Chapter 27
عمى:"فى
موضوع لازم تعرفيه..أصحاب الأسهم فى شركتنا عايزين يبيعوا
أسهمهم..وفى
شخص قال أنه هيشتريها كلها بضعف التمن،وبعد ما سألت عن
الموضوع
عرفت مين الشخص ده.."
سمعت إسمه
ومن بعدها حسيت إنى مش قادرة أنطق بكلمة..لغاية ماقدرت
أستوعب
اللى بسمعه....
رديت
بسرعة:"أحنا لازم نشترى الأسهم ديه قبل ما يخدها..مش لازم يحصل
على حاجة
من الشركة ديه.."
عمى:"كنت
هقولك كدة..وأنا بالفعل حاولت أتصرف،لكن معنديش سيولة
كفاية..المبلغ
كبير وهو هيشترى السهم بضعف التمن زى ماقولتلك.."
"خلاص
انا هشوف هعرف أعمل أيه وهكلم حضرتك.."
قفلت السكة
وخرجت للسكرتيرة بسرعة...
"أتصلى
بأفرع البنك الدولى فى فرنسا وإنجلترا ومصر وحوليلى المكالمات
حالا.."
دخلت مكتبى
وكلمت البنوك عشان أعرف الفلوس فى حساباتى وحساب ريم
قد أيه...
وفى
النهاية لقيت إن أنا كمان معنديش سيولة كفاية للمبلغ ده كله..وكان أخر
حل أفكر
فيه كان السيد تشوى...
سيبت اللى
فى أيدى وخرجت بسرعة من مكتبى واتجهت لمكتب السيد
تشوى..خبطت
ودخلت...
السيد
تشوى:"ندى شى؟؟خير؟!!"
حاولت أخفى
توترى وخوفى اللى أنا حاسة بيه وأتكلمت بثقة...
"كان
فى موضوع مهم عايزة أكلم حضرتك فيه.."
السيد
تشوى:"أتفضلى أقعدى.."
قعدت وبدأت
أتكلم:"فى بعض شركاءنا عايزين يبيعوا أسهمهم..وأنا فكرت لو
شركتكوا
تحب تكون شريك معانا بنصيب أكبر.."
السيد
تشوى:"بالتأكيد ديه فرصة كبيرة..لكن أيه السبب فى أنهم يكونوا
عايزين
يبيعوا أسهمهم؟!!"
رديت:"فى
الحقيقة أنا معرفش السبب الحقيقى،خصوصا وإن مفيش أى
خساير
والشغل ماشى مظبوط...لكن فى حاجة عايزة أوضحها لحضرتك،تمن
الأسهم
هيكون عالى.."
طبعا السيد
تشوى أستغرب من الموضوع..وأنا مكنش عندى أسباب
مقنعة..خصوصا
وإنى مش عايزة أقوله على كل مخاوفى والشخص اللى
هيشترى
الأسهم لأنه هيشوف إن الموضوع شخصى وملهوش أى علاقة
بالشغل من
ناحيتى،كل اللى كنت بتمناه أنه يوافق يشترى ولو جزء من
الأسهم
اللى هتتباع...
السيد
تشوى:"بصراحة ندى شى..الموضوع أكبر من سلطاتى..لازم رئاسة
مجلش
الشركة يتخذ القرار وخصوصا إن المبلغ مش قليل.."
حاولت
أتصنع الهدوء:"أكيد مفهوم..لكن الوقت بيمر.."
السيد
تشوى:"أنا هطلب دلوقتى إنه يتعمل إجتماع لمجلس الإدارة...أنا عارف
إن
المواضيع اللى زى ديه كل دقيقة فيها بفلوس.."
قومت من
مكانى:"أراسوو..كمساميدا.."
خرجت من مكتب
السيد تشوى وروحت على مكتبى تانى وقعدت أفكر لو فى
أى حلول
تانية ممكن أعملها...
*****************************************
شوفت ندى
خارجة بسرعة من مكتبها ومتوجهة لمكتب بابا..أستغربت
الموضوع،كنت
بفكر ياترى أيه اللى حصل؟!!
استنيت فى
مكتبى شوية وبعد حوالى نص ساعة روحتلها المكتب...
خبطت
ودخلت..كان شكلها متوتر...
"ندى.."
ندى:"أوووه...شيون،أنت
بتعمل أيه هنا؟!""
رديت:"شوفتك
من شوية رايحة لمكتب بابا بسرعة..وشكلك متوتر،مالك؟؟أيه
اللى
حصل؟!!"
حسيت
بتوترها وترددها فى إنها ترد على سؤالى..بس بعد ثوانى بصتلى
بنظرة
حزينة...
ندى:"أنا
عندى مشكلة...مشكلة كبيرة.."
قعدت
أدامها:"أيه اللى حصل؟؟أحكيلى.."
ندى:"المشكلة
إن فاجأة مجموعة من أصحاب الأسهم فى شركتنا قرروا يبيعوا
أسهمهم...واللى
هيشترى كل الأسهم شخص إسمه شريف.."
"طب
وأيه المشكلة فى كدة؟!!"
