The Other Side
Chapter 2
ريووك:"أعتقد
انى كدة أتأخرت.."
قام وقف
وهى فضلت قاعدة..
ريووك:"أنتى
مش هتمشى؟!!"
رنا
بابتسامة:"مش دلوقتى..روح أنت،،هشوفك تانى؟!!"
ريووك:"أكيد.."
رنا:"أوكى..أنا
ببقا قاعدة هنا معظم اليوم،مستنياك.."
رنا:"باى.."
نزل ريووك
من الاتجاه بتاعه وساب رنا قاعدة هناك لوحدها...
كانت
مبتسمة وهى بتفكر إن أخيرا هيكون عندها شخص تتكلم معاه...صديق..
رجع على
بيته بسرعة وهناك لقى كيوهيون مستنيه...
كيوهيون:"كنت
فين؟؟أنا بدور عليك من الصبح.."
ريووك:"كان
عندى حاجات لازم اعملها..انت عارف إنى بساعد بابا فى
شغله.."
كيوهيون:"طيب
يلا خلينا نمشى.."
ريووك:"هنروح
فين؟!!"
كيوهيون:"مش
كنا متفقين هنروح نلعب كورة؟!!"
ريووك:"اه
صح..معلش نسيت،خليها لمرة تانية أنا بجد تعبان.."
كيوهيون:"خلاص
زى ما تحب..أنا هروح البيت،أشوفك بكرة.."
ريووك:"أأأأ..كيونا،بكرة
كمان مشغول.."
كيوهيون
بصله بنظرات متفحصة:"أنت مش مخبى عنى حاجة؟!!"
ريووك:"لأ
وهخبى أيه يعنى؟؟"
كيوهيون:"ماشى...لما
تفضى أبقى عدى عليا فى البيت.."
مشى
كيوهيون وهو عارف إن صاحبه مخبى عليه حاجة زى ما عارف إنه
مكنش
بيساعد والده زى ما قاله..لكن كان من الأحسن إنه يسيبه براحته دلوقتى
وفى الأخر
ريووك هيقوله كل حاجة كالعادة...
بينما
ريووك طلع على أوضته وهو بيفكر فى رحلته النهاردة وفى رنا والحلم
اللى حلمه
إمبارح...وفى الاخر طلع باستنتاج واحد إن رنا هى النجمة بتاعته..
لكن تفكيره
بالطريقة ديه أخده للتفكير فى النجوم عموما..ضوء الشمس،وظلام
الليل،،كل
ده بيحصل أزاى وفى عالم تانى فوقيهم بالظبط...
استنى
لغاية ما الليل حل وبعدين دخل ينام بسرعة..كان عايز بكرة يجى
بسرعة عشان
يعرف أكتر عن المكان ده....
"ومن
أفضل ما قد يشعر به الإنسان يوما...الإهتمام..أو الحب"
خرج الصبح
بدرى وراح لنفس المكان...اتسلق نفس الشجرة لغاية ما وصل
للمكان
اللى قابل فيه رنا أمبارح...قعد يدور عليها حواليه لكن مشفهاش..
فى الأخر
قرر يقعد ويستنى لغاية ما تيجى...وبالفعل بعد حوالى نص ساعة
وصلت رنا
وهى ماسكة حاجة غريبة فى أيدها..أو بالأصح حاجة غريبة
بالنسباله...
رنا:"أنت
هنا؟!!"
ريووك:"اممم..أزيك؟!!"
رنا:"كويسة..وأنت؟!!"
ريووك:"وأنا
كمان كويس..أيه اللى فى أيدك ده؟!!"
رنا:"اها..ديه
الكاميرا بتاعتى.."
ريووك:"كاميرا؟!!"
رنا وهى
بتبص فى الكاميرا بتاعتها:"كنت عايزة
أجيب الموبايل لكن هنا كل
الأجهزة
بتقف عن العمل..قولت أجرب الكاميرا وبالفعل اشتغلت هنا.."
شاورتله
بيها بابتسامة...
ريووك:"موبـــ
أيه؟؟؟"
رنا:"أصدك
الموبايل؟؟_فكرت شوية وبعدين فهمت_اه
صح..انتوا عندكوا لسة
مخترعتوش
الحاجات ديه..الموبايل وسيلة اتصال.."
هز راسه
بتردد كأنه بيحاول يستوعب...
رنا:"تعالى
ناخد سيلفى مع بعض.."
