Chapter 30
part 2
خرجت بعد ما مروة خرجت وروحت على الشركة..التدريبات بقت مكثفة
بسبب الفترة اللى سافرتها....
أخدت جدولى الجديد وبدأت التمرينات...كنت بحاول أبذل كل اللى فى
وسعى...
أخدت بريك لدقايق وخرجت عشان أجيب قهوة...
شوفت ميرو..سلمنا على بعض و وقفنا نتكلم...
"مكنتش أعرف إنك تكونى صاحبة مروة.."
ميرو:"وأنتى تعرفى مروة منين؟!!"
ابتسمت:"أنا أبقى أختها.."
ميرو:"أوووه..شينشا؟؟"
"اممم...حكتلك عنى؟؟.."
ميرو:"أووه..دييه.."
فى الوقت ده حسيت بالفضول عشان أعرف هى اتعرفت على دونغهى
أزاى...
"صحيح..أنتى ودونغهى أوبا أتعرفتوا أزاى؟!!"
ميرو بابتسامة:"كان بسبب مروة..مروة طلبت من ندى تساعدنى,ةندى
عرفتنى على دونغهى أوبا.."
"أممم...فهمت.."
سمعنا صوت المدير من جنبنا..
المدير:"ديما شى..عايزك فى مكتبى.."
أنحنيتله واستئذنت من مروة وحصلته على المكتب...
المدير:"أنتى دلوقتى مضيتى العقد معانا..وكمان ملاحظ ان تدريباتك
ماشية بشكل كويس.."
"دييه.."
المدير:"دلوقتى الشركة عايزاكى تمضى على عقد جديد.."
استغربت من الكلام ده...أيه لزمة العقد الجديد!!!
طلع العقد من الدرج وأداهولى..قعدت أقرأه,كنت مستغربة من البنود...
المدير:"زى ما انتى شايفة..ده عقد لمدة خمس سنين,الشركة هتأمنلك شقة
وعربية..ترسيمك هيكون بعد ست شهور من دلوقتى هتسافرى خلالهم
أمريكا.."
"امريكا؟!!"
المدير:"أممم...هتكملى فترة تدريبك هناك,وطبعا مش محتاج أنبهك على
الشروط,ممنوع إنك تواعدى أو ترتبطى بأى شخص فى الفترة ديه بشكل
رسمى..وطبعا انتى عندك خلفية عن فضايح الأيدولز اللى بتؤدى لمحوهم
من الوسط ده..وقيمة الشرط الجزائى كبيرة زى ما أنتى شايفة.."
كنت بقرأ العقد وأنا بسمعه وبفكر فى الموضوع كويس..ومن الواضح انه
لاحظ ترددى...
المدير:"ديما شى..أنتى مش مستنيانى أقولك إن ديه فرصة كبيرة
ليكى,حاولى تفكرى بتمعن عشان تاخدى القرار السليم.."
كل اللى قاله صحيح..بالفعل ديه فرصة كبيرة ليا,شقة وعربية,ده غير انى
هوصل لحلمى بالطريقة ديه...وفورا رديت..
"موافقة.."
مضيت العقد وخرجت من مكتب المدير..كنت حاسة انى اخدت القرار
الصح وكنت مبسوطة بيه...
قابلت دونغهى اوبا فى طريقى,وروحنا الكافيتريا وقعدنا نتكلم شوية...
حكتله عن العقد...
دونغهى:"تشوكاهييه..ديه فرصة كبيرة ليكى.."
رديت بابتسامة:"اممم..عندك حق.."
دونغهى:"وأنا فى خلال كلم يوم هنقل بردوا شقة جديدة مع
الأعضاء..حكتلك عن الموضوع ده قبل كدة.."
"امم..فاكرة,فايتنج.."
دونغهى:"فايتنج.."
كنت بفكر واحنا قاعدين..سفرى الفترة ديه ممكن يكون فى صالحة فى كل
النواحى,,هيكون عندى فرصة أنساه..حتى مش بعيد أحب تانى...
