟؟
انا:ياابنى انت مش شايفنى عماله اذاكر من الصبح
احمد اعد يبرطم:وياريتك بتفلحى
انا:ايه ؟؟بتقول ايه؟؟
احمد:ربنا معاكى ...قومى يلا
انا:على فين؟؟مش فاضيه..يا احمد بجد انا عايزة اذاكر كوويس علشان اجيب درجات حلوة
احمد:رائع يا فنان المشهد اللى بعده
رنا:ههههههههههههههههههههه طب هنروح فين؟؟
احمد:...موضوع كبير كبير كبير.... قومى البسى بسرعة بس علشان مش عايز اتأخر
انا:ياابنى عايز تروح فين؟؟
احمد:يا حجة انجزى يلا (وراح ماسك ايدى ومقومنى من على السرير وخرج من الاوضه)
احمد:انجزى يا رنا
انا:حاضر الله..... قول لماما الاول احنا رايحين فين عقبال ما البس
احمد:طيب بسرعة انتى بس (لبست وخرجتلو ونزلنا احنا الاتنين وانا مش عارفة احنا رايحين على فين..وقفنا عند محل لبس ونزلنا
وانا وقفت ادام المحل)
انا:هو انت منزلنى من البيت وخلتنى اغير واسيب مذاكرتى علشان تجيبلك لبس ؟؟
احمد:اه اصل انا كنت عايز اشترى هدوم وماما مش فاضيه خااالص وملقتش حد غيرك... والصراحة بثق فى زوقك
انا بصيت للسما ورفعت ايدى :اشكووو اليك
احمد مسكنى من قفاايا:يلااااااا (ودخلنا احنا الاتنين واشترينا لبس لييه كتيررر...وهو لسه بيدور فى الهدوم وانا كنت واقفه وراها
وماسكه الهدوم اللى هو اختارها)
انا:يا احمد كفايه انت اشتريت المحل كله عندى مذاكرة الله يخربيتك
احمد:اخرص انت
انا:اووووف طيييب انجز بقى ونبى عندى مذاكرة اد كدا
احمد بصلى:اد ايه؟؟
شاورتله بايدى:اد كدا
احمد:مش كتير هتلحقى هتلحقى
انا:يا احمد عندى درس بكرررررررررره بدرى وعايزة انام
احمد:طيب طيب انا مش لاقى حاجة تانيه اصلا يلا بينا
(وراح حاسب وادانى الشنط ومشى ادامى وانا ماسكه الشنط)
انا:ايه يا ابو الكباتن حد قالك انى الفليبنيه اللى مامى جابتها
احمد بصلى :اه لمؤاخذة هاتى (واخد منى الشنط ومشينا وانا ماشيه وراه لحد ما فى ولد عاكسنى وفضل ماشى ورايا )
احمد بصله:فى حاجة يا خفيف؟؟
انا روحت لاحمد وحاولت اشد ايده:خلاص يا احمد سيبك منه
الولد:ايه حضرتك عايز حاجة؟؟
احمد اتعصب وادى لرنا الشنط ووقف ادامه :خطيبتى يا عم عايز منها حاجة ؟؟
(حسيت باحساس مش طبيعى خالص كان ممكن يقول اختى متوقعتش منه انه يقول انى خطيبته)
انا مسكت ايديه واعدت اشده : خلاص يا احمد بقى مش عايزين نتخانق (واخدته ومشينا )
احمد:اتفضلى امشى جنبى علشان محدش تانى يكلمك واتخانق معاه
انا:اه حاضر (ومشيت جنبه وبعدها مسك ايدى وروحنا...وقفنا ادام باب شقتى وشقته)
احمد:يلا بقى ادخلى كملى مذاكرتك
انا:اااه حاضر...... ااااه يوووم متعب ربنا يسامحك
احمد:دة انا كنت هتبهدل بسببك.... ادخلى ادخلى
انا:طيب باى
احمد:باى (وكل واحد دخل شقته واعدت افكر فى اللى حصل وبعدين كملت مذاكرة ونمت.....وبعد يومين حان موعد سفر بابا وماما)
انا:خلوا بالكوووا من نفسكوا
ماما:المفروض انا اللى اقولك كدا مش انتى
انا:مبقتش تفرق ...يلا ببقى علشان هتتأخروا على الطيارة
بابا:طيب يلا باى يا حبيبتى متخافيش كلها يومين وهنبقى عندك خدى بالك من نفسك
ماما:رنا حبيبتى كلى كويس وذاكرى كويس وخلى بالك من دروسك
رنا:حاضر يا ماما(وبعد الاحضان والبوس والكلام دة مشيوا بابا وماما وكنت بحاول اخفى دموعى ادامهم بس بجد اول مرة ماما وبابا
يسبونى هما الاتنين بس حاولت اهدى ولهيت نفسى بالمذاكرة وبعدها جرس الباب رن)
انا:ايووون مين؟؟
احمد:افتحى يا اسمك ايه؟؟
