Can I Forgive…Can I Forget it.?! ( Chapter 1 )

Chapter 1

By :REEMAA.ELF

الدنيا كانت شبورة اووووي .. وفجأة العربية ال طلعتلي من غير ما اعرف منين وهب ........

انت كويس ...حصلك حاجه ... ماتخفيش انا كويس انتي كويسه ..

ايه ال حصل انا مش فاكرة  حاجه

انتى مش قلتلي هتخلي بالك مني وعمرك ماهتسبني ... رد علييه .... فتح عنيه لثواني وبعدين ....صرخيها ال هز المكان بقوته ..

انتي كويسه ... متخافيش هيبقى كويس ..

انا السبب .. انا السبب في ال حصلوا ............انا مش هسامح نفسي لو حصلوا حاجه .. و هو كمان سبني و مااااات ..

الموبيل وقع من ايدي في الارض وكل ال كان طالع عليا حادثة ..حادثة اكيد اوبا بيهزر معايا .

اوباااااااا.. انتى عايز تفهمني ....من الكلام ال سمعتوا منك ده...اني ...اني انا السبب في ال حصله ..

محستش غير بقلم نازل على وشي .. الدم ال نازل من شفتي  وطعمه ال بقيت حسه بيه في كل حته في بقيِ .

انتي مجنونه ازاي تعملي كده .. دي اخر حاجه سمعتها منوا .. قبل اما اروح في دنيا تانيه ..

هي دي الذكريات ال رجعتلي و شريط حياتي أنا وأغلى ناس عندي وال كان بيمر قدامي بكل لحظاته الحلوة والوحشه ..لا ده اللحظات الوحشه كانت سابقه الحلوة معرفش ليه في سعتها كل الافكار دي رجعتلي.. برغم انها بقت ذكريات والمفروض اني خليت الوحشه منها في ذكريات النسيان.. بس صعب إنك تنسى لحظات كان ليها تأثير كبير في حياتك حتى لو كانت وحشه..

مقطعش عليه لحظات السرحان دي ..غير لما لقتهم داخلين عليه .. وانا اساسا مش داريه بيهم ..

خليني ابتدي حاكيتي من الاول وقبل اما ابتدي خليني اعرفكوا عن نفسي انا ريم عندي 23سنه خريجة كلية اعلام قسم عام  كان نفسي طول حياتي يكون ليه برنامج اقدر اني ارسم الابتسامه على وشوش الناس من خلاله حتى ولو من ورا الكواليس ..وده يمكن ال جذبني اني ادخل كلية إعلام ..لإن الإعلام زي ما احنا عارفين هو اكتر حاجه تقدر من خلاله توصل لقلوب الناس... لكن يتوجعها .. يتفرحها بس انا مكنتش عايزة غير اني افرحها .. حياتي بسيطه جدا وشغلي كمان ،، كنت معده لبرامج إذاعه متنوعه  كان نفسي يجيلي فرصه اكبر و اقدر احقق لنفسي كرير كبير .. مكنتش عارفه الدنيا مخبيالي إيه  و مكنتش اعرف برده ان ممكن صدفه تحول حياتي كلها لا  مش حياتي أنا بس لا كمان حياة اقرب الناس ليه وهما صحابي واختى الصغيرة .. صحابي تقدروا تقولوا عليهم اخواتي لأننا عشرة 13 سنة مش قلتكلوه اخواتي .. كنا مع بعض في المدرسة من واحنا عندنا عشر سنين .. بس مكنتش اعرف ان ممكن صدقتنا تستمر ده كله ...

