Love and Fate Brings us together(الحب و القدر يجمعنا), chapter 13

Chapter 13           

فى البداية أحب أشكر كل متابعين قصتى على دعمهم ليا و كومنتاتهم اللى بتفيدنى كتير...وبعتذر على ان مستوى البارتين ال11 وال12 مكنوش فى المستوى المطلوب....لكنى عرفت هعوضهالكوا ازاى من خلال البارتات القادمة اللى بتمنى تعجبكوا و تكون مشوقة و تخليكوا متحمسين للقراءة...

ودلوقتى أسيبكوا مع البارت.....have fun^^

ريم:"دونجهى و شيون صح؟!!"

دونجهى:"ومين حضرتك؟؟و عرفتينا منين؟!!"

ريم:"من مصلحتك متعرفش أنا مين"

ظهرت على وش دونجهى و شيون علامات التعجب اللى خلت ريم تنفجر من 
الضحك....

ريم:"هههههههههههههه...شكلكوا كان توووووووحفة...متخافوش هتعرفوا أنا 
مين بعد دقايق...بس ممكن ده يخليكوا تخافوا اكتر"

وفى نفس الوقت الباب خبط......

***********************************************

أتفاجأت أول ما شوفت شيون بيفتحلى الباب و النظرة ديه على وشه...أكيد 
مش أول ما تيجى هتعمل مشاكل......

"أيه؟؟؟مالك؟!!أيه اللى حصل؟؟؟"

كنت شايلة الشنتطين بتوع ريم...مع أنهم شنتطين بس كانوا حاجة غير متوقعة 
أبدا....

شيون:"أنتى تعرفى البنت اللى جوا ديه؟؟؟"

"خد منى دول الأول"

سبتله الشنط عشان يدخلها و أنا دخلت قبله...قعدت جنب ريم و 
بصتلهم...وشيون كمان دخل الشنط و حطهم أدامنا....

"أحب أعرفكوا بريم أختى...._بصيت لريم_ ريم دول..."

ريم:"عارفة...ده شيون...والتانى دونجهى"

"بالظبط كدة"

دونجهى:"و انتى عرفتى منين أن أنا دونجهى و هو شيون؟!!!"

ريم:"oh..you are asking many questions"

دونجهى:O_o

"ريشو حبيبتى خلينا ندخل الأوضة..أنتى أكيد تعبانة"

وفاجأة لقيت ريم لازقة فيا و بتكلمنى بطريقة التوعد....

ريم:"قولتلك مية مرة متقوليليش ريشو ديه...خصوصا قدام الناس"

"sorry dear"

ربعت أيديها و سبقتنى على الأوضة و وشها فى السما....بصيت لدونجهى و 
شيون....

"احم احم...بيانيه أوبا...بس أنا حذرتكوا قبل كدة"

و وقتها سمعت صوت ريم من جوا....

ريم:"ندااااااااااااا...تعالى لحظة"

أخدت الشنط و دخلت بسرعة على الأوضة...لو حد شاف تصرفاتى مع ريم 
ممكن يقول أنى بخاف منها و بعمللها كل اللى هى عايزاه...لكن فى الحقيقة أنا 
بعمل كدة عشان متحسش بالنقص...من وقت وفاة ماما و بابا و أنا حاسة أنى 
أنا لازم أكون باباها و مامتها و أختها و صاحبتها مش لازم ينقصها 
حاجة..لازم أجيبلها اللى هى عايزاه من قبل ما تفكر فيه حتى..أنا و ريم الفرق 
بينا سنة واحدة,مش فرق كبير لكن الشعور اللى دايما جوايا أنى أختها الكبيرة 
و أنا اللى مسئولة عنها دايما ملازمنى.......

كانت كل الأفكار ديه بتدور فى بالى و أنا معاها فى الأوضة و ببصلها 
بإبتسامة............

ريم:"ندى...بتبصيلى كدة ليه؟؟؟أنتى أتجننتى يا حبيبتى؟!!أرجوكى أرجعى 
لعقلك"

"أنتى عايزة تجننينى من اول يوم تيجى هنا؟؟؟طب على الأقل سيبينى أفرح 
بيكى كام يوم"

جريت عليا و حضنتنى و خلتنا أحنا الأتنين نقع على السرير....

ريم:"وحشتينى أوى...الكام شهر اللى فاتوا كانوا أسوء أيام حياتى عشان كنتى بعيدة عنى"

قعدت على السرير و هى قعدت أدامى.....

"يلا أحكيلى عملتى أيه فى الفترة اللى سبتينى فيها....مهتمة بدراستك ولا؟؟!!!!"

ريم و عنيها بتلمع:"متخافيش عليا...و كمان جهزت نفسى عشان الجامعة 
هنا...أنتى اللى أحكيلى...أيه الأخبار هنا..صحيح أنتى كنتى بتبعتيلى رسايل 
على الأيميل بس محكتيليش كل حاجة"

"تقصدى أيه؟!!!!!!!"

