Love and Fate Brings us together(الحب و القدر يجمعنا), Chapter 14

                                                Chapter 14

تذكيرا بالشابتر اللى فات:

فكرت انى أروح على الجامعة أشوف لو فى محاضرات فاتتنى...دخلت 

أوضتى و غيرت هدومى..فتحت الدرج بتاعى عشان أخد المحفظة بتاعتى,و وقتها شوفت الصورة بتاعتى أنا و ندى....مسكت الصورة و قعدت على السرير و أنا بفكر..نفسى الأيام ديه ترجع,نفسى فى فرصة تانية....بس كلامها ليا لما كنا على السطح...فى حاجة جوايا بتقوللى انها بتحبنى...وحتى لو مكنتش بتحبنى,أنا هخليها تحبنى...........

.............................................................

قعدت مع كيبوم شى فى الكافيتريا و كنا بنتناقش فى المنهج...كان أسلوبه سهل,,و فهمته بسرعة.....

كنا قاعدين فى الترابيزة اللى جنب شيون...أنا مش عارفة هو ليه لفت نظرى 

للدرجادى!!!بجد طلع شخص لطيف جدا...كنت ببص عليه من وقت للتانى 

بطريقة لا ارادية منى.....

كيبوم:"كدة هتكون المذاكرة سهلة بالنسبالك..بس أنتى لازم تبذلى مجهود 

كبير اليومين دول عشان بعد كدة يكون الموضوع اسهل"

"دييييييه...كوماوا كيبوم شى..أكيد لولا مساعدتك مكنتش هقدر أعمل كل ده لوحدى"

كيبوم:"أنتى ذكية و متأكد أنك هتكونى متميزة فى السيكشن بتاعك"

فى للحظة ديه لمحت البنت اللى قعدت مع شيون...معرفش أيه الاحساس 

اللى أنا حسيت بيه ده...بس كنت عايزة ألفت نظر شيون...حتى ديه مش 

عارفة ليه,,أنا ليه بقيت مهتمة بيه للدرجادى؟!!

كيبوم:"الكلام أخدنا و مشربناش حاجة...تحبى تشربى أيه؟!!"

"كوماوا...أنا دلوقتى عندي محاضرة فمضطرة أقوم"

كيبوم:"أراسووو...مش هعطلك"

"معادنا الجاى هيكون أمتى؟؟"

كيبوم:"خلينا نتكلم نتفق بعد ما نشوف جدولنا احنا الاتنين...صحيح أنا مش 

معايا رقم تليفونك"

أتبادلنا أرقام التليفونات....بعدها أخدت شنطتى و كنت هروح المكتبة...بس 

قصدت أنى أمر من قدام شيون...مش عارفة أيه اللى خلانى أعمل كدة...بس عجبنى أنى أكون ملاحظة من ناحيته....

................................................................

مروة:"أنتى ليه بتعملى معايا كدة؟!!"

صرخت:"أذتينى أزاى؟؟؟أنتى أكيد بتهزرى...كلكوا مذنبين و كلكوا 

أذيتونى...أمى أذتنى لما سابتنى عشان راجل تانى و أنا مكملتش سنتين..بابا أذانى لما راح أتجوز بعد ما ماما سابته و كأنه كان مستنى الفرصة ديه....مامتك أذتنى بمعاملتها الجافة ليا و الضرب و التهزيق اللى كنت بشوفه كل يوم...وكلكوا كلكوا أذنبتوا و أذيتونى بصمتكوا...محدش فيكوا دافع عنى ولا حاول حتى يخفف عنى...كنتوا بتسكتوا وبس...كنتوا 

بتموتونى بتجاهلكوا ليا...محدش فيكوا عاملنى على أنى من عيلته قبل 

كدة...وأنا دلوقتى مش هعامل حد فيكوا على انه من عيلتى...أنا عيلتى ماتت من زمان,,,واللى أنتى بتتكلمى عنهم أنى بعاملهم أحسن منك فأنا بعمل كدة عشان هم دول اللى ساعدونى و وقفوا جنبى و حبونى بجد"

سيبتها وطلعت على أوضتى...كنت مش قادرة أوقف دموعى....دخلت الأوضة و قفلت الباب...سندت ضهرى على الباب و قعدت أعيط بحرقة...حطيت أيدى على بوقى عشان أكتم صوتى.........

.............................................................

وصلتها و بعدها روحت على البيت....كنت طول الطريق بفكر...شئ حلو ان يكون عندي صديقة زى ديما....وبدأت أفكر أنى أقولها على مشاعرى أتجاه ندى,,يمكن تقدر تساعدنى....

وصلت على البيت...كان الجو هادى و فى أضاءة خفيفة...معقول كلهم نايمين؟؟؟

كنت داخل على أوضتى عشان أغير هدومى بس لمحت حد نايم على الكنبة.....قربت أكتر لغاية ما بانت ملامحها...أيه اللى نايمها هنا؟؟؟مش معقول تكون أختها الدلوعة.....

قعدت على طرف الكنبة جنبها...كانت شبه الملايكة,كانت جميلة أوى...مررت صباعى على وشها بلطف...ابتسمت لما شوفت ملامحها اللى اتضايقت من حركتى......

كان قلبى بينبض جامد...افتكرت لما كنا مع بعض فى الملاهى..حركاتها الطفولية,ضحكتها,كلامها..كانت بتخلينى ابتسم حتى فى الاوقات اللى بحس فيها بالضيق....