ريووك:
-_- ؟؟؟
رنا:"نتصور
مع بعض.."
قربت منه
وهى ماسكة الكاميرا وقفوا جنب بعض وضحكت ولقطت
الصورة...
شافت
الصورة متسجلة على الكاميرا بعد ما تصوروها...
رنا:"أنت
مش بتضحك ليه؟!!خلينا ناخد واحدة تانية.."
وقفوا جنب
بعض والمرادى ريووك ابتسم ابتسامة بسيطة..ورنا اخدت
الصورة...
رنا:"حلوة
الصورة ديه..صح؟؟"
ريووك:"اه.."
قعدوا جنب
بعض وهم بيتكلموا...
ريووك:"انتى
قولتى لحد إنك شوفيتنى هنا؟!!"
رنا:"لأ..حتى
لو قولت محدش هيصدقنى.."
ريووك:"ليه
بتقولى كدة؟!!"
رنا:"ماما
كانت بتيجى المكان ده على طول وبتاخدنى معاها..لكن كانت
بتسيبنى
هنا وتروح هى مكان تانى أنا معرفهموش،،ومكنتش بتوافق تاخدنى
معاها...وفى
يوم من حوالى سبع سنين انا كنت قاعدة هنا مستنياها وكالعادة
قعدت
أعيط...وفاجأة شوفت حد واقف فوقى وبيبص عليا..حاولت أنده عليه
لكن هو
مشى بسرعة.."
وفى الوقت
ده ريووك أفتكر الحلم بتاعه...لما اتسلق شجرة بالليل وشاف بنت
صغيرة
بتعيط..
رنا
بتكمل:"فى اليوم ده ماما لما رجعت وروحنا البيت قولت لبابا على اللى
شوفته زى
ما بحكيله على أى رحلة..لكن هو طبعا مصدقنيش،،قاللى إنه
مستحيل
أشوف حد فى المكان ده وأكيد كان بيتهيالى.."
ريووك:"محاولتيش
تقولى لمامتك؟!!"
رنا:"مكنش
عندى فرصة أقوللها حاجة..أنا كنت متضايقة ان بابا مصدقنيش
ودخلت
أوضتى وقعدت أعيط لغاية ما نمت..وتانى يوم الصبح صحيت على
خبر إنها
ماتت.."
ريووك:"أنا
أسف إنى فكرتك.."
بصتله
بابتسامة وقربت منه وسندت براسها على كتفه...
ريووك
اتفاجئ بالحركة ديه لكن قرر إنه يسيبها...
ريووك:"أنا
من يومين حلمت حلم غريب...حلمت إنى اتسلقت الشجرة ديه
بالليل
عشان أشوف النجمة بتاعتى من قريب،،ولما طلعت وقربت منها بدأ
توهجها
يقل لغاية ما اختفى تماما وفى الوقت ده ظهرت قدامى بنت صغيرة
قاعدة
تعيط وهى بتنده على مامتها.."
اتفاجأت من
كلامه..معقول كان هو!!
قامت من
على كتفه وبصتله بصدمة...
ريووك:"الحلم
ده اللى خلانى أطلع الشجرة ديه امبارح.."
رنا:"يعنى
ده كان أنت؟!!"
ريووك:"أعتقد..وكمان
اعتقد انك.."
رنا
قاطعته:"النجمة بتاعتك؟؟"
هز راسه
بأه...
رنا:"بس
أيه النجمة بتاعتك ديه؟!!"
ريووك:"من
وانا صغير كانت دايما تلفت نظرى نجمة واحدة فى السما..أكتر
نجمة
مشعة،،كنت براقبها كل يوم لغاية ما انام..حتى فى بعض الاوقات كنت
بحكيلها
مشاكلى.."
رنا ضحكت
وهى باصة لريووك:"بجد اللى
بتقوله ده أغرب من الخيال
والأحلام.."
ريووك:"بس
أنتى نجمة بجد؟؟"
رنا:"أنا
بنيأدمة عادية_مسكت أيده وخلته يلمس
وشها بصوباعه_أهوه
شوفت..زيى
زيك.."
ريووك:"أمال
أزاى انا كنت بشوفك نجمة؟!!"
رنا:"معرفش.."
سكتوا شوية
وبعدين رنا رجعت تتكلم فى أى موضوع...
رنا:"كلمنى
عن عيلتك يا ريو.."
