The Other Side
Chapter 3 & Final
part 1
وأول ما حط
رجله على الأرض حس بهزة قوية وقعته..
فضل واقع
على الأرض لثوانى وهو متفاجئ من الزلزال المفاجئ ده...
فضل يبص
حواليه وشافها واقعة بعيد عنه وشكلها بتتألم..قام بسرعة وجرى
عليها
لغاية ما قعد جنبها..
حاولت تقوم
تقف عشان تبعد عن المكان ده لكن هو مسكها وقعدها
تانى...بصت
الناحية التانية وهى بتحاول تمنع دموعها من النزول...
مسك رجلها
وهو بيحاول يشوف فيها أيه...كانت متعورة وبتنزل دم..بصلها
بقلق وقلقه
زاد عليها لما لقاها بتعيط...
ردت من
غير ما تبصله:"أنا عايزة أمشى من هنا.."
وفى الوقت ده
نزلت دموعها..قرب منها وحط أيده على وشها وخلاها
تبصله...بصتله
بعيونها المدمعة حط أيده على خدها وبدأ يمسحلها
دموعها..وبتردد
بدأ يقرب منها لغاية ما لمس شفايفها بشفايفه..وما كان منها الا
انها غمضت عنيها
واستسلمت تماما ليه....
كانت مجرد
قبلة مغلقة نقية..على كل حال ديه تعتبر الأولى لكل واحد فيهم...
بعد عنها
شوية..فتحت عنيها وبصت فى عنيه..
رنا:"احم..ده
معناه.."
ريووك:"بحبك.."
قرب منها
وأخدها فى حضنه..
رنا:"بس
ليه عملت كدة فى الأول..أفتكرت إنك مبتحبنيش،أو.."
بصلها:"أنا
مش متعود على اللى انتى عملتيه..أعتقد إن الناس فى الزمن
بتاعكوا
جريئين أكتر من عندنا.."
بصت فى
الأرض وهى بتحاول تهرب من نظراته...
رنا:"أحم..أيه
الاحراج ده.."
وفى الوقت
ده حست بأيده على رجلها مكان الجرح...
رنا:"اااااااااااااااااااااااه.."
بصلها وهو
مخضوض وشال أيده بسرعة...
رنا
بابتسامة هبلة بتحاول تخفى وراها وجعها:"بتوجع.."
ضحك بقلة
حيلة وساعدها عشان تقف...
ريووك:"بيتك
بعيد عن هنا؟!!"
رنا:"شوية..بس
بروح بالعربية،أنا ركناها هناك_بتشاور بعد سور
الغابة_"
ريووك:"لازم
تروحى دلوقتى.."
رنا
اتشعلقت فى دراعه:"لأ مش عايزة.."
ريووك:"يعنى
أيه مش عايزة؟؟رجليك متعورة..لازم تروحى وتعالجيها.."
رنا:"لأ
مش لازم.."
مشى بيها
فى اتجاه العربية بتاعتها...
رنا:"لااااا...طب
بعد شوية،،خلينى قاعدة معاك شوية كمان بس.."
ريووك:"بكرة
لما تبقى كويسة هتلاقينى مستنيكى.."
رنا بدأت
تتنطط اعتراضا على كلامه...
رنا:"يوووه
بقا..يعنى مينفعش أقضى اليوم اللى اعترف فيه حبيبى ليا انه
بيحبنى
معاه؟؟"
ريووك
بيحاول يستوعب تركيبة الكلام الغريبة ديه...
ريووك:"متتعوديش
تعترضى على كلامى عشان هتتعبى..فى الأخر اللى فى
راسى هو
اللى هيمشى.."
نطت جامد
وده خلاها تضغط أكتر على رجلها المصابة..
رنا:"اااااااااااااااااااااااااااااااه.."
وقفوا
وبصلها بقلق...وبعد ثوانى اتفاجأت بيه شالها بين أيده...اتشعلقت فى
رقبته وهى بصاله
وبتضحك...
