الخطة المحكمة (Chapter 5 & final)

الخطة المحكمة

Chapter 5 & final

عبير:"بص يا أوبا يا ابن الحلال..الصراحة انت دخلت قلبى كدة لله فى لله.."

هنرى:"وانتى كمان والله.."

عبير بدأت تسبل:"وإحم..الصراحة أوعجبت بيك خااالث.."

هنرى بدأ يضعف:"وأنا...كمان.."

عبير ولأول مرة تبتسم برقة خلت هنرى يرسم على وشه ابتسامة لا ارادية

منه...

 

هنرى:"أقولك سر؟!!"

عبير:"اممم.."

هنرى:"أنا لما أخدتك بدل دونغهى ديه مكنتش أول مرة اشوك فيها.."

عبير استغربت من كلام هنرى...

هنرى:"كنت بشوفك كل يوم الصبح لما باجى اشرب قهوتى فى الكافيه اللى

بتشتغلى فيه_ابتسم وكمل وهو باصص فى عنيها_وأقولك سر كمان؟!!"

عبير هزت رسها عشان يكمل...

هنرى:"أنا بحبك.."

على الرغم من ان احيانا الواحد بيكون حاطت أمله وأحلامه كلها فى حتة

معينة..الا ان ممكن اختيار تانى يظهر فى الوقت الصح عشان يستولى على

تفكيرك كله ويكون أجمل من أجمل حلم...

ييسونغ:"صباح الخير.."

مارى ابتسمت:"صباح النور..أوبا،كنت عايزة أكلمك فى موضوع.."

و طبعا ييسونغ اتفاجئ لأنها أول مرة تقوله أوبا...

ييسونغ بصلها عشان تكمل...

مارى ابتسمت ابتسامة واسعة ظهرت فيها سنانها:"هقولك النهاردة لما نروح

ندور على دونغهى..أيه رأيك ندور عليه النهاردة فى الكافيه اللى جنب

الشركة؟!!"

ييسونغ ابتسم بإحراج لما فهم كلامها..إنها عرفت كل اللى كان بيفكر فيه

وحاسه ناحيتها...

يسونغ:"أوكى.."

مارى:"أوكى.."

ممكن متشوفش الأمور بوضوح لما تبصلها بعنيك..لكن بتفهم كل حاجة لما

تبصلها بقلبك وتفكر فيها بعقلك،الوحش بيبقا حلو..والحلو بيبقا أحلى وبتعرف

المكان الصحيح للسعادة اللى بتدور عليها....

ليتوك:"خلاص..يلا اتكلمى.."

                           

نادين:"بص..هو الصراااحة يعنى،أنا اعرف مكان دونغهى.."

ليتوك اتصدم فى الوهلة الأولى من كلام نادين....

ليتوك:"تعرفى؟؟طب هو فين؟؟ومقولتليش ليه قبل كدة؟!!"

نادين:"احم..لأن أنا اللى كنت خطفاه.."

توكى اتصدم للمرة التانية على التوازى...

ليتوك:"خطفاااااااااااااه؟!!"

نادين حطت أيدها على بوقه بسرعة قبل ما يفضحها فى المنطقة...

نادين:"وانا قولتلك عشان تفضحنى؟!!"

شال ايدها بسرعة وهو باصصلها بنفس الصدمة...

ليتوك:"وخطفتيه أزاى؟؟وليه؟؟؟"

نادين:"خطفته انا واربعة من صحابى..عشان..عشان.."

ليتوك بانفعال:"عشاان ايه؟؟؟"

نادين:"عشان كنا معجبين بيه..احنا الخمسة كنا بنحبه وهو مش حاسس بولا

واحدة فينا...فكرنا اننا لو خطفناه وبقا معنا،واحدة مننا هيبقا عندها فرصة

عشان يحبها.."

بص فى عنيها:"يعنى أنتى بتحبيه؟!!"

نادين:"معرفش.."

ليتوك:"يعنى ايه متعرفيش؟؟بتحبيه ولا لأ؟؟"

نادين:"كنت بحبه..دلوقتى مش عارفة اذا كنت بحبه فعلا ولا لأ،،مارى ورشا

وعبير كل واحدة فيهم نسيته بسهولة،،وهو مش هيحب واحدة فينا_ضحكت

باستهزاء_أصلا لما فكرت فهمت ان الحب مش كدة.."

