Chapter 28
Part 1
كيوهيون:"تقبلى تتجوزينى؟!!"
بصيت للخاتم اللى فى أيده بصدمة..متوقعتش أبدا إن ده يحصل،على الأقل
فى الوقت الحالى...
كيوهيون:"ريم.."
وجهت نظرى ليه:"بس أنت قولت إن لسة بدرى..إحنا لسة مخلصين أول سنة
بس فى الجامعة.."
كيوهيون:"بصراحة أقتنعت بوجهة نظر ماما...فيها أيه لو كملنا دراسة بعد
ما
نتجوز؟!!..أنتى مش بتحبينى؟!!"
هزيت راسى بمعنى إنى بحبه...
قام وقف وبصلى بإبتسامة:"وأنا كمان بحبك..وعايز أكمل حياتى
معاكى.."
قربت منه وحضنته وحسيت بأيده بتضمنى ليه...وبعد ثوانى بعدنا عن
بعض،مسك أيدى ولبسنى الخاتم ومن بعدها طبع قبلة على خدى....
فضلنا واقفين مكاننا لدقايق من غير ما حد فينا يقول حاجة..بس بنبص على
الخواتم اللى فى أدينا..
كيوهيون:"مش عارف ليه جالى إحساس دلوقتى إنى أتدبست.."
ضربته على كتفه جامد...
"على فكرة مش ظريف.."
سيبته واقف ومشيت ناحية العربية...
كيوهيون:"رايحة على فين؟!!"
رديت وأنا لسة ماشية:"عايزة أروح.."
مشى ورايا لغاية ما وصلنا العربية..قعدت فى الكرسى بتاعى وهو قعد
جنبى،وقبل ما يشغل العربية بصلى..
كيوهيون:"خدى بالك إنى بسكتلك كتير.."
بصتله بتحدى:"هتعمل أيه يعنى؟؟؟"
وفى أقل من الثانية كان مقرب منى بسرعة وطبع قبلة صغيرة على شفايفى
متعدتش الثوانى...مكنتش قبلة عميقة،بس ملامسة خفيفة....
كيوهيون:"ديه عينة من اللى ممكن أعمله.."
ابتسم بخبث وشغل العربية ومشى..أما أنا فكنت قاعدة مصدومة من اللى
عمله...
فضل ماشى بالعربية لغاية ما وصلنا عند بيته...
"أنت جايبنا هنا ليه؟!!"
بصلى بإبتسامة:"مش لازم نقوللهم على خبر خطوبتنا؟!!"
خلص جملته ونزل من العربية...نزلت أنا كمان وبصتله بعصبية...
"أنت هتفضل كدة لأمتى...كان لازم تقوللى من قبلها.."
كيوهيون:"وهتفرق أيه؟!!"
"هتفرق بالنسبالى..بتقول إنك بتسكتلى كتير،بس أنت كمان بتعمل حاجات
تضايقنى.."
قرب منى ومسك أيدى وفضل شاددنى وراه لغاية باب البيت...
كيوهيون:"هنتكلم فى الموضوع ده بعدين..دلوقتى خلينا ندخل.."
خبط على الباب و "أرا" فتحت....
أرا:"أخيرا وصلتوا؟؟كنا مستنينكوا من بدرى.."
دخلت وسلمت عليها هى ومامت كيوهيون...
مامت كيوهيون:"ريم حبيبتى وحشتينى.."
"وحضرتك أكتر.."
قعدنا شوية..كنت حاسة إنى مش طايقة كيو...يمكن أنا اللى أتدبست فيه مش
هو اللى اتدبس...
***************************************
كان يوم ممتع مع نينو وعمى وعمتو...الليل حل بسرعة وكانوا مضطرين
يمشوا...بس أخيرا بعد زن ومحايلات منى انا ونينو عمتو وافقت تسيبها تبات
معايا النهاردة....
دخلنا أوضتى ونمنا احنا الاتنين جنب بعض...
"أيه رأيك فى شيون يا نينو؟!!"
حنين:"امممم...كويس،أنتى بتحبيه صح؟!!"
"امممم..."
حنين:"هتتجوزوا؟؟"
"ههههههههههههه...أنتى أيه رأيك؟!!"
حنين:"أنتى بتغشى.."
بصتلها باستغراب:"بغش أزاى؟!!"
حنين:"بتجاوبى على أسئلتى بأسئلة تانية.."
"خلاص...سورى.."
حنين:"هتتجوزوا؟!!"