رجعت البيت على المغرب..كنت ببص من شباك أوضتى وأنا بفكر..فى
الوقت ده شوفت مروة راجعة مع شاب فى عربيته...
كنت مبسوطة عشانها..نزل وفتحلها الباب ونزلها...مسك أيدها وقرب منها
وطبع قبلة على خدها...بعدين ركب عربيته ومشى ومروة دخلت البيت..
خرجت من أوضتى ونزلت فتحتلها الباب....
"مين الشاب الوسيم ده بقا؟!!"
وشها بقى لون الطمطماية وزقتنى ودخلت....
قعدت على الكنبة وعلى وشها ابتسامة مش قادرة تخبيها...
روحت قعدت جنبها:"قضيتى وقت حلو؟!!"
بصتلى بابتسامة:"امممم.."
"كان فى موضوع عايزة أحكيهولك.."
حكتلها على كل اللى حصل معايا النهاردة..كانت متضايقة لأنى هسافر
وهسيبها ست شهور,بس قدرت موقفى وانى محتاجة ده...
******************************************
وصلت بيت شيون فى المعاد بالظبط..كان لسة موصلش,دخلت و سلمت
على والدته وقعدنا نتكلم...
نظراتها ليا مطمنتنيش ولو شوية..كنت حاسة ان فى حاجة هتحصل..
السيدة تشوى:"أنتى عايشة مع أبنى من أمتى؟!!"
وديه كانت أول صدمة بالنسبالى..عرفت منين؟!!وبعدين أفتكرت يونا..أكيد
هى اللى قالتلها....
اتكلمت بهدوء:"حضرتك فاهمة الموضوع غلط.."
اتكلمت بنبرة حادة:"طب قوليلى عايزانى أفهم أيه من إن إبنى عايش
معاكى فى نفس البيت..بيتقفل عليكوا باب واحد وبتناموا فى نفس
المكان.."
كنت حاسة إن كل الكلام هرب منى..حسيت بوجع فى قلبى وبقيت أحاول
أمسك نفسى عن العياط...توترى كان واضح وانا بتكلم,حتى انى مكنتش
عارفة انطق بجملة على بعضها...
"أأ أناا.."
السيدة تشوى:"أنا كنت عايزة أتكلم معاكى عشان أقولك أبعدى عنه..أنتوا
الاتنين مينفعش تكونوا لبعض.."
بدأت الدموع تتجمع فى عينى وبقيت أحاول بكل طاقتى انى افضل حبساها
فى عينى...
اتكلمت بصوت مخنوق:"ممكن أعرف ليه؟!!"
بدأت تزعق:"إنتى فاكرة إن أى شخص ممكن يوافق إنه يكمل حياته مع
واحدة سلمتله نفسها بالسهولة ديه قبل الجواز..حتى لو هو وافق,أنا مش
هقبل بواحدة زيك تبقى مرات أبنى.."
فى الوقت ده سمعت صوت شيون....
شيون:"أومااا..."
بصينا ناحيته...كانت ملامح الغضب واضحة على وشه,قومت وقفت وهو
قرب منى و وقف جنبى وحط أيده على كتفى وضمنى ليه...
شيون:"أوماا..مين أداكى الحق إنك تتكلمى معاها بالطريقة ديه؟!!"
السيدة تشوى:"ولسة بتدافع عنها؟؟هى ديه اللى بتحبها وعايز
تتجوزها؟!!أنا من وقت طويل وأنا بسيبك تعمل اللى انت عايزه ومبتدخلش
فى علاقاتك..لكن المرادى واضح بجد إنك مش عارف إنت بتعمل أيه.."
شيون:"لأ عارف أنا بعمل أيه كويس..أنا مبقتش صغير,ندى هى البنت
اللى أنا أخترتها.."
قامت وقفت وصوت زعيقها بقى أعلى:"واحدة زيها تختارها عشان تقضى
معاها شوية وقت وخلاص..الرخيصات اللى زيها فى كل مكان,,لكن إنك
تتعدى المرحلة ديه.."
