The Other Side (Chapter 3 & final) part 2

The Other Side

Chapter 3 & Final

part 2

"لا تشعر بالنهاية عندما تقترب..فقط ستشعر بها عندما تراها تكتب أمام

عينيك"

رجعت رنا بيتها بالليل..دخلت أوضتها وهى بتتنطط ومبسوطة،،وفى الوقت ده

اتفاجأت لما شافت باباها قاعد مستنيها...

والد رنا:"أخيرا شرفتى؟؟"

رنا:"فى حاجة مهمة تخلى حضرتك تتخلى عن وقتك الثمين عشان تيجى

هنا؟؟"

 والد رنا:"كنتى فين؟!!"

رنا:"كنت هناك.."

والد رنا:"مع مين؟!!"

رنا:"يعنى أيه مع مين؟!!"

قام وقف وهو بيتكلم....

والد رنا:"أنتى عارفة يا رنا أنا وصلت للمنصب ده بعد أيه..وكمان عارفة إن

أعرف كل حاجة عن العالم اللى انتى بتروحيه،،لكن اللى متعرفيهوش إنى

أعرف كمان إن فى عالم غير اللى انتى بتروحيه_شاور لفوق_فوقنا

بالظبط،،بس الفرق بيننا وبينهم..إنهم قبلنا ب100 سنة...وكمان لو حد فيهم

لمس الأرض بتاعتنا ديه بيحصل زلزال،زى الزلزال اللى حصل من

أسبوع..ونفس الشئ بيحصل عندهم.."

رنا قعدت وهى بتحاول تهدى نفسها ومتبينش أى انفعال...لكن كل ما كانت

بتحاول أكتر توترها كان بيزيد أكتر...

والد رنا:"طبعا مش كتير اللى يعرفوا الموضوع ده..بس اللى بيمسكوا شئون

البلد ديه،،لأن لو حد عرف ممكن تحصل مصايب إنتى مش متخيلاها.."

رنا:"زى أيه؟!!"

والد رنا:"أهم حاجة ممكن تحصل إن التاريخ هيتغير...هتبقا فى فجوة بين

الحاضر والماضى،،ممكن إنتى متكونيش متخيلة حجم الكوارث اللى ممكن

تحصل..لكن.."

رنا:"أيا كان..أنت بتقوللى الكلام ده ليه دلوقتى؟!!"

والد رنا:"عشان تفهمى إن اللى بتعمليه غلط...والشخص اللى إنتى بتشوفيه ده

لازم متقابليهوش تانى_سكت شوية بعدين بصلها_كان اسمه ريووك؟؟؟"

بدأت الدموع تتجمع فى عنيها...

رنا:"أنت بتعمل كدة ليه؟!!حرام عليك.."

والد رنا:"أنا بعمل ده عشان مصلحتك...وعشان مصلحة البلد ديه.."

رنا:"وانا مش هدمر مصلحة البلد ديه..بس هفضل أطلع لهناك زى كل

يوم..وانت اعمل نفسك مش عارف حاجة.."

والد رنا:"لو طلعتى هناك تانى هتتسببى فى موته.."

خلص كلامه وخرج من أوضتها من غير ما يسمع منها كلمة زيادة...

"كم يكون الجرح عميقا عندما تعلم بأن حبك قد يتسبب بقتل من تحب"

تانى يوم صحيت وهى تعبانة ومرهقة من العياط طول الليل..فكرت متطلعش

هناك..بس رجعت قالت لنفسها مرة كمان بس..مرة واحدة هودعه ومش هطلع

تانى...

طلعت ولقته مستنيها هناك...

ريووك:"أنتى اللى بقيتى تتأخرى.."

رنا قعدت بتعب:"معلش.."

قعد جنبها وحط أيده على كتفها...

ريووك:"مالك؟؟"

رنا بصتله وهى مش عارفة تخبى الدموع اللى اتجمعت فى عنيها...

ريووك:"متقلقنيش كدة..قوليلى فى ايه.."

