Chapter 31
part 1
السيدة تشوى:"أنا مريضة.. الدكاترة بيقولوا قدامى سنة بالكتير.."
حطيت أيدى على بوقى بصدمة..حسيت بقلبى إنقبض،وخوفت...
السيدة تشوى:" أنا دلوقتى بترجاكى،أبعدى عن شيون..هو مش عايز يبص
فى وشى بسببك،لو أنتى سبتيه هيسامحنى وهقدر أعيش الباقى من حياتى
معاه وأنا عارفة إنه مش متضايق منى.."
"طب ممكن أسأل إنتى ليه مش موافقة عليا؟!!أكيد شيون فهمك إننا
محصلش بينا أى حاجة,,الظروف هى اللى حكمت علينا إننا نعيش مع
بعض.."
السيدة تشوى:"أنا عرفت ده كله..بس إنتى مش هتفهمى اللى أنا حاسة بيه
إلا لما تبقى أم.."
سكتت شوية وأنا حاسة بوجع فى قلبى,كنت بقول فى نفسى ده مش
عدل..سواء كنت ُأم أو لأ..أيه اللى
يخلينى امنع شخص بحبه وبهتم بيه
من إنه يكون مع البنت اللى هو بيحبها وأختارها!!!
السيدة تشوى:"لو سمحتى وافقى على طلبى وسيبيه..أنا مش هقدر أستحمل
إنى أقضى أخر أيامى وهو بعيد عنى ومش عايز يبص فى وشى.."
كنت حاسة إن لسانى مش مطاوعنى أقولها..مش هقدر أسيبه,لكن لو
مسبتهوش دلوقتى هندم بعدين...
حسيت بالدموع بتتجمع فى عينى:"هسيبه.."
مسكت أيدى بابتسامة:"شكرا..ولو سمحتى متقوليلهوش على أى حاجة من
اللى قولتهالك,,مش عايزاه يحس إن هو السبب..."
سحبت أيدى منها بهدوء وقومت وقفت....
"أراسوو...بعد إذنك أنا لازم أمشى دلوقتى..وحتى لو
مصدقتيش اللى أنا
هقوله,بس بتمنى إن صحتك تتحسن قريب.."
بصتلى بابتسامة وهزت راسها..
أخدت شنطتى وخرجت من الكافيه وركبت عربيتى...بدأت دموعى تنزل
بهدوء...
بمجرد إنى أفكر إنى مش هكون معاه بعد كدة بحس إنى هموت...
شغلت العربية ومشيت لغاية البيت...دخلت وقعدت على الكنبة وسندت
راسى على رجلى وأنا بعيط...
كنت بفكر أنا لازم أعمل أيه دلوقتى؟؟مينفعش أفضل هنا...
فى الوقت ده سمعت صوت الموبايل جنبى..شوفت الرقم,,مسحت دموعى
قبل ما أرد...
"أوووه أوباا.."
شيون:"أنتى فين؟!!"
"أناا..أنا فى العربية,فى حاجة؟!!"
شيون:"كان المفروض تتصلى بيا النهاردة عشان نتفق هنتقابل فين.."
"أوووه..بيانييه,نسيت..ممكن نأجلها؟!!"
شيون:"ليه؟؟حصل حاجة؟!!"
"لأ..بس مليش مزاج أعمل أى حاجة النهاردة..أنا هروح البيت وأنام
شوية.."
شيون:"خلاص نتقابل بكرة؟!!"
"أراسوو..هجيلك البيت ونبقا نتفق هنروح فين.."
شيون:"مستنيكى.."
"أنيوو.."
شيون:"أنيوو...سارانيييه.."
حسيت بإن دموعى هتغلبنى وصوت عياطى هيبان فقفلت بسرعة من غير
ما أرد عليه...ياترى ممكن يسامحنى على اللى هعمله؟!!
مسكت موبايلى وحجزت تذكرة على الرحلة
اللى رايحة مصر..وبعدين
طلعت على أوضتى
ونمت لتانى يوم الصبح...
صحيت على صوت دوشة
من برا...قومت بتثاقل وخرجت,,لقيت ريم
وكيو رجعوا
وبيدخلوا شنطهم أوضتهم...
*******************************************
سمعت صوتها من
ورايا قبل ما أدخل أوضتى..
ندى:"أيه
اللى جابكوا النهاردة؟؟كان المفروض هترجعوا الأسبوع
الجاى.."
بصيت لكيوهيون
بطرف عينى وبعدين بصتلها....
"لو كنا
فضلنا هناك للأسبوع الجاى كنا هنرجع متطلقين.."
ملامحها كانت بتدل
على الاستغراب من كلامى..وفى الوقت ده صوت
كيوهيون قاطعنى..
كيوهيون"أختك
هى اللى بتعمل مشاكل..كل ما بنت تمشى من قدامنا
تفتكرنى ببص
عليها وبعاكسها كمان.."
قربت منه وضربته
على كتفه:"متنكرش إنك كنت
بتبصلهم.."
كيوهيون:"يعنى
تفتكرى انا مسافر مع مراتى - اللى لسة متجوزها من
إسبوعين - فى
شهر العسل عشان أبص على البنات؟!!"
ربعت
أيدى:"أيا كان.."
