Chapter 28
part 2
كان معاد النوم وندى سابتنى وطلعت تنام..كان باين على وشها التعب لأنها
صحيت بدرى...
قعدت شوية اتفرجت على فيلم وبعدين نمت فى سريرى..بس بعد شوية قومت
تانى وروحت على أوضة ندى...
فتحت الباب بالراحة ودخلت..كانت نايمة بعمق...
قعدت جنبها على السرير وقعدت العب فى خصل شعرها...قتحت عنيها
بالراحة وبصتلى...
ندى:"أوباا..بتعمل أيه هنا؟؟"
رديت:"معرفتش أنام لوحدى.."
اتخرت وسابتلى مكان جنبها:"عارفة انك مش هترضى غير كدة.."
مكنتش متوقع استسلامها لرغبتى بالسهولة ديه...نمت جنبها وأخدتها فى
حضنى ونمت بعمق للصبح...
صحيت على صوتها وهى بتتنفض من جنبى..
ندى:"يااااااااا...أنت بتعمل أيه هنا؟؟أيه اللى جابك جنبى؟!!"
قومت قعدت وبصتلها:"ما أنتى اللى قولتيلى أنام هنا.."
ندى:"أنا؟؟؟أمتى ده؟!!"
شيون:"أمبارح بالليل..."
بقت تزقنى بأديها عشان تقومنى:"طب قوم يلا...بسرعة أرجع على
أوضتك.."
مسكت أيدها وحاولت أوقفها عن انها تزقنى..وفى الوقت ده سمعنا الباب
بيخبط...
ندى:"shit.."
عم ندى بيخبط على الباب:"ندى..صحيتى ولا لسة؟؟"
ندى بتهمس:"قوم بسرعة..أدخل استخبى فى الحمام.."
عم ندى:"ندى.."
ندى:"أأ..أنا صحيت يا عمو...شوية ونازلة.."
عم ندى:"أوكى...تعرفى شيون فين؟؟مش موجود فى البيت كله.."
فى الوقت ده كنت انا قومت بسرعة ودخلت الحمام...وندى قامت تشوف
عمها،كنت سامع صوتهم من برا...
ندى:"شيون؟؟؟لا معرفش..خلاص انا هبقا اكلمه.."
عم ندى:"طب يلا ألبسى وأنزلى بسرعة.."
ندى:"حاضر.."
قفلت باب أوضتها وفتحت باب الحمام....
ندى:"يلا بسرعة أرجع على أوضتك.."
كنا حاسين إحنا الاتنين بالخوف...أكيد عمها هيفهمنا غلط لو عرف اننا كنا
نايمين فى نفس الأوضة...
خرجت من الحمام وفتحت باب الأوضة وندى واقفة ورايا..وقبل ما أخرج
من أوضتها شوفنا عم ندى واقف قدامنا...
فى الوقت ده حسيت بالرعب..بصيت لندى وبعدين بصيت للأرض،بجد كنا
فى موقف لا يحسد عليه....
*****************************************
بعد الموقف الشنيع ده شيون رجع على أوضته وأنا دخلت أوضتى وقعدت
على السرير وعمى كان قاعد على الكرسى اللى قدامى...
عمى:"مش هتفهمينى اللى حصل؟؟"
رديت:"محصلش حاجة.."
عمى:"أزاى يعنى محصلش حاجة؟؟لما أشوفكوا أنتوا الاتنين خارجين من
نفس الأوضة بلبس النوم يبقا اسمه ايه؟؟؟"
"والله محصلش بينا أى حاجة...أحنا نمنا بس.."
عمى:"والكلام ده كان بيحصل هناك؟؟"
بصيت فى الارض ومعرفتش أرد أقول أيه...
عمى:"أنتى عارفة إنى بثق فيكى وعارف إنك مش بتعملى حاجة غلط..بس
لازم يكون حدود فى كل علاقة...أنتوا مش متجوزين أو حتى مرتبطين بشكل
رسمى.."
هزيت راسى بموافقتى على كلامه:"أسفة.."
عمى:"المهم دلوقتى..فى مصممين ديكور ومنظمين حفلات تحت..أنا جبتهم
عشان هيكون فى حفلة النهاردة بسبب العقود الجديدة،وكمان نظمت جولة
لشيون وأنسة يونا لغاية معاد الحفلة...هتروحى معاهم؟؟"
"لأ..ورايا مشوار تانى.."
