ɒαиcє ωɪτн мє ❤ 1

 

 

 

 

صباح يوم مشمس في كوريا  ..

 

ندى باستعجال : خالي انا هانزل عشان اتأخرت .. انيووو ..

خالها من المكتب بابتسامة : مع السلامة يا نودي .. خلي بالك من نفسك …

ندى لبست الشوز وبتظبط شعرها : ارااسو .. انيوو مين يونغ (تقصد خالها) ..

 

ندى تنزل بسرعة عشان تلحق المدرسة .. وخالها يرجع يكمل شغله..

** ندى بنوتة في اخر سنة من المدرسة الثانوية .. عشقها الاول والاخير الرقص .. في كل حالة من حالاتها بتلجأ للرقص .. رومانسية بعض الشيء .. في اكثر الأحيان مشاغبة ومرحة جداً .. أهم حاجة عندها كرامتها و ده في بعض الأحيان بيظهرها مغرورة ومتكبرة مع انها في نفسها طيوبة وبتحب الناس .. لها قوام مثالي ممشوق .. شعرها طويل لآخر ظهرها حريري بني .. وعيناها واسعة كثيفة الرموش .. وشفتاها كرزية صغيرة وممتلئة بعض الشيء .. وفي اعتقادها إن اول شخص ممكن ترقص معاه في كوبل .. هو الشخص اللي ممكن تعطيه قلبها … اما بالنسبة لأسرتها .. ابوها وامها مسافرين بيشتغلوا برة وسايبنها عند خالها من وقت ما كانت عمرها عشر سنين .. وبيبعتوا ليها كل اول شهر مصروف يقضيها وبزيادة كمان .. لكن هي مش بتهتم بيه لأن معتبرة خالها هو كل اسرتها وهو اللي مكفيها …**

 

****

 

صباح من نوع آخر …

 

جي يون بدلال : حيااتي .. يلا قوم بقه .. انت كسول اوي ..

دونغ هاي يدير وشه الناحية التانية بنوم : انتي كل يوم كده ؟؟!!

جي يون بتلعب بشعره برقة : يا حبيبي .. انت اللي قولتلي صحيني بدري .. وبعدين الفطار جاهز ..

دونغ هاي يقوم بقلة حيلة بابتسامة يقرصها من خدها بخفة : حبيبتي نشيطة .. وقمر و______

جي يون تقاطعه وتقوم بتوتر: و إيه ؟؟ قولتلك______

دونغ هاي يكمل بزهق : لما نتجوز … بس انتي خطيبتي … فيها ايه ؟؟

جي يون بعصبية : مش معنى اني آجي هنا من الصبح اعملك حاجتك واصحيك واقعد جنبك زي دلوقتي .. اني اكون بالشكل ده معاك ..

دونغ هاي بسخرية يقوم من السرير : براحتك جي يون .. (يخرج من الاوضة بمزاج متعكر ويدخل الحمام) ..

جي يون تنزل دمعة من عينيها : مشكلتي .. ان مع كل عيوبك مش بقدر اسيبك .. (تبدأ تظبط السرير وتنظمه) ..

 

يقعدوا ويفطروا سوا .. وكل واحد منهم بيبص لناحية غير التاني .. لحد ما فجأة جي يون مدت ايدها على طبق في نفس اللحظة اللي دونغ هاي مد ايده عليه .. جي يون كانت هتسحب ايدها لكن دونغ هاي مسكها جامد ..

 

دونغ هاي بابتسامة دافية : زعلانة ؟!

جي يون تسحب ايدها وعايزة تبتسم من الفرحة لكن بتبان انها زعلانة : انت شايف ايه ؟؟!

دونغ هاي بابتسامة فيها مكر : شايف قمر ..

جي يون تظهر ابتسامتها لا اراديًا : اهو انت دايما كده ..

دونغ هاي يسحب ايديها برومانسية ويقبلها : و انا اعمل ايه ؟؟ بتوحشيني ..