كانت ندى مبتسمة
وهى بتبصلننا...وبعدين اتكلمت..
ندى:"كويس
أنكوا جيتوا النهاردة..فى حاجة لازم تعرفوها.."
روحنا قعدنا فى
الانتريه وبدأت تتكلم...
ندى:"أنا
هرجع مصر بعد يومين.."
استغربت من كلامها:"ليه فاجأة كدة؟؟طب هترجعى أمتى؟!!"
ندى:"احتمال
كبير مرجعش تانى..يعنى ممكن آجى كل فترة,,بس هستقر
هناك.."
"أنتى
بتتكلمى بجد؟؟ليه هتعملى كدة؟!!طب والشغل؟!!وشيون؟؟؟"
ندى:"أنا
وشيون مينفعش نفضل مع بعض..وبالنسبة للشغل فجوزك
موجود أهوه
والمفروض يبقا المسئول عنك وعن كل حاجة تخصك.."
رديت:"أيه
حكاية مينفعش تبقوا مع بعض ديه؟!!"
ندى:"أهوه
اللى حصل.."
"أنتى
عبيطة يابنتى؟!!أيه اللى أنتى بتقوليه ده؟؟قوليلى أيه اللى حصل"
ندى:"بلاش
نتكلم كتير فى الموضوع ده.."
"طب
وشيون؟؟موافق على اللى هتعمليه ده؟!!هيسيبك تسافرى؟؟"
ندى:"مقولتلهوش...وأنتوا كمان
متقولوش حاجة.."
كيوهيون:"أنا عارف إن الموضوع
ده يخصك لوحدك..وملناش الحق إننا
نمنعك،بس متسافريش من غير ما
تقوليله...لو هتسيبيه لازم تصارحيه.."
كملت بعد كلام
كيوهيون:"متهربيش..انتى اتعودتى انك تهربى من كل
حاجة تضايقك،لكن انتى مش لوحدك فى
العلاقة ديه.."
ومن ملامحها كان واضح إن هو ده اللى هى هتعمله...كانت هتهرب...
بدأت الدموع تتجمع فى عنيها وبقت تعيط بصوت مسموع....
ندى:"لو قولتله مش هيسيبنى
أمشى..أنا مش هقدر أواجهه.."
"يبقا متسافريش.."
قامت من مكانها وطلعت على أوضتها....
كنت عايزة أعرف أيه السبب اللى يخليها تعمل كدة...ندى مش هتسيب
شيون لأى سبب تافه،،بس ليه مش عايزة تقوللنا على اللى حصل؟!!!
حسيت بكيوهيون بيمسك أيدى....
كيوهيون:"سيبيها تهدى
شوية...واضح إنها أخدت قرارها خلاص،وأكيد
عندها أسبابها...خلى شيون هو اللى يتصرف
معاها.."
بصتله وهزيت راسى إنى موافقة....
بصيت قدامى وبعد ثوانى لقيته بينغزنى فى كتفى..بصتله باستغراب,كان
على وشه إبتسامة غريبة..
بصتله بطرف عينى:"أيييه؟!!"
بص على أوضتنا وبعدين بصلى تانى بنفس الابتسامة..وقتها فهمت
قصده..
ضربته على كتفه:"تصدق
إنك رايق.."
قومت من مكانى وكنت رايحة للمطبخ فى الوقت اللى مسكنى فيه وشالنى
على كتفه بقوة وسرعة غريبة...
بقيت أصرخ عشان ينزلنى:"أوبااااا...نزلنى.."
كيوهيون:"هششش..بطلى الصريخ
ده.."
***************************************
قعدت أفكر بعد ما قفلت السكة معاها..كان صوتها غريب,ياترى أيه اللى
حصل؟!!
فكرت إنى أروحلها فى الوقت ده..بس رجعت قولت أسيبها ترتاح شوية...
قعدت أفكر فى اللى هعمله بكرة وياترى هتكون ردة فعلها أيه!!كنت
مبسوط لمجرد التفكير فى بكرة وتخيل إن كل واحد فينا مش هيكون
مضطر يبقا بعيد عن التانى أكتر...
نمت على الساعة 10 بالليل..مكنتش حاسس بالنعاس لكن كنت عايز بكرة
يجى بسرعة...
صحيت الصبح وبقيت أجهز البيت قبل ما تيجى..كنت بفضل إن كل حاجة
تبقا هنا,فى المكان اللى شوفنا بعض فيه أول مرة...
كلمتنى على الضهر...
ندى:"أزيك أوباا؟!!"
"كويس..بقيتى فين دلوقتى؟؟أنا
مستنيكى.."
ندى:"أنا مش هعرف أجى
دلوقتى..كيوهيون وريم رجعوا إمبارح والدنيا
ملخبطة خالص..أشوفك
بالليل؟!!"
اتنهدت بعمق...كنت حاسس إن فى حاجة غريبة,بس مكنتش عايز أضغط
عليها,مع إنى كنت حاسس بشوية خيبة أمل فى إنى مش هقضى اليوم
معاها زى ما كنت مخطط..
ندى:"شيون..رحت فين؟!!"
"أراسوو..مفيش مشكلة,هستناكى
فى الشقة.."
