Chapter 30
part 1
كنا قاعدين جنب بعض على
الكنبة..ماسك أيدها وهى نايمة على كتفى...
"شوفتى إنك
ظلمتينى؟!!كان المفروض تسمعينى على الأقل.."
رفعت راسها من على كتفى
وبصتلى بغضب...
ندى:"ظلمتك؟؟أنت فى
الأول والأخر غلطان..أزاى تسمحلها تيجى
هنا؟!!وعرفت منين أصلا
إنك ساكن هنا؟؟"
بصتلها:"وأنا هعرف
منين هى أزاى عرفت؟!!"
ربعت أيدها:"مكنش
المفروض تسمحلها تدخل هنا..كان لازم تصدها.."
"ديه طريقة جديدة
عشان متعترفيش بغلطك؟!!"
بصتلى بنظرة
حادة:"على فكرة انا اعتذرتلك..بس ده مش معناه إن انت
كمان مش غلطان.."
اتنهدت وشدتها تانى عشان تنام
على كتفى..
"خلاص كفاية كلام..خلينا
كدة كويس.."
رجعت تانى أمسك أديها وفضلنا
قاعدين مش بنتكلم,بس بنلعب فى صوابع
بعض بإبتسامات جانبية....
"متقوليش تانى
إنك مش ليا أو حتى مجرد التلميح بإنك ممكن تكونى لحد
تانى مش
عايز أسمعه.."
ندى:"أراسوو.."
"أوعدينى.."
بصتلى
باستغراب...
"أوعدينى
إنك مش هتكونى لحد غيرى.."
ابتسمت:"أوعدك.."
وبعد شوية الباب فتح وريم جت....
ريم:"وأخيرا
أتصلحتوا!!"
ندى:"حسابك معايا
بعدين.."
ريم:"وأنا ده جزائى عشان كنت السبب فى
أنكوا تتصالحوا؟!!"
ندى:"حضرتك مكنتيش السبب
ولا حاجة..وبعدين أزاى تجبينى هنا وأنا
متعصبة ومش شايفة قدامى
وتمشى؟!!"
ريم قربت وقعدت على كرسى
قدامنا:"خلاص
بقا..المهم الموضوع خلص
على خير,فى موضوع أهم من
كدة.."
ندى:"أيه؟!!"
ريم:"إحم..كيوهيون طلب
يتجوزنى.."
ندى اتعدلت فى قعدتها بصدمة:"نعم؟!!!"
ريم:"وكان عايز نعمل الفرح
فى خلال شهر.."
ندى:"أنتى بتهزرى
صح؟!!"
ريم:"وهى الحاجات ديه فيها
هزار؟!!"
ندى:"بس أنتى لسة مخلصتيش
دراستك..أنتى لسة مخلصة سنة أولى.."
"وأنا مش موافق..مينفعش
تتجوزى قبل أختك الكبيرة.."
ريم بصتلى بطرف
عنيها:"بصفتك ايه متوافقش؟!!"
"بصفتى خطيب أختك مش
موافق.."
ريم:"خطيب أختى؟؟غريبة مش
شايفة أى خاتم فى أيدها يعنى ولا
حاجة.."
ندى:"خلاص أنتوا
هتتخانقوا؟؟"
ريم بتبرطم:"يارتنى ما
صالحتكوا على بعض.."
"مش ندى قالتلك قبل كدة إنك
مكنتيش السبب فى اننا نتصالح؟!!"
ريم:"يااااااااا..."
ندى:"خلااااااااص.."
سكتنا احنا الاتنين...
ندى:"وانتى رديتى عليه
بأيه؟؟"
ريم:"قولتله موافقة..بس
طبعا الفرح مش هيبقا بعد شهر..ممكن شهرين أو
تلاتة.."
ندى:"بصراحة أبهرتينى..طب
وعمك؟!!يعرف حاجة عن الموضوع ده؟؟"
ريم:"لأ لسة..بس أنا قولت
لكيو لازم يطلبنى منه,وكمان قلتله إنى مش
هسيبك وهعيش معاكى.."