جي يون بدلال : جوازنا مش باقي عليه كتير .. يعني انت كل المدة اللي فاتت صابر وجاي دلوقتي تقول كده ؟؟

دونغ هاي بابتسامة شقاوة : عندك حق .. لكن بردو ده ميمنعش إني آخد حاجة كده تصبرني أكتر ..

جي يون تبعد نظرها عنه بابتسامة دلال : قصدك ايه ؟؟

 

دونغ هاي يشدها ناحيته بقوة ويقبلها بقوة اكبر وهي مستسلمة بين ايديه .. وفجأة تبعده عنها برقة  ..

 

جي يون بتلقط نفسها : نفسي كان هيتقطع …

دونغ هاي بشغب : على كده لما نتجوز مش هيكون عندك نفس اصلًا .. هههههههههه

جي يون بخجل تضربه بخفة على كتفه : كفاية بقه تتكلم بالطريقة دي ..

دونغ هاي يقوم وهو بيكتم ضحكته : خلاص يا حيااتي .. مش هدايقك تاني (بنظرة لئيمة) غير لما نتجوز بقى .. اروح اغير هدومي عشان انزل للعيادة و اوصلك لشغلك في طريقي (يبتسم بحب) ..

 

جي يون بابتسامة ساحرة تقوم وتاخد الاطباق للمطبخ : اوكي حيااتي .. بس بسرعة عشان هتأخر على الطابور …

 

****

 

الطابور بيبدأ .. ويكون كل الطلاب ماليهم النشاط والحيوية .. و جي يون واقفة جنب فصلها وبتتابعه وهي فرحانة ان فصلها هو انشط فصل …

وندى كانت بتعمل التدريبات الصباحية مع فصلها ووسط زمايلها … وهي فرحانة ومبسوطة ..

وبعد طابور امتد لنصف ساعة .. بسبب الاذاعة المدرسية .. كل الطلاب طلعوا للفصول ..

 

جي يون بابتسامة : صباح الخير ..

الطلاب مع بعض : صباح الخير .. سنسنيم ..

جي يون بفرح : انا فرحانة جدًا بفصلي لأنه قادر يكون قد كلمته .. وعدتوني انكم هتكونوا الافضل بين الفصول وعملتوا بكلمتكم .. يلا بقى نبدأ حصتنا ؟؟

الطلاب بحماس : نييييه ..

 

ندى وهنري قاعدين في مكانهم وبيطلعوا أدواتهم وفي نفس الوقت هنري بيتكلم وندى بتضحك وهي بتكتم ضحكتها وعيون بعض طالبات الفصل معاها مش بتبعد عنهم ..

أما جي يون كانت واخدة بالها من اللي بيحصل لكن .. فضلت انها تستنى شوية .. يمكن يسكتوا ..

وأثناء الشرح وقفت فجأة لما شافت هنري قرب من ودن ندى وهي بقت تضحك بقوة لكن كاتمة صوتها ..

 

جي يون بثقة وبابتسامة متفحصة : هنري ..!!

هنري وقف فجأة لما سمع اسمه وهو مرتبك جدًا : د __ ديـ __ ديه سنسنيم ؟!

 

*ندى بقت قاعدة مش على بعضها وبقت مكسوفة ان السنسنيم تسألها .. وكمان اتدايقت عشان هنري اللي هيتحرج*

 

جي يون بعد ما شافت ربكته هو وندى ابتسمت بهدوء : انت وقفت ليه ؟! اتفضل .. لكن ركز معايا ..

هنري يحك رقبته باحراج ويبتسم وينحني : نيه سنسنيم .. آسف  ..

 

ندى في نفس الوقت انحنت راسها لـ السنسنيم .. وهي ابتسمت ليها بهدوء ..

 

يوري بغرور لزميلتها : مش عارفة عاجبه فيها ايه ..!! حقيرة ..