ريووك:"ريوو؟؟"
رنا:"أيه؟؟اتضايقت
عشان بقوللك ريوو؟؟"
ريووك:"مش
اتضايقت..بس استغربت.."
رنا:"طب
يلا كلمنى عن عيلتك.."
ريووك:"مفيش
كتير ممكن أقوله...أنا عايش مع ماما وبابا فى بيت بسيط
قريب من
ضواحى المدينة..بابا موظف عادى وماما ربة منزل.."
رنا:"ومعندكش
أخوات؟!!"
ريووك:"لأ..عندى
بس صديق واحد،أسمه كيوهيون هو أقرب شخص
ليا....وأنتى؟؟كلمينى
عن حياتك.."
رنا:"انا
حياتى مختلفة عنك نوعا ما..بابا يبقا رئيس الوزراء.."
ريووك:"تقصدى
يعنى..رئيس الحكومة،،بس رئيس الحكومة..."
رنا
قاطعته:"أفتكر إن أحنا بعدكوا ب100 سنة..يعنى أكيد رئيس الحكومة
عندنا مختلف
عن عندكوا.."
ريووك:"ابتسم:"عندك
حق...كملى.."
رنا:"انا
وماما وبابا كنا عايشين مع بعض فى بيت كبير..ماما كانت
بروفيسورة
فى الجامعة،،كانت بتدرس تاريخ..كانت بتحب التاريخ لدرجة
كبيرة،،فاكرة
لغاية دلوقتى لما كانت بتقعد تحكيلى عن تاريخ بلادنا والبلاد
التانية...اما
بابا فبشوفه بمواعيد،،على طول مشغول ومش فاضى للكلام التافه
اللى
بقوله..حتى وهو موجود فى البيت مش بعرف أتكلم معاه..معنديش أى حد
قريب
منى...لغاية ما شوفتك.."
ابتسم بسبب
كلامها...قعدوا مع بعض لوقت طويل وهم بيتكلموا حتى محسوش
لما الليل
حل عليهم....
ريووك:"الوقت
أتأخر أوى.."
رنا:"الوقت
عدى بسرعة.."
ريووك
بيبص حواليه:"بس فين النجوم اللى كنت بشوفها؟!!"
رنا
خبطته على راسه:"مش مكفياك النجمة بتاعتك؟!!"
ابتسم بخجل
بسبب كلامها...
ابتسمتله:"يلا
أمشى عشان محدش ياخد باله من اختفائك.."
ريووك:"وأنتى؟؟"
رنا:"قولتلك
إن بالنسبالى محدش هياخد باله أصلا..سواء كنت موجودة أو
لأ..ده
مش مهم بالنسبالهم.."
ريووك:"هشوفك
بكرة.."
رنا:"هستناك.."
مشى ريووك
وفضلت رنا قاعدة مكانها...بالنسبالها ديه كانت أحلى أيام
حياتها..إن
حد يبقا مهتم بيها،،شخص جديد فى حياتها ممكن تتكلم معاه وهى
عارفة إنه
مش عارفها لمجرد المصلحة...على أى حال هيعوز منها أيه وهو
من عالم
وهى من عالم تانى؟؟حتى لو عايز فلوس العملة مختلفة كيكيكيكيي...
رجع ريووك
على بيته وهو مبسوط جدا...بس قبل ما ينام أفتكر وعده لصاحبه
إنه مش
هيقرب من المكان ده تانى..و وقتها حس إن كيوهيون لازم يعرف بكل
اللى
بيعملله....
تانى يوم
الصبح قبل ما ريووك يروح للمكان المعتاد قرر إنه يروح لصاحبه
الأول..راحله
البيت وخبط على الباب...وفى الوقت ده كيوهيون فتح..
كيوهيون:"أخيرا
افتكرت صاحبك؟!!"
ريووك:"أنت
هتقلب عليا ولا أيه؟!!مش هتقوللى أدخل حتى؟؟"
كيوهيون:"أدخل.."
دخل ريووك
وكيوهيون قفل الباب..طلعوا على أوضة كيوهيون وقفلوا الباب
عليهم...
ريووك:"كان
فى حاجة مهمة عايز أحكيلك عليها.."
كيوهيون:"خير؟؟"
ريووك:"أنا
بروح الغابة.."
كيوهيون
بعدم استيعاب:"أنهى غابة؟؟"
ريووك:"الغابة
اللى كنا بنلعب فيها واحنا صغيريين.."