ندى:"المشكلة
إن الشخص ده كان من أكبر أعداء بابا...أنا فاكرة كويس إنه
كان دايما
بيعمل مشاكل وكان عايز يكون شريك رئيسى فى شركتنا وبابا
مكنش
بيوافق..وبعد مشاكل كبيرة الشخص د كان السبب فيها وبوقت قصير
جدا حصلت
الحادثة اللى مات فيها ماما وبابا.."
اتصدمت من
اللى هى قالته...كانت بتتكلم والدموع بدأت تتجمع فى عنيها..
"بس
ممكن الحادثة ديه متكونش من تدبيره..يعنى.."
ندى:"تقرير
الشرطة كان بيقول ان الحادثة متدبرة..حتى لو مكنش هو السبب
أنا مش
لازم أخلى الشخص ده يحصل على حاجة من شركة بابا.."
نزلت أول
دمعة من عينيها مع أخر كلمة نطقتها...
قومت من
مكانى وحضنتها وحاولت أخليها تهدى...
"خلاص
متعيطيش..كل حاجة هتبقى كويسة،أنا جنبك متخافيش.."
بدأت تعيط
أكتر:"أنا حاسة إنى عاجزة..مش عارفة أعمل حاجة،هيشترى
الأسهم
بضعف التمن وأنا معنديش سيولة تغطى المبلغ.."
ضمتها
لحضنى أكتر:"خلاص كفاية عياط...هنتصرف.."
فى الوقت
ده الباب خبط...بعدت عن ندى وهى بدأت تمسح دموعها...
ندى:"أدخل.."
السكرتيرة:"ندى
شى..شيون شى..السيد تشوى قاللى أبلغكوا إن فى إجتماع
لمجلس
الإدارة دلوقتى.."
رديت:"أراسووو...إحنا
جايين دلوقتى.."
خرجت
السكرتيرة وأنا بصيت لندى كانت بتحاول تهدى وتوقف دموعها...
ندى:"أنا
قولت لسيد تشوى إن فى مجموعة من شركاءنا هيبيعوا أسهمهم بس
مقولتلهوش
على حاجة من اللى قولتهالك..."
ابتسمتلها:"كويس.."
قومنا أحنا
الأتنين وروحنا على غرفة الإجتماعات....
السيد
تشوى:"ندى شى..بفضل إنك تبدأى الكلام.."
ندى قامت
من مكانها وانحنت وبدأت تتكلم بهدوء وثقة على عكس ما كانت
من دقايق
قليلة...
ندى:"الموضوع
ببساطة..إن فى مجموعة من أسهم شركتنا معروضة
للبيع..وأنا
كنت عايزة أطرح عليكوا الموضوع،لو بتفضلوا إن الشراكة بيننا
تكون بنسبة
أكبر،لكن فى نقطة واحدة اللى عليها الخلاف..وهى إن السعر
هيكون
الضعف.."
المدير
سونجو:"الضعف؟!!بس ده مبلغ كبير..وكمان ممكن يأثر على شركتنا
بشكل خاص.."
ندى:"أنا
عارفة إن المبلغ كبير..لكن مع شركة فى مثل مستوى شركتنا أأكد
لحضرتك إن
الأرباح هتكون مرضية ومش هيكون فى أى خسارة
بالنسبالكوا.."
الكل كان
متردد بشأن الموضوع..كنت عايز أتصرف بأى شكل،بس كنت
حاسس إن
مفيش حاجة فى أيدى عشان أعملها.."
كانت
الثوانى بتمر ومفيش رد واضح..شوفت يونا بتقرب من باباها وبتهمس
فى ودنه
بكلمات مش مسموعة وبعدين الرئيس سونجو أتكلم...
الرئيس
سونجو:"خلونا نأجل الإجتماع نص ساعة..."
قام من
مكانه وخرج ومن وراه خرجت يونا..حسيت بخيبة الأمل اللى باينة
على وش
ندى...
خرجت بعد
ما بابا خرج وروحتله مكتبه...
"بابا..أنا
عايز يكون ليا نصيب فى شركة ندى.."
السيد
تشوى:"شيون...حاول متخلطش بين حياتك العملية والشخصية.."
رديت
بسرعة:"الموضوع مش شخصى..ندى عندها حق،الأرباح هتكون
كبيرة,,خصوصا
بالنسبة لشركة فى نفس المستوى ده.."
السيد
تشوى:"بس المبلغ كبير شيون..أزاى عايزنى أجيب مبلغ زى ده؟!!"
رديت
بسرعة:"أحنا مش هنشترى الأسهم اللى هتتباع كلها...جزء بس.."
رد بعد
تفكير:"طيب خلينا نشوف فى الأول الرئيس سونجو هيعمل أيه.."
كنت حاسس
بالقلق من ذكر الرئيس سونجو..تدخل يونا ممكن ميكونش فى
صالحى أو
صالح ندى...
**********************************************
الرئيس
سونجو:"عايزة أيه يا يونا؟!!ليه كنتى عايزانى أأجل الأجتماع.."
رديت
بسرعة:"بابا...أنا عايزة أشترى الأسهم ديه.."
رد عليا
بصدمة:"بووووه؟؟؟ليه؟!!إنتى أكتر شخص بتكرهيه بيكون ندى.."
