Can I Forgive…Can I Forget it.?! Chapter (4)

Chapter (4)

By : REEMAA.ELF 

ولما وصلت كانت ريهام شكلها الحقيقه يضحك جدا .. وهي الأكل والعصير إل مبهدل هدومها وشعرها . وريهام إل كانت متعصبه فوق ما تتصوروا من الحصل  ..

أنا لما شوفتها كده كان نفسي أضحك بس  لو ضحكت كان زماني في عداد الأموات دلوقتي ... بس لفت نظري الشخص إل عمل فيها كده بس مكنتش مصدقه إن هو .. كان فطسان ضحك عليها ... وريهام بتبصلوا وفضلها تكه كمان وتقتلوا على ال عملوا ...

وأنا مستغربه جدا : أوبااا إنت بتعمل أيه هناااا

انهيووك لما شافني بطل يضحك و كان مستغرب هو كمان ان هو شافني..

لكن ريهام لفتلي وكانت مستغربه إني أعرفه وهي بتشاور عليه وبتبصلي شزرا : إنتي تعرفي الشخص الغبي ده......

مكنتش مصدقه ال بسمعوا من ريهام و رديت عليها بإحراج من انهيووك

اه يا ريهام اعرفوا ده .. أولا انهيووك اوبا عضو في فرقه السوبر جونيور ال بشتغل معاها .. ثانيا اوباا من أصدقائي المقربين ..

ريهام كانت متعصبه جدا من ال عمله انهيووك  فيها  .. ده غير أني كملت عليها لما قلتلها أن هيووكي صديقي المقرب ,, بصتلوا بقرف وراحت بصالي بنفس التعبير  : 

وات افر ريم..اي كان مين هو  .. كل ال أعرفه إن هو إنسان قليل الذوق جدا و مفكرش يتأسف حتى على ال عملوا  و فالح يضحك بس  وبعصبيه مدت ايديها نحيتي .. إتفضلي  بعد إذنك هاتي مفتاح العربيه عشان انا هروح انضف نفسي في الحمام  و هروح استناكي في العربيه .. و راحت بصالوا من فوق لتحت وبقرف .. و ياريت متتأخريش

طبعا إدتها المفتاح زي ماطلبت بس مكنتش مصدقه ال بسمعوا.. وريهام وهي نازله تهزيق في هيوكي وهو كل ال طالع عليه ان هو متنح .. بس المفروض مكنتش أستغرب إن هو يكون في المطعم ده بذات لإن ده المطعم ال كنا على طوول بناكل فيه انا والثلاثي المرح شييون وهيوكي ودونغهي لما بنخرج مع بعض ....

اكيد كلكوا عايزين تعرفوا هيوكي عمل هذه العامله في اختي العزيزة إزاي ... خليني احكلكوا

Flash back

انهيووك في وقت البريك بتاع الفرقه من التدريبات وال هو تقريبا ساعه قال للإعضاء إن هيقابل صاحب ليه كان وعده إن هو هيقابله إنهارده في المطعم ..

و بما إن المطعم ده مش بعيد عن الشركه مسافه ربع ساعه مشي و بالعربيه عشر دقايق .. فعلا سابهم وراح على المطعم .. و شاف صحبوا عادي جدا وطلبوا الأوردر بتاعهم والبوكس نور وبعد كده قام  يجيب الأكل ويصادف إن إحنا كمان الإوردر بتاعنا يكون خلص .. ولما  ريهام تقوم تجيب الأكل .. هيكون هيوكي واقف في المكان ال بنستلم منوا الاكل وهي واقفه وراه  ..

 لكن إنهيووك كان في الوقت ده عمال يضرب مسدسات الحب ويغمز ويعاكس في البنات ال بيشتغلوا في المطعم وال كانوا هيتجننوا عليه أصلا..

أما ريهام ال كانت شايفه الحركات ال هو بيعملها و كانت بتقول بينها وبين نفسها ده عبيط ده ولا ايه .. اصلها جاهله ومتعرفش إن  هيوكي كازانوفا  بالنسبة للبنات ال بيحبوه..

وفي الوقت ال ريهام بتكلم نفسها وإنهيووك ال مستمر في وصلة الغزل بالموظفات كان بياخد الصينيه وبيلف بس طبعا مكنش مركز وهوب الصينيه تقع على ريهام بال فيها ويحصل هذا المشهد المضحك ..

The end

بما إن انهيووك كان متنح في ريهام وهي ماشيه مكنش مصدق إنها بصتلوا من فوق لتحت ولا عبرتوا اصلا  ... من الآخر كده ريهام كانت مسحت بكرامتوا الأرض ( قويه و مستقويه ) ..

 أما أنا كنت ببص على انهيووك ال كان متنح ومش مصدق إن ريهام فضلت مستمره في وصلت التهزيئ فيه حتي بعد ما عرفت علاقتي بيه وإضطريت أسفتاً بعد اما ريهام تمشي أفوق هيووكي من حالة التتنيح ال هو فيها دي بإني أضربوا على ذراعوا

إنهيووك حط إيده على كتفه مكان ما ضربتوا وبألم : ااه.. ااه ايه يا بنتي في ايه هو أنا عملت إيه بقى عشان تضربيني..و زي العيال إتوجع تاني  اااه بتوجع اششش .. إيدك تقيله على فكره ..

رديت عليه برخامه: منا عارفه ايه الجديد يعني إن إيدي تقيله ..  المهم ..وبعدين إنت أصلا تستاهل الضرب ...لا وكمان بتقولي مش عارف عملت إيه .. إنت هتستهبل يا أوبا في حد يعمل في بنت كده و يضحك بدل ما يعتزر ..

إنهيووك بقلة حيله : معرفش بقى ياريم لما شفتها بالمنظر ده معرفتش أمسك نفسي من الضحك .. وبعدين أنا سمعتك بتندهلها بإسم ريهام  وبعد ماخد بالوا من اسمها  اووعي تقولي إن دي أختك الشريره  .. يا دي المصيبه ال وقعت على دماغك يا هيوكي ... وبخباثه بصلي  بس تعرفي دي حلووه اووي

خبطوا تاني على كتفوا :  اوبا لم نفسك وبطل إستهبال حلوة إيه وبتاع إيه دلوقتي ..بأستعجال مني .. بص أنا مش هينفع أتكلم معاك اكتر من كده لإنها مستنيه في العربيه بره ..  ولو مطلعتش مش بعيد تيجي تقتلني أنا وانت هنا او أنها تاخد العربيه وتسبني أروح البيت زحفا على الأسفلت  ..

وبحركه سريعة مشيت وانا بشورلوا بايدي بمعني سلام : بيانيه اوبا اا  ا اشوفك بعدين .. اراسووو انيوو.. 

هيوكي كان بيتكلم وانا ماشيه :

 يا بنتي رايحه فين بس بعد ال حصل ده مش تقوليلي إتصرف إزاي طيب ..

روحت لفتلوا: خلاص يا أوبا هبقى اكلمك لما اروح أو اقولك خليها بكره بعد الشغل نبقى نتكلم في الموضوع ده ,, بأسف ,, بيانيه أوبا .. انيوووو

مشيت وسبت انهيووك غرقان في العاملة المهببه ال عملها وهو بيفكرهيعمل ايه .. بس بعد كده استسلم .. لان كان تفكيروا كله إن أنا هحل الموضوع زي ما وعدته ..

وسعتها هو طلب أكل تاني وراح  إستناه على الطرابيزه ال صحبوا مستنيه فيها .. بس مقدرش ميفكرش بردوا في ال حصل برغم إن ريهام كانت شريره معاه بس كان فيه حاجه شداه إن يفكر فيها ... يمكن عشان هو معروف والبنات كلها هتموت عليه وإن بنوته حلوه زيها متعرفهوش وتمسح بكرامتوا الأرض زي ما عملت .. و انها كمان لما عرفتوا مكنش في آي تعبير ملفت منها  ده ال كان شاغل انهيووك وهو مستني الاكل ..

لكن أنا لما طلعت من المطعم و ركبت العربيه ..كانت ريهام سنده راسها على الشباك ال جمبها و باين عليها إنها مضايقه من ال حصل .. كنت زعلانه لإني شفت تعابير الفرحه  بالخبر ال قلتهولها عن تدريبها إختفى من على وشها بسبب ال حصل بما إننا كنا جايين نحتفل بالخبر ..

حاولت أطرق الحديد وهو ساخن زي مابيقولوا .. بإني أكلمها على سوء الفهم ال حصل وابينلها إن هيووكي صح غلط بس هو إنسان كويس جدا .. وإن هي بردوا غلطت لما قللة من احترام هيوكي بكلامها..  

وبديت اتكلم بشويه جديه :

ريهام أنا عارفه إنك مضايقه من ال حصل في المطعم و إنك حسيتي إن انهيووك اوباا استهزء بيكي بســـــ.....

لكنها قطعتني قبل اما اكمل كلامي

ريهام ربعت ايديها وبعصبيه : ريم أنا مش عااااايزه أتكلـــــ ....         

سعتها اتعصبت شويه وقطعتها قبل ما تكمل كلامها وكملت كلامي بجديه أكتر :

ريهام بعد إذنك إسمعيني للإخر ..أولا أنا مش هدافع عن إنهييوك اوبا في ال عملوا  لأنوا غلط  لما معتذرش على ال عملوا معاكي .. بس أنا عيزاكي تعرفي إن انهيووك اوبا مش مجرد شخص بشتغل معاه ..لا ده من اصدقائي المقربين جدا وانا عشان عرفاه  كويس أووي بقولك أن هو مكنش قصدوا أن يقلل من إحترامك .. انا منكرش إن اوباا شخص مرح وحياتوا كلها هزار وضحك لكن برغم كل ده هو إنسان محترم جدا و بيعرف كويس يتعامل مع البنات بأدب و ذوق و كل الناس ال تعرفوا تشهد على كده وانا اولهم  ...

أنا عارفه إن أوبا غلط  لما ضحك بس آي حد مكانوا كان هيضحك عليكي وإنتي بالمنظر ده مش استهزاءاً بيكي لا .. بس لأن طبيعة البشر إننا لما بنشوف حاجه بتضحك بنضحك وانا ال اسمي أختك ضحكت عليكي لما شفتك كده بس حاولت مبينلكيش على فكره عشان متضايقيش ..

بس اي كان ال حصل مكنش ينفع إنك تقللِ من إحترام أوبا كده و خصوصا  بعد ما عرفتي علاقتنا ببعض .. أنا عيزاكي تفكري في ال قلتوا كويس سعتها هتعرفي إن عندي حق في كل كلمه قلتها ..

قلت الكلام ال حسيت إن لازم أقولوا ... سعتها ريهام ردت فعلها على كلامي إنها 

رجعت سندت تاني راسها على الشباك من غير ما تقول ولا كلمه .. تأكدت سعتها إنها بدأت تفكر في ال أنا قلتوا ..

سبتها تفكر و مردتش أضغط عليها عشان أعرف رأيها في ال أنا قولتوا إكتفيت إن الوضع يكون هادي لحد أما نروح البيت .. ولما وصلنا الشقه دخلت تدور على الأوضه ال فاضيه ولما لقتها دخلتها و قفلت الباب عليها بدون ما تتكلم ولا كلمه معايا  ..

كنت متأكده إنها هتفكر لحد أما تنام زي منا متعوده منها على طوول لما بلفت نظرها لحاجه في وجهت نظري إنها غلط .. و فضلت سعتها إن الوقت ده أستغلوا في التنظيف  وتحضير وجبة عشاء معتبره تعويضا للحصل إنهارده ... وعشان البنات كمان مكلوش حاجه من وقت أما وصلوا ..

أما إنهيووك بقى لما خلص من لقاءه مع صحبه وقت البريك رجع الشركه تاني  و دماغوا اتشغلت في الشغل والتدريبات لحد أخر اليوم و لما خلص رجع البيت هو و الأعضاء وطبعا كان  تعبان جدا من كتر التدريبات فنام بمجرد لما شاف سريره ..

 والوقت عدى بسرعه لحد أما بقينا وقت العشاء كانت الساعه تقريبا 8 مساءا لما البنات بدأوا يصحوا من النوم وكنت أنا طبعا في المطبخ بحط اللمسات الأخيره في الأكل وبحضر السلطه.. سعتها لقيت دينا وسارة داخلين عليا المطبخ وبدأوا يساعدوني في ال أنا بعملوا سارة حضرت العصير ودينا غسلت الأطباق ال هناكل فيها وحطتهم على طرابيزة المطبخ .. اما أختي العزيزة قعدت تتفرج على التلفزيون كالعادة ... لكن جومانه جت وطلبت مني طلب مش وقته خالص ..

جومانه : ريم هاتي مفتاح العربيه عشان عايزه اشتري حاجات مهمة من السوبر 

ماركت ..

رديت عليها كنت بقطع السلطه ومدياها ظهري : سوبر ماركت إيه يا جومانا و إنتي متعرفيش أماكن المحلات هنا لسه ..إكتبيلي ال إنتي عيزاه في ورقه وأنا أجبهولك بكره و أنا راجعه من الشغل.. يلا يا حبيبتي خدي الاطباق ال جمبك على طرابيزه المطبخ و حطيها على السفره .. خلينا ناكل ..

جومانا مكنش عجِبها كلامي طبعا وردت عليه برخامه  : اخلصي ياريم .. أنا و إحنا جايين لمحت السوبر ماركت وعرفت طريقوا كويس .. إخلصي بقى وهاتي المفتاح ..

و بزهق  رديت عليها  : خلاص خلاص بطلي زن المفتاح هتلاقيه متعلق .. في العلاقات إل ناحية باب الشقه .. وياريت متتأخريش عشان إحنا هنحط الأكل و صحيح خدي موبيلي معاكي عشان أعرف أوصلك لو حصل حاجه ..

