فانتازيا سوجوية...
Chapter
2
لقاء غير متوقع
....:"أتأخرتى
ليه؟!!"
بصتله
باستغراب:"وانت تبقى مين؟؟"
شال البرنيطة من على وشه ولبسها بشكل صحيح
وبصلى وملامح النوم باينة
على وشه..
هيتشول:"معرفش
ليه بتختارونى أنا!!"
بصتله
بصدمة:"هيتشول؟؟"
هيتشول:"بشحمه
ولحمه..خلينا نمشى من هنا أنا زهقت من كتر النوم تحت
الشجرة
ديه وانا بستناكى.."
مشى قدامى بخطوات واثقة بعد ما حط أيده فى
جيبه...وبعد لحظات جريت
وراه عشان ألحقه..فى النهاية كل حاجة فى
المكان ده غريبة،حتى انى اكتفيت
من الاستغراب..
"احنا
رايحين فين؟!!"
هيتشول:"محدش
يعرف اجابة السؤال ده غيرك.."
"غيرى
أنا؟!!أنا حتى معرفش المكان ده.."
هيتشول:"ده
حلمك انتى،يبقى اكيد تعرفى هنروح فين.."
"حلم؟؟أنت
أكيد غلطان..ده أوقع من أنه يكون حلم،،طب بدام ده حلم ليه
حسيت
بالوجع لما وقعت؟؟إحنا مش بنحس بالوجع فى الأحلام.."
هيتشول:"ومين
قالك إنك أتوجعتى؟؟لما بتحلمى انك بتجرى بتصحى وانفاسك
سريعة..ولما
بتكونى خايفة فى الحلم بتصحى وقلبك بيدق بقوة..ولما بتحلمى
انك
بتحبى بتصحى وانتى متعصبة عشان مكملتيش الحلم،،بس فى نفس
الوقت
بتحسى بشعور.....أيه اللى أنا بقوله ده؟؟ما كل ده كلام إنتى
عارفاه...اهم
حاجة دلوقتى انك متحوليش حلمك لكابوس لأنى مش فى المود
النهاردة
خالص.."
مشى وسابنى واقفة،،وللمرة التانية أجرى
وراه..
"كابوس؟؟وليه
هحول حلمى لكابوس؟!!"
حط أيده على راسه بعصبية:"ايييششش..أنتى بتسألى أسئلة
كتيرة أوى.."
فضلنا ماشيين لفترة لغاية ما وصلنا لغابة
شكلها غريب..كانت مليانة أشجار
عالية ومتشابكة،،وضلمة لكن بيتخللها ضوء
الشمس من بين الأغصان...
هيتشول:"إحنا
هنمشى من هنا..بس قبل ما ندخل الغابة ديه متفكريش فى أى
حاجة..أمشى
بشكل طبيعى وبس،،متسأليش ومتفكريش.."
دخلت ورا هيتشول وأنا ببص حواليا وبتفحص
الشجر بعينى،،لوهلة حسيت
إنى خايفة..فعلا شكلها مرعب..ممكن يحصللنا
حاجة هنا؟؟؟؟
سمعت صوت من بين الشجر بس حاولت
أتجاهله...مشيت بخطوات سريعة
عشان أكون قريبة من هيتشول وأنا بتلفت حواليا
فى كل اتجاه وخايفة من
الصوت اللى بيقرب شوية شوية..
وفاجأة حسيت بأيد بتشدنى،،بصيت جنبى بفزع
وشوفت بنت غريبة بتحاول
تشدنى...
كنت بشد أيدى منها لكن هى كانت مسكانى
بإحكام،إتلفت لمكان هيتشول
عشان أطلب منه المساعدة لكن شوفته بيجرى بعيد
عن المكان اللى كنت فيه..
حاولت أصرخ بصوت عالى عشان يرجع لكن فى الوقت
ده ظهر عدد كبير
من البنات اللى مسكونى وكانوا بيحاولوا
ياخدونى معاهم...
حاولت أثبت نفسى فى الأرض وأنا بصرخ وبطلب
المساعدة...وفى الوقت ده
سمعت صوت أعلى بيقرب وكل البنات خافوا
وجريوا،،حسيت إنه ممكن
يكون هيتشول رجع عشان يساعدنى،،لكن فكرتى أتغيرت
أول ما ظهر
قدامى....
وبعد ساعتين كنت قاعدة فى بيت بسيط متكون من
دورين بيملكه الشخص
اللى انقذنى...
هان:"يعنى
هيتشول هو اللى كان معاكى؟!!"