عمى:"أوكى...متتأخريش.."
رديت:"حاضر.."
قومت وأخدت دش وغيرت هدومى وكنت نازلة...أول ما خرجت من
أوضتى لقيت شيون كمان لسة خارج من أوضته بعد ما غير هدومه...
شيون:"أيه اللى حصل؟؟؟"
"ولا حاجة؟؟فهمته ان محصلش أى حاجة بيننا..ياريت بقا تاخد بالك من
أفعالك لغاية مانرجع،أنا مش عايزة حد يفهمنى غلط تانى.."
شيون:"أراسووو.."
قربت منه وحضنته..كنت حاسة إنى محتاجاه يدينى دفعة فى الوقت ده...
"أوباا..سارانييه.."
حط أيده على راسى:"نا دو..سارانييه.."
بعدت عنه وبصتله بإبتسامة:"يلا أمشى عشان متتأخرش...متأكدة إنك هتنبسط
بجولة النهاردة.."
شيون:"وأنتى مش جاية معانا؟!!وأيه اللى ملبسك أسود كدة؟؟"
"عندى مشوار تانى.."
شيون:"خلاص هاجى معاكى.."
"بس.."
شيون:"مفيش بس...يلا بينا.."
*******************************************
نزلنا احنا الاتنين لغاية الجراج...
"وااااااااااااو..."
ندى:"عجبوك؟!!"
"أنا بجد متوقعتش إنك تكونى من الطبقة ديه.."
ندى:"ههههههههه..عشان تعرف بس إنى طيبة معاك.."
كان الجراج فيه أكتر من 8 عربيات
وكلهم موديلات رهيبة
..كاديلاك..جاجوار..أودى..مرسيدس...
ندى:"أنا بحب الBMW خلينا نروح بيها.."
ركبنا عربية بي ام دبيو سبور باللون الأحمر..كانت ندى راسمة على وشها
ابتسامة لكن كنت حاسس إن فى حاجة
مضايقاها...
وقفنا عند محل ورود ونزلت اشترت باقة كبيرة...
"إحنا هنزور حد؟؟"
بصتلى بإبتسامة:"حاجة زى كدة.."
بعد فترة وصلنا مدفن...عرفت فى الوقت ده إنها جاية تزرو والدها و
والدتها..
حطت الورود على قبرهم وقعدت بالقرب منهم....
ندى:"ماما..بابا وحشتونى أوى،،كنت بتمنى لو كنتوا موجودين جنبى دلوقتى
أنا بجد مشتاقلكوا...ريم كويسة وأنا كمان..أنا بهتم بيها زى ما
وعدتكوا،أحيانا
بنتخانق بس مش كتير..بابا،عارفة إنى وعدتك إنى أحقق حلمى الخاص..بس
دلوقتى حلمى بقا إنى أحقق حلمك أنت..أنا هفضل أعتنى بشركتك لغاية
النهاية.."
كانت دموعها بتنزل بهدوء على خدها..حسيت بيها بتحاول تمسك شهقاتها..
ندى:"أه نسيت أعرفكوا على شيون...ماما شيون يبقا حبيبى،وأخيرا لقيت
الشخص اللى بحبه وبيحبنى –ابتسمت- خلاص نسيت بطل الفيلم اللى
بحبه،شيون خلانى أنساه.."
ابتسمت بسبب كلامها وحطيت أيدى على كتفها:"أوماا..أباا،أوعدكوا إنى
هحافظ عليها وهحميها ومش هزعلها لأخر يوم فى عمرى.."
مشينا بعد ما قعدنا شوية وقبل ما نركب العربية أخدتها فى حضنى وضميتها
لصدرى جامد...
ندى:"كوماوا أوبا...كوماواا.."
بعدت عنها وبصتلها:"أنتى عارفة أنا بحبك أد أيه..صح؟!!"
ندى:"أممم عارفة.."
طبعت قبلة على جبينها واتمشينا شوية بالعربية واتغدينا برا وبعدين رجعنا
على البيت قبل معاد الحفلة بساعتين تقريبا...