آه خليني أعرفكوه عليهم جومانا عندها 23 سنه خريجة كليه إدارة أعمال طول حياتها كان نفسها تفتح شركه بإسمها وإن يجلها فرصه تقدر تكتسب خبرة أكبر وتبني الحياة ال تتمناها ،، أما دينا بقى هي كمان عندها 23 سنه ..بس دينا كانت مختلفه عننا شويه لإن حلمها كان بعيد شويه عن إنها بنووته كان نفسها تطلع ظابط بس بما إن صعب في بلدنا إن البنات تكون ظابط فقررت تكون  وكيلة نيابة عشان كده دخلت كلية حقوق ( قانون ) عشان تكون ملمه  بالقانون كويس وتقدر من خلاله تدافع عن المظلومين وتدي المجرمين على دماغهم ..أما سارة بقى عندها 23 سنة  بردوه بس تقدروا تقولوه عليها إنها الدلوعه بتاعتنا .. مهتمه بأناقتها و شكلها .. ده غير إن طوول عمرنا أيام المدرسة و إحنا بنسمعها بتقول إن نفسها تكون مصممة أزياء كبيرة عشان كده دخلت مجال الأزياء والموضه .. لكن كان نفسها تحقق حلمها ده بنفسها وبمجهودها لوحدها من غير مساعدة حد وخصوصا أهلها .. وآخيرا أختي ريهام الفرق بيني وبينها سنتين لكن شخصيتها كانت عكسي تماما شخصية  قوية حبيتين  .. جادة و عمليه جدا و كمان مجتهده لدرجة كبيرة في درستها وده ال خلاها تتخرج الأولى على الدفعه بتاعتها في تخصص طب الأسنان ... 


الحاجه ال جمعتنا كلنا اننا مش بس نفسنا يكون لينا كرير خاص بينا يثبت شخصيتنا ...لا إننا نقدر نعمل مشروع يجمعنا كلنا مع بعض.. لكن في حاجه كمان كانت مشتركة بينا وهي حبنا للموجه الكورية ...وال اكتسحت مجتمعتنا من فترة مش كبيرة بس قدرت انها تثبت نفسها زي آي موجه دخلت مجتمعنا وده ال خلانا إتعلمنا اللغه الكورية من كتر حبنا في كوريا .. وده في  فترة الإجازة لما كنا بندرس أيام الجامعه وكنا معتبرينها زي كورس الإنجلش والكمبيوتر ال مفروض يكون معاك عشان تشتغل في آي حته ..

 بس مكنتش أعرف أن ممكن صدفه توصلني لكوريا .. خليني آحكيلكوه..

 كنت دايما بتردد على المركز الكوري من أيام مكنت بتعلم الكورية .. حتى بعد ما خلصت الدورة كنت دايما بروحوه بعد أما اخلص شغل ..عشان الدورات الجديدة و أصحابي الكورين ال اتعرفت عليهم هناك .. بس مكنتش اعرف أن ممكن لوحة إعلانات تغير حياتي.. وده ال حصل فعلا ..

 في يوم كنت مروحة وعديت من جنب لوحة الاعلانات و زي عدتي دايما وأنا مروحة أن ابص إيه الجديد الِ المركز بينظموا من أنشطه .. لفت نظري إعلان وهو أن شركة كبيرة في كوريا وهي شركة Sm Twon  محتاجة مدير أعمال لفرقه من فرقها.. الحقيقة هما مكنوش حاطين آي تفاصيل بس كان مبينين الشروط إنك معاك لغتين كوري و إنجليزي و إنك تكون خريج إعلام اوإدارة أعمال وشرووط كتير ال لفت نظري إنهم مش كتبين إنك لازم تبقى كوري.. للحظة حسيت إنها فرصة كبيرة ليا أنا وجومانا بما إن المواصفات تتنطبق علينا .. التقديم كان من خلال النت كتبت عنوان الموقع وروحت وإتصلت على البنات .. آهو قلت أبلغهم بل نوايا أعمله و آعرض الموضوع على  جومانا يمكن الحظ يضحك لحد فينا وإتفقنا نتقابل في الكافيه ال متعودين نتقابل فيه دايما قبلتهم وإتكلمنا وقولتلهم ان هقدم وعرضت على جومانا لكن جومانا قلتلي إنها مش عايزة نوع الشغل ده لإن هي حلمها إدارة أعمال بس في الشركات وكمان إنها ناويه تكمل درستها .. رغينا كتير وكل واحده فينا ،، روحت انبست جدا إنهم شجعوني و لو كنت متردده للحظه .. دلوقتي واثقه أكتر في القرار ال خدته .. وبعدين ده حظ يا يضرب .. يا ميضربش ,,

قدمت وبعد أسبوع تقريبا جالي تلفون من شخص وقالي ان هو مندوب من شركة sm twon  فهمت منوا سعتها إني اتقبلت كنت سعيده جدا وطلب إن يقبلني عشان نتكلم في الخطوة ال جاية .. روحت قبلتوا كان إنسان زوق جدا .. كان مبسوت جدا إن بنوته مش كورية.. بس عندها شغف كبير بكوريا ..لدرجة إنها تتعلم كوري .. إتكلمنا في الشغل وسألتوه عن التفاصيل بس هو قالي إن لما أسافر كوريا هعرف كل التفاصيل ولو الشغل مش عجبني .. مش هيغصبوني على حاجه أنا مش عيزاها ..

