الخطة المحكمة (chapter 4)

الخطة المحكمة

Chapter 4

نادين رزعت رشا كف على ضهرها خلتها فى نص الشارع فى نفس الوقت

اللى كانت عربية جاية فيه ناحيتها و طرااااااااااااااااااااااااخ.....

نادين شافت هذا الحادث الرهيب اللى هى كانت السبب فيه خدت ديلها فى

سنانها وجرى عالبيت...

بينما رشا وقعت بعد ما العربية خبطتها،والحمدلله بما إن رشا من رجالة العيلة

فمتأثرتش بالخبطة البسيطة ديه،ولسة هتقوم تشتم وتلعن لقت قمر نازل من

العربية فتراجعت عن الألفاظ البذيئة اللى كانت هتقولها ودخلت فى شخصية

البنت الكيوت -_-

رشا:"آآآآآآآآى..رجلى،أيدى..مش قادرة.."

شيون قرب منها وقعد جنبها بقلق...

شيون:"أنتى كويسة؟؟جرالك حاجة؟!!"

رشا بتسبل فى عيون الواد:"كنت غايب عنى فييييييين؟؟؟"

شيون:"نعم؟!!"

رشا:"أأ أًيدى..أيدى،ورجلى وجعانى أووووووى.."

شيون بيحاول يسندها عشان يقومها...

شيون:"طب اتفضلى معايا لازم أوديكى مستشفى عشان نطمن عليكى.."

رشا:"هييييييييييح...ياريت.."

شيون مطنش الوقاحة الصريحة من رشا وكل همه إنه يطمن إن مجرالهاش

حاجة لايروح فى حديد....

وهو بيسندها رشا راحت رامية تقلها عليه ومتشعلقة فى رقبته...

رشا:"مش قادرة أقف.."

وشيون كواحد جنتل شالها،وراحت رشا متبتة فيه أكتر ورموشها أشتغلت

أتوماتيك على وضع المراوح...

 أما نادين فى ذلك الوقت كانت رجعت على اوضة ندى اللى فوق السطح

وقفلت الباب وراها بسرعة....

ندى بتبعد أديها بسرعة عن دونغهى بعد ما كانت بتفكر ألمس ولا ملمسش

ألمس ولا ملمسش..ولما جات تلمس لقت نادين طبت زى القضا...

ندى:"أأ أيه داااا؟؟أنتى جيتى؟؟فين رشا؟؟والأكل؟!!"

نادين بتعيط وطلعت منديل الست أم كلثوم من جيبها وقعدت تنففف فيه

نادين:"إهئ إهئ..مكنش يووومك يا حبيبتى،أه يا غالية كنتى قرفانى فى

عيشتى.."

ندى:"أنطقى يابت رشا جرالها أيه؟!!"

نادين:"رشا إهئ إهئ...رشا إهئ إهئ.."

ندى بتبص لدونغهى:"شكلها مش هتنطق النهاردة..أكيد جوعت يا بيبى

صح؟؟هقوم اعملك كيسين إندومى.."

نادين خرجت من دور أمينة رزق اللى كانت متقمصاه...

نادين:"اااااه يا كلبة..طلعتى مخبية الإندومى ومنزلانا نشترى أكل.."

ندى:"حرام عليكوا...مال يتامى ده،مفيش دم خالث؟؟؟"

ندى مشيت من قدامها وسابت نادين قاعدة قدام دونغهى والدموع تترقرق فى

عنيها...

نادين:"شوفت يا غالى اللى حصل؟؟"

دونغهى -_-:"خير؟!!"

نادين:"رشا ماتت..إهئ إهئ.."

وفى تلك اللحظة باب الأوضة اتفتح ودخلت رشا وهى طايرة من على

الأرض..وفى فراشات طايرة حوالين راسها وعنيها بتطلع قلوب..ولسانها

مدلدل قدامها متر....

رشا:"هااااااااااااااااااااااااااااااااح.."

دونغهى بصلها وبعدين بص لنادين....

دونغهى:"ماهى زى القرد أهيه.."

رشا فاقت من السهتنة اللى كانت فيها...

رشا:"مين القرد ياا @#$%^**&@##.."

ندى:"كنا مرتاحين والله.."

رشا:"لازم تبوظوا لحظاتى الرومانتيكية.."

 O.o ندى ونادين:

Jدونغهى:"يعنى مش لازم أختارك؟!!