ندى:"أراسوو..أنيوو.."
قفلت وأنا قعدت أفكر فى خطة بديلة...
وعلى بالليل كنت جهزت كل حاجة...الشقة منورة بالشموع ومليانة
بالورود الحمرا اللى بتحبها...
سمعت جرس الباب بس مفتحتش..فضلت إنى أستنى عشان تفتح هى..
وبالفعل بعد ثوانى فتحت الباب..دخلت خطوة واحدة و وقفت بتبص على
المكان من حواليها..قربت منها بابتسامة ومسكت أيدها وبوستها بعدين
حضنتها....
"وحشتينى.."
حسيت بصوتها المتقطع وهى بترد عليا:"و..أنت..كمان.."
بعدت عنها شوية وبصتلها..كانت الدموع متجمعة فى عنيها...
"للدرجادى عجبك اللى
عملته؟!!"
غمضت عنيها لما دمعة نزلت منها..حطيت أيدى على وشها
ومسحتها,قربت منها ببطء وأيدى لسة على وشها ولامست شفايفها
بشفايفى...للحظات توهنا فيها إحنا الاتنين,ومكنتش عايزها تنتهى...
لكن على الرغم من عدم ممانعتها للى عملته إلا إنى حسيت ببرودها..
بعدت عنها شوية وبصيت فى عنيها...
"فى أيه؟!!"
بصتلى بعيون مليانة بالدموع واتكلمت بصوت مخنوق...
ندى:"فى حاجة عايزة
أقولهالك.."
"وأنا كمان عندى حاجة عايز
أقولهالك.."
قعدت على الكرسى وانا قعدت قدامها على الكنبة..مكنتش عارف أفسر
ملامحها بسبب الإضاءة الخفيفة,,حطيت أيدى فى جيبى وطلعت علبة
صغيرة معتقدش إنها شافتنى وانا بطلعها...
ندى:"خلينى أنا أبدأ.."
حطيت العلبة جنبى وبصتلها بفضول...
ندى:"أنا هسافر..هرجع
مصر.."
رديت بصدمة:"مصر؟؟ليه؟!!حاجات
فى الشغل؟!!"
مردتش على أسألتى...
"طب هترجعى أمتى؟!!"
ندى:"مش هرجع.."
حسيت بالصدمة لما سمعت كلماتها..لثوانى كنت حاسس إنى مش
مستوعب اللى سمعته...
"يعنى أيه مش هترجعى؟!!"
ندى:"شيون..إحنا مينفعش نكون
لبعض.."
ضحكت بسبب كلامها:"شوية
كمان وكنت هصدقك..خلاص كفاية هزار.."
كنت مستنيها تضحك بصوت عالى وتقوللى إنها زى ما توقعت مجرد
خدعة,لكن ده محصلش..
ندى:"أنا مش بهزر..أنا وانت
مينفعش نكمل مع بعض.."
حسيت إنى فقدت صبرى..قومت وقفت وفتحت النور ورجعت وقفت
قدامها..كانت لسة الدموع متراكمة فى عنيها وبتحاول تمنعها من النزول...
"أيه اللى أنتى بتقوليه
ده؟!!ليه؟؟"
ندى:"يعنى مش عارف؟؟كل حاجة
ضدنا..وأنا تعبت,مش هقدر أكمل فى
العلاقة ديه..معنديش قدرة أكبر
للاحتمال..لو سمحت شيون,متصعبش
الموضوع أكتر"
استغربت من كلامها..راحت فين وعودنا؟؟أحلامنا اللى بنيناها سوا؟؟
ضحكت باستهزاء:"يعنى إنتى كنتى
عايزة تشوفينى النهاردة عشان تبلغينى
إنك هتنفصلى عنى؟؟؟"
بصت فى الأرض ومردتش على سؤالى...
قعدت نص ركبة قدامها ورفعت وشها عشان تبصلى...
"عايزانى أسيبك؟!!"
حسيتها بتحاول تجمع قوتها..لكن دموعها خانتها وبدأت تنزل على خدها..
"أراسووو..بدام هو ده اللى إنتى
عايزاه فأنا هعمله,,لكن فى حالة واحدة
بس – سكت شوية وأنا ببصلها وشايفها بتحاول تهرب
منى بنظراتها –
بصى فى عينى دلوقتى وقولى إنك
مبتحبنيش ومش عايزة تبقى معايا.."
بصتلى باستغراب من طلبى..مردتش عليا,,نظراتها بتقول عكس كل اللى
قالته..هى لسة بتحبنى..لسة عايزانى,,أيه اللى بيخليها تعمل كدة؟!!
أتعدلت فى وقفتى...
"أنتى بتحبينى..ومش هتكونى
لحد غيرى,متقوليش غير كدة.."
اتنهدت بغضب و معرفتش أفكر فى أى حاجة غير إنى عايز أكون
لوحدى...خرجت من البيت وسيبتها قاعدة فى مكانها...
نزلت وركبت عربيتى حطيت راسى على الدركسيون وأنا بفكر ومش
قادر أستوعب كل اللى حصل ده....
شغلت العربية وبقيت ماشى بدون واجهة محددة.....