"تعيشى معاها فين؟؟شايفة
الشقة كبيرة أوى عشان تيجى انتى وهو تعيشوا
هنا؟!!بعدين أعرف إن كيو ناوى
يستقر مع أهله.."
ريم:"ومين قالك إننا هنعيش
هنا..هنشترى بيت أكبر يا ذكى.."
"عايزة تفهمينى إن ندى
هتسيب الشقة وهتروح تعيش معاكى؟؟ده فى
أحلامك.."
ندى قامت وكانت داخلة على
أوضتها...
ريم:"رايحة فين؟؟لسة
مخلصناش كلام.."
ندى:"لما تخلصوا خناق أبقوا
أندهونى.."
دخلت وقفلت الباب...وانا وريم
فضلنا قاعدين واحنا بنبص لبعض من
تحت لتحت...
كان نفسى يكون عندى الشجاعة
إنى أقول لندى إن فرحنا يكون قبل فرح
ريم..بس إحنا لسة عندنا مشاكل
كتير لازم نحلها قبل ما نفتح الموضوع
ده..أهمها أهلى....
****************************************
دخلت الأوضة ورميت نفسى على
السرير..كنت حاسة بشعور متناقض
بين إنى فرحانة لأنه قال لريم
مينفعش تتجوز قبل أختها الكبيرة,وبين إنى
حاسة بشوية زعل لأنه مفتحش
موضوع أرتباطنا بشكل رسمى...
سمعت صوت ريم من برا...
ريم:"ندااااااا...أنا نازلة
أقابل كيوهيون,أبقى كلمى عمو وقوليله على اللى
حصل أنتى بتعرفى تتكلمى معاه فى
المواضيع ديه.."
اتنهدت ورجعت تانى أفكر..كنت
حاسة ان الموضوع كوميدى نوعا ما...
إن ريم ممكن ترتبط وتتجوز
بالسرعة ديه شئ متخيلتهوش....
فضلت نايمة على السرير شوية
لغاية ما غفيت...
صحيت بعد كام ساعة..كان الوقت
داخل على 9 بالليل..قومت من السرير
وخرجت من الأوضة..كان فى ضوء
خافت فى الشقة ومفيش أثر لأى
حد...
دونغهى شكله مرجعش وشيون معرفش
فين...
روحت على المطبخ عشان أعمللى
حاجة أشربها..عملت نيسكافيه وقعدت
اشربه بهدوء..بعد دقايق سمعت
صوت باب الحمام بيتفتح...
خرج شيون واضح انه كان بياخد
دش..كان لابس بنطلون وماسك فوطة
بينشف بيها شعره,كان فى قطرات
مية على صدره وبطنه,,بلعت ريقى
بتوتر و وجهت نظرى بسرعة
للكوباية اللى فى أيدى لما بصلى...
شيون:"صحيتى؟!!"
رديت من غير ما ابصله:"أممم.."
حسيت بيه بيقرب من المكان اللى
انا قاعدة فيه..ومع كل خطوة بيقربها
كان توترى بيزيد أكتر....
سيبت الكوباية وحاولت أخرج من
المطبخ بس وقف قدامى
ومنعنى..حاولت أعدى منه لكن هو
فضل يتحرك قدامى ومخلنيش أعدى..
شيون:"مش بتبصيلى
ليه؟!!"
"شيون..سيبنى أعدى.."
قرب منى بخطوة وأنا رجعت
واحدة...
شيون:"مش معقول تكونى
متوترة.."
أتفاجأت بيه بيقرب منى مرة
واحدة وحضنى..اتصدمت من اللى
عمله,وبعد ثوانى بعد ما
استوعبت اللى حصل زقيته وجريت على
أوضتى..
قفلت الباب وسندت عليه..كنت
حاسة بضربات قلبى بتزيد وصوت انفاسى
عالية...