وبعد دقايق
قليلة وصلوا عند السور...
ريووك
بينزلها:"هتعرفى تكملى من هنا لوحدك؟!!"
رنا مسكت
أيده وقربت من وشه أوى خلته هو يرجع بوشه لورا..
رنا:"افرض
قولتلك لأ؟؟"
ضربها
على راسها:"يلا امشى.."
قربت منه
بسرعة وباسته على خده...عدت السور من خلال فتحة صغيرة فيه..
وهو فضل
واقف مكانه وهو مش عارف احساسه ايه فى اللحظة ديه..حاسس
انه مبسوط
وطاير فى السما...وبعد ثوانى سمع صوتها من وراه...
رنا:"بس
انا عندى سؤال.."
لف عشان
يلاقيها قدامه بالظبط..رجع خطوة لورا بسرعة لدرجة إنه كان
هيتكعبل...
ريووك:"أيه
اللى رجعك تانى؟!!"
رنا:"قولتلك
عندى سؤال.."
ريووك:"أسألى.."
رنا بتبص
فى الارض وهى بتلعب برجليها...
رنا:"احم..هى
البوسة اللى انت بوستهالى ديه.."
ريووك:"أيه؟!!"
رنا:"أصدى
يعنى..ده كل حاجة؟؟"
ريووك مش
فاهم كلامها:"يعنى أيه كل حاجة؟!!"
رنا مسكت
فى ياقة قميصه:"أصدى هى كدة بس؟؟يعنى فى الأفلام اللى كنت
بشوفها
البوسة بتبقا_بتشاور بصوبعها_أطول
شوية.."
ريووك
أتفاجئ من وقاحتها المبالغ فيها...
رنا:"هييييه...رحت
فين؟!!"
ريووك
بيزقها:"يلا أمشى من هناااا...امشىىىى.."
رنا عوجت
بوقها:"طيب طيب..مشيت.."
عدت السور
تانى والمرادى علت صوتها وهى بتكلمه عشان يسمعها...
رنا:"باااااااى...بحبك.."
ضحك على
أفعالها الطفولية ديه...وبعد ثوانى رجع للشجرة واتسلقها لغاية ما
وصل للعالم
اللى فى النص،فضل مكمل طريقه لغاية ما وصل للعالم بتاعه و
روح على بيته....
أما رنا
دخلت البيت بتاعها وهى بتعرج وبتحاول تستحمل وجع رجلها...
وقبل ما
توصل لأوضتها واحد من الخدم قاللها إن والدها طالبها حالا فى
المكتب
بتاعه...
"هناك
بعض الأشخاص التى يجب علينا الإمتثال لأمرهم،حتى وإن لم نكن
نحبهم...ولكن
التمرد قد يعرضنا للعقاب،و فى بعض الأحيان قد يدمر حياتنا
من دون
أن ندرى"
راحت على
مكتب باباها من غير حتى ما تفكر تعالج رجلها الاول..
وقبل ما
تخبط على الباب سمعت صوت باباها بيزعق من جوا...
والد
رنا:"يعنى تفسروا بأيه الهزة ديه؟؟أنتوا عارفين إن ملهاش غير معنى
واحد.."
مهتمتش أوى
بالكلام..على كل حال هى ملهاش مزاج تبوظ يومها...خبطت
ودخلت..كان
فى عدد كبير من الموظفين المهمين اللى بيشتغلوا مع باباها...
والد
رنا:"أخرجوا برا وأقفلوا الباب.."
كل
الموظفين خرجوا وفضلت رنا مع والدها لوحدهم...قعدت على الكرسى
اللى جنب
المكتب وهى مستنياه يتكلم...
والد
رنا:"كنتى فين النهاردة؟!!"
رنا:"حضرتك
عارف..نفس المكان اللى بروحه كل يوم.."