وفي طريق وأنا مروحه كلمت البنات ووحكيتهلم ال حصل معايا في المقابله بركولي جدا وإتمنوه إن أهلي يوافقوه ..روحت وحكيت لأهلى ال حصل معايا ..في البدايه أكيد ماما وبابا رفضوا زي آي أم وأب خايفين على بنتهم تعيش بعيده وفي بلد غريبه كمان  .. لكن بعد نقاش كبير بابا وافق على قراري .. و عشان أريح امي قلتلها إني هبعت لريهام تقعد معايا هناك أول اما أستقر والدنيا تبقى تمام هناك .. طبعا ريهام إعترضت لإنها بالفعل قدمت ورقها للجامعه عشان تدريب آخر سنتين و الشغل ال تبع الدكتور بتاعها في العياده الخاصة بيه طلبت منها تأجل كل ده لفترة شهرين او تلاته وإنها تعتبرالفترة ديه أجازة لحد أما ابعتلها .. وهناك ممكن تكمل تدريبها وتشتغل كمان بما إن كوريا من الدول المتقدمه في الطب ..

ومن هنا تبتدي قصتي هحكيها بكل تفاصيلها ..

وصلت كوريا .. بعد رحلة طويلة جدا .. منكرش إن كنت سعيده برغم طول الرحلة  .. لقيت مندوب من الشركة واقف بيفطه مكتوب إسمي عليها  بالإنجلش شورتلوه بإبتسامه وقلتلوه إن أنا الشخص ال بيدور عليه  .. إنحنالي بطريقه مهذبة جدا و طلب مني إن أتفضل معاه عشان نروح عالشركة وان هو بيعتذر مني جدا لانُ هيخدني  على الشركه على طوول.. بسبب ان المدير طلب منوا كده ووقت لما هخلص إجتماع معاه هيبقى يروحني على الأوتيل و فهمني إن شنطي هتسبقني على الأوتيل ..  مكنش عندي مشكله خالص بالعكس رحبت جدا بإني وصلتلوه إن متحمسة اروح الشركه جدا و اني ابتدي الشغل من دلوقتي لو حابب .. وصلت الشركة وطلب مني استنى عند السكرتيرة شويه ..

كنت مستنية وانا  في قمة توتري .. ما أنا عارفه هقابل مين..وإيه ال مستنيني جوه .. ومفقتش من كلامي مع نفسي غيرعلى  صوت السكرتيره ..

السكرتيرة : ريم شي ....(آنسه)

ريم : ديه ..(نعم)

السكرتيرة : ريم شي ممكن تتفضلي دلوقتي تقابلي المدير ..

قلبي كان بيدق بسرعه من كتر توتري .. ماهي دي المقابلة ال هتحدد مصيري في كوريا ..

 انحنيت لسكرتيرة  :  كمساميدا (شكرا جزيلا )

خبطت ودخلت لآقيت الشخص ال قاعد على كرسيه بكل ثقه وريحة السجاير ال ماليه المكان حيتوا وانحنتلوا بكل احترام  

  أنا:أنيوهاااسيوا ريم ميندا .. ( مرحبا آسمي ريم )

 طلب مني إن اقعد بس إستغربت لما قام من مكانوه  وقعد في الكرسي ال  قدامي .. مكنش بيفصل بينا غير ترابيزه عليها فازة فيها ورد .. وفجأة مد إيده عشان يسلم عليه ..و بكل تلقائيه مديت ايدي وانحنتلوا وسلمت عليه..وبدأيتكلم ..

المدير والإبتسامه ال نقدر نقول عليها إبتسامه صفرا: ريم شي سعيد جدا بلقائك

رديت وانا في قمة توتري : أنا أسعد لي سومان شي ..

المدير : ريم شي.. بيانيه ( آسف ) إن جبتك من المطار على هنا على طوول ومدتكيش فرصه إنك تريحي و نتقابل بعد كده ..

ابتسمت  : انيووو ... انيوو (لا ..لا ) مفيش داعي تعتذر أنا جايه هنا عشان أشتغل مش عشان أرتاح وبعدين كده أحسن عشان أعرف تفاصيل الشغل ..