قعدت فى الأوضة لما يقارب النص
ساعة وانا بفكر أخرج ولا لأ...
سمعت صوت خبط على الباب وانا
قاعدة على السرير...
"نعم.."
شيون:"هتفضلى جوا لغاية
أمتى؟!!"
رديت بتوتر واضح:"ع عايز أييه؟؟"
فتح الباب ودخل راسه:"عايز أقعد معاكى.."
دخل وقعد جنبى..حسيت ببعض
الراحة بما انه لبس تيشيرت..
شيون:"بس أنتى واختك
مختلفين تماما...ريم معملتش اللى انتى عملتيه
ده.."
بصتله بصدمة:"ريم شافتك كدة
قبل كدة؟!!"
شيون:"اممم..مرة.."
حسيت بشوية غيرة لأن حد غيرى
شافه كدة...
شيون:"أيه النظرة
ديه؟!!"
"ريم شافتك كدة
أمتى؟!!"
ضحك من طريقتى فى السؤال:"أنتى بتغيرى؟!!"
سكت وبصيت فى الأرض..
شيون:"كان فى الفترة اللى
بتساعدنى فيها عشان اخليكى تحبينى..قعدت
تسألنى أسئلة وعشان اتهرب منها
خرجت من الحمام كدة بس هى
متأثرتش تماما..."
"اممم..."
ابتسملى وحط أيده على شعرى:"أيه رأيك نخرج؟!!"
بصتله بإبتسامة وهزيت راسى إنى موافقة...
كل واحد فينا قام يلبس وخرجنا...مروحناش مكان محدد,كنا بس
بنتمشى
بالعربية واحنا بنتكلم فى مواضيع مختلفة...
رجعنا على البيت بعد ساعتين تقريبا..كان دونغهى وريم
وصلوا...قعدنا
مع بعض احنا الاربعة شوية وبعدين كل واحد دخل على اوضته...
كنت نايمة جنب ريم وقعدنا نتكلم شوية قبل ما ننام..عن أوضاعها
هى
وكيو,وجوازها المفاجئ...
صحيت الصبح ولبست ونزلت..كنت فى عربيتى ورايحة على الشركة فى
الوقت اللى موبايلى رن فيه..كان رقم غريب..
"يوبسيووه.."
...:"ندى شى؟!!"
"أيوا مين معايا؟!!"
...:"أنا والدة
شيون.."
حسيت بتوتر غريب لما عرفت هى مين..متخيلتش إنها ممكن تتصل بيا..
"أوووه دييه
أومونيم.."
السيدة تشوى:"ممكن
نتقابل؟!!"
"أووه...أكييد"
السيدة تشوى:"النهاردة
المغرب عندى فى البيت..المعاد مناسب؟؟"
"دييه..هكون هناك فى
المعاد.."
قفلت وانا حاسة بخوف وتوتر وفضول...ياترى عايزانى فى أيه؟!!
موبايلى رن للمرة التانية..شوفت الرقم ورديت بابتسامة...
"صباح الخير يا
حبيبى.."
شيون:"صباح النور..أنتى
فين؟؟"
"رايحة على الشركة..فى
حاجات لازم أخلصها.."
شيون:"بس انتى مفطرتيش
حتى.."
"خلاص..هبقا آكل أى حاجة
وأنا برا..أأ أوبا.."
شيون:"امممم.."
"انت قولت لمامتك حاجة
عننا؟!!"
حسيت بنبرة صوته
اتغيرت:"حبيبتى أنا عارف إنى لازم أفتح الموضوع
ده معاهم,و..."
قطعته:"مش قصدى..بس هى طلبت
تقابلنى.."
شيون:"النهاردة؟!!"
"امم..المغرب عندكوا فى
البيت..أفتكرتك عارف عن الموضوع.."
شيون:"لأ
معرفش,عالعموم..أنا هكون هناك فى الوقت ده.."
رديت
بابتسامة:"أراسووو...سارانييه.."
شيون:"سارانييه.."