ليتوك:"وهو فين دلوقتى؟؟؟"

نادين:"حاطينه فى بيت واحدة صاحبتنا...بس متبلغش حد عشان خاطرى،،أنا

أصلا كنت هقول لندى النهاردة نسيبه.."

ليتوك اتنهد:"ماشى.."

لف الناحية التانية وكان ماشى بس صوت نادين وقفه...

نادين:"زعلت منى؟!!"

ليتوك:"عارفة لما سألتك عمرك مافكرتى فيا بالطريقة البشعة ديه؟؟_بصلها

بابتسامة خيبة_كان نفسى تقولى اه"

نادين بصتله وهى مش مصدقة اللى بيقوله..مش ممكن يكون بيحبها!!طب من

امتى؟؟وازاى؟؟

كتير أوى مبنشوفش الحاجت الحلوة أو بنحس بيها الا لما بتضيع من بين

أدينا..لكن فى بعض الأحيان بنحصل على فرصة تانية عشان نرجعها..بس

مبتكونش بنفس السهولة اللى حصلت عليها بيها...

رشا:"أزاى كنت عامية الفترة اللى فاتت ديه كلها؟؟باصة لكلب البحر وسايبة

موووز جامد كدة.."

شيون:"احم.."

رشا فاقت شوية وعدلت قعدتها:"احم..اسفة،يمكن أنا صريحة زيادة عن

اللزوم.."(ديه اسمها وقاحة وقلة أدب يا ماما مش صراحة-_-)

شيون ابتسم:"لا ولا يهمك..بصراحة انا كمان.."

رشا بابتسامة:"اييه؟؟؟"

شيون بضحكة هبلة:"صريح زيادة عن اللزوم.."

رشا تبدد عندها كل امل فى انه يقوللها انه معجب بيها..وفى نفس الوقت بقت

تفكر،ياترى هعمل فى نفسى كدة تانى؟؟هعلق قلبى بأمل مش موجود؟؟؟

اتنهدت بعمق لما حست ان اللى بتعمله غلط،،ابتسمت لشيون...

رشا:"أنا لازم امشى دلوقتى.."

شيون:"طب هشوفك تانى أمتى؟؟عشان اتطمن عليكى.."

رشا ابتسمت:"أنا بقيت كويسة..متقلقش نفسك عليا_قامت وقفت ومدت أديها

سلمت عليها_باى..سعيدة انى اتعرفت عليك شيون.."

طبعا شيون مكنش مستوعب اللى حصل كدة مرة واحدة..فى الأول كانت

بتتحرش بيه بشكل صريح وفاجأة قامت تمشى...

لثوانى كان قاعد يفكر قبل ما يقوم بسرعة ويخرج وراها عشان يلحقها..شافها

ماشية بعيد عن الكافيه،جرى وراها لغاية ما لحقها ومسك أيدها ولفها ليه...

رشا اتفاجأت من اللى عمله....

شيون:"أنا معجب بيكى.."

رشا:"شيون!!!"

شيون:"لو قولتلك بحبك هتقولى عليا مجنون..عشان كدة هكتفى دلوقتى بأنى

أقولك إنى معجب بيكى.."

رشا اتمالكت نفسها شوية:"أحنا متقابلناش غير امبارح.."

شيون:"مسمعتيش عن الحب من أول نظرة؟!!"

رشا ضحكت ضحكة خلته هو كمان يضحك زيها..وكل واحد فيهم مش مصدق

اللى حصل دلوقتى ولا مستوعبه...

الحب من أول نظرة..معظمنا مبيسمعش عنه غير فى القصص الخيالية والفان

فيكشن زى اللى بنكتبها ديه،،لكن فى الحقيقة ممكن فعلا يكون موجود..

Jبالنسبالى الحب من أول نظرة هو المفضل عندى

بينما ندى كانت قاعدة فى ركن الأوضة لوحدها وهى بتفكر..متضايقة وحاسة إن قلبها واجعها...ودونغهى بيبص عليها من وقت للتانى بس هى مش بصاله

خالص...فضلوا عالوضع ده لغاية بالليل،،نادين وصلت ودخلت وهى قلبة

وشها...