ميري بابتسامة لئيمة : سيبك منها .. قولنا النهاردة هنعمل ايه ؟؟! (وتضحك بلؤم) ..

يوري بتعالي : صحيح .. خلينا في اللي هنعمله ..

جي يون بعصبية تخبط على المكتب : يوري .. ميري .. لو مش عجباكم الحصة ياريت تتفضلوا براا ..

يوري تقف بغيظ وتبص لندى بقهر : انا اخرج بكرامتي .. (وتمشي بثقة وغرور وصاحبتها تقوم وتلحقها زي ظلها) ..

 

هنري وندى يبصوا ناحيتها باستغراب شديد .. لكن تجاهلوا الوضع وحاولوا يركزوا في الحصة اكتر بدل ما جي يون تزعق فيهم ..

وطبعا خارج الفصل كانت يوري وميري .. الغيظ والحقد مالي قلوبهم .. وكان في تفكيرهم ليه عاملت ندى وهنري بالشكل ده ؟! مع انهم كانوا بيتكلموا وبيعملوا حركات اكتر منهم .. وهما الاتنين قالوا كلمتين بس .. قامت زعقت بيهم وطردتهم ..

 

يوري في نفسها بغيظ وهي بتعض على شفاهها : دايمًا ندى .. ندى .. آآيــش .. مفيش غيرها في الدنيا ؟! ودايمًا كل الشباب معاها هي .. ومحدش بيلمح فيها أي عيب ..

ميري في نفسها بغيظ اكبر : يمكن جميلة فعلًا .. ومفيش حد بجمالها ولا حتى يوري .. لكن أنا هاخليها تندم على جمالها اللي بتتباهى بيه ده ..

 

وفي نهاية الحصة كانت جي يون بتاخد دفترها وشنطتها وماشية .. لكن ابتسمت ونادت على هنري وندى إنهم يلحقوها على غرفة المدرسين ..

هنري على باب الاوضة كان مستني مع ندى لحد ما المدرسة تأذنلهم بالدخول ..

 

هنري باحراج : أنا آسف فعلًا يا ندى ..

ندى بابتسامة لطيفة : ما تقولش كده يا هنري .. على كده أنا لازم أعتذر لأني اتكلمت معاك كمان ..

هنري براحة كبيرة : لأ طبعًا .. (يسكتوا لثواني) ..

هنري بابتسامة خلابة : ندى ___

ندى بعفوية وهي بتلعب برجليها في الارض : اممم .. (توجه نظرها ليه) ..

هنري بنظرة اعجاب : انتي طيبة اوي ورقيقة كمان ..

ندى بابتسامة حزينة : وإنت كمان يا هنري .. لكن ياريت الكل شايفني زيك كده ..

 

"هنري كان هيتكلم لكن في اللحظة دي قاطعته جي يون وقالتلهم يدخلوا وراها ولما دخلوا هي قعدت على مكتبها وهما الاتنين وقفوا قدامها ومنزلين راسهم بخجل"

 

جي يون بهدوء : انا سمعاكم .. مش هتقولولي كنتوا بتتكلموا في ايه كل الوقت ده ؟!

ندى بحزن : سنسنيم أنا كنت ___

هنري قاطعها بسرعة : أنا اللي كنت بتكلم معاها سنسنيم . عارف إننا غلطنا (ينحني بأسف) لكن إحنا مش هنعيدها تاني .. آسفين سنسنيم ..

 

"ندى بقت مبسوطة من شهامته معاها .. وفي نفس الوقت حزينة على احراجه بالشكل ده"

 

جي يون بابتسامة : عارفة انكم مش هتعيدوها تاني .. لكن بردو عايزة اعرف كنتوا بتتكلموا في ايه كل الوقت ده ؟!

ندى بحزن : كان بيحكي عن مواقف بتحصل بينه وبين أخوه وبصراحة كانت مضحكة جدًا .. يعني مكناش بنتكلم في حاجة غلط سنسنيم ..