"وهو
ده السبب...عايزة يكون ليا نصيب فى شركتها عشان كدة،أنا لازم
أكون أحسن
منها فى كل حاجة..عايزة يكون ليا كلمة فى الشركة بتاعتها.."
الرئيس
سونجو:"بس اللى أنتى عايزاه ده ممكن يعمل أضرار
لشركتنا...المبلغ
كبير،والأسباب مش مقنعة.."
حاولت
أتدلع على بابا عشان يوافق على طلبى...
"بابااااا..أنت
دايما بتقول إن أنا اهم حاجة بالنسبالك.."
الرئيس
سونجو:"أكيد أنتى الأهم بس..."
"مفيش
بس...ده هيخلينى مبسوطة،وكمان هيساعدنى إنى أكسب شيون
لصفى.."
خرجت من
مكتب بابا بعد ما أخدت الموافقة..نسبتى فى شركتها مش هتتعدى
ال3% لكن
ده كان شئ مرضى بالنسبالى...
روحت على
مكتبى وعملت تليفون لشخص أعرفه...
"يوباسيووو...ديييه،،نا
يونا......عايزاك تراقب شخص واللى أنت عايزه
هتاخده......إسمه
تشوى شيون.."
********************************************
كنت فى
غرفة التدريب مع باقى الفرقة بنتدرب...وفى وقت إستراحة الغدا
تليفونى
رن...كانت ميرو،أخدت رقم تليفونها قبل ما تدخل الإختبار وإتفقنا
إنها
تكلمنى بعد ماتخلص...بجد طلعت بنت لطيفة جدا وتلقائية بشكل غير
طبيعى مع
الناس...
رديت:"يوباسيوو.."
ميرو:"أوووه
دونغهى..أنا خلصت.."
رديت:"طب
أنتى فين دلوقتى؟!!"
ميرو:"أنا
عند الباب تحت.."
"طب
أستنى متمشيش أنا جايلك دلوقتى.."
خلصت
المكالمة...
"شباب...شوية
وراجع.."
خرجت من
أوضة التدريب ونزلت لميرو...كانت راسمة على وشها إبتسامة
حلوة بتدل
على التفاؤل...
"ها؟؟أيه
الأخبار؟!!"
ميرو:"خلصت
الإختبار وقالولى هيبقوا يتصلوا بيا.."
حاولت
أشجعها:"متقلقيش أكيد هيقبلوكى.."
رديت
بإبتسامة:"أمممم...هشوف أيه اللى هيجرا،كوماوا دونغهى..بجد أنت
ساعدتنى
كتير..مش عارفة أشكرك أزاى!!"
"أبقى
أشكرينى بعزومة على الغدا بعد ما تتقبلى.."
ميرو:"أكيييييد...أنا
همشى بقا عشان معتطلكش.."
رديت:"أراسووو..أبقى
أتصلى بيا لو عزتى أى حاجة.."
ميرو:"أراسوو..أنيووو.."
مشيت وأنا
كمان كنت راجع لغرفة التدريب...وأنا فى طريقى شوفت ديما
بتدرب
بجدية...وقفت أبصلها شوية،كنت بفتكر أزى كنت دايم معجب بجديتها
واجتهادها
فى شغلها....
بس دلوقتى
كنت حاسس إنها بتخبى كل وجعها وأفكارها وحزنها ورا
الاجتهاد
ده....
إبتسمت
ورجعت على غرفة التدريب...كنت حاسس بالزعل عليها،بجد أنا
جرحتها
كتير..فى الوقت ده مكنتش فاهم نفسى،أنا بفكر أزاى أو بتصرف
أزاى....
فوقنى من
أفكارى صوت أيونهيوك بينبهنى إننا هنبدأ التدريب تانى...
قعدنا
نتدرب لساعات...وأخيرا خلصنا...
غيرت هدومى
وقبل ما أمشى تليفونى رن...كانت ريم،أستغربت من مكالمتها
مش من
عادتها تكلمنى...
"يوباسيووو..أيوا
يا ريم.."
ريم:"أوبااا..أنا
فين؟!!"
"أنا
لسة مخلص تدريب دلوقتى.."
ريم:"طب
أيه رأيك نتعشى مع بعض النهاردة برا؟!!"
استغربت من
طلبها:"نتعشا برا؟!!"
ريم:"امممم...موافق؟!!"
"أراسووو..."
عرفت منها
إسم المطعم وروحت وأنا مش متطمن...
****************************************
"ماشى
كيوهيون..إما وريتك.."
وأنا واقفة
ماسكة موبايلى وبفكر فى خطوتى الجاية لقيت حد فاجأة بيخبط
على
كتفى...
لفيت
بفزع:"أووووووووف منك...خضتنى.."
كيوهيون:"كنتى
بتعملى أيه؟!!"
"ها؟؟ولا
حاجة.."
كيوهيون:"طب
يلا مش هنرجع البيت بقا؟؟الدنيا بدأت تليل.."
رديت
بخبث:"لا روح أنت...أنا ورايا مشوار.."
كيوهيون:"مشوار
أيه؟!!"
"مشوار
كدة...يلا باى باى.."