رديت:"اه..بس
دلوقتى معرفش راح فين.."
هان:"هتلاقيه
هنا كمان شوية،،مش هيتأخر"
حط قدامى فنجان شاى أخضر وطبق كوكيز....
مسكت الشاى وقعدت أشربه بالراحة وبعد ثوانى
الباب خبط...
هان قام عشان يفتح ودخل هيتشول وقعد
قدامى....
هيتشول:"كنتى
فين؟أنا كنت بدور عليكى.."
"صادق..صادق.."
هيتشول:"تقصدى
أيه؟!!"
"أقصد
إنك جبان..أول ما حسيت بالخطر سبتنى وجريت"
هيتشول:"تقصدى
إن أنتى اللى غبية..أنا حذرتك من التفكير فى الغابة.."
"انت
مقولتش السبب..وبعدين أفرض كان جرالى حاجة؟!!"
هيتشول:"ما
أنتى كويسة أهوه..وبعدين أنتى عمرك موتى فى حلمك قبل
كدة؟؟"
هان:"كفاية
خناق....أشربوا الشاى قبل ما يبرد.."
بصيت لهيتشول بطرف عينى بغيظ وأخدت رشفة من
الشاى..
هيتشول
باستفزاز:"بسرعة عشان نلحق نوصل قبل ما الدنيا تليل"
"نوصل
فين؟!!"
هان:"مينفعش
تمشى بهدومها ديه..استنوا هنا لغاية بكرة أكون جهزتلها هدوم
تناسبها
وميبقاش شكلها غريب فى المملكة.."
كنت حاسة إنى مش فاهمة حاجة...المفروض هنروح
فين؟؟وكمان مالها
هدومى؟؟
وفى الوقت ده لاحظت انى لابسة البيجاما..كل
ده وأنا ماشية بالبيجاما؟!!ده
غير ان هدومهم اصلا شكلها مختلف وغريب...شبه
القصص الخيالية..
قضينا الليلة فى بيت هان..عرفت انه بيشتغل
خياط..بيحب الهدوم والتصاميم
الجديدة وده اللى خلاه يختار الشغلانة ديه..
وتانى يوم فطرنا ومشيت مع هيتشول عشان نكمل
رحلتنا..
كنا بنمشى وبنمشى لغاية ما حسيت بالتعب...
"انا
مش قادرة خلاص..خلينا نقف.."
هيتشول:"زى
ما كنت متوقع من بنت زيك.."
قعدنا احنا الاتنين تحت شجرة..كنت مدياله
ضهرى..
"مملكتكوا
ديه غريبة أوى..بقالنا أكتر من ساعتين ماشيين ومقابلناش حد يتف
علينا
حتى.."
هيتشول:"أممم
أخدت بالى"
"هو
الملك بتاعكوا ده متعود يعدم الناس؟؟انا حسيت إنه شئ عادى.."
هيتشول:"تقريبا.."
"بس
الملكة يارا ديه طيبة أوى..هى اللى أنقذت حياتى.."
وفى الوقت ده افتكرت الأمير دونغهى...
"والأمير
دونغهى حسيته مش مهتم خالص بالموضوع،بس هو ازاى عرف
انى مش
من المملكة؟؟هو يعرف كل الناس اللى عايشين هنا؟؟"
هيتشول:"البنات
بس.."
ابتسمت
جامد:"بس أمور أوى..فظيييييع،،ولا ضحكته..كنت حاسة ان قلبى
هيقف.."
هيتشول:"كلهم
بيقولوا كدة..وضحاياه كتير.."
"تفتكر
فى فرصة أقابله تانى؟؟"
هيتشول:"احتمال.."
اتعصبت من طريقته الباردة فى الكلام..لفتله
وبصتله بعصبية..
"أنا
قاعدة أتكلم من الصبح وانت بترد بكلمة ولا اتنين بس..طريقتك ديه
بتعصبنى.."
رد من غير ما يبصلى وهو مركز فى اللى فى
أيده:"عارف.."
بصيت على الحاجة اللى ماسكها واستغربت...
"أنت
بتعمل أيه؟!!"
قام وقف وحط الموبايل فى جيبه..
هيتشول:"بشوف أخر الأخبار على تويتر..يلا خلينا نمشى.."
مشى وسابنى قاعدة مكانى..وبعدين قومت بسرعة
وجريت وراه..
"تويتر؟؟وموبايل؟؟هو
فى الحاجات ديه هنا؟؟"
هيتشول:"فى
هنا كل حاجة.."