جي يون بنظرة واثقة : لكن الكلام نفسه في الحصة غلط ..

 

"ندى الكلام وقف على طرف لسانها ومقدرتش تتصرف أما هنري اتكلم بسرعة عشان يخفف عن ندى"

 

هنري بسرعة : آسفين سنسنيم .. مش هتتكرر تاني ..

جي يون بنظرة مطمئنة : أتمنى ده .. وانا واثقة فيكم عشان كده مش هاخد إجراء (تشاور بإيدها لهنري) تقدر تروح على فصلك يا هنري أنا عايزة ندى شوية ..

 

"هنري انحنى ليها وابتسم .. لكن كان قلقان من إن جي يون تجرح ندى بكلام تاني .. وخرج وهو كل تفكيره عند ندى .. واللي ممكن تقوله جي يون ليها"

 

جي يون بابتسامة لطيفة تشاور لندى على كرسي جنبها : تعالي يا ندى اقعدي جنبي ..

 

ندى تبص على هنري لحد اما اختفى عن نظرها وبعدها بابتسامة استهزاء تبص لجي يون وتقعد بكل ثقة على الكرسي جنبها .. وبنفس الطريقة والثقة ذاتها تبص لجي يون في عينيها لدرجة اربكت جي يون نفسها لكنها مأظهرتش ده ..

 

جي يون بنبرة غيرة  : شيفاكي متغيرة يا ندى .. يا ترى ايه _______

ندى تقاطعها بثقة : هو أخبار خطيبك إيه ؟! (ابتسامة لئيمة) مش كان اسمه دونغ هاي بردو .. (بطريقة دلع) .. آآه ولا كان اسمه دووني .. ولا أنا غلطانة ؟!

جي يون عينيها تتوسع تتكلم بسرعة : وانتي شوفتيه فين وعايزة منه ايه ؟؟!

ندى ببرود : اهدي شوية سنسنيم .. (تبص حواليها بسخرية) .. المدرسين يقولوا عليكي ايه ؟؟ (تعض على شفاهها بسخرية) ..

جي يون في محاولة لتهدئة اعصابها تقف ومن تحت سنانها : تعالي نتكلم بره احسن ..

ندى تقف ببرود شديد ابتسامة غريبة على وشها : أوكي .. زي ما تحبي ..

 

تمشي ندى قدام جي يون ببرود وثقة وغرور .. وكانت جي يون للحظات زي اللي عايزة تولع في ندى تخلص منها تماما .. لكن اتمالكت اعصابها ومشيت وراها لحد مقاعد ملعب المدرسة .. وكان كل اللي بيحصل ده تحت عينين مدرس التربية البدنية واللي اصبح بحالة فضول وعايز يعرف ايه اللي بيحصل بينهم هما الاتنين ..

بينما عند الاتنين نفسهم ..

اول ما وصلوا للملعب بدأت وصلة التحقيق من جي يون على ندى بكل عصبية وحقد وعيونها مليانة حقد على غيرة من ندى ..

 

جي يون بعصبية : انتي مالك باردة كده وساكتة ؟؟ انا مش بسألك ؟! ردي عليا ..

ندى تدير ضهرها ليها ببرود مطلق : مش انتي اللي كلمتي خالي واقنعتيه بكل طرقك اني مريضة نفسية عشان بتكلم في المدرسة هنا مع الولاد بس .. وماليش علاقة بالبنات .. لأ وكمان .. قولتيله ان انا على على علاقات قذرة بشباب اكبر مني من بره المدرسة ..

جي يون تيجي قدامها بصدمة : و ده ايه علاقته بخطيبي دونغ هاي ؟!

