فانتازيا سوجوية...
Chapter 1
زيارة إلى قصر الملك
هاى..أنا اميرة عندى 18 سنة..
قصتى بدأت الأجازة ديه،لما بدأت أتابع
الدراما الكورية والكيبوب بشكل
عام..كنت بستغل النت فى الفرجة على المسلسلات
والأغانى الجديدة..
وفى يوم كنت بشوف أخر الاخبار على الفيس
وبالصدفة شوفت جروب للفان
الكورى وقررت أنضم ليه...
وبالفعل بعد ثوانى أتقبل طلبى..ولما دخلت
لاحظت إن كل البوستات و
الصور والفديوهات تخص مجموعة واحدة أسمها
سوبر جونيور..وكمان
عرفت إن الفان كلوب بتاعهم أسمه إلف..
عجبنى الموضوع جدا وحسيت إنه من الممتع
الإنضمام للإلف،خصوصا بعد
ما شوفت كلامهم مع بعض وعن السوبر جونيور..
اتعرفت فى الجروب على بنات كتير..منهم
"ريم" و "دنيا" اللى عرفت إنهم
معجبين ب"كيوهيون" الماكنى،وكانوا
دايما بيتخانقوا عليه وكل واحدة فيهم
بتقول "كيو جوزى أنا"
وكمان أتعرفت على "ندى" و
"رشا" و "دودو" وهما التلاتة يبقوا ضراير
وجوزهم يبقا "شيون" (المنحرف)
ولقبه ده كان بسبب كمية الصور الجريئة
اللى بيتصورها مع البنات...
وكمان كان فى "رواء"..وكانت معجبة
بسونغمين لحد كبير...
وأخيرا "يارا" اللى كانت بتحب "ليتوك"
قائد الفرقة...
لكن اللى لاحظته فى الجروب إنه بالرغم من إن
لكل واحدة عضوها المفضل
إلا إنهم كلهم معجبين ب"دونغهى"
(الوسيم)....
كنت بتكلم مع يارا كتير..وبقينا أصدقاء
مقربين على الرغم من إننا عمرنا ما
شوفنا بعض قبل كدة...
وفى يوم كنا بنتكلم على الشات..
أنا:أزيك يا رورو؟؟
يارا:أنا
كويسة..وأنتى عاملة أيه؟؟
أنا:"كويسة
الحمدلله..شوفتى يم ودنيا كانوا بيتخانقوا على كيو
أزاى؟؟؟هههههه
يارا:هههههه..اه،هم
كدة على طول..بس لو واحدة جت من برا وقالت إنها
بتحب كيو
هيعملوا عليها عصابة..
أنا:ههههههههههه...خليكى
أنتى فى جوزك توكى..
يارا:ااااه..أوبااا...بس
بينى وبينك انا الفترة ديه بخونه مع كيبوم...سو
كيوووووووت..
أنا:"ههههههه...هقوله
يارا:ليه
كدة؟؟خليكى طيوبة..بقولك أيه يا ست الشريرة أنا هقوم دلوقتى,,ماما
بتنادينى..
أنا:أوك..سلام..
قفلنا مع بعض وأنا فتحت جوجل وعملت سيرش عن
كيبوم لأنى مشوفتش
صور ليه على الجروب...
وبعدين الموضوع شدنى أكتر وبقيت أجيب معلومات
عن الأعضاء كلهم...
كان لكل واحد فيهم شخصية مميزة بتشدنى ليه
بعد ما قرأت عنهم..
كنت بفكر وأنا بقرأ...
"ليتوك أوبا كان المفروض يتولد
كملك..مش مجرد قائد"
"هيتشول أوبا شخص مميز
فعلا..أتمنى أقابله واتكلم معاه فى يوم"
"ييسونغ شخص غريب..بيوحى
بالبرود"
"سونغمين أوبا لايق عليه
إنه يكون أمير لطيف"
"أيونهيوك أوبا شخصيته
مرحة جدا ومش لايق عليه الجدية"
"كانغ ان شخص قوى يوحى
بالعنف على الرغم من طيبة قلبه"
"شيون الفارس
الوسيم"
"هانكيونغ بمظهر عارضين
الأزياء"
"كيوهيون الماكنى
الشرير"
"دونغهى الأمير
الوسيم"
"ريووك الطباخ
الماهر"
"شيندونغ بياكل اللى
بيطبخه ريووك"
كنت مبسوطة وانا بعرف عنهم أكتر،ومكتفتش
بكدة...فتحت اليوتيوب وقعدت
أتفرج على فديوهات كتير ليهم..ومن بين
الفديوهات شوفت فيديو لدونغهى و
واحدة إسمها جسيكا من فرقة تانية,,معرفش ليه
بس محبتهاش خالص..