Jندى ونادين:

رشا:-_-

وبعد شوية مارى رجعت من موعدها الغرامى وقعدت مع البنات ورشا قعدت

تحكيلهم عن اللى حصللها...

رشا:"وبس بقا..مرضتش أروح المستشفى لايقولوله إنى كويسة..بس

مسبتهوش إلا لما أخدت رقم تليفونه^^"

دونغهى -_-:"ومخطفتيهوش ليه هو كمان؟؟أهوه كان جيه يسلينى.."

نادين ضربته على قفاه:"أنت بتتكلم عن قرطاس لب؟؟ده

شيووووووون...هااااااااااح.."

دونغهى:"ومادام عجبكوا كدة خدتونى أنا ليه؟!!"

ندى:"الحب أعمى يا روحى.."

مارى:"بتقولى حكم يا أوختى.."

رشا:"وأنتى يختى أتأخرتى النهاردة كدة ليه؟!!"

مارى:"الواد اللى اسمه ييسونغ ده..قاللى نروح ندور على دونغهى مع

بعض،وأنا عشان ملفتش نظره ناحيتنا وافقت وروحنا ندور على الموكوس فى

السنيما..بس كان حتت فلم،،فزييييييييييع.."

نادين:"تصدقى إنك حمارة.."

دونغهى:"قوللها يا أوختى..مبتفهمش.."

نادين:"مانا بقولها أهوه..أزاى يا أذكى أخواتك تروحوا تدوروا عليه فى

السنيما وأنتى عارفة أنه هنا؟؟مفيش مخ؟؟مفيش تفكير؟!!"

دونغهى هتجيله جلطة من الغباء المنتشر حواليه....

نادين بصتله بابتسامة:"عجبتك يا بيبى؟؟أدينى أديتها فى سنانها.."

دونغهى:"اتفوووووووو.."

ندى:"يرحمكم الله.."

رشا:"أنت بتوف عالبنت ليه؟؟كانت أدك ديه؟!!"

نادين:"إهئ إهئ..قوليله يا أوختى،ده انا حتى رهيفة الكلب.."

ندى ورشا ومارى:-_-

مارى:"الواد شكله عايز يقول حاجة..سيبوه يتكلم.."

ندى:"تكلم يا ابن الشعب.."

دونغهى:"يعنى واضح أوى إن ييسونغ مكنش عايز يدور عليا ولا حاجة.."

مارى:"أمال خدنى السنيما ليه يا أذكى أخواتك؟؟_سكتت شوية لما المخ اللى

حطاه زينة فى جمجمتها اشتغل_تقصد..يعنى..لالالالاا أنت أكيد بتهزر.."

دونغهى:"بس اللى مجننى إزاى بص للأشكال ديه؟!!"

مارى اتقمصت:"تقصد أيه؟؟ها؟؟ها؟؟على فكرة بقا أنت وحش.."

ندى:"يختى عثلة.."

رشا:"الأشكال ديه ميتردش عليه يا روحى.."

نادين:"الأشكال ديه اللى هى؟؟؟؟؟"

رشا:"مارى طبعا.."

مارى:"أنتوا كلكوا وحشين.."

قامت من مكانها وخرجت من الأوضة وسابتهم هم قاعدين مكانهم...

نادين:"هيييييييييح..خلصنا من عبير،واهيه رشا ومارى هيحصلوها_بتبص

لندى_مش ناوية تخلعى أنتى كمان ياغالية؟؟"

ندى:"على قلبك ومربعة يا حبى.."

نادين:"بموت فيكى.."

رشا:"اتفوووووو.."

ندى:"أنا ملاحظة إن البرد انتشر.."

نادين:"ابقى اشربى يانسوووون.."

انتهى اليوم ومارى بايتة برا..والبنات طبعا ماصدقوا خلصوا من واحدة كمان

ونايمين عادى خاااااااااالص...

وتانى يوم الصبح وفى مكان أخر...

ريم بتتاوب وهى بتقوم:"ااااااااااااااه..انا كسلانة أوى،مش عايزة أصحى.."

كيوهيون-_-:"انتى نايمة بقالك يوم ونص.."

الاتنين العساكر اللى قاعدين جنبه:"أخيرا فوقتى..أتفضلى معانا.."

دنيا:"دول مستنينك من أمبارح.."