"لسة بدرى عالكلام ده...وبعدين مش شايفة أنك لسة صغيرة عالحاجات
ديه؟!!"
حنين:"خلاص يبقا أنتى كمان لازم تسيبى شيون عشان أنتى كمان لسة
صغيرة على انك تحبى واحد.."
"أقولك؟؟خلينا ننام أحسن..مش عارفة ليه صممت إنك تباتى معايا
النهاردة!!"
حنين قامت ونطت على السرير ومسكت مخدتها...
حنين:"بقا كدة...يعنى مكنتيش عايزانى ها؟؟"
وبدأت حنين تضربنى بالمخدة...قعدنا نلعب ونهزر مع بعض..كنت حاسة إن
صوت صويتنا وصل لأخر الشارع...
وأخيرا بعد وقت نمنا أحنا الاتنين بعد يوم متعب....
صحيت الصبح أو بالأصح أتفزعت الصبح من صوت حنين وهى بتصوت
فى ودنى....
حنين:"توووووووووووووووووت"
قومت مفزوعة من صوتها:"عاااااااااااا...فى أيه؟؟؟"
حنين:"ههههههههههههه...يلا قومى بقا،أنا قاعدة أصحيكى من بدرى وانتى
مش بتقومى.."
حطيت أيدى على وشى وانا قاعدة على السرير:"يووووووووه بقا...فى حد
يصحى حد كدة؟؟؟هى الساعة كام؟!!"
حنين:"8 الصبح.."
رميت نفسى على السرير تانى وحطيت الغطا على وشى...
"لسة بدرى...حرام عليكى سيبينى أناااااام"
حنين بتشد الغطا:"لاااااااااا....يلا قومى،خلينا ننزل المية.."
"مية أيه دلوقتى؟!!تعالى بس خلينا ننام شوية.."
حنين:"لا...يلا ننزل حمام السباحة.."
قومت من على السرير..نعكشت شعرى بأيدى وبصتلها ببرود...
"بتعملى معايا كدة ليه؟!!"
حنين بتضحك ضحكة سيجنل:"يلا بقا..أنتى جاية هنا تنامى؟!!"
"أه..جاية أنام.."
حنين:"طب أبقى نامى بعد الغدا...يلا قومى."
قعدت تزق فيا وتشدنى لغاية ما قومت من مكانى...لبسنا لبس السباحة
ونزلنا....
قعدنا الأول شوية فطرنا وشربنا عصير وبعدين نزلنا المية....
كان الجو حلو..قعدنا نلعب بالمية كتير وأحنا مبسوطين،نسينا الوقت وأحنا
بنلعب...وبعد شوية لقينا شيون واقف بيتفرج علينا..أتخضيت لما شوفته كنت
نسياه خالص..
"أنت واقف هنا من امتى؟!!"
شيون:"من شوية.."
حنين:"طب يلا روح أفطر ولا اعمل حاجة بس متقفلناش كدة.."
شيون ضيق عنيه وهو بيبص لحنين اللى عايزة توزعه...
حنين:"ولا أقولك..تعالى أنزل معانا.."
شيون بصلى فى الوقت اللى كنت ببص فيه لحنين بتوعد...
"ينزل معانا فين؟؟احنا أصلا طالعين دلوقتى.."
مسكت حنين من وسطها وخرجتها من حمام السباحة...
"يلا روحى نشفى نفسك وهاتيلى الفوطة بتاعتى..."
كنت محرجة من وقفة شيون كدة وهو بيبص علينا...أكيد مش عايزاه يشوفنى
بلبس زى ده،معظم رجلى ودرعاتى باينيين..بس بسبب إنى كنت تحت المية
مقدرش يلاحظ اللى انا لابساه....
*****************************************
حنين جريت على جوا وأنا فضلت واقف مع ندى...
ندى:"وأنت هتفضل واقف كدة؟؟يلا أدخل بقا.."
"أنتى مش هتطلعى؟!!خلينا ندخل مع بعض.."
ندى:"مش هطلع وانت واقف كدة.."
قعدت نص ركبة قريب منها بابتسامة هى عارفة معناها....
"ليه؟؟مش عايزانى أشوفك؟!!"
ندى:"ياااااااااااا.."
فى الوقت ده حنين رجعت بالفوطة لندى...
حنين:"اهيه الفوطة..أنا هطلع اغير هدومى.."
سابت لندى الفوطة ومشيت...
وندى بصتلى:"يلا بقاااااا...طيب لف وشك الناحية التانية.."