مقدرتش أسمع أكتر من كدة..نزلت دموعى مع أخر كلمة قالتها وأخدت
شنطتى وخرجت برا البيت بخطوات سريعة...سمعت صوت شيون من
ورايا بينادينى وبعدين وجه الكلام لمامته...
شيون:"أنتى بتخسرينى باللى انتى بتعمليه ده.."
خرجت برا البيت و بقيت أحاول أطلع مفاتيح العربية بأيدى اللى
بتترعش..لقيته خرج ورايا بسرعة وكلمنى بلهفة..
شيون:"أسف.."
بصتله وانا بعيط ومش قادرة اوقف دموعى...أخدنى فى حضنه وحط أيده
على راسى....
شيون:"كل ده بسببى..أنا أسف.."
"لا..كل اللى حصل مش بسببك,أنا اللى عملت فى نفسى كدة.."
بعدنى عنه وبصلى بحزن...
كملت كلامى:"كنت فاكرة انى مش لازم أتنازل أبدا..مهمنيش كلام
الناس,مكنتش بفكر غير فى العند وتنشيف الدماغ.."
حط أيده على وشى:"أنتى معملتيش حاجة غلط.."
"لو مكنش غلط مكناش خبينا اننا عايشيين مع بعض.."
مسحت دموعى بأيدى وبصتله بإبتسامة...
"أنا عايزة أقولك..متخسرش والدتك عشان خاطر أى حد,خصوصا
عشانى.."
لفيت الناحية التانية عشان اركب عربيتى..مسك أيدى وخلانى ألفله...
شيون:"رايحة فين دلوقتى؟!!"
ابتسمت بهدوء:"هتمشى شوية بالعربية.."
شيون:"هاجى معاكى.."
"أنا كويسة..أدخل لوالدتك وحاول تهديها,فهمها إن محصلش بيننا اللى هى
فكراه.."
ركبت العربية ومشيت..كنت حاسة ببركان جوايا..على عكس كل اللى
كنت بتدعيه قدامه....
صعبت عليا نفسى..بس بالفعل كنت انا السبب فى انى اخلى اى حد يفكر
فيا بالطريقة ديه....
وفى نفس الوقت فكرت فى شيون وعلاقته بوالدته..مينفعش يخسارها
عشانى,لو كان فى أيدى الأختيار كنت هختار إنى أقضى يوم واحد مع
ماما وأتخلى عن باقى الدنيا كلها....
مشيت لغاية ما وصلت للنهر..قعدت هناك,وبعد شوية تليفونى رن وكانت
ريم...
ريم:"أنتى فين؟!!"
"أنا عند النهر...ليه؟!!"
ريم:"خليكى عندك أنا جيالك.."
قفلت معاها وقعدت مستنية....
*******************************************
اتصلت بيها بعد ما شيون كلمنى..عرفت انها كانت عند النهر وروحتلها...
شوفتها قاعدة هناك..نزلت من عربيتى وروحت قعدت جنبها...
ندى:"جيتى؟!!"
رديت:"أممم...قاعدة هنا ليه؟!!"
ندى:"ريم..أنا غبية لأنهى درجة؟!"
"غبية جدا..بتسألى ليه؟!!"
بصتلى بابتسامة:"بتكلم بجد.."
"السؤال ده فى حد ذاته غبى..فى أيه؟؟مالك؟!!"
"متضايقة...حاسة انى كنت بتصرف بغباء كل الفترة اللى فاتت
ديه_بصتلى بابتسامة_أيه رأيك نجيب بيت كبير؟؟بيت كبير..بجنينة فى
حى راقى.."
"موافقة جدااا طبعا.."
قعدنا شوية مع بعض..شوية نتكلم وشوية نسكت...
شيون اتصل بيا بعد نص ساعة تقريبا عشان يتطمن على ندى...قولتله
على مكاننا وقاللى انه جاى دلوقتى...
قعدنا فى الوقت ده نتكلم أنا وندى فى اللى هنعمله....
