Chapter 11
ظهرت قدامى
فجأة..حاولت أفرمل بسرعة,كنت قريب أوى منها...
خبطتها؟؟خبطتها ولا لأ؟؟لالالا أنا بجد مش عارف ليه حظى كدة..
نزلت بسرعة من العربية عشان أشوف أيه اللى جرالها...نسيت حتى السبب
اللى خلانى أمشى من الطريق ده...كانت فاقدة الوعى,بس لسة
بتتنفس...بصيت حواليا بخوف و أعدت أدور على أى شخص ممكن يكون
يعرفها,بس ملقتش حد..كانت كل النظرات موجهة علينا,حسيت انى فى
مشكلة كبيرة..شيلتها بسرعة و روحت بيها لأقرب مستشفى,دخلوها
الطوارئ و أنا أستنيتها برا...وبعدها الدكتور طلع من عندها...وقفت
بسرعة....
"هى عاملة أيه دلوقتى؟؟؟جرالها حاجة؟!!"
الدكتور:"متقلقش...مفيش أى جروح واضح انها فقدت الوعى من الصدمة بس لكن مجرلهاش أى حاجة...تقدر تدخل تشوفها..هى بدأت تفوق..وكمان ممكن تخرج فى أى وقت"
اتنفست براحة و انحنيت:"أووووه كمساميدا"
دخلت عندها بسرعة عشان أتطمن عليها...أتفاجأت لما شوفتها نايمة على
السرير,ملاحظتش شكلها قبل كدة بسبب الصدمة..واضح انها مش
كورية......
فاقت و بصت حواليها بخوف:"أنا فين؟؟؟وأيه اللى جابنى هنا؟؟"
رديت عليها عشان أطمنها:"أنتى فى المستشفى..واللى جابك هنا أنك ظهرتى
فجأة قدامى على الطريق و افتكرت انى خبتطك...بس متقلقيش محصلكيش
حاجة..انتى اغم عليكى من الصدمة بس"
بصتلى بتعجب:"اوووه...أنا فاكرة حاجة زى كدة"
"أنا أسف أنى كنت السبب فى إنك تيجى هنا"
ردت عليا:"أنياااا..أنا كمان كنت غلطانة لأنى عديت الشارع من غير ما أخد
بالى من العربيات"
مديتلها أيدى:"أنا شيون"
بادلتنى التحية:"وأنا مروة..أتشرفت بمعرفتك"
"الشرف ليا...أنا هخلص أجراءات الخروج و هوصلك أى مكان أنتى
عايزاه"
مروة:"مفيش داعى"
"طيب ممكن تدينى رقم حد تعرفيه..هكلمهم أقولهم على مكانك عشان
ميقلقوش عليكى"
نظرتها اصبحت حزينة مرة واحدة:"لا مش لازم...هى أصلا مش هتهتم
باللى حصللى"
استغربت من كلامها و استئذنت منها عشان أخلص أجراءات الخروج...ولما
خرجت أفتكرت أنا كنت رايح ليه ناحية بيت ديما..
Flash back…..
خلصنا الاجتماع و روحت على مكتبى...ويونا جت ورايا....
يونا:"أوباا أنا مبسوطة أوى أننا هنعمل اعلان مع بعض"
"اووووه-كان نظرى موجه لبرا المكتب من خلال الازاز وفى اللحظة ديه شوفت ندى واخدة شنتطها و خارجة من الشرك-يوناا بيانيه
لكن أنا لازم أمشى دلوقتى...أنيووو"
أخدت موبايلى و مفاتيح العربية و روحت ورا ندى...كان لازم أتكلم معاها وأفهم هى بتعمل كدة ليه,بس ملحقتهاش...ركبت عربيتى و
روحت وراها وقفت فى اشارة عطلتنى بعدها زودت السرعة وروحت فى الطريق اللى مشيت فيه...عرفت انها رايحة عند ديما...بس
لما قربت من بيت ديما ظهرت أدامى مروة و دوست على الفرامل بسرعة......