كملنا مشى وقعدت اغنى وانا ماشية،واستغربت
لما هيتشول بقا يدندن معايا...
فضلنا ماشيين وماشيين لغاية ما وصلنا لقرية
صغيرة على وقت الغروب،كان
فى نوع من الاستعداد لاحتفال...
ناس كتير مشغولة وبتمشى بخطوات سريعة وناس
تانية بتعلق الزينة
والشرايط الملونة على البيوت...
"هو
ايه اللى بيحصل فى البلد ديه؟؟"
هيتشول:"استعدادات
عشان حفلة خطوبة الأمير.."
O.o"الأمير مين؟؟
هيتشول:"الأمير
دونغهى وخطوبته من الأميرة جيسيكا من المملكة
المجاورة.."
حسيت بصدمة وضيق من الكلام ده..
هيتشول:"أكيد
اتضايقتى..بنات البلد كلهم بيعيطوا بسبب الخطوبة ديه وفى
تلت
حالات انتحار،بس الواحد ميعرفش ايه اللى ممكن يحصل بعدين.."
"تقصد
أيه؟؟"
هيتشول:"متهتميش..يلا
خلينا ندخل نقعد هنا.."
دخلنا "حانة" وهى عبارة عن ديسكو
شعبى من أيام القرون الوسطى..اعتقد
ان ده انسب وصف ليه..
كان فى ناس كتير بيغنوا وبيرقصوا وبيشربوا...
دخلت مع هيتشول وقعدنا على ترابيزة واستنينا
لغاية ما جالنا واحد و وقف
قدامنا...
ايونهيوك:"بقالنا
كتير مشوفنكش يا هيتشول.."
هيتشول بصلى ببرود وبعدين بص لأيونهيوك:"انت عارف الواحد لما يتكعبل
فى
المشاكل.."
ايونهيوك:"صح..المهم
انك رجعت،،طلبك المعتاد..صح؟؟"
وقبل ما هيتشول يرد سمعنا صوت حاجة بتتكسر..
ايونهيوك بص بسرعة ناحية الصوت...كان فى
بنتين شكلهم بيتخانقوا
وبيحاولوا يستفزوا بعض بصوت عالى...
ريم:"يااااا,,كيوهيون
أوبا مش بتاعك لوحدك.."
دنيا:"تشه..انتى
بجد طفلة،بطلى تفتعلى المشاكل.."
ريم:"أنا
اللى بفتعل المشاكل؟؟"
كان صوتهم بدأ يعلى أكتر لما أيونهيوك راح
ناحيتهم بعصبية..
ايونهيوك:"ياااا..كيوهيون،قولتلك
ألف مرة متجيش هنا لو هتعمل مشاكل فى
محلى.."
ريم ودنيا بطلوا خناق وبصوا لايونهيوك بنظرات
حادة...
ريم
ودنيا بزعيق:"بوووووووه؟؟؟عايز أيه أنت؟؟؟؟"
ايونهيوك خاف منهم – وبصراحة ليه حق – ورجع
خطوتين..
فى الوقت ده لاحظت ان كيوهيون قاعد
بلامبالاة...اتمطع جامد وهو بيتاوب
بغرور...
كيوهيون:"بيانيه
هيوكا..لكن اعمل ايه؟؟الموضوع مش بأيدى انى اخلى
البنات
يبطلوا يحبونى.."
سمعت صوت ضحك عالى وتسقيف من الترابيزة اللى
قدامهم...
شيون
بيسقف:"ههههههه....رائع كيونا،منتهى التواضع.."
كيوهيون:"يعنى
انت شايف نفسك علينا عشان البنات حواليك؟؟فى بنات كمان
مش هتقدر
توقعهم عشان هم ملكى أنا _بص لريم ودنيا بابتسامة_ زى
الملايكة
بتوعى.."
حسيت كأن ريم ودنيا وقعوا تحت تأثير سحر من
نوع خاص،،وهم الاتنين
عصبيتهم كلها اتحولت لابتسامات وقعدوا فى حضن
كيوهيون..كل واحدة
على جنب...
رجعت ابص لشيون،و وقتها لاحظت البنات اللى
قاعدين حواليه...
بص لكيوهيون وريم ودنيا بابتسامة غريبة ورجع
يبص للبنات اللى قاعدين
معاه وفضلوا يتكلموا ويضحكوا وكأن كل واحدة
البنات دول مستنياه يبصلها
بس بابتسامة او يوجه ليها كلام...