انا:هو انت؟؟(وروحت فاتحة الباب )
احمد :صباااح الخير
انا ×_×:نحم عايز منى ايه تانى ؟؟
احمد اتغيرت ملامح وشه:ياساتر.. انا جاى اقولك ان ماما عازماكى على الغدا انهاردة
انا:ليه التعب دة؟؟
احمد:هتعملى فيها مكسوفه؟؟انا نازل المحاضرات وهاجى على الغدا قشدة
انا:طيب هستناك عندكو
احمد:طيب سلام
(وراح نازل وانا قفلت باب الشقة ورايا واعدت اخلص المذاكرة اللى ورايا...اعدت اذاكر شويه بعدين دخلت عند طنط اساعدها فى
الاكل واعدنا كلنا منتظرين احمد بيه عقبال ما يشرف جيه بعد ما الاكل اتحط بربع ساعة وكلنا اعدين حطين ادينا على خدنا ومستنين
الفرج)
احمد:السلاموو عليكم
مامته:يااا سلام مالسه بدرى كدا خليت الضيفة تستنى دة كله (احمد دخل حط الكتب فى اوضته):ضيفة ايه ؟؟؟دى حافظه شقتنا اكتر منا
"يلا بقى يا عم انا جووعت اوووى"
احمد خرج من اوضته:شفتى..دى منظر ضيفة...يلا (وبدأنا ناكل كلنا وبعد ما خلصنا اكل دخلت انا واحمد البلكونه نتأمل السماء
الصافيه ونشرب الشاى..وبعد ما خلصت الشاى)
"طيب تمام بقى انا لازم امشى علشان اكمل مذاكرة "
احمد:طيب يلا ادامى
انا:اتفضل
احمد نادى على مامته:مامااااا رنا ماشيه
مامته خرجت من المطبخ:رايحة على فين يا رنا؟؟
همشى بقى يا طنط علشان المذاكرة وكدا
مامته:لا مش هينفع تنامى لوحدك روحى هاتى كتبك وهدومك وتعالى نامى عندنا انهاردة مع دينا
انا:مش مشكله بقى يا طنط انا لو احتجت اى حاجة هاجى اقول لحضرتك على طول
مامته:لالالا مش هينفع يلا روحى هاتى كتبك وتعالى
انا:اممم حاضر
مامته:روح معاها يا احمد شيل منها الحاجة
انا:هيهيههيي يوم ليك ويوم ....
احمد بصلى باستغراب:ايه ايه؟؟؟
انا:يلا وراااايا
احمد:هضربك على فكرة
انا:متعرفش ...يلا بقى
(وخرجنا من الشقة وروحنا شقتى واخدت كل الكتب اللى هذاكر فيها وهدومى اللى هنام بيها واديتها لاحمد علشان يشيلها واحنا
خارجين وقع بالكتب اللى فى ايديه لانه مكنش شايف حاجة ادامه والكتب مغطيه عليه الرؤيه وانا وقعت عليه لانى كنت وراه على
طول ...انا وهو مكنش فى بينا مسافة خالص واحنا الاتنين بصينا فى عين بعض .....بعدين انا قمت بسرعة وقومته واخدت منه الكتب
ومشيت وانا مكسووفة جدا من اللى حصل) احمد:اهيي الكتب احطهالك فين؟؟
دنيا:هاتها فى اووضتى
احمد:حااااضر...خدام الهانم
(وراح دخل الاوضه ورنا دخلت ببقيت الكتب اللى معاها وحطوها على المكتب)
انا:ميرسى يسطى دة العشم بردو
احمد مشى وسابنى :عشم ايه بقى بلا بتنجان
انا:بتنجان على نفسك برا يا كلب
احمد رجع بضهره وبص لرنا:مين دة ؟؟
انا:مين اللى اتكلم ؟؟
(ودينا واقفه بتتفرج عليا احنا الاتنين)
دينا:عيييييييال والهى...يلا يا احمد اطلع برا علشان رنا تغير ونذاكر وننام شويه
اانا:اه يلا بيتك بيتك
احمد:مااااشى مااااشى
(وخرج من الاوضه وانا دخلت الحمام بتاعه اوضه دينا وغيرت ولبست بيجامه)
دينا:يلا انا هنام بقى
انا:طيب اروح انا اذاكر برة علشان تنامى ..تصبحى على خير
دينا:لالالا خليكى انا هحط البتاعة دى على عينى
انا:ماشى
(واعدت اذاكر شويه بعدين طفيت النور ونمت ....اعدت نص ساعة بفكر ومش عارفة انام جاتلى مسج مسكت الموبايل وفتحت المسج)
(احمد:رنا انتى نمتى؟؟)
(انا::اه نمت )
(احمد:يا سلام ....طب ايه رايك نعد فى البلكونه شويه انا مش عارف انام)
(انا:اه اووك قابلنى فى ميدان الصاله)
((((((نهايه الرسائل))))