Now…..
رجعت لمروة..لقيتها قاعدة على السرير و مستنيانى....
"أنا خلصت كل حاجة..تقدرى تخرجى دلوقتى"
مروة:"بيانيه..تعبتك معايا"
"أنياااا..أنا اللى المفروض أعتذر عن اللى حصل"
وبعدها خرجنا من المستشفى و وصلتها للبيت..وكنا بنتكلم و احنا فى
الطريق.....
*************************************
يمكن مكنش المفروض أجى هنا من الأول...بس واضح ان المشاكل بدأت و أتخانقوا مع بعض...
"أنتى مش قولتيلى مش هتتخانقوا و مفيش حاجة هتحصل؟!!!"
حسيت ان ديما انفعلت اوى من كلامى....
ديما:"وأنا أعمل أيه؟؟ماهى اللى جاية و بانية أحلامها الوردية عن
أختها...وفكرانى نسيت كل اللى فات"
"ديما..أرجوكى أهدى شوية...تقدرى تفهمينى هتكملى معاها أزاى و أنتوا
بتتخانقوا بالشكل ده؟؟"
ديما:"لو مش عاجبها ترجع لأمها و أبوها...أو حتى تسيبنى وتشوفلها مكان
تانى تقعد فيه"
حسيت ان مفيش أمل من الكلام معاها فى الموضوع ده..يمكن حتى انى
بضغط عليها أكتر وهى مش ناقصة كفاية مشاكلها..وقررت أنى أمشى على
البيت,على الأقل عشان ميكونش فى أحراج بينها و بين أختها وأنا
موجودة...مع أنى عارفة أن ده مش هيفرق أوى مع ديما..بس ممكن يضايق
مروة...ااااااااششش لو كان بأيدى بس أنى أقدر أظبط الوضع ده..........
"على العموم هدى نفسك,مفيش حاجة تستاهل ده كله...يلا أنا هروح دلوقتى
هبقى أكلمك عشان اتطمن عليكى"
ديما:"ماتخليكى قاعدة معايا شوية"
"تعبانة جدا و عايزة انام...أنتى عارفة أنى منمتش من أمبارح...يلا أنيووو"
ديما:"أنيوووووو"
خرجت من بيت ديما و بصيت يمين و شمال قبل ما أركب العربية يمكن
ألمح مروة و أجرب أكلمها...بس مكنش فى أى أثر ليها...فركبت عربيتى و روحت على البيت......
كنت تعبانة جدا و بفكر فى النوم و بس...وأخيرا وصلت على البيت.....
فتحت الباب,كان دونجهى بس اللى موجود....
"أنيوووو...أزيك أوبا؟؟"
دونجهى:"كنتشانا..وأنتى أزيك؟؟شكلك تعبان أوى"
"أممم....منمتش من امبارح...هدخل أنام دلوقتى"
دونجهى:"أوووووه...أحلام سعيدة"
دخلت الأوضة و لبست البيجامة بالعافية و رميت نفسى على السرير و
روحت فى ساااااابع نومة....مصحتش غير بعدها بساعات....خرجت من
الاوضة كانوا هم الاتنين قاعدين برا...حاولت اتجنب شيون على قد ما
أقدر...دخلت المطبخ و عملت لنفسى قهوة...كان دونجهى قاعد قدامى بس
بيبص فى الورق اللى أدامه وكأنه مش ملاحظنى تماما...وشيون قاعد أدام
التليفزيون.....
"أنتوا أتغديتوا أوبا؟؟؟"
بصلى ورد بهدوء:"ديييه...طلبنا بيتزا..وأنتى أكلتى؟!!"
"أنيااا...مش جعانة"
دونجهى:"أكلتى أيه الصبح؟؟؟"
"مأكلتش حاجة من امبارح"
دونجهى:"بوووووه؟؟؟الساعة داخلة على 9 بالليل وأنتى مأكلتيش من
أمبارح؟!!"