ريم بدلع:"ندااااااا...يلا قوليلى أيه اللى حصل من ساعت ما وصلتى الشقة 
ديه...ومين فيهم ألطف؟؟بصراحة شيون هو نوعى المفضل,حساه جنتل 
وكمان وسيم..بس دونجهى كمان

so handsome و كيوت أوى"

"هههههههههههه...ديه أول حاجة لاحظتيها لما جيتى؟!!"

قعدنا نتكلم كتير و نضحك و نلعب مع بعض...بقالى كتير أوى مضحكتش 
بالطريقة ديه.......

ريم:"يلا خلينا نخرج..أنا عايزة أتفسح و أشوف أماكن جديدة...وكمان 
ديما,,عايزة أشوف ديما"

"طيب يلا قومى غيرى هدومك و خلينا ننزل...عايزة أخرجك النهاردة عشان 
يمكن مفضاش بعد كدة"

ريم نطت من على السرير:"يااااااااهووووووووه"

******************************************

غريبة أوى أختها ديه...و واضح ان ندى مدلعاها أوى....

كان صوت ضحكهم واصل لينا...كنت مبسوط و أنا سامع ضحكتها..و بعد 
ساعة تقريبا خرجوا من الأوضة و كان شكلهم خارجين لبرا........

ريم بصتلى أنا و دونجهى..كانت إبتسامتها رائعة..فى اللحظة ديه أخدت بالى أن هى و ندى فيهم شبه كبير من بعض,بس ضحكة ندى بتتميز بغمازتها اللى بتجننى ..

ريم:"باى باى شيون أوبا...باى دونجهى أوبا"

أوبا؟!!!!أحنا حتى متكلمناش كلمتين على بعض...

رديت:"see you reem"

ريم:"أوووه أوبا"

وبعدها خرجوا هم الاتنين...كانت ندى مستغربة من معاملة ريم 
معانا..اتصدمت زينا بالظبط.....

فضلت قاعد أنا و دونجهى فى الشقة...كانت كل حاجة بتوحى بالملل...وبعد 
ربع ساعة دونجهى دخل غير هدومه و خرج هو كمان...وفضلت قاعد 
لوحدى......

فكرت انى أروح على الجامعة أشوف لو فى محاضرات فاتتنى...دخلت 
أوضتى و غيرت هدومى..فتحت الدرج بتاعى عشان أخد المحفظة بتاعتى,و 
وقتها شوفت الصورة بتاعتى أنا و ندى....مسكت الصورة و قعدت على 
السرير و أنا بفكر..نفسى الأيام ديه ترجع,نفسى فى فرصة تانية....بس كلامها 
ليا لما كنا على السطح...فى حاجة جوايا بتقوللى انها بتحبنى...وحتى لو 
مكنتش بتحبنى,أنا هخليها تحبنى...........

حطيت الصورة مكانها و خرجت من البيت...ركبت العربية بتاعتى و روحت 
على الجامعة...مكنش فى حاجات كتير ناقصانى..وممكن أعوضها بسرعة.....

كنت خارج من الجامعة لما شوفت مروة أدامى...

"مروة..أنتى بتعملى أيه هنا؟!!"

مروة:"أنا بدرس هنا...فى قسم اللغات الاسيوية بكلية الأداب"

"اووووووه...واضح ان الصدف بتجمعنا كتير"

مروة بإبتسامة:"أه...عندك حق"

"أنتى رايحة فين دلوقتى؟!!!"

مروة:"رايحة الكافيتريا...هقابل أستاذى هناك"

"أراسووو..خلينا نروح مع بعض,أنا كمان كنت رايح على هناك"

مروة:"أراسوووو...مش مشكلة"

روحنا على الكافيتريا...كان أستاذها مستنيها,,قعدت على ترابيزة قريبة و 
طلبت قهوة وفتحت موبايلى و قعدت أقلب فيه...وفاجأة...

يونا:"أوباااااا...أزيك؟!!وحشتنى أوى"

"أوووه يونا..أنا تمام...وأنتى"

قعدت على الكرسى اللى جنبى و بدأت فى حركات الدلع بتاعتها...وقتها فكرت 
أيه اللى خلانى أحب ندى و محبش بنت زى يونا...جميلة و ذكية و فى ولاد 
كتير بيتمنوا يواعدوها...وأهم حاجة انها عاجبة ماما....بس قلبى أختار ندى 
مش يونا....

و فاجأة سمعت صوت يونا.....

يونا:"هاااااي..أوباااا روحت فين؟!!"

"هااا؟؟؟بتقولى حاجة؟!!"

يونا:"كنت بقولك مستعد لتصوير بكرة؟!!"

"اااه...متخافيش"

يونا:"وندى؟!!اه صحيح..أنا مشوفتهاش النهاردة,مجتش مع اننا عندنا 
محضرات..هى معايا فى نفس السيكشن,متعرفش أيه المعاد المهم اللى هى 
قالت عنه فى الاجتماع؟!!"