قربت منها و همست فى ودنها:"بحبك"

حطيت أيد تحت رجليها و أيد تحت راسها و شلتها و دخلتها على أوضتى...نايمتها على السرير و غطيتها و خرجت......

......................................................

بووووووووووووه؟؟؟؟كانت بتعمل أيه فى أوضة دونجهى؟؟؟

أيه اللى خرجها من أوضته وهى لابسة البيجامة؟؟أيه اللى دخلها أوضته أصلا.....بصيت على دونجهى بوش مصدوم...كانت على وشه إبتسامة غريبة.....بصيت تانى لندى..كان فى ملامح إحراج على وشها.......

كنت بصرخ من جوايا:"أييييييييييه اللى حصــــــــــــــل؟؟؟؟؟؟"

لالالالالا مش ممكن ده يحصل...

.................................................

خرجت من الأوضة و وقتها شوفت منظر غريب....

لالالالالااااا مش ممكن يكون اللى فى بالى....

ندى و شيون و دونجهى؟؟؟اه يا أختى المحظوظة...

كان باين أوى من شكلهم...ندى و دونجهى بيعملوا الفطار و كانوا مستمتعين 

باللى بيعملوه و شيون قاعد جنبهم بيشرب القهوة و بيبص لندى من تحت 

لتحت...

مش محتاجة ذكاء ان شيون بيحب ندى...و من لمعة عيون دونجهى أقدر 

أقول ان هو كمان بيحبها...

"interesting"

"يمكن ديه فرصتك يا ندى عشان تلاقى الحب اللى بتدورى عليه....و أنا 

هساعدك...هيهيهيهيهيهيهيهيهيييييييي_وقفت عن الضحك بسرعة_بس هو 

مين فيهم؟؟؟دونجهى ولا شيون؟!!"

دخلت أخدت شاور و غيرت هدومى و خرجت و أنا بفكر فى السؤال ده.....

"أعتقد ان الإجابة هتكون عند ندى"

.................................................

Chapter 14:

قعدت جنب شيون أشرب قهوتى ودونجهى دخل يغير هدومه عشان ينزل...

كان الحوار بينا معدوم تقريبا..مأكلتش حاجة تقريبا من الاكل اللى عملته مع 

دونجهى...وبعد خمس دقايق خرج من أوضته...

دونجهى بإبتسامة:أنا نازل..أتمنولى يوم حلو^^

رديت:أكيد أوبا...أنيوووو^^

دونجهى:أنيوووو

وبعد ما دونجهى نزل بدقايق ريم كمان خرجت من الأوضة....

ريم:ندى..أنا هنزل أشترى حاجة لغاية ما تجهزى..أوكى؟؟ويلا قومى ألبسى 

بسرعة عشان متأخرنيش على الجامعة

"دييييييييييه....هخلص قهوتى وهقوم على طول"

ريم:لا...قومى ألبسى وبعدين أشربى قهوتك براحتك...يلا قومى 

بسرعة,هرنلك أول ما أخلص عشان تنزلى..bye bye....باى أوبا^^"

قومت ودخلت على أوضتى أخدت شاور وغيرت هدومى وبعدين روحت 

على المطبخ...كملت القهوة بتاعتى لغاية ما ريم تكلمنى....

وبعد ثوانى لقيت شيون خارج من أوضته وجاى ناحيتى...كنت عايزة أبعد 

عنه ومحتكش بيه لغاية معاد التصوير بتاع النهاردة...أفتكرت الحلم اللى حلمته أمبارح...كان بيهمس فى ودنى "بحبك" للحظة حسيت انها حقيقة...

فوقت من أفكارى و قومت من مكانى وكنت لسة همشى بس هو مسك أيدى....

شيون:"أنتى هتفضلى تهربى منى لغاية أمتى؟؟؟"

رديت بتردد:"أن مبهربش منك...وسيب أيدى لوسمحت"

شيون:"أمال بتسمى اللى بتعمليه ده أيه؟؟أنتى بقيتى بتتهربى منى 

وبتعاملينى بطريقة مختلفة من وقت الحفلة..وقولتى اننا ننسى الموضوع ده بس أنتى لسة فكراه..."

قطعته ورديت عليه بعصبية:"أنت بتفتح الموضوع ده تانى ليه؟؟الموضوع 

ده خلص خلاص...."

قطعنى وبدأ هو كمان يتكلم بعصبية:"لأ مخلصش"

رديت بنفس نبرة صوتى:"لأ خلص...أنت أعتذرت عن اللى حصل...وندمت 

عليه...فلو سمحـ...."

شيون:أسف؟؟أنا معتذرتش على اللى أنا عملته...ومندمتش ومش هندم ولا 

هعتذر الا لو قولتيلى دلوقتى أنك مبتحبنيش أو أنك مكنتيش عايزة ده 

يحصل"

فى الوقت ده حسيت أنى عايزة الأرض تنشق وتبلعنى...أرد ليه أقوله أيه؟؟

ليه بيجبرنى أقوله انى مش بحبه؟؟

كنت باصة فى الأرض ومش عارفة أعمل أيه..كان نفسى حد ينقذنى من 

الموقف ده...مكنتش عارفة أفكر....

وفى اللحظة ديه سمعت جرس الباب...حسيت أن ده جرس انقاذى...أتحركت 

بسرعة عشان أشوف الباب...بس حسيت بأيده بتمسكنى....