"مش مهم أوباا..مليش نفس...وكمان مش قدرة أعمل حاجة"
دونجهى:"خلاص أنا هعمللك الأكل..أنا صحيح مش بعرف أعمل حاجة غير
رامين بس أحسن من مفيش..صح؟!!"
"ههههههههه...دييييه"
جيه و وقف جنبى وبدأ يعمللى الرامين و أنا واقفة وماسكة فنجان القهوة فى
أيدى...وفاجأة أخده منى...
دونجهى:"هاتى ده...كدة مش هتعرفى تاكلى"
خلص الرامين وقعد أدامى يبص عليا وأنا باكله...
************************************
ندى:"بتبصلى كدة ليه؟؟"
رديت:"أنيااا مفيش...أنا بس عايز أشوفك وأنتى بتاكلى كيسين الرامين دول
لوحدك...واضح أنك جعانة أوى"
ندى:"ههههههه...متخفش,هخلصهم بس عشان أنت اللى عملتهم"
كنت مبسوط بكلامها..ومبسوط انى عملتها حاجة بأيدى وعجبتها..ومبسوط
بقعدتنا وضحكنا مع بعض..وحسيت ان فعلا كلام ايونهيوك وديما صح..مش
معنى انهم راحوا حفلة مع بعض يكونوا بيتواعدوا..ودلوقتى هم الاتنين
قاعدين مع بعض وكل واحد فيهم مبيكلمش التانى كلمة......وفى الوقت ده
صوتها قطع تفكيرى
ندى:"أوباا..أيه رأيك نخلى خروجة الملاهى تكون يوم الحد؟؟كلنا عندنا
أجازة فى اليوم ده صح؟؟"
"اممم..فكرة حلوة..أنا معنديش تدريب فى اليوم ده...بس خلينا نسأل ديما فى الأول"
ندى:"عندك حق..خلينا نكلمها دلوقتى..ماشى؟!!"
"أراسوو"
اتصلت بديما وفتحت مكبر الصوت...
ندى:"دمدوم...وحشانى موت"
ديما:"أحنا هننصب على بعض؟؟ما احنا كنا لسة مع بعض"
ندى:"ههههههه...ديييه عندك حق..وبدام بتتكلمى كدة يبقى واضح ان
مزاجك اتحسن شوية..دونجهى جنبى وأحنا الاتنين قولنا نروح الملاهى يوم
الحد عشان أجازة...أيه رأيك؟؟أنتى فاضية يومها؟!!"
ديما:"أووووه...فاضية..خلينا نروح,أنا عايزة أخرج بأى طريقة"
"حلووو...كدة أتفقنا احنا التلاتة"
ديما:"أوووه..أوبا أزيك؟!!"
"نا كنتشانا؟!!وأنتى؟!!
ديما:"ماشى الحال"
ندى:"خلونا بكرة بقى نجهز للرحلة...نعمل أكل عشان ناخده معانا و نجهز
العصير و الحلويات"
"ههههههههه...يا سلام لو تشوفى نفسك..عينك بقت تلمع أول ما جبتى سيرة الحلويات"
ديما:"ههههههههههه متخيلة شكلها من غير ما أكون معاكوا"
ندى ببوز:"بوياااا...أنتوا هتتسلوا عليا ولا أيه؟؟خلاص..وأنا هقفل السكة فى الاخر ده موبايلى أنا"
ديما:"خلاص خلاص متزعليش..هنجهز الحاجات أزاى وأمتى؟؟تحبوا نتقابل ولا كل واحد هيجهز حاجة؟!!"
ندى:"خلونا نتقابل بكرة بعد الشغل...على الساعة 6 فى الكافيه القريب من
بيت ديما كويس؟؟"
رديت:"أنا بالنسبالى كويس"
ديما:"وأنا كمان..خلاص هقابلكوا الساعة 6 هناك"
ندى:"أراسوووو...يلا أنيوووووو"
ديما:"أنيوووووو"
قفلت الموبايل و حطيته فى جيبها و كملت أكل.....