ريم فى نفسها:ده كابووس ولا أيه؟؟يعنى أنا بلغت عنها..وجم يقبضوا عليا

أنا؟؟؟؟

ريم:"ومستنينى ليه؟؟"

عسكرى1:"هناخد أقوالك ونسيبك تمشى.."

عسكرى2:"أتفضلى معانا.."

وراحوا واخدين ريم بالكلابشات لغاية القسم وقعدت نفس القعدة قدام الظابط لى

مينهو..بس ريم كانت مخلصة لكيوهيون...

الظابط مينهو:"تقولى أيه فى التهمة الموجهة ليكى؟؟"

ريم:"يا باشا أنا مليش اى علاقة بالموضوع ده..ولا اعرف مين دونغهى ده

اصلا.."

الظابط مينهو:"يعنى انتى مرتبطة بصاحبه كيوهيون ومتعرفيهوش؟؟"

ريم:"أولا أنا وكيوهيون مش مرتبطين..إحنا لسة بنتخانق عليه.."

الظابط مينهو بيحاول يكون هو المسيطر فى الحوار:"أيا كان..يعنى معندكيش

اى معلومات عن اختفاء لى دونغهى.."

ريم:"لا يا باشا..وده اخر كلام،مش انا اللى اعترف على حد وانا ليا فلوس

عنده.."

الظابط مينهو:"تمام تمام..تقدرى تمشى.."

وفى مكان أخر عبير صاحبة فايقة واخر روقان وبتحضر الفطار...لغاية ما

هنرى صحى وشاف اللى عملته...

ابتسم لا اراديا:"ياااه..أيه الحاجات الحلوة ديه؟؟"

عبير:"ألف هنا يا بيبى..يلا أقعد عشان ناكل"(أنا ملاحظة ان فى تطورات

كتيييير حصلت)

وقعدوا الاتنين ياكلوا مع بعض..وفى هذا الوقت هنرى فاق لنفسه..

هنرى:"إمبارح أنا روحت المكان اللى كنتوا خاطفين فيه دونغهى وملقتهومش

هناك..راحوا بيه فين؟؟"

عبير:"قولتلك مش عارفة مش عارفة..أوف بقا.."

قامت من مكانها ودخلت اول أوضة قابلتها وقفلت على نفسها(ماهو بيت الحج

الوالد -_-)

وبعد شوية هنرى خبط الباب ودخل قعد جنبها وهى عاملة فيها متضايقة مش

عارفة ليه...

هنرى:"أحم..انتى عارفة إنى مش عايز أضايقك،بس يعنى.."(هيييييح لا

وكمان بيصالحها)

عبير:"بص يا أوبا يا ابن الحلال..الصراحة انت دخلت قلبى كدة لله فى لله.."

هنرى:"وانتى كمان والله.."

عبير بدأت تسبل:"وإحم..الصراحة أوعجبت بيك خااالث.."

نسيب هذا الجو المشحون بالمشاعر ونشوف مارى اللى بايتة من امبارح فى

الشارع بقت فين...

مارى لما سابتلهم أوضة ندى وخرجت قعدت تتمشى فى الشوارع وهى

مقموصة وبعدين افتكرت ييسونغ..واد ايه هو كان مهتم بيها وبقوا اصدقاء

مقربين..وأخيرا خروجة أمبارح...

فى اخر الليل روحت على بيت أهلها أكلت لقمة نضيفة ونامت شوية لتانى يوم

الصبح...ولما صحيت غيرت هدومها وراحت على الشركة...

وكالعادة بمناسبة أو غير مناسبة..سواء عنده شغل فى الشركة او لأ بيتلكك

ويروح عشان يشوفها...

دخل وصبح عليها زى كل يوم..

ييسونغ:"صباح الخير.."

مارى ابتسمت:"صباح النور..أوبا،كنت عايزة أكلمك فى موضوع.."

و طبعا ييسونغ اتفاجئ لأنها أول مرة تقوله أوبا...

وفى نفس الشركة ونادين قاعدة فى حال سبيلها لقت اللى نطلها....

ليتوك:"نادو حبيبى.."

نادين:"بس يا بابا بس يا حبيبى..الناس يفهموك غلط.."

ليتوك:"طب وحياتى عندك عمرك مافكرتى فيا بتلك الطريقة البشعة؟؟"

نادين:"أديك قولتها بنفسك..طريقة بشعة.."