شيون:"هتهربى تانى؟؟؟"

رديت بتوتر وبهدوء على عكس ما كانت حالتى من شوية:"شيون...سيبنى"

ساب أيدى و روحت عشان أفتح الباب...وأول ما فتحت كانت ريم قدامى....

ريم:"كويس أنك لبستى...أنا نسيت موبايلى فطلعت عشان أجيبه...هجيبه 

وننزل على طول"

دخلت عشان تجيب موبايلها وأنا أستنيتها برا الشقة..كنت خايفة أرجع 

تانى....وأخيرا نزلنا...

كنت بفكر فى اللى حصل...أنا بعمل كدة ليه؟؟؟بفكر أتقرب منه أزاى...بس 

لما بكون معاه فى نفس المكان بصده وببعد عنه....

نزلنا للجراج و ركبت العربية و روحت عشان أوصل ريم 

لجامعتها....وبعدين أروح على التصوير...وأحنا فى السكة ريم فاجأتنى 

بسؤالها....

ريم:"أنتى بتحبى مين فيهم؟؟؟"

رديت بارتباك:"ها؟؟؟تقصدى أيه؟؟؟

ريم:"يعنى بتحبى مين فيهم؟؟معتقدش ليها معنى تانى...وبلاش تضحكى عليا"

رديت بعد تردد:"شيون..."

سكت شوية وبعدين اتكلمت بسرعة وبلهجة تحذيرية:"بس عارفة يا ريم لو 

قولتيله حاجة من ديه؟؟"

ريم:لأ طبعا مش هقوله..هو أنا عبيطة؟؟"

وأخيرا وصلتها على الجامعة..وبعدين روحت على الشركة.....

*****************************

خرجت من البيت وانا راسمة ابتسامة هادية على وشى...اليوم اللى قضيته 

معاه امبارح بسطنى جدا...بقيت بفكر فيه كل يوم..وعايزة أشوفه كل يوم...

خرجت من البيت وروحت على الشركة..مشوفتش مروة وانا خارجة...يمكن 

خرجت بدرى أو لسة نايمة....

روحت على الشركة وطلعت على مكان التصوير...كانوا كلهم هناك....

انحنيت:"تشوسوهامنيدا لأنى أتأخرت"

المدير جونج:"لأ متأخرتيش ولا حاجة...أحنا لسة مجهزناش,ودلوقتى كل 

واحد  فيكوا يروح يغير هدومه و تكونوا هنا بعد 15 دقيقة عشان الميكب و 

الشعر عشان نبدأ بسرعة"

روحت على أوضة تغيير الملابس وغيرت هدومى...ورجعت عملت شعرى 

والميكب....وبدأنا التصوير....

وكالعادة كنت مستمتعة باللى أنا بعمله وبشتغل بحماس...واللى كان مزود 

حماسى أنه موجود معايا وكنا بنشتغل مع بعض....وبدأت بالصور 

الانفرادية...أتعودت على الموضوع بعد ما جربته كزا مرة.....وبعدين دخلت 

عشان أغير هدومى بالستايل الجديد...ولما خرجت كان دونجهى بيتصور 

الصور الانفرادية بتاعته

مش عارفة ليه للحظة حسيت أنه كان بيضحك عليا لما قالى انه مش عارف يعمل أيه وأنه عايز مساعدتى...

كان واضح أوى أنه شاطر فى المجال ده وكان واثق جدا من نفسه...

وبعد ما خلص اللقطات بتاعته,شوفته جاى ناحيتى.....

دونجهى:"أيه رأيك؟؟؟كنت كويس؟؟^^"

رديت بذهول:"أنت كنت بتضحك عليا لما قولتلى أنك محتاج مساعدتى؟؟؟"

دونجهى:"هههههه...معى كدة أنى كنت كويس؟؟بجد نصيحتك فادتنى 

كتير...أنى أثق فى نفسى أكتر..وكمان عشان مبسوط النهاردة J"

رديت بإبتسامة:"ومبسوط ليه؟؟فرحنى معاك"

دونجهى:"قريب هقولك...بس أكيد اللى يكون مع أعز أصدقائه فى نفس المكان 

لازم يكون مبسوط...صح؟؟"

حسيت بالسعادة من كلامه وفى نفس الوقت معرفتش أرد عليه...جريت 

بنظرى ناحية اللوكيشن...كان جانغ شى بيصور اللقطات بتاعته...بجد كائن رائع,مجتهد فى شغله و مع شهرته الا انه متواضع......

كانت تعابيره و وقفاته كلها بتوحى بالثقة...ثقته بنفسه لدرجة انه ممكن يفقد اللى حواليه ثقتهم....للحظات كنت واقفة ومشلتش نظرى من عليه...كنت مبهورة بالكاريزما بتاعته...فى يوم هكون مشهورة وهحقق حلمى وهيكون عندي كاريزما وشخصية قوية زيه....

استغربت من أفكارى اللى اتحولت بسرعة....وكان اللى فوقنى صوت دونجهى جنبى....

دونجهى:"رائع...صح؟؟؟"

رديت:"اهاااا....جدا"

دونجهى:"فى يوم هكون زيه"

بصتله وانا ببتسم..مش معقول أفكارنا اد ايه متشابهة...