ندى:"أنا عندي فكرة حلوة...انا بكرة هعدى عليكوا فى الشركة و نعمل لديما
مفاجأة و نروح مع بعض"
"بس ديما عندها بكرة شغل؟؟هى سعات بتيجى و سعات لأ"
ندى:"امممم...خلاص هشوف و هبقى أكلمك"
"أراسووو..كدة هيكون حلو"
ندى:"اه صحيح أوبا...أنت ليك خبرة فى مجال الفن و الاعلانات...فى
الشركة عايزينى أكون موديل لأعلانات الشركة..تقدر تنصحنى؟؟"
"أكيد فى حاجات لازم تاخدى بالك منها...بس أعتقد ديما ممكن تفيدك أكتر
منى لأنها أشتغلت عمليا فى المجال ده"
ندى بإبتسامة:"خلاص..بكرة انتوا الاتنين تعلمونى مع بعض"
"أوكى....زى ما تحبى^^"
مكنتش عارف أوصف أحساسى فى الوقت ده...وأخيرا الحظ
بيبتسملى...بنقرب من بعض أكتر,هنخرج مع بعض و كمان عايزة
مساعدتى فى شغلها.........وبعد شوية فوقت لنفسى و رجعت تانى للورق
اللى فى أيدى......
و بعد ساعتين تقريبا كنا دخلنا أحنا التلاتة ننام...مش عارف ليه حاسس إن
فى حاجة غريبة بين ندى و شيون..هم الاتنين متكلموش مع بعض كلمة
النهاردة...يمكن فى مشاكل فى الشغل..بس أكتر حاجة كانت مفرحانى و أنا
بفكر فيها ان علاقتى مع ندى هتكون أحسن من هنا و رايح..أنا لازم اشتغل
على كدة.......
*******************************************
قعدت أستنيت مروة بعد ما ندى مشيت....يا ترى راحت فين؟!!
ااااااششش و أنا مالى؟!!ماتعمل اللى هى عايزاه!!
وفى الوقت ده لقيتها داخلة من الباب...متكلمتش ولا كلمة و طلعت على
أوضتها..عملت الغدا وأكلت وبعدها قعدت أتفرج على التليفزيون و مروة
مخرجتش من أوضتها....واضح انها فهمت كلامى...كدة أحسن محدش فينا
ليه دعوة بالتانى.....
قاومت النوم عشان انام بدرى النهاردة....دخلت أنام على الساعة 9:30 بس
موبايلى صحانى....كانت ندى اللى بتتصل و أتفقنا على الخروجة و كل
حاجة.....كنت مبسوطة أنى كلمت دونجهى كمان,وبكرة و بعده هنكون مع
بعض عشان نحضر لخروجة الملاهى.......
نمت و الابتسامة على وشى...بقالى كتير محستش بالاحساس ده....
صحيت الصبح بدرى و روحت على الجامعة...مكنش عندي شغل فى
الشركة النهاردة بما أنهم مكلمونيش و قالولى على معاد تصوير
الاعلانات........
خلصت محضراتى...مسكت موبايلى عشان أأكد على ندى معادنا بس لقيت
رقم المدير جونج اتصل بيا فأتصلت بيه بسرعة....
"يوباسيو...أوووه سزانيم..دلوقتى؟؟أراسووو...لأ مش ورايا حاجة...ديييييه
هكون هناك فى المعاد"
روحت على الشركة بسرعة,,دوست على زرار الاسانسير و استنيت لغاية
ما وصل...كان جانغ جيون سوك شى نازل منه...
جيون سوك:"أوووه..ديما شى أزيك؟؟"
"أوه جانغ شى...نا كنتشانا..وأنت؟!!"