رمت نفسها فى حضنه وهى بتعيط...فضل يطبطب عليها عشان تهدى...

ريووك:"أتخانقتى تانى مع باباكى؟؟"

رنا:"اممم.."

ريووك:"خلاص معلش..كفاية عياط."

هديت شوية راح رافع راسها لغاية ما بصتله وبدأ يمسحلها دموعها...وباسها

بوسة صغننة على طرف أنفها...

ابتسمتله بعيونها المدمعة...

ريووك ضربها على راسها:"قولى بقا انك كنتى بتعملى ده كله عشان

ابوسك.."

بعدت عنه شوية وفضلت تضربه على كتفه جامد...

ريووك بيحاول يمسكها:"ااااااااه..بس بتوجعى.."

رنا بتضربه:"تستاهل.."

مسك أديها جامد وقرب منها وطبع قبلة على شفايفها..ولأول مرة تكون قبلة

عميقة وقوية...

فضلت متنحة لكام ثانية لغاية ما بعد عنها شوية..خبط راسه براسها وهو

بيضحك...

ريووك:"يعنى مبتبطليش عياط غير بالطريقة ديه؟؟_رنا مردتش_وكمان

مبترديش عليا..أيه؟؟بتتقلى عليا دلوقتى؟!!"

رنا:"أنا بحبك.."

ريووك:"عارف..وانتى كمان عارفة إنى بحبك.."

بقت تحاول فى اليوم ده إنها تضحك وتنبسط ومتبينش أبدا إنها

متضايقة..مكنتش عايزة أخر يوم ليهم مع بعض يكون كئيب ومليان دموع..

ويمكن يجى يوم وتشوفه تانى..لما باباها ينسى الموضوع أو حتى لما يموت...

خلص اليوم الأخير.....

فى اليوم ده قبل ما يرجع على بيته راح لكيوهيون وفضل يحكيله عن اللى

حصل فى الأيام الى فاتت وحبه لرنا..كان كيوهيون بيسمع وهو رافض كل

اللى ريووك بيقوله لكن ميقدرش ينطق بكلمة..مش عايز يخسر صاحبه...

خلص اليوم على رنا وريووك وكل واحد فيهم حاسس إحساس مختلف..منهم

المجروح والتانى المبسوط وهو حاسس إن ساعدته ديه هتكفى العالم كله

وهتستمر للأبد...

حل اليوم التانى وريووك راح للمكان اللى بيقابل فيه رنا..فضل مستنيها لوقت

طويل،لكن اللى مكنش يعرفه إنها مش هتيجى النهاردة ولا فى أى يوم تانى...

كان قلقان عليه وبعدين فكر إنها ممكن تكون انشغلت بحاجة النهاردة...

وفكر بالفعل معرفته لرنا خلت كل حياته المكان ده..مبقاش يعمل أى حاجة

تانية غير إنه يجى المكان ده...رجع على بيته وقت الغروب وهو عايز بكرة

يجى بسرعة عشان يعرف أيه اللى حصل...

وفضل الموضوع عالحالة ديه ولمدة تلت أيام ريووك يروح للمكان اللى

بيقابلها فيه وميلاقيهاش..وفى الاخر قرر انه يروحلها،كان هيتجنن لما بيفكر

إن ممكن يكون حصللها حاجة....

وفى اليوم الرابع طلع على الشجرة وفضل يتسلق لغاية ما وصل للنص وبعدين

بدأ ينزل من الجهة التانية...

وأخيرا وصل للعالم اللى رنا عايشة فيه...وزى المرة اللى فاتت أول ما حط

رجله على الأرض حس بهزة أرضية وقعته....

وفى نفس الوقت كانت رنا قاعدة فى أوضتها لما حست بالزلزال...

اتفزعت لما افتكرت ان الزلزال ده ممكن يكون بسبب ريووك...فضلت تلف

فى الأوضة رايح جاى وهى مش عارفة أيه اللى ممكن تعمله..وبعد حوالى

ربع ساعة باباها طلبها فى المكتب بتاعه...راحت وهى متوترة وخايفة من اللى

باباها ممكن يعمله أو يقوله...