قومت براحة علشان دينا متصحاش وملقتش ادامى حاجة البسها غير اللى الجاكيت اللى كنت جايه بيه روحت لبسه الجاكيت بسرعة وخرجت )
انا بهمس:هو فين دة كمان؟؟انا مش شايفة اى حاجة
(ومشيت لحد ما لزقت فى حاجة )
انا بهمس:اااه ايه دة؟؟
احمد:هوووص يخربيتك هتصحيهم
انا:هو انت؟؟
احمد:اه انا يلا تعالى ندخل البلكونه
(ومسكت ايديه واعد يحسس لحد ما دخلنا البلكونه ونور النور بتاع البلكونه بعدين اعدنا نتكلم فى مشاكل الحياه)
انا:انا مش فاهمه اصلا انت مش بتذاكر زيي ليه اشمعنه انا اللى كل شويه اذاكر كدا ...عشان انت فى كليه يعنى؟؟
احمد:ومين قالك انى مش بذاكر ؟؟؟دة انا هرمى نفسى من البلكونه قريب الواحد افتكر انه ارتاح بعد الثانويه العامه بس اتبهدل اكتر
انا:يحينى صووعبت عليا والهى
احمد:شوفتى ؟؟
انا:لا مشوفتش الصراحة ....انت شفت
احمد -_-:مش هرد ....اه صحيح ماما مسافرة بكرة هى ودينا وبابا
انا:اشمعنه فى حاجة حصلت ؟؟؟
احمد:جدتى تعبانه وهتروح المستشفى بكرة ولازم يروحوا معاها
انا :بجد الف سلامه... وانت مش هتروح معاهم ليه؟؟؟
احمد:عندى محاضرات وكمان علشان اعد معاكى
انا:اممم اصيل يا ابو رحاب
احمد:طبعا طبعا
انا:يلا بقى ندخل ننام احنا بقالنا ساعتين اعدين والصبح هيطلع
احمد:اه اووكى يلا
(انا دخلت الاوضه واحمد دخل اوضته ونمت ...تانى يوم الصبح صحيت بدرى مكنش حد صاحى خالص علشان عندى درس واخدت
كتبى وروحت على البيت وغيرت ونزلت ...وروحت الدرس وحضرت الحصة وخلصتها واول ما خلصت لقيت احمد بيتصل بيا)
انا:الوو
احمد:ايوه يا رنا..انتى فين؟؟
انا:انا فى الدرس ..اشمعنه؟؟؟
احمد:ااااه اصل مش لقينك فى الاوضه وكمان خبطت عليكى فى البيت عندكو ملقتكيش ..المهم عندك حاجة تانيه ولا ؟؟
انا:اه هروح اطلب اكل علشان بابا وماما جايين انهاردة
احمد:طيب تعالى وشويه وهننزل ناكل سوا ونبقى نطلب بالمرة
انا:اممم طيب يلا باى
(ومشيت وروحت على البيت ودخلت شقتى ..بعدها لقيت احمد بيرن عليا..بصيت على الموبايل واعدت ارفع حواجبى مع نظرة شر )
انا:هيهيييي احم احم (ورديت على الموبايل )
احمد:ها وصلتى ولا لسه؟؟
انا اتكلمت بهمس :الحقنى يا احمد ..فى واحد ماشى ورايا من اول ما خرجت من الدرس وانا ماشيه فى شارع مفيش حد فيه خالص
احمد:هاا؟؟طب طب ط انتى فى شارع ايه بالظبط ؟؟
انا:مش عارفة شارع غريب اوى اول مرة اشوفه
احمد زعقلى:ط طب حاولى تجرى بسرعة يا رناااا
( صوتت وقفلت الموبايل ..اول ما خلصت فطست على نفسى من الضحك وبصيت من العين السحريه اشوفه هيعمل ايه ...لقيت احمد خارج بسرعة من باب البيت قفل وراه خرجت من البلكونه وحاولت مظهرش نفسى وبصيت عليه لقيته ركب عربيه ومعرفش راح فين ...استنيت ربع ساعة وبعدين اتصلت بيه ..
احمد:رنا رنا انتى فين؟؟
انا كنت منشكحه اوووى وعايزة اضحك بس مش قادرة:انا فى البيت يا ابنى انت فين؟؟ انا جعانه اوووى
احمد بنرفزة :مين يا روح امك ؟؟
انا ببرووود:تؤ تؤ تؤ تؤ .. عيييييب عيييب
احمد:وربنا لما اجيلك
انا:وانا عملت حاجة ؟؟انجز بقى علشان جعانه
(احمد قفل فى وشى وانا اعدت اضحك واستنيته لحد ما جيه...بعد ربع ساعة لقيت الباب بيخبط ..بصيت من العين السحريه لقيت احمد
وشكله متعصب اوووى "شيت ...ربنا يستر " فتحت الباب براحة لقيته بيزقه ومسكنى من قفايا
احمد اعد يزعق فيا:يعنى انتى تكلمينى وتقوليلى ان فى واحد ماشى وراكى وتخضينى وانك متعرفيش الشارع يا ...