لي سومان كان سعيد جدا بحامسي وقال في نفسه يمكن ديه ال توافق على الشغل ..إتكلمنا  كتير عن الشغل وطبيعة شغل مدير الاعمال.. طلبت أعرف تفاصيل عن الفرقة الجديدة الِ هشتغل معاهم .

بس إستغربت من نظرت لي سومان ليه والإبتسامه ال إترسمت على وشوه...أو نقدر نقول إن حسيت إن هو بيضحك عليه ..  

 لي سومان : مين ال قالك بقى  إنها فرقه جديدة في الشركه ..

علامات الاستفهام كنت حاسه إنها باينه على وشي في سعتها من ردوا عليه ..؟!!

انا :

 أصل حضرتكوا موضحتوش حاجه في الإعلان حتى المندوب وأنا في مصر موضحش آي تفاصيل وال فهمتوه منوا إن لما هاجي كوريا هعرف كل حاجه ،،عجبني الشغل هشتغل معجبنيش همشي ..

لي سومان قام من مكانوه ورجع قعد على المكتب تاني وفتح الدرج و طلع ظرف وهو بيكمل كلامه : الحقيقة ريم شي الفرقه ال هتشتغلي معاها فرقه كبيرة في الشركه .. بس لإن موضوع مدير الاعمال للفرقه دي بذات حساس جدا .. فكنا متكتمين على آي تفاصيل لإن في ناس كتير قبلك رفضوه بسبب المشاكل و الصحافه واللآنتز ..

كنت  مستغربة من الكلام وعايزة أعرف تفاصيل اكتر : حضرتك ممكن تفهمني أنا مش فاهمه حاجه ..

المدير : آكيد حضرتك عارفه فرقه السوبر جونيور

انا : اه طبعا عرفاها .. فرقة السوبر جونيور غنيه عن التعريف دي من اكبرالفرق في كوريا و اكبر الفرق كمان في الشركه عندكوه ..

المدير: يبقى آكيد سمعتي عن الفضايح ال كانت عليهم الفتره ال فاتت .

رديت عليه بأسف :  اه للأسف سمعت  مش بسبب مدير الأعمال السابق ال سرب أخبار للصحافه غير حقيقية عن الفرقه وهرب ومتعرفوش عنه حاجه

المديربعد ما خد بوء من القهوة ال كانت قدامه : فعلا هو ده ال حصل ريم شي .. وده سبب مشاكل كتير للفرقه .. عرفتي سبب تكتمنا عن آي تفاصيل .. لحد أما الموضوع يتم مع مدير الأعمال الجديد .. 

تنحت لإني مكنتش عارفه أصدق ال بسمعه :

انا:  حضرتك براحه عليه شويه انت عايز تفهمني من كلامك إن الفرقه ال هشتغل معاها هي السوبر جونيور

المدير وهو بيضحك على ردت فعلي : فعلا هو ده ال قصده .. عندك مشكله انك تشتغلي معاهم ..

منكرش إن كنت مصدومه من ال بسمعه ( بس دي فرصة متتعودش  )

انا : لا طبعا موافقه .. انا ليه الشرف طبعا ان اشتغل معاهم ..

المدير اترسمت ابتسامه على وشه : اذا كان كده ..ريم شي خلينا نتكلم على تفاصيل العقد..

اتكلمنا  في تفاصيل العقد .. وكانت من شروط العقد ان لو سببت مشكله للفرقه .. او سربت اي اخبار واتعرف اني سببها هدفع غرامه كبيرة جدا .. ده غير المسأله القانونيه وال ممكن تتسبب في سجني من سنتين لتلت سنين .. في قضيه سب وقذف وتشويه سمعه ..

سبلي دقايق عشان افكر... واقلب الموضوع في دماغي ..

بس بعد تفكير و لما قلبت الموضوع في دماغي شويه منكرش اني كنت ولثواني هرفض بسبب الشروط و خاصة لما افتكرت السجن وخصوصا وانا ماعرفش ايه ال مخبهولي الشغل معاهم ..وبعد تردد كان ردي ..

انا : انا موافقه اني اشتغل معاهم ..

المدير : ارسووووا ريم شي .. خلينا نتكلم في باقي التفاصيل ..

خلصت معاه وخدت نسخه من العقد ..و لي سومان طلب من السكرتيرة توصلني  لمكتبي  ..