ندى بتبصلها:"فى أيه؟!!"

نادين:"مفيش.."

بدأت نادين تلم حاجاتها اللى سيباها عند ندى من غير ولا كلمة...

ندى:"بتعملى أيه؟!!"

نادين:"همشى..كمان مارى ورشا كل واحدة رجعت على بيتها.."

ندى:"بس.."

نادين:"مش ملاحظة إن مفيش فايدة من اللى احنا بنعمله ده؟؟أهوه متلقح قدامنا

طول اليوم ومش هيروح حتة،لكن فى نفس الوقت مش هيبقا مع ولا واحدة

فينا.."

ندى عيونها بدأت تدمع وهى بتسمع كلام نادين..بالفعل كل اللى بتقوله صح..

نادين خلصت لم فى حاجتها وبصت لندى قبل ما تمشى...

نادين:"شوفى انتى هتعملى ايه..القرار دلوقتى بقا فى أيدك.."

دموع ندى بدأت تنزل على خدها..ودونغهى قاعد بيتفرج على الدراما

ديه،،عينيه جت فى عين ندى بعد ما نادين خرجت...

قربت منه بالراحة وقعدت قدامه على ركبتها..مدت أيدها عشان تلمس وشه

وبعدين بعدتها تانى...

ندى بتهز راسها يمين وشمال:"يعنى خلاص؟؟مفيش أمل؟؟"

دونغهى حاول يبعد بنظراته عنها...

حطت أيدها على الحبل اللى رابطة ايده بيه...

ندى:"خلاص أنا هسيبك تمشى_بصتله_بس ممكن أطلب منك طلب؟؟"

هز راسه بأه عشان تكمل...

ندى:"ممكن أنام فى حضنك النهاردة؟؟_ضحكت ودموعها لسة على وشها_

مش هعمل حاجة تانى والله.."

كان عقله رافض الطلب ده..بس فى حاجة خلته يبتسم ويهز راسه بأه،حتى فى

اللحظة ديه هو مكنش مصدق نفسه...

ابتسمت وبدأت تفكه..فكت أخر حبل اللى كانوا رابطين رجليه بيه وهى قاعدة

عالأرض..لثوانى فكر إنه يمشى بس رجع قعد جنبها واخدها فى حضنه...

حضنته ورجعت تعيط تانى...مكنتش عايزة تصدق إنه بعد ما كان معاها..و

انها بين اديه دلوقتى إنه مش هيبقا من نصيبها فى يوم....

نامت جنبه وهى دافنة نفسها فى صدره وبقت تعيط أكتر وتتمسك بقميصه

أكتر..وهو حاسس بس إنها صعبانة عليه،حط أيده على راسها وبدأ يمسحلها

على شعرها لغاية ما هديت وراحت فى النوم...

صعب أوى لما تفوق من حلم وتعرف إنك لازم تتخلى عنه..لأنه ببساطة

مستحيل يتحقق...

فى الوقت ده كانت مارى قاعدة مع ييسونغ فى الكافيه اللى جنب الشركة...

مارى قاعدة بتبص حواليها...

ييسونغ:"بتدورى على حاجة؟!!"

مارى بابتسامة:"بشوف لو كان دونغهى هنا.."

ابتسم بإحراج:"أسف.."

مارى:"ها؟!!"

ييسونغ:"لأنى استخدمت العذر الغبى ده_بصلها وهو بيكمل_مارى..أنا معجب

بيكى،من وقت طويل..بس مكنتش عارف أقولك أزاى،وبصراحة كنت خايف

من انك تصدينى.."

مارى:"وأنا كمان.."

ييسونغ بصلها باستغراب..

مارى:"وأنا كمان معجبة بيك أوبا_بدأت تلعب فى صوابعها وهى

بتكمل_احم..مقدرش أقولك إنه من وقت طويل لأنى اكتشفت ده قريب.."

ييسونغ طبعا انبسط وانشكح..كان بصصلها بابتسامة مش عارف يخفيها وهو

بيتأمل ملامحها...

مارى بكسوف:"احم...مش هتقول حاجة؟!!"

ييسونغ:"بحبك.."

وفى مكان أخر...

شيون ورشا ماشيين وهم ماسكين أيد بعض وقاعدين يرغوا يرغوا

يرغوا..وفى الأخر...