رجعت تانى يوم الصبح على البيت..كان الشمع ساح بالكامل ومفيش أثر
لندى..كنت هدخل أوضتى بس فى الوقت ده أفتكرت الخواتم..قعدت أدور
عليهم مكان ما سيبتهم وفى كل مكان فى الشقة لكن ملقتهمش...
كنت متضايق بسبب اللى حصل..لكن فى نفس الوقت مكنتش عايز
المشاكل تكبر بيننا,,كنت عايز أعرف السبب الحقيقى للى حصل
إمبارح..وكنت عايز ألبسها الخاتم...
كلمتها على الموبايل لكن تليفونها كان مقفول..بعدين كلمت ريم,يمكن
تعرف مكانها...
ردت عليا بصوت نايم:"يوباسيوو.."
"ريم..أنا شيون.."
ريم:"أووه أوبا.."
"ندى فين؟!!"
ريم:"ندى؟؟"
"اممم..موبايلها
مقفول.."
حسيت بالخوف فى نبرة صوتها...
ريم:"مستحيل تكون.."
"فى أيه؟!!"
ريم:"أستنى لحظة.."
فضلت مستنى على الخط لغاية ماردت عليا بسرعة...
ريم:"ندى راحت على
المطار..هتسافر على رحلة النهاردة.."
مستنتش أسمع أكتر ونزلت بسرعة واتجهت للمطار...
كنت بدور عليها زى المجنون..سألت عن مواعيد الرحلات,,و وقتها
حسيت بصدمة أكبر لما عرفت ان الرحلة الوحيدة المتجهة لمصر فى اليوم
ده أقلعت من نص ساعة...
******************************************
كنت قاعدة فى الطيارة وانا بفكر فى كل اللى سيبته..كنت عارفة ان لازم
أمشى,,لكن فى نفس الوقت كنت بتمنى ان أى حاجة تحصل وتمنعنى....
سندت براسى على الكرسى وغمضت عينى وبقيت أدعى إنه
يسامحنى..كنت بتمنى مينساش وعدى ليه بإنى مش هكون لغيره..وإن
تحصل معجزة تجمعنا مع بعض تانى....
وبعد ساعات طويلة كنت حاسة فيها إنى بختنق ببطء وصلت مصر...
نزلت من الطيارة وأخدت شنطى..خرجت من المطار وكنت متوقعة إنى
ألاقى عمى مستنينى بما إنى قولتله..بس إتفاجأت لما لقيت شخص غيره...
رامى:"حمدلله على
السلامة.."
ابتسمت بتعب:"شكرا..هو
عمى.."
رامى:"مقدرش يجى بسبب
الشغل..وأنا لما عرفت بإنك هتيجى النهاردة
فضلت إنى أجى أستقبلك
بنفسى.."
"شكرا.."
ركبنا العربية مع بعض..كنا قاعدين على الكنبة ورا..مكنتش عارفة أبطل
تفكير فى اللى حصل..وحشنى أوى..إبتسامته..صوته..حضنه..كل حاجة
فيه وحشتنى...فوقنى صوت رامى من جنبى..
رامى:"كانت رحلتك
مريحة؟!!"
كنت بحاول أتصنع الإبتسامة...
"أممم.."
رامى:"هتقعدى مدة طويلة
هنا؟؟"
ابتسمت وبصيت من الشباك:"معتقدش
هيكون فى سبب يخلينى أرجع
أستقر هناك.."
عدى سبع شهور من وقت رجوعى لمصر..مسافرتش كوريا خلالها الا مرة واحدة فترة
الامتحانات...محدش عرف عن رجوعى لهناك,حتى ريم....
كنت بحاول أنسى شيون طول الفترة ديه.. موصلنيش أخبار كتير عنه..غير إن ريم
قالتلى إنه رجع يعيش مع أهله...
حسيت بالراحة نوعا ما بعد الخبر ده..على الأقل سفرى أدى المطلوب...
لكن كان يوم بعد يوم بيوحشنى أكتر..كنت ساعات بقف فى البلكونة وأبص
على النجوم..كنت ببتسم لما أفكر إننا على الرغم من بعدنا عن بعض إلا
إننا بنشوف نفس السما والنجوم....
بعد الفترة ديه عمى قاللى إنى لازم أسافر كوريا لمدة أسبوعين
بسبب الشغل...
حاولت أتهرب من السفر عن طريق الاستعانة بكيوهيون بما إنه اللى بقا
مسئول عن حصة ريم وعن نصيب شركتنا بشكل عام هناك..لكن عمى
قاللى إن الشركاء الرئيسيين لازم يسافروا بنفسهم...
وبالتالى كان لازم أسافر ورامى كان معايا..كنت حاسة بإن فى حمل تقيل
على صدرى,,كدة مؤكد هشوفه..أيه اللى هيحصل وقتها؟!!هنعامل بعض
أزاى؟؟؟كنت خايفة...
لكن فى النهاية مقدرتش أغير حاجة..كنت قاعدة فى الطيارة وكل الحاجات
ديه بتدور فى راسى..بصيت على الخاتم اللى فى أيدى وأنا بفكر...