"هيهيهيي كنت بهزر يا رمضان ايه مبتهزرش ؟؟"
احمد:لا ازاااااى ؟بهزر طبعا دة انا هوريكى الهزار على اللى اصوله (..ودخل المطبخ وجاب العصايه بتاعت المأشه )
"يالهوووووويز..اهدى بس يا احمد "
(وروحت جاريه على الاوضه وقفلت على نفسى ..راح جاى ووقف ادام الباب)
احمد:رنا افتحى بالزووووق لحسن اكسر الباب وانتى حرة ..انتى عصبتينى بجد
"معلش يا احمد ..خلاص بقى الله هتحايل عليك "
احمد هديي خاالص :هه طيب وراح سايب العصايه من ايده "اطلعى اطلعى متخافيش طمنينى عليكى بس انتى كويسه ؟؟
طلعت من الاوضه وعدلت هدومى "اه الحمدلله تمام ..كان مجرد هزار مش اكتر"
(لقيت احمد راح ماسكنى من قفايا )
احمد:تعاليلى بقى
..
"وربنا كنت حاسه ...عاااااااا يا احمد خلاص لو قربت منى هلم عليك الناس وانتى عارفنى مجنونه"
احمد:اووولع فيكى ولا اعمل ايه؟؟
"خلاص بقى يا احمد ونبى المسامح كريم "
احمد:دة انتى ودتينى القسم يا زفته
"هههههههههه بجد والهى ...بتخاف عليا للدرجاتى "
(وبصتله بعيون البوبى) احمد:يعنى اقتلك وادخل النار ولا اعمل ايييييه؟؟ "ما خلاص بقى... دة انت اووفر اوى"
احمد نبرته هديت شويه:اوووف (وراح اعد على الكرسى وساب العصايه)
"طيب انا هدخل البس بقى علشان هموووت من الجوووع "
احمد:يخربييييييييييتك بوظتى اعصابى
"معلش بقى يا توووتى ..يلا انا داخله البس"
(ودخلت اوضتى)
احمد:توتى؟؟انت بتدلعى ابن اختك ؟؟
انا من الاوضه:هيهيهيييي عثل عثل
(بعد شويه خرجت من الاوضه ووقفت ادام احمد )
"يلااااا بيناااا"
احمد بصلى باستغراب :دة ايه دة؟؟ "ايه؟؟فى حاجة ؟؟
"حلووو"
احمد::ابتسم: اووى...
(بصلى بنظرة جد) قصدى انتى هتخرجى بدة كدا ازاى ؟؟
"عادى يلا بقى علشان جعانه اووى وكمان علشان نلحق نجيب الاكل"
احمد:طيب اتفضلى ..هو عمو وطنط هيجوا امتى؟؟
"الطيارة هتوصل مصر الساعة 6...هما بقالهم حوالى ساعة فى الطياره "
(خرجنا من الشقة ...ومشينا)
احمد:هى الطياره بتعد 5 ساعات
"اه ..تقريبا"
(احمد وقف تاكسى وركبنا احنا التنين وروحنا على المطعم ونزلنا من التاكسى وخدنى انكاجيه ودخلنا المطعم واعدنا احنا الاتنين وطلبنا
الاكل وانا طلبت الاكل اللى هناخده دليفرى واعدنا ناكل )
" ها احكيلى بقى روحت القسم عملت اي؟؟"
احمد ×_×:ااه متفكرنيش ..روحت قدمت بلاغ والظابط كتب المحضر وكان لسه هيطلب من العساكر ان هما يجيبوا المشبوه بيهم
..اتصلتى انتى ..وكان هيدخلنى السجن اصلا
" o.o "هاا ينهار ابيض؟؟ وبعدين؟؟
احمد :ولا حاجة حضرتك ..الظابط قطع المحضر وقالى امشى يابنى وخلى ماما تغطيك كويس
"ههههههههههههههههه مسخرة"
احمد:ليا حق اولع فيكى ولا لا؟؟
"لا الصراحة ليك..بس كان مقلب حلو صح؟؟"
احمد:الصراحة مقلب يجيب الضغط بس جامد..انتى صحيح كنتى فين وانتى بتكلمينى؟؟
"هيهييي كنت فى شقتى "
احمد:ياا.... "معلش معلش"
(وانا باكل بصيت على التليفزيون لقيت مكتوب حاجة صدمتنى)
:.:.:.:عاجل:سقوط طائرة ووفاه كل من عليها :.:.:.: "لوسمحت ممكن تعلى التليفزيون بسرعة " العامل:اه حاضر احمد:فى ايه؟؟وبص
وراه على التليفزيون (وسمعت الخبر وكان كالصاعقة ..وفجئة اغمى عليا..............اول ما فتحت عينى لقيتنى فى المستشفى واحمد
اعد جنبى على الكرسى..وكان ماسك ايدى)
احمد:رنا..انتى كووويسه؟؟
مردتش عليه وبصيت الناحيه
...مكنتش قادرة اعيط كان قلبى بيوجعنى لدرجة الموت بس مش عارفة اعيط ..اعدت يوم كامل واحمد مسبنيش كان اعد جنبى على
طول بليل..مكنتش عارفة انام حتى لما عنيا بدأت تقفل كنت بحلم بكوابيس واقوم فجئة ...بصيت ناحيه احمد لقيته حاطط راسه على