جيون سوك:"أنا كويس بما أنى شوفتك"
ابتسمت بخجل:"كمساميدا...ده من زوقك"
جيون سوك:"بصراحة أنا كنت عايز أشكرك على المجهود اللى عملتيه فى
تصوير الMV بتاعى...كوماوا"
"أنيااا...وكمان أنا مبسوطة جدا ان اتوفرتلى فرصة زى ديه مع أيدول
محبوب زيك"
جيون سوك:"كمساميدا...بصراحة أنا كان عندي طلب صغير..ممكن تقبلى
عزومتى على الغدا؟!!"
"أوووه كان نفسى..بس للأسف عندي معاد النهاردة مع صحابى"
جيون سوك:"اممم..معنى كدة بنأجلها ليوم تانى..ومش هقبل أى أعتذار"
"ههههه...أكيد..أنا مضطرة أمشى دلوقتى..سعيدة انى قابلتك"
جيون سوك:"وأنا كمان..أنيوووو"
طلعت على مكتب المدير جونغ كان جين هو هناك...فعرفت ان الموضوع
ليه علاقة بالاعلان,بس دونجهى كان لسة موصلش..
وفى الوقت ده لقيناه داخل....
دونجهى:"بيانيه على التأخير...بس التدريب لسة خلصان دلوقتى"
المدير جونج:"أحنا لسة مبدأناش..يلا أقعد...دلوقتى الشركة أتفقت مع
الشركة اللى عايزة تعمل الإعلان و كل حاجة بقت تمام...وأنا جمعتكوا
دلوقتى عشان نتفق مع بعض على الجدول و المواعيد...أحنا هنبدأ فى
الإعلانات من يوم التلات الجاى و الورق اللى قدامكوا هتلاقوا فيه
التفاصيل"
فتحنا الفايلات اللى قدامنا و بصينا فيها......
جين هو:"جانغ جيون سوك؟!!"
المدير جونج:"اه..الشركة حطت ضمن بنود العقد ان يكون فى الاعلان
أيدول مشهور...بس أنتوا كمان هيكون ليكوا دور كبير فى الاعلان ده"
اتفاجأت لما سمعت كلام المدير جونج..بس جانغ شى شخص لطيف و الشغل
معاه مريح...معتقدش ان الموضوع هيكون صعب.....
خلصنا الجتماع و خرجنا من غرفة المدير جونج.....
جين هو:"أنا هستأذن منكوا لأن التدريب بتاعى هيبدأ كمان شوية"
رديت أنا و دونجهى:"أراسووو...أنيوووو"
"وأنت عندك تدريب تانى؟!!"
دونجهى:"لأ أنا كدة خلصت...وأنتى؟!!"
"وأنا كمان مش ورايا حاجة...هنعمل أيه دلوقتى؟!!الساعة لسة 4 يعنى
فاضل ساعتين على معادنا"
دونجهى:"خلينى أعزمك على قهوة و نكلم ندى نشوفها لو هى كمان خلصت
بدرى"
رديت بإبتسامة:"أراسوووو"
نزلنا كافيتريا الشركة و طلبنا أتنين قهوة و دونجهى كلم ندى....
دونجهى:"يوباسيووو...أووه ندى...أنا و ديما خلصنا شغلنا أنتى قدامك أد
أيه؟!!....أوه أراسوو خلاص زى ما أتفقنا...دييييه أنيوو"
"قالتلك أيه؟؟"
دونجهى:"قالت لسة قدامها شوية حاجات"
وقعدنا نتكلم مع بعض شوية فى الشغل و شوية فى اللى هنعمله النهاردة و
شوية فى خروجة بكرة........
**********************************
كنت طول اليوم بفكر فى الكلام اللى هى و دونجهى كانوا بيقلوه
امبارح...هيروحوا الملاهى مع ديما..أتضايقت جدا بسبب الموضوع ده..بس فكرت أعتقد ان ندى بتحاول تقرب بينهم عشان اللى حصل بينهم قبل كدة...أتجاهلت الموضوع,أعتقد من الأفضل أنى أفكر أزاى نرجع زى
الأول..على الأقل دلوقتى....