ضحكت ولفيت بجسمى للناحية التانية...
"ها؟؟خلاص؟!!"
وقفت قدامى بعد مالبست فستان قصير خفيف...
ندى:"خلاص- قربت منى ورفعت جسمها على صوابعها وطبعت قبلة على
خدى – صباح الخير.."
بعدت عنى وكانت هتدخل بس مسكت أيدها وشدتها عليا تانى...
"مش كفاية.."
بصتلى بصدمة من كلامى اللى اكيد متوقعتهوش...
شاورت على شفايفى:"هنا.."
حاولت تبعد عنى وتزقنى بس أنا
مسكتها كويس..
ندى:"أوبا بقا...بلاش.."
"أنا مكنتش هعمل حاجة بس أنتى اللى بدأتى..ليه أنتى تعملى اللى انتى
عايزاه وأنا لأ!!!"
مسكت أيدها اللى بتزقنى بيها وبصيت فى عنيها..
ندى:"بس...."
"هششششش...."
قربت منها شوية شوية،بس قبل ما يحصل اى حاجة سمعنا صوت من
جنبنا...
حنين:"أحم احم..."
بعدنا عن بعض بسرعة و وجهنا نظرنا ناحيتها....
كانت ندى مبتسمة باحراج....
حنين:"حطيتى فين الهدوم بتاعتى؟!!"
ندى:"أأأ هتلاقيها فى الدولاب الرف اللى تحت.."
حنين قربت ومسكت أيد ندى:"أتفضلى تعالى معايا أنتى كمان..."
ندى بصتلى:"أوبا..أفطر أنت لغاية ماننزل،أحنا فطرنا.."
ضحكت بعد ما مشيوا بسبب الموقف..
فركت شعرى بأيدى:"ودلوقتى طلعتلى حنين.."
قعدت فطرت واستنيتهم لغاية
ماينزلوا....
بعد شوية نزلوا وروحنا قعدنا فى الجنينة...كنا بنلعب كوتشينة فى الوقت اللى
واحدة من الخدم جت فيه....
الخادمة:"أنسة ندى..عم حضرتك اتصل وقال إنه مش هيقدر يجى النهاردة
بسبب الشغل،بس هيجى بكرة الصبح..."
ندى:"تمام.."
الخادمة:"حضرتك تحبى الغدا يكون أيه؟!!"
ندى:"مش هتفرق..أعملوا أى حاجة.."
وفى الوقت ده كمان سمعنا صوت الباب..حنين قامت من مكانها...
حنين:"السواق جيه.."
قربت من ندى وحضنتها....
ندى:"أبقى تعالى فى أجازة نهاية الأسبوع وخلينا نقعد مع بعض...وخدى
بالك
من دراستك.."
حنين:"حاضر.."
قربت منى أنا كمان وحضنتنى بشكل غير متوقع...
حنين:"متستغلش غيابى سيد شيون.."
ضحكت على كلامها:"ههههههههه...حاضر.."
ندى وصلت حنين لغاية الباب ورجعت تانى قعدت معايا...
******************************************
كنت بتدرب مع باقى الفرقة لوقت طويل....وأخيرا أخدنا استراحة...
قعدنا كلنا مع بعض واحنا بنتكلم....
سونغمين:"سمعت إننا هناخد كام يوم أجازة قبل الحفلة اللى جاية.."
ايونهيوك:"ياااااه وأخيرا بقالنا كتير مأخدناش أجازات.."
شيندونغ:"عندكوا مخططات؟!!"
أيونهيوك:"أنا هسافر لأهلى..وأنت دونغهى؟؟"
رديت:"لسة معرفش...يمكن أنا كمان أسافر.."
فى الوقت ده جيه المدير من برا...
قومنا وانحنينا:"أنيوهاسيوو.."
المدير:"أوووه...أكيد عرفتوا إن عندكوا أجازة لكام يوم،فى حاجة كمان
عايز
أقولهالكوا...فى خلال شهر هتنقلوا تعيشوا مع بعض فى بيت واحد،أكيد
صعب إن كل واحد فيكوا يكون عايش فى مكان...الشركة هتأمن الشقة ولما
تجهز هنقولكوا.."
خرج المدير وأحنا قعدنا مع بعض بنتكلم عن موضوع الشقة وعيشتنا مع
بعض...
وبعد ماخلصنا تدريب كل واحد كان مروح على بيته...مشيت لموقف الباص
وهناك شوفت ميرو...
"أنيووو.."