"اه عارف..أصل أختها رجعت النها..........."

أيه اللى أنا بقوله ده!!!أكيد هتسألنى دلوقتى عرفت منين...

يونا:"أختها مين؟؟ورجعت منين؟؟وعرفت أزاى؟؟"

"يعنى..أناااا...اه..كنا بنتكلم قبل كدة فى الشغل و جبنا سيرة معادها...فعرفت 
بالصدفة"

يونا:"وأختها ديه بقى رجعت منين؟!!"

"بتسألينى أسئلة غريبة..وأنا هعرف منين كل الحاجات ديه؟!!"

يونا:"قصدى عشان كنتوا مع بعض فى الحفلة و كان شكلكوا قريب من 
بعض"

اااششش...كنت بتمنى أقوم من هنا بأى طريقة..حتى كنت بحاول أفكر نفسى 
أنا أيه اللى جابنى هنا.....

"اممم..يونا...بيانيه بس أنا مضطر أمشى دلوقتى..أتأخرت على معاد مهم"

يونا:"أوووه...أراسووو أوبا..أنيوووو"

قومت بسرعة و روحت على العربية...مش عايز أقرب منها عشان متفهمنيش 
بطريقة غلط...وكمان لو عرفت عنى أنا و ندى حاجة..أو أننا عايشين مع 
بعض,متأكد أنها هتعمل مشاكل كتير...

************************************

قعدت مع كيبوم شى فى الكافيتريا و كنا بنتناقش فى المنهج...كان أسلوبه 
سهل,,و فهمته بسرعة.....

كنا قاعدين فى الترابيزة اللى جنب شيون...أنا مش عارفة هو ليه لفت نظرى 
للدرجادى!!!بجد طلع شخص لطيف جدا...كنت ببص عليه من وقت للتانى 
بطريقة لا ارادية منى.....

كيبوم:"كدة هتكون المذاكرة سهلة بالنسبالك..بس أنتى لازم تبذلى مجهود كبير 
اليومين دول عشان بعد كدة يكون الموضوع اسهل"

"دييييييه...كوماوا كيبوم شى..أكيد لولا مساعدتك مكنتش هقدر أعمل كل ده 
لوحدى"

كيبوم:"أنتى ذكية و متأكد أنك هتكونى متميزة فى السيكشن بتاعك"

فى للحظة ديه لمحت البنت اللى قعدت مع شيون...معرفش أيه الاحساس اللى 
أنا حسيت بيه ده...بس كنت عايزة ألفت نظر شيون...حتى ديه مش عارفة 
ليه,,أنا ليه بقيت مهتمة بيه للدرجادى؟!!

كيبوم:"الكلام أخدنا و مشربناش حاجة...تحبى تشربى أيه؟!!"

"كوماوا...أنا دلوقتى عندي محاضرة فمضطرة أقوم"

كيبوم:"أراسووو...مش هعطلك"

"معادنا الجاى هيكون أمتى؟؟"

كيبوم:"خلينا نتكلم نتفق بعد ما نشوف جدولنا احنا الاتنين...صحيح أنا مش 
معايا رقم تليفونك"

أتبادلنا أرقام التليفونات....بعدها أخدت شنطتى و كنت هروح المكتبة...بس 
قصدت أنى أمر من قدام شيون...مش عارفة أيه اللى خلانى أعمل كدة...بس 
عجبنى أنى أكون ملاحظة من ناحيته....

مكنش عندي محضرات زى ما قولت لكيبوم شى..روحت على المكتبة و 
أخدت بعض الكتب اللى كنت محتجاها فى مذكرتى...

بعد ساعة و نص كنت فى طريقى للبيت...كانت أفكار كتير بتدور فى 
راسى..أولها كانت علاقتى مع ديما..يا ترى هتعاملنى فى يوم كأختها؟؟ولا 
هنفضل كدة على طول؟!!لالالالا يا مروة بلاش تفكرى كدة..أكيد كل ده 
هيتصلح فى يوم.....

فتحت الباب و دخلت...كان فى صوت عالى فى الliving room .....دخلت 
أشوف مين اللى موجود لقيتهم ندى و ريم...كانوا قاعدين مع ديما و بيتكلموا 
و بيضحكوا......

كانت ريم قاعدة جنب ديما على الكنبة و بتضحك معاها...وكانت ديما بتلعبلها 
فى شعرها و بتهزر معاها....

حسيت بغيرة فى قلبى..أنا أختها مش بتعمل معايا كدة,وريم اللى هى متقربش 
لديما بأى صلة غير أنها أخت صاحبتها بتعاملها بالقرب و الود ده!!!!