وفاجأة وأنا بتفرج طلعلى رابط مكتوب عليه
(للفوز برحلة سحرية لمقابلة السوجو أضغط هنا)
حسيت بالفضول وقررت أجرب..وبدون تفكير ضغطت
على الرابط...
ظهرت قدامى دواير ملونة كتير بتلف على
الشاشة..كنت حاسة بعينى بدأت
تزغلل،حطيت أيدى على عينى عشان أفركها..بس
فاجأة حسيت إنى بقع من
مكان عالى،قعدت أصوت وأنا مغمضة عينى جامد
وخايفة أفتحها وبعدين
اصطدمت بالأرض بقوة....
حسيت بالألم فى صدرى ورجلى بسبب
الوقعة..وبالراحة بدأت أفتح عينى
لقيت نفسى فى جنينة كبيرة وشبه المتاهة،،قومت
بالراحة وأنا مش عارفة انا
فين...
نفضت هدومى وقبل ما اتحرك خطوة سمعت صوت من
بعيد...
...:"هييه
انتى..بتعملى أيه فى حديقة الملك؟!!"
بصيت ناحية الصوت،شوفت شخص لابس هدوم غريبة
وباين على ملامحه
الغضب...
قرب منى بخطوات سريعة وشاور للحراس اللى معاه
عشان يمسكونى،بصتله
بخوف بعدما بقتش قادرة اتحرك...وحاولت أميز
ملامحه..كنت حاسة إنى
أعرف الشخص ده....
حارس
1:"ناخدها على فين كانغ شى؟!!"
رديت
بصدمة:"كانغ ان..عضو السوبر جونيور!!!"
كانغ
ان:"اسجنوها لغاية ما أبلغ الملك"
شدونى بقوة من أيدى واتجهوا بيا لقلعة كبيرة
وبمجرد ما دخلناها لاحظت
السجون اللى فيها..وحبسونى هناك..
كنت مصدومة من اللى بيحصل ومش فاهمة
حاجة..أيه اللى جابنى
هنا؟؟وكانغ شى ده يبقا هو فعلا كانغ ان؟؟؟
قربت من باب الزنزانة وسألت الحارس اللى واقف
بخوف..
"هو
مين كانغ شى اللى أمركوا بسجنى؟!!"
الحارس:"أنتى
أكيد مجنونة عشان دخلتى قصر الملك ليتوك..وكمان
متعرفيش
كانغ شى رئيس حرس الملكة.."
"الملك
ليتوك؟!!!"
الحارس:"أسكتى
خالص لغاية ما يصدر الحكم بتاعك..إدعى إن الملك يكون
فى مزاج
كويس عشان ميقطعش راسك"
حطيت أيدى على رقبتى برعب وبلعت ريقى:"يقطع راسى؟!!"
قعدت على الارض مستنية كانغ ان يرجع وأنا
بفكر أزاى جيت هنا...اخر
حاجة فكراها إنى كنت بقع من مكان عالى..ومش
فاكرة حاجة قبل كدة...
وبعد ساعتين رجع كانغ ان وأمر الحارس إنه
يفتح الزنزانة ويخرجنى...
وأوا ما خرجت مسكنى حارسين من أيدى ومشينا
ورا كانغ ان...خرجنا من
القلعة و وصلنا قدام باب القصر...
كان شكله فخم ورائع،كنا بنمشى بين طرق القصر
لغاية ما وصلنا لقاعة
كبيرة وكان الملك قاعد على العرش والملكة
قاعدة جنبه..بس صدمتى الكبيرة
أول ما شوفت إن الملك ليتوك هو نفسه ليتوك
قائد السوبر جونيور...
الملك
ليتوك:"أنتى مين؟وأزاى دخلتى لجنينة القصر؟!!"