سيبته واقف
وأنا مشيت بسرعة وركبت عربيتى...كنت عايزة اعرف
هيتصرف
أزاى!!هيحس بالغيرة؟؟هيبقا قلقان عليا؟!!
روحت
المطعم اللى اتفقت مع دونغهى أوبا نتقابل فيه....
شوفته أول
مادخلت...شاورتله وروحت قعدت معاه..
"أوبااا
أزيك؟؟"
دونغهى:"كويس...أيه
حكاية العشا المفاجئ ده؟!!"
"مفيش..بس
كلمت ندى قالتى إنها هتتأخر ومكنتش عايزة أتعشى لوحدى..يلا
تحب تاكل
أيه؟؟"
كنت قاعدة
وموجهة نظرى ناحية الباب..بينما دونغهى أوبا قاعد وضهره
موجه
للباب...
الأكل وصل
وأول مابدأنا أكل لمحت كيوهيون بيدخل المطعم...كنت متأكدة
إنه هيعرف
مكانى خصوصا وإنى قولت إسم المطعم كزا مرة النهاردة وأحنا
قاعدين مع
كانغ مين ويورى..
ابتسمت
بخبث لأن خطتى بتنجح....
قربت من
دونغهى أوبا وأنا بضحك وعملت نفسى مش واخدة بالى من
كيوهيون...قربت
أيدى من دونغهى ومسحت جنب شفايفه
كانت
الصدمة باينة على وش دونغهى من أفعالى...قد أيه صعب عليا فى
الوقت
ده..بس يلا لكل شئ تمن..وأعتقد إن التمن المرادى هيكون دونغهى...
كيوهيون
قرب علينا بعصبية وخصوصا وإنه مكنش شايف دونغهى....
وقف قدامنا
بعصبية:"أنتى بتعملى أيه هنا؟!!"
رديت كأنى
مستغربة وجوده:"أيه ده؟؟؟أوبا؟؟أنت اللى بتعمل أيه هنا؟!!"
سكت أول ما
شاف دونغهى...
دونغهى:"أوووه...كيوهيون،أقعد
أتعشا معانا.."
سحب الكرسى وقعد معانا....
كيوهيون:"هو
ده المشوار اللى قولتى عليه؟!!"
"أممم...دونغهى
أوباا عزمنى النهاردة على العشا.."
دونغهى
بصلى باستغراب:"بس أنتى اللى..."
دوست على
رجله جامد قبل ما ينطق بكلمة...
دونغهى:"أأأأأأأه..أه
فعلا أنا اللى عزمتها.."
قعدنا ناكل
فى جو متوتر بسبب نظرات كيوهيون لغاية ماخلصنا عشا
وقومنا...
بصيت
لدونغهى:"يلا أوبا عشان نروح؟!!"
دونغهى:"أوك..يلا.."
ركبنا أحنا
الاتنين عربيتى بعد ما سلمنا على كيوهيون ومشينا...كنت متعصبة
نوعا ما...
دونغهى:"كنتى
بتعملى كل ده ليه؟!!"
رديت
بعصبية:"عشان غبي.."
دونغهى:"أتخانقتوا؟!!"
"أنا
مش عارفة أعمللها أيه..مش بيغير عليا ولو شوية صغيرين"
دونغهى:"ههههههههههه...خلاص
متضايقيش نفسك،وبعدين أنتى مكنتيش
شايفة هو
عامل أزاى لما كنا مع بعض؟!!"
حاولت أقنع
نفسى بعد كلام دونغهى أوبا وهديت شوية لغاية مارجعنا البيت...
*******************************************
كنت قاعدة
فى البيت بقلب فى الورق اللى فى أيدى وأنا مش عارفة أيه اللى
ممكن
أعمله....
شيون:"ندى
حبيبتى أدخلى نامى شوية..أنتى تعبتى كتير النهاردة.."
رديت وأنا
بصة فى الورق اللى فى أيدى:"مش جايلى نوم.."
شد منى
الورق وبص فى عينى...
شيون:"قولت
كفاية...بلاش التوتر ده أكيد هنلاقى حل.."
رديت بعصبية:"5%
بس...باقى 10% مين هيرضى يشترى الكم ده
وبضعف
التمن؟؟؟المشكلة إن معييش سيولة كفاية إلا ل6% بس.."
قرب منى
وأخدنى فى حضنه...
شيون:"خلاص
أهدى..مفيش حاجة وحشة هتحصل،أوعدك.."
اتمسكت بيه
أكتر..فى الوقت ده باب الشقة اتفتح ودخلت ريم ومن وراها
دونغهى...
ريم:"يا
سلام يا سلام...أهوه ده اللى أنا كنت عاملة حسابه.."
بعدنا عن
بعض وبصينالها هى ودونغهى...
ريم:"ياخوفى
منك يا بدرااااااااان.."
خلصت
جملتها ودخلت على أوضتها عدل...
"مالها
ديه؟!!"
دونغهى قعد
على الكرسى قدامنا وبصلنا بإبتسامة...
دونغهى:"هى
مش طبيعية من الصبح..تقريبا مشاكل بينها وبين
كيوهيون،عايزاه
يغير عليها..."