وفى الوقت ده ريم شافتنى و أنا وقفة و ببص عليهم...حاولت أوجه نظرى 
لأى جهة تانية,,مكنتش عايزة حد يحس بالشفقة عليا...كنت عايزة أقولها أنا 
أخت ديما مش أنتى...بس فاجأة لقيت ريم قامت من مكانها و قربت منى و 
حضنتنى بضحكة حلوة...خلتنى أنسى غيرتى منها......

ريم:"مروااااااا....أزيك؟؟؟وحشانى جدا"

رديت بتردد:"وأنتى كمان وحشتينى"

أنا و ريم كنا مع بعض فى نفس المدرسة و فى نفس الفصل..فى الاعدادى و 
الثانوى,,بس مكناش قريبين من بعض قبل كدة.....

ندى:"مروة أزيك..وأخيرا جت فرصة عشان نقعد مع بعض"

فى الوقت ده ديما قامت و راحت على المطبخ...

"هستأذن منكوا دقيقتين أحط شنطتى و الكتب ديه فوق و هنزل تانى بسرعة"

ريم:"أراسووو...مستنينك"

حطيت الحاجة بتاعتى فى الأوضة و غيرت هدومى و نزلت عشان أقعد 
معاهم....كانت ديما رجعت من المطبخ,وكانت عملت عصير ليهم....

ندى:"عاملة أيه فى مذاكرتك يا مروة؟؟الموضوع أكيد صعب خصوصا أنك 
بدأتى متأخرة"

"الموضوع كان صعب بس المعيد بتاعى بيساعدنى"

ريم:"أنتى فى كلية أيه يا مروة؟؟؟أنتى فى نفس جامعة ندى و ديما..صح؟؟"

"اهاااا...أنا فى كلية أداب قسم لغات أسيوية"

ريم بإبتسامة:"حلو...يبقى هنشوف بعض كتير بما اننا فى نفس الجامعة 
كلنا...أنا فى أول سنة من كلية الحقوق,بس أنا ناوية أدخل معهد موسيقى 
كمان^^"

ديما:"حلو يا ريمو...بس شدى حيلك عشان تقدرى توازنى بين الاتنين...والا 
مش هتنجحى فى ولا واحدة فيهم"

كنت حاسة شوية ان الجو مشحون...بس ندى و ريم كانوا بيحاولوا يفكوا الجو 
ما بينا شوية...كان كل الكلام عادى جدا لغاية ما جت سيرة شيون.........

ريم:"أنتى شوفتى دونجهى و شيون..صح يا دمدوم؟!!"

ديما:"أهاااا ....أكيد"

ريم:"وأيه رأيك فيهم؟؟مين المفضل بالنسبالك؟!!"

ندى:"ياااااااااا...ريم,,أنتى ليه بتتكلمى عنهم أكننا بنتكلم عن أتنين مغنيين 
بنحبهم"

ريم:"سيبيها تجواب..أيه رأيك يا ديما؟!!أنا بالنسبالى بفضل شيون"

حسيت ديما أتوترت شوية من سؤال ريم...كنت بسمع بصمت عشان أعرف 
أيه الموضوع من أول...أفتكرت كلمة شيون أنه قريب من ندى,,يا ترى أيه 
اللى بينهم؟!!وعرفوا بعض أزاى؟!!

ديما:"ههههههه...ريمو حبيبتى..أنا مفكرتش فى سؤالك ده قبل كدة"

ندى بإستهزاء:"هههههه...أه صح,مفكرتش فيه خالص"

ديما:"يااااااااا...بطلى الحركات ديه"

ريم:"خلاص جاوبى بسرعة...واضح ان ندى عارفة الاجابة"

ديما:"لأ..أنتى عارفة أختك بتظبط الحاجات على مزاجها"

ريم:"بس بجد قصة ندى ديه أغرب من الخيال...والطريقة اللى جمعتهم هم 
التلاتة مع بعض بنشوفها فى الافلام و بس..هههههههه مش بعيد تنشأ علاقة 
حب بينهم"

فضولى زاد بعد ما سمعت كلام ريم.............

**************************************

كان وقت لطيف مع ندى و ريم...خصوصا انى مشوفتش ريم من فترة 
طويلة...كنت بحاول أتجاهل مروة,,وبعد ما قعدنا وقت طويل مع بعض احنا 
الاربعة بنضحك و بنتكلم...ندى و ريم مشيوا عشان يكملوا مشاويرهم...

قومت عشان أشيل الأطباق و كاسات العصير و دخلتهم المطبخ عشان 
أغسلهم......كنت بنضف البيت,وكانت مروة بتحاول تساعدنى من غير ما 
تحتك بيا.....

كنت خلصت غسيل المواعين..لما موبايلى رن...بصيت على الرقم...ابتسمت 
لا اراديا لما شوفت اسمه....

"يوباسيوووو...أوبا أزيك؟!!"

دونجهى:"أنا كويس..أنتى عاملة أيه دمدوم؟!!وحشتينى"

حسيت قلبى بدق بسرعة....ولسانى وقف و معرفتش أرد...