كل واحد فينا دخل أوضته عشان يجهز قبل معاد الحفلة...
نزلنا بعد ما الحفلة بدأت...كانت ندى لابسة فستان قصير من الدانتيل باللون
الأبيض..مصففة شعرها بطريقة رائعة،كانت جميلة لدرجة إنى كنت غيران
من إن كل اللى موجودين هيشوفوها بالشكل ده...
كانت حفلة ممتعة..أفتكرت أول حفلة حضرناها مع بعض....
يونا:"أوبااا.."
بصيت جنبى:"أوووه يونا..أزيك؟؟"
يونا:"كويسة...توقعت أشوفك النهاردة الصبح.."
"أوووه...كان عندى مشوار مهم.."
يونا:"اممم...بابا اتصل بيا وقاللى اننا لازم نرجع بعد يومين بالكتير
بسبب
الشغل.."
"أراسووو.."
كنت بجول بعينى فى المكان لغاية ما شوفت ندى واقفة مع عمها وشاب فى
نفس سنى تقريبا...ندى سلمت عليه بإبتسامة و وقفوا يتكلموا شوية..وبعد
دقايق شوفتهم بيرقصوا مع بعض...
حسيت بالغضب فى الوقت ده..أزاى ترقص معاه كدة؟؟كمان ضهر فستانها
المفتوح سامحله بإنه يلمس بشرتها..
خلصت الرقصة وبعدوا عن بعض...فى الوقت ده اتوجهت ناحيتها ودعيتها
للرقص...
ندى:"مالك أوبا...شكلك متضايق من حاجة.."
حاولت اتمالك عصبيتى:"مين اللى كنتى بترقصى معاه ده؟!!"
ندى:"ده؟؟أهااا...ده يبقى رامى،الشريك الجديد فى شركتنا,,ده يبقا
الشخص
اللى أنقذ كل حاجة"
"اممممم...فهمت.."
ندى:"أنتى بتغير؟!!"
ضيقت عينى وانا باصص فى عنيها:"مش حقى؟!!"
ابتسمت وقربت منى أكتر وحضنتنى:"رقصة مش هتخلي حبى ليك يقل.."
****************************************
عدى اليومين بسرعة وجيه معاد طيارتى...كنت كل خطوة بخطيها بتزود
ضربات قلبى وخوفى من اللى هواجهه..إنى أعرف عن أمى بعد ما ماتت..ده
كان شئ مرعب بالنسبالى...
وصلت مطار القاهرة بعد ساعات من السفر..مكنتش قولت لندى انى
مسافرة..يمكن ريم قالتلها،بس مش متأكدة...
خرجت من المطار..كان فى سواق مستنينى..وبعد نص ساعة كنت فى مكتب
المحامى اللى كلمنى وكان قاعد معاه راجل معرفهوش...
المحامى:"اهلا أنسة ديما..حمدلله على السلامة.."
رديت:"شكرا.."
المحامى:"أتفضلى أقعدى...أعرفك بالأستاذ أحمد،كان زوج والدتك.."
بصيت لأحمد ده بصدمة..طول حياتى وانا مش
مستوعبة ان أمى سابتنى وانا
صغيرة..ودلوقتى أكتشفت إنها كانت عايشة
حياتها من بعدى واتجوزت وبنت
حياة جديدة كمان...
"أهلا.."
المحامى:"ودلوقتى نقدر نفتح
الوصية.."
بدأ المحامى يقرأ الوصية...كانت سيبالى فلوس
وبيت،بس وقتها فكرت هى
ديه الطريقة اللى فكرت تعوضنى بيها؟؟؟
كنت حاسة ان فى حمل تقيل على قلبى...متقبلتش
أم زى ديه..كنت طول
حياتى بدورلها على عذر لكن فى الوقت ده كرهت
الدنيا كلها....
المحامى أدانى شيك بالفلوس..كان بالفعل مبلغ
كبير..ومفتاح البيت...
خرجت من مكتب المحامى انا وزوج والدتى...
أحمد:"ممكن نروح نقعد فى حتة
ونتكلم؟؟؟"
وافقت على طلبه...روحنا قعدنا فى كافيه وبدأ
يتكلم...