قفلنا مع بعض وانا كملت طريقى للشركة..كنت مبسوطة ان عندى شخص
زيه..بيحس بخوفى وتوترى من غير ما أقوله,ودايما بيسندنى بوجوده
جنبى...
***************************************
وصلت بسرعة على المكان اللى طلب نتقابل فيه...
"ليه نتقابل الصبح
كدة؟؟"
قرب منى ومسك أيدى...
كيوهيون:"صحيت الصبح وحسيت
انك وحشانى اووى..وكنت عايز
اشوفك.."
قربت منه وحضنته:"وانت كمان
وحشتنى.."
كيوهيون:"يلا نبدأ
يومنا؟!!"
بعدت عنه ومسكت أيده:"هتودينى على فين؟!!"
كيوهيون:"أنا قعدت أفكر
إزاى نقضى وقت مميز مع بعض..وبعدين
جاتلى فكرة,بس يارب
تعجبك.."
كنا ماشيين واحنا بنتكلم وماسكين ايد بعض...
"أيه بقا الفكرة؟!!"
كيوهيون:"بما إننا خلاص
قريب جدا هنكون كالشخص الواحد..فأنا عايز
نعمل كل حاجة مع بعض كشخص واحد
النهاردة.."
رديت بابتسامة:"حبيت الفكرة
ديه.."
بدأنا يومنا بأننا دخلنا مطعم عشان نفطر مع بعض...
طلب طبق واحد وكوباية عصير واحدة...كان بيأكلنى بأيده,كنت حاسة
بالسعادة على الرغم من الفكرة الغريبة ديه....
كيوهيون:"لو مشبعتيش من طبق
واحد..ممكن نطلب واحد كمان بس المهم
نتشاركه مع بعض.."
خلصنا أكل وبدأنا نتمشى تانى..روحنا سوق كبير,كنا بنلف واحنا
بنتفرج
على الحاجات اللى بتتباع...
شوفنا أساور عجبتنا واشتريناها...بعدين قعدنا مع بعض فى جنينة
وبدأنا
نتكلم....
كيوهيون:"كلمتى أختك فى
موضوعنا؟!!"
"اممم...قالتلى هتكلم
عمو,بس زى ما اتفقنا.."
كيوهيون:"عارف..هروح بنفسى
عشان اطلبك منه.."
"بس أوبا..الدراسة هتبدأ فى
خلال شهر ونص,تفتكر صح أننا نتجوز فى
الوقت ده؟!!"
كيوهيون:"أنا عارف إننا
هنساعد بعض عشان نخلى الأمور تنجح.."
كنت حاسة بالتردد من أنى أقوله اللى أنا بفكر فيه....
كيوهيون:"عايزة تقولى
أيه؟؟قوليلى بتفكرى فى أيه؟!!"
رديت:"كنت هقولك نستنى
للأجازة الجاية..نكون خلصنا سنة تانية.."
سكت شوية وهو بيفكر فى كلامى...
بصتله بابتسامة:"خلاص...أنا
موافقة على اللى انت عايزه.."
كيوهيون:"خلاص يبقا نستنى
شوية ونفكر أكتر فى الموضوع وننظم كل
اللى هنعمله..وبعدين نقرر الفرح
هيبقا امتى..حتى يكون فستانك جهز.."
قربت منه وبوسته على خده:"بحبك.."
ضحك وهو بيقرب منى:"وأنا كمان بحبك.."
اتلامست اطراف انوفنا وقبل ما يحاول يقرب تانى زقيته...
"أوبااا..الناس
هتشوفنا.."
فرك
شعره:"ااايييشششش..."
قومنا وكملنا معادنا..كنت حاسة بالسعادة وانا معاه...مبسوطة انه
فكر فى
اننا نتشارك فى كل حاجة هنعملها النهاردة,,بيعرف ازاى يصالحنى
ويحسسنى بالسعادة...فى الحقيقة بمجرد التفكير بالموضوع هو مش
محتاج
يعمل أى حاجة عشان يحسسنى بالسعادة..كفاية إنه معايا....