Flash Back>>>
فى الفترة
اللى فاتت,علاقتى برامى أتوطدت أكتر..بقينا أصدقاء
مقربين,لكن
بردوا محكتلهوش أى حاجة عن شيون أو اللى حصل فى
كوريا..كنت
حاسة بمعاملته الخاصة ليا....
وفى يوم كنا
قاعدين فى مكتبى وبنتكلم فى الشغل فى الوقت اللى فتح فيه
الكلام...مسك
أيدى وبصلى بابتسامة..
رامى:"أنا
عارف إن مش بقالنا فترة طويلة نعرف بعض..كمان عارف إن
كان فى شخص
فى حياتك..عارف كمان إنك لسة بتفكرى فيه ومش عارفة
تنسيه..لكن –
طلع علبة صغيرة من جيبه وفتحها..كان خاتم خطوبة,بصلى
بابتسامة –
أنا بحبك..إعجابى بيكى بدأ من وقت حفلة الشراكة,من أول
رقصة
لينا.."
كنت ببصله
بصدمة..كان نظرى بيتردد بين الخاتم وعنيه...
رامى:"تقبلى
تتجوزينى؟!!"
مكنتش عارفة
أرد بأيه فى الوقت ده..فكرت فى شيون,,لكن حياتنا مع
بعض بقت شبه
مستحيل...
فى الوقت ده فوقنى من كل اللى بفكر فيه رامى وهو بيمسك أيدى
وبيبتسملى..بادلته الإبتسامة ورجعت تانى أبص من الشباك....
وصلنا بعد ساعات..كنت حاسة بالارهاق الشديد,مش بسبب السفر..لكن
بسبب كل الأفكار والاحتمالات اللى فى راسى...
مكنش فى حد فى استقبالنا فى المطار بما إنى كنت عايزة أعملها لريم
مفاجأة..روحنا الأول على الأوتيل...سيبت شنطى هناك وبعدين روحت
على بيت ريم وكيوهيون...
***************************************
"أوباااااا...خلاص وضبت كل
حاجة؟!!"
كيوهيون:"للمرة العشرين أيوا
كله تمام.."
"أوعى تنسى وتقوللها إننا
عارفين إنها جاية النهاردة.."
قرب منى ومسك
خدودى:"حاااااااضر...بس بطلى القلق ده شوية.."
"تفتكر وصلت؟!!"
بص فى ساعته:"المفروض طيارتها
وصلت من نص ساعة – بصلى
بابتسامة – وانا بعد كل
التعب ده مستهلش مكافأة صغننة؟!!"
ضربته على كتفه
بخفة:"أوبااااا.."
بدأ يقرب منى شوية شوية وعنيه مركزة على شفايفى...وفى الوقت ده
جرس الباب رن...
زقيته عنى بسرعة وروحت عشان أفتح...أخدت الحاجات اللى كنت طلباها
من السوبر ماركت ودخلت حطيتها فى
المطبخ....
جيه ورايا وهو بيبص على اللى فى أيدى...
كيوهيون:"أيه ده كله؟!!"
بصتله بابتسامة معجون سيجنل:"هعمل الأكل..وحلويات كمان.."
رجع خطوة لورا وبلع ريقه:"ما
بلاش.."
بصتله بطرف عينى:"تقصد
أيه؟!!"
كيوهيون:"أحم مقصدش..بس إنتى
واقفة على رجلك من الصبح ومش
عايزك تتعبى نفسك.."
"أوباا..أنا فاهمة أصدك,أنت
بتقول كدة عشان اللى حصل أخر مرة..بس
متخفش المرادى هاخد بالى.."
كيوهيون:"هتاخدى بالك من أيه
بالظبط؟!!أخر مرة البيت كان هيولع لما
جربتى تعملى الحلويات.."
قرب منى وحضنى من ضهرى:"بصى
يا بيبى..خلينا نشترى جاهز
أحسن.."
بعدت عنه وربعت أيدى بزعل:"لأ.."
اتنهد بعمق:"خلاص..اعمللى
اللى انتى عايزاه.."
ضحكت وقربت منه وبوسته على خده:"بحبك.."
رجعت تانى للحاجات اللى اشتريتها وبدأت أجهز الأكل....
بعد ساعة تقريبا سمعنا جرس الباب..عرفنا انها وصلت...
جريت وفتحت وعملت نفسى متفاجأة لما شوفتها قدامى...
"ندى؟؟؟ - قربت منها وحضنتها – عاااااااااااا...جيتى أمتى؟!!"
ندى:"لسة واصلة من
شوية.."
دخلت تسلم على كيوهيون وأنا فضلت واقفة عند الباب...
"فين شنطك؟!!"
ندى:"سيبتها فى
الأوتيل.."
قربت منها وسألتها باستغراب:"أوتيل؟!!وليه مجبتيهاش على هنا.."
ندى:"أنا مش هطول هنا
كتير..كام يوم بس عشان الشغل,وكمان عارفة
انكوا متعرفوش انى جاية وأكيد
معملتوش حسابكوا.."
"أنتى بتستهبلى؟!!أيه اللى
بتقوليه ده؟!!وبعدين أيه حكاية كام يوم ديه؟؟؟"
قعدت على الكنبة وهى بتبصلى:"انا
هقعد هنا إسبوع أو اتنين بالكتير
بعدين هرجع...خلاص يا ريشوو بقا
متضايقيش.."
