فانتازيا سوجوية
Chapter
5
العودة للبداية
سمعنا
الباب بيخبط بقوة...و صوت شخص بينده من برا فى الوقت اللى كان
شيون
بيمسحلى فيه أثر الدم من على رجلى ودونغهى بيبصلى بقلق..
اتسمرنا
كلنا فى مكاننا واحنا بنبص لبعض وخايفين من الشخص المجهول
اللى جاى
فى الوقت والمكان ده....
....:"يااااااااا...هيتشووووول
أنا عارفة أنك جوا،،أفتح الباب ده.."
اتنهدنا
براحة بينما هيتشول اتفزع اكتر..
شيون:"مين
عارف إنك فى المكان ده؟!!"
دونغهى:"هيتشول
يا غبى..أزاى تقول لحد اننا هنا؟؟"
هيتشول:"أنا
مقولتش لحد.."
"أتفضل
افتح وشوف مين ديه اللى عايزاك.."
فى الوقت
ده البنت اللى برا خبطت بقوة على الباب...
...:"قولتلك
أفتح...متفتكرش إنك هتهرب منى.."
هيتشول بلع
ريقه وقرب من الباب وفتحه بالراحة...وفاجأة لقينا الباب اترزع
فى وشه
وهيتشول واقع على الأرض وفى بنت واقفة قدامه وباين على
ملامحها
الغضب...
....:"كيم
هيتشول.."
هيتشول
ابتسم وقام وقف:"سارة.."
سارة قربت
من هيتشول وضربته على دماغه...
هيتشول:"ياااا.."
سارة
ضربته تانى:"وليك عين تزعق..بعد كل اللى عملته والفضيحة اللى
سببتهالى!!"
كلنا بقينا
نبص لبعض وأحنا مش فاهمين حاجة....
سارة:"بسبب
تويتاتك الغبية على تويتر طلعت عليا إشاعات...وكمان
الصحفيين
بيطاردونى فى كل مكان.."
قربت من
شيون عشان أسأله بصوت واطى...بس اتفاجأت بيه قريب منى
جدا لدرجة
ان انوفنا اتلامست....
فضلت زى ما
أنا..مقدرتش أتحرك من صدمتى....وفى اللحظة ديه حسيت
بدونغهى
بيمسك أيدى وبيبعدنى عن شيون....
بصتله هو
كمان بصدمة..كان بيبص لشيون بتحدى زى ما شيون كان
بصصله
بالظبط....وفاجأة لقيت الأتنين قاعدين جنبى..بصيتلهم بتوتر وبعدين
سألتهم
بصوت واطى...
"احم...هى
سارة ديه تبقا مشهورة؟!!"
دونغهى:"مغنية.."
شيون:"المغنية
الوحيدة اللى فى البلد.."
استغربت من
الكلام ده..أزاى يعنى المغنية الوحيدة؟!!!
هيتشول:"أنا
مكنتش أقصد إنى أتسبب فى ده كله..بس أنتى عارفة أنا بحبك قد
أيه.."
سارة:"أنت
واحد مجنون...ولازم تتحمل مسئولية كل اللى عملته.."
هيتشول:"قوليلى
أعمل أيه وانا هعمله.."
سارة
ربعت أيدها وبصتله من فوق لتحت:"أولا لازم تشوفلى مكان أقعد فيه
كام يوم
لغاية ما الأوضاع تهدى.."
هيتشول
ابتسم ابتسامة معجون سيجنل:"عز الطلب.."
رفعت
صوباعها قدام وشه:"متفكرش فى أفكار غبية..أنا مكنتش أتمنى أبدا
أنى أكون
معاك فى مكان واحد.."
شيون:"احم
احم..طب بعد اذن حضراتكوا يعنى..أنتوا ناويين تقعدوا فين أنتوا
الأتنين؟؟"
هيتشول:"هنا
طبعا.."
دونغهى
اتعدل فى قعدته وربع أيده:"أنت أكيد بتهزر.."
هيتشول:"لأ
مش بهزر..عند حضراتكوا حل تانى؟؟لو مشيت من هنا هروح
أبلغ
عنكوا وأخد المكافأة اللى الملك اعلن عنها وأشوفلى حتة أحسن من هنا
أقعد
فيها -_- "
"كلب.."
بصلى
بملامح باردة:"كنتى بتقولى حاجة؟؟"
رديت:"أبدااا.."
فى الليلة
ديه قعدنا كلنا فى الكوخ مع بعض..وما زالوا دونغهى وشيون
قاعدين
جنبى..بينما هيتشول وسارة قاعدين فى ركن لوحدهم،كنت بحسهم
شوية شوية
بيقربوا من بعض..على الرغم من المعاملة الناشفة اللى سارة
بتعاملها
لهيتشول..