أما عند الأعضاء وال كانوا بيرتاحوا من التدريبات بتاعتهم .. وليتوك ال بيبص على موبيله مستني ان تليفونوه يرن في آي لحظة .. و شيوون ال لاحظ أن ليتوك مركز اووي في الموبيل وكأنوا مستني حد .

شيوون : ليتوك هيونج مالك مركز كده ليه في موبيلك ..

ليتوك وهو بيبص لشيوون : لا عادي مستني تليفون من لي سومان شي .

شيوون : ااااااه .. مش عشان مدير الاعمال بتاعنا صحيح هو  هيوصل امتى ..

ليتووك وهو بيضحك : قصدك مديرة أعمالنا ..على حسب علمي إنها وصلت من تلات ساعات تقريبا..                                                       

شيوون وعنيه فضلها تكه وتخرج بره و الاعضاء الباقين  وال باقوا يبصوا لبعض : بنت .. بنت

انهيووك  باستغراب : هيونج انتى مقلتناش يعني .. انها بنت

ليتووك : انا كمان مكنتش اعرف غير إنهارده الصبح لما السكرتيرة بتاعت لي سومان شي كلمتني و بلغتني إن مديرة اعمالنا ريم  وصلت النهادره وسعتها بس عرفت إنها بنت و وإتشغلنا في التدريب ونسيت اقولكوه عادي يعني ..

وفجأة رن تلفون ليتووك ..والسكرتيرة بتبلغوا إن الاجتماع معايا  خلص وإن لي سومان بيطلب منه إن يروح مكتبي ويتعرف عليا وبعدين يخدني و يعرفني على الأعضاء ..

دونغهي بص لليتوك بعد أما خلص تليفون : هاا قلتلك ايه 

ليتوك : طلبت مني اروح المكتب اقابلها واتعرف عليها ..

دونغهي : اراسووووو هيونج انا هاجي معاك ..

ليتووك وهو ماشي ناحية الباب : لا مفيش داعي دوني أنا هروح اتشطف بسرعه  وبعدين هروحلها وأكيد هجبها عشان تتعررف عليكوه كملوا تدريب انتوا بقى عقبال لما آجي

ليتوك مشى عشان يتشطف ويجي  يقابلني و الاعضاء بعد ما رغوا كتير في إنهم مستغربين إن بنت تكون معاهم على طوول لا و كمان مسؤوله عليهم .. بس بعد كده استسلموا وقرورا إنهم يكملوا تدريب زي ما ليتوك قلهم ..

أما أنا بئى السكرتيرة ورتني مكان مكتبي .. شكرتها.. ودخلت المكتب  مكنش كبير اووي لكن كان مريح من أول وهله دخلتوه لفت نظري ..الدهان ال كان مزيج بين اللونين الابيض والسماوي  المريحين جدا للأعصاب والمكتب الخشب الانيق و الزهريه ال مليانه ورد ابيض يفتح النفس على الشغل .. والكراسي الجلد ال رحتها لسه مشعشعه في المكان .. قعدت على الكرسي وزي العيال قعدت ألف بيه بس بعدين إفتكرت العقد والشروط والخوف ال تملكني سعتها مش بس بسبب العقد لا كمان بسبب ان هكون مسؤولة عن فرق بالمكانه ديه وكلام المدير عن المديرين ال مستحملوش الكلام ال عليهم بسبب الانتز والصحافه وغيرهم بس.. مفرقش معايا كتير وقلت اهم حاجه الشغل ... لبست النظارة ومسكت العقد قعدت اقرى فيه وسرحت وانا بتخيل المستقبل .. ياترى ممكن يكون ما خبيلي ايه؟!

أما ليتوك خلص وكان جي ناحية مكتبي .. خبط كتير بس أنا مكنتش دريانه بالعالم الحواليه كنت مركزه في العقد و بفكر في بكره مخبيلي ايه لدرجه إن محستش  بيه وهو داخل عليه بعد أما فقد الأمل إن أرد عليه

 ولما دخل شافني وأنا قاعدة وماسكة ورق و عنيه مركزة معاه لدرجة كبيرة ..

مفقتش غير على صوته وهو بيناديني

ليتوك : ريم شي .. ريم شي

سعتها قومت مخضوضة من مكاني والورق وقع مني .. ده غير كوبايه الماية ال كانت قدامي و ال ادلقت على مكتب طبعا .. ماهو من خضتي خبطتها بايدي وانا قايمه و ده لإني ميزت الشخص ال قدامي وعرفت كويس هو مين .. اتوترت جدا ان شاف مديرة اعمالهم لخمه اوووي كده ..