ايدى ونايم ..شديت ايدى براحة وقومت وقفت ادام الشباك واعدت اعيط براحة وبعدها اعدت على الارض وانهرت من العياط لقيت
احمد حط ايده على كتفى من ورا وقومنى ووقف ادامى
بصلى بنظرة حزن:معلش يا رنا البقاء لله..تعالى ارتاحى شويه على السرير ونامى انا هفضل جنبك ومش هسيبك
(هزيت راسى بالموافقه ونمت على السرير اعد جنبى على السرير ونمت فى حضنه ...اليوم اللى بعده صحيت ملقتش احمد جنبى
...فضلت نايمه فى السرير بفتكر بابا وماما و.....اول مرة احس انى بقيت فى الدنيا لوحدى بجد .اعدت اعيط كل لما افتكر بابا وماما
...بعد شويه الباب اتفتح روحت ماسحة دموعى بسرعة)
احمد بحزن:امم يلا بقى علشان هنروح البيت
"طيب"
(قومت ومشيت مع احمد ووصلنا البيت ودخلنى الشقة وفضل اعد معايا شويه وبعدين قومنى علشان انام شويه وارتاح وفضل اعد
جنبى وعنيا غمضت وانا ماسكه ايده والدمعة على خدى....بعد عدة ساعات فتحت عينى لقيت طنط مامت احمد ودينا اعدين جنبى هما
واحمد اتعدلت وابتسمت ليهم ابتسامه مصطنعة ....وطنط مسكت ايدى وخدتنى فى حضنها اول ما اترميت فى حضنها اعدت اعييط
جااااامد ومقدرتش ابطل وهى اعدت تطبط عليا ..اعدت حوالى عشر دقائق بعدين مفتكرتش حاجة بعدها ....فتحت عينى لقيتنى فى
المستشفى تانى ولقيت طنط واحمد ودينا جريووا عليا)
احمد:رنا ..حمدلله على السلامه
مامت احمد:انتى كويسه يا رنا؟؟
هزيت راسى مكنتش قادرة اتكلم ..الدكتور دخل علينا الدكتور بصلى
وابتسم:هااا نقول حمدلله على السلامه؟؟
دينا:اه فاقت الحمدلله يا دكتور
الدكتور :طيب ممكن يا مدام تيجى معايا ثوانى
مامت احمد:اه حاضر (وخرجوا هما الاتنين من الاوضه)
انا:هو فيه ايه؟؟ايه اللى حصل؟
دينا:ولا حاجة ..كنتى تعبانه شويه فجبناكى هنا بس
احمد:متخافيش محصلش حاجة
انا:اممم
(وبصيت الناحيه التانيه ..فات شهر واتبقى اسبوع على امتحاناتى وبقيت احاول اشغل نفسى بالدراسه وبس رغم انى بحاول انسى وفاه
بابا وماما بس مش قادرة ...والامتحانات جت وامتحنت والحمدلله جبت تقدير اقدر ادخل بيه كليه سياسه واقتصاد ...فى الفترة اللى فاتت
كلها كنت اعدة فى بيت جدتى لحد ما بيتنا يتباع علشان مش قادرة اعد فيه ...فى اولالاجازة وانا اعدة بتفرج على التليفزيون افتكرت
قبل سفر ماما وهى بتقولى خلى بالك من نفسك اكيد كانت حاسه ان فيه حاجة هتحصل ورجعت تانى للواقع لما موبايلى رن مسحت
دوعى و..رديت)
احمد:ايه يا حجة؟؟بقالى ساعة بتصل قلقتينى
"اه ازيك يا احمد؟؟...معلش كنت نايمه شويه "
احمد:الحمدلله ...ليكى وحشه والهى
"وانتوا كمان"
احمد:عملتى ايه فى النتيجة؟؟
"الحمدلله ..هدخل سياسه واقتصاد"
احمد:شطووووووورة اخيرااااا
"وطنط وعمو ودينا عاملين ايه؟؟
احمد:كوويسين ..بقولك ايه فى موضوعين عايزة اقولك عليهم..ايه رأيك نتقابل انهاردة؟؟
"بس انا مش هقدر اقابل حد انا تعبانه شويه ومش قادرة اخرج"
احمد:طيب بسرعة كدا...انهاردة بليل تعالى شقتك والبسى طقم شيك عندى ليكى مفاجاءة
"ايه هى ؟؟ "
احمد:مفاجئة يا حجة ..يلا باااى متنسيش
"أووك باى"
(واعدت افكر فى اليوم دة يا ترى احمد عايزانى فى الشقة وعايزانى البس شيك ليه وعاملى مفاجئة ..ابتسمت..هيطلب ايدى..هههه لالا
انا لسه صغيرة اممم ممكن خطوبه بس اه اقوم بقى اجهز اللبس الساعة ..بعد شويه لبست واخدت المفاتيح ونزلت وروحت شقتى
واعدت فيها لحد ما احمد ما يجي ودخلت جهزت العصير ...بعد شويه لقيت الباب بيخبط وقفت ادام المرايا وعدلت الميك اب بسرعة
وبعدين فتحت الباب..مع ابتسامه )
احمد:يا هلا يا هلا
"ازيك يا احمد؟؟اتفضل"
احمد:ثووانى ...رضوووى
"مين؟؟ "
احمد:استنى بس