ليتوك:"أخص عليكى..ده كل الإلفيات يتمنوا ابتسامة منى.."

نادين:"رزق الهبل عالمجانين بقا..تقول ايه!!"

ليتوك:"انتى مالك النهاردة؟؟شكلك مش فايقة خالص.."

نادين:"والله يا خويا بفكر فى موضوع كدة شاغل بالى.."

ليتوك:"خير يا وش الخير؟؟"

نادين بصت فى وشه كدة ولأول مرة تفكر بجدية...ياترى تقوله على كل

عمايلها السودة مع البنات..أيا كان كدة أو كدة مفيش امل إن دونغهى يختارها

رجعت بصت قدامها:"مش حاجة مهمة..فكك انت.."

توكى مسك أيدها وبيسبل:"إحكيلى..مش انا بحكيلك عن كل حاجة ؟؟وقرفك

معايا ليل نهار بمشاكلى!!"

نادين:"من ناحية قارفنى فأنت قارفنى..."

ليتوك:"خلاص احكيلى..انتى متعرفيش معزتك عندى ولا أيه؟؟؟"

نادين فى نفسها:والنبى ياخويا ماتبصلى كدة أنا خلاص شوية وهعترف على

أمى وابويا بذات نفسهم..

توكى بيفوقها من التتنيحة بتاعتها وبيرجرجها عشان تتكلم...

ليتوك:"يلااااااا...قووووولى.."

نادين:"يعنى انت دلوقتى لما تجبلى ارتجاج فى المخ باللى بتعمله ده هعرف

أقول حاجة؟!!!"

بعد أيده عنها وابتسملها:"خلاص..يلا اتكلمى.."

نادين:"بص..هو الصراااحة يعنى،أنا اعرف مكان دونغهى.."

وفى مكان قريب من الشركة..رشا عندها موعد رومانتيكى فريد من نوعه...

شيون:"وبقيتى كويسة دلوقتى؟؟"

رشا بتبتسم:"اممم..كويسة متقلقش نفسك.."

شيون:"طب كويس..طمنتينى،أنا كنت قلقان عليكى جدا.."

رشا حطت سندت راسها على اديها وهى بتبصله وبتسبل...

رشا:"هو انت ازاى كدة؟!!"

شيون اتخض:"نعم؟!!"

رشا:"أزاى كنت عامية الفترة اللى فاتت ديه كلها؟؟باصة لكلب البحر وسايبة

موووز جامد كدة.."

شيون:"احم.."

رشا فاقت شوية وعدلت قعدتها:"احم..اسفة،يمكن أنا صريحة زيادة عن

اللزوم.."(ديه اسمها وقاحة وقلة أدب يا ماما مش صراحة-_-)

شيون ابتسم:"لا ولا يهمك..بصراحة انا كمان.."

وستووب لحد هنا ونروح لأوضة ندى اللى مستفردة فيها مع كلب البحر..اقصد

دونغهى..

ندى:"هيييييييييح..وبعدين يا غالى!!تفتكر اعمل ايه؟؟"

دونغهى:"تعملى أيه فى أيه؟؟"

ندى:"يابنى انت مش حاسس بينا ليه؟؟حس بيا يحس بيك ربنا.."

دونغهى:"طب فهمينى.."

ندى خدت الشخصية الكيوت وقلبت وشها لفيس حزين...

ندى:"انت مفيش أمل تختار حد فينا؟؟؟زى مانت شايف مافضلش غيري أنا

ونادين..رشا ومارى وكمان عبير كل واحدة فيهم بعدت،ومبقوش يفكروا فيك

زى الأول_بدأت عيونها تدمع بس بتحاول تمسك نفسها وتتحكم فى صوتها

عشان متعيطش قدامه_أنا حاولت،قبل ما ادخل نفسى فى كل ده،،وبعد ما

شوفت ان رشا ومارى وعبير ممكن ينسوك...حاولت أنا كمان أنساك، بس

مش عارفة أبطل احبك"

دونغهى بصلها وحس بشوية حزن اتجاهها..بس الحب مش بالعافية..

ندى فهمت نظراته واخدت نفس عميييييييق عشان تهدى شوية...

ندى:"هيييييييييييح..فهمت.."

ولأول مرة تقعد فى ركن هادى لوحدها من غير ماتقرب منه أو تحاول تقل

أدبها...

..

...يتبع...