أحمد:"والدتك كانت بتحبك جدا يا
ديما...كانت بتتمنى إن يجى يوم وتشوفك
فيه قبل ما تموت لكن أمنيتها متحققتش مع
الأسف.."
بصتله باستغراب:"هى اللى اختارت
انها..."
أحمد:"تسيبك؟؟والدتك عمرها ماختارت انها
تعمل كدة..أنا وعدتها إنى أقولك
على كل اللى حصل..على الاقل عشان متحمليش من
ناحيتها ذكرى سيئة.."
بصتله بترقب..كنت مستنية أفهم قصده...
أحمد:"والدك أجبرها على كل ده..أجبرها
إنها تسيبك وتمشى,طلقها واتجوز
واحدة تانية قال انه بيحبها..منعها من انها
تاخدك،لدرجة انه اتهمها بالخيانة
والسرقة ورفع عليها دعوة...لو مكنتش مشيت بعد
كل ده بهدوء كانت هتبقا
فى نظرك الزوجة الخاينة والأم
الحرامية..."
بدأت دموعى تنزل وأنا بسمع كل ده...يعنى من زمان وأنا عايشة فى كدبة
كبيرة...
قعدت أتمشى وانا بفكر فى كل اللى سمعته...ياترى اللى بيسمى نفسه أبويا
هيكون عنده مبرر لده كله؟؟؟ليه مسبنيش معاها بدل العذاب اللى سببهولى هو
ومراته الجديدة؟؟؟
وبعد ساعات رجعت على بيت بابا..خبطت الباب والخادمة فتحتلى...
كانوا بيتعشوا فى الوقت ده..دخلت لأوضة السفرة...
"مساء الخير.."
كل أنظارهم اتوجهت ناحيتى...شوفت مروة،شوفت فى عنيها لمعة
أمل..أفتكرت أد أيه أنا غلطت فى حقها وأذيتها وظلمتها...
بابا قام من مكانه وقرب منى وحضننى....
بابا:"ديما...حبيبتى مقولتيش ليه انك
جاية؟!!"
بعد عنى وبصللى بابتسامة....
زمن بعده جت مروة وسلمت عليا بالأيد...سلمت
عليها بإبتسامة محرجة..
مرات بابا:"أزيك يا ديما؟؟يلا يا حبيبتى
تعالى اتعشى معانا.."
قعدت على السفرة...كان بابا قاعد على راس
السفرة ومراته جنبه ومروة
جنبها..أما أنا فقعدت جنبه من الناحية
التانية...
بابا:"وصلتى أمتى؟!!"
"الصبح.."
مرات بابا:"وكنتى فين من وقتها؟!!"
بصيت لبابا:"كنت بحضر فتح وصية
ماما.."
ملامح وشه أتغيرت تماما وبصللى بصدمة...
بابا:"أمك؟؟؟"
رديت بإستهزاء:"أهااا..أمى،تخيل بعد كل
السنسن ديه ولما أعرف حاجة عنها
تبقا ماتت.."
بابا:"وأيه اللى خلاكى تروحى؟؟؟"
اتكلمت بانفعال:"كنت عايزة أعرف..كنت
عايزة اعرف هى سابتنى ليه.."
مرات بابا:"أزاى ترفعى صوتك بالطريقة
ديه على والدك؟!!"
بصتلها بعصبية:"أنتى ملكيش الحق إنك
تتدخلى بينى وبين بابا...أنا مش ديما
بتاعت زمان،دلوقتى كل حاجة اتغيرت..أنا مبقتش
البنت الصغيرة اللى
بتخاف منك لما تزعقيلها.."
بابا خبط بأيده على
الترابيزة:"بنت...أنتى اتجننتى ولا أيه؟!!"
قومت وقفت وبدأ صوتى يعلى اكتر:"اللى
يعيش فى بيت زى ده لازم عقله
يجراله حاجة...كنت حاسس بأيه وأنت بتكدب عليا
كل السنين ديه؟؟كنت
بتحس بأيه فى كل مرة تقولى فيها أمك سابتك
واختارت تعيش حياتها
بعيد؟!!هااا؟؟؟"
قام من مكانه وضربنى بالقلم على
وشى:"أزاى تتجرأى وتتكلمى مع أبوكى
بالطريقة ديه؟؟؟"
حطيت أيدى مكان ما ضربنى وضحكت
باستهزاء:"أزاى تقدر تسمى نفسك
أب بعد كل اللى عملته فى بنتك؟!!"