دونجهى:"أنتى فين دلوقتى؟!!"

"أنا فى البيت...أنت فين؟!!"

دونجهى:"أنا فى الشركة...أنا عارف ان النهاردة معندكيش شغل 
النهاردة...بس ممكن تيجى الشركة دلوقتى؟؟"

"ليه حصل حاجة؟؟"

دونجهى:"كنت بفكر نتدرب شوية على التصوير بتاع بكرة...وكمان كنت 
عايزك تدينى نصايح بما أنها أول مرة ليا"

"هههههههههه...أراسووو..هكون عندك كمان نص ساعة"

قفلنا مع بعض و كنت طالعة أوضتى عشان أغير هدومى و ابتسامتى مفرقتش 
وشى.......

و فاجأة لقيت مروة قدامى....

مروة:"أنتى ليه بتعملى معايا كدة؟!!"

بصتلها ببرود:"بعمل معاكى أيه؟!!!"

مروة:"بتحسسينى أنى سبب تعاستك...ليه بيكون وشك زعلان و مش طايقة 
الدنيا لما نكون مع بعض!!ولما أى حد تانى يكلمك بتضحكى و مزاجك بيبقى 
رايق؟!!!"

رديت بإستهزاء:"أنتى بتهزرى صح؟!!!"

سيبتها و طلعت أول درجتين من السلم وبعدها صوتها وقفنى...

مروة بانفعال:"على الاقل عاملينى زى ريم"

بصيتلها كانت عيونها مدمعة...بس حتى وهى كدة معرفتش تأثر فيا...مش 
هيخدعونى تانى.......

"ريم مأذتنيش فى حاجة...."

صرخت بصوت عالى:"وأنا أذيتك أزاى؟!!!"

صرخت أنا كمان:"أذتينى أزاى؟؟؟أنتى أكيد بتهزرى...كلكوا مذنبين و كلكوا 
أذيتونى...أمى أذتنى لما سابتنى عشان راجل تانى و أنا مكملتش سنتين..بابا 
أذانى لما راح أتجوز بعد ما ماما سابته و كأنه كان مستنى الفرصة 
ديه....مامتك أذتنى بمعاملتها الجافة ليا و الضرب و التهزيق اللى كنت بشوفه 
كل يوم...وكلكوا كلكوا أذنبتوا و أذيتونى بصمتكوا...محدش فيكوا دافع عنى 
ولا حاول حتى يخفف عنى...كنتوا بتسكتوا وبس...كنتوا بتموتونى بتجاهلكوا 
ليا...محدش فيكوا عاملنى على أنى من عيلته قبل كدة...وأنا دلوقتى مش 
هعامل حد فيكوا على انه من عيلتى...أنا عيلتى ماتت من زمان,,,واللى أنتى 
بتتكلمى عنهم أنى بعاملهم أحسن منك فأنا بعمل كدة عشان هم دول اللى 
ساعدونى و وقفوا جنبى و حبونى بجد"

سيبتها وطلعت على أوضتى...كنت مش قادرة أوقف دموعى....دخلت 
الأوضة و قفلت الباب...سندت ضهرى على الباب و قعدت أعيط 
بحرقة...حطيت أيدى على بوقى عشان أكتم صوتى.........

وبعد 15 دقيقة كنت هديت و بلبس عشان أخرج...لبست نضارة عشان أخفى 
عينى المدمعة...وأثار العياط..

وصلت الشركة بعد نص ساعة...روحت على مكان التدريب بتاع دونجهى...كان بيتمرن على الرقص مع باقى الفرقة بتاعته...

"وااااااااااااه...بجد بيرقص حلو أوى"

خلصت الاغنية و كلهم وقفوا لما شافونى.....

ابتسمت و انحنيت:"أنيوهاسيووو"

دونجهى لما شافنى قرب منى...

دونجهى:"أخيرا وصلتى؟!!أتأخرتى ليه؟؟"

"بيانيه أوباا...بس كان ورايا حاجات بعملها"

....:"وااااااااااه...دونياااا مش تعرفنا بحبيبتك؟!!!"

دونجهى:"ياااااااا...مينا بطل"

حسيت بالاحراج من كلامهم...و وقتها دونجهى قرب منى و حط أيده على 
كتفى و قربنى منه.....

دونجهى:"أعرفكوا...ديما صديقتى...ديما دول سونجمين,أيونهيوك, شيندونج  
و ريووك"

انحنيت:"أوووه..أنيوهاسيو..أتشرفت بمعرفتكوا"

ردوا عليا:"أنيوهاسيووو ديما شى..الشرف لينا"

دونجهى:"يلا يا شباب أشوفكوا بعدين...أنيووووووو"

مسك أيدى و خرجنا...كل يوم بحس نفسى أقرب ليه أكتر و أكتر و ده بيخلينى 
مبسوطة أوى....بنسى كل الحاجات اللى بتضايقنى لما أكون معاه......