كيوهيون:"أحنا
مش قولنا مش هنقرب من المكان ده تانى؟؟و وعدنا بعض
كمان؟؟أيه
اللى وداك هناك؟؟"
بدأ ريووك
يحكى لكيوهيون كل اللى حصل وكل اللى عملله من يومين..وكمان
عن مقابلته
لرنا وعن العالم اللى فوقيهم...
كيوهيون:"انت
بالفعل مجنون.."
ريووك:"نعم؟؟"
كيوهيون:"اللى
بتقوله ده ميتقالش عليه أى حاجة غير جناااااان..ريووك أنت
صاحبى
الوحيد وبجد أنا مش عايز أخسرك،،المكان ده مجنون..واللى شوفته
ده أكيد
أوهام..يا أما رنا ديه تبقا شبح...أكيد مش إنسانة عادية.."
ريووك
قام وقف:"لو مش مصدقنى خلاص أنت حر..لكن عارف أنا بقول أيه
ومتأكد
من كل كلمة.."
كيوهيون
اتنهد بعمق وهو حاسس إن أى كلام هيقوله دلوقتى مش هيفيد مع
ريووك...كان
بيفكر إنه يروح معاه مرة ويتأكد من كلامه،لكن فى نفس الوقت
كان حاسس
بالخوف...لو صاحبه اتجنن بالفعل زى الناس اللى بيرجعوا من
المكان
ده..هو كمان مش عايز يبقا منهم....يمكن بعد فترة يقدر يقنع صاحبه إنه
ميرجعش
تانى المكان ده..
كيوهيون:"خلاص
يا ريووك..اعمل اللى انت عايزه.."
ريووك:"كيونا..أنا
مش عايز نخسر بعض بسبب الموضوع ده.."
كيوهيون
خبطه على راسه:"أنت عبيط يابنى؟؟حتى لو كنت عايز أننا منبقاش
اصحاب
بعد النهاردة أنا مش هسيبك فى حالك.."
ريووك
بابتسامة:"شكرا يا كيو.."
كيوهيون
بتريقة:"العفو يا ريوو.."
ريووك ضحك
بعد كلام كيوهيون...
كيوهيون:"وأيه
اللى قولته دلوقتى عشان يضحكك؟؟"
ريووك:"أصل
هى كمان كانت بتقوللى يا ريوو..يلا بقا سلام دلوقتى.."
كيوهيون:"وست
رنا هانم هتخليك تنسى صاحبك؟؟"
ريووك:"أكيد
مش نسيك..خلاص بكرة كله هقضيه معاك.."
كيوهيون:"كتر
خيرك والله.."
ريووك:"هشوفك
بكرة..باى.."
كيوهيون:"وأيه
باى ديه كمان؟؟؟"
قعد
كيوهيون وهو بيفكر فى صاحبه واللى جراله...كن فى حاجة بتقوله يصدق
كلامه..لكن
عقله مكنش مقتنع تماما باللى بيتقال ده...وبقا يفكر فى طريقة
يحاول يبعد
بيها ريووك عن المكان ده...
أما ريووك
فى الوقت ده راح للمكان اللى بيقابل فيه رنا...
"دائما
ما يجذبنا الجديد،الجميل والممنوع"
على مدار
شهرين كان ريووك بيقابل رنا فى نفس المكان كل يوم ويوم..كان
بيحاول إنه
يعدل بين كيوهيون ورنا عشان محدش فيهم يزعل...
قال لرنا
إنه قال لكيوهيون على كل حاجة..وهى ممنعتش..بالعكس كانت
مبسوطة
عشان هو انبسط بعد ما شال الحمل ده من عليه...إنه يخبى على
أقرب صاحب
ليه...
وفى خلال
الشهرين دول بدأت تتولد مشاعر جديدة بين رنا وريووك..بعيدا
عن الصداقة
الجميلة اللى كانت بتجمعهم..لكن اهتمام ريووك برنا كان بيخليها
تحس إنها
طايرة فى السما،،لأول مرة حد يهتم بيها بالطريقة ديه..حد يبقا مهتم
وبيتكلم
معاها الوقت ده كله من غير ما يحس بالملل....