رضوى :هاااى ..انتى رنا ؟؟ ازيك ؟؟
"اه اه الحمدلله"
احمد:طيب عدينى بقى علشان ندخل
(ومسك ايديها ودخلوا هما الاتنين واعدوا على الكنبه اللى جنب الباب على طول ...كنت مستغربه اووى مين دى ؟؟يا ترى اللى بفكر
فيه؟؟دخلت وقفلت باب الشقة واعدت على الكرسى ادامهم وانا مبتسمه )
احمد:احب اعرفك يا ستى رضوى خطيبتى
"مين؟؟×_×"
احمد:ايه اتخضيتى كدا ليه ؟؟
"لا ابدا مفيش حاجة انا هقوم اعملوا حاجة تشربوها "
احمد:ياريت بسرعة
(قومت ودخلت المطبخ وصبيت العصير وفضلت واقفه ادامه سمعت احمد بينادى عليا ) انا :حاضر .._مسحت دموعى بسرعة واخدت
نفس_............هووف
(وخرجتلهم وقدمتلهم العصير)
احمد:المفاجئة التانيه بقى احنا هنشترى الشقة ديه منك ياستى
(انا قلبى اتكسر تماماا فى اللحظه ديه)
"بجد؟؟طب كويس ..ط طب قوموا افرجكوا على الشقة"
احمد:اه ياريت
(ومسك ايديها وقاموا سوا )
"ديه اوضتى"
رضوى:واوو زوقك حلو اووى
""ميرسى ..تعالوا اوريكوا بقيت الشقة"
":ديه اوضه بابا وماما الله يرحمهم "
احمد_ بص فى الارض_:الله يرحمهم
"وديه اوضه الصالون "
رضوى:زوقكوا حلوو اووى
"ميرسى انتى اجمل"
...(وروحنا على الصاله)
وطبعا ديه الصاله
رضوى:لا بجد الشقة تووووحفة اووى
"ميرسى"
رضوى:خلاص تمام انا موافقه على الشقة ديه يا بيبى
احمد:اووك يا رنا تحبى تبيعيها امتى؟؟
ضحكت ضحكه سخريه وبصتلو"يا احمد انت اهبل احنا طول عمرنا اخوات ابيعهالك ازاى ده انت لو عايزاها تاخدها من غير حاجة"
احمد:ياااسلام طول عمرك واطيه ..اخلصى امتى؟؟
"اى وقت مش فارقة انا كدا كدا اعدة عند جدتى"
احمد:طيب احنا فرحنا كمان شهرين ..احنا مجهزين كمان كل حاجة يدوبك هنرتب الشقة وندهنها بس
_ قمت وقفت_"اممم طيب ما علينا ..براحتكو..خد المفتاح اهوه وانا هروح بقى علشان جدتى لوحدها "
احمد:طيب ما تستنى تعدى معايا شويه عايزة اكلم معاكى بقالنا كتير مأعدناش مع بعض
"معلش مش هينفع المرادى ..يلا عايزين حاجة" رضوى_مدت ايديها و سلمت عليا _:لا يا روونى يا حبيبتى مع السلامه
"اووكى باى ..خد يا احمد المفاتيح اهيه يوم ما تجيب الاجهزة بتاعتك قولى علشان اجى اخد العفش بتاعى ..يلا باى"
احمد:اها اووكى باى
(مشيت وانا ماشيه فى الشارع عنيا دمعت لوحدها...وفضلت ماشيه لحد ما سمعت عربيه بتفرمل ادامى وسمعت راجل بيزعق بصيت
للعربيه كانت قريبه منى اووى وهتخبطنى اعتزرت وعديت الشارع وروحت ..وانا فى البيت احمد رن عليا كذا مرة بس كل لما امسك
الموبايل واحاول ارد افتكر اللى حصل انهاردة واروح راميه الموبايل ....حاولت انسى الموضوع بقدر ما قدرت ومبقاش فى اتصال
بينى وبين احمد تمامااا بس احمد كان بيتصل بيا وبعدين بطل يتصل وفى يوم بعد ما رجعت من الجامعة طلبت بيتزا ..بعد ما روحت
بشويه .. جرس الباب رن روحت فتحت بسرعة واخدت الفلوس من محفظتى عشان اديها للراجل ...اول ما فتحت لقيت احمد فى وشى )
"ايه دة ؟؟احمد ..ازيك؟؟"
احمد:تمام الحمدلله ..ايه يا هانم مش هتدخلينى ؟؟
"اه سورى ..اتفضل "
(دخل احمد واعد فى الصالون حاولت اعدل وشى علشان ميحسش ان فى حاجة ..ودخلت وراه واعدت على الكرسى اللى ادامه وانا
مبتسمه) احمد:يعنى لازم اجيلك لحد عندك عشان تعبرينى
"معلش كنت مشغووله اووى الفترة اللى فاتت كان عندى كذا مشروع ومكنتش برد على حد "
احمد:جيتلك كذا مرة هنا بس ملقيتش حد
"اكيد كنت فى الجامعة ...ثوانى اعملك حاجة تشربها"
احمد:لا مش لازم انا لازم امشى عندى مشوااير كتير لسه ..امسكى ياستى دعوه فرحى اهيه ..اياكى متجيش
"لالا اكيد هاجى ان شاء الله "
احمد:تمام ..يلا باى بقى ..