وصلت أدام مكتب باباها وخبطت على الباب ودخلت...كان فى أشخاص

مهمين قاعدين مع باباها وكان من الواضح ان فى حالة قلق....

خرجوا كلهم أول ما هى دخلت ما عدا سكرتير باباها وشخص تانى مكنتش

تعرفه...

والد رنا:"أنا حذرتك قبل كدة يارنا من اللى ممكن يحصلله.."

رنا جريت على باباها وهى بتعيط....

رنا:"أرجوك..بس المرادى متعملهوش حاجة،أنا مش هخليه يجى هنا

تانى..المرادى بس.."

والد رنا:"أخر مرة أنا ادتلك فرصة من غير ما تطلبيها..لما طلعتى هناك  بعد

ما نبهتك عن اللى ممكن يجراله.."

رنا:"المرادى بس.."

فى الوقت ده موبايلها رنا..حست إن قلبها انقبض لما حست ان ممكن يكون

هو....

والد رنا:"ردى.."

رنا ردت على التليفون...

رنا:"ألوو.."

ريووك:"أنتى فين؟؟"

رنا:"أنت أيه اللى جابك هنا؟؟"

ريووك:"مكنتيش عايزانى أجى؟؟قلقتينى عليكى،،مشيتى من غير ما تقولى أى

حاجة..أزاى كنتى عايزانى مجيش.."

رنا:"أنت فين؟!!"

قاللها وصف المكان اللى كان واقف فيه..كان بيتكلم من تليفون عمومى قريب

من نادى هى عرفاه...

رنا:"خلاص..أنا جاية دلوقتى_قفلت السكة وبصت لباباها_هخليه يمشى ومش

هيجى هنا تانى..بس سيبوه يعيش.."

والد رنا:"ديه أخر فرصة.."

خرجت من مكتبه بعد ما هزت راسها بابتسامة مصحباها دموع عنيها...

وأول ما خرجت والد رنا شاور للراجلين اللى كانوا فى مكتبه...

والد رنا:"هى هتدلكوا على طريقه..انتوا عارفين،من غير ما حد يعرف أو

يحس باللى حصل.."

هزوا راسهم بالموافقة وخرجوا من مكتبه...

وفى الوقت ده رنا كانت فى طريقها للخروج من البيت..خرجت وهى بتمشى

بسرعة،،ركبت عربيتها لغاية ما وصلت للمكان اللى فيه ريووك...

مكنش من الصعب إنها تلاقيه خصوصا من مظهره الغريب بالمقارنة مع

الناس اللى موجودة فى الشارع...وبسرعة نزلت وخلته يركب معاها العربية

وساقت بسرعة لأتجاه الغابة....

ريووك:"مكنتيش بتيجى الأيام اللى فاتت ليه؟!!"

رنا كانت بتعيط وصوتها بدأ يعلى:"أيه اللى خلاك تيجى هنا؟؟"

ريووك:"أنتى مالك؟؟ليه مكنتيش عايزانى أجى؟!!أحنا مش اتكلمنا فى

الموضوع ده قبل كدة.."

خلص كلامه فى الوقت اللى وصلوا فيه لسور الغابة..وقفت العربية وبصتله

وبدأت تزعق...

رنا:"مكنتش عايزاك تيجى عشان ممكن تحصل كوارث بسببك.."

نزلت من العربية وفتحت الباب بتاعه ومسكت أيده وشدته خلته هو كمان

ينزل...

مسكت فى دراعه وبقت تشده وهى ماشية وهو مش فاهم هى بتعمل كدة ليه...

ريووك:"تقصدى أيه بأنى هسبب كوارث؟!!"

رنا وقفت لما وصلت للشجرة وبدأت تتكلم بهدوء...

رنا:"أنا مش عايزة أشوفك تانى..كل اللى بيننا خلاص خلص.."