روحت وقعدت جنبها:"أزاى
عايزانى متضايقش يعنى من اللى انتى
بتقوليه ده؟!!صى..هنتكلم فى موضوع
الرجوع ده بعدين..بس النهاردة
تروحى الأوتيل تلغى الحجز بتاعك
وتجيبى شنطك على هنا..وأوضتك
جاهزة ياستى ومش ناقصها
حاجة.."
ندى:"وأوضتى جهزت أزاى – اتعدلت فى قعدتها وضيقت عنيها – كنتى
عارفة إنى جاية؟!!"
كيوهيون:"عجبك كدة؟؟قعدتى
تنبهى عليا مقولش حاجة وفى الأخر انتى
اللى تقعى بلسانك.."
بصيت لكيوهيون بقلة صبر..لأنى عارفة إن ندى كانت بتحاول توقعنا فى
الكلام مش أكتر..هى معرفتش إننا عارفين..
ندى:"يعنى كلامى كان
صح..كنتوا عارفين.."
بصتلها بابتسامة:"فى
الحقيقة..أه..any way..المهم إنك
جيتى وإننا مع
بعض دلوقتى.."
ندى:"أايشش كنت عايزة أعمللها
مفاجأة..المهم أنتوا عاملين أيه؟؟وأيه
أخبار ديما ومروة ودونغهى؟!!تعرفوا
عنهم حاجة؟!!"
استريحت شوية لأنها مسألتش عن شيون..مكنتش عارفة هرد عليها بأيه
لو سألت عنه...
"دونغهى أوبا كويس,ألبوم
فرقته الجديد نزل الشهر اللى فات..وكمان
ديما,أول ألبوم ليها نزل من كام
شهر وحقق نجاح كبير..هم الأتنين بقوا
من أهم مشاهير كوريا.."
ندى:"وااااااااو...فرحتلهم
جدا,لازم أبقى أكلمهم وأشوفهم..ومروة أيه
أخبارها؟!!"
"فى أفضل حال..هى وحبيبها
هيتخطبوا قريب.."
********************************************
كنا قاعدين جنب بعض وبنبص على الخواتم اللى فى أدينا..
كيبوم:"كدة كل حاجة
جاهزة؟!!"
رديت بابتسامة:"أممم..فاضل
تيجى وتطلبنى رسمى وبس.."
كيبوم:"بس مش عايزانى ليه
أسافر وأطلبك من باباكى؟!!يعنى لو.."
قطعته:"بلاش..ديما
كفاية.."
كيبوم:"أنا عايز أعرف
السبب.."
"ممكن ميوافقوش..أصلا من وقت
ما رجعت هنا وديما هى اللى بقت
مسئولة عنى..أنت عارف اللى
حصل.."
كيبوم:"عارف بس.."
مسكت أيده ونمت على كتفه:"خلاص بقا
أوباا..عشان خطرى كفاية كلام
فى الموضوع ده.."
سحب أيده من أيدى وأخدنى فى حضنه وضمنى بقوة..كنت حاسة بالأمان
والراحة فى حضنه...أنا محظوظة عشان عندى شخص زيه..
كيبوم:"أنا مش عايزك تتضايقى
من أى حاجة..مهما كانت الأسباب فى
النهاية هنكون مع بعض..صح؟!!"
"أممم..صح.."
بعدنى عنه شوية وبص فى عينى
بابتسامة:"يلا كلمى ديما واتفقى معاها
على معاد عشان أجى أنا
وميرو.."
"دلوقتى؟!!"
كيبوم:"وليه نستنى؟!!"
مسكت موبايلى واتصلت بديما..كنت مبسوطة وانا بكلمها..وكان باين
الحماس فى صوتى...
وأخيرا اتفقت معاها إن كيبوم هيجى يزورنا الأسبوع الجاى هو وميرو...
****************************************
استنيت لغاية ما خلصت التليفون قبل ما أكلمها..كانت باصة على شاشة
التليفون بابتسامة..
"كنتى بتكلمى حبيبك؟!!"
بصتلى وضحكت بسخرية...
ديما:"بردوا مش عايز تصدق إنى
أنفصلت عنه؟!!"
قعدت وأنا بتكلم:"لسة مش
مقتنع..أيه اللى يخليه ينفصل عن ديما الفنانة
المشهورة والجميلة والـ..."
ديما:"ياااا دونغهى..ومين
قالك إن هو اللى سابنى؟؟أنا اللى سيبته...و بطل
كلام بالطريقة ديه,لو حد سمعك
الاشاعات هتتأكد علينا.."
قربت منها وبصتلها بطرف عينى:"وفيها أيه لو أتأكدت؟!!"
ديما:"أوبااااا..أولا أنا مش
حبيبتك,عايز الإشاعات تتأكد ليه بدام الكلام
مش صحيح؟!!"
بصتلها بابتسامة:"خلاص..تحبى
نخليه كلام مظبوط؟!!"
ديما:"يااا يااا يااا....بطل
هزار بالطريقة ديه,وبعدين أنت مش وراك
تدريب؟؟يلا قوم من هنا وروح على
تدريبك..وبلاش نقعد مع بعض كتير
فى الفترة ديه.."