صراحتا مكنتش خايفه على جومانا لإنها شخصيه ذكيه و بتقدر تحفظ المكان ال هي فيه بسرعه ده غير إنها سريعة التأقلم على الجو المحيط بيها فعشان كده إستسلمت لزنها وحنتها و إدتها المفتاح ..

و الوقت ده أكتشفت إني تقريبا كنت بكلم نفسي لإن جومانا و أنا بقولها على إنها متتأخرش و إنها تاخد موبيلي..  كانت بالفعل خدت موبيلي من الترايبزه بتاعت المطبخ ولبست الجزمه وخدت المفتاح وطيران على بره  ..

 جومانا نزلت وركبت العربيه وطلعت على السوبر ماركت  جابت الحاجات ال هي محتاجاها .. وطلعت فتحت العربيه وركبتها .. وهي طالعه من الparking  هوب تيجي عربيه كانت بتدور على parking

ويخبطوا فبعض نقدر نقول على الخبطه إن العربيتين يدوب لمسوا بعض   بس طبعا عربيتي الحبيبة بقت بعين واحده بسبب الخبطه .. جومانا نزلت مفزوعه من العربيه..و قعدت على ركبها (وضع القرفصاء ) قدام العربيه عشان تبص على الخبطه ...

جومانا وهي بتكلم نفسها بزعل و حسرة  : أعمل إيه أنا بقى دلوقتي .. ريم لسه مستلمه  العربيه الجديدة من وقت مش كبير  .أوووف بقى . يارتني ما أخدتها ,, حبك معايا يعني إن تهف عليا الشكولاته .. غبية ..

أيوه فعلا جومانا كانت نازله تجيب شكولاته .. المهم جومانا وهي عماله تفكر في الخبطه بتاعت العربيه نزل الشخص ال كان في العربيه ال تانيه  وقرب منها بقلق :

بيانيه بيانيه مكنش قصدي .. حضرتك أنا هصلح العربيه على حسابي مفيش داعي نجيب الشرطه ,, ونعمل شوشره ..

سعتها جومانا قامت وبصتلوا وبإحراج وهي بتلعب في إيديها وبتبص على العربيه : لا .. لا  مفيش مشكله ,, حضرتك أنا ال غلطانه مكنتش واخده بالي وأنا طالعه من parking ,, نوموو نوموو بيانيه  .. 

جومانا وهي بتتكلم مكنتش شافت ال خبطها كويس و لما بصت في وشوا وركزت حست إنها عرفاه وشفتوا قبل كده  بس مش فكره فين ..قعدت تدقق في ملامحوا فسألتوا بحيرة :

بيانيه مره تانيه بس انا حسه ان شفت حضرتك قبل كده بس مش فاكره فين للأسف ..

إبتسم و بتواضع رد عليها : حضرتك أكيد شفتيني قبل كده ...و مد إيده و إنحنلها أنا تشوي شيوون عضو في فرقه السوبر جونيور إتشرفت بحضرتك ..

جومانا مدت إيديها وبإبتسامه  وبعفويه  سلمت عليه : دلوقتي بس  أنا عرفت شوفت حضرتك فين.. (خبط لازق كده قلتلوا هي مين ) ..و على فكره أنا جومانا صحبت ريم مديرة أعمالكوا .. أنا كمان شيوون شي  إتشرفت بحضرتك جدا برغم إنها صدفه غريبه إننا نتقابل في الموقف ده ..

خليني احكلكوا شيوون ايه  ال جابوا السوبر ماركت هو كمان قبل اما اكملكوا ال حصل flach back

شيوون كان متعود كل فتره يجي يسهر مع الاعضاء بما أن مش عايش معاهم.. وإنهارده كان اليوم الموعود ..وكالعاده قبل ما بيجي بيسأل الأعضاء إذا كانوا عايزين حاجه وهو جاي .. والاعضاء كانوا بالفعل طلبوا منوا حاجات فعشان كده جه السوبر ماركت عشان يجيب الحاجات   وفي الوقت ال كان  بيدور على parking  مخدش بالوا ان في عربيه طالعه من parking  وراح خابط فيها ..  the end

شيوون رفع حواجبه بإستغراب لما عرف إن جومانا صحبتي وابتسم : تشرفت بيكي جومانا شي فعلا صدفه غريبه إنِ أقابل صحبت ريمو في الموقف ده معنى كده إن دي عربيه ريم ..

جومانا بابتسامه وهي بتلعب في شعرها من الإحراج  : فعلا دي عربيه ريم بس بما إننا طلعنا نعرف بعض مفيش مشكله .. الحمد لله إنها جت على قد كده ..فرصه سعيده جدا شيوون شي بس بيانيه انا لازم امشي عشان ريم و البنات مستنينني في البيت ..

جومانا انحنتلوا ,, وشورتلوا بإيديها بمعني السلام وركبت العربيه و طلعت على الشقه ...

شييون مكنش مصدق الصدفه الغريبه دي .. وركن مكانها وراح يجيب الحاجات من السوبر ماركت ..

اما انا بقى كنت قاعده في البيت قلقانه لإنها إتأخرت ولما أتصلت عليها على الموبيل قفلت عليه و أثناء ما أنا كنت رايحه جايه في الشقه .. في الوقت ده جومانا كانت بتحط أرقام قفل باب الشقه وراحت داخله  ..

جومانا وهي بتقلع الجزمه : أسفه جدا يابنات أنا عارفه إني إتأخرت بس حصل معايا موقف غريب هو كان سبب تأخيري ..

دينا برخامه : يا شيخه دي ريم قرفتنا كان فضلها تكه وتبلغ الشرطه على إنك إتخطفتي ..

بصيت لدينا شزرا : مش وقت استظرافك دلوقتي  خالص يا دينا ..

سألتها بقلق  :  خير يا جومانا إيه الموقف ال أخرك كده ..

جومانا وهي بتشد كرسي السفره و بتقعد  : واحنا بناكل هحكيلكم

 حطينا الأطباق و قعدنا ناكل وجومانا بدت تحكي

جومانا وهي بتشرب الشربه وبكل برود : إل حصل معايا بقى يا حلويين إني عملت حادثه بالعربيه ..

سعتها أنا أول أما سمعت كلمت حادثه منها الأكل وقف في زوري (البلعوم ) و قعدت أكح ,, أكح ..ورديت عليها  وانا مخضوضه :

حادثة بتقولي حادثه .. طب حصلك حاجه حاسه بحاجه  في حاجه بتوجعك  ...

أنا طبعا كنت قلقانه إن يحصلها زي ما حصلي ..

دينا ببرود وببتساما خبيثه : مهي زي القردة قدامك اهيه بطلي بقى دور أمنا إل إنتي عيشاه ده ..

جومانا خبطت دينا على راسها بما إنها كانت قاعده جمبها و ردت على دينا برخامه : قرد لما يكلك يا شيخه و بعدين بطلي لسانك إل عايز قطعه ده وملكيش دعوى ب ريم ... وردت عليه وهي مبتسمه عشان تحاول تهديني من الخوف ال تملكني عليها .. لا لا ياريم يا حبيبتي أنا كويسه الحمد لله متخفيش عليه .. بسس

رديت عليها بقلل : بس ايه يا جومانا ..

جومانا شربت بوء مايه وبتردد : العربيه بتاعتك يا ريم..... إتخبطت من قدام ..

رديت عليها بعد ما اخدت نفس إني أرتحت إن الموضوع بسيط وبإبتسامه  : حرام عليكي يا شيخه رعبتيني أنا قلت خبطتي حد بالعربيه .. مش مشكله العربيه المهم إنك بخير و الحمد لله إنها جت في العربيه و مجتش فيكي يا حبيبتي ..

جومانا بكسوف  : ربنا يخليكي ليا يا ريم  وميحرمنيش من حبك وخوفك عليه (بإحراج ) و بجد أنا أسفه جدا أنا عارفه إنك لسه مستلماها من أسبوعين بدل إل راحت في الحادثه ..

 رديت عليها بإبتسامه أكتر : عيب يا جومانا تقولي كده الحمد لله إنها جت على قد كده ... والعربيه يا ستي هتروح فين يعني أخرتها هتصلح متشليش هم .

جومانا لما أفتكرت شيوون : صحيح ياريم إنتي عارفه مين إل عملت معاه الحادثة ..

رديت باستغراب : مين حد اعرفه

جومانا : أه شيوون عضو الفرقه ال بتشتغلي فيها

رديت وانا مبتسمه و مستغربه الصدفة الغريبه ال جمعتهم  : بتتكلمي بجد شييون أوبا  تلاقيه كان رايح يجيب حاجات من السوبر ماركت بما إن أوبا هيسهر ويبات مع الأعضاء إنهارده ..

جومانه وهي بتاكل : بس عارفه ياريم شيوون إنسان محترم جدا و متواضع محستش للحظه إنوا مغني مشهور وهو بيتكلم معايا بكل تواضع ..

إبتسمت وأنا برد عليها : طبعا عارفة  كل ال إنتي بتقوليه ده مش غريب على شيوون اوبا إن يكون جنتل و متواضع لأبعد الحدود ده غير إن فعلا انسان سهل التعامل معاه جدا ..

سارة بفضول : انا ملاحظه ياريم إنك بتتكلمي عليه كأنكوا أصحاب وعارفين بعض كويس أنا كنت فاكره العلاقه بينك إنتي والإعضاء شغل بس

ضحكت :  لا يا سارة العلاقه بيني أنا والأعضاء مش شغل بس أنا بيربطني بكل واحد فيهم علاقه مميزة .. علاقه أخوه وصداقه مقدرش إني أتخيل حياتي من غيرها  ..

سارة بفضول : طب احلكنا بقى إزاي بقيتوا أصحاب وأخوات كده ..

بديت أحكي مشوار الخمس شهور للبنات و إيه علاقتي بكل واحد فيهم .. حكيت قصتي معاهم بكل تفاصيلها .. بما أن مكلماتي معاهم كانت بتبقى قصيره  و يدوب بيعرفوا أخباري .. بس مكنوش متخيلين إن علاقتي مع الأعضاء  قريبه كده  ...

أما شيوون بعد أما جاب الحاجات من السوبر ماركت طلع على شقة الأعضاء اتعشى معاهم  وبعد اما خلصوا عشاء شغلوا فيلم على التلفزيون و قعدوا يتفرجوا عليه بس شييون وإنهيووك مكنوش معاهم خالص ..

وليتووك  طبعا خد بالوا منهم ... بما إن ليتووك كان قاعد بينهم على الكنبه إنهيووك على يمينه و شييون على شماله وعشان يفوقهم من سرحانهم راح خبطهم على رجليهم على خفيف ..

  : في ايه يا ابني إنت وهو سرحانين فيه  مخليكوا مش معانا خالص كده ..

شيوون بابتسامه : لا يا هيونج مفيش حاجه مهمه بس  وأنا بجبلكوا الحاجات ال طلبتوها مني قبل اما آجي حصلت معايا صدفه غريبه ..

طبعا الاعضاء من الفضول  قفلوا الفيلم و كلوا إنتبه على شيوون ال بيحكي ال حصل معاه ..

سنغمين بفضول : صدفه غريبه ... طب احكلنا يا سيدي ايه ال حصل معاك ..

وبدأ شيوون يحكلهم على ال حصل معاه هو وجومانا وإن إزاي صدفه هي إل جمعتهم ..

شيوون  : بس يا جماعه هو ده كل ال حصل معايا ..

كيونا وهو بيضحك و بخباثه  : فعلا صدفه غريبه يا هيونج إنك تقابل جومانا صحبت ريم لا وتخبطوا عربيه ريم الغلبانه ..  ده ريم هتنفخك ( هتخانق معاه يعني )  لما تشوفك ..

ردت فعل شيوون راح رامي  المخده ال كانت جمبوا على كيونا   : تصدق إنك إنسان مستفز .. ياريت ملكش دعوة  بال هيحصل بيني وبين ريم ده إنت رخم بشكل يا شيخ .. يا ساتر .. غمزلوا   بس عارف بردوا للأسف بحبك ,, بس مش عارف ليه ..

كيونا ببرود وهو بيشرب مايه  : ومين ضحك عليك بقى يا هيونج وفهم حضرتك إنِ بحبك.. أصلا ..

شيوون لما سمع كلام كيونا قام من مكانوا و قرب من كيونا وقعد يحضنوا ويبوسوا بالعافيه و يرخم عليه و كيونا مكنش طايق هزار شيوون وصوت ضحكوا و صريخوا  كان مسمع في الشقه كلها  ..

الأعضاء طبعا كانوا فطسنين ضحك على عفويه كيونا و شيوون ال تعودوا عليها و كانوا طبعا بيفرحوا في كيونا في كل مره كان شيوون بيعمل في كده .. و لما شيوون خلص وصلة الهزار  انهيووك  بصلوا وهو بيضحك  :

طب دنتا المفروض يا شيوون تعمل فرح إن ده إل حصل معاك مع  صحبت ريم  وراح باصص للأعضاء امال لو عرفتوا أنا بقى عملت إيه في أختها ريهام ..

هيتشوول وهو بيضحك : هيوكي حبيبي أوعى تقولي إنك أنت بقى دوستها بالعربيه موتها ..

دونغهي  وهو بيضحك على هتشوول و كلامه الشرير و هزاره الرخم 

هيونج ايه ال انتى بتقولوا ده حرام عليك .. وراح باصص لهيوكي :

هيوكي حبيبي إتحفني بمصيبك ال مبتخلصش  

إنهيووك بدأ يحكي ال حصل معاه  ....  وإن صح صدفه جمعتني بيه أنا وريهام بس كانت صدفه فعلا عجيبه  ..