ريووك:"أيه اللى انتى بتقوليه ده؟؟_بيزعق_أنتى اتجننتى؟؟؟"

رنا بزعيق:"سميه زى ما تسميه..المهم إنى مش عايزة أشوفك تانى_سكتت

شوية وبعدين كملت بنبرة أهدى_أنا هتجوز..اتقدملى عريس مناسب وأنا

وافقت عليه..من نفس الطبقة بتاعتى ومن نفس العالم بتاعى.."

ريووك كان واقف وهو مصدوم من اللى بيسمعه..

ريووك:"أنتى بتكدبى.."

وفى الوقت ده سمعوا أصوات من حواليهم..وشوية شوية بدأت تظهر مصادر

الأصوات ديه..3 رجالة محاصرينهم وفى أديهم مسدسات...

رنا بصتلهم بخوف لما فهمت اللى باباها عمله...

بقت تحاول تخبى ريووك ورا ضهرها وهى بصالهم...

رنا:"لأ..هو وعدنى إنه مش هيعملله حاجة.."

ريووك:"رنا..مين دول؟!!"

واحد من الرجالة اتكلم:"أنسة رنا أبعدى عن طريقنا عشان متتأذيش.."

رنا:"لا..لو لازم تقتله،يبقا موتونى قبليه.."

ريووك:"رنا أبعدى.."

بصتله وهى بتعيط ودموعها على خدها حطت أيدها على وشه وهى بتهز

راسها يمين وشمال...

رنا:"لأ..مش هسيبهم ياخدوك منى.."

ريووك:"كدة كدة..أنتى مكنتيش عايزانى فى حياتك،مش هتفرق لو..."

رنا بتعيط بحرقة:"لأ هتفرق..فى فرق بين إنى عايشة على أمل اشوفك،،وأنى

افضل عايشة وانا عارفة إنك ميت..مش عايزة حياة بالشكل ده.."

وفى الوقت حس ريوك باختراق الرصاصه في ضهرو  حضنها جامد و

همس فى ودنها:"بحبك.."

رنا بصاله والدموع فى عنيها:"لا متسبنيش يا ريوو"

جسم ريوك بدا يسيب بين ايديها لحد ما وقع على الارض..قعدت جنبه عالأرض وحاولت تسند راسه بأيدها 

رنا:"ريووك..عشان خطرى متسبنيش،مش هعرف أعيش كدة.."

ابتسملها وحط أيده على وشها...

ريووك:"تعرفى النجوم بنشوفها أزاى؟؟"

رنا هزت راسها يمين وشمال:"هتقوللى لما تبقا كويس.."

ريووك بيبص لفوق:"فى الليل اللى بيبقوا عايشين عالأرض ديه بيشوفوا الناس

اللى فوق زى النجوم،واللى فوق بيشوفوا اللى عايشين هنا زى

النجوم_بصلها_أنا كنت محظوظ لأنى أخترت إنك تكونى النجمة بتاعتى.."

حضنت راسه وهى قاعدة تعيط...

رنا:"عشان خطرى متتكلمش أكن ديه أخر مرة هشوفك فيها..متسبنيش

لوحدى،مش أنت كمان هتسيبنى.."

فضلت تعيط وتعيط وهى بتتكلم ومش سامعة رد منه..بعدت عنه شوية

وبصتله،كان مغمض عينه ومبيردش...

رنا بتهزه:"ريووك...أصحى،ريوووووك.."

صرخت بأعلى صوتها لما عرفت إن حبيبها فارق الحياة...وكل ده بسببها

هى...

قامت وقفت وهى بتصرخ فى اللى واقفين حواليها..وبعدين بدأت تجرى...

كانت بتجرى بأقصى سرعتها لغاية ما وقفت قدام عربيتها،،ركبتها وروحت

على البيت..دخلت واخدت طريقها لمكتب باباها..موقفهاش صوت الخدم وهم

بيقوللها انه معاه تليفون مهم ومشغول...