رشا:"أنا رجلى وجعتنى..إحنا مشينا كتير أوى.."

شيون:"طب تعالى نقعد هنا شوية.."

قعدوا هما الاتنين على مقاعد كانت موجودة أدام نهر الهان....

شيون:"إحنا هنتقابل تانى أمتى؟؟بكرة فاضية؟!!"

رشا:"أنا فاضية ومش ورايا أييييي حاجة.."

شيون ضحك بسبب طريقة كلامها...

رشا فضلت سرحانة فى وشه السمح وهو بيضحك خلته يبطل ضحك

ويبصلها...

شيون:"فى أيه؟!!"

رشا:"هييييييييح...مفيييش،بفكر أزاى الواحد ممكن يبقا محظوظ كدة.."

شيون ابتسم بإحراج...

رشا:"أنت حبتنى أزاى؟؟_سكتت شوية وبعدين قالت بمرح_هو أنا صحيح

أتحب بس أزاى بردوا..يعنى حقيقى فى حاجة اسمها حب من أول نظرة؟!!"

شيون بابتسامة:"وبتسألينى أنا ليه؟؟؟"

رشا:"أمال أسأل مين؟؟"

شيون بغمزة:"أسألى قلبك_سكت شوية وهو بيبص حواليه وبعدين اتمطع_مش

يلا بقا.."

رشا:"اممم..يلا.."

فى ذلك الوقت المتأخر من الليل كانت عبير قاعدة مع هنرى وبيتكلموا...

عبير:"أتضايقت؟؟؟"

هنرى:"تفتكرى هفرح لما تقوليلى انك خطفتى صحبى عشان بتحبيه؟؟"

عبير:"مانا فهمتك إنه مش حب بمعنى الكلمة يعنى..أنا بس كنت معجبة

بيه،،ودلوقتى أهوه زى مانت شايف..ولا فارق معايا"

هنرى:"طب وأنا؟!!"

عبير:"وأنت أيه؟؟"

هنرى:"وأنا فارق ولا مش فارق.."

عبير:"لو مكنتش فارق مكنتش هبقا معاك دلوقتى...وبعدين معرفش مش يمكن

أغير رأيى كمان يومين ومتبقاش فارق!!!"

هنرى بصلها بملامح مصدومة وقام دخل أوضته..

عبير:"ماله ده؟؟هو بياخد كل حاجة أفش كدة ليه،،أمال لو اديتله كف على قفاه

على سبيل الهزار يعنى" (-_-)

بعد دقايق قامت وراحت تشوفه اتضايق ولا بيستهبل ولا ايه بالظبط...

خبطت على باب الأوضة وبعدين دخلت...

عبير:"أنت اتضايقت؟؟"

هنرى -_-:"لأ أبدا..ده أنا هطير من السعادة.."

عبير قعدت جنبه وخبطت على كتفه بشئ من القوة(واخدين بالكوا ازاى!!)

عبير:"يا عم بهزر..أيه يا رمضان مبتهزرش؟!!"

راح هنرى زقها خلاها تقع من على السرير:"لا بهزر.."

عبير بتقوم وهى بتتوعدله:"اااه يابن الـ............"

هنرى:"بتقولى حاجة؟؟"

عبير -_-:"أبدا ياروحى..بكح بكح(بتفكر فى ذات نفسها)فينك يارشا تسمعيه

كلمتين من بتوعك..شكله هيتعبنى معاه"

بينما فى احد شوارع سيول كان نادين بتتمشى بدون واجهة محددة(لأن زى ما )3ذكرنا قبل كدة إنها عايشة فى الشارع :

وفى مكان أخر...

ريم ودنيا كانوا واقفين فى المطبخ وقال يعنى بيحضروا العشا...

ريم:"هو كيوهيون أوبا مش جاى النهاردة؟!!"

دنيا:"قال مش جاى.."

ريم:"أوووف بقا...وحشنى أوى.."

دنيا فى نفسها:وحش لما يلهفك..نهايتك قربت أخيرا

ريم فى نفسها:وأخيرا هخلص منك بقا

ريم:"أنا هشرب..قلبى الأكل لغاية ماجى.."