وبعد أما الأعضاء عرفوا ..

ليتووك وهو بيضحك ومش مصدق ال هيوكي عملوا في ريهام : صراحتا هي عندها حق إنها تعمل معاك كده .. بس عيب يا هيوكي كان لازم تعتذر .. بس طالما ريم قلتلك إنها هتتصرف يبقى متخفش هي هتحلها ..

انهيووك بزعل: أنا عارف يا هيونج إن ال عملتوا غلط صحيح هو مكنش قصدي بس المفروض فعلا كنت اعتذر .. عمتا بكره بعد الشغل هكلم ريم و هشوف هتقولي أعمل ايه ..

بعد أما شيوون وهيووكي حكوا ال حصل مع صدفهم الغريبه مع ريهام وجومانا كملوا مع الأعضاء سهرتهم  لعب و هزار لحد اما الساعه ما بقت 2 بعد منتصف الليل وطبعا بسبب جدول شغلهم تاني يوم .. إضطروا إنهم ينهوا السهره ويدخلوا يناموا ..

 كل الأعضاء ناموا إلا إنهيووك وشيوون كان التفكير شاغلهم .. شيوون بيفكر في الصدفه ال جمعتوا مع جومانا و إن قد إيه أعجب بيها وأسرتوا   أول أما شافها نازله من العربيه وهي بتبعد خصل شعرها الطويل ال طايره على وشها كانت بمواصفات البنت ال يتمناها طويله وجميله ده غير عنيها وابتسمتها الساحرة  أعجابه بيها من أول نظره هو ده ال شغل تفكير شيونا لحد أما راح في النوم ...

أما إنهيووك إل  معرفش ينام من التفكير في ال حصل بينوا وبين ريهام في المطعم ,, صحيح كان مضايق من ال حصل في أول لقاء يشوف فيها أختي بس ال كان شاغل تفكيروا إن إزاي برغم إنها هزقتوا كان في حاجه شداه ليها بس طبعا مكنش عارف يفهم إيه سر إنجذابوا أن يفكر فيها أصلا  ..

حاول  إن يبعد التفكير عنوا وينام لكن للأسف معرفش .. فخرج من أوضتوا و قعد يلف حاولين نفسوا مش عارف يعمل إيه ..مرة  ينام على الكنبه شويه .. ومرة يطلع البلكونة بس بعد كده راح داخل المطبخ وفتح التلاجه وخد إزازة مايه وراح شارب منها  بس مقدرش حتى يبلع المايه وراح تفها في الحوض بتاع المطبخ بسرعه  ..

السبب ال خلاه عمل كده إن المايه كانت ساقعه جدا (بارده) فخلت سنانوا رجعلها الوجع تاني بس المره دي الوجع مكنش قادر يستحملوا لدرجه إن عنيه دمعت من كتر الوجع ال كان حاسس بيه ..

وفي الوقت ده كان صادف إن ليتووك صاحي يدخل الحمام وخد بالوا إن نور المطبخ  منور .. أفتكر إن حد من الأعضاء سابوا منور فدخل يقفلوا . بس لما دخل شاف اينهيووك قاعد على الكرسي وباين عليه إنوا تعبان وبيتألم ...

ليتووك قرب منوا وحط ايده على كتفه و بقلق : هيوكي مالك قاعد كده ليه إنت تعبان ولا ايه  

إنهيووك بألم وهو بيتكلم بالعافيه : ايوه يا هيونج مش قادر تعبان أوووي سناني وجعاني جدا بسبب الماية الساقعه لدرجه إن حاسس دماغي من كتر الصداع هتنفجر ,, الألم المرة دي مش زي كل مرة مش قادر أستحملوا  ..

ليتووك بص في ساعة المطبخ : طب هنعمل ايه الساعه 4 الفجر لو روحت طوارئ في المستشفى مش هنلاقي دكتور أسنان الوقت ده  ..

 وبعدين ليتووك سكت شويه وأفتكر.. صحيح يا هيووكي ريهام أخت ريم دكتورة أسنان أنا هكلم ريم عشان تجيبها وتيجي عشان تشوف ممكن تعملك إيه يريحك لحد اما تروح عيادة الأسنان ..

 إنهيووك بص لليتووك وبألم  : لا يا هيونج ما تتصلش بريم معتقدش إن ريهام هترضى تيجي بعد ال عملتوا فيها الصبح ..

ليتوووك مردش على إنهيووك وسابوا ودخل جاب الموبيل من الأوضه ..  وهو بيطلع رقمي من الموبيل وبيتصل عليه : ملكش دعوة إنت يا هيوكي  أنا هتصرف ..

كنت نايمه في سابع نومه لما تلفوني رن و وقومني من احلى نومه  مخضوضه على صوتوا .. ولما مسكتوا و شفت رقم ليتووك قلقت جدا لما بصيت على الساعة ال جمبي على الترابيزه ولقتها 4 الفجر و قومت وقعدت و رديت بخضه :

انيووهاسيوااا ليتووك أوبا خير في حد حصلوا حاجه

ليتووك : بيانيه ريم إني صحيتك في الوقت ده بس اصل انهيووك تعبان اووي سنانوا ألماه جدا لدرجه إن مش قادر يتكلم من كتر الالم والصداع  .. وانا عشان عارف ان  ريهام أختك دكتورة أسنان قلت اكلمك تيجي تديلوا أي مسكن لحد لما يروح عيادة الأسنان  الصبح ..

رديت بقلق على انهيووك   : لا يا اوبا مفيش داعي تعتذر .. مسافه السكه على طوول وهنكون عندك  ..

 قمت من السرير دخلت غسلت وشي بسرعه وحطيت جاكت عليه و طلعت رحت أوضه ريهام كانت صاحيه بتذاكر كالعاده في الكتب الطبيه ال جيباها معاها عشان تساعدها في تدريبها ..

خبطت عليها الباب ودخلت عليها اول اما شفتني جيلها في الوقت ده قلقت  ..

خير يا ريم ايه ال مصحيكي الوقت ده في حاجه حصلت انتي تعبانه ولا حاجه .

رديت عليها بتردد خفت أقولها إن انهيووك ال تعبان فترفض إنها تيجي فقررت ان اقولها حد من الاعضاء ال تعبان واحطها قدام الامر الواقع ..

لا ياريهام مش أنا ال تعبانه ليتووك اوبا لسه قافل معايا التليفون و قالي ان حد من الاعضاء تعبان جدا من سنانوا ومش قادر يستحمل الالم للصبح فكان بيطلب مني بعد إذنك طبعا إنك تيجي تشوفيه وتديلوا اي مسكن لحد الصبح ..

ريهام وانا بتكلم كانت قامت بالفعل من المكتب وقلعت النظاره و فتحت الدولاب ووهي بتلبس جاكت على ال هي لبساه .. طبعا ياريم هروح اشوفوا ثواني بس أشوف شنطه العدة بتاعتي فيها حاجه الحاجات ال هحتجها ...

ولما ريهام إتأكدت إن شنطتها كامله .. خدت مفتاح العربيه ونزلنا أنا وهي نروح عند الأعضاء و لما وصلنا عند الشقه حطيت الارقام السريه بتاعت الباب و سعتها ليتووك جه يستقبلنا على الباب لما سمع صوت قفل الباب وهو يبتفتح ..

ليتووك وهو بينحني : نومو بيانيه يا ريم أني جبتكوا في الوقت ده إنتي وريهام شي ..

انحنلتوا انا وريهام ورديت عليه وانا بقلع الجزمه : اوباا انت بتعتذر علي ايه بس.. احنا مفيش بنا الكلام ده امال إنهيووك اوبا فين ..

خفت من ردت ريهام لما تسمع مني وانا بسأل على مكان هيووكي و تعرف إن هو ال تعبان..

ليتووك شاورلي على إن هيوكي في المطبخ .. لكن ال فجأني ردت فعل ريهام مضيقتش أبدا لما عرفت إن إنهيووك هو ال تعبان وبعد مكنت خايفه إنها لما تعرف ممكن تمشي لقتها سبقاني و ماشية قبليه وراا (خلف) ليتووك هو داخل المطبخ و بتسألوا على ال حصل  ...

ليتووك بكل أدب: اتفضلي ريهام شي هو قالي إن لما شرب المايه الساقعه حصلوا كده .. ريهام لما عرفت شكرته وانحنتلوا ودخلت ..

انهيووك مكنش عارف يتصرف إزاي لما شاف ريهام وكل ال عملوا إن قام برغم تعبوا وانحنلها بكل ادب وقعد مكانوا تاني من غير ما ينطق بكلمه واحده و ريهام لما شفتوا قبلت احتراموا ليها بانحناءه و على طول حطت شنطتها على الترابيزة المطبخ  مكان ما انهيووك كان قاعد وبدأت تكشف عليه ..

ريهام بأبتسامه : إنهيووك شي ممكن تفتح بوءك (الفم ) على قد ما تقدر ..

انهيووك كان بينفذ كلام ريهام من غير أما يعترض ... وكان متفاجأ طبعا من معملت ريهام اللطيفه ليه ..

وبعد اما ريهام خلصت كشف و اديتوا مسكن قوي عشان يريحوا ..

                                                  

إنهيووك شي .. انت درس العقل عندك مسوس  وواصل للعصب عشان كده مقدرتش تستحمل المايا الساقعه ده غير الالتهاب اللثه ال سببهولك التسوس اتمنى من حضرتك انك تروح تتابع مع دكتور اسنان كويس (بما إنها دكتورة في مرحلة التدريب ) و متهملش الموضوع لإن ممكن يكون خطير و يسببلك التهابات مزمنه تأثر على بقية اسنانك ..

وفي الوقت ال ريهام كانت خلصت وبتلم حاجتها إنهيووك كان عايز يشكرها بس كان مترردد ولما جه يتكلم ..

ريها... مقدرش يتكلم من الألم

وريهام سعتها لفت بعد أما خدت بالها إن إنهيووك كان عايز يتكلم بس مقدرش وبإبتسامه مفيش داعي تشكرني انهيووك شي ده واجبي ايا كان ال حصل بينا ده يعتبر في نطاق حياتي الشخصيه و انت حضرتك دلوقتي بنسبالي مريضي وانا بعرف كويس افصل بين حياتي الشخصيه وبين واجبي كا دكتورة ..

إنهيووك كان مبهور من شخصية ريهام ازاي كانت معاه الصبح وازاي هي لطيفه جدا معاه دلوقتي .. فعلا بتقدر تفصل بين حياتها الشخصية و وواجبها إنها تساعدوا برغم إل عملوا ...

 وانحنتلوا ومشيت طلعتلي بره انا و ليتووك ال كنا بنرغي انا وهو في حفلة الإستقبال ال قررت أعملها عشان يتعرفوا على البنات بما إن جدول أعمالنا أنا والأعضاء قليل بكره فقلت استغل الفرصه وأعزمهم على العشاء ونقضي بقيت اليوم مع بعض ..

ريهام لما طلعت من عند انهيووك هو كان طالع وراها قومت من مكاني و قربت منوا غمزتلوا و زي العيال الصغيرة  :

          حبيبي يا أوبااا ألف سلامه عليك ياريتها جت في باجزي ولا جت فيك ..

وفي الوقت ال بقول الكلمتين دوول يجي شيوون من ورايا و يمسكني من قفايا ( ماهو صحى على صوتي أنا وليتووك وإحنا شغالين رغي وضحك .. وانا نسيت إن شيوون بايت أصلا معاهم ده غير إن معروف عن شيوون دوناً عن الأعضاء كلهم إن نوموا خفيف ) و بعصبية شيوون و المعروفه  عنوا و هو بيهزر  تيجي في مين ياختي ,, باجزي حبيبي إنتي النهارده موتك على إيدي ريم شي   أنا سعتها فلت نفسي من إيدوا بسرعه و جريت إستخبيت ورا هيوكي ومكست في بجامته زي العيال الصغيره ال بتتحامى في حد ان ينقذها .. شيوون ال عمال يجي ناحية اليمين شويه و نحية الشمال شويه  مش عارف يمسكني بما إن هيووكي بيحوش عني و هو بيضحك بالعافيه من التعب علينا ,, ده غير إن أنا أصلا صولي 156سنتي يعني يدوب باينه من الأرض .. وانا ال طالع عليه اقوله : خلاص يا اوبااا اخر مرة .. اخر مره مش هقول كده تاني عاااا ده باجزي حبيبي بردواا  عااااااااااا

ليتووك كان هيمووت من الضحك هو وهيوكي وريهام عليه انا و شيوون

ورحت جريت سحبت ريهام من إيديها  و هوب جري على الباب عدل بس قبل أما أطلع كان لازم أكمل طبعا  وصلة الرخامه بتاعتي ورحت مطلعه لشيوون لساني : على فكره باجزي وحش زي انهيووك أوبا ودونغهي أوبا ما بيقولوا ...ااااا .. سلام .. سلام

قفلت الباب وبخطوة سريعه رحت على الأسانسير ونزلت أنا وريهام على العربية .. أصل أنا عارفه شيوون مجنون و ممكن يجي يكسرني من الضرب وكل ده عشان خاطر باجزي بتاعوا الوحش ده ..

 وبعد أما ركبنا العربيه لقيت ريهام بتقولي بسخريه :   إنتي متأكده إنك مديرة أعمالهم ال بتتحكم فيهم و في شغلهم وفكل حاجه ..

رديت وانا مكسوفه من ال شيوون عملوا فيا  : أحم .. أحممم اه طبعا متأكده إني مديرة أعمالهم .. بعدين متنسيش إن إحنا صحاب و الهزار عادي يعني بين الأصحاب ..