قومت من
مكانى جنب دونغهى وشيون...
دونغهى:"رايحة
فين؟!!"
"عايزة
أشم شوية هوا.."
شيون قام
واقف:"مينفعش تخرجى لوحدك..هاجى معاكى.."
دونغهى
قام وقف:"وانا كمان هاجى معاكوا.."
شيون:"قولتلك.."
دونغهى:"أنا
مازلت الأمير يا شيون..متفتكرش إنك ممكن تفرض عليا
أوامر.."
شيون اتنفس
بعمق وسكت...بينما أنا خرجت من الكوخ بسرعة...
كنت حاسة
بالتوتر بيزيد بيننا احنا التلاتة...كنا بنتمشى ببطء حوالين
الكوخ...وفى
الأخر رجعنا تانى بعد ما تعبنا وبعد صمت طوييييييييل...
دخلنا
الكوخ ولقينا هيتشول وسارة نايمين..كانت سارة نايمة على كتف
هيتشول
وهيتشول ساند براسه على راسها...
مظهرهم فى
الوقت ده كان غير مظهرهم من شوية وهم زى ناقر ونقير...
كنت حاسة
بالتعب وكنت عايزة انام..لكن كنت قلقانة من اللى ممكن يحصل
من دونغهى
وشيون...
سندت بضهرى
عالحيطة وشوية شوية كنت بحس بعينى بتقفل لا
إراديا..وأخيرا
نمت من غير ما أحس بأى حاجة حواليا...
صحيت الصبح
على صوت خبط على الباب...
قومت
ولقيتهم كلهم باصين على الباب بصدمة...
"هو
فى أيه؟؟كل شوية خبط خبط خبط..."
وفى الوقت
ده سمعت صوت الشخص اللى بيخبط....
...:"شيون
أفتح الباب حنا عارفين أنكوا جوا..امتثلوا لأوامر الملك وسلموا
نفسكوا.."
اتخضيت من
اللى سمعته وقومت وقفت بسرعة...
"هم
عرفوا مكاننا منين؟؟؟"
شيون:"معرفش..أكيد
فى حد بلغ عننا.."
هيتشول:"حد
يفتحلهم الباب وخلصونا..مفيش مكان نهرب منه.."
شيون فتح
الباب ودخل الحراس وقبضوا علينا كلنا...كنا ماشيين مع الحراس
وكل واحد
فينا بيعمل حاجة ولا كأننا مقبوض علينا..
كان هيتشول
وسارة ماشيين وهم قاعدين يضحكوا ويتكلموا مع بعض ولا
كانه موعد
غرامى...
بينما شيون
و دونغهى ماشيين جنبى..كنت حاسة بخوف دونغهى،بينما شيون
كان ماسك
موبايله وبيلعب فيه..
حسيت بأيد
دونغهى بيمسك أيدى..وشيون مسك أيدى التانية...كان أحساس
غريب و
مختلف...
وأخيرا
وصلنا على قصر الملك ليتوك....
كنا واقفين
فى نفس القاعة اللى وقفت فيها أول ما وصلت هنا ومستنيين الملك
يوصل...
وأخيرا وصل
الملك للقاعة ومعاه الملكة يارا...وكمان الأمير سونغمين....
الملك
ليتوك:"كنت فاكر إنك هتهرب منى يا دونغهى؟؟"
دونغهى:"بابا.."
الملك
ليتوك بيزعق:"متقولش الكلمة ديه تانى..إسمها جلالة الملك ليتوك"
دونغهى:"أسمعنى.."
الملك
ليتوك:"أزاى أتجرأت تعمل كدة؟؟خليت منظر المملكة والعائلة الملكة
كلها زى
الزفت _بص لشيون_وأنت
ساعدته..كلكوا لازم تتعاقبوا.."
هيتشول:"طب
واضح إن مليش عازة هنا فأنااااا..."
الملك
ليتوك:"أنت تخرص خالص...هيجى دورك بعديهم _وأخيرا
الملك
بصلى_وأنتى...أنا
كنت عارف إنك هتسببى المشاكل من اول ما وصلتى
لهنا.."
دونغهى:"أنت
لازم تسمعنى.."
الملك
ليتوك:"عايز تقول أيه؟؟انطق.."
دونغهى:"أنا
مهربتش.."
بصيت
لدونغهى باستغراب..
دونغهى
بيكمل كلامه:"أنا كنت مخطوف.."