كانت واحدة فيهم قاعدة فى حضنه،والتانية
قاعدة من جنبه التانى وبتأكله
بأيدها من الفاكهة اللى موجودة قدامهم
والاتنين التانيين قدامه وبيتكلموا
معاه...
فضلت ابصله كتير وفكرت،بالفعل ليه جاذبية
خاصة..رجولى..و
وسيم..مفوقتش من أفكارى الا لما لقيته بصلى بابتسامة..
بصيت الناحية التانية بسرعة وكان هيتشول قاعد
بملل...
هيتشول:"مين
أفضل؟؟هو ولا الأمير دونغهى؟!!"
سأل السؤال ده فى الوقت اللى ايونهيوك جابلنا
فيه المشروبات بتاعتنا...
ايونهيوك:"أنتى
قابلتى الأمير دونغهى؟!!"
حسيت بنظرات كل اللى فى المكان اتوجهت
ناحيتى،،والبنت اللى كانت قاعدة
فى حضن شيون عدلت نفسها وكلمتنى بصدمة....
هند:"الأمير
دونغهى؟!!بجد قابلتيه؟؟انتى محظوظة"
اتكلمت بنت تانية كانت قاعدة معاهم...
رشا:"وسيم
صح؟؟عاملك أزاى؟!!"
رديت
بتردد:"هو وسيم جدا..وضحكته فظيعة.."
اتكلمت البنت اللى كانت بتأكل شيون...
مروة:"ضحكلك؟؟مستحيل.."
البنت الرابعة اتكلمت...
ندى:"فى
بنات لما ابتسملهم مقدروش يستحملوا.."
مروة:"اهااا..فقدوا
الوعى فورا.."
رشا اتكلمت بابتسامة وكأنها بتحلم:"ليهم حق،،أنا بمجرد ما شوفته
فى
الاحتفال
الاخير من بعيد اعصابى باظت.."
اتكلمت بنت كانت قاعدة على الترابيزة اللى
جنبى بزعل...
مريم:"بس
للأسف بكرة حفلة خطوبته..."
ابتسمت
واتكلمت:"الأمير سونغمين كمان وسيم.."
هند:"عندك حق..وسيم وطفولى.."
ندى:"سمعتوا
عن الاشاعات اللى ملت البلد عنه هو والخدامة الخاصة؟!!"
ريم:"اهااا...لايقيين
على بعض جدا..بس تفتكروا الملك ممكن يعمل ايه بسبب
الاشاعات
ديه؟؟"
دنيا:"مسكينة
رواء.."
كان عندى فضول اعرف عن الاشاعات ديه....
"أيه
هى الاشاعات ديه؟!!"
مريم:"بيقولوا
إن الأمير معجب برواء..الخادمة الخاصة بتاعته...وكمان
بيقضوا
وقت طويل مع بعض.."
مروة:"بس
فعلالايقيين على بعض..هم الاتنين لطيفين وطفوليين بالرغم من
الامير
سونغمين بيكون رجولى جدا وحازم فى وقت الجد.."
رشا:"الاسرة
الملكة مليانة بالاشخاص الوسيمين.."
اتكلمت بنت تانية كانت فى المحل...
رنا:"مش
الاسرة الملكة بس..القصر كله،،حتى الخدم.."
هند:"تقصدى
الطباخ الملكى طبعا.."
رنا:"امممم..ريووووووك"
كانوا بيتكلموا عن الاسرة الملكة وشخصيات
موجودة فى القصر والمملكة
وانا بسمعهم باهتمام،،بس كان بيصيبنى التوتر
لما عينى بتيجى على شيون
وألاقيه بيبصلى بنفس الابتسامة...
هيتشول بصوت واطى:"راحت عليك يا شيون.."
ابتسمت من كلام هيتشول وقعدت اشرب المشروب
بتاعى وانا بتفرج على
اللى بيحصل...دوشة كتير فى المكان..
الكل بيتكلم فى مواضيع مختلفة،،وفى نفس الوقت
كنت ملاحظة نظرات
شيون ليا وكل شوية توترى بيزيد...
هيتشول:"خليكى
هنا شوية وراجع.."
مش عارفة ليه فى الوقت ده حسيت بفرحة لما
هيتشول مشى..وبعد ما مشى
بدقيقة لقيت شيون مسك كاسين وقام من مكانه
وبدأ يقرب منى لغاية ما وصل
للترابيزة اللى كنت قاعدة عليها...حط الكاسات
وقعد بابتسامة..