كنت ببص حواليا بصدمة وأنا مش عارفة
أرد..وفاجأة دخل من الباب شخص
تانى وأول ما دخل الحراس كلهم أنحنوا،وكانغ
ان حط أيده على راسى
وأجبرنى على الإنحناء..ولما رفعت راسى شوفته
قاعد على كرسى جنب
الملك وبيبصلى بابتسامة قاتلة...
مكنتش قادرة أشيل عينى من عليه..فى الوقت ده
قرب منى كانغ ان وهمس
فى ودنى..
كانغ
ان:"أزاى تبصى للأمير بالطريقة ديه؟؟بصى فى الأرض.."
وجهت نظرى للأرض بسرعة وفضلت كلمة
"الأمير" تتكرر فى راسى....
الأمير دونغهى:"بلغونى إن فى متطفل دخل
القصر..بس البنت ديه شكلها مش
من المملكة...أنا مشوفتهاش قبل كدة.."
الملك
ليتوك:"إسمك أيه؟؟"
رديت
بسرعة:"أميرة"
الملك ليتوك:"أنتى
من مملكة السوبر جونيور؟؟"
رديت
بتردد:"معرفش"
الملك
ليتوك:"جيتى هنا أزاى؟؟"
"معرفش
انا لقيت نفسى هنا فاجأة.."
اتكلم حاجب الملك بلهجة صارمة...
الحاجب هنرى:"إنتى بتسخرى من الملك؟!!"
متفاجأتش كتير بعد ما لاحظت إن الحاجب بيكون
هنرى...كل حاجة فى
المكان ده غريبة...
رديت
بخوف:"لا أبدا..أنا مش بسخر من الملك.."
الملك
ليتوك:"خدوها وإعدموها.."
حسيت بالفزع من الكلمة ديه..يعنى أيه
هيعدمونى؟؟؟يعنى هموت؟؟؟
بصيت للملك بخوف..كان بيبص بلا مبالاة..وجهت
نظرى للأمير
دونغهى،بس حسيت إنه مش مهتم كأنه شئ عادى أو
روتينى..
وبدأ الحراس يسحبونى لبرا القاعة وأنا بحاول
أقاومهم..وفاجأة صوت الملك
وقفهم...
الملك
ليتوك:"أستنوا.."
قربت الملكة من الملك وهمست فى ودنه بكلمات
قليلة و بعدها الملك
بصلى...
الملك ليتوك:"بما
إنك كنتى متسللة لحديقة الملكة "يارا" وهى قررت العفو
عنك..فأنا
هسيبك تمشى...بس بعد ما تقسمى بولائك ليا وللمملكة."
رديت
بلاوعى"أقسملك بولائى"
الملك
ليتوك:"خرجوها برا.."
اخدونى الحراس ورجعنا تانى من نفس الطرق اللى
دخلنا منها..وقبل ما
نخرج من القصر شوفت شخص وسيم...
كان لابس هدوم رسمية و واضح عليها الفخامة
بالرغم من طفوليتها
ولطفها..وفى الوقت ده نزل كانغ ان راسى
للأرض..
كانغ
ان:"أنتى مبتتعلميش؟؟مينفعش تبصى للأمير سونغمين بالطريقة ديه..لو
كان
لاحظ،كان الملك هيقطع راسك المرادى لا محالة.."
وأخيرا خرجنا من القصر وعدينا الجناين
الواسعة وخرجنا برا سور القلعة
كلها...
كنت واقفة فى مكانى بصدمة وأنا ببص للقصر
بتعجب
"أيه
اللى بيحصللى ده؟!!أنا أعرف كل الأشخاص دول بس مكانوش
كدة،،والملكة
يارا حاسة إنى أعرفها من قبل كدة.."
فوقنى من اللى كنت فيه صوت شخص نايم تحت شجرة
قريبة من سور
القصر..كان حاطط أيده تحت راسه و وشه مش باين
بسبب البرنيطة اللى
حاططها عليه...
الشخص:"أتأخرتى
ليه؟؟"
....يتبع J
فايتينغ :)
ردحذفجميلة اوووووووى انا فى انتظار البارت التانى :)
ردحذفحبيبتى البارت التانى والتالت نزلوا..بتمنى يعجبوكى :)
حذف