"فى يوم هتكون أيدول مشهور أكتر منه كمان..أنا متأكدة^^"

وفى الوقت ده جانغ شى خلص تصوير وجيه ناحيتنا....

جانغ:"أنيوهاسيوووو"

رديت إنا ودونجهى بإنحنائة:"أنيوهاسيوووو"

جانغ:"كنت عايز أقولكوا ان شغلكوا بجد رائع..ومتأكد أنكوا بعد فترة صغيرة 

هتكونوا مشهورين جدا^^"

دونجهى:"كمساميدا"

وانا اكتفيت بالابتسامة....

جانغ:"النهاردة أنا عازم الكل على الغدا..وأنتوا طبعا لازم تكونوا 

موجودين...وأنتى ديما شى..مش هقبل اى اعتراض^^"

رديت:"أكيد هكون موجودة^^"

سمعنا صوت المخرج....

المخرج:"ديما شى ودونجهى شى...لو سمحتوا غيروا هدومكوا وتعالوا 

بسرعة"

استئذنت منهم وروحت على غرفة تبديل الملابس..غيرت هدومى ورجعت 

على مكان التصوير....

المخرج:"ودلوقتى...هناخد لقطات لديما شى مع دونجهى شى"

اتفاجأت من كلام المخرج بس كنت مبسوطة جدا...مع انه كان متوقع 

بالنسبالى...

وقفنا احن الاتنين جنب بعض...وبدأ المخرج يدينا تعليمات عن وقفتنا ومكان 

نظراتنا....كانت أول لقطة كأننا بنرقص...

كنا قريبين من بعض أوى..كنت متوترة بسبب نظراته ليا وابتسامته.....بس حاولت أسيطر على نفسى...

كنت حاسة أنى بحلم وأنا جنبه...كان أحلى يوم فى حياتى....كان نفسى يبقى حقيقة مش مجرد تصوير وهيخلص بعد دقايق....

وبعد ما خلصنا بدأت تصوير مع جانغ شى......

****************************

خرجت بعد ما ندى وريم نزلوا بربع ساعة تقريبا و روحت على الاستوديو اللى المفروض هنصور فيه النهاردة....

دخلت وكنت بجول بعينى فى المكان...كنت بدور عليها..يا ترى وصلت ولا لأ.....

يونا:"شيون أوبا...أخيرا وصلت؟؟"

رديت:"ها؟؟هو أنا اتأخرت للدرجادى؟؟"

يونا:"لأ متأخرتش أوى..بس وحشتنى,كمان المفروض تجهز عشان هنبدأ 

دلوقتى"

"أراسوووو...هى ندى وصلت؟؟"

يونا:"اهااااا...وصلت وبتجهز"

دخلت أوضة تبديل الملابس وغيرت هدومى....خرجت وشوفت ندى ويونا 

واقفين مع المخرج...فروحت و وقفت معاهم.....

المخرج:"هنبدأ بصوركوا أنتوا التلاتة مع بعض..وبعد كدة كل اتنين فيكوا 

هيتصوروا مع بعض..وفى الاخر هناخد لقطات لكل واحد 

لوحده..أراسووو؟؟"

كانت ندى بتتابع كلامه باهتمام و واضح على وشها القلق...

وبدأنا التصوير....كنا احنا التلاتة بنتصور مع بعض,الموضوع مكنش صعب وندى كمان بدأت تتعود والموضوع بقى سهل عليها......

ويونا من وقت للتانى كانت بتتقرب منى...وبتحاول تبين للكل أننا قريبين من بعض....وطبعا بتبين لندى...

كنت متضايق شوية...بس فكرت انه ممكن كمان يوكن الموضوع ده فى صالحى...

اعتبروا اللى فى النص ندى وشغلوا الايمجن(مع انى بكره البت ديه)

وبعد كدة بدأ كل اتنين فينا يتصوروا مع بعض...

بدأت أنا ويونا لأن ندى كانت حاسة بالتوتر واتستئذنتنا اننا نبدأ...

وأنا بتصور مع يونا كنت بحاول انتهز الفرصة وأشوف ردة فعلها هتبقى عاملة ازاى لما تشوفنا قريبين من بعض...

كنت من وقت للتانى ببص عليها...بس هى كانت مش واخدة بالها مننا خالص..كانت شوية بتكلم المخرج..وشوية بتشوفنا بنعمل أيه...بس بردوا مش هسكت....

وجيه وقت صورنا مع بعض...

كنت بحاول أكون قريب منها...واحس بأنفاسها المتوترة قريبة منى..

قربت منها وهمست فى ودنها:"لسة متوترة؟؟"

ندى بكل ثقة:"لأ..مش متوترة خالص"

رديت:"ده كويس J"

كنت بتصنع الابتسامة...لكن جوايا مكنتش راضى,وهى كانت بتحاول 

متفتحش معايا اى كلام...

وجيه معاد الغدا...وأخدنا استراحة نص ساعة,كانت بردوا واقفة مع المخرج 

فى الاستراحة وبعد كدة قعدت تبص فى الورق اللى كان معاها...مأكلتش أى 

حاجة...

روحت ناحيتها وأديتها طبق الغدا بتاعها....