"أتكلمت مع كيو واتفقنا اننا نستنى شوية على الفرح..يعنى ممكن بعد أربع
شهور كدة,كنا قولنا هنخليه بعد ما نخلص سنة تانية،بس بعد كدة قولنا
نخليه فى أجازة نص السنة.."
بصتلى بابتسامة:"اممم...كويس كويس.."
"بتتريقى حضرتك؟!!"
ندى:"مش بتريق بس بصراحة الموضوع جيه بسرعة أوى..المهم هيسافر
لعمك أمتى؟!!"
"فى خلال الشهر الجاى..قبل ما الدراسة تبدأ.."
ندى:"تمام تمام..هتسافرى معاه؟!!"
"ده أكيد..وكنت عايزاكى انتى كمان تيجى معايا.."
ندى:"هشوف ظروف الشغل..وبعدين عمك مش هياكلك لو روحتى
لوحدك.."
رديت بملل:"ما انتى عارفة ان انا وهو مبنتفقش على حاجة..دايما بيقول
عليا متهورة.."
ندى:"وانتى مش شايفة نفسك كدة؟؟كفاية موضوع الجواز ده.."
"مش عارفة ايه اللى خلانى أعبرك وأجى.."
ندى:"مين اللى قالك تيجى؟!!"
"ما أنتى وشيون بيه بتاعك هتجننونى.."
ندى:"هو اللى قالك تيجى؟!!"
"أممم..قاللى انى مسبكيش لوحدك..وكمان نبه عليا انى مسألكيش عن أى
حاجة،وكمان قال انه جاى كمان شوية.."
ضحكت بسبب كلامى:"هههههههههه...يعنى هو اللى كان بيكلمك من
شوية؟!!"
"ايوة يا ستى هو..المهم بقا،هننقل أمتى؟!!"
ندى:"من بكرا ندور على بيت جديد..وكمان خلينا نروح نقعد عند ديما
يومين..هى كمان هتنقل،فخلينا نساعدها هى ومروة.."
"أراسووو.."
فى الوقت ده وصل شيون وأنا قومت ورجعت على البيت...ياترى أيه اللى
حصل بالظبط عشان تبقا كدة!!ده كان كل اللى بفكر فيه...
وصلت البيت..كان دونغهى أوبا لسة مجاش..قعدت شوية اتفرج على
التلفزيون وبعدين دخلت الأوضة أنام شوية....
****************************************
كنت فى الشركة بتدرب مع باقى الفرقة...
اتدربنا لساعات وبعدين قعدنا نرتاح شوية...شوية وباب الخبط...
كنت قاعد وساند براسى على كتف أيونهيوك..وبعدين سمعت صوتها..
ميرو:"دونغهى أوباا.."
بصيت ناحية الباب وشوفت ميرو واقفة وبتشاورلى...
قومت وخرجتلها...سلمت عليها..
"أزيك؟!!"
ميرو:"كويسة..عطلتك؟!!"
"لأ أحنا كنا فى بريك.."
ميرو:"كويس_ادتنى تذاكر_أتفضل.."
أخدتهم وبعدين بصتلها بابتسامة:"المسرحية اللى هتمثلى فيها؟!!"
ميرو:"اممم..دول تذكرتين،لو عايز ممكن تجيب حد معاك..أنا شايلة تذاكر
لندى ومروة وديما.."
ابتسمتلها:"أراسوو..كوماواا،بس أجيب مين معايا؟!!"
ابتسمت بخجل..حتى انى استغربت منها..
ميرو:"احم..أأأ..ممكن تجيب صاحبك،تقريبا أسمه أيونهيوك..يعنى لو هو
عايز يجى.."
حاولت امسك نفسى عن الضحك...
"اممم...بس عرفتى اسمه منين؟؟"
ميرو:"أأ..قبل كدة سمعتك بتقول اسمه.."
"أهااا..فهمت.."
فى الوقت ده أيونهيوك خرج عشان يشوفنى...
أيونهيوك:"دونيااا_ابتسم لما شاف ميرو وانحنى_أنيوهاسيوو.."