****************************************

خرجنا من عند ديما و روحنا على مركز تسوق كبير فى سيئول..

"ديه محطتنا التانية زى ما حضرتك أمرتى"

ريم:"طيب يلا بينا بسرعة عشان نلحق اليوم"

نزلنا من العربية و دخلنا...كنا بنلف بين المحلات ودخلنا محلات ملابس 
كتير...منها الكجوال,والرسمى,والسهرة....وريم كانت بتشترى  كل طقم 
تقيسه تقريبا....

ريم:"يلا أنتى أدخلى جربى ده"

"بس ده مش الستايل بتاعى"

قربت منى و حطت أيده على كتفى:"ندى حبيبتى...لازم من وقت للتانى 
تغيرى الستايل بتاعك...الولاد مش بيحبوا البنت المملة_بعدت عنى وربعت 
أيدها_أنا عرفت ليه مرتبطيش بحد لغاية دلوقتى"

أستغربت من كلامها....بس بردوا كلامها فى شوية منطقية,وكمان ريم 
هتساعدنى بالمخطط بتاعى...أنتظرنى تشوى شيون......

دخلت أقيس الطقم اللى ريم أدتهولى...وخرجت....

ريم:"أهاااااااا...شوفتى حلو أزاى؟؟ومديكى مظهر كيوت..أحلى حاجة فيكى يا 
أختى الحلوة ان بيليق عليكى كل ستايلات الموضة...لكن أنتى اللى مش 
واخدة بالك من نفسك...يلا خدى ده كمان"

دخلت لبسته و طلعت تانى........

ريم:"حلوووو..الكجوال كمان رائع عليكى...يلا اللى بعده"

دخلت عشان أجرب تالت طقم ريم أدتهولى...

ريم:"و كمان الموديل ده لطيف عليكى...مش عارفة من غيرى كنتى هتعملى 
أيه؟؟أكيد كنتى هتفضلى كدة على طول...يلا خلينا نجرب السيكشى عليكى"

دخلت البروفة تانى و غيرت هدومى...وقفت أدام المراية قبل ما أخرج 
لريم...بصيت لنفسى..اللون الأسود اللى كنت لبساه فكرنى لما كنت مع شيون 
لما روحنا نشترى الفستان..وكل الفساتين اللى قيستها..والفستان اللى 
اخترناه,وبعدها افتكرت يوم الحفلة....

حطيت أيدى على شفايفى و نظرتى لسة على المراية.....

ريم:"ندى...كل ده بتجربى الطقم؟!!"

خرجت و وقفت قدام ريم.....

ريم:"wow….very good,you are awesome"

أبتسمت:"thank you....خلاص كدة؟؟؟"

ريم:"لأ طبعا لسة...أنتى لازم تتغيرى"

أخدتنى و كملنا لف على بقيت المحلات...معتقدش ان كان فى محل 
مدخلنهوش....وكمان منسيتش الاكسسورات و النضارات والميكب....لو كانت 
عروسة بتجهز نفسها مكنتش هتعمل كدة...

وبعد مشى كتير روحنا أتعشينا فى مطعم و بعدها روحنا على البيت..وهناك 
بدأت مشكلة تانية,هنام أزاى؟!!!كنت بفكر طول السكة....بس أعتقد انى هنام 
على الكنبة النهاردة لغاية ما ألاقى حل.....

وصلنا البيت..مكنش فى حد هناك...دخلنا الأوضة وطلعنا كل الحاجات اللى 
اشتريناها و قعدنا ننظمها...ونحطها فى الدولاب,أعتقد ان الدولاب خلاص 
هينفجر من كتر الحاجات اللى أشتريناها.....وفى الوقت ده سمعت صوت 
الباب بيقفل....

خرجت من الأوضة أشوف مين...وكان شيون...

"اهااا...ده كان انت؟!!"

شيون:"وكنتى مستنيا حد تانى؟؟؟"

كان صوته مش مظبوط...و كمان سؤاله..يقصد أيه؟!!

"أنت شارب حاجة؟!!"

شيون:"اممم...شربت بس مش كتير,هم كاسين..أنا هدخل انام"

دخل على أوضته و بعدها مطلعش تانى...أعتقد أنه بالفعل نام....

دخلت الأوضة تانى...كانت ريم غيرت هدومها و نامت....تعبت كتير 
النهاردة..أكيد أول ما حطت راسها نامت على طول..وأنا كمان كنت تعبانة 
أوى...غيرت هدومى و لبست البيجامة بتاعتى...مكنتش عايزة أصحى ريم 
فأخدت مخدة و غطا و خرجت نمت على الكنبة...ومن كتر تعبى روحت فى 
النوم بسرعة.....

*************************************

خرجنا من غرفة التدريب و روحنا قعدنا فى كافيه الشركة عشان نتكلم....كنت 
كل ما افتكر كلام سونجمين أبتسم.....