فهمت اللى
دونغهى يقصده:"مش هتتعلم أبدا..وأنت أيه أخبارك أوبا؟!!"
دونغهى:"كويس..أنا
هدخل أنام،عندى تدريب بكرة بدرى.."
"أراسووو...تصبح
على خير.."
شيون:"تصبح
على خير.."
دخل دونغهى
أوبا ينام وفضلنا أنا وشيون قاعدين بعد ما اخدت منه الورق
تانى...
كلمت عمى
فى الوقت ده وقولتله على اللى قدرت أعمله واتفقت معاه إنى
أسافر على
مصر فى أقرب وقت...
كلمت
المطار وكان أقرب معاد مناسب بعد يومين....
فى اليوم
اللى بعده روحت الشركة مع شيون وكلمت الرئيس سونجو و
السيد
تشوى،وأخيرا أتفقنا إن شيون ويونا هيسافروا معايا بما إن العقود
هتكون
بإسمهم...
كان عندى
فضول كبير أيه اللى يخلى الرئيس سونجو يشترى أسهم بالمبلغ ده
وكمان تكون
بإسم بنته..بس أيا كان ده حصل ليه،فى النهاية كان لمصلحتى...
روحت البيت
فى اليوم ده وجهزت شنطتى...ريم قالتلى إنها هتقعد فى بيت
ديما
الفترة ديه،كانت غريبة اليومين دول..بتتعصب بسرعة وبتسرح
كتير..بس
كنت مرتاحة لأنها هتكون مع ديما ومش هتقعد لوحدها...
وأخيرا جيه
معاد السفر..مكنتش بنام كويس فى اليومين اللى فاتوا..القلق كان
مسيطر
عليا،أنا مستحيل أفرط فى سهم واحد للبنى آدم ده...
وأخيرا
وصلنا مطار القاهرة الساعة 1 الضهر..خلصنا الإجراءات وخرجنا
من
المطار...كان معظم الوقت شيون جنبى،ماسك أيدى وبيحاول يطمننى...
كان عمى فى
إستقبالنا..أول ما شوفته حضنته جامد..كان واحشنى أوى...
وشيون
ويونا إنحنوا وسلموا عليه وهو رحب بيهم...
ركبت مع
عمى فى عربية وشيون ويونا ركبوا فى عربية...مكنش فى وقت
لأننا
نستريح وطلعنا على الشركة على طول...
وأنا فى
العربية مع عمى قعدنا نتكلم...
سألته
بقلق:"كل حاجة أتظبطت؟؟يعنى مش هنقابل أى مشاكل؟!!"
عمى:"إمبارح
فى شخص كلمنى فى التليفون بالليل وطلب إنه يقابلنى.."
سألت
بإستغراب:"مين الشخص ده؟!!"
عمى:"أنا
مكنتش اعرفه قبل أمبارح...يبقى أبن صديق لباباكى وعرف عن
موضوع
الأسهم وقاللى إنه عايز يشتريها كلها وبالسعر المطلوب.."
"بجد؟!!بس
ليه؟!!"
عمى:"معرفش...أعتقد
إنه ذكر حاجة زى دين قديم.."
استغربت من
الكلام ده..بس فضلت إنى أستنى وأشوف بنفسى...
عمى:"أنا
قولتله إن 5% إتباعوا..واتفق معايا إنه هيجى بكرة ويمضى العقد
بالـ10%
الباقيين..."
حسيت
بالراحة أخيرا:"أخيرا..شريف ده مش لازم ياخد حاجة.."
عمى:"يس
لازم تعرفى كمان إنه مش هيسكت بالسهولة ديه.."
رديت
بإبتسامة:"على الأقل دلوقتى مفيش فى أيده حاجة يعملها"
عمى:"سيبينا
دلوقتى من سيرة الشغل..هو ده الشاب اللى حكتيلى عنه؟!!"
بصتله
بإبتسامة وهزيت راسى إنى موافقة...
"أيه رأيك
فيه؟!!"
عمى:"إنتى
عارفة إنى مش بحكم بالمظاهر...لازم أقعد معاه ونتكلم فى
الأول،كمان
عمتك أول ماعرفت كانت عايزة تشوفه،على فكرة هى مستنياكى
فى
البيت.."
"بجد؟؟وحشتنى
أوى..ونينو إيه أخبارها؟!!"
عمى:"كويسة...ومشتاقة
إنها تشوفك,,من وقت ماعرفت إنك جاية كل يوم
بتسأل
هتوصلى إمتى.."
وأخيرا
وصلنا على الشركة...نزلنا من العربيات ودخلنا...
عمى:"أنا
خليتهم يوضبوا مكتبك...أستنوا هناك شوية لغاية معاد الإجتماع.."
روحت أنا
وشيون ويونا على مكتبى وقعدنا هناك شوية...
يونا
بإستفزاز:"مكتبك حلو يا ندى.."
رديت ببرود:"كوماوااا.."
قعدنا شوية
فى جو متوتر لغاية معاد الإجتماع....
********************************************
حسيت إنها
ارتاحت شوية بعد ما قعدت مع عمها...
دخلنا
الإجتماع وكل حاجة مشيت بسلاسة...مضينا العقود وكل حاجة تمت...