ميرو:"أووه..أنيوو.."
"أيونهيوك أعرفك بميرو..ميرو أنتى____"
قطعتنى قبل ما أكمل كلامى..
ميرو:"أيونهيوك شى يبقا صديقك أوبا صح؟!!"
رسمت على وشى ابتسامة لما عرفت انها عملت كدة عشان هيوك
ميرو:"أيونهيوك شى يبقا صديقك أوبا صح؟!!"
رسمت على وشى ابتسامة لما عرفت انها عملت كدة عشان هيوك
ميعرفش انها تعرفه...
أيونهيوك:"ميروو تبقا صديقتك صح؟؟_بص جهتها_مبسوط انى اتعرفت
عليكى.."
ميرو:"كوماوواا.."
أيونهيوك:"أحنا خلصنا تدريب..أيه رأيكوا نروح نشرب حاجة مع
بعض؟!!"
رديت بسرعة:"أنيااا...ميرو وراها شغل..وبعدين مش كنا بنقول لازم
نروح بسرعة عشان نجهز حاجاتنا عشان النقل؟!!"
كنت بحاول أمسك نفسى من الضحك وأنا بغيظهم بكلامى...
ميروو:"أنا همشى دلوقتى..أنيوو،سعيدة بمعرفتك أيونهيوك.."
مشيت ميرو وفضلنا واقفين أنا وايونهيوك...
ضربنى على راسى بقوة:"عملت كدة ليييه؟؟كانت هتوافق.."
بصتله بطرف عينى:"وانت عايزها توافق ليه؟!!"
أيونهيوك:"يااااا...يعنى قولتلك تعرفنى عليها وقعدت تزلنى،ودلوقتى مش
عايز تسيبنى فى حالى حتى.."
ضحكت بسبب كلامه:"ههههههههههه..."
ضربنى على كتفى:"وكمان بتضحك؟!!"
"ياااا...انت بتضرب جامد.."
حسيت بغضبه بسبب اللى عملته..كان بقاله فترة بيقوللى أعرفه على
ميرو،بس أنا مكنتش عارف ردة فعلها وده اللى كان بيخلينى أتهرب منه..
بس أعتقد ان هى كمان معجبة بيه...
طلعت التذاكر قدام وشه...
أيونهيوك:"أيه ده؟!!"
"دول؟؟دول تذاكر للعرض الاول للمسرحية اللى ميرو هتمثل فيه..أنا
واحدة وأنت واحدة.."
شوفت لمعت عيونه بسبب التذاكر واخدها منى بسرعة...
أيونهيوك:"yeeeees...كوماوووا دونييااا.."
ضحكت على هبله ودخلنا تانى لباقى الأعضاء...قعدنا شوية نتفق هنعمل
أيه وهننقل أمتى..وكان القرار النهائى ان فى خلال اسبوع نكون متجمعين
فى شقتنا الجديدة....
روحت على البيت..كنت ببص فى أنحاء الشقة..وبقيت افتكر كل اللى
عيشته هنا مع ندى وشيون...
كره..خناق..صداقة..حب..غيرة..ألم....
أبتسمت لما رجعتلى كل الذكريات ديه وبعدين دخلت على أوضتى...
رميت نفسى على السرير وأنا بفكر لغاية ما نمت....
*****************************************
قعدنا شوية مع بعض وبعدين اتفقنا نرجع على البيت..هى رجعت فى
عربيتها وانا رجعت فى عربيتى...
وصلنا مع بعض..مسكت أيدها وركبنا الأسانسير،،متكلمناش كتير..
بس كنا بنحاول نتكلم فى مواضيع مختلفة بعيدا عن اللى حصل...مكنتش
عايزها تتضايق،وهى مكنتش عايزة تضغط عليا بكلامها...
وصلنا على البيت ودخلت على أوضتها..سمعت صوتها من برا وهى
بتصحى ريم...
ندى:"انتى يا بنتى...يلا أصحى،مش أتفقنا نروح عند ديما؟!!"