اما ريووك
فرنا بقت الأقرب ليه بعد كيوهيون..كان فى الأول بيعاملها كصديقة
لكن بعد
كدة بقا يحس إنها بقت جزء كبير من حياته...أكتر وقت كان بيكرهه
لما الليل
يبدأ يدخل ويجى معاد الرجوع للبيت...فى كل وقت كان بيفكر
فيها،فى
ضحكتها وكلامها معاه...لما كانت بتعيط بسبب خناقتها مع باباها
وترمى
نفسها فى حضنه...ولما تتعب من كتر العياط وتنام على كتفه...
فى كل لحظة
بيقضيها معاها كان بيحس إن قلبه بيدق بجنون....لكن مكنش
عارف
يقوللها ولا لأ..فى النهاية وجودهم مع بعض للنهاية شبه
مستحيل،،يارتى
هيقدر يتحمل إنه يفضل يحبها بالشكل ده؟؟من غير ما
يقوللها..ومن
غير ما يقدر يقضى معاها وقته كله!!!
فى النهاية
اكتفى بأنه يبقا قريب منها بالطريقة ديه..أحسن ما يخسرها خالص..
"كما
تحب الشعور بلذة الحب وسعادته..يجب عليك تزوق مرارة عذابه أيضا"
صحى الصبح
وهو حاسس إنه مخنوق..وكل ما يفكر إنه مينفعش يبقا معاها
يتخنق
ويتضايق أكتر...
لبس وراح
للمكان اللى بيتقابلوا فيه...الموضوع بقا سهل بالنسباله،،أنه يتسلق
الشجرة ديه
ويطلع للمكان اللى بيتقابلوا فيه..خصوصا بعد شهرين من التدريب
المستمر....
شافها
واقفة هناك وقاعدة تلف وهى بتبص تحت رجليها...رفعت راسها وشافته
و وقتها
جريت عليه وحضنته...
رنا:"أخيرا
جيت..أنا كنت مستنياك من بدرى.."
بعدت عنه
شوية وبصتله بابتسامة...
ريووك
بصلها من فوق لتحت ولاحظ اللى هى كانت لبساه...
ريووك:"انتى
على طول بتلبسى لبس قصير كدة؟!!"
ابتسمت لما
حست إنه بيغير عليها...رجعت تبصله بسعادة...
رنا:"متضايق
من لبسى؟!!"
ريووك:"أزاى
تخرجى من البيت باللبس ده؟؟"
رنا:"بس
أنا على طول بخرج كدة.."
ريووك سكت
وبص الناحية التانية لما حس إنه زودها شوية..
رنا قربت
منه وحطت أيدها على وشه وخلته يبصلها...
رنا:"ريوو..أنت
بتحبنى؟!!"
ريووك
بصلها بصدمة..حس إن لسانه أتعقد ومش عارف يرد عليها...
رنا
ابتسمت:"أنا بحبك.."
سكت وهو مش
عارف يرد يقول أيه فى الموقف ده...
مسكته من
ياقة قميصه ورفعت نفسها على صوابعها لغاة ما بقت فى طوله
وهى مغمضة
عنيها...وقربت منه لغاية ما لمست شفايفه بشفايفها...
اتصدم من
اللى عملته وكان حاسس إنه لازم يبعدها دلوقتى...
لف وشه بعيد عنها وبص الناحية التانية..أما هى
فتحت عنيها
باستغراب..معقول
تكون فهمته غلط؟؟نظراته وكلامه واهتمامه بيها مكنش
حب أو مجرد
إعجاب؟!!!
حست إنه
اتجرحت..أو على الأقل أحرجت نفسها باللى عملته...ومفكرتش فى
أى حل غير
إنها تهرب من الموقف ده دلوقتى....
بعدت عنه
وجريت ناحية الشجرة عشان ترجع للعالم بتاعها..أما هو فضل
واقف
لثوانى لما استوعب اللى هم الاتنين عملوه دلوقتى..البنت اللى هو بيحبها
بتبادله
المشاعر وهو بأيده بعدها عنه...
شافها وهى
بتمشى من المكان وبسرعة حاول يلحقها..جرى على الشجرة
وراح وراها
فى اتجاه العالم بتاعها..كانت بتنزل بسرعة وهو بيحاول يحصللها
وهو بينادى
عليها..لكن هى مكنتش سمعاه...وصلت للأرض قبله بثوانى
وبدأت تجرى
عشان تبعد عن المكان...
وهو كان
قرب من نهاية الشجرة...وأول ما حط رجله على الأرض حس بهزة
قوية
وقعته..
يتبع...
ليست هناك تعليقات:
إرسال تعليق