مرات بابا بزعيق:"ديماا...أخرجى
براا.."
"أنتى مين عشان تطردينى من بيتى؟؟"
قربت منى ومسكتنى من شعرى:"أنتى واضح
نسيتى نفسك..وأنا بقا
هفكرك.."
كانت بتضربنى وهى بتشدنى من شعرى..افتكرت كل
اللى كانت بتعمله فيا
من سنين...قسوتها وكرهها ليا...
مروة قربت مننا وبقت تحاول تبعد مامتها
عنى...
مروة:"ماما...سيبيها...أرجوكى متعمليش
كدة.."
سابتنى وضربت مروة بالقلم:"دلوقتى بقت
أختك وبتدافعى عنها؟؟ديه مش
أختك..فاهمة؟!!"
حطت أديها على وشها وهى بتعيط...أما أنا فوقفت
قدام بابا قبل ما خرج..
بصيت لبابا:"ده اللى كان بيحصل فى بنتك طول السنين
اللى فاتت وانت شايف
وساكت..هى ديه الست اللى انت اخترتها عشان
تكون مراتك،بس
دلوقتى..تأكد إنك خسرت كل حاجة..خسرت
ولادك...أنا مش عايزة حاجة
تانى منك..الفلوس اللى بتبعتهالى كل
شهر..دراستى..المكان اللى هعيش
فيه،كل ده مش عايزاه...وفى المقابل انسى ان
عندك بنت اسمها ديما..."
خرجت من البيت والدموع بتتجمع فى عينى،بين
يوم وليلة مبقاش ليا أى
حد...أخدت نفس عميق..كنت حاسة انى مخنوقة
والهوا مش بيوصل لرئتى...
كنت هوقف تاكسى بس صوتها من ورايا وقفنى...
مروة:"ديمااا..."
بصتلها والدموع فى عينى...قربت منى و وقفت
قدامى...
مروة:"أنااا...."
قطعتها:"أنا أسفة...أنا بجد أسفى على
اللى عملته معاكى.."
قربت منى ورمت نفسها فى حضنى....
مروة:"وأنتى سامحينى...أنا مكنش أصدى
أسببلك الأذى.."
بعدتها عنى وحطيت أيدى على وشها:"أنا
هقعد هنا لكام يوم –ادتها ورقة- ده
العنوان اللى هكون فيه.."
مسكت الورقة وبصت فيها...
"أرجعى معايا – بصتلى باستفهام – أرجعى
معايا على كوريا.."
اترسمت على وشها ابتسامة وشوفت الدموع اللى
متجمعة فى عنيها وهزت
راسها بالموافقة...
*******************************************
كنت قاعد فى البيت
بتدرب على الأغانى بتاعتنا...
تليفونى رن وكان
دونغهوا أخويا...رديت عليه وأنا مبسوط بمكالمته...
دونغهوا:"دونغهى.."
رديت:"أوووه
هيونغ،أزيك؟!!"
سمعت نبرة صوته
المختلفة والكلمات اللى قالها...اتصدمت لما سمعت اللى
هو قاله،حسيت
بالضياع..فقدان حاجة جوايا...
التليفون وقع من
أيدى وأنا بكرر اللى سمعته فى راسى تانى وتالت...بدأت
دموعى تنزل وصوت
عياطى يعلى...
كنت حاسس إنى عايز
حد يحضننى..يضمنى ليه..حد يكون معايا فى الوقت
ده ويسمعنى..
كلمت ديما بس كان
موبايلها مقفول...أفتكرت انها سافرت..بعدها افتكرت
ميرو...
ميرو:"أوباا..أزيك؟!!"
رديت بصوت مخنوق بالدموع:"ميروو.."
ميرو
بقلق:"أوبا مالك؟؟؟صوتك ماله؟!!"
رديت:"أبااا...أباا
– صوتى أختفى وانا بقولها – مات.."
سمعت اللى قولته
وحسيت بيها مش عارفة تقوللى أيه..
ميرو:"أوباا.."