وانا بنضف الترابيزة بالمناديل لمحت ابتسماته وبتردد :انحنلتلتوا

انا: ليتوك شي .. نومو بيانية ( آسفه جدا )... مسمعتش حضرتك وانت بتخبط ..

وبعد كده عرفتوا على نفسي

أنيوهاااسيوا ريم ميندا ( مرحبا اسمي ريم )

ليتوك سعتها إبتسم وقالي ان هو عارف كويس أنا مين .. طلبت منوا ان يقعد وطلبت حاجه نشربها اانا وهو.. و بدينا كلام

انا: بيانيه ليتوك شي .. اكيد مصدوم طبعا ان مديرة اعمالكوه لخمه كده

بصلي بإبتسامته صافيه ..

ليتوك : انيوووو .. انيووو (لا .. لا ) متقليش كده انا عارف انك متوترة وشكل الورق ال كنت مسكاه ده  سبب من الاسباب .. ده غير اني عارف انك لسه جايه من عند لي سومان شي ..

رديت بعد ما اترسم على وشي شوية حزن : اه فعلا الورق ال كنت بقراه كان جزء من توتري .. أما بالنسبة للمقابلة مع لي سومان شي هو كان كويس جدا معايا .. وحكينا في تفاصيل كتير عنكوه وعن الشغل والدنيا اكيد في المستقبل هتتزبط ...

(كنت سعتها بحاول اوصل من كلامي اني مش متوتره اوووي برغم اني كنت مرعوبه من ال مستنيني )

وصل العصير ال كنا طلبناه .. ليتوك خد منوا بوء وبعدين بصلي بابتسامه

ليتوك : ريم شي معتقدش ان ده السبب الوحيد ال خلاكي متوتره كده وخلاكي اتلخمتي كده على قولتك  ..

بصتلوا وانا مكسوفه و ببتسم ..

ملقتش نفسي غير وانا بقولوا : بصراحة ..انتوا... انتوا السبب التاني ..

ليتوك اتخض كده وبصلي

ليتوك : ااااحنا ...ليه بس انتي لسه اشتغلتي معانا عشان تخافي مننا .. وتوتري كمان .

منكرش سعتها من عفويته  بديت ارتاح في الكلام معاه .. وانوا قد ايه انسان جميل جدا وسلس انك تتعامل معاه بسهوله وتقدر تتكلم معاه وتقول ال جواك من غير اي  حرج ..

ضحكت وبصتلوا وانا باخد بوء من العصير

انا: الصراحة ..اانا مكنتش اعرف اني هشتغل معاكوا لحد ماقبلت لي سومان شي ووضحلي كل حاجه .. والسبب ان معرفش اي حاجه .. هو بسبب المشاكل ال كانت حصلكوا الفترة ال فاتت .. وال خلت ان اعرف اي تفاصيل عن الشغل وعن الفرقه ال هشتغل معاها .. مستبعد لحد اما اوصل كوريا ..  فيمكن مخضوضة شويه لان هشتغل مع فرقه ليها مكانه كبيرة جدا مش بس في كوريا .. لا ده كمان في العالم كله .. خفت مكنش قد المسؤوليه دي واسببلكوه مشاكل ..

ليتوك بصلي وضحكلي .. حسيت براحة من ردة فعله

ليتوك : انا مكنتش اعرف كل التفاصيل اال بتحكيلي عليها دي .. أنا عرفت بس إنك بنت انهارده الصبح .. بس متخافيش أنا والأعضاء هنساعدك على قد ما هنقدر واكيد هنعمل شغل كويس مع بعض ..

ارتحت جدا من كلامه وكل التوتر ال كنت فيه .. راح مني لما لقيت قد ايه هو بسيط وعفوي جدا في الكلام معايا ..

بس بعدين سكت شويه ..وبصلي

ليتوك : ريم شي .. ممكن اسألك سؤالين بس تجوبي عليهم بصراحة

انا : اتفضل طبعا ليتووك شي ..

ليتوك : مترددتيش لثواني انك تشتغلي معانا بعد المشاكل ال كانت حوالينا الفترة ال فاتت وال سببت مشاكل كتير لينا ..