عم
ندى:"خلونا نحتفل بالمناسبة ديه.."
قعدنا وصب
لكل واحد مننا أنا وهو ويونا كاس وطلب واحد عصير لندى...
قبل ما
نشرب ندى بصتلى وحركتلى راسها إنها مش عايزانى أشرب...
"أنا
كمان ممكن أخد عصير.."
شربنا نخب
شراكتنا،وقبل ما نعمل أى حاجة تانية ندى وقعت فاجأة...
جريت عليها
أول ما وقعت وحطيت أيدى تحت راسها وبدأت أخبط على
وشها
بالراحة....
"ندى..ندى
حبيبتى فوقى..."
عم ندى زعق
بكلمات مفهتمهاش وبعد دقايق جابوا كوباية مية وعم ندى قرب
منها وبدأ
يحاول يفوقها ويمسح وشها بالمية...لكن ندى مكنتش بتفوق....
أمرهم إنهم
يجهزوا العربية بسرعة وأنا شيلت ندى وجريت بيها لمكان
العربية..و
روحنا بيها على المستشفى...
دخلوها
الطوارئ وبعد دقايق الدكتور خرج وسأل عن ولى أمرها....
عم ندى
أتكلم مع الدكتور لثوانى وبعدين بصلى وبدأ يتكلم إنجليش...
عم
ندى:"بيقولوا إنها وقعت بسبب سوء التغذية والإرهاق..أكيد تعبت نفسها
الأيام
اللى فاتت.."
رديت بدون
ما أعمل حساب لكلامى:"هى بالفعل مكنتش بتنام أو تاكل كويس
اليومين
اللى فاتوا.."
بصلى
بنظرات غريبة خمنت منها إنه مش عارف إننا عايشين مع بعض فى
نفس البيت....
عم
ندى:"أعتقد إننا لازم نتكلم قريب شيون...صحيح ندى كانت قالتلى إنها
هتستضيفكوا
فى بيتها فى الأيام اللى هتقعدوها هنا،لكن أنسة يونا أصرت إنى
أخلى
السواق يوصلها على الأوتيل اللى حجزت فيه.."
رديت بعدم
إهتمام كبير:"امممم...فهمت.."
وإحنا
واقفين خرجت الممرضة من أوضة ندى...أتكلمت مع عم ندى لثوانى
وبعدين
مشيت وعلى وشها إبتسامة...
عم ندى
بصلى وعلى وشه معالم الراحة:"ندى فاقت...أدخللها لغاية ما أتكلم
مع الدكتور
بتاعها وأجى.."
دخلت لندى
الأوضة..كانوا حاطينلها محاليل ونايمة على السرير وباين على
وشها التعب...
كلمتها
وأنا لسة واقف على الباب:"أنتى مش هتبطلى تخوفينى عليكى؟!!"
ندى:"بيانيه
أوبا.."
قربت منها
وقعدت جنبها:"ديه مش أول مرة متسمعيش كلامى ويحصللك
كدة..فاكرة
أيام الإمتحانات؟؟كمان أغم عليكى وحرارتك كانت عالية.."
عدلت نفسها
على السرير...كنا قاعدين مقابلين لبعض...
"بعد
كدة لازم تسمعى كلامى زى ما انا بسمع كلامك.."
ندى:"تقصد
الشرب؟!!"
"اممم...أعتقد
إنك مش هتخلينى أشرب ولو كاس واحد بعد كدة.."
ندى:"اهااا...مش
عايزاك تشرب تانى أبدا.."
"خلاص
يبقا أنتى كمان تسمعى كلامى بعد كدة فى اللى أقوله.."
ندى:"خلاص..أوعدك
إنى أسمع الكلام بعد كدة..بس أنت كمان
توعدنى،مفيش
شرب تانى.."
قربت منها
وضميتها لصدرى جامد:"أوعدك.."
فى الوقت
ده سمعنا صوت عم ندى عند الباب:"إحم إحم.."
بعدنا عن
بعض بسرعة وبصينا ناحية الباب...
دخل و وقف
قدام ندى:"هتفضلى طول عمرك طفلة.."
ندى:"سورى.."
عم
ندى:"الدكتور قال ممكن تخرجى..بس طبعا لازم تهتمى بنفسك وبأكلك
بعد
كدة،،يلا قومى عمتك مستنياكى فى البيت.."
كانت
متحمسة أوى إنها تخرج...
ركبنا
العربية و وصلنا على بيت ندى...أنا عارف إن ندى غنية،لكن إنها
تكون فاحشة
الثراء ده اللى متخيلتهوش...
كان بيتها
كبير جدا...مش هبقا ببالغ لو قولت قصر..كان قمة فى الروعة
والجمال...
عم
ندى:"البيت كان بيتنضف كل أسبوع..ولما قولتى إنك جاية خليتهم ينضفوه
كويس جدا
من اوله لأخره.."
ندى
ابتسمت:"شكرا يا عمو.."
كان فى بنت
صغيرة قاعدة قدام الباب..وأول ما شافت ندى قامت وجريت
عليها وهى
بتصوت زى ما ندى عملت بالظبط....
ندى:"نينووووووووو..."
البنت:"نووووووووودى.."