***************************************
صحيت الصبح ولبست ونزلت أفطر مع ديما...
"ديما:"صباح
الخير.."
رديت:"صباح النور...ندى
وريم خلاص رجعوا على بيتهم؟!!"
ديما:"أممم...ندى وشيون
اتصالحوا.."
استغربت:"بالسرعة ديه؟؟كانت
متضايقة منه أوى.."
ديما بابتسامة:"طلع مجرد
سوء فهم...أنتى رايحة فين عالصبح كدة؟!!"
"ها؟؟رايحة
مشوار.."
بصتلى بطرف عنيها:"مشوار
فين؟؟ومع مين؟!!"
بصيت فى طبقى:"حد
متعرفيهوش.."
ديما بصتلى من تحت لتحت:"مرواااا..أنتى
بتوعدى؟!!"
حاولت أغير الموضوع:"أحم
احم...صحيح,أيه أخبار دونغهى أوبا؟!!"
ابتسمت بهدوء:"كويس..الألبوم
الجديد بتاعه نزل من فترة.."
"كويس..وأيه
أخباركوا مع بعض؟!!"
ديما:"سيبنا
بعض.."
حسيت إنى نيلت الدنيا خالص..يارتنى مافتحت
الموضوع ده,بس ليه سابوا
بعض؟؟كانوا كويسيين قبل ما اسافر..
"أيه
اللى حصل؟!!"
بصتلى
بابتسامة:"عرفنا اننا مش ممكن نكمل كأتنين بيحبوا بعض...يلا
كلى
بسرعة عشان تلحقى معادك.."
"أراسووو.."
خلصت فطارى وخرجت وأنا بفكر فى موضوع
ديما..أيه اللى حصللهم
مرة واحدة عشان ينفصلوا بعد ما كانوا
خلاص اتخطبوا وكمان كانوا
بيجهزوا لفرحهم!!!
وصلت على المكان اللى اتفقت مع كيبوم
نتقابل فيه...كانت عبارة عن
جنينة واسعة..شوفته واقف مستنينى...
كيبوم
بابتسامة:"أزيك؟!!"
"كويسة..وأنت؟!!"
كيبوم:"أنا
كمان كويس.."
كنت حاسة بتوتر كبير..لأول مرة أخرج مع
حد فى معاد...
بدأنا نمشى ومحدش فينا بيتكلم,لغاية ما
صوته قطع الصمت ده...
كيبوم:"أيه
اللى خلاكى ترجعى على مصر؟!!"
"فى
الوقت ده مكنش ينفع أفضل هنا..مكنش ليا حاجة أقعد عشانها.."
كيبوم:"ودلوقتى؟!!"
بصيت للأرض وأنا مبتسمة:"دلوقتى
كل حاجة بقت هنا.."
حسيت بضربات قلبى بتزيد لما مسك أيدى
وشبك صوابعه بصوابعى..
كيبوم:"تعرفى
انك كنتى وحشانى أوى؟!!"
بدأت أحس ان الجو بيسخن أكتر وأكتر...
كيبوم:"وأنا
وحشتك؟!!"
خبطته على كتفه:"بس
بقا.."
كيبوم:"بس
أيه؟!!"
"بطل
الكلام ده.."
كيبوم:"ضايقتك؟!!"
"مش
كدة..بس..."
بص قدامه واتنهد:"لسة
محرجة منى – بصلى بإبتسامة – خلاص
أول
معاد
نستغله فى إننا نعرف بعض أكتر,ونقرب من بعض..وبعد كدة نبقا
نشوف
هنعمل أيه.."
بصتله
بإبتسامة:"أراسوو.."
كملنا معادنا مع بعض..كان يوم حلو وكنت
مبسوطة أوى,وكان كيبوم
بيستغل كل فرصة عشان يشيل الحرج من
مابينا ونقرب من بعض أكتر...
to be continue
ليست هناك تعليقات:
إرسال تعليق