ديما:"تحب بقى نتدرب على أيه؟!!"

"أنتى اللى قوليلى...أنتى صاحبة الخبرة فى الموضوع ده مش أنا"

ديما:"ههههههه...ولا خبرة ولا حاجة..الموضوع محتاج شوية ثقة و 
بس,,متخافش مش صعب"

"بيانيه لأنى تعبتك فى يوم اجازتك....بس أنا كنت متوتر"

ديما بإبتسامة:"ولا يهمك اوبا...أحنا مش أصحاب؟؟"

"أهااا أكيد..بس,,أنتى عنيكى عاملة كدة ليه؟؟أنتى كنتى بتعيطى؟!"

ديما:"أنياااااا...بس ممكن عشان منمتش كويس"

كانت متوترة وهى بتتكلم...كنت عارف أنها بتخبى حاجة عليا....

"على العموم لو حابة تتكلمى فى أى حاجة فأنا موجود فى أى 
وقت....أراسووو؟؟؟"

ديما بإبتسامة:"أراسووو أوبا...ودلوقتى هنعمل أيه؟!!"

رديت:"هههههه..أنا كنت عايزك تدربينى,بس واضح انالتدريب الوحيد اللى 
لازم أتدرب عليه هو الثقة بالنفس زى ما بتقولى...وبما انى نزلتك من البيت 
على الفاضى فخلينى أعزمك على العشا النهاردة....موافقة؟!!!"

ديما:"أكيد موافقة"

خرجنا من الشركة و روحنا على مطعم قريب...قعدنا و طلبنا الأكل.......

ديما:"على فكرة أنت و فرقتك بترقصوا حلو أوى"

"كوماوااا...وأنتى كمان بتبقى رائعة فى شغلك...أنا شوفتك قبل كدة وأنتى 
بتصورى إعلانات...كنتى حلوة أوى"

قعدنا نتكلم شوية...لغاية ما الوقت اتأخر...محستش بالوقت معاها,كان الوقت 
بيمر بسرعة و أنا معاها....

ديما:"الوقت أتأخر...خلينا نمشى"

وصلتها و بعدها روحت على البيت....كنت طول الطريق بفكر...شئ حلو ان 
يكون عندي صديقة زى ديما....وبدأت أفكر أنى أقولها على مشاعرى أتجاه 
ندى,,يمكن تقدر تساعدنى....

وصلت على البيت...كان الجو هادى و فى أضاءة خفيفة...معقول كلهم 
نايمين؟؟؟

كنت داخل على أوضتى عشان أغير هدومى بس لمحت حد نايم على 
الكنبة.....قربت أكتر لغاية ما بانت ملامحها...أيه اللى نايمها هنا؟؟؟مش 
معقول تكون أختها الدلوعة.....

قعدت على طرف الكنبة جنبها...كانت شبه الملايكة,كانت جميلة 
أوى...مررت صباعى على وشها بلطف...ابتسمت لما شوفت ملامحها اللى 
اتضايقت من حركتى......

كان قلبى بينبض جامد...افتكرت لما كنا مع بعض فى الملاهى..حركاتها 
الطفولية,ضحكتها,كلامها..كانت بتخلينى ابتسم حتى فى الاوقات اللى بحس 
فيها بالضيق....

قربت منها و همست فى ودنها:"بحبك"

حطيت أيد تحت رجليها و أيد تحت راسها و شلتها و دخلتها على 
أوضتى...نايمتها على السرير و غطيتها و خرجت......

نمت على الكنبة و أنا بفكر فى ندى,وهعمل أيه عشان أعترفلها بحبى....كنت 
بتخيل نفسى معاها و بتخيل الكلام اللى بنقوله لبعض....لغاية ما روحت فى 
النوم......

صحيت بدرى...قومت و غسلت وشى,واضح ان لسة محدش فيهم 
صحى.....خرجت و طبقت الغطا اللى على الكنبة و أخدت المخدة و الغطا و 
دخلتهم الأوضة...كانت ندى لسة نايمة...شكلها تعبت أوى امبارح....خرجت 
من الأوضة و روحت على المطبخ وبدأت أعمل قهوة.....وفى الوقت ده 
شيون صحى....

******************************

فتحت عينى...وااااااااه كان حلم حلو...النوم على الكنبة مطلعش سيئ...بس 
لحظة واحدة...أنا فين؟؟؟سرير مين ده؟!!أوضة مين ديه؟؟؟

قومت وقفت بسرعة و عينى بتبص على المكان كله...أنا أيه اللى جابنى 
هنا؟؟؟؟

خرجت من الأوضة...وبصيت حوليا...ديه أوضة دونجهى..بس أيه اللى 
نايمنى فيها؟؟؟

كان دونجهى و شيون فى المطبخ فرحت و وقفت معاهم يمكن أفهم 
حاجة...كنت حاسة بإحراج فظيع...