ميرو بابتسامة:"أوووه أوباا..أنيووو.."
"أيه أخبار التدريب؟؟"
ميرو:"كويس...شوفت؟؟هيدونى دور ثانوى فى مسرحية.."
"بجد؟؟؟مبروووك،فرحتلك.."
ميرو:"كوماوا..لازم تبقا موجود فى العرض الافتتاحى عشان
تشجعنى.."
"أكيييد هاجى..ده هيكون أمتى؟!!"
ميرو:"بعد شهر ونص بالظبط من النهاردة...أوووه،ده الباص بتاعى..يلا
أنيووو أوبا.."
رديت:"أنيووو.."
وبعد دقايق الباص بتاعى جيه وركبته...قعدت أفكر فى ميرو...
كنت حاسس انى اتشدتلها بطريقة غريبة...فيها براءة وعفوية مش طبيعية..
وبعدين جت على بالى ديما...كنت بفكر أيه اللى وصلنا لحد هنا!!أزاى عملت
كدة فينا أحنا الاتنين..حبى لندى من الأول غير حاجات كتير فى
حياتى..وخلانى أعمل حاجات مكنش المفروض أعملها...
فتحت موبايلى وشوفت صورة لينا إحنا الاتنين مع بعض...افتكرت كلامها
لما قالت ان علاقتنا بدأت من الصداقة ومن الاحسن انها ترجع للصداقة..
بس ياترى ده ممكن يحصل فعلا؟؟؟ممكن نرجع زى الأول؟!!!
حتى كلمة زى الاول ديه بتفكرنى بالوقت اللى كنت بحب فيه ندى..خروجنا
أنا وندى وديما مع بعض..هزارنا..ضحكنا...
يمكن علاقتى بديما هى اللى خلتنى أنسى ندى..مكنتش بفكر فى ندى وانا مع
ديما..وده اللى خلانى أقول إنى بحبها..بس حبى ليها مكنش بالطريقة
ديه،مكنش زى حبى لندى...
وأخيرا دلوقتى وبعد كل اللى حصل..نسيت حبى لندى،وحبى لديما
متغيرش..لسة عايزها تبقا صديقتى المقربة...
مسكت موبايلى وبعت لديما رسالة..بتمنى ترد عليا....
******************************************
كنت خارجة من الشركة وفى طريقى لموقف الباص شوفتهم واقفين مع
بعض..بيضحكوا وبيتكلموا....
اتضايقت من اللى شوفته..وبقيت افكر،للدرجادى من السهل عليه إنه يلاقى
واحدة تانية!!!
فى الأول أكتفيت بأنى أكون صديقته..ولما بقى حبيبى عرفت أضيعه من
أيدى..قولتلوا نرجع لصداقتنا،ومع انه صعب عليا أكون مجرد صديقة الا انى
هكتفى بكدة...بس فى المقابل مش عايزاه يكون صديق لحد تانى...
ضحكت على أفكارى الصبيانيه..حسيت إنى أنانية والغيرة بقت جزء منى..
وقفت استنى الباص بتاعى بعد ما مشيوا..وفى الوقت ده وصلتنى رسالة
منه...
(دمدووووووم...خلينا نروح ناكل أيس كريم)
حسيت بالفرح على رغم من حزنى من دقايق بس فاتوا...
نسيت كل اللى كنت بفكر فيه ورديت على رسالته...
(فى المكان المعتاد؟؟)
قابلته هناك...قعدنا وطلبنا أيس كريم...
"أيه اللى فكرك بالأيس كريم دلوقتى؟!!"
دونغهى بإبتسامة:"أفتكرتك وبعدين أفتكرت الأيس كريم..أيه أخبار
تدريباتك؟!!"
ديما:"كويسة..الموضوع مرهق لكن أنا حباه.."
دونغهى:"كويس...فايتنج.."
"ههههههه...فايتنج.."
دونغهى:"تعرفى ندى وشيون هيرجعوا أمتى؟!!"
رديت:"لأ مش متأكدة...بس أعتقد شيون هيرجع فى الأول،ليه؟!!"
دونغهى:"المدير بلغنا النهاردة إن انا وفرقتى هننقل ونعيش فى بيت
واحد..عشان يكون أسهل علينا فى التدريبات والتنقل.."
ضحكت بسبب الموضوع ده:"ههههههههههههه...فكرتنى أيام ما كنتوا انتوا
التلاتة بتتخنقوا على الشقة..فاكر؟!!"