الملك
ليتوك:"مخطوف؟!!"
دونغهى:"اه..كنت
مخطوف.."
شيون:"كلام
الأمير مظبوط...الأمير كان مخطوف..وأنا كنت بحاول أرجعه
للمملكة.."
بصيت لشيون
باستغراب أكبر...
هيتشول:"وأحنا
كنا معديين من جنب المكان بالصدفة..وعشان كدة أنا بستأذن
جلالتك
تسمحلى أنا وسارة نمشى.."
الملك
ليتوك:"تقدروا تمشوا.."
هيتشول أخد
سارة وخرجوا من القصر...وأنا كنت لسة واقفة منتظرة أيه اللى
ممكن
يحصللى...
الملك
ليتوك:"ودلوقتى قول مين اللى كان خطفك..وأزاى؟!!"
دونغهى:"البنت
ديه _بيشاور عليا_ أميرة.."
بصتله
بصدمة...
وفى الوقت
ده سمعنا صوت موبايل بيرن...بصيت جنبى،كان موبايل شيون
هو اللى
بيرن...
شيون
رد:"ألو..أيوا يا حبى،أكيد جاى..هشوفك الليلة فى محل أيونهيوك.."
كان بيمشى
وهو بيتكلم لغاية ماخرج هو كمان وسابنى أنا لوحدى فى القصر
ده مع
دونغهى...
الملك
ليتوك:"أنتى أزاى تتجرأى وتخطفى الأمير؟؟للدرجادى مستغنية عن
حياتك؟!!"
"أأ
أنا...بس.."
الملك
ليتوك:"أنا المرة اللى فاتت عفوت عنك لكن المرادى مش هتنفدى
بعملتك...يا
حرااااااااااااااااااس.."
دخل الحراس
القاعة....
الملك
ليتوك:"خدوا البنت ديه واعدموها.."
بصيت
لدونغهى برعب..بس بص الناحية التانية وخرج من القاعة بدون دنى
أهتمام..حاولت
أتكلم وأدافع عن نفسى لكن مكنش فى حد عايز يسمعنى...
أخدونى
لبرا القصر وجهزوا أدوات الإعدام...كانوا هيشنقونى فى ميدان
عام...
وقفونى فوق
مكان عالى وحطوا المشنقة حوالين رقبتى...كان فاضل بس
يفتحوا
الأرض من تحت رجلى عشان أموت...
كنت واقفة
بزعر وأنا ببص حواليا فى كل الإتجاهات يمكن ألاقى حد
ينقذنى...
كنت بفتكر
كلام هيتشول..إن ده حلمى..أنا اللى بتحكم فيه،،محدش بيموت فى
حلمه...لكن
مفيش أى حاجة أتغيرت....
وفى مكان أخر وزمان أخر وحلم أخر....
كيوهيون
ودنيا واقفين فى نص الصحرا وبيتكلموا...
كيوهيون:"لأزم
ننقذها..مينفعش نسيبهالهم كدة.."
دنيا قربت
من كيوهيون وحطت أيدها على كتفه....
دنيا:"أوبااااا..أنساها
بقا،ديه أحسن حاجة فى الحرب ديه إنهم أخدوا ريم
أسيرة.."
كيوهيون
بصلها بغضب:"أزاى تقولى كدة..حتى لو كنتوا بتتخانقوا كل
شوية..بس
مش لازم نسيبها كدة..لازم نلاقى حل ونرجعها.."
فى
الوقت ده اتفتحت الأرض تحت رجلى و وقعت...
وفى
الوقت ده كيوهيون ودنيا شافوا حاجة بتقع قدامهم...
قومت من
على الأرض وأنا حاسة بالألم بسبب الوقعة...
كيوهيون
شاور عليا على وشه إبتسامة...
كيوهيون:"ديه
الحل...هناخدها أسيرة ونبدلها بريم..."
......
.....
هذه هى الأحلام..أمور غير متوقعة..غير ممكنة الحدوث...وغير حقيقية..
أحيانا تسير بشكل جميل تجعلنا نكره الإستيقاظ..وأحيانا تتحول لكابوس يجعلنا
نتمنى الإستيقاظ ولكننا فقط لا نستطيع...
على كل حال..الشخص المحظوظ هو فقط من يستطيع التحكم بحلمه...
هههههه..فقط أمزح،لا يوجد شخص يعرف كيفية التحكم بحلمه...
المحظوظ حقا هو من يظهر له سوبر جونيور فى أحلامه^^
النهاية...
By:Nada Hatem
ليست هناك تعليقات:
إرسال تعليق