ندى تبصلها  من فوق لتحت وتبعد نظرها عنها بتكبر : حبيت اكافئك على كلامك الجميل عني مع خالي .. ففكرت كده ايه هي افضل طريقة .. (تحط ايديها على كتاف جي يون بسخرية) .. قولت لنفسي ل زم تكون الطريقة دي هي .. (تسكت شية ببرود وبعدها تعلي صوتها) .. هي ان خطيبك يكون دكتوري النفسي .. (تبتسم بلؤم وتبعد عنها تستنى ردة فعلها) ..

 

جي يون بقت الغيرة والغيظ ماليين قلبها والخوف كمان .. والكلام بقى يقف على لسانها ومش قادرة تخرجه من كم الافكار اللي بتخطر على بالها .. لحد ما في لحظة فقت ومسكت ندى فجأة من ايديها وبقت تتكلم زي المجانين .. ولفتت انتباه كل الطلاب اللي في نزلوا الملعب ليهم .. ومنهم يوري وميري ..

 

جي يون بطريقة هيستيرية : انتي عايزة ايه مني بالظبط ؟؟ ليه بتحاولي كل جهدك تدمري حياتي ؟؟ انتي ايه ؟ حرام عليكي ..

ندى تدفعها بعيد عنها وتتكلم من تحت سنانها : انا برد اللي بحول ادمر حياتك ؟؟ شوفي مين اللي بدأ الاول .. وبعدين انتي لسه مشوفتيش حاجة .. ده انا هخليكي تندمي على الساعة اللي طلعتيني فيها بالمنظر ده قدام اهلي الناس كلها ..

جي يون بتردد : انتي بتفكري في ايه ؟؟

ندى بسخرية : خليها مفاجأة احسن يا حبيبتي ..

 

وتسيبها وراها وتمشي بكل ثقة وغرور وتروح لفصلها اللي كان نزل للملعب عشان حصة التربية البدنية ..

أما جي يون بقت واقفة مصدومة وفي نفس الوقت الفضول دابحها عايزة تعرف اذا كانت ندى عرّفت دونغ هاي كل حاجة عن نفسها ولا هو عارف انها مجرد طالبة ثانوي .. او عرفته انها طالبة عندها ولا لأ .. وغيرها من الافكار اللي بقت تتردد على بالها ..

وفي لحظة ندى مشيت من قدام ميري ويوري وكلها ثقة وهما نسيوا غيرتهم وحقدهم عليها .. وجري وراها عشن يعرفوا ايه اللي بيحصل ..

 

ميري بفضول تمسك في دراع ندى : ندوش .. مالها المدرسة الغتيتة دي ؟؟

يوري على الايد التانية بفضول : دايقتك في حاجة ؟ أنا عارفاها مش بتطيق دبان وشها ..

 

ندى كانت هتدفعهم بعيد عنها .. لكن لمعت في راسها فكرة ..

 

ندى بابتسامة تفك نفسها منهم وتحوطهم بذراعيها : مديقاني زي ما هي مديقاكم .. صح ؟!

يوري تبعد عنها وبجدية : إلا مديقانا .. ده انا عاوزة ارش عليها مية نار ..

ميري بخبث : ايه ؟؟ هتتحالفي معانا ولا ايه ؟؟

ندى وعلى وشها ابتسامة نصر كأنها بتكسب معركة : وليه لأ ؟!

 

في مكان آخر ..

 

كان دونغ هاي في استشارة لمريضة عنده لكنها حلوة جدا .. وبعد كلام بينهم ..

 

المريضة بنظرة اعجاب لدوني : انفصلت عن حبيبي ..

دونغ هاي بيبلع ريقه من الاثارة اللي هو فيها : وبعدين ؟!

المريضة برقة : بس كده .. لا بعدين ولا حاجة ..

دونغ هاي بدأ في التسبيل : لكن انتي مقولتيش ايه سبب الانفصال تاني (بلؤم) قصدي تاسع عاشر .. ولا ده حبيبك رقم كام ؟!