ضحكت بسبب طريقة كلامها..بحب أغيظها وأضايقها بالطريقة
ديه..خصوصا بعد ما طلعت علينا إشاعة إننا بنتواعد,بسبب إننا بنخرج مع
بعض كتير...وطبعا الصحفيين مش بيصدقوا إننا إصحاب من قبل ما
ندخل الوسط الفنى حتى...
قربت منها ونعكشت شعرها بأيدى:"أوووه يبووودااا.."
حاولت تبعد عنى وبدأت تظبط شعرها...
ديما:"صحيح...عرفت إن ندى
راجعة النهاردة؟!!"
"أممم..ريم قالتلى
إمبارح,,وحشتنى أوى البنت ديه.."
ديما:"عندك حق.."
قامت وبصتلى بابتسامة:"أنا
ورايا تدريب دلوقتى..هشوفك بالليل؟!!"
بصتلها
بابتسامة:"أكيد.."
مشيت وفضلت أنا قاعد ومتابعها بنظرى لغاية ما اختفت من قدامى...
ابتسمت لا إراديا لما أفتكرت كل اللى عملناه فى الفترة اللى فاتت...
قربنا من بعض أكتر..وبقينا أصدقاء مقربين حتى أكتر من الأول,كنت
مرتاح لأننا نسينا كل اللى حصل قبل كدة..بنكمل حياتنا بشكل طبيعى...
بس أكتر شئ مثير للسخرية كل الإشاعات اللى بتطلع علينا بسبب خروجنا
المتكرر مع بعض..أااه لو يعرفوا اللى حصل فى الماضى...
قومت من مكانى وروحت على القاعة اللى بنتدرب فيها..قبل ما ادخل
شوفت أيونهيوك واقف مع ميرو...
روحت سلمت على ميرو بابتسامة...نعكشت شعرها بأيدى...
"أزيك يا بنت..مبقيناش
نشوفك.."
ابتسمتلى:"أوباا..بجد وحشتنى
أووى,,بس أنت عارف بعد ما انضميت
للفرقة مبقاش عندى وقت
كبير.."
ايونهيوك:"أحم احم.."
بصناله إحنا الاتنين باستغراب..وبعدين ميرو ضربته على كتفه..
ميرو:"مش معقول تكون بتغير من
أوبا كمان.."
ضحكت بسبب كلامها وقرصت خدودها...
"هههههههه...خلاص أنا هسيبكوا
مع بعض,بتمنالك التوفيق ميرو.."
ميرو:"كوماوواا أوباا.."
ضربت أيونهيوك على كتفه:"متتأخرش
التدريب هيبدأ.."
دخلت وقعدت مع باقى الأعضاء لغاية ما الكل يتجمع..مسكت موبايلى
وبعت لندى رسالة,وبعدين حطيت الموبايل فى جيبى...
*****************************************
أستلمت رسالة..فتحتها وكانت من دونغهى أوبا...
كان مضمونها(وحشتينى يا خاينة..طول الفترة ديه
من غير ما تسألى
وكمان بتيجى من غير ما تقولى لحد..مستنى أشوفك J)
ابتسمت لما شوفت رسالته..حطيت الموبايل جنبى ورجعت أكمل كلامى
مع ريم وكيوهيون...
ريم:"وكمان جيتى فترة
الامتحانات من غير ما تقوليلى..إنتى بجد.."
ابتسمت ابتسامة بسيطة:"إنتى
عارفة كنت عاملة أزاى وقتها..مكنتش
عايزة حد هنا يعرف إنى
جيت,خصوصا.."
ريم:"شيون؟!!"
سكت وبصيت أدامى...
كيوهيون:"حبيبتى الأكل
جهز؟!!"
ريم:"هقوم أشوفه.."
قامت ريم وراحت المطبخ وأنا قومت من بعدها و دخلت الحمام..حسيت
الدموع بدأت تتجمع فى عينى,حاولت أهدى نفسى وغسلت وشى وبعدين
خرجت...
فى الوقت ده كان كيوهيون رايح ناحية المطبخ وبيكلم ريم وهو باصص
على الموبايل اللى فى أيده....
كيوهيون:"شيون قال إنه جاى فى
السكة.."
حسيت بالخوف..مكنتش عايزة أواجهه..على الأقل دلوقتى...
ريم كانت خارجة من المطبخ وشافتنى واقفة وسمعت اللى كيوهيون قاله...
ريم:"ندى.."
حاولت أبين إنى مش مهتمة باللى سمعته..قعدت على الكنبة وحاولت
أتصنع الإبتسامة...
"الأكل جهز؟!!"
حسيت إن ريم ارتاحت لما متكلمتش فى الموضوع..أكيد كانت متوقعة إنى
أتضايق منها...
ريم:"أمم..يلا قوموا عشان
ناكل.."
قومنا وقعدنا ناكل احنا التلاتة مع بعض..كنت بحاول أخلص بسرعة
عشان أمشى قبل ما هو يجى..
وبالفعل خلصنا أكل وقولتلهم إن ورايا معاد...
ريم:"بس لسة مدوقتيش الكيكة
اللى عملتها.."
"هاجى بكرة وهدوقها..بس لازم
أمشى دلوقتى..صحيح فين عربيتى؟!!"