وأول ماريم خرجت من المطبخ دنيا طلعت من جيبها كيس صغير فيه بودرة

بيضة وحطت رشة على الأكل وقلبت بسرعة قبل ما ريم تاخد بالها..

وأول ماريم رجعت دنيا خرجت من المطبخ عشان تجيب موبايلها راحت ريم

منتهزة الفرصة وطلعت هى كمان كيس فيه بودرة بيضة وحطت رشة على

الأكل،بس لثوانى حست ان رشة مش كفاية راحت حطة باقى الكيس وقلبت

بسرعة...

ريم بتنادى دنيا:"العشا جهز.."

دنيا دخلتلها المطبخ وغرفوا اطباقهم وقبل ما يطلعوها عالسفرة الباب خبط..

دنيا:"ده مين اللى جايلنا دلوقتى؟؟"

ريم:"مش قولتى كيوهيون أوبا مش جاى؟!!"

راحوا فتحوا الباب وكان كيوهيون...

ريم نطت فى حضنه:"أوبا وحشتنى..دنيا قالت انك مش جاى النهاردة.."

كيوهيون:"انا مكنتش جاى..بس قولت أشقر عليكوا.."

دنيا:"منور ياخويا.."

كيوهيون:"أنا عطشان أوى.."

ريم:"استنى هجبلك ماية.."

ريم راحت تجيب الماية ودنيا راحت تجهز السفرة..وفى ذلك الوقت كيوهيون

قام من مكانه ودخل المطبخ وشاف الأكل اللى على الترابيزة....

وبعد ساعة ونص فى المستشفى...

دنيا:"أنتى السبب..بسببك أوبا جراله كدة.."

ريم:"يا سلام؟؟حتى لو مكنتش حطتلك السم فى الاكل حضرتك كنتى

حاطاه..متطلعيش نفسك مظلومة.."

فى الوقت ده الدكتور خرجلهم...وريم ودنيا جريوا عليه عشان يسألوه عن حالة

كيوهيون...

بس أول ما ريم شافته...

ريم فى نفسها:يالهوييييز..أيه المز ده؟؟؟

الدكتور جونغ سوك:"انتوا تعرفوا المريض؟؟"

ريم بتسبل:"أنا عن نفسى مشوفتهوش قبل كدة.."

دنيا بصتلها بطرف عنيها:"أيوا يا دكتور..أحنا قرايبه،بس قرايبه من بعيد.."

ريم:"يعنى تقدر تقول انه يبقا ابن مرات اخو سلف شقيق عمى.."

الدكتور جونغ سوك:"عالعموم هو حالته بقت مستقرة حاليا وممكن يخرج

كمان يومين.."

دنيا:"متشكرين يا دكتور.."

وريم كانت فى عالم آخر غير اللى هما واقفين فيه وهى متنحاله ومفاقتش

لنفسها الا لما لقيته ماشى...

ريم:"أيه ده؟؟أيه سلق البيض ده؟؟هو رايح فين؟!!"

وتانى يوم الصبح دونغهى صحى واستوعب الموقف اللى هو فيه..الا وهو ان

ندى لسة نايمة فى حضنه من امبارح...

قام بالراحة وبسرعة خرج من المكان ده ورجع على سكن الأعضاء....

بعد شهرين.....

دونغهى صحى بدرى وكان نازل مع هنرى ورايحين على الشركة...

هنرى عدى الأول على كافيه قريب من الشركة عشان يطلب القهوة

بتاعته..أخد قهوته وعبير خرجت معاه لغاية باب الكافيه...

فى ذلك الوقت دونغهى صعق لما شاف هنرى بيبوس عبير على خدها وهما

مبسوطين مع بعض....عبير لاحظت دونغهى وشاورتله بابتسامة،لكن دونغهى

كان الاستقبال عنده فاصل....

راح الشركة مع هنرى وأول ما دخل شاف ييسونغ وهو واقف مع مارى

وبيتكلموا باندماج..وقتها افتكر هو ليه كان حاسس انه شاف مارى قبل

كدة،،عشان بتشتغل فى الشركة....

فاق من اللى هو بيفكر فيه على هنرى وهو بيكلمه...

هنرى:"شوفت؟؟ييسونغ هيونج بقا يواعدها.."

زادت صدمته:"يواعد مين؟؟"

هنرى:"مارى..موظفة الاستقبال.."