 

المريضة تقوم تقلع الجاكت بتاعها الاسود الجلدي القصير .. ليكشف عن فستانها الازرق مكشوف الصدر .. بالاضافة للميك اب البسيط وشعرها القصير متساوي الاطراف بلونه الاسود .. جسدها الممشوق ..

وهو كمان كان بيتفحص كل انش من جسدها .. ونظراته حارقة ..

وفي لمح البصر قربت منه بحركة دلال كلها جاذبية واثارة ..

وقعدت على حرف المكتب بنعومة ورقة وغنج .. ومالت عليه لتثيره اكثر ..

 

المريضة بصوت انثوي للغاية : مممم .. مش فاكررة .. من كتر علاقاتي مبقاش فارق عندي رقم اللي اعرفه في حياتي .. 

دونغ هاي بنظرة تملئها الرغبة ومتفحصة للفتاة : انتي انك معندكيش مرض نفسي ؟! (يهمس في ودنها) لولو ..

هالة تمد نفسها على المكتب بأريحية وتقرب بصوت هادي يكاد يكون مسموع : يبقى أنا ايه ؟! (بنفس همسته تقول) دوني ..

 

دونغ هاي يقوم من مكتبه ويلف حواليه عشان يوصلها ينحني بجسمه عليها بقوة ويلصق ذقنه على كتفها المكشوف ..

 

وبكل ذرة غزل وحنان منه يكلمها بهمس مسموع : واحدة لخبطت كياني وجننتني معاها .. (يردف وهو ينظر لجسدها) أظن مفيش أكتر من كده ؟! ..

هالة تبعد عنه وتنزل عن المكتب بحركة دلال جداً : على مهلك عليا .. أصلاً كمان انت خاطب ..

دونغ هاي تتغير ملامحه : ليه بس كده ؟؟ كنا حلوين مع بعض ..

هالة موجهة ظهرها لدونغ هاي وتبتسم بلؤم : أصلك لما تعمل كده .. أكيد عايز تتسلى وبس ..

 

دونغ هاي في خاطره : على أساس يعني في العادي مبتتسليش .. تشه .. عايزة تعملي عليا شريفة يعني .. لكن على ميين ؟!

 

يقوم فجأة ويقرب منها برغبة وإثارة متملكاه وبحركة تدوبها بين ايديه يبوسها برقة على عنقها المشدود .. وتحولت منه تدريجيا لقبلة عميقة طبع بها علامة داكنة على عنقها الابيض .. وهي مستسلمة له ..

 

ثم يرتفع عنها قليلا بصوت شبيه للهمس : متقوليش تسلية ..

هالة تلتفت له وبنظرة اثارة : أمال اقول ايه ؟!

دونغ هاي بغمزة وابتسامة ذات مغزى : معجب .. احنا الاتنين معجبين ببعض ومتقدريش تنكري ده ابداً .. (يلعب في خصل شعرها بخفة) .. يبقى فيها ايه ؟؟ لو الاعجاب ده اتحول لحاجة اكتر متعة واثارة ..

هالة تقربله بدلال اكتر تمسك طرف قميصه وتعض شفتها السفلى بغنج : مفيهاش .. بس خطيب______

دونغ هاي يحط صباعه على شفاهها برقة ويبصلها بلهفة : سيبك منها دلوقتي خلينا في اللي احنا فيه ..

 

قرب منها عشان يكمل اللي بدأوا فيه .. لكن هي فلتت من بين ايديه بسرعة بضحكة غنج ..

 

دونغ هاي بزهق : ده اسمه ايه ده بقه ؟!

هالة بتلم حاجتها بدلال : حد يشوفنا .. ولا ناسي هنا عيادتك .. هنتقبل مرة تانية ..

دونغ هاي بسخرية : هاهاهاها .. آآآآآه .. عارفها المرة التانية دي .. في الاحلام ..