"لازم تاكلى...أنتى مأكلتيش حاجة من الصبح"

مدتنيش أى اهتمام وفضلت باصة للورق:"مليش نفس..شكرا"

أخدت الورق من أيدها وبصتلها بعصبية:"حتى لو مكنتيش عايزة تتعاملى 

معايا مش المفروض تعملى كدة فى نفسك...خدى غداكى وكلى"

فضلت بصالى شوية من غير اى رد فعل..فمسكت أيده وأديتها الطبق 

ومشيت.....لازم أعمل حاجة تخليها تعترف بحبها,بتهرب منى ليه؟؟بس 

بردوا هلاقى الحل ومش هستسلم....

خلصنا البريك ورجعنا تانى للتصوير...

وندى ويونا بدأوا يتصوروا مع بعض....لما أبصلهم كنت بحس بفرق كبير 

بينهم...البساطة والرقة فى ندى,ويونا كانت أجرأ ومتحمسة زيادة.....

كنت مبتسم وأنا بشوفهم وهم بيتصوروا...وفى الوقت ده عينى جت فى عين 

ندى...لثوانى كنا بنتبادل النظرات..أنا مشيلتش عينى من عليها...وهى كمان 

فضلت موجهة نظرها ليا,جالى احساس غريب مش عارف أيه هو...حلو ولا 

وحش..بس كان غريب....

وبعد ما خلصوا..بدأت يونا تتصور اللقطات بتاعتها..

وندى قعدت على كرسى قريب منى...جت السكرتيرة وأديتها موبايلها...

السكرتيرة:"ندى شى..موبايلك رن كتير"

أخدت الموبايل واتصلت برقم....

ندى:"ريم...أيوا يا حبيبتى.....اه كان عندي شغل....ده كله ومتعرفيش مكان 

الكلية؟؟طيب حاولى تكلمى مروة وتسأليها.....أراسووو...لو عوزتى حاجة 

كلمينى....باى باى"

اتنهدت وبعدها كملنا شغل.....

****************************

"ااييششش....يعنى بكلمها عشان تقولى كلمى مروة؟؟؟فين الكلية؟؟وأصلا أيه 

اللى دخلنى حقوق؟؟ما كفاية الموسيقى"

كنت ماشية وأنا ببرطم بالكلام ده...معرفش أيه اللى عصبنى كدة من أول 

يوم...يمكن عشان معرفش حد هنا,بس متخافيش يا ريم..كلها يومين وتتعرفى 

على الجامعة كلها...

وأنا بكلم نفسى كدة جيه واحد من ورايا وخبطنى وهو بيجرى...

....:"أوووه بيانيه"

رديت:"Do not you see??"

....:"I've apologized..i've to go now,see you"

فى البداية أتصدمت لأنه بيتكلم انجليش كويس...لكن رجعتلى عصبيتى تانى 

لما مشى بالطريقة ديه....

سألت بنت كانت قاعدة قريب منى عن مكان الكلية و روحت على هناك 

بسرعة...

دخلت مكتب المدير بعد ما خبطت واذن ليا....

المدير:"أنت عمرك ما هتبطل تهور ولا اهمال؟؟؟يعنى لغاية أمتى هتفضل 

تتأخر على محضراتك واساتذتك بيشتكوا منك؟؟ده لو كان طالب فى ابتدائى 

مكنش هيعمل كدة"

وفى اللحظة ديه جيه نظره عليا...

المدير:"اوووه...ريم شى,وأخيرا وصلتى...بداية مش مبشرة بأنك تتأخرى من 

أول يوم ليكى"

معجبتنيش نبرة صوته...وبعدين هو كان بمزاجى يعنى؟؟؟

رديت:"احم احم...بيانيه...مكنش قصدى اتأخر"

ورجع يبص تانى للولد اللى قدامه...

المدير:ودلوقتى كيوهيون...ديه اخر فرصة ليك..بعد كدة حسابك هيكون 

عسير..وهكتفى المرادى بأنك تاخد ريم شى فى جولة حولين الجامعة عشان 

هى جديدة هنا"

خرجت أنا والكيوهيون اللى هياخدنى فى جولة حولين الجامعة ده..

وأول ما خرجت برا المكتب بدأت أبرطم تانى:"اييييش...هو اليوم باين من 

اوله..وبعدين بيكلمنى كدة ليه"

كيوهيون:"حاجة غريبة..مبيزهقوش من نفس الاسطوانات ديه؟؟"

"وكمان طالع فيها أوى..مش مشكلة يعنى لو اتأخرت شوية"

كيوهيون:"صح..يعنى هيجرا أيه يعنى لو أتأخرت غصب عنى!!!"

سكتنا احنا الاتنين وبعدين بصينا لبعض باستغراب وقعدنا نضحك....  

مشى ناحيتى خطوتين وسلم عليا:"أنا كيوهيون..كنت بتمنى نتعرف على 

بعض فى ظرف أحسن من ده"

رديت:"هههههههههه...بعيدا عن أنك كنت هتوقعنى من شوية,بس أنا هعفو 

عنك,اتشرفت بمعرفتك...أنا ريم"

كيوهيون:وبعيدا عن حكاية العفو ديه..انا كمان اتشرفت بمعرفتك"

مشينا احنا الاتنين وكان كيوهيون بيورينى الجامعة..المكتبة 

والمدرج...وبعدين روحنا نقعد فى الكافيتريا....