انا: بصراحة ليتوك شي .. ترددت في الاول بس بعدين قلت في نفسي ان شرف ليه ان اشتغل معاكوا واكون جزء بسيط جدا من نجحكوا و اني اساعدكم على قد ما اقدر فده ال خلاني مضيت العقد وانا مغمضة  .. ها ايه السؤال التاني بقه ..

ليتوك انبست جدا من ردي العفوي وبعدين ابتسملي وبطرف عينه بصلي ..

ليتوك : مين فينا بقى انا والاعضاء ال متوترة تتعاملي معاه..

لسه كنت هرد عليه لقيت ال قاطعني وقال

ليتوك : مين غير كيونا

استغربت جدا ان ازاي عرف ال بفكر فيه ... حطيت ايدي على بوئي ورحت ضاحكة بصوت مسموع >>ديه فعلا كانت ردت فعلا

انا: عرفت ازاي بقى ليتوك شي

ليتوك وهو بيضحك : لاااا ... اصل ده العادي  كل ال قبلك كان اكتر واحد فينا بيوترهم ويعملولوا الف حساب كيونا

رديت وانا لسه مستمرة في الضحك  :

انا: فعلا كيون شي موترني لاني عارفه ان مش بيعجبوا العجب .. ده غير صراحته المطلقه .. وال ممكن تجرح احيانا بس مش هو بس ال متوتره من التعامل معاه ... كمان هيتشول شي ..

ليتوك باستغراب

ليتوك : هيتشولي ليه بقى

انا: اصل ال اعرفه عنه ، إن من الشخصيات ال مش بيتعود على الانسان بسرعه ..فخايفه مايعجبهوش ان يشتغل معايا ... ولأن كمان صعب التعامل معاه حبتين .. وده يخلي التعامل بينا صعب

ضحك ليتوك :  كلامك صح بس .. لما هتشتغلي معانا و تتعرفي عليهم كلهم .. هتعرفي كل واحد فينا كويس و سعتها هتتعاملي بسهوله لما تتأقلمي على شخصيه كل واحد فينا  .. بجد اتمنى ترتاحي معنا ونعمل شغل كويس مع بعض ..

رديت عليه وانا مبسوطه من كلاموا ..

انا: اكيد ليتوك شي .. اتمنى كده من قلبي ..

ليتوك قام وراح واقف قدامي .. وزبط هدوموا ..

ليتوك آيه رأيك تيجي معايا تتعرفي على الاعضاء ..

وافقت بعد تردد .. بس ابتسامته والحوار ال حصل بنا خلاني ..ارجع الثقه في نفسي وقلت اكيد لما اقابلهم هتوضحلي تصرفتهم ..  و استقبلهم ليه هيبقى ليه عامل كبير ..

طلعنا انا وهو من المكتب وأتوجهنا لأوضة التدريب.. مكنتش بعيده اووي عن مكتبي .. وصلنا وليتوك فتح الباب ودخل و بدأ يتكلم على دخولي من الباب

ليتووك : انا جيت يا جماعه .. و معايا ريم شي مديره اعمالنا

منكرش اني ترددت شويه اني ادخل بس استجمعت شجعتي ودخلت وراه على طووول .. كانوا الاعضاء بيدربوا بحماس كبير جدا .. والموسيقى ال كانت عاليه لدرجة انهم مسمعوش ليتوك ..عجبني سعتها  اجتهدهم وتركزهم في التدريب  .. بس بعدين خدوا بالهم مننا من انعكاسي انا وليتوك في المرايا ال  كانت قدمهم .. وقفوا فوراً الموسيقى ..

وليتووك ال عاد كلاموا تاني وهو بيعرفهم اني مديرة اعمالهم و هما ماشين نحيتي انا وليتوك سعتها بدت تبان ملمحي ليهم اكتر .. ماهو اوضة التدريب كبيره جدا سعتها خت بالي ان في اتنين منهم وقفوا فجأه  وهما جايين عليه و كان باين الصدمه عليهم وهما بيبصوا لبعض ويرجعوا يبصولي ,, سعتها مخدتش في بالي وكنت مبتسمه ...للاعضاء الباقين ال جايين نحيتي بس ردت فعل الاعضاء لما قربوا مني وبدأوا يحققوا من ملامحي كأنهم مش مصدقين  كانت صدمه بالنسبالي ..

استنوني البرت ال جاي بأحداث  جميلة و مثيرة إن شاء الله ..