والد
رنا:"امممم...ومشوفتيش اى حاجة غريبة هناك؟؟"
رنا:"حاجة
غريبة زى أيه؟!!"
والد
رنا:"شخص مثلا.."
فكرت
لثوانى إنها تقوله عن ريووك..لكن رجعت وقالت تأجل الموضوع ده
أحسن..لما
تتقرب أكتر من ريووك وعلاقتهم تتعمق أكتر..لكن فى نفس الوقت
كان واضح
ترددها وتوترها لباباها
رنا:"لأ.."
والد رنا
بص على رجليها:"وأيه اللى عورك كدة؟!!"
رنا:"كنت
نازلة من على الشجرة فى الوقت اللى حصل فيه زلزال..وقعت
واتعورت.."
قعد على
الكرسى اللى قدامها وهو بيبصلها بنظرات باردة...
والد
رنا:"لأخر مرة هقولك الكلام ده...المكان ده ميترحش تانى.."
رنا قامت
من على كرسيها بعصبية:"أنت ليه مُصر تاخد منى الذكرى الوحيدة
اللى
بقيالى من ماما؟!!"
والد
رنا:"عشان ديه الذكرى الوحيدة اللى لازم تنسيها.."
رنا:"وأنا
مش هقدر مروحش هناك تانى.."
مشيت ناحية
الباب بس قبل ما تفتحه سمعت صوت باباها من وراها...
والد
رنا:"رناااا..متعمليش حاجة تندمى عليها،،وحاجة كمان.."
بصتله بضيق
وهى مستنياه يكمل كلامه...
والد
رنا:"لو عرفت إنك مخبية عنى حاجة إنتى عارفة أيه اللى ممكن
يحصل.."
فتحت الباب
وخرجت ورزعته وراها...راحت على أوضتها ودخلت الحمام
وقفلت على
نفسها..ملت البانيو بالمية الدافية وفقاعات الصابون وقعدت فيه
وهى بتفكر
فى كلام باباها...بس أيه اللى هيقدر يعمله يعنى؟؟حتى لو ريووك
جيه يعيش
معاها فى العالم بتاعها باباها مش هيعرف إنه مش من
هنا،،وهيعرف
منين أصلا؟!!هو عمره ما طلع العالم اللى بتطلعه..وعمره ما
هيفكر يروح
المكان ده..وبالتالى مش هيعرف أى حاجة بتحصل هناك...
وبالنسبة
للأوامر بأنها لازم مترجعش هناك..ديه مش أول مرة يقوللها الكلام
ده...ياما
قاللها متروحش وهى مبتسمعش الكلام...
فى الأخر
قررت تنفض الأفكار ديه عن راسها،ورجعت تفكر فى ريووك
واللى حصل
معاها النهاردة...كانت حاسة إنها مبسوطة جدا وإن اللى عايشة
فيه ده
مجرد حلم....
دايما
بتتفرج على قصص الحب ديه فى المسلسلات والأفلام،لكن عمرها ما
فكرت إنها
تعيش فى واحدة فيها..من وهى صغيرة متوقعة إنها تتجوز بطريقة
تقليدية من
ابن احد الاشخاص الاغنياء اللى باباها عارفهم..لكن ظهور ريووك
فى حياتها
قلب كل التوقعات....
خلصت
الحمام بتاعها ولبست الروب بتاعها..خرجت وقعدت على السرير
بتاعها..فتحت
الدرج وطلعت لاصقة طبية ولزقتها مكان الجرح بتاعها..
أخدت
الكاميرا بتاعتها وفتحتها عشان تشوف صورها هى وريووك..لكن لما
فتحت الصور
كانت كل الصور ليها هى لوحدها،،ريووك مش ظاهر فى
الصور...
حست بنوع
من الإحباط والخوف...فكرت فى إن ريووك ممكن يبقا
شبح،،ممكن
ده كله كان وهم...