شيون:"اتفضلى.."
رديت
بخجل:"شكرا.."
شيون:"انتى
مش من هنا..صح؟؟"
"امم..صح.."
شيون:"اعتقد
اننا متعرفناش على بعض بشكل كويس..أنا شيون،،فارس فى
جيش
الملك.."
رديت
بابتسامة:"وانا اميرة.."
شيون:"أسمك
جميل.."
"شكرا.."
شيون:"أنتى
هنا عشان تحضرى الاحتفال؟؟"
رديت
بتردد:"يمكن..يعنى بدام هكون موجودة يبقى مفيش ضرر من انى
احضره.."
شيون:"عندك
مكان تقعدى فيه لوقت الاحتفال؟؟"
"معرفش..بس
هيتشـ..."
شيون:"لو
كدة بتمنى تقبلى ضيافتى الليلة ديه فى بيتى.."
رديت
بتردد:"بس أنا.."
شيون:"مش
هقب اعذار..ولا انتى مبتثقيش فيا؟؟"
فى الوقت ده فكرت،،أنا بالفعل معرفهوش كويس
عشان اثق فيه...
"مش
كدة..لكن.."
شيون:"مفيش
لكن..بيشرفنى انك تكونى ضيفتى النهاردة.."
ابتسمت بهدوء وبقيت أبص حواليا بدور على
هيتشول.لكن مكنش ليه أى
أثر..
وبعد مدة كان المكان بدأ يفضى،وشيون دفع
الحساب وقام..وانا قومت معاه..
كان الوقت متأخر..فضلنا ماشيين مع بعض شوية
واحنا بنتكلم فى مواضيع
مختلفة لغاية ما وصلنا لبيت شيون...
كان بيت كبير..مكون من طابقين وكان فى منطقة
راقية فى المدينة..
أول ما دخلنا استقبلتنا خادمة وشيون أمرها
بتحضير العشا..
بدأ شيون يفرجنى على البيت لغاية ما العشا
يجهز..كانت كل حاجة أنيقة
وبتدل على الفخامة...
وقفت قدام لوحة من اللوحات اللى متعلقة على
الحيطة،،عبارة عن مجموعة
من النجوم والكواكب..كانت مرسومة باحترافية
وكأنى شايفة منظر حقيقى
للفضاء...
شيون:"عجبتك؟؟"
"رائعة.."
وفاجأة حسيت بأيده بترفع خصلات شعرى بعيد عن
وشى..
بصتله باستغراب..كانت نفس الابتسامة مرسومة
على وشه...
شيون:"أول
ما شوفتك أفتكرت اللوحة ديه..شبهك،،لمعة النجوم فى عنيكى
والجمال
فى ملامحك.."
كان بدأ يقرب منى أكتر وأنا بس واقفة فى
مكانى...
مبقاش فى مساحة ما بينا،وفى الوقت ده سمعنا
صوت من ورانا...
...:"العشا
جاهز سيد شيون.."
ملامح شيون اتغيرت بسرعة لعصبية ومرة تانية
اتغيرت بسرعة لابتسامة..
شيون:"اتفضلى..اكيد
جوعتى.."
مشيت معاه لغرفة الطعام..كان فى كمية كبيرة
من الأكل على الترابيزة...
قعدنا أحنا الاتنين وبدأنا ناكل..كنت جعانة
أوى بسبب المشى الكتير طول
النهار من ساعت ما خرجنا من بيت هان..والأكل
كان طعمه حلو...
وبعد الأكل شيون أخدنى و وصلنى للأوضة اللى
هنام فيها...
شيون:"نامى
كويس..وبكرة انا هوصلك للاحتفال،،وهخليكى تتفرجى عليه من
مكان
مميز.."
ابتسمت:"شكرا
شيون.."
بادلنى الابتسامة وقرب منى وطبع بوسة صغيرة
على خدى وبعدين مشى
على أوضته...
وقفت مكانى شوية وانا مستغربة من اللى
حصل..عمل كدة ليه؟؟؟؟
بس فى نفس الوقت كنت حاسة انى مبسوطة...
دخلت أوضتى ونمت على السرير...وفى الوقت ده
افتكرت هيتشول...
"صحيح
راح فين ده؟؟ومعييش رقم تليفونه عشان أطلبه..وكمان أنا نفسى
معنديش
تليفون...ايييششش,,أكيد هيظهر بكرة.."
وبعدين نمت بعمق لتانى يوم....
...يتبع....
ليست هناك تعليقات:
إرسال تعليق