******************************

بووووووووووووه؟؟؟؟كانت بتعمل أيه فى أوضة دونجهى؟؟؟

أيه اللى خرجها من أوضته وهى لابسة البيجامة؟؟أيه اللى دخلها أوضته 
أصلا.....بصيت على دونجهى بوش مصدوم...كانت على وشه إبتسامة 
غريبة.....بصيت تانى لندى..كان فى ملامح إحراج على وشها.......

كنت بصرخ من جوايا:"أييييييييييه اللى حصــــــــــــــل؟؟؟؟؟؟"

لالالالالا مش ممكن ده يحصل...

************************************

فتحت عينى ببطء...كنت بدور على ندى حوليا بس ملقتهاش...قعدت على 
السرير واتمطعت,,,تعبت أوى أمبارح...

خرجت من الأوضة و وقتها شوفت منظر غريب....

لالالالالااااا مش ممكن يكون اللى فى بالى....

ندى و شيون و دونجهى؟؟؟اه يا أختى المحظوظة...

كان باين أوى من شكلهم...ندى و دونجهى بيعملوا الفطار و كانوا مستمتعين 
باللى بيعملوه و شيون قاعد جنبهم بيشرب القهوة و بيبص لندى من تحت 
لتحت...

مش محتاجة ذكاء ان شيون بيحب ندى...و من لمعة عيون دونجهى أقدر أقول 
ان هو كمان بيحبها...

لكن يا ترى ندى بتحب مين فيهم؟!!!

"interesting"

واضح ان صوتى كان عالى شوية بما انهم بصولى فى نفس الوقت

"good morning guys"

ندى و دونجهى:"صباح الخير"

شيون:"good morning"

قعدت جنب شيون...نظراته كلها اتحولت لفنجان القهوة اللى فى أيده...كان 
واضح على وشه انه متضايق,للدرجادى بيحبها؟؟؟

أختى ديه مبتفهمش.....

"أنتى منمتيش فى الأوضة معايا أمبارح؟!!"

ظهرت علامات تعجب و احراج و استفهام على وشها...كنت حاسة بالغباء لما 
بصتلها.....

"بلاش النظرة ديه..بحس يا أما مفهمتيش سؤالى يا أما أنا اللى جاية من 
كوكب تانى"

حسيت بشيون منتظر الاجابة زى ما أنا منتظراها بالظبط...كان عنده فضول 
بالنسبة للسؤال لكن حاول ميبينش ده...بس طبعا بذكائى اللا متناهى عرفت 
هو بيفكر ازاى...هاهاهاهاهاهاهااااا

 قطع أفكارى صوت دونجهى....

دونجهى:"واضح ان ندى محبتش تقلق نومك أمبارح فنامت على الكنبة...وأنا 
لما رجعت ولقيتها نايمة برا دخلتها تنام فى أوضتى و أنا نمت برا مكانها"

"oooh…gentle man"

بصيت لشيون بطرف عينى و على وشى ابتسامتى الخبيثة....

كانت علامات الارتياح واضحة أوى على وشه...حتى ان فى ابتسامة اترسمت 
على شفايفه أول ما سمع كلام دونجهى....

و وقتها مفهمتش حاجة...هو مش كان غيران عشان ندى و دونجهى بيقضوا 
وقت حلو مع بعض؟؟؟

أشمعنا لما دونجهى قال ان ندى نامت فى اوضته و هو نام على الكنبة ابتسم 
كـــــــ............لالالالالالالالالالالالا مش ممكن يكون افتكر ان.....و وقتها 
معرفتش أمسك نفسى من الضحك...

"ههههههههههههههههههههههههههههههههههههههه"

بصولى هم التلاتة باستغراب...وندى قربت منى..و حطت أيدها على 
راسى......

ندى:"ريم حبيبتى أنتى كويسة؟؟؟"

بعدت أيدها عنى:"ههههههههههه..أها كويسة بس أفتكرت دراما جديدة كنت 
بتفرج عليها...بس مشوقة أوى"

بصتلى بنفس النظرة تانى.......

"sister please don't do this to me"

ندى:"وأنا عملت أيه؟!!!"

"ولا حاجة..أنا هدخل أغير هدومى عشان توصلينى على الجامعة و 
مأخركيش"

دخلت الأوضة و قعدت على السرير و أنا بفكر فى استنتجاتى اللى 
وصلتلها...ومعرفش ليه حسيت بسعادة غريبة.....

"يمكن ديه فرصتك يا ندى عشان تلاقى الحب اللى بتدورى عليه....و أنا 
هساعدك...هيهيهيهيهيهيهيهيهيييييييي_وقفت عن الضحك بسرعة_بس هو 
مين فيهم؟؟؟دونجهى ولا شيون؟!!"

دخلت أخدت شاور و غيرت هدومى و خرجت و أنا بفكر فى السؤال ده.....

 "أعتقد ان الإجابة هتكون عند ندى"

....

....

.........يتبع.........