ريهام ضحكت : ماشي ياستي برغم اني مش مصدقه انك بتتحكمي في كل ال يخصهم بعد الشو الجميل ال شوفتوا فوق مع شيوون وهو مبهدلك ..

ريهام خلصت تريقه عليه و ملمحها اتغيريت شويه وكانت مضايقه :

ريم على فكره  كان عادي  انك تقوليلي ان انهيووك هو ال تعبان اكيد مكنتش هرفض ان اكشف عليه لمجرد ان حصل بينا موقف مش لطيف انتي عارفه كويس اني انا بفصل بين حياتي الشخصيه وشغلي كويس .. وان شغلي اهم حاجه عندي ..

صراحتا ريهام كان عندها حق في ال قالتوا انا اكتر واحده عرفه ان درستها وشغلها هما أهم حاجه عندها و بأسف اعتذرتلها :

انا اسفه ياريهام مكنش قصدي اضايقك بس عشان الموضوع  كان لسه حاصل الصبح خفت ترفضي انا اسفه بجد متزعليش مني

ريهام وهي مبتسمه : إنتي عارفه إني مش بعرف أزعل منك عشان كده متخافيش بس عشان إضايقت من الموقف قلت أعتبك عليه بس ..

وصلنا البيت و نزلنا من العربيه  ولما وصلنا الشقه كل واحده فينا دخلت على اوضتها ونمنا لحد الصبح ..

وعلى زقزقة العصافير المزعجه ال بتصحي الواحد من أحلى نومه كانت الساعه تقريبا 8 صباحا ..صحيت كالعاده عشان أروح الشغل قمت من على السرير بالعافيه بصيت على  جومانا ال نايمه على السرير ال جمبي  .. تقريبا كانت  مقتوله مش نايمه  لدرجه إنها محستش بأي حاجه من ال حصلت وقت الفجر ..

قمت دخلت الحمام وخلصت وصله النظافه ..لبست و طلعت عملتلي نسكافيه وسندوتش  ,, في الوقت ده كانت ريهام صحيت عشان تنزل الجامعه تزبط ورقها و تقابل البروفسير بتاعها عشان تشوف حوار التدريب والمستشفى ال هتشتغل فيها فترة تدريبها ...

ريهام جت وانا واقفه في المطبخ وهي بتتاوب : اواااا  .. ريم إنتي نازله الشغل دلوقتي ..

رديت وانا باكل الساندوتش  : آه يا ريهام نازله ليه كنتي عايزه حاجه ..

ريهام قعدت على كرسي من بتوع المطبخ : لا اصلي كنت عيزاكي توصليني في طريقك للجامعه بتاعتي ..

وأنا بشرب من النسكافيه : خلاص قومي حضري نفسك وأنا هخدك في طريقي أنا لسه قدامي ساعه على أول جدول للأعضاء .... بس مش هعرف اجيلك لان بعد الشغل هاخد العربية واروح للمكانيكي عشان يصلحلي الفانوس ال اتكسر ..

ريهام  وهي لسه بتتاوب : لا متخافيش انا كده كده كنت هروح بتاكسي عشان معرفش ظروفك ايه في الشغل ...

  

ريهام قامت وحضرت نفسها ونزلت أنا وهي ,, وصلتها الجامعه و طلعت أنا على الشغل وقضيت يومي في الشغل عادي جدا ..

وعلى آخر اليوم كانوا خلصوا تدريب كانت الساعه تقريبا 4 عصرا روحتلهم عشان أبلغهم بحفلة الأستقبال وكمان أكلم هيوكي في ال حصل إمبارح زي ما وعدته  و اشكر شيوون ان أهتم باتصالوا بلمكانيكي عشان عربيتي.. دخلت أوضة التدريب وأنا جيبلهم عصير برتقال منعش ,, كان كل واحد فيهم رامي نفسوا في حته ونايم بيريح على الأرض ,,

أنيووو يا حلوين ..

الأعضاء قاموا وخدوا مني العصير وهما بيشربوا كأنهم مشفوش عصير قبل كده ..

ليتتوك وهو بيشرب : كماوا ريمو جه في وقته الواحد كان عايز حاجه ساقعه كده تنعشه ..

رديت بإبتسامه : انميدا ليتووك اوبا .. بصيت للأعضاء .. صحيح يا جماعه أنا عزماكوا إنهارده كلكوا عندي في الشقه على العشاء منها تتعرفوا على البنات و منها نسهر مع بعض في شقتي لأول مره .. 

سنغمين بإبتسامه : بجد أراسووو ريمو أكيد هنيجي ..طب نيجي على الساعه كام كده

وانا ببص في ساعة إيدي : على الساعه سابعه يا أوبا عشان تكونوا ريحتوا وانا كمان أكون عملتلكوا عشاء يليق بسوبر جونيور ..

كيونا برخامه : روحنا في داهيه .. ريم ما تخليها دلفيري ( أكل من المطعم ) .. الواحد صراحتا مش ناقص تسمم كمان .. كفاية تعب الشغل عليه ..

بصتلوا شزرا  وبرخامه

  : على فكرة مش عاجبك متجيش على الأقل هتوفر وجبتك .. ..

كيونا لما لقاني مفرقش معايا لا وكمان بقولوا كده ,, قلب على زي العيال  : كده يا ريم  مش عيزا  اخوكي الغلبان يجي عندك و تأكليه وتدلعيه زيهم ..

بعتلوا بوسه على الهوا : لا طبعا هو انا أقدر بردوا أكل من غير اوبا حبيبي  .. ولا يهمك تعالى انت بس و هتشوف الدلع كلوا ..

                                  

ريووك بعد أما خلصنا أنا وكيونا وصلة الرخامه والغزل في بعض بإهتمام : تحبي أروح معاكي ياريم عشان أساعدك ..

رديت و أنا مبسوته بريووكي حبيبي ال عايز يساعدني : كماوا أوبا بس للأسف أنا مش هروح على البيت على طوول ورايا كام حاجه هعملها  بس أنا هسيب عليك تعملنا إنت الحلويات ايه رأيك ..

ريووكي رفع صباعه و هو واثق في نفسوا  : أوكي ,,  سيبيها عليه .. هبهركوا ..

رديت عليه بإبتسامه وانا رافعة صباعي  : وأنا متأكده إننا هنبهر من إبدعاتك  يا أوبا ..

لفيت نحية شيوون : صحيح يا  اوبا  كماوا على اهتمامك بحكاية المكانيكي ,, هو اتصل بيه انهارده لما وصلت الشغل وبلغني ان هو تبعك ..

شيوون بكسوف  وهو بيلعب في شعروا : متقوليش كده ياريم انا لسه كنت هعتزر منك على ال حصل في العربيه خصوصا  إن الموقف ده حصل مع جومانا شي ..

رديت بإبتسامه :  مفيش داعي يا اوبا تعتذر حصل خير المهم انكم  بخير   ..وعلى فكرة جومانا مضيقتش خالص من ال حصل و بالعكس قلتلي انك كنت انسان ذوق جدا معاها و محترم وانها محستش للحظه انك مشهور ..

طبعا شيوون وشوا قلب الوان من الخجل وكان مبسوط من الكلام ال قلتوا جومانا  عليه 

 ..

لفيت بصيت لأنهيووك ال واقف قدامي  وبإبتسامه  : هيوكي أوبا أنا عايزه أكلمك في موضوع مهم .. ايه رأيك أوصلك البيت إنهارده ..

إنهيووك بإبتسامه  : اراسوووا يا ريم أنا كده .. كده كنت هقولك إن عايز أكلمك أنا كمان .. طب بس اديني عشر دقايق أغير هدومي و هاجي على طوول  ..

وانا بسحب كرسي و بقعد عليه : اراسووا اوبا أنا هستناك هنا مع الأعضاء ..

دونغهي ال قاعد يميني على الأرض وهو بيبصلي من تحت لتحت و الفضول وكلوا  :  ريم إنتي عايزة هيوكي فإيه بقى ..

لفيت نحيتوا : عيزاه في موضوع مهم هبقى اقولك عليه بعدين يا اوبا لما اشوفك تاني  ..

ليتووك  بإهتمام : ريم بعد إذنك ابقى شوفي عيادة اسنان كويسه لهيوكي عشان يبدأ العلاج ..

أنا : حاضر يا اوبا بس متخفش انا فعلا انهارده بديت أدور على عياده كويسه عشان خاطر هيوكي اوبا يكون مرتاح و هو بيتعالج ..

وأثناء ما أنا برد على ليتوك باب أوضة التدريب إتفتح وهيوكي دخل بنص جسموا  كده :

يلا ياريم عشان نمشي أنا خلصت  ..

قومت من على الكرسي وانحنتلهم وأنا رايحه نحيت الباب : ياريت متتأخروش ال هيجي متأخرهحرموا من العشاء على فكرة  فاهمين ..

خرجت من الأوضه  ومشيت أنا و هيويكي والاعضاء كان بيضحكوا على ال قلتوا ,,  لكن دونغهي مكنش طايق نفسوا خد الفوطة بتاعتوا ال على الأرض قداموا و مشى نحية الباب و هو بيحاول يتمالك أعصابوا  : أنا هسبقوا أنا يا جماعه هغير و أروح ..أراسووا  

قفل الباب وطلع ولما خرج شفني ماشيه أنا وهيوكي و احنا رايحين ناحية الأسانسير و شغالين هزار وضحك مع بعض .. مكنش طايق إن هيوكي معايا بس مش هو ده ال كان منفرزه بس ,, لا كان ال معصبه اكتر ال حصل امبارح لما  قام من النوم  على صوتي أنا و شيوون و هيوكي .. و هو بيتفرج علينا من بعيد ,, مكنش طايق هزار شيوون معايا و إني أنا كمان إتحميت في هيوكي من شيوون وإستخبيت وراه ..

 إحساس إنهم  قريبين مني كده كان هيجنن دونغهي .. وانا كملت عليه لما وصلتوا من كلامي ان في سر بيني انا وهيوكي  بس أنا مكنتش اقصد اوصلوا كده خالص انا بس كنت عايزة اشوف هيوكي ناوي على ايه  بعد اما نتكلم مع بعض وبعدين اقول سواء كان لدونغهي او الاعضاء كلهم ..بما ان الموضوع مش كبير لهذه الدرجة ..

طلعت أنا وهيوكي من الشركة و ركبنا عربيتي وقعدنا نرغي طوول الطريق أهم موضوع إتكلمنا فيه هو إني طلبت منوا إن يعتذر من ريهام إنهارده .. وأكدتله إن ريهام هتقبل إعتذاره بما إني عارفه أختي كويس ..

وصلت هيوكي زي ما طلب مني للسوق ولما سألتوا ليه قلي ان محتاج حاجات ,, طلب اني اروح وهو هياخد تاكس ... وانا طلعت على السوبر ماركت جبت الحاجات ال هحتجها وروحت على البيت  ,, لما وصلت كان المكانيكي مستنيني وخد العربيه وقال هيجبهالي باليل ..

دخلت الشقه كانت جومانا ودينا وكمان سارة بيوضبوا حاجتهم و بينضفوا الشقه  بما إن سبتلهم ورقه قبل أما أنزل متعلقه مضمونها إن الأعضاء هيتعشوا و يسهروا معانا إنهارده ,,, بلغتهم عشان يعملوا حسابهم وفعلا أما رجعت كانت الشقه نضيف ومرتبه صحيح أنا نظفتها بس طبعا شنطهم كانت في كل حته فمهما عملت ونظفت بردوا مفيش فايدة ..

دخلت المطبخ  وبديت أحضر العشاء قررت أعمل باستا بالطريقة الإيطالية تحتوي على الخضار والفراخ ( الدجاج ) والصوص الأبيض والموزيرلا ,, والبنات بدأوا يسعدوني في السلطات والعصاير ولزوم السهرة .. ولما سألتهم على ريهام قلولي إنها جت من ساعتين ونايمه ..

أما الأعضاء لما سبناهم أنا وهيوكي وكمان دونغهي إتفقوا إنهم يعملولي مفجأة وهي عبارة إن كل واحد يجبلي هديه بمناسبة إنهم أول مرة يزوروا شقتي من ساعة أما إشتغلت معاهم .. بس طبعا دونغهي معرفش الإتفاق و لما كلموه كان قافل موبيلوا وحتى لما روحوا لقوه في سابع نومه ..

ومرت الساعات القليلة دي والوقت بقى سابعة ال عشر دقايق كنت انا والبنات زبطنا نفسنا وإتحضرنا لإستقبالهم و الأعضاء نزلوا وكل واحد معاه الهدية بتاعتوا حتى هيويكي بما ان رد على موبيلوا ال رن وهو معايا في العربيه وعرف الإتفاق ..  لكن دونغهي من ساعة أما عرف وهو بيتخانق مع الأعضاء إن محدش بلغه بالأتفاق ..

دونغهي بعصبية : يعني أنا عايز أفهم بس حتى لو مردتش على التلفون إتصرفوا جبولي أي حاجه هدخل إزاي أنا دلوقتي من غير هديه ..

هيتشوول لما جاب أخره من دونغهي : خلاص يا دوني بقى بطل زن قلنا مجاش في بالنا نعمل كده حصل خير ابقى إنزل جبلها هديتك بكرة بما إننا أجازة .. وياريت تبطل رغي بقى أحسن صدعتني ..

وصلوا الأعضاء الشقه عندي وعلى صوت جرس الباب روحت فتحت أنا والبنات وإستقبلناهم .. إتفجأت جدا بيهم وهو كل واحد داخل وفي إيديه هديه وبدأوا يقدموها وهما بيبركولي على الشقه  لكن دونغهي الوحيد ال مكنش معاه حاجه وكان باين عليه الإحراج  ولما وصل عليه الدور لعب في شعره من الإحراج :

بيانيه يا ريم ملحقتش أجيبلك هديتك إنهارده بس بكره هجبلك هديه أحلى من هدياهم كلهم ..