حضنوا بعض
وندى شالت البنت وهم بيضحكوا بطريقة غريبة...لما شوفتهم
كدة حسيت
إن ندى فى نفس عمر البنت ديه،مش أنسة فى جامعة وبتتحمل
مسئولية
شغل وشركات...
قربت
منهم....
ندى بصتلى
بضحكة حلوة:"أعرفكوا..شيون ديه حنين بنت عمتى عندها 5
سنين,,نينو
ده يبقا شيون.."
حنين
أتكلمت بكلام مفهتمهوش..ومن بعدها ندى قعدت تضحك...
بصيت لندى
بإستغراب:"بتقول أيه؟!!!"
ندى
بالانجليش:"من دلوقتى نتفق إحنا التلاتة..طول ما احنا موجودين مع
بعض نتكلم
بالانجليش...مفيش عربى أو كورى.."
رديت:"أوكى.."
حنين:"أوكى.."
قربت من
ندى وهمست فى ودنها:"بس حنين هتعرف تتكلم إنجليش
كويس؟؟هى
بس عندها خمس سنين.."
ندى:"يب..متقلقش
نفسك.."
حنين
بلؤم:"بدأنا من دلوقتى؟؟؟"
ندى:"خلاص
بلاش شقاوة...خلونا ندخل أنا هموت من الجوع.."
نزلت حنين
على الأرض ومسكوا أيد بعض ودخلوا وأنا دخلت وراهم...
سلمنا على
عمة ندى...وبعدين ندى خدتنى تورينى أوضتى لغاية ما الاكل
يجهز...
كانت أوضة
كبيرة..سرير كبير و دولاب كبير،وكمان حمام خاص ...
ندى:"هخليهم
يطلعوا شنطتك دلوقتى.."
ابتسمت
وكانت هتخرج من الأوضة بس قبل ما تمشى من جنبى مسكت
أيدها...
قربت من
وشها:"وأنتى أوضتك فين؟!!"
ندى:"الأوضة
اللى جنبك على طول..سيبنى بقا أروح أغير هدومى.."
كانت هتمشى
بس مسكتها تانى:"بس السرير ده كبير أوى..هنام هنا
لوحدى؟!!"
مسكت خدى
وبإبتسامة:"أه يا بيبى هتنام هنا لوحدك..أنا وحشنى سريرى
ومبعرفش
أنام عليه مع حد.."
طلعتلى
لسانها عشان تغيظنى وبعدين سابتنى وخرجت من الأوضة...وبعد
دقايق
واحدة من الخدم طلعتلى شنطتى....
أخدت شاور
وغيرت هدومى وبعدين نزلت على معاد الغدا...
*******************************************
ريم:"أووووووووووووف
بقا أنا زهقانة...مش عارفة مسافرتش مع ندى
ليه!!"
"فى
أيه يا ريمو يا حبيبتى بس؟!!"
قربت منى
ومسكت أيدى:"دمدوم أيه رأيك نخرج؟!!"
رديت:"نخرج
فين دلوقتى؟؟؟الساعة 12 بالليل.."
ريم:"معرفش
بقا..أنا زهقانة.."
"أهدى
كدة بس يا حبى وقوليلى أيه اللى مضايقك.."
ريم:"أناااا؟؟؟متضايق؟؟؟لااااااااااا
خاااااااااالص..."
بصتلها
بشك:"متأكدة؟!!"
أتنهدت
بملل:"هوووووف...أنا مش عارفة هو بيعمل كدة ليه؟!!"
"أصدك
كيوهيون؟؟"
ريم:"امممم...ساعات
بحسه بيغير وساعات لأ،وعلى طول بحسه عايز
يخلينى
أولع من غيرتى عليه.."
"عشان
كدة بقا متضايقة؟!!"
ريم بحزن
واضح:"أنا مش عايزة أخسره زى ما خسرت ناس قبل كدة بسبب
غيرتى
ديه...مش عايزة أضغط عليه لدرجة الزهق،بس مش عارفة.."
قربت منها وحضنتها:"خلاص
متضايقيش نفسك.."
ريم:"أراسوو..وأنتى
أيه أخبارك واخبار شغلك؟؟"
رديت
بإبتسامة:"عادى...ماشى الحال.."
ريم:"فايتنج.."
ابتسمتلها:"فايتنج.."
ريم:"أنا
هطلع انام بقا.."
ديما:"مش
كنتى عايزة تخرجى؟!!"
قامت من
على الكنبة بملل:"ما انتى طبعا مش هتخرجينى...خلاص انام
أحسن،يلا
تصبحى على خير.."
رديت:"تصبحى
على خير.."
قعدت اقلب
فى التلفزيون شوية وبعدين قفلت وطلعت انام انا كمان...
صحيت الصبح
بدرى..لبست وروحت على الشركة،بدأت تدريب لغاية ما
جيه معاد
الغدا...
نزلت أتمشى
شوية..بس قبل ما اخرج من الشركة شوفت دونغهى،شاورلى
وقرب
منى...
دونغهى:"أزيك
ديما؟؟؟"
رديت
بإبتسامة:"كويسة..وأنت؟!!"