_وقام وقف وكان لسه هيمشى رجع وبصلى _
صحيح الفلوس بتاعت الشقة هبعتهالك بكرة الصبح مع دينا
"اممم اووك "
(وقومت وراه لحد ما مشى ووقفت على الباب وعنيا دمعت جامد حسيت ان القهر بجد مسيطر عليا ...اعدت شويه لحد ما الجرس رن
قومت غسلت وشى بسرعة وفتحت الباب واخدت البيتزا من الدليفرى واعدت ادام التليفزيون اكل ...تقريبا كنت باكل بدون مبالاة
...وعنيا كل شويه تتدمع وامسحها وبعدها قومت غسلت وشى ودخلت اكمل مذاكرتى ..كل شويه عنينى تدمع روحت قافله الكتاب
وقومت عشان انام )
..................يوووم الفرح...................
(دينا اتصلت بيا الصبح قبل ما اروح الجامعة)
دينا:رووونا ازيك وحشاااانى ؟؟
"وانتى كمان يا بنتى فينك ؟؟"
دينا:هنا..بقولك انهاردة هعدى عليكى عشان نروح الفرح سوا
"لا ..انا احتمال ماجيش اصلا ..لسه مجبتش فستان ولا عملت اى حاجة ..وانا تعبانه اصلا ..معلش بقى .اعتزرى لاحمد وقوليلوا
مبرووك"
دينا:لالالالالا على مين ..بصى انا هعدى عليكى دلوقتى ننزل نجيب فستان سريعاااا كدا ونطلع على الكوافير نظبط نفسنا ونتغدى
نروح سوا ..يلا ربع ساعة واكون عندك..باى
(وقفلت فى وشى من غير ما انطق ولا كلمه ...قومت لبست لانى عارفة انها مش هتسبنى فى حالى ..لبست هدومى ولسه هعد لقيت
الجرس بيرن اخدت شنطتى وفتحت الباب وسلمنا على بعض ونزلنا سوا..روحنا على محل فساتين ..عجبنى كذا فستان بس كنت
بحترق من جوايا ..حاولت اطنش وجبت الفستان اللى عجبنى بعد ساعة ونص
...وروحنا اكلنا ..خلصنا اكل واعدنا شويه نشرب البيبسى )
دينا:بس انتى وحشتينى اوووى يا رنا بجد ..بقالنا اد ايه متقبلناااش ..اممم من ساعة ما جيتلك وادتلك فلوس شقه احمد
"اه ..تقريبا ..وانتى كمان وحشانى واللهى ..بس بردو مكنتش عايزة اروح عندى حاجات كتيرةة فى المذاكرة لسه معملتهاش "
دينا:والمصحف ما عايزة اتعصب ..يلا يلا قومى عشان نلحق نروح الكوافير
"اوكيه ..يلا "
(قومنا روحنا للكوافير وظبطنا شعرنا وحطينا ميك اب ..وبعدين الساعة جت 8 )
دينا:يلا بقى ...عشان منتأخرش
"اوكيه ..يلا بينا "
(ركبنا تاكسى احنا الاتنين وروحنا الفندق فضلنا اعدين لحد ما احمد ورضوى دخلوا القاعة قمنا ...كانوا زى القمر الصراحة مع بعض
..اول ما شوفتهم ما قدرتش امسك نفسى وعنيا دمعت روحت بسرعة على التواليت ومسحت دموعى وحاولت امسك نفسى وخرجت
روحت الفرح اعدت نص ساعة بعدين سلمت على احمد ورضوى)
"مبروووك...معلش بقى انا لازم امشى علشان متأخرش..مبروك يا احمد"
احمد:لا طبعا مش هتمشى انتى هتقضى معانا الفرح كله ..انتى اخر واحدة هتروحى اصلا
"معلش يا احمد مش هينفع..انا جيت بس عشان متزعلش ..يلا باى "
(ومشيت وسبته)
(وانا ماشيه لقيت حد زى صوت احمد بينادى عليا)
"انت ايه اللى خرجك..حد يخرج من فرحه كدا؟؟"
احمد:انتى هتمشى ليه؟؟فى حاجة حصلت
"لا مفيش بس عايزة اروح ...تعبانه شويه "
احمد:يا بنتى طب اعدى حتى لما نفتح البوفيه انا عارفك بتحبى الاكل ..دة انا وصيتهم على كل الاكل اللى انتى بتحبيه
"هه..معلش بقى مش هقدر بالهنا والشفا ..ومبروووك "
احمد:طب هشوفك بكرة
"اشمعنا؟؟"
احمد:هتيجى تباركيلنا فى البيت وبالمرة تشوفى الشقة بعد ما رضوى فرشتها بقت تووحفة
"امم اووك هحاول "
احمد:لا عليا الطلاق لا انتى جايه
"انت هتطلق من قبل ما تتجوز..خلاص ماشى بكرة بليل ان شاء الله ..يلا باى "
احمد:باى