رديت بإبتسامه ومعرفش توهت ليه في ملامحوا البريئة : مفيش داعي يا أوبا تجيبلي حاجه .. إنت بنسبالي يا أوبا أحلى هدية .. فعلا ده الكلام ال طلع مني أنا معرفش قلت كده إزاي و لما خدت بالي من ال قلته  ,, ده غير ردت فعل الأعضاء ال خلتني أحرج جدا وهما عمالين يضحكوا ويقوليلي اللللله اللللله إيه الكلام الجامده ده  يا بختك يا عم دوني ...

حاولت أتدارك الموقف وخصوصا لما شفت دونغهي متنح من ساعة أما سمع مني كده و أنا بحاول أتوه :

يلا إدخلوا بقى اقعدوا هتدنكوا واقفين كده على باب ..

ليتووك بصلي وشاور وراه : مش لما تعرفينا إحنا والآنسات الحلوين  على بعض ..

روحت وقفت نحية البنات : أه يا أوبا معلش وشاورتلهم على الأعضاء خليني يا بنات أعرفكوا عليهم أولا هما دول بقى أعضاء فرقه السوبر جونيور الغنيه عن التعريف ال بشتغل معاها ..  ثانيا أحلى صحاب واخوات ليه في الدنيا  ..

البنات إنحنلهم وكل واحدة بدأت تعرف عن نفسها بس سارة كان موقفها بعد أما إتعرفوا على بعض .. إنها كانت متنحه وهي عمالة تبص لكل واحد فيهم والقلوب طالعه من عنيها وبصوت مسموع للكل ..

ريمو حبيبتي هو إنتي بتشتغلي مع كل الشباب الحلوين دول لوحدك أمم و أنا بقول مش عايزة ترجعي مصر تاني ليه ..

اتحرجت جدا من كلام سارة وخصوصا لما خدت بالي إن الأعضاء سمعوها وبدأوا يضحكوا روحت خبطاها على دماغها  وأنا بجز على سناني :

الله يخربيتك فضحتيني .. وابتسامه عريضه .. إتفضلوا يا جماعه اقعدوا عشر دقايق و السفره هتبقى متحضرة ..

حضرت أنا والبنات السفره وبدينا ناكل .. كانت القاعده واحنا بناكل ممتعه جدا الأعضاء اتعودوا على البنات بسرعه وبقوا يهزروا مع بعض ,, لكن  انهيووك مكنش قادر يبص ناحية ريهام من الإحراج وريهام كانت ببتعامل عادي جدا ,, صراحتا كنت مبسوطه إن البنات إرتاحوا مع التعامل مع الأعضاء بس ال خلاني كنت نفسي أقتل سارة  و احنا بناكل إنها معتقتش حد من الأعضاء مرة تدي لليتوك مايه ,, شويه تدي لهيتشوول سلطه ,, شويه تدي لشيوون معلقه وهاكذا طوول ما احنا بناكل مسبتش حد فيهم في حالوا و على وشها ضحكة عريضه واصله لقفاها ده غير رموشها ال كانوا عملين  زي المروحه وهي بتبصبصلهم ..

 من الآخر كده سارة فضحتني قدماهم ..  خلصنا الأكل وشكروني على الأكل وأشادوا بمهارتي في الطبخ .. حتى كيونا إعترف أخيرا الحمد لله ..

دخلت المطبخ أنا وريوكي عشان ننضف و الكل هرب طبعا .. وفي الوقت ده كانت سارة لسه في حالة الجنان ال هي فيها مسبتش توكي و هيتشولي ودوني حتى ميني في حالهم  لزقه جمبهم  وشغاله رغي شويه ومعاكسه شويه في جمالهم ..

لكن كيونا كان قاعد مع دينا بيحكلها عن لو مكنش مغني كان هيبقى إيه :

كيونا بإبتسامه : تعرفي دينا شي أنا لو مكنتش مغني كنت زماني دلوقتي محامي زي حضرتك ..

دينا بإبتسامه و بجدية شويه : بجد كيونا شي إشمعنا المحاماة بقى ال حضرتك إخترتها ..

كيونا : لإن ده كان حلمي من صغري إن أبقى محامي بس لما حبيت الغناء مقدرتش غير إن أحقق حلم إن أكون مغني ,, لف بص لوشوش الأعضاء بعنين بتلمع من دموع ال اتجمعت فيه  و اهو  الحمد لله بقيت مغني كبير مش بس مع أفضل فرقه في كوريا كلها .. لا مع احلى اخوان ليه في دنيا وقفوا جمبي كتير و بعتز بيهم  ..

دينا بعد أما شافت عنيه ال بتلمع عرفت قد إيه هو فخور إن بيشتغل معاهم ده غير إن قدر يحقق حلمه و إستغربت إنها شافت الجانب الحساس من كيونا لإني لما حكتلهم عن الأعضاء محكتش عن كيونا غير على لسانه السليط و أكيد رخمتنا أنا وهو على بعض :     

   أنا مبسوته جدا ليك كيونا شي إنك قدرت تحقق حلمك ,, اتمنالك نجاحات أكبر مع الفرقه و تقدر تحقق نجاحات أكبر لوحدك كمان تفخر بيها الفرقه  ..

كيونا بإبتسامه وشوية خجل : كمساميدا دينا شي .. و على فكره أنا نزلت ألبوم منفرد فعلا والحمد لله عمل نجاحات كويسه ..  اكيد هبقى أجيب لحضرتك نسخه منوا و تبقى فرصة نشوف بعض تاني  ..

دينا بكسوف : بجد تشوكايه كيونا شي .. أكيد هبقى مبسوطه لما أشوف حضرتك تاني ,, و كمان هبقى اكيد سعيده لما أسمع صوتك المميز زي ما ريم قلتلي ..

كيونا بخجل :  كمساميدا دينا شي .. كلامك  أسعدني جدا  ..

 واستمر كيونا ودينا في الرغي مع بعض ,, كانوا مرتاحين جدا  في الكلام مع بعض لوجود قواسم مشتركه بينهم  ..

أما أنا وريووكي خلصنا وطلعنا بالعصير والحلويات و لحظت إن ريهام مش معاهم وأنا بوزع العصير قلت يبقى ممكن تكون في البلكونه لإنها مش بتحب التجمعات الكبيرة و هيوكي ال أكدلي كده بما إن كان قاعد على الكرسي و عنيه على البلكونه رحت قربت منوا و إديتوا كوبيتين عصير :

أوباا خد العصير ده و إطلع يلا إعتذرلها زي ما إتفقنا .

إنهيووك بتوتر : أنا خايف متقبلش إعتذاري ..

مردتش عليه كل ال عملتوا إني شديتوا قومتوا من على الكرسي و حطيت الكوبيتين في إيديه و زقيتوا لحد البلكونه وشاورتلوا عشان يطلع ...

لما طلع هيووكي كانت ريهام واقفه سرحانه وهي بتبص على السماء قرب منها بتوتر :

 ريهام شي إتفضلي أنا جبت لحضرتك العصير

ريهام خدت بالها من إنهيووك وبإبتسامه مشرقه جدا :

كماساميدا إنهيووك شي .. مكنش في داعي تتعب نفسك ..

إنهيووك لما شاف ضحكت ريهام حط إيده على قلبه لأن حس إن هيطلع من مكانوا من كتر ما كان بيدق .. (لي حق صراحتا ريهام أختي كانت ضحكتها صافيه وحلوة أووي فعلا )

وتدارك الأمر بسرعه : لا عادي مفيش تعب ولا حاجه  وراح سكت شويه ريهام شي نومو بيانيه على إل عملتوا معاكي يوم المطعم بس أنا فعلا مكنتش أقصد و بيانيه كمان لإني ضحكت أنا عارف إن كنت قليل الذوق .. أتمنى منك إنك تقبلي إعتذاري ..

ريهام  سحبت كرسي وقعدت وشاورت لهيوكي بطريقه مهذبة  عشان يقعد في الكرسي ال قدامها و بنفس الإبتسامه :

 مفيش داعي تعتذر إنهيووك شي أنا نسيت الموضوع خلاص وبأسف و بعدين أنا ال المفروض أعتذر لحضرتك لإني زودتها حبتين و قللت من إحترامك ,, بيانيه إنهيووك شي أنا ال آتمنى من حضرتك إنك تقبل أعتذاري ..

إنهيووك براحة و بإبتسامه : لا لا ريهام شي  ,, ال حضرتك عملتيه اي حد غيرك كان هيعمل كده لو إتحط في مكانك .. عمتا حصل خير .. وراح مد إيده  ايه رأيك نعتبر إل حصل من الماضي ونفتح صفحه جديده بينا تكون بداية صداقتنا ريهام شي ..

ريهام بكسوف مدة إيدها وسلمت عليه : أكيد إنهيووك شي شرف ليه إن يكون ليه صديق زي حضرتك ..

إنهيووك بإنشكاح : خلاص إذا كان كده إيه رأيك أعزمك على الغدا في اليوم ال يناسبك .. إعتبريه يا ستي عربون بداية الصداقه ال هتبتدي بنا  ..

ريهام وهي بتضحك على إنهيووك لأنوا إتغير خالص بعد أما إتصلحوا من شخص خجول مكسوف من ال عملوا لشخص بيضحك وبيهزر و كأنهم صحاب من زمان : خلاص إنهيووك شي الوقت ال هشوفوا مناسب بما إني هبدأ تدريب من بكرة هبلغ حضرتك و نخرج نتغدى مع بعض  ..

قعدوا يتكلموا ويهزروا مع بعض كأنهم يعرفوا بعض فعلا من زمان ريهام كانت بتضحك من قلبها وشخصية هيوكي ال شافت فيها كل حاجه ,, الدم الخفيف و الشخصية الجذابة  ده غير إن إنسان بسيط جدا و سهل التعامل معاه ... هيوكي طلب منها يشيلوا الرسميه بينهم بس ريهام قلتوا مع الوقت و التعود على بعض سعتها ممكن تقدر تشلها و هيوكي وفقها الرأي ..

أكيد طبعا كلكوا مستغربين ريهام ايه ال غيرها كده مع هيوكي .. ريهام برغم إنها قويه و شريرة زي ما انا قولتلكوا بس .. لما بتحس إنها عملت حاجه غلط مختلفه عن أخلاقها بتعترف بغلطها وبتعتذر وده ال حصل بعد أما حكتلها عن إنهيووك ونبهتها إن مكنش في داعي تقلل من إحتراموا كده يعني من الآخر كده بتعمل المصيبة ولما تحس إنها غلطت تعتذر أكتر من كده مش هتلاقوا ..

ونرجع تاني ليه بعد أما سبتهم  ودخلت أكمل توزيع العصير على بقيه الأعضاء  شيوون بعد أما دخل الحمام طلع قعد على كراسي البار بتاعت المطبخ ولما كنت بقرب منوا فطسني ضحك وهو حاطط ايده على خده  و  متنح  في جومانا ال قاعده على كرسي الكنبه بتلعب في الموبيل و تعتبر تقريبا في وشوا .. قربت منوا و انا بديلوا العصير و وطيت على ودانه :

بدل ما إنت متنح و فاتح بوئك كده وفضحني إتحرك خدلها العصير و روح إتكلم معاها ..

شيوون بإحراج : اها ..ها بتقولي أيه أنا مش فاهم إنتي بتتكلمي عن إيه أصلا

بصتلوا و أنا بغمزلوا : لا بجد مش عارف أنا أقصد إيه .. ماشي  يا شيونا أنا هعمل فيها عبيطه و هخلع ( همشي يعني ) ..

مشيت و أنا بضحك على شيوون ال إعجابوا بجومانا فاضحه سعتها تمنيت إن جومانا و شيوون تبتدي قصة جميلة بينهم برغم إني كنت مستبعده الأمر ده بالنسبة لجومانا ..

لما سبت شيوون رحت قعدت مع الأعضاء إل إنضم إليهم ريووكي و سارة إل مبهدلاهم  بهبلها .. بس لاحظت إن دونغهي قاعد في عالم تاني وهو بيلعب في موبيلوا فقربت قعدت جمبه :

ايه يا أوبا قاعد لوحدك ليه .. ايه مش عجباك القعده معانا بقى ولا ايه ..

دونغهي بإحراج : لا لا ياريم متقوليش كده بالعكس القاعدة لذيذة جدا و الواحد بقالوا كتير مغيرش جو ,, ده غير إن مبسوط عشان اتعرفت على اختك وأصحابك ,, وعلى فكرة نفسك حلو جدا في الأكل أنا كنت فاكر إن مش هلاقي حد أكله حلو زي ماما و ريووكي بس طلعت غلطان ..

إتكسفت جدا من كلام دونغهي : كماووا أوبا على ذوقك .. أنا على قدي في الطبيخ وأكيد مهما عملت مش هوصل لأجوما و ريووك أوبا .. نومو  كمساميدا أوبا أخجلتني  بكلامك الحلو ..

استأذنت من دونغهي في اني اقوم أشوف الأعضاء الباقين و بقيت أتنقل بين كل واحد من الأعضاء شويه عشان أقعد معاهم و أشوف لو محتاجين حاجه ..

صراحتا مكنتش عايزة اليوم يخلص السهرة كانت جميله جدا خصوصا لما  إتلمينا كلنا مع بعض وعملنا فريقين و قعدنا نلعب و نهزر ده غير فقرة الرقص وال أغاني ال عملوها الأعضاء عشان يعرفوا البنات عليهم بما إن ريهام والبنات كانوا ميعرفوش مين هما أصلا سوبر جونيور ..