دخلت مكتبها بالراحة...كانت بتتكلم فى التليفون و بتبص من
الشباك...خلصت التليفون و لسة مديانى ضهرها...
ندى:"هيهيهيهيهييي...كدة أحسن ليهم لما أسيبهم يقضوا وقت مع
بعض...بس أنا أروح فين دلوقتى؟!!أنا مش ورايا حاجة أعملها"
"أنتى بتكلمى نفسك؟!!"
ندى:"ياااااااااا...خضيتنى,وبعدين أيه اللى جابك هنا؟؟"
"يعنى أيه أيه اللى جابنى هنا؟؟ما أنا بشتغل هنا زيى زيك"
ندى:"أصدى أيه اللى دخلك مكتبى؟!!"
"كنت عايز أتكلم معاكى"
"نتكلم فى أيه؟؟فى حاجة فى الشغل؟!!"
شيون:"لأ..فى موضوع تانى...."
قطعت كلامه:"أنا مش فاضية دلوقتى...ومعتقدش فى حاجة مهمة ممكن نتكلم فيها"
حسيت ان ده مش الوقت المناسب عشان نتكلم فى المشكلة اللى بينا..لأن من
الواضح انها هتصدنى و مش هتدينى فرصة أشرحلها أى حاجة...فحاولت
أغير الموضوع....
شيون:"أنا كنت عايز أسئلك عن مروة"
أتصدمت أول ما سمعت أسمها..أكيد متوقعتش أنى أجيب سيرتها و هى
مكلمتنيش عنها قبل كدة...
ندى:"مروة؟؟وأنت عرفت مروة منين؟!!"
وطبعا انتهزت الفرصة عشان أقضى معاها اطول وقت ممكن...
"خلينا نقعد و نشرب حاجة وأنا هقولك"
وطبعا كان واضح الفضول على وشها و انها مش هتقدر ترفض...
طلبنا قهوة و قعدنا نتكلم.....
ندى:"قوللى بقى...عرفت مروة منين؟!!"
"أنتى مستعجلة كدة ليه؟؟خلينا نشرب القهوة فى الاول"
ندى:"شيوووون...أنت ممكن تشرب القهوة فى مكتبك...يلا قول"
"طيب خلاص...بصراحة أمبارح كنت جاى وراكى على بيت ديما عشان
نتكلم..و فاجأة مروة طلعت أدامى على الطريق و فرملت بسرعة بس هى
فقدت الوعى"
اتخضيت من الكلام اللى إنا قولته و بدأت تتكلم بسرعة...لاحظت انها بتتكلم
بالطريقة ديه على طول لما تكون متوترة....
ندى:"بوووووووووه؟؟؟طب هى فين؟؟حصللها حاجة؟؟؟"
شيون:"أهدى بس شوية..متخافيش محصللهاش حاجة,أخدتها المستشفى و
الدكتور قال انه اغم عليها بسبب الخوف مش بسبب الخبطة..هى خرجت
امبارح و مفيهاش اى حاجة...بس تليفونها وقع فى عربيتى امبارح و أنا
بوصلها...وكمان قالتلى حاجة أستغربت منها"
ندى:"قالتلك أيه؟؟؟"
فى الليلة الماضية.......
كنا راكبين العربية مع بعض و فاجأة أفتكرت اللى هى قالته فى المستشفى.....
"معلش بس ممكن أسئلك على حاجة؟؟"
مروة:"أكيد أتفضل"
"وأحنا فى المستشفى لما سألتك عن نمرة تليفون حد تعرفيه عشان أكلمه..قولتى هى أصلا مش هتهتم...مين ديه؟!!ممكن يكون مش من
حقى أسئل بس..."
مروة:"اللى أتكلمت عنها ديه تبقى أختى..أحنا مش مقربين من بعض,أصلا الموضوع يضحك من القهر..تعرف ان النهاردة أول يوم ليا
فى كوريا؟؟وهى مهتمتش حتى تجيبنى من المطار"
"بيانيه لو كنت ضايقتك"
مروة:"أنياااا..ديه مش أول مرة تعمل كدة معايا..أحنا طول عمرنا كدة,هى مش بتعتبرنى أختها أصلا....أووه أحنا وصلنا,أنا ساكنة
هنا؟!!"
