دونجهي : هتيجي علشان دي
سيون وهو ينهض : دي ...
فلاش باك
دونجهي : احيانا الانسان بيتخير بين حاجتين .. الحاجتين لو اختارهم
هيتألم .. فبيختار الالم الاقل اللي مش هيكسر ضهره
نيرة : يعني انا كنت بالنسبه له وجع ؟؟ ( قاطعها رنين هاتفها )
ايه ؟؟ بابا ماله ؟؟ اهدي مش فاهمة منك حاجه .. طب انا جايه .. جايه
خلاص اهدي
نيرة بفزع : مش عارفه .. مش عارفه
ومن ثم وقعت من حقيبتها ساعة يد .. تبدو قديمة .. لم تنتبه لها وركضت
وبعد ان اختفت التقطها دونجهي
*****
بعد ان اخذ سيون الساعه من دونجهي اخذ يمرر سبابته عليها واغرورقت
عيناه بالدموع ومن ثم قال : دي الحاجة الوحيدة اللي اتبقت لـ نيرة من امها ..
دونجهي وهو يضع قدم على الاخرى : ما ده الغريب
سيون : تقصد ايه ؟؟
دونجهي : انت ايه اللي عرفك ان دي كانت لـ ام نيرة ؟؟
سيون : هي قالت كده
دونجهي : الساعه اللي قدامك دي من الدهب الخالص .. والفصوص اللي فيها
الماس .. من اغلى انواع الالماس يعني الساعة دي دلوقتي ماتجيبش اقل من 150 الف
جنيه مثلا .. ده على اقل تقدير ... وعلى فكره النوع ده من الالماس كان من 20 سنه
بس نادر جدا .. وماحدش يقدر يشتريه غير اللي بيقولوا عليهم قاعدين على بنك ..
تفتكر حد بمستوى عيلة نيرة المادي يقدر يشتري ساعة زي دي ؟؟
******
في منزل نيرة
مايا : يعني خلاص ؟؟ بابا بقى تحت التراب ومش هشوفه تاني ؟؟
نظرت لها نيرة بلامبالاه ومن ثم جلست ارضا وضمت قدميها لصدرها
مايا : ماتردي عليا ؟؟
نيرة بصوت مبحوح : انتي شايفه ايه ؟؟
مايا : انا بسالك لانني مش عارفه !
نيرة : لا انتي عارفة كويس .. بس بتكدبي نفسك ومن ثم نهضت نيرة واخذت
مايا من يدها وتوجهت الى غرفة والدهم واكملت : هو فين ؟؟ تقدري تقوليلي هو فين ؟؟
مايا : مش عارفه
نيرة : لحد امتى هتفضلي تنكري وتكدبي نفسك بغباء ؟؟ مستنيه ايه تاني
؟؟
مايا : مش فاهمه ؟؟
نيرة : خلاص
مايا : يعني احنا مش هنشوف بابا تاني ؟؟
نيرة بحدة : لاء مش هنشوفه
انفجرت مايا ف البكاء وذهبت الى غرفتهم واغلقت الباب خلفها .. وسقطت
نيرة على الارض وضمت قدميها الى صدرها مجددا واخذت تبكي وترتجف وتضرب على الارض في
غيظ
******
دونجهي وهو يسند سيون : ايوا خش يمين .. الاوضة يمينك .. لاء ده
الحمام .. يا حزني لالا مش هنا دي البلكونه .. ايوا ايوا شاطر شاااااطر يلا افضلي
ماشي علطول
سيون : نيرة
دونجهي : مالها ؟؟
سيون : عايز اروح لها
دونجهي : وبعدين باااااه في وجع القلب اللي انت عاملهولي ده
سيون وهو يبكي : انا غلطت
دونجهي وهو يساعد سيون على الاستلقاء : لاء انت ماغلطتش .. انت انقذتنا
كلنا
******
بعد ان هندمت نفسها واضائت الشموع نظرت الى الساعة فوجدتها تشير الى
الواحده بعد منتصف الليل .. اخذت نفس عميق ومن ثم التقطت هاتفها وضغطت على اسم *
سيون *
******
دونجهي : احيه يا سيون رحت ف داهيه رحت ف داهيه ريم بتتصل اقولها ايه
فتح سيون عيناه والتقط هاتفه ومن ثم رماه ارضا
دونجهي : جتك وكسه .. هرد عليها انا التقط الهاتف من على الارض ومن ثم
اجابها : الو .. اهلا يا ريم ازيك .. ماتتخضيش كده .. سيون عندي اه هيبات هنا
الليلة دي اصله تعبان شويه .. ماتتخضيش كده .. لا الموضوع مايستحقش انك تيجي .. مع
السلا.. ومن ثم اغلقت الخط بوجهه
دونجهي : جتك وكسه انتي كمان
******
الثالثة صباحا
استيقظ سيون بفزع .. واخذ صدره يعلو ويهبط بسرعه كانه كان يجري ..