(وطلع احمد ..وانا اخدت تاكسى وروحت وكل شويه ادمع وانا فى التاكسى وافتكر شكله بالبدله وهو واقف جبنها ..لحد ما وصلت
ونزلت من التاكسى وطلعت البيت ونمت مكنتش قادرة اتحرك طول النهار تعبانه ..تانى يوم روحت الكليه وخلصت البحث اللى بعملو
..روحت اتغديت بعدين نزلت روحت لاحمد بخطوات مترددة )
احمد فتح باب الشقة:رووونا ازيك ؟؟
اتفضلى "ميرسى "
(ودخلت الشقة واعدت على الكرسى واحمد اعد على الكنبه ادامى)
احمد:ايه رايك فى استايل الشقة ؟؟
"امم جميل اووى ..مبرووك "
(وكنت برد بطريقة ساذجة اووى وضحكه مصطنعة... احمد استغرب منى فى الموقف دة ..بعدها خرجت رضوى وجت سلمت عليا
واعدت جنب احمد وكانوا ماسكين ايد بعض اول ما شفوتوهم نزلت راسى لتحت لحد ما سمعت صوت احمد )
احمد:بقولك ايه يا روودى يا حبيبتى ما تروحى تنادى لماما وقوليلها تعملنا حاجة نشربها عشان عايزة اكلم رنا فى موضوع
رضوى:اه حاضر يا حبيبى ..بعد اذنكو
(وقامت خرجت من الشقة وقفلت الباب وراها ..كنت مستغربه احمد عايز يكلم معايا فى ايه عشان يخرجها ونعد لوحدنا ...صوت احمد
قطع تفكيرى)
احمد:هييه عامله ايه ياستى ؟؟
"تمام الحمدلله ..وانت ؟؟"
احمد:كويس الحمدلله..بقولك ايه بقى ؟؟ فى واحد صاحبى معجب بيكى وعايز يتقدملك
"نعم؟؟؟ "
(بصيت لاحمد باستغراب وابتديت ازعق ..معقوله وصل للدرجة دى بيقدملى اصحابو )
احمد: بتزعقى ليه؟؟ متخافيش اصلا هو محترم ..ما انا مش هسيب اى حد يتجوزك يا رونا
"مش موافقة "
احمد:ليه يا بنتى ؟؟هو انتى لسه شوف.....
"احمد...خلاص قولت مش موافقة يعنى مش موافقة "
_اخدت شنطتى وقومت .._ "انا لازم امشى باى "
(احمد زعق ..وشكله كان مستغرب من رد فعلى عليه)
احمد:استنى هنا يا رنا
(وقفت اول ما سمعت صوته والدموع كانت اتجمعت فى عينى ..جيه من ورايا وشد ايدى وبصلى )
احمد:مالك؟؟
" مفيش يا احمد ..انا عايزة امشى "
احمد:رنا انتى بتحبينى ؟؟
"ه ه انت ت ازاى تقول الكلام دة ؟؟لاطبعا"
احمد:انا مش بهزر ..من ساعة ما عرفتى انى مخطوب مبقتيش تعبرينى ..ومرضتيش تحضرى فرحى امبارح ..وانهاردة مضايقة
عشان بقولك على صحبى ...جاوبينى بصراحة يا رنا ..انت بتحبينى؟؟
(كنت واقفة مش عارفة ارد عليه حاولت انى امنع دموعى عشان مبينش حاجة ليه )
"أ أ ازاى يا احمد احبك ؟؟انت مجنون ..انت اخويا "
احمد:رنا انا مش بهزر ..انا متأكد انك بتحبينى ..انا حاولت اقول على صاحبى عشان تنسينى وتفكرى فى مستقبلك
"وانت فاكر كدا انك هتكسب فى انك تأمنلى مستقبلى بالطريقة دى "
احمد:طب اسمعينى بس .....
احمد ...انا ماشيه باى "
(وسيبت ايده ومشيت وقبل ما افتح باب الشقة بصتله تانى بسذاجه والدموع بدأت تنزل من عينى )
"اه صحيح... مبروووك "
(وفتحت الباب لقيت رضوى وطنط بيفتحوا الباب وابتسمولى بصيت لرضوى بغيظ وسبتهم ونزلت ...سمعت صوتهم وانا نازله)
طنط:رنا ...رناااا
رضوى:مالها دى ؟؟
طنط:مش عارفة تعالى نشوف ايه اللى حصل
(نزلت الشارع وركبت تاكسى وروحت ....ومن ساعتها لا برد على احمد ولا على دينا ولما حد فيهم بيجي بقفل النور ومش بفتح
وادخل انام ....لحد ما الباب خبط بصيت من العين السحريه لقيت واحدة واقفة غريبه )
::::::::::::::::::::::::::::::::::::::::::::::::::::::::::::::::::::::يتبع::::::::::::::::::::::::::::::::::::::::::::::::::::::::::::
ليست هناك تعليقات:
إرسال تعليق