دونغهى بيضحك:"أكيد فاكر..وراكى حاجة الأيام اللى جاية؟!!أيه رأيك
نروح
الملاهى مع بعض؟؟"
"اممم..بصراحة أنا كمان مسافرة بعد بكرة.."
دونغهى:"ليه؟؟"
رسمت ابتسامة بسيطة على وشى:"شوية حاجات ملخبطة.."
دونغهى:"خلاص..يبقا خلصيها بسرعة وترجعى عشان نلحق نخرج مع
بعض قبل ما اجازتى تخلص.."
أومأت بالموافقة...
كنت حاسة انى مبسوطة واحنا مع بعض..يمكن كل حاجة ترجع زى
الأول...الوقت هينسينا...
فكرت فى النهاية إنه يكون صديقى،ده مش شئ سئ..
*******************************************
"نعم؟؟عايز أيه كيوهيون؟!!بتتصل بيا ليه؟؟؟"
كيوهيون:"أيه اللى بتتصل بيا ليه؟!!واحد وبيكلم خطيبته.."
رديت:"أنت هتخلينى أعيد تفكير فى الموضوع ده.."
كيوهيون:"أنتى لسة متضايقة؟؟"
بدأت أزعق:"أه طبعا متضايقة..أنت مش عارف أفعالك ديه بتغيظنى اد
ايه.."
كيوهيون:"خلاص بقا...أنا اعتزرت كام مرة؟؟هتفضلى كدة لغاية
أمتى؟!!"
"لغاية ما أنسى اللى بتعمله..يلا انيووو.."
قفلت فى وشه السكة وقعدت وانا متضايقة جدااااا...بعد شوية جت ديما
وشافتنى وانا قاعدة...
ديما:"فى أيه يا ريمو؟؟مش قولنا خلاص الموضوع خلص؟؟"
اتكلمت بانفعال:"لأ مخلصش...بيتصرف على مزاجه وبيعمل كل حاجة
لوحده،أنا بجد متضايقة منه.."
قعدت جنبى وحاولت تهدينى:"خلاص فكى..أنتى فهميه ان الموضوع ده
مضايقك ولو كرره تانى يبقا يستاهل اللى يجراله.."
"يعنى فكرك كدة؟؟؟"
فى الوقت ده سمعنا جرس الباب..ديما قامت تفتح..وبعد ثوانى لقيت كيو
داخل..مسك أيدى وشدنى وفضل مجرجرنى وراه لغاية ما خرجنا من البيت
وركبنى العربية ومشينا...
كل ده كان فى زء من الثانية..مكنتش قادرة استوعب حاجة لمدة دقايق...
"أنت..أزاى؟؟؟"
كيوهيون:"ما أنا لقيت إن الزوق مش نافع معاكى..."
"أنت مجنون؟؟؟أزاى تسحبنى كدة؟؟؟"
و وقتها بس لاحظت اللى انا لابساه:"عاااااااااااااااا...بالبيجاما
والشبشب...كيوووووووو رجعنى.."
كيوهيون:"لأ مش هرجعك لغاية ما نتفاهم.."
كلمته بعصبية:"أنت غبى..أنا كنت هتصل بيك بس أنت عملتلى فيها مش
عارف أيه وبردوا بتتصرف من دماغك،،عايزنى أزاى أتقبل أفعالك ديه؟!!"
وقف العربية بسرعة وبصلى بصدمة:"بجد كنتى هتكلمينى؟!!"
"اه...كنت.."
ربعت ايدى وبصيت قدامى بعصبية...
كيوهيون:"ريمو حبيبتى خلاص بقا متتضايقيش...أوعدك هبطل اتصرف
لوحدى تانى،بعد كدة هاخد رأيك فى الأول...ماشى؟؟"
بصتله بطرف عينى...
كيوهيون:"خلاص بقا أوعدك.."
"طيب خلاص...يلا رجعنى البيت بقا.."
كيوهيون:"بالسرعة ديه؟؟طب خلينا نقعد مع بعض شوية.."
"نقعد أزاى مع بعض بمنظرى ده؟؟ما انت اللى اتسربعت واتصرفت من
راسك.."
شغل العربية واخدنا طريق الرجوع...
كيوهيون:"إنتى قمر أصلا بأى لبس..والأهم،إنى بحبك بكل أحوالك.."
وعلى الرغم من مضايقتى منه..الا انه بيعرف يخرجنى من المود ده بكلامه..
..
..
to be continue>>
ليست هناك تعليقات:
إرسال تعليق