دونغهى:"أنا
كمان كويس..رايحة فين؟؟؟"
"هخرج
أتمشى شوية.."
قطعنا صوت
بنت بتنده على دونغهى وقربت مننا...
البنت:"أوبا..أخيرا
لقيتك.."
دونغهى
بصلها بإبتسامة وبعدين بصلى...
دونغهى:"أعرفكوا..ديما
ديه ميرو،ميرو..أعرفك بديما.."
انحنيتلها
بإبتسامة:"أنيوهاسيووو..تشونن ديما ميدا.."
ميرو:"تشونن
ميرو ميدا...أتشرفت بمعرفتك^^"
دونغهى:"ميرو
تبقا صديقتى...هى قدمت لإختبار هنا فى الشركة واتقبلت.."
بصتلها
بإبتسامة:"ألف مبروك.."
ميرو
بإبتسامة:"شكرا.."
"أنا
همشى بقا..بتمنالكوا يوم حلو.."
خرجت من
الشركة وانا بحاول أمنع نفسى من العياط..على الرغم من إننا
بنبين إن
كل شئ عادى وإننا رجعنا مجرد أصحاب زى الاول،إلا إن ده
ميمنعش إنى
لسة بحبه...مقدرتش انساه ولو للحظة،حسيت بالغيرة لمجرد إنى
شوفته مع
البنت ديه وهى بتقوله أوبا...
اتمشيت
شوية وحاولت أنسى كل اللى انا بفكر فيه،وفكر فى أى حاجة تانية..
مثلا سفرى
بعد كام يوم لمصر...
*******************************************
ميرو:"يلا
أختار تحب تروح تتغدا فين؟!!"
رديت:"أنتى
بجد كنتى تقصدى كلامك لما قولتى هتعزمينى؟؟؟"
ميرو:"أكيد
دونغهى...يلا قول.."
"خلاص
انا هقولك على مكان حلو..لكن العزومة المرادى هتكون عليا إحتفالا
بنجاحك..."
ميرو:"أنياااا..أنا
وعدتك.."
روحنا مطعم
قريب من الشركة..كان مكان بسيط بيقدم الفطائر...
ميرو:"لطيف
المكان ده.."
"مبسوط
انه عجبك..يلا خلينا نقعد.."
قعدنا
وطلبنا الأكل..وبدأنا نتكلم...
بجد حسيت
إنها بنت لطيفة جدا وقريبة للقلب..مأخدناش وقت طويل عشان
نتعرف فيه
على بعض ومع ذلك كانت بتتصرف بتلقائية وقرب...
"أنتى
عندك أخوات يا ميرو؟؟؟"
ميرو:"اممم...أخ
واحد،هو معيد فى الجامعة..وأنت؟!!"
"أنا
كمان عندى أخ واحد.."
ميرو:"أهااا.."
قعدنا ناكل
ونتكلم لوقت طويل...محستش بالوقت وأنا قاعد معاها،وبعد ما
خلصنا انا
رجعت على التدريب بتاعى وهى روحت على بيتها...
بكرة هيكون
أول يوم ليها فى التدريب...بجد بتمنالها التوفيق...
وبعد ما
خلصت التدريب خرجت مع الشباب شوية قبل ما ارجع على
البيت...
*****************************************
كيوهيون:"ريمو
حبيبتى بلاش الوش ده..أنا مش فاهم أنتى متضايقة من
أيه؟!!"
رديت
ببرود:"مش متضايقة من حاجة..أنت مودينا فين دلوقتى؟؟"
كيوهيون:"هتعرفى
لما نوصل.."
كنا راكبين
فى عربيته والصمت هو المحيط بينا...كنت حاسة بالإحباط منه..
بقا بارد
الفترة الأخيرة..مش مهتم،ومثير للإحباط...
وقف قدام
جنينة فاضية تماما ومفيهاش أى ضوء...
"أحنا
بنعمل أيه هنا أوبا؟؟؟"
كيوهيون
بحماس غير عادى:"مكان جديد..ودلوقتى يلا غمضى عينك.."
غمضت عينى
بدون أى نقاش..كنت حاسة إنى مش هتفاجأ بأى حاجة
هيعملها...
وبعد ما
غمضت عينى ربط قماشة على عينى ومسك أيدى وفضلنا ماشيين...
"أوبااا..إحنا
رايحين فين بقا؟؟؟"
كيوهيون:"خلاص
مش باقى كتير.."
وأخيرا بعد
دقايق وقفنا...ساب أيدى وبعدين سمعت صوته وهو بيقوللى أشل
القماشة من
على عينى...
شيلت
القماشة وبصيت حواليا...بجد كانت أكبر صدمة فى حياتى...
شموع و ورد
من كل مكان حواليا وكيوهيون واقف قدامى وفاجأة صفق بأيده
مرتين ومن
بعدها شوفت ألعاب نارية قمة فى الروعة أنطلقت فى السما...
كنت لسة
مستوعبتش كل المفاجأت ديه فى الوقت اللى كيوهيون قرب منى
ونزل قدامى
نص ركبة وطلع من جيبه خاتم...
بصلى
بإبتسامة وسألنى.....
...
..
.........يتبع........
ليست هناك تعليقات:
إرسال تعليق