دقايق وخرجت من الأوضة وقعدت على الكنبة...قعدت جنبها وبصتلها..
"هتروحوا عند ديما ليه؟!!"
ندى:"قولنا هنقعد عندها يومين عشان نساعدها فى موضوع النقل ده.."
"هو ده السبب الوحيد؟!!"
ندى:"شيون..أنا وريم هننقل من هنا قريب.."
بصتلها بضيق:"ندى..متخليش اللى حصل___"
بصتلى ومسك أيدى:"أنت عارف إنى بحبك..و وعدتك إنى مش هكون
لغيرك،اللى حصل مش هيأثر على علاقتنا ببعض..بس عشان أكون
مرتاحة"
مكنتش عارف أقولها أيه..مش هقدر أمنعها،وفى نفس الوقت مش عايزها
تبعد عنى...وهى عرفت انا بفكر فى أيه...
ندى بابتسامة:"هنشوف بعض كل يوم..وهنتكلم كل يوم_سكتت شوية_هى
مرحلة وهتعدى..أنا متأكدة إننا هنعرف نقنع مامتك فى الاخر.."
حطيت أيدى على خدها وقربت منها...بوستها على خدها وسندت راسى
براسها...
"أنا بحبك.."
ندى:"وأنا كمان..بحبك.."
********************************************
عدى أسبوع ورا أسبوع..أنا وريم كنا بنساعد ديما ومروة فى النقل..وفى
نفس الوقت كنا بندور على بيت جديد عشان ننقل فيه...وأخيرا لقينا بيت
مناسب،زى ما كنا عايزيين بالظبط..بيت كبير بجنينة واسعة...
كيوهيون وريم سافروا على مصر عشان يكلموا عمو..وبما أنى كنت
مكلماه فى الموضوع من قبلها..فمأخدوش وقت عشان يحصلوا على
موافقته....
هى وكيوهيون أتفقوا عيشوا فى البيت بتاعى أنا وريم..وبدأت ريم تجهز
لفرحها..جابت الفستان من باريس زى ما كانت عايزة بالظبط..وبالنسبالها
ده كان أهم حاجة....
ديما سافرت على أمريكا..بتتواصل معانا من وقت للتانى،،بس كانت
مشغولة جدا فى تدريباتها هناك..كانت بتبذل كل جهدها...
فى مرة كلمتنى وقالتلى إنها أتعرفت على شخص هناك..كنت فرحانة
عشانها..مكنتش عارف قدرت تتخلى عن دونغهى ولا لسة بتفكر فيه..بس
اللى كنت متأكدة منه إنها حاسة بالسعادة دلوقتى...
مروة جت تعييش معايا أنا وريم بعد ما ديما سافرت..كانت ديما معارضة
فكرة إنها تقعد لوحدها فى البيت وهى مسافرة...
عرفت إن مروة بتواعد واحد..وعلاقتهم فى تحسن,,كانت مبسوطة
وسعادتها بتزيد يوم بعد يوم..خصوصا مع اهتمام ديما المتزايد بيها حتى
وهى بعيدة عنها....
دونغهى نقل مع باقى أعضاء فرقته لشقة جديدة...بدأت شهرة فرقتهم توسع
أسرع وأسرع،حتى إنى بتوقع إنهم يكونوا الفنانيين الأوائل فى كوريا
خلال وقت قصير...معجبينهم زادوا،وصورهم بقت تطلع فى المجالات
كمان...كنت مبسوطة عشان دونغهى..وكنت بتمنى انه يكون بجد مبسوط
باللى بيحققه....
عرفت منه إن ميرو اتعرفت على صديقه أيونهيوك..هم الاتنين
متشابهيين..عفويين ومجانين زى بعض..وبعد فترة عرفت إن أيونهيوك
طلب من ميرو إنها تواعده فى يوم عرض مسرحيتها...