التقط معطفه واتجه الى الباب .. وقف امامه دونجهي وقال : رايح فين ؟؟
سيون : رايح اشوف نيرة
دونجهي : فجاه كده ؟؟
سيون : مش قادر .. مش قادر !!
دونجهي : مش قادر ايه ؟؟ هتروح تقول لها ايه ؟؟
سيون : مش عارف
نظر له دونجهي بغيظ ومن ثم لكمه وقال : انت ليه فعلا مصر تضيعنا كلنا
؟؟ مش انت بس .. فوق باه
******
في اليوم التالي
رن هاتفها باسم دونجهي .. فالتقطته بإرهاق .. بعد ليلة طويلة لم تحرك
ساكنا بها وظلت على جلستها وفكرت لوهلة .. هل تجيب ام لا .. ولكنها اجابت بالخطأ
فسبت نفسها وبعد ذلك رفعت الهاتف لأذنها
دونجهي : الو .. نيرة ؟؟ اخيرا .. الو ؟
نيرة : ازيك يا دونجهي
دونجهي : مال صوتك ؟؟
نيرة : مانمتش بس .. بابا مات
دونجهي : البقاء لله .. حصل امتى ده ؟؟
نيرة : يوم ما اتقابلنا
دونجهي : شدي حيلك
نيرة : شكرا
دونجهي : احم ..
نيرة : فيه حاجه ؟؟
دونجهي : اه .. انتي كنتي وقعت منك ساعه كده .. لما كنتي هنا
نيرة : خليك معايا لحظه كده .. ومن ثم نهضت واخذت تبحث عنها في
حقيبتها وعادت له قائله : ماخدتش بالي والله
دونجهي : طب هتيجي تاخديها ؟؟
نيرة : اه ان شاء الله
دونجهي : امتى
نيرة : مش هعرف دلوقتي علشان الظروف د.. ( قاطعها صوت طرق على باب
منزلهم )
دونجهي : ايه ؟؟
نيرة : طب معلش انا هقفل معاك دلوقتي وهكلمك قبل ما اجي اخدها
دونجهي : ماشي ..
******
خرجت مايا من غرفتها على صوت طرق الباب الشديد ووقفت جنب نيرة وقالت
وهي تفرك عيناها : هو فيه ايه ؟؟
نيرة : مش عارفه .. بس اظن ان ده صوت صاحب البيت
مايا : عاوز ايه ده كمان ؟؟
نيرة : مش عارفة .. تعالى نشوف فيه ايه
بعد ان فتحت الباب نظر لها صاحب المنزل بإشمئزاز مختلط بغضب وقال لها
: لو كنت بخبط على ميتين كان زمانهم فتحوا !!
نيرة : معلش يا عم لطفي .. فيه حاجه ؟؟
صاحب المنزل : اه ياختي .. قدامكوا بالظبط 6 ساعات وتسيبوا البيت يا
حبيبتي انا جالي مشتري اجنبي وبيحب البيوت القديمه وبالصلاه عالنبي كده هيدفع لي
كتير اوي وانا قلتله يستنى شويه علشان المرحوم ابوكوا كان لسه ميت .. لكن دلوقتي
هنستنى ايه ؟؟
مايا : بس احنا ماعندناش مكان نروح فيه
صاحب المنزل : وانا مالي ياختي .. انا اهم حاجه عندي ان البيت يكون
فاضي النهارده
نيرة : بس ..
صاحب المنزل بحدة : لا بس ولا مابسش .. لو ماسيبتوش البيت قبل 6 هطلب
لكوا البوليس
نيرة : بوليس ايه .. خلاص .. هنمشي
صاحب المنزل : قبل 6
نيرة : ماشي
ومن ثم دخلت واغلقت الباب خلفها واخذت تنظر للشقة .. ومن ثم تنظر
لمايا لمصدومة .. ببلاهة .. ثم قالت بغصة : خدي الحاجات المهمه بس .. وبسرعه
مايا : هنروح فين ؟؟
نيرة : مش عارفه !! أي حتة .. المهم نمشي من هنا وبسرعة .. انتي
ماسمعتيهوش قال ايه !!
في المساء
مايا : احنا بقالنا 4 ساعات .. 4 ساعات كاملين بنلف من غير هدف ..
هنعمل ايه ؟؟ وبعدين انا بردت اوي .. وكمان جعانه ماتيجي نرجع نتحايل على عم لطفي
يسيبنا يومين كمان ؟
نيرة : انا عندي مكان كويس
مايا : فين ؟؟
******
البارت النهاردة قصير شوية معلش .. ان شاء الله البارت الجاي هيكون اطول .. لو ليكم اي ملاحظه على البارت ياريت تسيبوهالي ف الكومنتات واتمنى انكوا تكونوا استمتعتوا بالقراءة
ليست هناك تعليقات:
إرسال تعليق