"بس أنت بتتكلم أنجليش كويس"

كيوهيون:"اهاااا..أنا عيشت سنتين فى أمريكا"

"أنا كنت فى انجلترا ورجعت من يومين^^"

كيوهيون:"بس انتى مش كورية"

"اهااا..أنا من مصر...بس أختى جت عشان تعيش فى كوريا..وقررنا اننا 

هنستقر هنا"

قعدنا نتكلم شوية واخدنا نمر تليفونات بعض...حاجة لطيفة انى أتعرف على 

صديق من أول يوم...وكمان معايا فى نفس السنة والكلية....

كيوهيون:"دلوقتى خلينا نروح على المدرج..عشان المحاضرة هتبدأ وبعدها 

هاديجى جدول المحاضرات"

رديت:"اراسووو..يلا"

وروحنا على المحاضرة...كان الجو ظريف,زمايلى شكلهم لطيف...والمعيد 

بتاعنا مش زى المدير العجيب ده....

وفاجأة جيه على بالى شيون معرفش ليه....يا ترى هجيب رقم تليفونه أزاى؟؟؟

مينفعش أكلمه قدام ندى طبعا....

وبعد ما المحاضرة خلصت فضلت قاعدة فى مكانى ومقومتش...

كيوهيون:"سرحانة فى أيه؟؟"

"ها؟؟لأ مفيش بس بفكر فى حاجة"

كيوهيون:"هههههههههه...حبيبك؟؟"

رديت:"لأ حبيب أختى"

كيوهيون بصدمة:"بووووووه؟؟؟؟"

"هههههههههه...أنت فهمت أيه؟؟؟هبقى أحكيلك...دلوقتى أدينى الجدول عشان 

ورايا مشاوير"

كيوهيون:"أووووووه...ريم هانم مهمة و وراها مشاوير"

اتكلمت بثقة:"طبعااااا...أنت مش عارف انت بتكلم مين ولا أيه؟؟؟"

وبعد ما أخدت منه الجدول كلمت ندى وروحتلها موقع التصوير...

اول ما دخلت شوفت ندى وهى بتتصور..وشوفت شيون وهو واقف وبيبص 

عليها...روحت ناحيته  و وقفت جنبه...

"أزيك أوبا؟؟؟"

بصلى بدهشة:"ها؟؟أووووه...ريم,أيه اللى جابك هنا؟؟"

"خلصت محضراتى فقولت أجى أشوفكوا وانتوا بتصوروا....ندى حلوة 

أوى,صح؟؟"

وكانت الجملة ديه بداية مخططى.....

شيون:"اممممم...صح"

رديت بخبث:"مش غريب ان يكون ليها معجبين كتير..وان ولاد كتير يطلبوا 

منها انهم يواعدوها"

كنت باصة ناحية ندى لما شيون وجه نظراته نحيتى بصدمة من كلامى.....

شيون:"أيه؟؟؟"

بصتله وابتسمت:"أنت بتحبها من أمتى؟؟؟"

شيون:"بووووووه؟؟؟وأنتى عرفتى منين الكلام ده؟؟"

حطيت أيدى على كتفه:"no no no…you must not ask me"

وكانت لسة نظراته توحى بالصدمة....

"أنت شبه ندى فى حاجات كتير على فكرة...وعايزة أقولك على حاجة...my 

name is reem ....بمعنى أنك مينفعش تسألنى عرفت منين...أوكى؟؟

_ابتسمت وكملت_ولو عايزنى اساعدك فى البداية بلاش البصة ديه"

شيون:"ههههههه....ماشى يا ريم,وهتساعدينى ازاى؟؟"

رديت بثقة:"بداية أنت بتحب ندى...وعايز تجذبها ناحيتك,أنا هساعدك وهقولك تقدر تعمل أيه عشان تكسبها"

شيون:"وليه بتعملى كدة؟؟؟هى قالتلك حاجة؟؟"

"ندى؟؟لا خالص..أنا بس حبيتك زى أخويا الكبير أول ما شوفتك...وكمان 

شايفاكوا لايقين على بعض,وكمان أكيد لكل حاجة مقابل"

شيون:"اممممم...وأيه المقابل؟؟؟"

"هتعرف بعدين...فين موبايلك؟؟؟"

طلع موبايله من جيبه فأخدته منه وسجلت نمرته على موبايلى وسجلتله نمرتى 

عنده....

وفى الوقت ده ندى كانت خلصت....

ندى:"أووووه..أنا تعبت اوى النهاردة,أخيرا خلصنا"

"كنتى حلوة أوى أنوووودى..أنا فخورة بيكى^^"

ندى:"ميرسى...يلا خلينا نروح أنا هموت وأنام"

"أراسووو..يلا,وأنت أوبا؟؟هتروح معانا؟؟"

فى الوقت ده ندى وشيون حطوا ايدهم هلى بوقهم عشان يسكتونى...

"أيه اللى حصل لده كله؟؟"

شيون قرب منى:"محدش يعرف أننا عايشين مع بعض"

"أووووه...أراسووو,بيانيه"

****************************

كان يوم متعب فى الجامعة...ولغاية دلوقتى لسة مخلصتش...

كنت قاعدة فى المكتبة بذاكر وبشتغل كتير على الدروس اللى فاتتنى,وبعد ما 

تعبت خرجت وقعدت فى الكافيتريا شوية.....

اشتريت عصير ومسكت موبايلى بقلب فيه...وبعدين جيه على بالى انى اكلم 

ديما...للحظة أترددت كنت خايفة من ردة فعلها,لكن فى الاخر دوست على زر الاتصال....لحظات وردت عليا....