هالة ابتسمت بحب وراحت عنده تراضيه : مش بتهرب منك والله .. لكن عادي يعني  معاك نمرتي ومعايا نمرتك .. نتكلم في اي وقت ونحدد معاد .. لأن أنا بجد دلوقتي لازم اروح السنتر بتاعي ..

دونغ هاي ابتسملها بخفة : لو على كده مش مشكلة .. انا هكلمك بالليل ونتقابل .. ولا مشغولة كمان ؟..

هالة بلؤم تعض على شفاهها : انت مستعجل اوي كده ليه ؟؟ (تمسك شنطتها) عموما ي روحي أنا موافقة وبالليل معنديش حاجة .. بس ارجوك مش عايزة اي مشاكل مع خطيبتك ..

دونغ هاي براحة يقرب منها ويمسك ايدها يقبلها برقة : متقلقيش من حاجة يا حياتي .. هي بالليل ملهاش اي علاقة بيا .. بتروح تنام بدري الجو ده .. يعني كله هيبقى تمام التمام ..

 

هالة تبتسم له بحب وهي بقت واقعة فيه على الآخر لكنها عارفة انه كله تسلية .. ومن ناحيته هي بالنسبة ليه زي البنات اللي بيتسلى معاهم دايما برضاهم ..

اتبادلوا نظرات مليانة شوق ولهفة واثارة .. ومش قادرين يستنوا الليل ده لحد ما ييجي ..

وفي النهاية مشيت هالة وبقى دونغ هاي بيخلص شغله بسرعة عشان يحضر لسهرته الخاصة الليلة دي ..

 

في المدرسة ..

 

يوري بلخبطة : أنا مش فاهمة يا ندوش .. ايه اللي هنعمله ده , وهنعمله ليه ؟؟

ندى بنفاذ صبر : انا هرسيكم على الحوار عشان تفهموا .. (ميري و يوري يومئوا (آه)) .. جي يون دي عايزة تدمر حياتي وخلاص وهي شغالة تقنع خالي ان انا مريضة نفسية لأني مش بكلم غير الولاد ..

ميري بغيرة : وهي قالت حاجة غلط .. ما انتي كده  فعلا ..

ندى بتزعق : ما انا حفيت وراكم عشان واحدة من البنات تصاحبني لحد ما خلاص زهقت منكم فملقتش غير الولاد اتكلم معاهم , ولا امشي في المدرسة طول النهار اكلم نفسي ؟!

يوري تضم شفاهها بحركة كيوت تعبر عن الفهم : امممم .. وجهة نظر بردو ..

ندى بقلة حيلة : خليكي معايا بقى .. المهم عشان كده لازم أنا اتغدا بيها قبل ما هي تتعشا بيا .. وعشان كده انتي هتتصلي بخالي على انك مدرسة هنا في المدرسة وتقولي ليه انك بتكلميه بالنيابة عن المدرسة جي يون عشان تقترحي عليه دكتور نفسي لندى وباقي الكلام اللي فهمتك عليه ..

يوري بفهم مع ابتسامة لئيمة : اهاا .. انا فهمت كل حاجة دلوقتي .. دماغك دي سم ..

 

ندى تبتسم بثقة ..

 

ميري بغباء : سؤال بس .. هو مش خطيب جي يون بردو دكتور نفسي .. ليه يا ندى متروحيش عنده هو وتحرقي دمها ؟؟!

 

ندى تنفخ بقوة من غباء ميري .. ويوري تضربها على راسها ..

 

ميري تحك راسها : ايييش .. فيه ايه لكل ده ؟؟ ده مجرد اقتراح ..

يوري بزهق : ودي هي الخطة في الاصل .. يا غبية الاغبياء ..

ميري ببلاهة : آآآآآه .. فهمتكم .. انتي بجد مش سهلة يا نودي ..

ندى بابتسامة لؤم ونصر : طبعاً .. وهو ده انتقامي منها .. عشان متفكرش تلعب معايا مرة تانية .. تشه ..

 

 

 

مع تحيات

 

~~ORSHY~~