وقتها عرفت ليه محتفلتش معانا بأول عرض ليها...عشان كانت بتحتفل مع
حد تانى J
أما انا وشيون فعلاقتنا زى ماهى..أو ممكن أقول إنى بقيت أحبه أكتر،بقا
يوحشنى كتيير خصوصا بعد ما نقلت لبيت تانى...لكن هو كان بيحاول
منحسش بالبعد ده..بنشوف بعض كل يوم يا أما فى الشغل يا أما بنروح
نتغدا مع بعض...بنخرج مع بعض..وبنتكلم فى التليفون...
كان بيقوللى انه بيحاول يفتح الموضوع مع مامته تانى..لكن هى فى كل
مرة كانت بتصده....
**بدأت الدراسة وعدت أربع شهور بسرعة..أخدنا بعدها أجازة نص
السنة....
وفى الوقت ده كان فرح ريم وكيو..عمو وعمتو وصلوا من مصر مع
بعض قرايبنا عشان يحضروا فرحها،كانت شبه الملاك...
كنت مبسوطة أوى عشانها..وفى نفس الوقت افتكرت ماما وبابا..ياريتهم
كانوا موجودين فى اليوم ده ويشوفوها وهى عروسة...
كان من ضمن المعازيم يونا و والدها و والد شيون...وأكيد شيون كان
معايا طووول الوقت...
كنا واقفين جنب بعض لما همس فى ودنى:"عقبالنا..هتكونى أحلى عروسة
فى الدنيا ديه.."
كنت بحس بفرحة بتملى قلبى على الرغم من ان لسة مفيش أى حاجة
رسمية ما بينا..
خلص الفرح وريم سافرت مع كيو شهر العسل...افتكرت الخناقات اللى
كانت مابينهم بسبب الموضوع ده...ريم عايزة تروح لاس فيجاس وكيو
عايز يروح باريس...لكن فى النهاية راحوا لندن...
وبعد أسبوعين من الفرح جالى إتصال غير متوقع...وكان من والدة
شيون..
طلبت منى نتقابل،كنت مترددة بالنسبة للموضوع ده ومكنتش عايزة
أروح...لكن غيرت رأيى لما سمعت نبرة صوتها اللى شبه
اترجتنى..وكمان طلبت منى ان شيون ميعرفش حاجة عن المقابلة ديه...
وافقت على طلبها وروحت للمكان اللى اتفقنا عليه...
كان عبارة عن كافييه هادى...
وصلت وكانت هى قاعدة مستنيانى...انحنيت وقعدت..
طلبنا قهوة وبدأت تتكلم...
السيدة تشوى:"أنا طلبت أقابلك المرادى عشان أعتذرلك.."
استغربت من كلامها..أخيرا هتوافق على علاقتى بشيون؟؟؟؟
السيدة تشوى:"فى الحقيقة..أنا كنت فاكرة إن من بعد اللى حصل أخر
مرة،علاقتك بشيون مبقتش زى الأول..أصدى حبكوا لبعض،ده غير إن
شيون مبقاش يعاملنى زى الأول..بعد عنى ومبقاش بيسمع منى أى حاجة
بقولها.."
كنت بسمع بهدوء واستنيتها تكمل كلامها...
السيدة تشوى:"انا طلبت منك نتقابل من غير ما شيون يعرف عشان أقولك
على حاجة.."
رديت:"أتفضلى.."
السيدة تشوى:"أنا مريضة.. الدكاترة بيقولوا قدامى سنة بالكتير.."
حطيت أيدى على بوقى بصدمة..حسيت بقلبى إنقبض،وخوف...
السيدة تشوى:" أنا دلوقتى بترجاكى،أبعدى عن شيون..هو مش عايز يبص
فى وشى بسببك،لو أنتى سبتيه هيسامحنى وهقدر أعيش الباقى من حياتى
معاه وأنا عارفة إنه مش متضايق منى.."
حسيت بالحمل بيزيد على قلبى..لو فضل معايا ومكنش جنب أمه فى
الوقت ده هيندم طول حياته وهبقا أنا السبب...ولو سيبته أنا هيجرالى
أيه؟!!!
....يتبع....
ليست هناك تعليقات:
إرسال تعليق