ديما:"يوباسيووو"

"أوووه أونى...أنا مروة"

حسيت بصوتها اتغير:"جبتى رقمى منين؟؟"

"أخدته لما كنا فى البيت....كنت عايزة أسئلك تحبى نتغدا أيه النهاردة؟؟أنا اللى هطبخ"

دورت على اى حجة وقولتها...نفسى نقرب من بعض وتدينى فرصة....

ديما:"أنا هتغدا برا..أنا هقفل ورايا شغل"

قفلت الخط و سابتنى أنا تايهة فى أفكارى...هنفضل كدة لغاية امتى؟؟؟مش 

معقول ميكونش فى أمل!!

وفى اللحظة ديه دموعى خانتنى ونزلت على خدى...مقدرتش أوقفها,كنت 

عايزة بس أعيط و أطلع اللى فى قلبى...

حطيت أيدى على وشى وقعدت أعيط لغاية ما حسيت بأيد بتطبطب عليا 

وبتحاول تهدينى....

كيبوم:"مروة شى..أنتى كويسة؟؟؟"

رديت بصوت متقطع من العياط:"أنياااااا...أنا تعبانة أوى"

أنا معرفش كيبوم شى كويس..لكن حسيت أنى عايزة أتكلم مع أى حد..كنت 

محتاجة حد يكون جنبى....

كيبوم:"أهدى شوية...قوليلى مالك؟؟تعبانة عندك أيه؟؟؟"

دموعى زادت وصوت نحيبى بقى اعلى:"أنا وحيدة...محدش حاسس بيا...حتى 

أختى مش معترفة بيا كأختها"

حسيت بأيده على كتفى وأكنه بيمدنى بالقوة....

كيبوم:"أكيد لكل مشكلة حل...بس بلاش تعيطى بالطريقة ديه,,أيه رأيك نروح 

مكان تانى غير هنا نعرف نتكلم فيه؟؟"

هزيت راسى أنى موافقة...أخدت شنتطتى و ركبنا عربيته ومشينا...

وقفنا عند جنينة شكلها حلو أوى...كان مستواها عالى عن الاماكن اللى 

حواليها...اشترينا قهوة و وقفنا نتكلم....

كيبوم:"أنا عارف أنى ممكن أكون بتدخل فى خصوصياتك...لكن أنا بتمنى انك تعتبرينى صديق ليكى مش مجرد أستاذ وبس..وأنا مستعد أسمعك فى اى وقت"

"كوماوا على اهتمامك...أكيد ديه حاجة تشرفنى"

وقفنا نتكلم لبعض الوقت..حسيت براحة وأنا بتكلم معاه,احساس حلو ان يكون 

فى شخص جنبك ولو لوقت قصير.....

وصلنى على البيت وبعدها مشى...طلعت على أوضتى وغيرت هدومى 

وقعدت أذاكر شوية...مكنش ليا نفس أكل أى حاجة...حاولت بس ألهى نفسى 

بالمذاكرة....لغاية ما جفونى بدأوا يقفلوا...ونمت

***************************

وأخيرا أخدت فرصتى...كنت فرحان أوى وأنا بعمل الحاجة اللى بحبها...وبدأت فى أول طريق الشهرة بالنسبالى...واللى كان مخلينى أسعد أنى بعمل الحاجة اللى بحبها مع صديق ليا بيشاركنى كل اللحظات ديه...

كنا قاعدين بنتعشى مع باقى طقم العمل...كنت قاعد مع ديما وجين هو وجانغ شى على نفس الترابيزة....

جانغ:"أنا مبسوط انى اشتغلت معاكوا^^"

ديما:وأحنا أكيد أسعد^^"

مش عارف ليه حاسس أنهم قريبين من بعض بطريقة غريبة...أيه اللى بينهم 

عشان يوجهوا لبعض كلام ويضحكوا مع بعض...وكمان جانغ شى قال لديما 

أنه مش هيقبل رفضها لعزومة الغدا...معنى كدة انه حاول يعزمها قبل كدة؟؟؟

كنت قاعد بفكر وفاجأة صورتهم مع بعض لما كان وقت لقتاطهم جت على 

بالى وفضلت افكر فى الموضوع...

اااييييش...بس يحضنها ليه يعنى؟؟

وفاجاة صوتها فوقنى...

ديما:"دونجهى أوباااا...مش بتاكل ليه؟؟؟"

"ها؟؟لأ ما أنا باكل أهوه"

وبعد ما خلصنا عشا...كان فاضل بعض اللقطات اللى متبقية...وبعد ما خلصنا الشغل اللى ورانا روحنا على البيت...

مشينا أنا وديما مع بعض عشان أوصلها قبل ما أروح...

"بس أنا ملاحظ أنك قريبة من جيون سوك...صح؟؟"

ديما:"اهاااا..احنا اشتغلنا مع بعض قبل كدة...كنت الموديل فى الكليب الاخير 

بتاعه"

"اهاااا...هو عزمك قبل كدة على الغدا؟؟"

ديما:"اووووه...بس كان وقتها عندي شغل فرفضت...بس ليه بتسأل الأسئلة 

ديه؟؟؟"

"عادى..يعنى حسيت بالفضول"

كنت بفكر ليه سألتها الأسئلة ديه وبفكر فى الموضوع ده؟؟؟

وبعدين عرفت الجواب...ديما صديقتى وأكيد غيرت عليها بسبب كدة,لأننا 

قريبين من بعض^^

ديما:"كنت عايزة أسئلك عن حاجة...أيه اللى كان مخليك مبسوط النهاردة 

وقولتلى قريب هتعرفى؟؟؟"

"أيه رأيك نتقابل بكرة وأقولك؟؟^^"

ديما:"أراسووو...موافقة"

وصلتها على البيت وبعدين مشيت لغاية الشقة بتاعتنا....