"أنا تعبان
أوى.."
ميرو:"أنت فين
دلوقتى؟!!"
أديتها عنوان البيت
وبعد فترة وصلت...أول ما شوفتها حضنتها وهى بادلتنى
الحضن...
ميرو:"أوباا...شد
حيلك.."
"ميرو..أنا
حاسس إنى مخنوق،ومش عارف أعمل أيه..."
قعدت جنبى على
الكنبة وبدأت تواسينى...كنت مرتاح بوجودها معايا...وبعد
فترة غفيت وأنا حاطط
راسى على رجلها...
صحيت تانى يوم
وشوفتها قاعدة مكانها...
ميرو بابتسامة
هادية:"صباح الخير.."
شيلت راسى من على
رجلها وقعدت:"أنتى فضلتى هنا من امبارح؟!!"
ميرو:"أممم..كلمت
أوبا وقولتله إنى هبات برا..يلا قوم أنا هجهزلك الفطار.."
رديت:"متتعبيش
نفسك...أصلا أنا مليش نفس أكل حاجة.."
قامت واتجهت
للمطبخ:"لازم تاكل...هعمل حاجة خفيفة.."
"ميروو.."
بصتلى وهى مستنيانى
اتكلم...
"كوماووااا.."
ميرو
بابتسامة:"يلا قوم أغسل وشك وغير هدومك عشان تلحق تفطر قبل
معاد القطر..."
****************************************
صحيت الصبح على
مكالمة كيوهيون...
رديت بصوت
نايم:"أوووه أوباا.."
كيوهيون:"ريم...ألبس الجاكت الأسود ولا البنى؟!!"
رديت:"ماتلبس أى واحد فيهم بقااا.."
كيوهيون:"لأ طبعا لازم أنتى اللى تقوليلى.."
"ألبس الأسود أوبا..الأسود.."
قفلت السكة ورجعت أنام تانى..وبعد دقايق صحانى موبايلى للمرة التانية...
كيوهيون:"ريم...أصفف شعرى أزاى؟؟؟أرفعه..ولا.."
قومت من مكانى وانا مش طايقة نفسى...
"أوباااااااا...ماتعمل شعرك بالطريقة اللى تعجبك،أنا لما قولتلك
متتصرفش
لوحدك أكيد مكنش قصدى تصفيفة شعرك،،أرحمنى بقااا.."
كيوهيون:"يعنى أنا ذنبى أنى عايز أرضيكى؟!!"
"عااااااااا...خلاص،،أعمل اللى انت عايزه..متبقاش
تقوللى على اى حاجة
تيجى تعملها...اللى انت عايزه اعمله.."
كيوهيون:"متأكدة؟؟؟"
"اهااا..متأكدة جدااا.."
نهيت المكالمة وبعدها قفلت الموبايل خالص...
"اااشششش...حافظ مش فاهم،،بجد أفعاله
ديه تعبتنى.."
حطيت الموبايل فى الدرج ورجعت أكمل نوووم...
*****************************************
بعد أيام شيون ويونا رجعوا على كوريا...أما أنا فكنت مخططة أرجع بعديهم
بأسبوع...
لكن بعد ما عرفت بسفر ديما قررت أرجع بدرى عشان ريم متقعدش
لوحدها...حبيت أعمللها لشيون مفاجأة فمقولتلهوش إنى راجعة...
نزلت من الطيارة وأخدت تاكسى للبيت...طلعت وخبطت على الباب وأنا
متشوقة عشان أشوف تعابير شيون لما يشوفنى...
فتحلى الباب وكانت تعابير وشه غريبة..مش اللى أنا متوقعاها...
شيون:"ندى؟؟؟"
قربت منه وحضنته:"أيه؟؟مش مبسوط عشان رجعت بدرى؟!!"
فى الوقت ده سمعت صوت من جوا..بعدت عن شيون وشوفت يونا وهى
خارجة من أوضته...
يونا:"مين أوباا؟؟؟"
كانت لابسة التيشيرت بتاعه...شعرها مش مظبوط..شكلها..كل الموقف
بيوحى بحاجة واحدة...إن شيون ويونا كانوا.....
....
...
.....يتبع....
ليست هناك تعليقات:
إرسال تعليق