وخلصت السهرة  ,, شكرت الأعضاء جدا على اليوم الممتع ده و كمان شكرتهم على هدياهم إل أسعدتني جدا ..

الأعضاء روحوا و أنا والبنات دخلنا ننام  بس في مننا ال دماغوا كانت شغاله تفكير ,, أنا مثلا مكنتش مصدقه ال أنا قلتوا لدونغهي لما كان بيعتذرلي لانوا مجبليش هدية وال كان هيجنني أكتر إن إزاي الكلام ده يطلع مني  .. ده غير كلاموا على أكلي وان هو عجبوا جدا كنت مبسوته بكلاموا هو اكتر واحد دوننا عن كل الأعضاء ,, في الوقت ده حسيت إن شغل الجنان إبتدى تاني بنسبالي  وانا بحاول أفسر لنفسي تصرفاتي الغريبة ال بقيت اعملها  ..

.

.

 أما سارة كانت مبلمة في السقف و مكنتش مصدقه إنها كانت قاعده مع كل الشباب الحلوين دوول .. مجنونه من يومك يا سارة ..

و ريهام ال كانت بتفكر في قعدتها مع هيوكي  وان قد ايه فكرتها عنوا إتغيرت تماما  لما قعدت معاه و اتكلموا ..

..

.

لكن دينا كانت مش قادرة تنسى دموع كيونا ال خلت عنيه تلمع وتبين قد إيه هو إنسان حساس برغم لسانوا ال ملوش حل ..

أما جومانا حبيبتي من ساعة أما حطت دماغها على المخده وهي في سابع نومه .. كل واحده فكرت في ال شاغل دماغها لحد أما روحنا في النوم ..

وعند الأعضاء هما كمان في منهم ال شاغل دماغوا حاجه مش مخلياه عارف ينام .. هيوكي مثلا كان حاطط إيديه على قلبوا و مش قادر يفسر ليه قلبوا دق بسرعه لما ريهام ضحكتلوا وليه كان مبسوط اووي معاها..

و شيوني ال كان روح بيتوا ودخل أوضتوا و رمى نفسوا على السرير وبدأ  يكلم في نفسوا ليه جومانا البنت الوحيده ال مش قادر يروح يتعرف عليها ويتلكم معاها زي ما بيتكلم مع أي بنوته يعرفها ..

أما دونغهي فكان عمال يتقلب على السرير زي المجنون وهو عمال يفتكر الكلام ال أنا قلتوا مكنش عارف يفسر السعادة ال ملت قلبوا من كلامي .. هما كمان دنتهم يفكروا لحد أما راحوا في سابع نومه ..

وفي يوم جديد بتعلن الشمس على بداية  أجازتي و بداية الجد بالنسبه للبنات هو صحيح أنا صحيت في معاد الشغل بس كان اليوم بالنسبالي مميز عشان هرتاح فيه من اليوم المتعب بتاع إمبارح ..

 قمت وبسعادة بديت أحضر فطار مميز تشجعي ليهم لإني كنت عارفه إن كل واحدة من البنات النهارده بنسبلها هو اول سلمه لتحقيق حلمهم.. صحيوا البنات و صبحوا عليه ولما إبتدينا نفطرسألتهم :

  

تحبوا يا بنات أنزل أوصلكوا للجامعه ..

ريهام وهي بتعمل ساندوتش : لا ياريم مفيش داعي أنا عرفت الطريق و بعدين مباني كليتنا كلنا جمب بعض متقلقيش أنا هخدهم ونروح ..

وانا بشرب النسكافيه : خلاص تمام بالتوفيق يا بنات إنهارده في أول مشوار في طريق حلمكوا وعلى الطريقه الكوريه رحت قلتلهم  أجا أجا فايتنج ...

البنات وهما بيضحكوا رفعوا إديهم : أجا أجا فايتنج

ضحكنا و كملنا فطار و ريهام خدتهم و نزلوا ركبوا تاكس وعلى جامعة سيوول ,, أما أنا نظفت مواعين الفطار و دخلت أوضتي أتصفح النت و كلمت ماما وبابا و جدتي حبيبتي كانت وحشتني اووي كانت الساعه تقريبا عندهم الساعه 7مساءا و خلصت رغي معاهم و بصيت في الساعه لقتها بقت 11 الظهر مكنتش عارفه أعمل ايه لإني بقالي فتره كبيرة أووي مخدناش أجازة أنا والأعضاء فقلت أكيد مش هضيع فرصتي وهنام لحد أما البنات يرجعوا ..

أما عند الأعضاء ,, طبعا كانوا تعبانين من السهر بتاع إمبارح و إستغلوا الأجازة في النوم وبدأوا يصحصحوا من النوم على الساعه 11 الظهر كده ولما قاموا يفطروا إتفاجئوا إن دونغهي مكنش موجود ولما كلموه قلهم إن هو نزل يشتري حاجه و هيعمل مشوار مهم و هيجي على الغداء ..

بعد أما روحت في سابع نومه صحيت على صوت موبيلي ال بيزن جمبي ومسكتوا ورديت و أنا نعسانه مخدتش بالي حتى إن أبص على رقم التلفون :

نامسيوو

كان دونغهي إعتذر مني إن هو صحاني و طلب إني أقابلوا تحت العمارة لإنوا مستنيني  وعايزني في حاجه مهمه ..

قمت غسلت وشي ولبست سويت شيرت و بنطلون جينز ورفعت شعري و نزلت أشوف دونغهي عايز مني إيه .. ولما نزلت كان مديني ظهروا وباصص في الأرض وعمال يلعب في الأرض برجله .وكان في كيس هدايا فايديه اليمين  ف نديت عليه :

دونغهي أوبا

لفلي وسلمت عليه : إزيك يا أوبااا .. حطيت إيديه في جيب السويت شرت لان الجو كان برد خير يا أوبا إيه الموضوع المهم ال انت عيزني فيه ..ويخليك تنزل يوم الاجازة ,,

دونغهي لعب في شعروا وكان باين عليه التوتر .. كنت عماله ابصلوا وانا مش فاهمه حاجه ايه ال مخليه متوتر كده ولقيتوا بيحط الشنطة ال كانت في إديه تقريبا في وشي خدتها منوا وسألتوا بإستغراب :

إيه الشنطه دي يا أوبا فيها إيه بقى

دونغهي بتوتر :  إفتحيها دي هديتك ال معرفتش أجبهالك امبارح ..

ولما فتحتها و إستغربت من ال فيها كان باين عليها إنها هدوم وفعلا زي ماتوقعت وأنا بطلعها من الكيس كان فستان طويل بلون الجنزاري الجميل ده غير البلورو ( جاكت قصير ) الأسود ال بزرارين من فوق ناحية الرقبة ..

مكنتش مصدقه ال أنا شيفاه ده إستايل الفساتين ال بحبها إنها تكون طويله وعليها جاكت قصير إستغربت من هدية دونغهي و شكرتوا وانا علامات الأستفهام مغطيه وشي :

أوباا كماوا طبعا على هديتك الرقيقه بس أنا مستغربه .. إنت عرفت إزاي إن بحب النوع ده من الفساتين ده غير إنك عرفت كمان إني بحب ألبس معاها جاكت قصير برغم إني عمري يا  أوبا ما لبست في الشغل غير اللبس العملي ..

دونغهي وهو مبتسم و هو محرج وبيلعب فشعره : أنا صراحتا معرفتش أجيب إيه بعد أما الأعضاء جبولك حاجات كتيرة للشقتك ولما كنت ماشي شفت الفستان ده لبساه المانكان ( التمثال ) وإتخيلتك فيه وقلت أكيد هيبقى حلو عليكي أووي و طلبت من الموظفه في المحل تجبلي جاكت قصير عليه لإني عارف إنك مش بتحبي تلبسي حاجات مكشوفه .. أنا منكرش إني سألت ريهام أختك من غير ما تخدي بالك وخدت رأيها لو جبتلك فستان ممكن يعجبك و هي سعتها قلتلي إنك بتحبي الفساتين الطويله و أنا بمعرفتي ليكي قلت أكيد لو لبستي فستان هتلبسي عليه جاكت ,, بس يا ستي هو ده كل ال حصل ..

مكنتش مصدقه إل بسمعوا من دونغهي إن سأل ريهام و إن كمان كان واخد بالوا مني و من طريقة لبسي كنت حاسة إني طايرة و سعيده بهدية دونغهي بس حاولت أبين إحساس العادي لما حد من أصحابك المقربين يجبلك هديه كنت عمله زي الصبيان وان بشكره خبطته على كتفه :

كماوا يا صديقي العزيز .. الفستان جميل اووي هو صحيح هيتقص منوا  يجي عشرة سنتي بما إني من الأقزام ... بس بجد عجبيني جدا ..

ردت فعلي لدونغهي مكنتش غريبة لأن ده تعاملي معاه على طوول لو جبلي مايه او عزمني على اي حاجه بحبها بخبطوا على كتفه كانوا واحد صحبوا يعني بتعامل معاه بعفويه ..

أنا صح بنوته و فيه رقه زي أي بنت و دلع بس كل ده مكنتش بتعامل بيه غير مع توكي و هتشولي و ميني وحتى ريووكي لأن كنت فعلا بحس إني أختهم الصغيرة بسبب إهتمامهم ودلعهم ليه فعشان كده الجانب البناتي كان بيبقى معاهم  والثلاثي المرح و أضافة ليهم كيونا حبيبي الشرير كانوا عارفين كده كويس لان كنت دايما بتعامل معاهم زي أي صحاب هزار و رخامه وال إنتوا عرفينوا ده كله بس برغم كل ده أنا منكرش أن كان في  نوع مختلف من الاهتمام متبادل بينا بيختلف عن النوع ال بشكاركه مع توكي و ميني وهيتشولي و وويكي  ..

حسيت للحظات إن الجانب التاني ال بحكلكوا عليه هيطلع مني بسبب سعادتي بهدية دونغهي وال كانت مميزة بنسبالي اووي  ,, بس الحمد لله تداركت الأمر بسرعه ..

دونغهي كان مبسوت جدا من ردت فعلي العفويه و إن الهدية عجبتني جدا نكشلي شعري و راح رجع خطوتين لورا وبإبتسامة :

أنا مبسوط يا ريمو إنها عجبتك .. وراح لافف واداني ظهروا و رفع ايدوا بمعني سلام أشوفك بكره في الشغل ..

فضلت متنحه شويه وانا شايفه دونغهي ماشي .. مكنتش عارفه ليه إبتسامتوا قسرتني ده غير قلبي ال كان هيطلع من مكانوا من كتر ما كان بيدق حطيت إيدي على شعري مكان ما دونغهي نكشهولي وفضلت كده للحظات ..

ولما خدت بالي من ال بعملوا  رحت نكشاه تاني بجنان و طلعت جري على الشقه ,, ولما دخلت الشقه ,, روحت على أوضتي ورميت هدية دونغهي في الدولاب من تحت وقفلت الدولاب بسرعه  ..

رميت نفسي على السرير وانا حطه ايدي على قلبي وبديت أكلم نفسي زي المجنونه :

انا ايه ال بيحصلي .. انا هتجنن أنا مش فاهمه حاجه ... روحت قومت قعدت وانا رجلي كل واحد في حته وشعري منكوش زي المجانين معقوله أكون معجبة بيه ... لا لا انا اكيد إتجننت دونغهي بنسبالي أخ وصديق  .. يمكن عشان كده مبسوته بهديتوا .. بس ما الأعضاء  هما كمان هدياهم كانت جميلة بس ليه هو بزات أنا فرحانه بهديتوا اووي كده .. روحت صرخت من الهم  عااااا  مش معقوله هو ده ال بيقولوا عليه  الحــــــ ......

لا لا الجنان ال أنا في ده مش طبيعي أنا هقوم أعمل الغدا للبنات قبل أما يجوا ..

أما دونغهي لما سبني كان ماشي مبسووت أووي إن الهدية عجبتني برغم إن ردت فعلي مش دي ردت فعل البنات المفروض ال بتحصل  لما يجلهم هديه من شاب وسيم زي دونغهي بس برغم كل ده دونغهي كان في قمة السعاده ,,

لحد أما وصل الشقه دخل كان الأعضاء كلهم في الشقه حتى شيوون  قاعدين بيتفرجوا على التلفزيون  واكياس الحلويات والشيبسي ماليه الأرض و الترابيزة .. لكن دونغهي ردت فعله لما شفهم كانت مفجأه للأعضاء لما كان بيقرب من كل واحد فيهم ويبوسه ده غير كلمه بحبك ال إتقالت لكل واحد فيهم ..

وساب الأعضاء وال تقريبا عنيهم كانت خرجت بره من جنان دونغهي ودخل أوضتوا وسابهم في حيرة ما بعدها حيرة :

ليتووك وهو بيضحك على دونغهي وبإستغراب : هو الواد ده إتجنن ولا ايه ,, يا ترى ايه ال مخليه مبسووت اووي كده لدرجة إن يعبرلنا عن كل الحب ده ..

هيووكي وهو بيضحك : أنا هقوم أسألوا ايه ال حصل معاه .

. بس هيوكي لما قام الأعضاء كلهم راحوا وراه ..

ولما دخلوا على دونغهي لقوه نايم زي العيال وهما حاضنين المخده ده غير الإبتسامه الصافيه ال مرسومه على وشوا .. الأعضاء لما شافوه كده فضلوا إنهم يسبوه نايم و وميطلعهوش من مود السعادة ال هو فيه .. لإن أكيد هيعرفوا ال حاصل معاه قريب أووي بما إن دونغهي من الشخصيات الحساسة ال بتحكي على جواها على طول ..