بكرة هقول لديما على حبى لندى...وأكيد هى هتساعدنى J

وصلت البيت..دخلت مكنش فى أى أثر لحد....معقول يكونوا نايمين؟؟؟؟

دخلت أوضتى وغيرت هدومى...وروحت فى النوم بعد مدة قصيرة......

**************************

"مش عارفة أيه اللى خلانى أسمع كلامكوا....مش قولتلكوا أنى تعبانة وعايزة أنام؟؟؟"

ريم:"نودى حبي...لازم تستمتعى بحياتك,مش كل حاجة شغل وبس...صح 

أوبا؟؟؟"

شيون:"صح طبعا"

كان الـnight club اللى أحنا فيه مزعج أوى...والأصوات عالية 

جدا...والاهم من ده كله انى كنت تعباااااااانة.....

ريم:"خلونا نرقص...يلا"

مسكوا أيدى هم الأتنين وروحنا نرقص...ومع أنى كنت تعبانة الا انى هلكت 

نفسى زيادة ورقصت معاهم...كنت حاسة انى بتصرف على طبيعتى..مش 

قلقانة من وجودى مع شيون ومبسوطة....

ريم:"المكان ده حلو أوى أوبا^^"

شيون:"أنا باجى هنا كل فترة...وأديكى عرفتى مكانى السرى من تانى يوم 

ليكى هنا"

ريم:"قولتلك قبل كدة أنى بعرف كل حاجة...حتى لو مكنتش قولتلى كنت 

هعرف^^"

وبدأت أغنية سلو...وريم سابتنا وراحت قعدت على الترابيزة....

"يعنى هو ده اللى بتحاولى تعمليه؟؟؟"

شيون:"ممكن نرقص؟؟"

مداليش فرصة حتى للرفض...مسك أيدى ورقصنا أحنا الاتنين...فى الوقت ده أفتكرت وقت الحفلة...لما كنا بنرقص مع بعض...

كانت  أنفاسه جنب ودنى...كنت حاسة بدقات قلبه بسبب قربه منى,كنت حاسة أنى فى حلم...حلم مش عايزة أصحى منه...

شيون:"بيانيه...يمكن أكون زودتها الصبح,,بتمنى أنك تسامحينى...أنا مش هضايقك تانى"

يقصد أيه بالكلام ده؟؟خلاص كدة؟؟

قضينا ساعتين وبعدها روحنا على البيت...خليت ريم هى اللى تسوق,مكنتش 

قادرة أعمل أى حاجة....

وأخيرا وصلنا البيت بعد عناء...وأول ما شوفت السرير قدامى نمت ومحستش 

بأى حاجة تانية حواليا....

**************************

صحيت بدرى...وغيرت هدومى,كنت مستنية معادى مع دونجهى بفارغ 

الصبر...

أمبارح كان أحلى يوم فى حياتى لغاية النهاردة..معرفش ليه كان عندي 

توقعات وحاجات كتير بتقولى أنه هيعترفلى النهاردة بحبه^^

يمكن غيرته امبارح من جيون سوك...وأنه كان مبسوط وقالى هقولك 

بكرة..واخيرا جيه بكرة....

كلمته الصبح واتفقنا على الكافيه اللى هنتقابل فيه....

وصلت بدرى عن المعاد بعشر دقايق...كنت متحمسة بشكل مش 

طبيعى...كنت مبسوطة أوى,كان قلبى بينبض جامد من فرحتى ولمجرد 

تفكيرى أنه هيقولى أنه بيحبنى....

وأخيرا وصل..كانوا العشر دقايق عدوا عليا كانهم عشر ساعات...

دونجهى:"أزيك دمدوم؟؟نمتى كويس؟؟"

رديت بإبتسامة:"أنا كويسة..ونمت كويس,وأنت عامل أيه؟؟"

دونجهى:"أنا كمان كويس"

طلبنا عصير وقعدنا نتكلم أحنا الأتنين....

"أيه أخبار ريم؟؟؟عاملة مشاكل؟؟"

دونجهى:"هههههههه...بصراحة مش عافة اوصفها أزاى,,يمكن...فريدة من 

نوعها"

"هى كدة على طول...وندى كانت شبهها قبل كدة"

دونجهى:"بالنسبة للموضوع اللى كنت عايز أكلمك فيه...هو بيتعلق بندى"

حسيت بإحباط بعد ما سمعت جملته....

دونجهى:"أنا كنت عايز مساعدتك"

"مساعدتى فى أيه؟؟؟"

دونجهى:"أنا بحب ندى^^"

فى اللحظة ديه حسيت بسكينة بتنغرس فى قلبى....مستحيل اللى بيحصلى 

ده,أكيد أنا فى كابوس...حبيبى وصحبتى.......

....

..

......يتبع......

معلش أنا عارفة انى قصرت وبقالى كتير منزلتش أى بارت..بس كانت بسبب ظروف عندى...

بتمنى تستمتعوا بالبارت وتقولولى رأيكوا^^