دونغهى:"شيت.."

دونغهى كلم ليتوك وسأله عن مكانه..وتوكى قاله انه فى كافيه الشركة...

دونغهى راح على هناك وكان هيغمى عليه لما شاف توكى واقف مع نادين...

ليتوك شاورله،ودونغهى قرب منه ببطء لغاية ما بقا واقف قدامه...

ليتوك:"أيه يابنى مالك؟؟"

دونغهى بيبص لنادين:"أنتى......."

نادين مدتله ايدها باتسامة:"أنا نادين..مبسوطة انى اتعرفت عليك.."

دونغهى:"بس..."

ليتوك:"فى أيه؟؟مالك مبلم كدة!!"

دونغهى:"نادين ديه تبقااااااا...."

ليتوك حط أيده على كتفها بابتسامة:"حبيبة الهيونج.."

دونغهى:"نعم؟؟؟"

نادين:"صحيح هو طلع عينى على ما صدق إنى بحبه..بس توكى قلبه كبير.."

دونغهى مقدرش يستحمل أكتر وراح واقع من طوله...

بعد ساعة بدأ يفتح عينيه ببطء..وبدأ يشوف خيال ناس قدامه،لغاية ما فاق

والصور وضحت قدامه....

اتفزع وقام قعد:"عااااااااااااااا..إنتى أيه اللى جابك هنا؟؟"

شيون سمع صوت دونغهى وهو فى المطبخ فراحله بسرعة وهو واخدله

كوباية عصير...

شيون:"فوقت؟؟_اداله كوباية العصير_خد اشرب ديه"

دونغهى:"شيون..أنا أيه اللى حصللى؟؟مين ديه؟!!"

شيون:"انت اغم عليك فى الشركة..فجابوك على شقتى بما انها الاقرب....وديه

تبقا رشا،حبيبتى^^"

دونغهى بيهز راسه يمين وشمال:"لأ..أنا اتجننت..أنا اكيد اتجننت.."

شيون:"فى أيه؟؟مالك؟!!"

دونغهى:"رشا ديه..تبقاااااا.."

رشا قعدت تضحك وهى شايفاه زى العيل التايه كدة..

دونغهى:"لحظة واحدة..يعنى انت وييسونغ وهنرى وليتوك..كل واحد فيكوا

بيواعد...."

شيون:"واحدة من الخمسة اللى خطفوك.."

دونغهى اتصدم اكتر:"أنتوا كنتوا عارفين؟!!"

رشا:"أكيد يعنى..أمال فاكر إننا ممكن نخبى حاجة زى ديه وبعدين الموضوع

يقلب فيلم هندى والكلام الفاضى ده!!!"

دونغهى:"يعنى مارى ونادين وأنتى و_حط أيه على قفاه_عبير..طيب

وندى!!"

رشا اتحولت ملامحها لحزن وتأثر...

دونغهى بصدمة(إيه الصدمات اللى ورا بعضها ديه؟!!):"ماتت؟؟؟؟؟؟"

رشا:"ماتنقى ملافظك يا أخى..تف من بوقك،البت عايشة وزى الفل.."

دونغهى:"أمال أيه؟!!"

رشا:"جالها حالة اكتئاب حادة بعد اللى حصل..كانت بتعيط ليل نهار ومقدرتش

تستحمل تقعد هنا أكتر..يا عينى حالتها كانت تصعب عالكلب الجربان.."

دونغهى:"وهى فين دلوقتى؟!!"

رشا:"سافرت على أمل انها تنسى...راحت هاواى"

دونغهى -_-:"هاواى؟!!"

رشا:"اه..تلاقيها لسة يا حبة عينى مكتئبة،أصل مبقالهاش كتير مسافرة،،يعنى

سافرت من يجى اسبوعين كدة.."

دونغهى:"صحيح..مش بقالها كتير.."

دونغهى قعد يفكر فى كلام رشا..ان ندى فضلت تعبانة بعد ما مشى وعياطها

واكتئابها...وافتكر اد أيه هى فضلت شغلاله باله بعد ما رجع للأعضاء....

وبعد يومين...وفى جهة أخرى من الكرة الأرضية..

جزيرة هاواى...