أتصدمت لما لقيته نفس البيت....
"هى ديما تبقى أختك؟؟؟؟؟؟"
مروة:"عرفت منين؟!!أنت تعرفها؟؟"
"اه..نعرف بعض,معنى كدة اننا هنشوف بعض كتير"
مروة:"أووووه...كمساميدا على توصيلى..أنيووو"
الان
"فهمينى بقى..أيه اللى حصل بينهم عشان يبقوا كدة؟؟؟"
ندى:"معتقدش ان ديه حاجة تخصنى عشان أتكلم فيها...هات موبايلها و أنا
هوصلهولها"
وفى اللحظة ديه حسيت ان فرصتى جت...كنت عايز أعرف هتتضايق ولا
لأ.....
"أنيااااا...مش لازم أنا هدهولها بنفسى"
ندى:"ما انا هشوفها"
"أنا كنت عايز أقابلها تانى عشان أتطمن عليها"
ندى:"اممممممم...أراسووو زى ماتحب"
أعتقد انها اتضايقت...ولا مضايقتش؟؟أنا مش عارف هى بتفكر أزاى..من
ساعت الحفلة وانا نفسى أخدها فى حضنى و أقولها أنى بحبها..بس معرفش
أيه اللى خلى الأمور توصل لحد كدة.....
ندى:"أنا همشى دلوقتى...ورايا مشوار مهم..يلا أشوفك فى البيت...وحاجة
كمان أنا و دونجهى هنتعشى برا,عشان متضايقش أننا مقولناش"
كان الدم بيغلى فى عروقى..بس طبعا معرفتش أتكلم....
"طيب ممكن تدينى نمرة بيت ديما؟!!..عشان أكلم مروة قبل ما أروح أديلها
التليفون"
ندى:"أمممم...أكيد"
أدتنى النمرة وأخدت شنتطها ومشيت,مشيت بعدها بعد ما حاولت أروق
أعصابى عشان ميبنش عليا حاجة..وأنا فى السكة كلمت مروة..............
***********************************
صحيت الصبح وأنا حاسة ان هموم الدنيا فوق راسى...أخدت شاور ولبست
هدومى...دورت على ديما بس من الواضح انها خرجت بدرى....قعدت أدور
على موبايلى بس ملقتهوش...
"لأا مستحيل أكون ضيعته من أول يوم...ليه بيحصل فيا كدة؟!!"
روحت على الجامعة..كانت نفس الجامعة اللى ديما بتدرس فيها زى ما بابا
قاللى...دخلت لمكتب المدير فى قسم اللغات الأسيوية اللى هتخصص فيها....
المدير:"طبعا أنتى عارفة أنك متأخرة جدا عن زملائك فى الدراسة مروة شى"
"ديييه...بس أنا أوعدك أنى هقدر ألحقهم وهبذل جهدى"
المدير:"بتمنى كدا...ودلوقتى أحب أعرفك على الشخص اللى هيكون مسؤل
عنك..كيبوم شى..هو هيكون معيد فى السيكشن بتاعك بس هيكون مسؤل
عنك بصفة خاصة بسبب ظروفك"
انحنيت بأدب:"أنيوهاسيو"
كيبوم:"أنيوهاسيو...سعيد بمعرفتك"
المدير:"ودلوقتى تقدروا تتفضلوا"
خرجنا احنا الاتنين من مكتب المدير......