ريم بابتسامة:"مشوفتيهاش برا
وانتى داخلة؟!!أعتقد إن معاكى المفتاح.."
ابتسمت:"يب..يلا باى.."
أخدت شنطتى وسلمت عليهم وخرجت وانا حاسة ببعض الراحة لأنى مش
هشوفه دلوقتى..بس فى نفس الوقت كنت متضايقة,مش قادرة أنكر إنه
وحشنى...
خرجت من جنينة البيت وقبل ما أتوجه لعربيتى شوفته قدامى...
فضلنا واقفين قدام بعض بنبص لبعض بصدمة وحيرة,مكنش حد فينا
عارف المفروض أيه يتقال فى الموقف ده...كنت بتأمل ملامحه وأنا
واقفة..مفيش حاجة أتغيرت فيه...
فوقت على صوته...
شيون:"أزيك؟!!"
ابتسمت ابتسامة لا تكاد تظهر:"كويسة..وأنت؟!!"
شيون:"أنا كمان كويس.."
بصيت للأرض وفى اللحظة ديه عينى وقعت على أيده..شوفت خاتم
خطوبة فى صباعه...ابتسمت بألم...
"خطبت؟؟"
ضم قبضة أيده كأنه بيحاول يخفى الخاتم...
شيون:"أممم.."
بصتله
بابتسامة:"يونا؟!!"
شيون:"أه.."
"مبروك.."
بص على أيدى وهو بيتكلم:"وإنتى
أتخطبتى.."
بصيت على الخاتم اللى فى أيدى:"أه.."
شيون:"مبروك.."
رديت:"شكرا.."
سكتنا لثوانى كنت حاسة خلالها بإنه ممكن يبدأ كلام فى اللى حصل بيننا...
"أأأ..ريم وكيوهيون
مستنيينك.."
شيون:"أوووه.."
"أنيوو.."
مشيت وأنا بحاول مبينش ضعفى..كنت حاسة فى الوقت ده إن حد خد قلبى
من مكانه..بدأت عيونى تدمع,كنت ماشة بخطوات ثابتة ومبصتش لورا...
ركبت عربيتى بس مقدرتش أمد أيدى عشان أشغلها...حطيت راسى على
الدركسيون وبدأت أعيط فى صمت,كنت كل الفترة اللى فاتت بفكر فى
استحالة اننا نرجع لبعض...لكن حتى مع كل ده حسيت بالألم لما أتأكدت
انه فعلا مستحيل..خلاص هو بقا عنده حياته..وخطيبته....
فى الوقت ده أفتكرت اليوم اللى خرجنا فيه بعد فرح ريم.....
Flash Back>>>
كنا واقفين
قدام محل للخواتم وبنتفرج على الخواتم المحطوطة..
شيون بيشاور
على واحد:"أيه رأيك فى ده؟!!"
"أنيااا..أوفر
أوى.."
بعدين لمحت
واحد عجبنى:"ده حلو.."
شيون:"بس
ده بسيط أوى..مفيهوش فص واحد.."
بصتله
بابتسامة:"بس شكله حلو.."
مسك أيدى
ورجعنا نتمشى تانى جنب بعض...
"هتجيبهولى
أمتى؟!!"
شيون:"سيبينى
فى الأول أفكر فى طريقة رومانسية أطلب أتجوزك بيها.."
ضحكت بسبب
كلامه:"هههههه...أراسوو..خد وقتك.."
شيون:"بتتخيلى
فرحنا أزاى؟!!"
ابتسمت وانا
بتكلم:"لازم يكون فرح كبير..كل الناس اللى نعرفهم وبنحبهم
يحضروه.."
شيون:"يعنى
كام واحد عايزاه يحضر فرحنا؟!!"
"كتير...ممكن
500"
شيون:"500؟؟؟؟"
"أممم...وطبعا
الفستان الطويل الأبيض والطرحة..ببساطة هيكون زى
الأفراح فى
قصص الخيال.."
شيون:"أكيد
هيكون رائع – فكر شوية وبعدين كمل كلامه – وبعد الفرح
نروح على
بيتنا..وهشيلك لغاية أوضتنا...وبعدين.."
ضربته على
كتفه:"بس.."
قرب منى وخبط
راسه براسى:"أيه؟؟مكسوفة؟!!"
سحبت أيدى
منه وزقيته وبعدين مشيت بخطوات سريعة فى محاولة منى
عشان أهرب
منه...
Now>>>
بدأ صوت عياطى يكون أعلى بعد ما أفتكرت ده كله...
سمعت صوت موبايلى..مسحت دموعى بسرعة ورديت..
"الوو..أيوا يا رامى.."
رامى:"أنتى
فين؟!!هتتأخرى؟!!"
"لأ..ليه؟!!"
رامى:"الشركة بعتت عربية عشان
تاخدنا على إجتماع النهاردة.."
"روح أنت وانا هقابلك
هناك...أوكى....باى.."
قفلت السكة وبقيت أحاول أخد نفس عميق وأخرجه عشان أهدى..وبعد
ثوانى شغلت العربية واتجهت للشركة...
to be continue
ليست هناك تعليقات:
إرسال تعليق