أما البنات كانوا خلصوا جامعتهم و اتفقوا إنهم يرجعوا البيت مع بعض ولما رجعوا  دخلوا اوضهم عشان يغيروا  وانا كنت في المطبخ بحضر السلطه وسرحانه بفكر لدرجة إن محستش بيهم لما وصلوا ,,

لكن سارة لما جت من بره  دخلت عليه المطبخ على طوول ,, كنت ماسكه السكينه بقطع في الخضار بس سارة اتغابت وراحت خضاني لما إتأكدت إني مش حسه بيها وهوب السكينه تروح خدشه صوابعي بالغلط ...

اااااه اممم بيوجع .. ايه يا سارة حركات العيال دي ااااه حرام عليكي

ريهام ودينا جم على صوتي وانا بصرخ وبتألم من ال حصل

دينا بخضة : في ايه يا بنتي بتصرخي ليه

بتلقائية مني رفعت ايدي ال مليانه دم من خدشت السكينه تقريبا لصوابعي كلها عشان اوريها للبنات و تكون جومانا لسه داخله المطبخ واول اما تشوفني وانا إيدي كلها دم أعصابها تتوتر وكلمة دم ال سمعتها أكتر من مره منها خلتها خدت بعضها وجرية على اوضتها وقفلت الباب ..

أنا لما شفتها كده غسلت ايدي بسرعه من الدم وحطيت بلاستر (لاصقه جروح ) مكان ما إتعورت و بصيت لسارة بعصبية :

عجبك كده لو جومانا تعبت تاني يا سارة بجد مش هسمحك ..

وجريت على أوضتنا حاولت افتحها كانت قفله الباب بالمفتاح قعدت أخبط و انا بناديها :

جومانا حبيبتي إفتحي الباب أنا كويسه متخفيش عليه .. جومانا عشان خاطري إفتحي الباب أرجوكي متقلقنيش عليكي تاني  ..

كنت سامعه أنين عياطها من ورا الباب خبطت كتير بس مردتش تفتح إستسلمت و سبتها وقلت أما أكيد لما تهدى هتفتح الباب ..

سبتها ورجعت قعدت مع البنات ال كانوا قعدوا في الصالة بعد إل حصل..ولما شافوني بخيبة أمل ..

دينا بخوف : ها يا ريم عملتي ايه متقوليش إنها مردتش تفتح بردوا

بأسف وحزن رديت عليها : اه يا دينا مردتش تفتح,, أنا خايفه يحصلها حاجه تاني الواحد مصدق إنها بقت كويسه ..  

 سارة بتوتر و إحساس بذنب : أنا آسفه يا بنات مكنش قصدي إن كل ده يحصل معرفش أنا هبطل غبائي ده آمتى ..

ريهام بحزن و بجديه : مفيش داعي تعتذري يا سارة إنتي ملكيش ذنب في حاجه .. ابتسامه حزن  القدر ال خلاكي سبب إن جومانا تشوف ريم وهي متعورة .. يلا الحمد لله إنها جت على قد كده ..

حسيت بذنب إن قولت لسارة إن لو حصل حاجه لجومانا مش هسامحها برغم إن عارفه إن سارة مكنش قصدها غير إنها تهزر معايا والموضوع إتقلب جد لما جومانا دخلت وشفتني بالحالة دي ..

أنا اسفه يا سارة إني إتعصبت عليكي وحملتك حاجه ملكيش ذنب فيها برغم إني عارفه إنك قاصده بس إنك تهزري والموضوع اتقلب جد معلش يا سارة اعذريني ..

سارة بإسف : لا يا ريم مفيش داعي تعتذري أنا المفروض كنت أخلي بالي من تصرفاتي و إني أختار الوقت الصح للهزار .. و مكنش المفروض أصلا اهزر معاكي وانا شايفه السكينة في ايدك ..

ريهام قامت : يلا يلا قوموا خلينا ناكل .. متقلقوش جومانا شخصيتها قويه وهتبقى كويسه لما تريح شويه ..

فعلا قعدنا أنا والبنات نتغدى .. كان نفسي أحاول تاني اخبط عليها و أخليها تيجي تتغدى معانا بس فضلت إني أسبها ترتاح ..

ولما خلصنا غداء البنات كانوا تعبانين فكل واحده فيهم فضلت إنها تروح تنام و ترتاح من يوم متعب في أول يوم دراسه في الجامعه ..

اما أنا بما إني معرفتش أدخل أوضتي لان جومانا قفلاها قلت خليني أريح أنا كمان على الكنبه وأنام شويه ..

جومانا بعد اما نمنا انا والبنات بساعتين كانت هي فاقت وطلعت لقتني نايمه على الكنبه وفي سابع نومه قربت مني و حسيت بيها وهي بتلمس إيديه ال إتعورت فيها .. فتحت عنيه بتعب ولما شفتها قمت بسرعه و شاورتلها عشان تقعد جمبي ..

بعنيها المدمعين و وال منفخوين من كتر العياط : ريم أنتي كويسه إيديكي وجعاكي ..

متستغربوش من حركات جومانا انها بتلمس ايدي زي العيال الصغيرة و بتسألني إذا في حاجه وجعاني  .. جومانا ودينا و سارة كل واحده فيهم كانت وحيده ابوها وامها عشان كده انا كنت بنسبلهم الأخت الكبيرة الوحيده ليهم ال بيخافوا عليها و يحترموها برغم إننا في سن بعض تقريبا بس انا كنت الكبيرة ال بتشيل همهم و بتطبطب عليهم لما يحصلهم حاجه .. حتى هما بنسبالي زي ريهام بزبط اصحابي واخواتي ال بعتمد عليهم و وبرمي همومي وتعبي كله عليهم بدون ما اخاف .. لإني كنت متأكده إنهم هيقفوا ورايا لو حصلي حاجه وعمرهم  ما هيسبوني ..

مسحت دموعها ال خنتها ونزلت على وشها وابتسمتلها بعنين مدمعه  : متخافيش يا جومانا انا كويسه  مفيش حاجه وجعاني ..المهم إنتي كويسه يا حبيبتي ..

عنيها بدأت تنزل الدموع تلقائيا وهي بصالي بحزن مقدرتش غير إني أخدها في حضني واحسسها بالأمان .. ودموعي أنا كمان ال مقدرتش أمنعها و أنا شيفاها بالحاله دي ..

خلاص يا جومانا عشان خاطري بطلي عياط انا عارفه إنك مش قادرة تنسي ال حصل معاكي .. بس مش معقوله هتفضلي تفتكري الموضوع ده كل اما تشوفي دم ..

جومانا بصوت مخنوق من كتر العياط : مش قادرة انسى ياريم .. مش قادرة  أنسى ..

قومتها من حضني ومسحت دموعها : ممكن تبطلي عياط بقى و  متوجعيش قلبي عليك 

 .. انا هقوم أجبلك تاكلي ولو بتحبي ريم وبتعتبرياها زي أختك الكبيرة زي ما بتقوليلي على طوول تبطلي عياط وتوريني ضحكتك الجميلة ..

جومانا مسحت دموعها وابتسمتلي عشان تثبتلي إني فعلا في المكانه دي بنسبلها ..

قومت وسبتها و دخلت المطبخ وأنا بحطلها الأكل كنت كاتمه صوت عياطي بالعافيه 

عليها ,, كنت كل أما أفتكر إن الموضوع ال حصلها من سنتين قدرت إنها تنساه بطلع غلطانه لما بشوفها منهارة من العياط لما تشوف حد متعور او بالأخص لما بتشوف الدم  .. تداركت مشاعري ورحت غسله وشي وخدت الصنيه و طلعتلها ...

بإبتسامه  : الأكل ال في الأطباق كله يخلص سمعاني ..

جومانا بدأت تاكل وانا عارفه إنها بتاكل غصبن عنها عشان متزعلنيش بس المهم بنسبالي إنها تاكل غصب وتبقى صحتها كويسه على إنها متاكلش خالص بسبب نفسيتها التعبانه و تتعب وتدخل المستشفى تاني ...

لأخر اليوم حاولنا أنا والبنات نتعامل عادي جدا مع جومانا و نضحك ونتكلم زي أي يوم عادي مع بعض.. وعلى إنتهاء اليوم كل واحده فينا دخلت نامت عشان تستعد ليوم جديد ..

وعلى طلوع الشمس بتعلن بداية يوم جديد صحيت أنا والبنات كالعادة  حضرنا نفسنا و فطرنا مع بعض و جومانا كانت رجعت جومانا ال عرفنها ,, القويه وال ضحكتها مبتفرقش وشها و لما خلصنا نزلنا نقضي مشاغلنا ,, أنا على الشغل و البنات على جامعتهم ..

وصلت الشغل وبما إن بداية الأسبوع الاول من الشهر الجديد كان في حاجات جديدة إنضافت لجدول أعمال الشباب ومن بينهم دراما لدونغهي تصويرها لمده 3 شهور و فيلم لشيوون تصويره في الصين لمدة شهرين ده غير البرامج واللقاءات ..

قلت خليني أروح أبلغهم ولما قربت من أوضة التدريب لقيت دونغهي واقف مع فكتوريا من فرقة FX  برغم إني علاقتي الحمد لله بالفرق التانية بتاعت الشركة كويسه جدا تقدروا تقولوا إن في بينا صداقه  لذيذة ...

بس لما شفتها مكنتش طيقاها وهي عماله تهزر مع دونغهي شويه  و تمسك إيديه شويه ده غير ضحكهم المسمع في الشركه كلها لقيت نفسي وقفت على مسافه بينهم و إحساس غريب إتملكني مش عارفه أوصفهولكوا إزاي بس هو إحساس أول مرة أحس بيه لدرجة إن حسيت جسمي كله سخن و مكنتش طايقه نفسي ولا طيقاها ولا حتى طايقه دونغهي  ..

مفقونيش من ال كنت فيه غير هيتشوول ال كان لسه واصل الشركه وهو بيخبط على كتفي و لما لفيت وشوفتوا إتصنعت الضحكة و إنحنتلوا وسلمت عليه بس هو لاحظ إني فيا حاجه مش مزبوطه

هتشول وقف قدامي و حط ايدوا على كتفي وسألني بقلل : ريم في حاجه حصلت ضيقتك ,, مالك شكلك مش مزبوط ...

تداركت الأحساس ال معرفتش هو ايه أصلاً و روحت لفيت ذراعي على ذراع هيتشول ( انكجتوا  ) وابتسمتلوا تاني : لا يا أوبا مفيش حاجه تلاقيني بس مش مزبوطه عشان مش نايمه كويس .. وخدته ومشينا .. يلا عشان نروح أوضه التدريب واقولكوا على الحاجات الجديدة ال بقت في جدول الشهر ده ..

ولما وصلنا و فكتوريا شافتني أنا وهيتشول جريت على هيتشولي و حضنتوا وسلمت عليه .. ولما جت تسلم عليا صراحتا مكنتش طيقاها

وانا بجز على اسناني وبضحكلها ضحكة صفرا  : اهلا فكتوريا شي بجد وحشتنيني جدا ..

فكتوريا بإبتسامه : وانتي بجد  كمان ريم شي و حشتيني جدا وهي ماشية ابقى خلينا مرة نتقابل في كافيه ونقعد نرغي مع بعضينا شويه ...

رديت عليها بنفس الوش : اه طبعا فكتوريا شي هبقى هشوف أنا فاضيه امتى و هبقى أكلمك ..

مشيت ودونغهي جه عشان يسلم عليه بس أنا سلمت عليه من غير نفس معرفش ليه :

           اهلا اوباا ,, عامل ايه

وسبتوا هو وهيتشول ودخلت أوضة التدريب ,, دونغهي حس إني في حاجه مش طبيعية من سلامي عليه بس مخدش في بالوا و دخل هو وهتشول ورايا على طوول ..

دخلت وانحنيت وسلمت على الاعضاء وبديت أقلهم على الحاجات الجديدة في الجدول :

ليتتوك اوبا انت و إنهيووك أوبا الجديد عليكوا إنكوا هتقدموا الشهر ده برنامج راديوا سكيرا  لمده اسبوعين إحياء لذكرى السنين ال قدمتوا فيها البرنامج  و الهدف من كده إنكم هتسترجعوا مع الفانز الذكريات المميزة بالنسبالكوا من خلال الحلقات بتاعت الأسبوعين  ..

وطبعا كيونا اوبا وريووك أوبا جدولكوا مستمر زي ما أنتوا كل واحد في البرنامج بتاعوا ..

هيتشولي اوبا عندك لقاءات كتيرة الشهر ده  فاستعد ..

اما شيوون فا أنت عارف إن فيلمك هيبتدي تصويرة بعد يومين أنا حجزتلك التذكرة و زبطلك كل حاجه .. بس مش هينفع أسافر معاك فهخلي حد من المساعدين هيروحوا معاك و لو إحتجت حاجه إبقى كلمني على طوول ..

ولما جيت عند دونغهي كنت مش ببصلوا أصلا زي ما مكنت بكلم الأعضاء التانين بإبتسامه  ,, كل ال كنت بعملوا حطه وشي في الورق ال في إيدي وببلغوا بجدولوا ..

اما إنت بقى دونغهي أوبا الدراما بتاعتك الجديده إتبلغت من المخرج إنها هتبدأ تتصور بعد يومين فإستعد لأن عندك أيام هتسافر فيها لمناطق خارج سيوول ,,

هحاول يا جماعه أوفق نفسي بين جدول كل واحد فيكوا ,, و بجدول دوني اوبا بكده أكون بلغتكوا بال الجديد الشهر ده .. وانا ماشية نحيت الباب لو عزتوا حاجه مني أنا في مكتبي يلا هسبكوا تدربوا .. أنيووو

لما طلعت بره الاوضه سندت بظهري على الباب و خدت نفس عميق كأني كنت بغرق جوه  و أنا بحاول إن عنيه متلمحش دونغهي وانا بكلموا ورحت على مكتبي عشان أشوف ورايا إيه ...