فتحت الباب وبصتله بحقد والدموع مش مفارقة عنيها....

رنا:"أنت وعدتنى.."

والد رنا:"كان لازم يموت.."

رنا بتصرخ:"وليه هو بس؟؟أنا كمان غلطت زيه...موتنى أنا كمان.."

والد رنا:"مقدرش اعمل كدة.."

رنا باستهزاء:"متمثلش إنك مهتم_سكتت شوية وهى بتفكر_هو مات عشان

عرف عن العالم بتاعنا..وعشان جيه هنا،صح؟؟خلاص..أنا عرفت الطريقة.."

كانت هتخرج من المكتب لما سمعت صوت باباها من ورا...

والد رنا:"متبقيش غبية زى مامتك.."

بصتله بصدمة من اللى قاله:"ماما؟؟؟"

والد رنا:"حبها وشغفها بالماضى..والعالم التانى هم اللى خلوها متبقاش هنا

دلوقتى.."

رنا قربت منه وضربته على صدره...

رنا:"انت اللى قتلتها..انت اللى عملت فيها وفيا كدة.."

والد رنا:"هى اللى عملت كدة فى نفسها..أنا حذرتها.."

رنا قاطعته:"لكن هى مسمعتش الكلام..زيى بالظبط.."

وقعت على الأرض وهى بتعيط ومش قادرة تستحمل كل الصدمات ديه....

رنا:"أزاى عايزنى أعيش بعد كل ده؟؟أزاى بتطلب منى أستحمل ده كله...أنت

مستحيل تبقا بنيأدم.."

قرب منها وقعد جنبها وحاول يحط أيده على كتفها...لكن هى بعدت عنه و

وقفت بسرعة،كانت هتقع لكن سندت على الكرسى اللى جنبها...

رنا:"متحاولش تقرب منى تانى..أنت مستحيل تكون أب،،وصدقنى لو فى سبب

أعيش عشانه..هيبقا عشان أدمرك.."

خرجت من مكتب باباها وهى مش شايفة قدامها..كانت حاسة ان الدنيا بتخبط

فيها ومش سيباها فى حالها..بقت بتتمنى الموت ومش عايزة حاجة تانية غير

الموت...

دخلت اوضتها وقعدت على الارض وهى بتعيط...كانت بتفكر فى الانتقام

وبس..كل حاجة بقا لونها اسود فى عنيها،،وبقت تفكر فى اكتر حاجة ممكن

تعذب بيها الناس اللى أذوها...

وملقتش غير حل واحد..الحقيقة...

"أحيانا نكون مستعدين أن نقاتل لكى نعرف الحقيقة..ولكن عندما نصل إليها

تكون مكافأة الإنتصار هى الموت"

وهكذا خطت كلمة النهاية بعد قصة كتبتها لكى يعرف الناس الوهم الذى

يعيشون فيه..قد يقرأ الناس هذه القصة المأساوية عن شخصان من عالمان

مختلفان وقعا فى الغرام وفرق القدر بينهما سيتأثران قليلا ثم يمضى كلٌ فى

حال سبيله..ولكن قد يعلم البعض الغاية من هذه القصة..

وهى الإنتقام..

كانت تود ان تقول لمن يقرأ أن تلك الغابة المحرم عليكم دخولها هى الصلة بين

الماضى والحاضر..هى الصلة بين كتابى وإنتقامى..

فأبى ظل يعمل طوال ذلك الوقت لكى يخفى تلك الحقيقة..ولكنى الآن أترك

المفتاح بين أيديكم...

أما لمن يسأل عن عالم ريووك وأهله..فبالتأكيد قد علموا بأنه مثل أولئك

الأشخاص اللذين دخلوا تلك الغابة واختفوا..على كل حال لن يعلم أى شخص

منهم بأمر تلك الشجرة،،لأنه حتى الآن لم يعلم أى شخص بشأنها...

النهاية

By:Nada Hatem

8/6/2014