كيبوم:"بتمنى اننا نشتغل مع بعض بكد عشان نوصل لنتيجة كويسة"
"اوووه...دييييه...بس حضرتك شكلك صغير على انك تكون معيد...أنا
مقصدش الاهانة طبعا"
كيبوم:"اووووه..أكيد فاهم قصدك..انا عندى 24 سنة..أتخرجت من سنتين
بمعدل عالى وعشان كدة حصلت على الفرصة ديه..ودلوقتى بحضر
للماجيستير"
"حلو جدا...بتمنى لحضرتك التوفيق"
كان شخص لطيف..بتمنى يقدر يساعدنى عشان ألحق زمايلى...أخدت جدول
محضراتى و أتفقنا أنا وكيبوم شى على الجدول اللى هنشتغل عليه,وكان
جدول صارم جدا...وبعدها روحت على البيت...كانت ديما لسة مرجعتش
عملت حاجة أكلها بسرعة عشان أبدأ مذاكرة...وفى الوقت ده تليفون البيت
رن,,أترددت فى الأول أنى أرد...بس بعد كدة فكرت أنها ممكن تكون ديما
فرديت بسرعة....بس مطلعتش ديما....
...:"مروة شى؟؟أنا شيون فكرانى؟؟"
"أوووووه..شيون أكيد فكراك,أنت عرفت الرقم ده منين؟؟"
شيون:"قولتلك أنى أعرف ديما...ينفع نتقابل؟؟"
"أنا فى الحقيقة دلوقتى مش هقدر...بس ممكن أعرف السبب؟!!"
شيون:"موبايلك وقع فى عربيتى أمبارح و كنت عايز أرجعهولك"
"أوووه...خلاص تحب نتقابل فين؟؟!"
شيون:"فى كافيه قريب من بيتك..خلينا نتقابل فيه,الساعة 6:30 كويس
بالنسبالك؟!!"
"أراسووو...كويس"
واضح انى مش هعرف أذكر النهاردة.......
كنت جاهزة على الساعة 6:15...خرجت من الباب لقيت شيون مستنينى....
"أحنا مش كنا متفقين نتقابل فى الكافيه؟!!"
شيون:"وصلت بدرى فقولت أعدى عليكى ونروح مع بعض"
ركبت معاه وروحنا على الكافيه مع بعض....................
***************************************
خرجت من الشركة و أنا بفكر فى الكلام اللى قاله...فعلا مروة قالتله كدة؟؟؟
بس أكيد عشان مكنتش عارفة أنه عارف ديما
ركبت عربيتى وروحت على الشركة اللى دونجهى وديما بيشتغلوا
فيها...وفاجأة و أنا بفكر فى مروة وديما جيه على بالى شيون...بس ليه هو
عايز يودلها الموبايل بنفسه؟؟؟ما انا قولتله انى ممكن
أوصلهولها...ااااااااششش انا هتجنن......
وصلت الشركة و كلمت دونجهى...لقيتهم خارجين هم الاتنين مع
بعض..رحت نطة فى وشهم...
"مفاااااااااااااااااجأة"
ديما:"عااااااااااا...أنتى أيه اللى جابك هنا؟!!مش كنا هنتقابل فى الكافيه!!"
"اممم...بس خلصت بدرى وحبيت أعمللكوا مفاجأة"
ركبنا أحنا التلاتة العربية و روحنا على المطعم عشان نتغدا قبل ما نروح
مشوارنا...طلبنا الغدا و قعدنا أكلنا...وبعدها طلبنا تلاتة أيس كريم...حسيت
انى مبسوطة وانا معاهم...كنت ناسية كل حاجة عن شيون وزعلى معاه...كنا
بنضحك و بنهزر مع بعض....
دونجهى:"مش يلا بقى؟؟؟كدة هنتأخر"
ديما:"اها...يلا خلونا نمشى"
خرجنا احنا التلاتة من الكافيه و أحنا بنضحك...وفاجأة شوفنا شيون و مروة
قدامنا....كنت حاسة أنى...............
...
...يتبع.....
بتمنى الشابتر
يعجبكوا و تقولولى على رأيكوا فيه..كلكوا بدون أستثناء..
وبتمنى تدعمونى
للنهاية وتفيدونى بنقدكوا
فايتنج
ليست هناك تعليقات:
إرسال تعليق