معرفتش
تنام طول الليل..على أد ما كانت خايفة إن ده كله يبقا خيال على أد ما
كانت بردوا
عايزة تشوف ريووك وتقضى معاه طول اليوم بكرة...
تانى يوم
الصبح لقاها قاعدة مستنياه هناك وهى ماسكة الكاميرا بتاعتها...
قعد جنبها
وهو قالب وشه...
كلمته من
غير ما تبصله:"تعرف يا ريوو...فى حاجة
غريبة،،لما باجى هنا
بعرف
أشوف صورنا مع بعض..لكن لما بروح البيت وبفتح الكاميرا مش
بلاقيك
فى الصور_بصتله وعلامات الضيق على وشها_كنت
عايزة أعرف
اشوفك
على طول حتى لو مكناش هنا_اتغيرت ملامح وشها_أوعى يا
ريوو
تكون..."
ريووك
بلا مبالاة:"أكون عفريت مثلا؟؟"
حطت
أيدها على بؤها:"أنت بجد عفريت؟!!"
ضربها
على راسها:"عفريت أيه يا هبلة أنتى؟؟فى عفريت مثلا هيبوسك؟!!"
بصت فى
الأرض بخجل:"احم..فى ديه عندك حق.."
قربت منه
وحطت راسها على كتفه راح بعد عنها...قربت منه تانى،وهو بعد
عنها
تانى...
بصتله
ببوز:"أيييييه؟!!"
بصلها
ببرود:"عايزة أيه؟؟"
رنا:"بتبعد
عنى ليه؟!!"
ريووك:"عشان
متضايق منك.."
رنا:"ليه؟؟وأنا
عملت أيه؟!!"
بص عليها
من أول شعرها لغاية أخر رجلها....
ريووك:"حضرتك
مش عارفة إن اللبس ده بيضايقنى؟؟"
بصت على
اللبس بتاعها..كانت لابسة فستان قصير،لبسته مخصوص
عشانه..كانت
فاكرة إنه هيعجبه..من بالليل وهى بتدور فى دولابها على لبس
مناسب
للموعد الأول ليها مع حبيبها وفى الأخر اختارت ده...
رنا
ببوز:"بس أنا لبسته عشانك.."
ريووك:"وفى
غيرى بيشوفك وأنتى جاية بيه لغاية هنا.."
رنا:"خلاص
مش هلبس كدة تانى_مردش عليه..راحت
نغزته فى دراعه_ما
قولنا
خلاص.."
بصلها وضحك
بسبب افعالها الطفولية...
قربت منه
ومسكت دراعه وهى نايمة على كتفه...
رنا:"وحشتنى.."
ريووك:"اممم.."
رنا:"أيه
ده؟؟مفيش وانا كمان؟؟"
ريووك:"وأنا
كمان وحشتنى"
رنا:-_-
ريووك:^_^
رنا قامت
من مكانها بعد ما ضربته...
رنا:"أنت
رخم.."
وبالرغم من
رخامة ريووك بالنسبة لرنا..وإنه مش بيتصرف بالرومانسية
المفرطة
اللى كانت متوقعاها وبتحلم بيها..إلا إنها كانت مبسوطة بردوا بوجوده
جنبها...
رنا:"طب
دلوقتى خلينا نرجع لموضوعنا الأولانى...ليه بعرف أشوف صورك
هنا،ولما
بروح البيت مش بعرف أشوفها؟!!"
ريووك:"مش
عارف.."
فضلوا هم
الأتنين ساكتين وبيفكروا لغاية ما ريووك نطق...
ريووك:"يمكن
عشان أنا مش موجود فى الزمن بتاعك..يعنى أنا قبلك ب100
سنة..فمليش
وجود عندكوا،يمكن هو ده السبب.."
رنا:"ممكن.."
فضلوا هم
الاتنين قاعدين مع بعض لغاية ما الليل حل وكل واحد راح على
بيته...