كانت ندى قاعدة بتستجم على البحر وهى بتتفرج على المزز اللى قدامها...

اخدت شفطة من العصير اللى كان جنبها ورجعت للبحلقة...

ندى:"يااااه...أهوه كدة الواحد ينسى وينعنش.."

وفى تلك اللحظة لقت حد بيغميلها عنيها...

ندى:"أيه ده؟؟مين عمللى مفأجة؟!!!!"

وراح هذا الشخص المجهول حاطط منديل مبلول بمادة ما على بوق ندى..

ندى:"وكمان برفان!!لا ديه حاجة عزيمة خااالث.."

وبعد ثوانى ندى مبقتش فى هذا العالم...(مش قصدى ماتت..قصدى فقدت

الوعى)

وبعد نص ساعة كدة بدأت تفتح عنيها وقعدت تبص حواليها لقيت نفسها فى

مكان غريب..كانت قاعدة على كرسى وأديها ورجليها مربوطين والدنيا ضلمة

حواليها....

سمعت صوت خطوات بتقرب..بتقرب..بتقرب....

لغاية ما حد نط أدامها فى الضلمة الموحشة ديه....

ندى صرخت وغمضت عنيها من الخضة..وبعد ثوانى سمعت صوته وهو

بيضحك....

فتحت عنيها ببطء عشان تشوفه أدامها...

ندى:"أنت بتعمل أيه هنا؟؟؟"

دونغهى:"مش المفروض تسألينى أنتى اللى بتعملى أيه هنا؟؟؟"

ندى:"احم...اه صح..أنا فين؟!!"

دونغهى:"فى هاواى.."

ندى:"يعنى فين فى هاواى؟!!"

دونغهى:"على ناصية شارع هاواى.."

ندى:"امممم_ندى فضلت تبص حواليها وبعدين بصتله_طب انت رابطنى

ليه؟!!"

دونغهى:"مش واضح إنى خاطفك ولا أيه؟!!"

ندى:"وخاطفنى ليه ان شاء الله؟؟"

دونغهى:"عشان اخليكى تحبينى..مش هسيبك الا لما تقولى انك بتحبينى

وهتفضلى معايا.."

ندى حست بالتأثر وترقرقت الدموع فى عنيها:"وحشتنى على فكرة.."

دونغهى:"لأ ماهو واضح بأمارة النعنشة اللى كانت عالشط.."

ندى -_-:"يخربيتك خرجتنى من المود.."

دونغهى:"وأنتى كمان وحشتينى على فكرة.."

بدأ يقرب منها ببط..راحت موقفاه بصوتها....

ندى:"حيلك حيلك..فاكر نفسك هتعمل أيه؟!!"

دونغهى:"الله يرحم أيام ماكنتى بتتحرشى بيا علنى.."

ندى:"ينفع كدة تسيحلى فى المنطشكة؟؟وبعدين أنا كنت بتحرش بأدب.."

دونغهى:"مانا عارف.."

رجع يقرب منها تانى راحت ندى مغمضة عنيها...وفى لحظات كان دونغهى

فاككها وضاربها على دماغها...

دونغهى:"خروووبييت دماغك الواطية.."

ندى مستنتش تسمع منه كلمة زيادة وراحت ناطة فى حضنه.....

وفى مكان أخر....

ريم ودنيا قاعدين زى ستى الحجة و وشهم فى وش بعض....

ريم:"كله بسببك.."

دنيا:"متركبنيش الغلط لوحدى..انتى كمان غلطانة،،وبعدين أكيد مكنتيش

تتوقعى إنه هيفضل معانا بعد اللى حصلله بسببنا.."

ريم:"هيييح..والله يا اوختى عندك حق،،يعنى ماصدقنا موضوع السم

خلص..طلعتلنا حادثة العربية،،وبعدين يا أذكى اخواتك ملقتيش جريمة

تدبريهالى غير حادثة عربية؟!!"

دنيا:"عالاأقل تفكيرى أحسن من حادثة الموتوسيكل اللى كنتى بترتبيهالى.."

ريم ودنيا فى نفس واحد:"أوووووووووووووووووف.."

وهذا هو الحال يا جدعان..يوم ليك ويوم عليك...

والحب أحيانا لا يكون سوى مجرد حظ^^

Nada Hatem

20/10/2014