أما البنات لما كل وصلوا الجامعه كل واحده راحت كليتها .. ريهام راحت على مكتب البروفسير بتعها عشان عايزة تسألوا على كام حاجه بنسبة لتدريبها ال إبتدى إمبارح ..خبطت والبروفسير سمحلها تدخل ,, و انحنتلوا :

البروفسير بإبتسامه بيشاورلها عشان تقعد قداموا : جيتي في وقتك دكتور ريهام انا لسه كنت هبعتلك عشان تتعرفي على دكتور بارك هو كمان هيبقى متدرب معاكي في المركز الطبي ..

ريهام انحنت لبارك وهي قاعده : تشرفت بحضرتك دكتور بارك ..

بارك انحنلها : وانا سعيد جدا بالتعرف عليكي دكتورة ريهام ,, انا سمعت من البروفسير إنك كنتي في المراتب الأولى في الجامعه  بتاعتك في مصر ..

ريهام بثقه مصحوبه بشويه خجل : اه فعلا الكلام ده صحيح ,, انا دراستي أهم حاجه عندي واجتهادي فيها ده خلاني أستحق إني البروفسير يخترني عشان اتدرب في اكبر مركز لاسنان في كوريا ..

وفضلوا يتكلموا ويتعرفوا على بعض ,, لحد أما جه وقت محاضرة مهمه لريهام إستأذنت منهم  و سبتهم ومشيت ..

اما جومانا و دينا ال كل واحده فيهم راحت على قسم الدراسات العليا الخاص بتخصصهم عشان يحضروا المحاضرات لكن كان في مفجأة مستنيه دينا بعد المحاضرة  من الدكتور ال هيشرف على دراستها العليا ولما المحاضرة إنتهت نداها :

الدكتور : دينا شي ممكن تيجي معايا مكتبي عايز حضرتك في موضوع مهم ..

                               

دينا كانت مستغربه من طلبوا و بقلل : أه طبعا يا دكتور

خدت حاجاتها و طلعت مع الدكتور على المكتب دخلوا وطلب منها إنها تقعد :

دينا بقلل : خير يا دكتور في حاجه بدرت مني في المحاضرة زعلت حضرتك ..

الدكتور بإبتسامه : أنديه دينا شي .. حضرتك مثال الطالبة المجتهدة و الخلوقه بشهادة كل الدكاترة من أول يوم ليكي جيتي في الجامعه ..

دينا إبتسمت و بخجل  : كمساميدا دكتور .. بس ممكن أعرف السبب في إني حضرتك طلبت إني أجي معاك مكتبك ...

الدكتور بإبتسامه وهو بيطلع ملف في ورق : متقلقيش دينا شي السبب ال عايزك عشانوا هيسعدك جدا

دينا عدلت نفسها على الكرسي وانتبهت لدكتور : بجد يا دكتور شوقتني جدا إني أعرف 

السبب ..

أما سارة لما دخلت كليتها كان في إعلان عن مسابقة لعمل تصاميم لملابس أيدول الكي بوب الشباب وإن ال هيفوز في عمل أحسن تصاميم  أكبر  شركات الأزياء الكبيرة في كوريا  هتتبنا موهبته وهتنميها بالشغل معاهم ..

سارة لما شافت الأعلان إتحمست جدا وحست إن عندها المقدرة خلال شهرين زي ما موجود في الإعلان إنها تصمم النوع ده من الأزياء .. قررت إنها تشارك وراحت سجلت إسمها في مكتب العميد وبما إنها بتدرس دراسات عليا فالعميد طمنها إن ممكن تكون فرصتها أكبر في إنها تكسب لأن طلاب الدراسات العليا خبرتهم أكبر من الطلاب ال لسه في بداية دراستهم ..

أما أنا لما رحت المكتب كانت في حاجات كتير ورايا و أثناء ما أنا بشتغل جالي تلفون ولما رديت كان مدير الإنتاج بتاع الدراما بتاعت دونغهي طلب مني أني أجي مع دونغهي خلال تصوير الدراما لتخليص بعض الأوراق ,, ده غير اللقاءات الكتير عشان الإعلان لدراما  وال بيستلزم مني بطبيعة منصبي أني أكون مع دونغهي عشان الإتفاقات ...

خلصت المكالمة مع المنتج ,,  وكنت مضايقه إن هكون مع دونغهي لوحدينا لاني بحاول بقدر المستطاع أبعد عنوا عشان ال أحاسيس ال بتتملكني بس القدر كان اقوى ان أرفضوا عشان شغلي .. وقطع عليه صراعي مع نفسي موبيلي ال رن تاني  كانت دينا :

ايوه يا دودو عامله ايه ؟

دينا وهي منشكحة جدا من السعادة : أنا كويسه و فرحانه و سعيده اوووي ياريم ..

كنت مبسوته من فرحة دينا ال حستها من صوتها : اللله اللله كل ده خير فرحيني معاكي ..

وحكتلي ال حصل إن الدكتور بتاعها ليه صديق مقرب ليه جدا وهو من كبار المحامين في كوريا وطلب منوا إن يرشحلوا كام طالب من عنده  شايف من وجهة نظرة كا دكتور ليهم إنهم يستحقوا التدريب والشغل معاه  و دينا كانت من الطلاب ال رشحهم الدكتور بسبب تفوقها في مراحل الدراسية الجامعيه  وال خلاها تستحق بجدارة إنها تترشح للتدريب معاه .

كنت مبسوطه جدا لدودوو : مبروووك يا دودو بجد أنا فرحنالك أووي و بالمناسبة دي أنا عزماكي إنتي والبنات على الغدا بره وبعد الغدا أخدكم افسحكم في المكان ال تحبوه .. بلغي البنات وهعدي عليكوا اخدكوا بعد الشغل .. تمام .. سلام ..

قفلت مع دينا وانا سعيده جدا ,, لإن هي وريهام قدروا يحطوا رجليهم على أول سلمه لتحقيق النجاح و إتمنيت إن جومانا وسارة هما كمان يقدروا يحققوا كل ال يتمنوه ..

من فرحتي نسيت ال كان شاغل دماغي قبل مكالمة دينا و إتشغلت في تخليص الشغل ال عليا لحد ما وقت الدوام خلص وخدت بعضي ورحت على الجامعه خدت البنات وطلعنا إتغدينا وبعد الغدا طلبوا إنهم يروحوا الملاهي وانا مردتش أزعلهم برغم إني مبحبهاش بسبب الألعاب ال فيها مرتفعات وده لإني عندي فوبيا من أماكن العالية .. روحنا و دنتهم يلعبوا زي العيال الصغيرة لحد أما الجو ليل علينا .. وبعد اليوم المتعب ده خدتهم وروحنا .. ولما وصلنا الشقه كل واحده فينا دخلت أوضتها و نمنا لحد تاني يوم من التعب ..

وعدى اليومين بسرعه كانوا بنفس الروتين بتاع كل يوم .. وبقينا في اليوم الموعود يوم سفر شيوون الصين و أنا ودونغهي على موكبو عشان تصوير مشاهد هناك لمدة خمسة أيام ..

صحيت كالعادة بس المرادي كنت محضرة شنطه هاندباج حطه فيها كام طقم عشان لو إضطريت  و أنا هناك إن أبات مع كاست المسلسل لو ظروف طرأت على التصوير زي إن الجو يتقلب  ويخلي إن صعب أرجع سيوول بما إن المنطقه بعيده عن سيوول مسافه 3 ساعات ..

كانوا البنات قاموا هما كمان إستعدادا للجامعه و تدريباتهم .. خرجت وانا شايلة الشنطه لقيت البنات في المطبح بيحضروا الفطار ..

بعد أما حطيت الشنطة ناحية باب الشقه : صباخ الخير يا بنات .

جومانا وهي بتحضر كوبايات النسكافيه : صباح النور ياريم

ريهام بإستغراب وهي بتاخد الاطباق من دينا تحطها على الترابيزة : ايه ياريم إنتي مسافرة ولا ايه ..

شديت كرسي و قعدت : حاجه زي كده أنا إنهارده هروح منطقه إسمها موكبو وهي بعيده عن سيوول و زي ما إنتي عارفه الجو اليومين دول بقى ساقع و المنطقه دي معروف عنها بتقلب الجو فقلت أعمل حسابي بلبس زياده عشان لو معرفتش أرجع سيوول وعمتا اعملوا حسابكوا ان ممكن معرفش ارجع كل يوم خلال الخمس ايام دوول ..

البنات حطوا الأطباق و بدينا ناكل .. دينا وهي بتعملها توسته بالجبنه : ماشي يا ستي متشليش هم بس انتي متنسيش تلبسي حاجة تقيلة ياريم أحسن إنتي مناعتك ضعيف وو ممكن تخدي دور برد (زكام ) ..

وانا بشرب النسكافيه : متخافيش يا دودوو انا عامله حسابي هلبس جاكت طويل وانا نازله .. ده غير اني معايا لبس تقيل ..

بصيت في الساعه لقيت نفسي أتأخرت لاني كنت لسه هروح الشركه أجيب أوراق مهمة و بعدين هطلع على موكبو ..

يلا يا بنات أنا ماشية عشان اتأخرت لو عزتوا حاجه ابقوا كلموني  .. خدت الشنطه و مفاتيح عربيتي .. وخرجت و ركبت العربيه إنطلاقا للشركة ..

وصلت الشركه وطلعت مكتبي خدت الورق .. ونزلت ركبت عربيتي تاني إنطلاقا لموكبو وانا في العربيه كلمت شيوون أطمن وصل المطار ولا لسه بما إن طيارتوا فضلها نص ساعه  ..

أنا : نامسيووا صباح الخير يا اوبا .

شيوون :  صباح الفل يا ريمو عامله ايه .

أنا :  أنا كويسه الحمد لله  يا اوبا إنتى عامل ايه

شيوون : انا تمام  الحمد لله .. إيه الصوت ده إنتي بتسوقي ولا ايه  

أنا : اه يا اوبا رايحه موكبو نسيت أقولكوا إني هسافر عشان درما دونغهي  

شيوون: معنى كده إن دونغهي ميعرفش لأنوا لما كان بيسلم عليه كان حزين إن هيبقى لوحدوا الخمسة ايام دول  من غير محد من قريبن ليه يكون معاه كويس إنك روحتي ..

إتوترت جدا من كلام شيوون  صحيح أنا رايحه عشان الشغل بس كنت خايفة وبديت أفكر تاني في الأحاسيس ال بقت تتملكني تجاه دونغهي وال مكنتش عارفه أفسرها تحت أي منظور ,, منظور الصداقة ولا منظور الحب  ,, هو ده ال كنت خايفه تأكدهولي مشاعري  من وجدنا لوحدينا لأول مره بدون الأعضاء ..

فوقت على صووت شيوون ال سرحت في أفكاري و سبتوا على التليفون

شيوون : ريم .. ريم روحتي فين يا بنتي ..

أنا : معلش يا أوبا مكنتش سمعاك شكل شبكة الموبيل فيها حاجه ..

شيوون : ولا يهمك عمتا خلي بالك من نفسك و سوقي على مهلك أنا متضطر أقفل معاكي عشان بدأوا ينادوا على الرحلة بتاعتي ...

أنا : أراسووا يا اوبا خلي بالك من نفسك وبجد هتوحشني أووي و صدقني  لو عرفت أهرب من الأعضاء هجيلك على طوول .. وصحيح متنساش تجبلي توقيع جاكي شان زي ما وعدتني ..

شيوون : وانتي كمان هتوحشيني ..و ماشي يا بكاشه مش هنسى ..خلاص لو عرفتي تهربي أهربي وانا هخليكي تقبلي جاكي شان بذات نفسوا ..

أنا بضحك على أخري : بجد يا اوبا لا أنا كده شكلي هبيع الأعضاء و هاجي أسافر معاك ...

شيووون : ههه  اه يا نادلة هتبعيهم على طوول كده .. طب يا ريمو أنا داخل نحية البوابة  والشبكه هتفصل .. يلا أشوف وشك بخير .. خلي بالك من نفسك .. أنيووو

أنا : حاضر يا أوبا ترجع بسلامه ..أنيووو

بعد أما خلصت تلفون كان بدأت ملامح المدينه تظهر وبعد فترة قصيرة ..ظهرت قدامي يفطة ترحيبية بدخولي موكبو .. استخدمت GPS  عشان اوصل مكان التصوير بما إنها أول مرة ليه أزور المدينة دي .. ولما وصلت عرفت إن ده المكان الصح بالمعدات الكتير ال كانت ماليه المكان ركنت عربيتي ..و نزلت من العربية ولقيت خيم في كل حتى بما إن المكان قريب من الغابات والبيوت ال كان موجود كانت عبارة عن ديكور خاص بالدراما ..

سألت حد من الكاست عن الخيمه ال فيها دونغهي ,,  فشاورلي عليها و لما قربت منها ودخلت كان دونغهي نايم على الارض في ركن اليمين للخيمه في البدايه كنت فكراه نايم بس لما بديت اقرب منوا واخد بالي من شكله  إتخضيت لما لقيت هدوموا ملاينه دم ده غير الجروح ال مالية وشوا .. وقفت و معرفتش غير إني أنزل على الأرض جمبوا  و أصوت بأعلى صوت   .............

كفيه كده استنوني البارت الجاي بإحداث اكتر تشويقا إن شاء الله ..

تتوقعوا ايه ال حصل لدونغهي ...؟!

مستنية رأيكوا في البارت لاني  أنا منزلاها وانا مش راضيه عليه أتمنى ينال أستحسانكم .. زي البارتات ال فاتت ..