ولمدة
أسبوع كانوا بيتقابلوا كل يوم عشان يشوفوا بعض..أحيانا
بيتخانقوا..وأحيانا
بيضحكوا،،بس أيا كان اللى بيعملوه..كانت أهم حاجة
بالنسبالهم
إنهم مع بعض...
وفى نفس
الوقت كان ريووك بيفكر فى نهاية القصة ديه..ياترى الموضوع ده
هيخلص على
أيه؟؟هينفع يفضلوا مع بعض على طول؟؟حد فيهم ممكن يتنازل
ويعيش فى عالم
التانى!!
كمان رنا
مكنش تفكيرها مختلف عن ريووك...كانت مستعدة إنها تتخلى عن
كل حاجة
عشان تفضل معاه..لكن ياترى أيه هيبقا موقفه هو؟!!!
وفى خلال
الأسبوع ده كمان والد رنا مكنش سايبها تغيب عن نظره..على
الأقل فى
خلال وجودها فى العالم بتاعها..كان ملاحظ سعادتها المفاجأة
ليه؟؟ضحكتها
اللى مبقتش تفارق وشها خصوصا فى خلال الإسبوع الأخير
ده...كان
عارف إن فيه حاجة غريبة..والحاجة ديه متعلقة بالمكان اللى
بتروحه....وفى
نفس الوقت قلقه بدأ يزيد من إن يكون ليها صلة بشخص من
العالم
التانى...
وأخيرا قرر
إنه يبعت اتنين وراها..يراقبوها حتى لما بتروح المكان ده..
وفى يوم
كالعادة رنا طلعت المكان اللى بتقابل فيه ريووك..لقته مستنيها هناك..
نطت على
ضهره وهى بتضحك:"أخيرا جيت
بدرى مرة.."
ريووك:"وحشتينى.."
O.o
رنا:"نعم؟؟؟
ريووك:"هههههه...أنتى
مبيعجبكيش حاجة؟!!"
قربت منه واتشعلقت
فى رقبته وباسته على خده جاااااامد...
رنا:"أنت
بتعجبنى.."
ريووك
أتعود على جرأتها ديه..كل اللى عمله إنه ضحك وسكت...
قعدوا هم
الاتنين مع بعض وهم بيتكلموا فى مواضيع مختلفة...
رنا:"ريوو..كنت
عايزة أسئلك عن حاجة.."
ريووك:"أيه؟!!"
رنا:"أحنا
هنفضل نتقابل هنا على طول؟؟يعنى.."
ريووك:"وأنا
كمان كنت بفكر فى الموضوع ده..أنا مش عايز أسيبك تانى"
رنا:"ولا
أنا.."
ريووك:"طب
لو حصل وجيت العالم بتاعك أزاى هتعرفى؟!!"
رنا:"أبقا
كلمنى فى التليفون.."
بدأت تقوله
الرقم وهو يعيده وراها..كتير كتير كتير لغاية ما حفظه..
رنا:"وأنت
هتعرف أزاى لو انا جيتلك؟؟"
ريووك:"أنتى
هتضطرى تعرفى عنوانى.."
وبدأ
يقوللها عنوانه..كتير كتير كتير لغاية ما حفظته...
فضلوا يتناقشوا
فى الموضوع وكل واحد فيهم بيحاول يلاقى حل..الهروب من
غير ما حد
يعرف،،إنه يروح يعيش فى العالم بتاعها..أو هى اللى تروح
معاه..أو
حتى يفضلوا فى العالم اللى هم فيه من غير ما حد يعرف...
بس اللى
مكنوش عارفينه إن فى اتنين بيراقبوهم..وسامعين اللى هم بيقولوه..
وكل الكلام
اللى الاتنين دول سمعوه أتنقل لوالد رنا..وعرف السر اللى بنته
مخبياه
عليه..والسر ده مكنش لازم حد تانى يعرفه...
to be continue
ليست هناك تعليقات:
إرسال تعليق